Pages

Subscribe

Tuesday 1 June 2010

ကျောင်းအပ်ရာတွင်ကျောင်းသားမိဘများကို ကြံ့ဖွံ့အဖွဲ့ဝင်လက်မှတ်ထိုးခိုင်းနေ

ရခိုင်ပြည်နယ်တွင် မေလ ၂၉ ရက်နေ့က စတင်၍ အခြေခံပညာမူလတန်း၊ အလယ်တန်း၊ အထက်တန်းကျောင်းများအသီးသီးဖွင့်လှစ်ပြီး၊ ကျောင်းအပ်ရာတွင် ကျောင်းသားမိဘများ ကို ကြံ့ဖွံ့အဖွဲ့ဝင်အဖြစ် ၀င်ခိုင်းနေသည်ဟုသိရသည်။

အခြေခံပညာ မူလတန်း ကျောင်းသူ /သားတဦးကို တစ်ထောင် ၊အလယ်တန်း ကျောင်းသူ /သား တဦးကို နှစ်ထောင်၊ အထက်တန်း ကျောင်း သူ /သားတဦးကို သုံးထောင် ကျောင်း ၀င်ကြေး သွင်းရပြီး ကျောင်းသုံးပုံနှိပ်စာအုပ်၊ ဗလာစာအုပ်၊ ခဲတန်၊ ဘောပင်စသည့် ကျောင်းသုံးပစ္စည်းများကို အပြင်က၀ယ်ယူသုံးရမည်ဟုသိရသည်။
မောင်တောမြို့က ကျောင်းသူ /သားမိဘတဦးအဆိုရ “ကျမ သမီးက ၃ တန်းဆိုတော မူလတန်း အဆင့်ပေါ့၊ ကျောင်းဝင်ကြေးက တစ်ထောင် သက်မှတ်ထားတဲ့ အတိုင်း သွင်းရတယ်၊ ကျောင်း သူ /သားမိဘတယောက်အဖြစ် လက်မှတ်ထိုးရတယ်၊ပီးရင် ကြံ့ဖွံ့ လျှောက်လွှာတစောင်ထုတ်ပေးတယ်၊ ကြံ့ဖွံ့အဖွဲ့ဝင်တယောက်အဖြစ်ပါ လက်မှတ် ထိုးခဲ့ရ တယ်လို့”ပြောပြသည်။

ဘူးသီးတောင်မျြိ့မှ ကျောင်း သူ/သားမိဘတဦးကလည်း “ ဒီနှစ် ကျောင်းသွားအပ်ရတာ ထူးဆန်းတယ်၊ ကျမ ကနှစ်တိုင်းလိုဘဲ ဘာကြေးညာကြေး သွင်းရမည်ထင်လို့ ငွေသုံး သိန်း ယူသွားတယ်၊ဘာကြေးမှမသွင်းခဲ့ရဘူး၊ ကျမသားက အထက်တန်း ကျောင်းသား ဆိုတော့ ကျောင်းဝင်ကြေး သုံးထောင်ဘဲသွင်းရတယ်၊ ဒါပေမယ့် နာမည်ဘယ်လို ခေါ် တယ်၊ အသက်ဘယ်လောက်လဲ၊ကျောင်းဘယ်နှစ်တန်းသင်ဘူးလဲ၊ ဘာအသင်းအဖွဲ့ တွေမှာ ၀င်ထားလဲ၊ အသေးစိတ်မေးတယ်၊ ပြီးရင်ကြံ့ဖွံ့လျှောက်လွှာ တစောင်ထုတ်ပေးပြီး ကြံ့ဖွံ့အဖွဲဝင်တယောက်အဖြစ်လက်မှတ်ထိုးခိုင်းသည်” ဟုပြောပြသည်။

