မှတ်ပုံတင်ခွင့်ရသည်ပါတီများ ပါတီဆိုင်းဘုတ် ထောင်နိုင်ရန် ပြင်ဆင်

ပြည်ထောင်စု ရွေးကောက်ပွဲ ကော်မရှင် က ပါတီ မှတ်ပုံ တင်ခွင့် ပြုပြီး ဖြစ်သော ၁၉၉ဝ ရွေးကောက်ပွဲဝင် တည်ဆဲ ပါတီ ငါးခု အပါအဝင် စုစုပေါင်း ပါတီ ၂၉ ပါတီ ရှိပြီ ဖြစ်ရာ ယင်း ပါတီများ သည် ပါတီဆိုင်းဘုတ် ထူထောင်ရန် စတင် လုပ်ဆောင် နေပြီ ဖြစ်ကြောင်း တိုင်း ဒေသကြီးများ အခြေစိုက် ပါတီများ ထံမှ စုံစမ်း သိရှိ ရသည်။ ''ကျွန်တော်တို့ ပါတီက အခု ကျိုက္ကဆံလမ်းကို ပြောင်းသွား ပြီ။ အဲဒါ ဒီနေ့ (ဇွန်လ ၁ ရက်နေ့) ပါတီ ဆိုင်းဘုတ် တင်ဖို့စီစဉ် ထားတာ သတင်းစာ မှာတော့ ပါတီ မှတ်ပုံ တင်ခွင့် ပြုကြောင်း တရားဝင်ကြေညာ ထားပြီး ပါပြီ။ ဒါပေမဲ့ ကျွန်တော်တို့ဆီ တရားဝင် အကြောင်းကြားစာ မရောက် သေးတော့ မြို့နယ် ကော်မရှင် မှာ ဆိုင်းဘုတ် တင်လို့ ရမလား စုံစမ်းတော့ သူတို့ဆီ ညွှန်ကြားချက် မရောက် သေးလို့ မတင်ပါနဲ့ဦး ဆိုလို့ ဒီနေ့တော့ မတင်ဖြစ် ဘူး။ ခွင့်ပြုချက် ရတာနဲ့ တင်မှာပါ'' ဟု ပြည်ထောင်စု ဒီမိုကရေစီ ပါတီ ဥက္ကဌ ဦးဖြိုးမင်းသိန်းက ရှင်းပြသည်။
မှတ်ပုံ တင်ခွင့် ပြုသော ပါတီ များကို ဧပြီလ ၂၈ ရက်နေ့မှ စ၍ နိုင်ငံပိုင် မီဒီယာ များမှ တစ်ဆင့် တရားဝင် ထုတ်ပြန် ကြေညာ ထားပြီး ဖြစ်သည်။ ယင်းသို့ ထုတ်ပြန် ထားသည့်မှတ်ပုံ တင်ခွင့်ရ ပါတီများ စာရင်းတွင် ၁၉၉ဝ ရွေးကောက်ပွဲဝင် တည်ဆဲ ပါတီ ငါးခု ပါဝင်ပြီး ပါတီသစ် ၁၉ ပါတီ တွင် ကိုးပါတီ မှာ တိုင်းရင်းသား ပါတီများ ဖြစ်ကြောင်း တွေ့ရသည်။

''ကျွန်တော်တို့ ပြည်ထောင်စု ရွေးကောက်ပွဲ ကော်မရှင်ကို စုံစမ်း ကြည့်တော့ အကြောင်း ကြားစာ ပို့လိုက်ပြီ။ မြို့နယ် ကော်မရှင်ဆီမှာ စုံစမ်းဖို့ ပြောတယ်။ အကြောင်း ကြားစာ ရောက်မှ ဆိုင်းဘုတ် ထောင်ခွင့် ရမယ်လို့ ပြောတယ်။ အခု ထိတော့ မြို့နယ် ကော်မရှင်ဆီကို စာ မရောက်သေးဘူး'' ဟု ပြည်ထောင်စု ဒီမိုကရေစီ ပါတီ အထွေထွေ အတွင်းရေးမှူး ဦးသိန်းတင်အောင် က ပါတီ ဆိုင်းဘုတ် ထူထောင်ရန် ပြည်ထောင်စု ရွေးကောက်ပွဲ ကော်မရှင် သို့ဆက်သွယ် မေးမြန်း ထားသည်ကို ပြန်လည် ပြောကြား သည်။

