Pages

Subscribe

Thursday 20 December 2007

မြန်မာကလေးငယ်များရဲ့ ကျောင်းကား သေနတ်ဖြင့် အပစ်ခံရ

ထိုင်းလူမျိုးနှစ်ဦး စကားများရန်ဖြစ်မှုကြောင့် မြန် မာ ကလေးငယ်များတင်ဆောင်လာသည့် ကျောင်း ကားကို သေနတ်ဖြင့် ပစ်ခတ်ခံရသည့်အမှု ယခုလ (၈)ရက်နေ့ ညနေပိုင်းက ဖန်ခရိုင်အတွင်းရှိ ဘန်နီ ယန် ဈေးအနီးတွင် ဖြစ်ပွားခဲ့သည်။

“သေနတ်နဲ့ ပစ်တာက ကျောင်းကားမောင်းတဲ့ ထိုင်း ဒရိုင်ဘာကို ပစ်တာပါ။ သူတို့အချင်းချင်း စကားများပြီးပစ်တာ။ လေးချက်ပစ်တယ်။ နှစ် ချက်က ကားဘေးနံရံကို ထိပြီး ပေါက်ထွက်သွား တယ်။ တချက်က ကားဘီးကိုလှမ်းပစ်တာ ရွှံ့ကာ ကို ထိသွားပြီး၊ နောက်တချက်က ချော်သွားတယ်” ဟု ကျောင်းကားနှင့် လိုက်ပါလာသူ ဆရာ မင်းသိမ်းကျော်မှ ပြောပြသည်။

ကျောင်းကားပေါ်တွင် ကျောင်သား/သူ ( ၂၀ )ခန့်လိုက်ပါလာပြီး ထိခိုက်ဒဏ်ရာ ရရှိခြင်း မရှိခဲ့ပေ။

ဖြစ်ပွားပုံကို ကျောင်းကားမောင်းသမား ထိုင်းဒရိုင်ဘာ ဖီးလွတ်က အခုလိုပြောပြသည်။

“ဆိုင်းကယ်က လမ်းသွယ်ထဲ ကွေ့မယ်ဆိုပြီး အချက်ပြမီးပြထားလို့ ကျနော့်ကားကို လမ်းသွယ်ထဲကနေ လမ်းမကြီးပေါ် မီးပြပြီးမောင်းထွက်တာ ဆိုင်ကယ်က အရှိန်ပြင်းတော့ တိုက်မိမလိုဖြစ်သွားတယ်။ အဲဒါ သူက နောက်ကနေလိုက်လာပြီး ကားရပ်ခိုင်းပြီးတော့ လိုင်စင်ရှိလားမေးတယ်။ ကျနော်က မှားရင် တောင်းပန်ပါတယ်လို့ ပြောတာမရဘူး။ အရက်လည်း မူးနေတယ်။ ပြီတော့ တယောက်တခွန်း စကား များကြပြီး သူက သေနတ်ကို ဆွဲထုတ်တယ်။ ဒါကြောင့် ကျနော်က ကားကို မောင်းထွက်ခဲ့တာ နောက်ကနေ လှမ်းပစ်လို့ ကားဘေးနံရံကို ထိသွားတယ်”

သေနတ်နဲ့ ပစ်တဲ့သူဟာ တကွန်ပါ မြို့နယ်ရှိ ထပ်လမု ရေတပ်စခန်းမှ စစ်သားဖြစ်ပြီး ၎င်းကိုရဲစခန်းမှာ အမှုဖွင့်ပြီး တရားစွဲဖို့ စီစဉ်နေတယ် ဟုလည်း ဖီးလွတ်မှဆက်ပြီး ပြောပြသည်။

ကျောင်းကားပေါ်တွင်ပါလာသည့် အသက်(၁၃)နှစ်အရွယ် ခြောက်တန်းကျောင်းသားမောင်ထွန်းသစ်စိုး ကလည်း မိုးတွေအရမ်းရွာနေ တဲ့အချိန်မှာ သေနတ်သံတွေ ထွက်လာပြီး မီးခိုးတွေထွက်လာလို့ ကြောက်ပြီး အော်သံတောင် မထွက်တော့ဘူးဟု ပြောပြသည်။

ထိုင်းနိုင်ငံတောင်ပိုင်းရှိ ဖန်ငခရိုင်ထဲတွင် ဒေသခံထိုင်းလူထုအချင်းချင်း အခုလို့ ရန်ဖြစ်ပြီး သေနတ်ဖြင့် ပစ်ခတ်မှုများရှိသလို၊ ရွှေ့ပြောင်း အလုပ်သမားများကိုလည်း အနိုင်ကျင့် ပစ်ခတ်သတ်ဖြတ်မှုများရှိ သည်။