ယခင်နှစ်စဉ် ကျောင်းသွားအပ်ရင် ကျောင်းသားမိဘတယောက်အဖြစ်သာ လက်မှတ်တခါ ထိုးရတယ်၊ ယခုတော ကိုယ်ရေးအကျဉ်းမေးတယ်၊ လျှောက်လွှာ တစောင်စီ ထုတ်ပေး တယ်၊ လျှောက်လွှာတွင် လက်မှတ်ထိုးခိုင်တယ်၊ စာအုပ်ကြီးမှာလက်မှတ်ထိုးခိုင်းတယ်၊ ဘာကြောင့် လက်မှတ်များများ ထိုးရတယ်လို့ ကျောင်းသားမိဘတွေကိုမပြောပြဘူး၊ မြို့ပေါ်ကျောင်းသားကျောင်းသူမိဘများကတော ကြံ့ဖွံ့ပါတီကို မဲပါပေးခဲ့ကြရပြီးဟု တီးတိုးပြောနေကြသည်ဟုအမည်မဖေါ်လိုသူ မိဘတဦးက ပြောပြသည်။

Air Bagan နှင့် အပြိုင် Air Inlay လေကြောင်းလိုင်းသစ် ပျံသန်းမည်

စစ်အစိုးရနှင့် နီးစပ်သည့် ဦးတေဇ ပိုင် အဲပုဂံ (Air Bagan) လေကြောင်း လိုင်းနှင့် အပြိုင် လေကြောင်း လိုင်းသစ် တခုအား စီးပွားရေး လုပ်ငန်းရှင် ဦးနေအောင် (IGE Co.,Ltd) ကို ပျံသန်း ပြေးဆွဲရန် ခွင့်ပြုလိုက်ကြောင်း သိရသည်။

ဦးတေဇပိုင် Air Bagan လေယာဉ်နှင့် လေယာဉ်မယ်များ (ဓာတ်ပုံ - AP)

အဆိုပါ လေကြောင်း လိုင်းကို အင်းလေး လေကြောင်းလိုင်း (Air Inlay) ဟု အမည်ပေး ထားပြီး စီးပွားရေး လုပ်ငန်းရှင် ဦးနေအောင်နှင့် ကမ္ဘောဇ ဘဏ်ပိုင်ရှင် ဦးအောင်ကိုဝင်း တို့က ပူးတွဲ လုပ်ကိုင်မည်ဟု ရန်ကုန်မြို့ရှိ စီးပွားရေး လုပ်ငန်းရှင် တဦးက ဧရာဝတီသို့ ပြောသည်။

“ရွေးကောက်ပွဲ မတိုင်ခင် လုပ်ငန်းတွေအားလုံး၊ သူတို့နဲ့ ပတ်သက်တဲ့သူတွေကို ခွဲပေးတဲ့ သဘောပဲ”ဟု အဆိုပါ စီးပွားရေး သမားက ဆိုသည်။
Air Inlay လေကြောင်းလိုင်း ပြေးဆွဲမည့် ခရီးစဉ် အသေးစိတ်ကိုမူ မသိရှိရသေးကြောင်း ၎င်းက ပြောသည်။

မကြာသေးမီ ရက်ပိုင်းက ထုတ်ဝေသည့် Weekly Eleven ဂျာနယ်တွင်လည်း “ပုဂ္ဂလိက စီးပွားရေး လုပ်ငန်းစုတခု”မှ ပြည် တွင်း လေကြောင်းလိုင်းသစ်တခု တည်ထောင်ပြီး မြန်မာ့လေကြောင်းလိုင်းနှင့် ပူးပေါင်း၍ ပျံသန်းရန် စီစဉ်နေသည်ဟု ရေးသားထားသည်။

ဦးနေအောင်သည် အမှတ် (၁) စက်မှုဝန်ကြီးဌာန ၀န်ကြီး ဦးအောင်သောင်း၏ သားဖြစ်ပြီး၊ IGE ကုမ္ပဏီ၊ အောင်ရည်ဖြိုး ကုမ္ပဏီ စသည့် အမည်များဖြင့် စီးပွားရေးလုပ်ငန်းများကို လုပ်ကိုင်နေသည်။

ဦးနေအောင်၏ ညီဖြစ်သူ ထောက်လှမ်းရေး အရာရှိဟောင်း ဗိုလ်မှူး ပြည်အောင်မှာ ဒုတိယ ဗိုလ်ချုပ်မှူးကြီး မောင်အေး၏ သားမက်ဖြစ်သည်။