ပြည်ထောင်စု ကော်မရှင် က မြို့နယ် ကော်မရှင် ခွဲများ စာရင်းကို ၂ဝ၁ဝ ပြည့်နှစ် မေလ ၆ရက်နေ့က နိုင်ငံပိုင် မီဒီယာများမှ တစ်ဆင့် ထုတ်ပြန် ကြေညာထား ပြီးဖြစ်သည်။ ''ကျွန်မတို့ ပါတီက ဆိုင်းဘုတ်ထောင်ဖို့ လုပ်နေ ပါပြီ။ အခု စာပေ စိစစ် နဲ့မှတ်ပုံတင် ဌာနမှာ မှတ်ပုံတင် လျှောက်ဖို့လုပ်နေတယ်'' ဟု ဒီမိုကရက်တစ် ပါတီ (မြန်မာ) အထွေထွေ အတွင်းရေးမှူးချုပ်ဒေါ်သန်းသန်းနုက ဆိုသည်။၂ဝ၁ဝ ပြည့်နှစ် ဇွန်လ ၂ရက်နေ့ အထိ နိုင်ငံရေး ပါတီပေါင်း ၄၂ ပါတီ တည်ထောင် မှတ်ပုံ တင်ခွင့် လျှောက်ထား ခဲ့ပြီး တည်ထောင်ခွင့် လျှောက်ထားသော ပါတီ သစ် ၃၇ ပါတီ တွင် ၁၉၉ဝ ရွေးကောက် ပွဲဝင် တည်ဆဲ ပါတီ ငါးပါတီ နှင့် ပါတီ သစ်၂၇ ပါတီမှာ ပါတီ မှတ်ပုံ တင်ခွင့် လျှောက်ထား ခဲ့ပြီး ယင်း တို့မှ ၁၉၉ဝ ရွေးကောက်ပွဲဝင် တည်ဆဲ ပါတီ ငါးခု အပါ အဝင် ၂၉ ပါတီ ကို မှတ်ပုံ တင်ခွင့် ပြုခဲ့ပြီး ဖြစ်ကြောင်းပြည်ထောင်စု ရွေးကောက်ပွဲ ကော်မရှင် ၏ ဇွန်လ ၁ ရက်နေ့ အထိ ထုတ်ပြန်ထား ချက်များ အရ သိရသည်။

ချင်းပြည်နယ်တွင် ရွေးကောက်ပွဲ အတွက် စည်းရုံး ရာ၌ လမ်းပန်း ဆက်သွယ် ရေးသည် စိန်ခေါ်မှု တစ်ရပ် ဖြစ်နိုင်

ရန်ကုန်မြို့ အခြေစိုက် ချင်းအမျိုးသား ပါတီ သည် စည်းရုံးခွင့် ရရှိပါက အဆိုပါ ပြည်နယ် အတွင်းရှိ မြို့နယ် ကိုးခု၌ စည်းရုံး ဆောင်ရွက် သွားမည် ဖြစ်ရာ ပြည်နယ်၏ လမ်းပန်း ဆက်သွယ်ရေး နှင့် ဒေသ၏ ပထ၀ီ အနေ အထား များကြောင့် အခက် အခဲ ရှိနိုင်ကြောင်း ပါတီ ဥက္ကဋ္ဌ ဦးဇိုဇမ်က ပြောသည်။ ချင်းပြည်နယ်သည် တောင်တန်း ဒေသ ဖြစ်သည့် အားလျော်စွာ မိုးတွင်း အခါများတွင် လမ်းပန်း ဆက်သွယ်ရေး ခက်ခဲ မှုများ ရှိပြီး ခြေကျင် လျှောက်ကာ ပါတီ လှုပ်ရှားမှု များကို ဆောင်ရွက်မည် ဆိုပါက ခရီး ပေါက်နိုင်ရန် ခဲယဉ်းသည့် အတွက် ယင်း အခက် အခဲသည် ၎င်းတို့ အတွက် အကြီး မားဆုံး စိန်ခေါ်မှု တစ်ရပ်ပင် ဖြစ်ကြောင်း ၎င်းက ဆိုသည်။
"နောင်လာမယ့် မျိုးဆက်တွေ အတွက် မှန်းပြီးတော့ ဖွဲ့ထားတာ ဖြစ်တယ်။ ဦးဆောင်မယ့် သူတွေ ကတော့ လူငယ်တွေ ဖြစ်လာမှာ ဖြစ်တဲ့ အတွက် နိုင်ငံရေးမှာ တက်ကြွပြီး ရင်ခုန်သံချင်း တူတဲ့ နိုင်ငံရေး သမားတွေ စုပြီး လုပ်တာ ဖြစ်ပါတယ်"ဟု ဦးဇိုဇမ်က ပြောသည်။ ဦးဇိုဇမ် သည် ယခင် အစောပိုင်း ကာလများ တွင် ကျောင်းသား နိုင်ငံရေး လှုပ်ရှားမှု များ၌ ပါဝင်ခဲ့ပြီး ယခု အချိန်တွင် ၎င်း၏ အသက်အရွယ် အရ ဆက်လက် လှုပ်ရှားရန် မသင့်တော်သည့် အတွက် ပါတီ နိုင်ငံရေးကို စနစ် တကျ ဖွဲ့စည်းပြီး ပါဝင် ဆောင်ရွက်ခြင်း ဖြစ်ကြောင်း ၎င်းက ပြောသည်။

