မွေးမိခင် သို့  ကန်တော့ခန်း။

ကျေးဇူးပါ မေမေ။
ကိုးလလွယ် ဆယ်လဖွား
ပူလောင်စပ်ခါးရှောင်၊
ဝမ်းကြာတိုက်မှာဆောင်ယူ၊
ကျွန်တော့ကို လူဖြစ်စေခဲ့တာ။

ကျေးဇူးပါ မေမေ။
ငယ်ငယ်က သားလူဆိုး၊
အမေ့ရင်ကိုတိုးတိုး၊
နွဲ့ ဆိုးဆိုးတဲ့ ကျွန်တော့ကို၊
တိုက်ခဲ့တာ..အမေ့ ရင်နို့ ချို။

ကျေးဇူးပါ မေမေ။
များမြောင်တဲ့ဝေယျာဝစ္စ..အိမ်တောင်ကိစ္စ၊
မငြီးတမ်းထမ်းရွက်၊
ကျွန်တော့တို့ အားလုံးအတွက်၊
လိမ်မာယဉ်ကျေး.လူပီသရေး။

ကျေးဇူးပါ မေမေ။
ယုံကြည်ရာ၊ ကျွန်တော့လမ်း၊
ပင်ပန်းကြမ်းတမ်းစွာ၊ ကျော်ဖြတ်သန်း
ထောင်အပြင်တန်းမကြောက်တဲ့သား၊
အမေ နားလည်စွာ၊ အားပေးခဲ့တာ။

ကျေးဇူးမဟာ မိခင်။
သားငိုနေစဉ်..အမေရင်၌ထွေး၊
သားဝမ်းနည်းစဉ်..အမေကအားပေး၊
သားဆာလောင်စဉ်..အစာကြွေး၊
ဒုက္ခ ဆင်းရဲထဲကသား၊ နာကျင်မှုဖျောက်စေအား၊
မိဘ၀တ်ငါးဖြာ ဖူလုံသော်ငြား.
သားပြန်မဆပ်နိုင်ခဲ့တဲ့ သားသမီးဝတ်၊
အမေက ခွင့်လွှတ်။
အကြင်နာတဲ့ မေမေ။
ဂရုဏာနဲ့ မေမေ။
မေတ္တာ နဲ့ မေမေ။
အာဇာနည်သားကောင်းမိခင် မေမေ။
နောက်ဆုံးအနေ၊ ဦးချကန်တော့ပါရစေ။

အမေနာမကျန်း၊ သားက ငရဲခန်းထဲနေ။
မပြောကြလည်းလေ၊ အမေ သိနေပေမဲ့.။
မမေးရက် မကြားနိုင်။ ပူပင်ရနှလုံးစိုင်
သားလေး လွတ်မြောက်နိုင်ရေး၊
အမေ ဆုတောင်းပေး၊
မေမေ့အသက်ထက်စာ၊
သားက်ိုသာ ဂရုထားခဲ့။
မေမေ့ မေတ္တာနဲ့ ရေး၊
သားလေးဘ၀ရဲ့ စာတမျက်နှာ။
အမေ့ရဲ့ ခိုင်ကြည်စိတ်ဓါတ်။
သားဖက်ကရပ်ခဲ့တာ။

နောက်ဆုံးထွက်သက်မှာ မေမေ့နား
သား ပရိတ်မရွတ်အားနိုင်ခဲ့တာ.
ကြည်ဖြူစွာ မေမေခွင့်လွှတ်။
သားကိုအပြစ်လွတ်စေခဲ့တယ်။

ချစ်သောမေမေ။
မေမေ့ သားလေ။
မေမေလို ပူဆွေးမှုမျိုး။
တမျိုးသားလုံးလွတ်ကင်းစေဖို့ 
သားတကွဲ၊ မယားတကွဲ၊
ငိုကြွေးသံတွေ ကင်းပစေဖို့ ။
ဆက်လက် တိုက်ပွဲဝင်..
ရှေ့ ဆက်တော်လှန်ရန် အသင့်
မေမေ့ ရဲ့ မေတ္တာစစ်တို့ ကြောင့်
သားမောင်ရဲရင့် ..အောင်လံဝင့်စေရမည်။

ရောက်ရာဘုံဘ၀..မေမေမြင်၊ သာဓုသာခေါ်။
မေမေရဲ့ သား.ကျွန်တော်..ဇာနည်မော်။

မသဒ္ဓါ (၁၂။၁။၂၀၀၇)
မောင်လေးကိုဌေးကြွယ် အတွက်။ မောင်လေးရဲ့ မေမေရဲ့အနစ်ခံမှုအတွက် ဂုဏ်ပြုလျက်ပါ။ ကောင်းရာ သုဂတိလားရာအမှန်ပါ။ စိတ်မကောင်းမဖြစ်ပါနှင့်။ မမတို့ အားလုံးမောင်လေးနှင့်အတူ ရှိနေကြပါသည်။