IGE ကုမ္ပဏီသည် မုတ္တမ ပင်လယ်ကွေ့မှ ရန်ကုန်မြို့သို့ သွယ်တန်းသည့် ကမ်းလွန် သဘာဝဓာတ်ငွေ့ ပိုက်လိုင်း သွယ်တန်းမှု စီမံကိန်းကို လုပ်ကိုင်နေသည်။

ကမ္ဘောဇ ဘဏ်လုပ်ငန်းရှင် ဦးအောင်ကိုဝင်းမှာလည်း ဒုတိယဗိုလ်ချုပ်ကြီး မောင်အေးနှင့် နီးစပ်သူဖြစ်ပြီး ဖေဖော်ဝါရီလ အတွင်းက မြန်မာ့လေကြောင်းလိုင်း (MAI) ကို ၀ယ်ယူခဲ့သူဖြစ်သည်။

ပြည်တွင်းထုတ် မြန်မာ ပို့စ် ဂျာနယ်တွင်မူ အင်းလေး လေကြောင်းလိုင်းကို ဦးအောင်ကိုဝင်းက တည်ထောင်သည်ဟု ရေးသား ထားသည်။

ပြီးခဲ့သည့် ရက်အတွင်းကလည်း ဦးနေအောင် ၊ ဦးတေဇ အပါအ၀င် စစ်အစိုးရနှင့် နီးစပ်သည့် စီးပွားရေးလုပ်ငန်းရှင်ကြီး ၄ ဦး ကို ပုဂ္ဂလိက ဘဏ်လုပ်ငန်း လုပ်ကိုင်ရန် ခွင့်ပြုခဲ့သည်။

အရေးပါသည့် စီးပွားရေးလုပ်ငန်းများ ပုဂ္ဂလိကပိုင် ပြုလုပ်ရေးကို အတွင်းရေး မှူး (၁) ဗိုလ်ချုပ်ကြီး သီဟသူရ တင်အောင် မြင့်ဦးက ဦးဆောင် ပြုလုပ်နေကြောင်း သိရသည်။

၎င်းနှင့်နီးစပ်သည့် ဦးဇော်ဇော်(မက်စ်မြန်မာ)၊ ဦးထွန်းမြင့်နိုင် (အေးရှားဝေါလ်)၊ ဦးချစ်ခိုင် (ဧဒင် အုပ်စု ကုမ္ပဏီ) တို့ကို စီးပွားရေး လုပ်ငန်းလုပ်ကိုင်ခွင့်များကို ပေးနေကြောင်း စီးပွားရေးလုပ်ငန်းရှင် တဦးက ဧရာဝတီသို့ ပြောသည်။

မြန်မာ တိုင်းမ်စ် အားကစား စာစောင် နေ့စဉ် ထုတ်ဝေခွင့်ရ

ကမ္ဘာ့ဖလား ဘောလုံးပြိုင်ပွဲ ကာလ အတွက် မြန်မာ တိုင်းမ်စ် (Myanmar Times) ဂျာနယ်က နေ့စဉ်ထုတ် အားကစား စာစောင် ထုတ်ဝေခွင့် ရခြင်းသည် ပုဂ္ဂလိကပိုင် နေ့စဉ်ထုတ် သတင်းစာများ ခွင့်ပြုလာရန် ရှေ့ပြေးဖြစ်နိုင်ကြောင်း ရန်ကုန် အခြေစိုက် စာနယ်ဇင်း အသိုင်းအ၀ိုင်းက ဆိုသည်။