လွှတ်တော် သုံးရပ် စလုံး၌ ၀င်ရောက် ရန်မှန်း ထားကြောင်း၊ ပြည်နယ် မြို့နယ် အားလုံးတွင် သာမက မြေပြန့် ချင်းလူမျိုး များရှိသည့် မင်းဘူး နှင့် စကု စသည့် မြို့နယ်များ သို့လည်း စည်းရုံး သွားရန် ဆန္ဒ ရှိကြောင်း ဦးဇိုဇမ်က ဆိုသည်။ ဦးဇိုဇမ် သည် ၁၉၈၂ မှ ၁၉၈၃ ခုနှစ် တွင် အနောက် ဂျာမနီမှ ဘွဲ့ရရှိ ခဲ့ကာ စက်မှု သင်တန်းကျောင်းတွင် နည်းပြ ဆရာ အနေဖြင့် ဆောင်ရွက် ခဲ့သည်။ ၁၉၈၆ ခုနှစ်မှ စတင်ခါ ကာတွန်းဆရာ အဖြစ် စာပေလောကသို့ ၀င်ရောက် ခဲ့ကြောင်း မြန်မာတိုင်း(မ်) ဂျာနယ်တွင် ဖော်ပြထားသည်။

နေ၊ လနှင့် နဂါးငွေ့တန်း တိုက်ရိုက် ကျရောက်မှု ဖြစ်စဉ် ဖြစ်ပေါ်မည်

ယခုလ ၂၁ ရက်နေ့တွင် နေ ၊ ကမ္ဘာနှင့် နဂါးငွေ့တန်း ဗဟိုချက်တို့ တိုက်ရိုက် ကျရောက်မှု ဖြစ်စဉ် ဖြစ်ပေါ်မည် ဖြစ်ပြီး အဆိုပါ ဖြစ်စဉ်ကို စွမ်းအားပြည့် နက္ခတ်တာရာ ကြည့် မှန်ပြောင်းဖြင့် ကြည့်ရှုပါက တွေ့မြင်နိုင်မည်ဖြစ်ကြောင်း နက္ခတ်ဗေဒင် ပညာရှင်များ အဖွဲ့မှ ဥက္ကဌ ဦးဇေယျာကိုက ပြောပါသည်။ ၂၀၁၀ ဇွန်လ ၂၁ ရက်နေ့မှာ နေရယ်၊ ကမ္ဘာရယ်၊ နဂါးငွေ့တန်း ဗဟိုချက်ရယ် တစ်တန်းတည်း ကျ ရောက်တဲ့ ဖြစ်စဉ် ဖြစ်ပေါ်မယ်။ အဲဒီ ဖြစ်စဉ် ဖြစ်တဲ့ အချိန်မှာ ကမ္ဘာနဲ့ နေရဲ့ အကွာ အဝေးဟာ မိုင် သန်း ပေါင်း ၉၅ သန်း ခန့် အကွာ အဝေးမှာ ရှိနေ လိမ့်မယ်ဟု ၄င်းက ပြောသည်။ နေ၊ ကမ္ဘာ နှင့် နဂါးငွေ့တန်း တိုက်ရိုက် ကျရောက်မှု ဖြစ်စဉ်မှာ မြန်မာ စံတော်ချိန် ညနေ ၅ နာရီ ၂၇ မိနစ်တွင် ဖြစ်ပေါ်မည် ဖြစ်ပြီး၊ အဆိုပါ ဖြစ်စဉ် ဖြစ်ပေါ် နေသည့် ကာလ အတွင်း နေ့တာ ရှည်သည်ကို ကြုံတွေ့ ခံစား ရနိုင်သည်။
နေ၊ ကမ္ဘာနှင့် နဂါးငွေ့တန်း တိုက်ရိုက် ကျရောက် မှုသည် တစ်နှစ်လျှင် ၂ ကြိမ် ဖြစ်ပေါ်လေ့ ရှိပြီး၊ ယခု ဖြစ်ပေါ်မည့် ဖြစ်စဉ်ကို တွက်ချက်ခြင်းပြီး ၂၀၁၂ ခုနှစ် ဒီဇင်ဘာ ၂၁ တွင် ကမ္ဘာ ပျက်မည် ဆိုသည်မှာ ဟုတ်မှန်ခြင်း မရှိကြောင်း ၄င်းက တွက်ချက် ပြောဆိုသည်။ နေ၊ ကမ္ဘာနဲ့ နဂါးငွေ့တန်းလို့ ခေါ်တဲ့ ဂလက် ဆီဟာ တစ်နှစ်ကို ၂ ကြိမ် တစ်တန်းတည်း ကျတဲ့ ဖြစ်စဉ် ဖြစ်ပေါ် လေ့ရှိတယ်။ ဒီဖြစ်စဉ်ကို တွက်ချက် ခြင်းအားဖြင့် ၂၀၁၂ မှာ ကမ္ဘာ ပျက်မယ်ဆို တာတွေက မဖြစ်နိုင်ဘူး ဆိုတာ တွေ့ရတယ်ဟု ဦးဇေယျာ ကို က ပြောသည်။ ၂၀၁၀ ခုနှစ် ဇွန်လ ၂၁ ရက်နေ့တွင် နှစ်တစ်နှစ် အတွင်း နေ ၊ ကမ္ဘာနှင့် နဂါးငွေ့ တန်း တိုက်ရိုက် ကျရောက်မှု ဖြစ်စဉ် ပထမ ဦးဆုံးအကြိမ် ဖြစ်ပေါ်မည် ဖြစ်ပြီး ဒီဇင်ဘာလ ၂၂ ရက်နေ့ တွင် အဆိုပါ ဖြစ်စဉ် ထပ်မံ ဖြစ်ပေါ်မည် ဖြစ်ကြောင်း True News Journal တွင် ဖော်ပြ ထားသည်။