စိမ်ခေါ်တယ်၊ မီဒီယာတိုက်ပွဲ။ ဒို့ တတွေ၊ သွေးမကြဲ။

ကျွဲခြေရာ ရေအိုင်ငယ်ကဖား
ဒီနေရာကဘဲ သူ့ ပင်လယ်၊
ဘေးဘီ အပြင်မထွက်ကြည်၊့
သမုဒ် ပြင်ကျယ်တာ..ဘယ်မသိ။

ကောက်ရိုးပုံပေါ်က ခွေးတကောင်၊
မာန်ဖီ ဟိန်းဟောက် အမြီးတထောင်ထောင်။
သူမစားရတဲ့ ကောက်ရိုးတွေစောင့်
နွားပြာတို့ ဝမ်းစာဝရေး
တောင်ပြေးမြောက်ပြေး၊ ဟောင်တဲ့ ခွေး။

ကောက်ကျစ်တဲ့ မြေခွေး..
တပါးသူ ပြည့်စုံလှပ၊ ကြည့်မရ၀န်တို၊
ကဲ့ရဲ့ဆို..မလိုပါ၊ သူဖြီး။
မရှိတာက သူ့ အမြီး။

ချဉ်လိုက်တဲ့ စပျစ်သီး။
ခူးမမှီ လို့ သူ ညည်း၊
အရှက်မဲ့ ဟန်ဆောင်သူဆိုး၊
စစ်ရဲဘက်သား မြေခွေးမျိုး။

မီဒီယာကို မီဒီယာနဲ့ တိုက်
စိန်ခေါ်ရင် လိုက်ရဲတာဘဲ။
အလင်းရောင်ထဲ ကလူ
အမှောင်လူကို ဘယ်မကြောက်၊
ချောက်တိုင်း ကြောက်ရရောလား။
ဟား၊ ဟား၊ ဟား၊
ဒို့ တတွေဟာ
အမှန်တရားရဲ့ ဘက်တော်သား။
အလံထူထားတဲ့ ခွပ်ဒေါင်းတွေ၊

အမှန်ဆိုတာ ဖုံးမရ၊ ဖိမရ
နအဖ ဖုံးသမျှ.ကုန်းတော့မှပေါ်၊
မင်းသားခေါင်းဆောင်းဘီလူး၊
ပြုံးပြတော့မှ.အစွယ်ပြူးပြူး။

မင်းနိုင်နေတုန်း တခဏ၊
မာန်ကြွနေရစ်ဦး။
လက်မထောင်ပျော်ထားဦး။
အကုသိုလ် အကျိုးပေးမှ
လာဝန်ချမနေနဲ့ ၊
ဘယ်သူမှ ထိပ်ဆုံးမှာအမြဲမနေ
တနေ့ နေ့ ကျကြွေ။

သင်ပုန်းချေလို့ ၊ ရစကောင်းလား။
သေကြေခဲ့၊ အသက်များစွာ၊
မျက်လုံးတစ်လုံးချင်း.ဆို တစ်လုံး၊
သွားတစ်ချောင်း ချင်းဆို တစ်ချောင်း၊
အကြွေးဟောင်း ပြန်ယူမယ်။
တင်ခဲ့သမျှ ရာဇ၀င်ကြွေး၊
သွေးနဲ့ မဆေးသမျှ၊ ဘယ်မအေး။

ဟိုဘက်ကပ်.ဒီဘက်ကပ်
ခြံစည်းရိုး ပေါ်ရပ်၊
ပေါ်လာလိုက်၊ ပျောက်သွားလိုက်၊
ဝင်လာလိုက်။ ထွက်သွားလိုက်၊
ဇော်မျိုးဖြစ်လိုက်။ ရဲထွန်းဖြစ်လိုက်။
နေ၀င်းဖြစ်လိုက်၊ စွေစောင်းဖြစ်လိုက်၊
အားလုံးဟာ၊ သာကီနွားများ နောက်လိုက်၊
ဒို့ နိုင်မှ .ဒို့ ဘက်လာဦးမတိုက်နဲ့ ။

မင်းတို့ ဟာ
ဦးဏှောက်ကင်းပလာ၊..
အစာအတွက်စာရေးသူများ။

ဒို့ များဟာ၊
ယုံကြည်ချက်အတွက်၊
မရှိမဲ့ ရှိမဲ့ အချိန်ပေးသူများ။

သဘောတရား ကွာခြား။
အရည်အချင်းရော တူလို့ လား။
စဉ်းစားကြည့်.. ဒီ မီဒီယာတိုက်ပွဲ
ဘယ်သူလည်း နိူင်မဲ့လူ။

မသဒ္ဓါ (၁၁။၂၆။၂၀၀၇)

ကျွန်တော် မသဒ္ဓါ၏ ခွင့်ပြုချက်ဖြင့် ကဗျာများအား ကျွန်တော့ဘလော့ဂ်တွင် ဖော်ပြပေးသွားပါမည်။ ယူသုံးခွင့်ပေးသော မသဒ္ဓါအား အထူးကျေးဇူး တင်ရှိပါသည်။