“ထုတ်ဝေဖို့ ခွင့်ပြုချက် ရထားပြီးပါပြီ။ ဇွန်လ ၁၀ ရက်နေ့ကနေ နောက်ဆုံး ဗိုလ်လုပွဲပြီးတဲ့ ဇူလိုင် ၁၂ ရက်နေ့ အထိထုတ်မှာ ပါ။ ကမ္ဘာ့ဖလားပွဲစဉ် အတွင်းမှာပဲ ထုတ်မှာပါ”ဟု မြန်မာ တိုင်းမ်စ် ဂျာနယ်မှ စာတည်း ဦးဇော်မြင့်က ပြောသည်။
ထုတ်ဝေမည့် စာစောင်၏ အမည်မှာ Myanmar Time Sport ဖြစ်နိုင်ကြောင်း ယင်းဂျာနယ်တိုက်မှ ဝန်ထမ်းတဦးက ဆိုသည်။

သတင်းစာဆရာ မောင်ဝံသက“ဒါကတော့ နေ့စဉ်ထုတ် သတင်းစာတွေကို ပေးမယ့် အရိပ်လက္ခဏာလို့ မှန်းလို့ရတာပေါ့။ သတင်းလည်း ထွက်နေတယ်လေ။ နိုင်ငံရေး ပါတီတွေကိုလည်း သူတို့ ပါတီတွေရဲ့ ကြွေးကြော်သံတို့၊ မူဝါဒတို့ စာရွက်စာတမ်း ထုတ်ဝေခွင့် ပေးရမှာပဲလေ။ အရင်ခေတ်ဆိုရင် နိုင်ငံရေးပါတီတွေ ကျောထောက်နောက်ခံ ပြုထားတဲ့ နေ့စဉ် သတင်းစာတွေ ပေးကြတာပဲ။ အခုလည်း အဲဒီလောက် ခွင့်မပြုသေးရင်တောင် အတိုင်းအတာ တခုအထိ ခွင့်ပြုမယ်လို့ ထင်တယ်”ဟု ပြော သည်။

ရန်ကုန်အခြေစိုက် သတင်းဂျာနယ် အယ်ဒီတာ တဦးက“အပြင်ကို နေ့စဉ်ထုတ်ဂျာနယ် ထုတ်ဝေခွင့်ပြုမယ်ဆိုရင် စိစစ်ရေး ဥပဒေကို ပြင်မလား၊ စိစစ်ရေးက မစိစစ်ဘဲနဲ့တော့ ခွင့်ပြုလို့မရဘူး။ နေ့စဉ်မီအောင် ဘယ်လို စစ်ဆေးမလဲ၊ အဲဒါတွေတော့ရှိ တယ်”ဟု ပြောသည်။

လက်ရှိ ထုတ်ဝေလျက်ရှိသော အားကစားဂျာနယ်များတွင် ထည့်သွင်းလျက်ရှိသော အချပ်ပိုနှင့် နောက်ဆက်တွဲများမှာလည်း စာပေစိစစ်ရေးကို အချိန်မီ ကြိုတင် တင်ပြရကြောင်း၊ စိစစ်ရေးကို မဖြတ်သန်းဘဲ လုပ်ဆောင်ရန် မဖြစ်နိုင်ကြောင်း ပြောသည်။

ရန်ကုန်နှင့် မန္တလေးမြို့များတွင် နေ့စဉ်ထုတ် သတင်းစာများဖြစ်သော မြို့တော်၊ ရတနာပုံ သတင်းစာများမှာမူ ဒေသခံ အာဏာပိုင်များ၏ ထိန်းချုပ်မှုအောက်တွင် ထုတ်ဝေလျက်ရှိကြောင်းလည်း ၎င်းက ဆက်လက်ပြောပြသည်။

“အဓိကကတော့ နိုင်ငံရေး၊ စီးပွားရေးမပါဘဲ သူတို့ အရမ်းစိတ်ချရတဲ့ သူတွေကိုတော့ ထုတ်ဝေဖို့ ခွင့်ပြုကောင်းခွင့်ပြုလိမ့်မယ်။ နိုင်ငံရေး၊ စီးပွားရေး ပါရင်တော့ ခွင့်ပြုမှာ မဟုတ်ဘူး”ဟု အယ်ဒီတာတဦးက ဆိုသည်။