တရားမ၀င် ဘင်္ဂလားဒေခ်ျ့ လက်ကိုင်ဖုံး ဌားရမ်းသူ နစက ဗိုလ်ကြီးအား ဘူးသီးတောင် ဗျူဟာမှ ခေါ်ယူစစ်ဆေး

ရခိုင်ပြည်နယ် မောင်တောမြို့ နယ်ရှိ သုံးမိုင် နစက ဂိတ်တွင် တာဝန်ကျနေသော နစက ဗိုလ်ကြီး တဦးအား တရားမ၀င် ဘင်္ဂလားဒေခ်ျ့ လက်ကိုင်ဖုန်း တလုံးအား စီးပွားရေး သမား တဦးသို့ ဌားရမ်း မှုဖြင့် ဇွန်လ ၈ ရက်နေ့ က ဘူးသီးတောင် ဗျူဟာမှ ခေါ်ယူ စစ်ဆေးမှုများ ပြုလုပ်ခဲ့ကြောင်း သတင်း ရရှိသည်။

ဖုံးဌားရမ်းသူ ဟာဆင်းသည် အဆိုပါ စစ်ဗိုလ်ထံမှ ဌားရမ်းသော လက်ကိုင် မိုဘိုင်း တယ်လီဖုံးကို ကိုင်ဆောင်ပြီး မောင်တောမှ ဘူးသီးတောင်သို့  သွားစဉ် ကားလမ်းပေါ်တွင် တည်ရှိသော ဗျူဟာစစ်ဆေးရေး ဂိတ်တွင် ဖမ်းဆီးခံခဲ့ရသည်။
ရဲအရာရှိ တဦးက “ ဟာဆင်းကို ဖမ်းဆီးရမိတာ အင်္ဂါနေ့ နေ့ လည် ၁၂နာရီ ခွဲခန့် မှာ ဖြစ်ပါတယ်။ သူ့ကိုယ်ပေါ်ကို ရှာဖွေစစ်ဆေးတဲ့ အခါ ဖုံးကို တွေ့ ရှိတာ ဖြစ်ပါတယ်။ အဲဒီဖုံးကို ဘယ်က ရသလဲ မေးတော့ သူက သုံးမိုင် နစကဂိတ်က ဗိုလ်ကြီးဝင်းဦးဆီက တလ တသိန်းနဲ့ ဌားထားတဲ့ ဖုံးဆိုပီး ပြောတယ်။ ဒါကြောင့် ဘူးသီးတောင် ဗျူဟာက ဗိုလ်ကြီး ၀င်းဦးကို ခေါ်ပီး စစ်ဆေးတယ်။ ညနေပိုင်း မှာတော့ သူ့ကို ပြန်လွှတ်လိုက်တယ်။ ဘာဆက်ဖြစ်မယ်ဆိုတာတော့ မပြောတတ်ဘူး” ဟု ပြောသည်။

သို့သော်လည်း ဖုံးနှင့် အတူ ဖမ်းမိသူ ဟာဆန်းကို ဆက်လက် ဖမ်းဆီးထားကြောင်း သိရသည်။

ဘင်္ဂလာဒေခ်ျ့ မြန်မာ နယ်စပ်တွင် ဘင်္ဂလာဒေခ်ျ့မှ တင်သွင်းလာသော လက်ကိုင်ဖုံးများကို အရပ်သားများ အသုံးပြုခွင့် မရှိဘဲ တွေ့ရှိပါက ဖမ်းဆီး အရေးယူလေ့ရှိသည်။ သို့သော်လည်း လက်ကိုင်ဖုံးများ ဈေးချိုပြီး SIN ဆိင့်ကဒ်မှာလည်း တာကာငွေ ၁၅၀ သာရှိသဖြင့် ပြည်သူများ အနေဖြင့် ဒေသအတွင်း လျို့ဝှက်စွာ အသုံးပြုနေကြသည်။

သို့သော် မောင်တောမြို့ နယ်ရှိ နစက အပါအ၀င် အစိုးရ အရာရှိများမှာ ဘင်္ဂလားဒေခ်ျ့  လက်ကိုင်ဖုံးများကို တရားဝင် ပုံစံဖြင့် ကိုင်တွယ် အသုံးပြုနေပြီး တချို့ နစက အရာရှိများမှာ ဖုံးတလုံးကို တလအတွက် ကျပ်ငွေ တသိန်းစီဖြင့် စီးပွားရေး သမားများကို ဌားရမ်းနေကြောင်း သိရသည်။

မောင်တောမြို့ခံ တဦးကို ဘင်္ဂလာက လာသော လက်ကိုင် မိုဘိုင်းဖုံး အခြေအနေကို မေးကြည့်ရာ သူက “ အရပ်သားတွေ ကိုင်ခွင့်မရှိပါ။ ကိုင်ရင်ဖမ်းပါတယ်။ ဒဏ်တပ် ပါတယ်။ ထောင်ချပါတယ်။ ဒါပေမယ့်လည်း နစက နယ်မြေမှုးတွေဆီက ဌားရမ်းပီး ကိုင်တဲ့သူ ဆိုရင်တော့ ဖမ်းတာ ဆီးတာတွေ မရှိသလို လူမြင်ကွင်းမှာ ပေါ်ပေါ် ထင်ထင် ကိုင်လို့ ရပါတယ်။သူ့ တို့ က နစက နယ်မြေမှူးတွေကို ငွေပေးပြီး ဌားရမ်း ကိုင်ဆောင်တဲ့ အတွက် သူ့ တို့ ကို ဘယ်သူမှ ဖမ်းလို့ မရပါဘူး။ သာမန် အရပ်သားတွေ ကိုင်ရင်တော့ ဖုံးကို ချက်ချင်း သိမ်းပြီး ဒဏ်တပ် ပါတယ်။ ဒဏ်ငွေ မဆောင်နိုင်ရင် ထောင်ချပါတယ်” ဟု ပြောသည်။

အဆိုပါ ဖုံးတလုံး ဌားခမှာ တလ တသိန်းထိ ဈေးရှိပြီး တချို့ စီးပွားရေးသမားများက အဆိုပါ ဘင်္ဂလာဒေခ်ျ့ဖုံးများဖြင့် ဖုံးဆိုင်များဖွင့်ကာ စီးပွားရေး လုပ်စားနေကြသည်ဟု သူက ပြောသည်။

ယခုကဲ့သို့ ဗိုလ်ကြီးဝင်းဦး ဌားရမ်းသော မိုဘိုင်းဖုံးမှာလည်း ပြည်သူများထံမှ သိမ်းဆည်းထားသော မိုဘိုင်းဖုံး ဖြစ်ပြီး ရဲလက်သို့  ဖုံးကို မအပ်ဘဲ အရပ်သား စီးပွားရေး သမားများကို ဌားရမ်းပြီး ကိုယ်ကျိုး အတွက် အသုံးပြုနေခြင်း ဖြစ်ကြောင်း သိရသည်။

ယခုကဲ့သို့  ဘင်္ဂလားဒေခ်ျ့ မိုဘိုင်းဖုံးကို ဒေသအတွင်းက စီးပွားရေးသမားများကို ဌားရမ်းပြီး ကိုယ်ကျိုးစီးပွားရှာနေသူများမှာ ဗိုလ်ကြီးဝင်းဦး တဦးတည်းမဟုတ်ဘဲ မောင်တောမြို့ နယ်ရှိ နစက နယ်မြေတိုင်းတွင် ဖြစ်ကြောင်း သတင်းရရှိသည်။

ဗိုလ်ကြီး ၀င်းဦးမှာ ဗျူဟာမှ ခေါ်စစ်ပြီးနောက် အလုပ်ပြုတ်မည်ကို အထူး စိုးရိမ်နေကြောင်း သိရသည်။