မြန်မာ တိုင်းမ်စ် ဂျာနယ်ကို ၂၀၀၀ ပြည့်နှစ်တွင် ဦးဆန်နီဆွေနှင့် သြစတြေးလျနိုင်ငံသား Ross Dunkleyတို့က တည်ထောင် ခဲ့ပြီး အင်္ဂလိပ်၊ မြန်မာ ၂ ဘာသာဖြင့် စတင်ထုတ်ဝေခဲ့သည်။ ထောက်လှမ်းရေး ခေါင်းဆောင်ဟောင်း ဗိုလ်ချုပ်ကြီး ခင်ညွန့် သည် မြန်မာ တိုင်းမ်စ် ဂျာနယ် ထုတ်ဝေမှုတွင် ကျောထောက် နောက်ခံပြုမှု ရှိခဲ့ကြောင်း သိရသည်။

ဦးဆန်နီဆွေ၏ ဖခင်ဖြစ်သူ နိုင်ငံတကာ ဆက်ဆံရေးဌာနမှ ဌာနကြီးမှူး ဗိုလ်မှူးချုပ် သိန်းဆွေသည် ၂၀၀၄ အောက်တိုဘာတွင် အမျိုးသား ထောက်လှမ်းအဖွဲ့ ဖျက်သိမ်းခံခဲ့ရပြီးနောက် ပြစ်ဒဏ် ချမှတ်ခံခဲ့ရသည်။

ဦးဆန်နီဆွေကိုလည်း စာပေစိစစ်ရေး ခွင့်ပြုချက်ကို မရယူဘဲ ထုတ်ဝေခဲ့သည်ဟု အကြောင်းပြကာ ၂၀၀၅ ဧပြီတွင် စစ်အစိုးရက ထောင်ဒဏ် ၁၄ နှစ် ပြစ်ဒဏ် ချမှတ်ခဲ့သည်။

လတ်တလောတွင် မြန်မာ တိုင်းမ်စ် ဂျာနယ်ကို သုတစွယ်စုံ မီဒီယာမှ ဒေါက်တာ တင်ထွန်းဦးက အမည်ခံ ထုတ်ဝေလျက်ရှိ သည်။ ဒေါက်တာ တင်ထွန်းဦးသည် ပြန်ကြားရေးဝန်ကြီး ဦးကျော်ဆန်းနှင့် နီးစပ်သူ ဖြစ်ပြီး မကြာသေးမီက အသစ်ပြန်လည် ဖွဲ့စည်းလိုက်သည့် မြန်မာနိုင်ငံ စာပေနှင့် စာနယ်ဇင်း အဖွဲ့တွင် ဒုတိယ ဥက္ကဋ္ဌ ဖြစ်လာခဲ့သည်။

စစ်အစိုးရနှင့် နီးစပ်သူများသာ သတင်းဂျာနယ်များ ထုတ်ဝေခွင့်အသစ်များ ရရှိကြပြီး ယခုလက်ရှိ ထုတ်ဝေနေသော သတင်းဂျာနယ် အများစု၏ ပိုင်ရှင်များမှာ အစိုးရ အရာရှိကြီးများ၏ သားသမီး၊ ဆွေမျိုးများ၊ ၎င်းတို့နှင့် နီးစပ်သူ အပေါင်း အသင်းများဖြစ်ကြသည်။

စစ်အစိုးရသည် ဒုတိယ ဗိုလ်ချုပ်ကြီး တင်အေး၏သား ဦးဇော်မင်းအေးကို Messenger သတင်း ဂျာနယ် ထုတ်ဝေခွင့်နှင့် ပြန်ကြားရေးဝန်ကြီး ဦးကျော်ဆန်းနှင့် နီးစပ်သူဟု သတင်း ထွက်နေသည့် ဦးမြတ်ခိုင်ကို မော်နီတာ သတင်းဂျာနယ် ထုတ်ဝေခွင့် ကိုလည်း မကြာမီက ချပေးခဲ့သည်။