ရခိုင်တိုင်းရင်းသားများ တိုးတက်ရေးပါတီ ရုံးဖွင့်ပွဲနှင့် ဆိုင်းဘုတ်တင်ပွဲကျင်းပ

ရခိုင်တိုင်းရင်းသားများ တိုးတက်ရေးပါတီ ရုံးဖွင့်ပွဲနှင့် ဆိုင်းဘုတ်တင်ပွဲ အခမ်းအနားကို ယနေ့ (ဇွန်လ ၁၁ ရက်) နံနက်က အဆိုပါ ရုံးတည်ရှိရာ စစ်တွေမြို့ လမ်းမတော် (တောင်)ရပ်ကွက် ခေါင်းလောင်း ကျောင်းလမ်းတွင် ဖွင့်လှစ်ခဲ့သည်။

အခမ်းအနားကို တက်ရောက်ခဲ့သူ တဦးက “ ဒီကနေ့ နံနက် စောစော ၈ နာရီမှာ ရုံးဖွင့်ပွဲနဲ့ ဆိုင်းဘုတ် တင်ပွဲကို ပြုလုပ်ပါတယ်။ စစ်တွေက ရပ်မိ ရပ်ဖတွေနဲ့ လူငယ်တွေ စုစုပေါင်း ၇၀ ခန့် တက်ရောက် ခဲ့ပါတယ်။ စီးပွားရေး သမား အတော်များများလည်း ကားတွေနဲ့ လာရောက်ကြပါတယ်” ဟု ပြောသည်။
ရုံးဖွင့်ပွဲနှင့် ပတ်သက်ပြီး အသေးစိတ် သိရှိနိုင်ရန်အတွက် ပါတီခေါင်းဆောင်များအား ဖုံးဖြင့် ဆက်သွယ်ရာ အဆိုပါ ခေါင်းဆောင်များ အလုပ်ရှုပ်နေသဖြင့် အဆက်အသွယ် မရရှိခဲ့ပါ။

ရခိုင်တိုင်းရင်းသားများ တိုးတက်ရေးပါတီ ( Rakhine Nationalities Development Party) မှာ ဇွန်လ ၁ ရက်နေ့တွင် နိုင်ငံရေး ပါတီများ မှတ်ပုံတင်ခြင်း ဥပဒေပုဒ်မ ၉ နှင့် အညီ နိုင်ငံရေး ပါတီ အဖြစ် မှတ်ပုံတင်ခွင့် ရရှိခဲ့သော ပါတီ ဖြစ်သည်။

ပါတီ ဥက္ကဌမှာ ဒေါက်တာအေးမောင် (တိမွေးကု ငြိမ်း) ဖြစ်ပြီး ဒုဥက္ကဌများမှာ ဦးအုန်းတင်၊ ဦးတင်ဝင်း၊ ဦးစောဖြူနှင့် ဦးအောင်ဘန်းသာတို့ ဖြစ်ကြသည်။

ပါတီ အထွေထွေအတွင်းရေးမှူးမှာ ဦးဦးလှစောဖြစ်ပြီး တွဲဘက် အတွင်းရေးမှူးများမှာ ဦးထွန်းအောင်ကျော်၊ ဦးခင်မောင်လတ်၊ ဥင်္ီးသာထွန်းလှနှင့် ဦးခိုင်ပြည်စိုးတို့ ဖြစ်ကြသည်။ ပါတီ ကို ဗဟို အလုပ်အမူဆောင် ၁၈ ဦးဖြင့် ဖွဲ့စည်းထားကြောင်း သိရသည်။

ဘူးသီးတောင်တွင် ဒုတိယ ကမ္ဘာစစ်အတွင်းက နစ်မြုပ်ခဲ့သော စစ်ရေယာဉ် တစီးကို ရေကြောင်းရှင်းလင်းရေး အဖွဲ့မှ ဖေါ်ယူနေ

ရခိုင်ပြည်နယ် ဘူးသီးတောင် အထက် မေယု မြစ်ထဲတွင် ဒုတိယ ကမ္ဘာ့စစ်အတွင်းက နစ်မြုပ်ခဲ့သော ဗြိတိသျှ စစ်ရေယာဉ် တစီးကို ရေကြောင်း ရှင်းလင်းရေး အဖွဲ့က ဖေါ်ယူ နေကြောင်း သတင်း ရရှိသည်။

မျက်မြင် ကျေးရွာသား တဦးက “ အခု ဖေါ်ယူနေတာက ဗြိတိသျှ စစ်သင်္ဘောလို့ သိရပါတယ်။ မင်းကြီးတောင်နားမှာ ဖြစ်ပါတယ်။ သူတို့က ဒီရေကျတဲ့ အခါ ဆီပေပါ တိုင်ကီဗုံး အလွတ်ခွံ ၁၀၀ ခန့်ကို သင်္ဘော ကိုယ်ပေါ်မှာ ကြိုးနဲ့ ချည်နှောင်ထားပြီးတော့ ဖေါ်ယူတဲ့ နည်းနဲ့ တူးဖေါ်နေတာ ဖြစ်ပါတယ်။ ရေတက်လာတဲ့ အခါ တဖြည်းဖြည်းနဲ့ သင်္ဘောက ကြွတက်လာတယ်လို့ သိရပါတယ်။ ဒီလ ကုန်လောက်မှာ ပေါ်မယ်လို့ သိရပါတယ်” ဟု ပြောသည်။
မင်းကြီးတောင်မှာ ဘူးသီးတောင်မြို့ အထက်ပိုင်းတွင် တည်ရှိပြီး စက်လှေဖြင့်သွားရသည်ဟု သိရသည်။

၎င်းပြင် တခြား ဘူးသီးတောင်မြို့ခံ တဦးကလည်း “ ဘူးသီးတောင် မှာ နစ်မြုပ်ခဲ့တဲ့ သင်္ဘောနှစ်စီး ရှိပါတယ်။ အခု ဖေါ်ယူနေတဲ့ သင်္ဘောကတော့ ဗြိတိသျှ စစ်ရေယာဉ်ဆိုပီးတော့ လူတွေက ပြောပါတယ်။ ဂျပန်က ဗုံးကြဲတဲ့ အချိန်မှာ နစ်မြုပ်ခဲ့တာ ဖြစ်တယ် လို့ သိရပါတယ်။ အခုတော့ အစိုးရလက်အောက်ခံ ရေကြောင်း ရှင်းလင်းရေး အဖွဲ့က ဖေါ်ယူ နေပါတယ်။ နောက်တစီး ကတော့ အင်္ဂလိပ်အထွက် ဂျပန်အ၀င်မှာ ရခိုင်-ကုလား အဓိဂရုဏ်းမှာ နစ်မြုပ်ခဲ့တဲ့ သင်္ဘော ဖြစ်ပါတယ်။ သိမ်တောင်အနီး ရေအောက်မှာ ရောက်နေတယ်လို့ သိရပါတယ်။ များမကြာမှီ ဒီ သင်္ဘောကိုလည်း ဖေါ်မယ်လို့ ကြားရပါတယ်” ဟု ပြောသည်။

အဆိုပါ ရခိုင်-ကုလား အဓိဂရုဏ်းဖြစ်စဉ် ဘူးသီးတောင်မြို့သူ မြို့သား အများအပြား အဓိဂရုဏ်းကို ကြောက်၍ သင်္ဘောပေါ်သို့ ပြေးတက်စဉ် ရခိုင်အမျိုးသား အမျိုးသမီး ၃၀၀ ကျော်ခန့်ဖြင့် ဘူးသီးတောင် ဆိပ်ကမ်းတွင် နစ်မြုပ်သွားခဲ့သော သင်္ဘော ဖြစ်သည်။

နောက်မှီ ရှေ့မှီ လူကြီးများ အပြောအရ အဆိုပါ သင်္ဘော နစ်မြုပ်ရာတွင် ရွှေပိသာချိန် ရာချီ၍ ပါဝင်သွားသည်ဟု သိရသည်။

ရခိုင်ပြည်နယ်တွင် ခရိုင်၊ မြို့နယ် ရွှေးကောက်ပွဲ ကော်မရှင်များကို အစိုးရ အရာရှိများဖြင့် ဖွဲ့စည်း

ရခိုင်ပြည်နယ်တွင် ခရိုင်နှင့် မြို့နယ် အဆင့် ရွှေးကောက်ပွဲ ကော်မရှင်များကို ဖွဲ့စည်းနေရာတွင် လက်ရှိ တာဝန် ထမ်းဆောင်နေသော အစိုးရ အရာရှိ များကို အခြေခံကာ ဖွဲ့စည်းနေကြောင်း သတင်း ရရှိသည်။

အစိုးရ ၀န်ထမ်း တဦးက “ အခု ရခိုင်ပြည်နယ်မှာ ဖွဲ့စည်ထားတဲ့ ခရိုင်နဲ့ မြို့နယ်အဆင့် ရွှေးကောက်ပွဲ ကော်မရှင်မှာ လက်ရှိ တာဝန် ထမ်းဆောင် နေတဲ့ အစိုးရ ၀န်ထမ်းတွေ တော်တော်များများ ပါဝင်နေတာကို တွေ့ရပါတယ်။ အထူးသဖြင့် အရေးကြီးတဲ့ ကော်မရှင် အတွင်း ရေးမှူး နေရာတွေကို လက်ရှိ တာဝန် ထမ်းဆောင်နေတဲ့ အထွေထွေ အုပ်ချုပ်ရေး ဦးစီးမှူးတွေက နေရာယုထားတာကို တွေ့ရပါတယ်” ဟု ပြောသည်။
ခရိုင်နှင့် မြို့နယ်တွင် ကော်မရှင် ဥက္ကဌများကို အစိုးရ ၀န်ထမ်းဟောင်းများဖြင့် ခန့်အပ်ထားသော်လည်း အများစုမှာ နအဖ စစ်အစိုးရနှင့် နီးစပ်သူ (သို့မဟုတ်) လိုလားသူများ ဖြစ်ကြောင်း သိရသည်။