ထုတ်ဝေခွင့်များ ပိုမိုချထားပေးနေသော်လည်း စာပေစိစစ်ရေးက သတင်း ဂျာနယ်များအပေါ် တင်းကျပ်စွာ ကိုင်တွယ်လျက် ရှိပြီး သတင်းများ ပိုမို ဖြုတ်ပယ်ခြင်း ရှိလာကြောင်း၊ အထူးသဖြင့် ရွေးကောက်ပွဲ ဆိုင်ရာ သတင်းများနှင့် ပါတီများ၏ သတင်းများ ဖော်ပြရာတွင် အလွန်တင်းကျပ်သော စိစစ်မှုများပြုလုပ်ကြောင်း သိရသည်။

ဂျာနယ်များမှ သတင်းများ စိစစ်ရာတွင် ဒုတိယဗိုလ်ချုပ်ကြီး မြင့်ဆွေ ဦးစီးသည့် စစ်ဘက်၊ အရပ်ဘက် အထူး လုံခြုံရေးအဖွဲ့က ဦးစီးဆောင်ရွက်နေပြီး စာပေစိစစ်ရေးဌာနတွင် ညွှန်ကြားရေးမှူး ဗိုလ်မှူး တင့်ဆွေအပြင် ဒုတိယ ဗိုလ်မှူးကြီး မျိုးမြင့်မောင် လည်း ပူးတွဲ တာဝန်ထမ်းဆောင်လျက် ရှိကြောင်း သိရသည်။

မြန်မာနိုင်ငံတွင် သတင်းဂျာနယ်နှင့် အားကစားဂျာနယ် အပါအ၀င် ဂျာနယ်ပေါင်း ၂၀၀ ကျော်နှင့် မဂ္ဂဇင်း ၂၅၀ ကျော်ကို ထုတ်ဝေ ဖြန်ချိခွင့် ပြုထားသည်။

မလေးရှား အန်အယ်ဒီအဖွဲ့ဝင် ထောင်ဒဏ် ၅ နှစ် ချမှတ်

နယူးဒေလီ (မဇ္ဈိမ) ။ ။ အမျိုးသား ဒီမိုကရေစီ အဖွဲ့ချုပ် (မလေးရှားဌာနခွဲ) တွင် အဖွဲ့ဝင်ဖြစ်ဖူးသူ ကိုသန်းမြင့်အောင်ကို သင်္ကန်းကျွန်းမြို့နယ် တရားရုံးက တရားမဝင် နယ်စပ် ဖြတ်ကျော်မှုနှင့် တရားမဝင် အဖွဲ့အစည်းနှင့် ဆက်သွယ်မှုတို့ဖြင့် ထောင်ဒဏ် ၅ နှစ် ယနေ့ ချမှတ်လိုက်သည်။

မြန်မာနိုင်ငံတွင်းသို့ နယ်စပ်မှ ဖြတ်ကျော်မှု လူဝင်မှု ကြီးကြပ်ရေး အက်ဥပဒေ ပုဒ်မ ၁၃/၁ ဖြင့် ထောင်ဒဏ် ၂ နှစ်နှင့် တရားမဝင်အဖွဲ့အစည်းနှင့် ဆက်သွယ်မှု (၁၇/၁) ထောင်ဒဏ် ၃ နှစ် သီးခြားစီကျခံရန် တရားသူကြီး ဒေါ်ညွှန့်ညွှန့်ဝင်းက ချမှတ်လိုက်ခြင်းဖြစ်သည်။
“သူ့အီမေးလ် ဖွင့်ကြည့်ပြီးတော့ အဲဒီထဲက အထောက်အထားတွေအရ မလေးရှား NLD L/A မှာ ဝင်ရောက် လှုပ်ရှားခဲ့တဲ့ သက်သေခံတွေ၊ အချက်အလက် အထောက်အထားတွေက ခိုင်လုံနေတယ်” ဟု မိသားစုနှင့် နီးစပ်သူတဦးက ပြောသည်။