အဆိုပါ ခရိုင်နှင့် မြို့နယ်အဆင့် ရွှေးကောက်ပွဲကော်မရှင် ဖွဲ့စည်းမူနှင့် ပတ်သက်ပြီး မောင်တောမြို့မှ အစိုးရ အရာရှိ တဦးကို မေးကြည့်ရာ သူက နိရဉ္စရာသို့ ယခုကဲ့သို့ ပြောသည်။

“မောင်တောမြို့နယ် ရွှေးကောက်ပွဲ ကော်မရှင်ကို များမကြာမှီက ဖွဲ့စည်းတဲ့ နေရာမှာ ရှေ့နေ ဦးအောင်ကျော်ညွန့်ကို ကော်မရှင် ဥက္ကဌဆိုပီး ခန့်အပ် ပါတယ်။ အတွင်းရေးမှူးနေရာကိုကျတော့ လက်ရှိ အစိုးရ ၀န်ထမ်း တဦးဖြစ်တဲ့ ဒု ဦးစီးအရာရှိ ဦးလှရွှေကို ခန့်အပ်ပါတယ်။ နောက်ပီး လက်ရှိ အစိုးရ ၀န်ထမ်းတဦး ဖြစ်တဲ့ မြို့နယ် လ၀က ဦးစီးမှူး စန်းဝင်းကို ခန့်အပ် ပါတယ်။ ကျန်တဲ့ လူတွေလည်း အစိုးရ ၀န်ထမ်းတွေ များပါတယ်။”

မောင်တောမြို့နယ် ရွှေးကောက်ပွဲ ကော်မရှင်တွင် နောက်ထပ် ခန့်အပ်ခံရသူများမှာ ဦးမောင်ကျော်စိန်၊ ဦးမောင်သန်းအေး၊ ဦးမောင်ဦးကျော်၊ သွားဆရာဝန် တဦးနှင့် တခြား ပုဂ္ဂိုလ် တချို့တို့ ပါဝင်ပြီး အများစုမှာ အစိုးရ အငြိမ်းစားများ ဖြစ်ကြသည်။

၎င်းပြင်သူက “ ခရိုင်မှာ ဆိုရင်လည်း စစ်အစိုးရနဲ့ နီးစပ်တဲ့ ဘဏ်မန်နေဂျာ အငြိမ်းစား ဦးသာသာမောင်ကို ခန့်အပ်ပါတယ်။ အတွင်းရေးမှူးကတော့ ခရိုင်ထွေအုပ်လို့ ခေါ်တဲ့ အထွေထွေ ဦးစီးမှူး ဖြစ်ပါတယ်။ ခရိုင်လ၀က ဦးစီးမှူးနဲ့ တခြား အစိုးရ ဆရာဝန်ကြီး တဦးတို့လည်း အဖွဲ့ဝင် အဖြစ် ပါဝင်တာကို တွေ့ရပါတယ်” ဟု ပြောသည်။

ကျေးရွာ ကော်မရှင် အဆင့်တွင် ကျေးရွာ ရယက ဥက္ကဌအား ကော်မရှင် ဥက္ကဌ နေရာအား ပေးမထားသော်လည်း ရပ်ရွာထဲမှ အစိုးရ လိုလာသူ တဦးကို ဥက္ကဌ အဖြစ် ခန့်အပ်ပြီး ရယက စာရေးကို အတွင်းရေးမှူး နေရာကို ပေးကာ ကျန်ရယက အဖွဲ့ဝင် တဦးကို ကော်မရှင် အဖွဲ့ဝင် အဖြစ် ထားသည်ဟု သိရသည်။

ယခုကော်မရှင် ဖွဲ့စည်းမူကို ရခိုင်ပြည်နယ် မြို့နယ်တိုင်းတွင် ဖွဲ့စည်းနေပြီး သက်ဆိုင်ရာ မြို့နယ် အဆင့်နှင့် ကျေးရွာ အဆင့် ကော်မရှင်များကို အစိုးရ အရာရှိများက တိုက်ရိုက်ကိုင်တွယ် ဖွဲ့စည်းနေခြင်း ဖြစ်ကြောင်း သိရှိရသည်။