အသက် ၃၁ နှစ်အရွယ် ကိုသန်းမြင့်အောင်သည် စစ်အစိုးရက အတိုက်အခံများကို ထောင်သွင်း အကျဉ်းချရာတွင် တွင်ကျယ်စွာ သုံးနေသော နိုင်ငံတော် အကြည်ညို ပျက်စေသော သတင်းအချက်အလက်များ အင်တာနက်မှတဆင့် ဖြန့်ဝေမှု အီလက်ထရောနစ် အက်ဥပဒေ ၃၃ (က) ဖြင့်လည်း စွဲဆိုခံထားရပြီး ဇွန် ၄ ရက်နေ့တွင် တာမွေမြို့နယ်ရှိ အရှေ့ပိုင်း ခရိုင်ထပ်မံ အမှုရင်ဆိုင်ရမှာဖြစ်သည်။

ကိုသန်းမြင့်အောင်မှာ မလေးရှားနိုင်ငံသို့ ပြန်လည်သွားရောက် အလုပ်လုပ်ရန် နိုင်ငံကူး လက်မှတ်လျှောက်ထားစဉ် မတ်လ ၄ ရက်နေ့က တာမွေမြို့နယ် ဘတ်စ်ကား မှတ်တိုင်တခုတွင် ရဲများက ဖမ်းဆီးခဲ့သည်။

ရဲက ဗုံးဖောက်ခွဲမှု တခုတွင်ပါ ပတ်သက်သည်ဟု သံသယရှိကာ သူကို ဖမ်းဆီးခဲ့ခြင်း ဖြစ်သည်။

စမ်းချောင်းမြို့ ပဒုမ္ပာပန်းခြံအတွင်း လူအသေအပျောက် မရှိသည့် ဗုံးပေါက်ကွဲမှု မတ်လ ၃ ရက် နေ့က ဖြစ်ပွားရာ ကိုသန်းမြင့်အောင် လက်ချက်ဟု ရဲက စွပ်စွဲခဲ့ရာက အထောက်အထား မပြနိုင်သဖြင့် စွဲချက် ပျက်ပြယ်သွားသည်။

ကိုသန်းမြင့်အောင်သည် မလေးရှားနိုင်ငံတွင် ၂၀၀၂ ခုနှစ်မှသည် ၂၀၀၈ ခုနှစ် နှောင်းပိုင်းအထိ သွားရောက် အလုပ်လုပ်ကိုင်ခဲ့ပြီး အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ - မလေးရှားဌာနခွဲ) တွင် အဖွဲ့ဝင် ဖြစ်ခဲ့ဖူးသည်ဟု စုံစမ်း သိရှိရသည်။

ထက်ထက်မိုးဦးကို စာပေ စာနယ်ဇင်းက ရှုတ်ချ

နယူးဒေလီ (မဇ္ဈိမ)။ ။ သတင်းထောက်ကို ကိုယ်ထိလက်ရောက် ရိုက်နှက်မှုအား ကျေအေးမှုရစေရေး နှစ်ဖက်စလုံးကို ညှိနှိုင်းပေးရန် ဖိတ်ခေါ်သော်လည်း မင်းသမီး ဒေါ်ထက်ထက်မိုးဦးက လာရောက်ခြင်း မရှိသဖြင့် မြန်မာနိုင်ငံ စာပေနှင့် စာနယ်ဇင်းအဖွဲ့က ရှုတ်ချလိုက်သည်။

ရန်ကုန်အခြေစိုက် စာပေစာနယ်ဇင်းအဖွဲ့က မေလ ၃၁ ရက်နေ့စွဲတပ် ထုတ်ပြန်ကြေညာချက်တွင် 7 Days ဂျာနယ်၏ တိုင်ကြားချက်ကြောင့် စာနယ်ဇင်းအဖွဲ့က ဆဲဗင်းဒေးသတင်းထောက် မအေးသူစံနှင့် ဒေါ်ထက်ထက်မိုးဦးတို့ကို မေ ၂၃ ရက်နေ့နှင့် မေ ၂၆ ရက်များတွင် သီးခြားတွေ့ဆုံခဲ့သည်ဟု ပါရှိသည်။
ဒေါ်ထက်ထက်မိုးဦးက မအေးသူစံနှင့် စာနယ်ဇင်းသမားများကို တောင်းပန်ပြီး အမှုကြေအေးကြစေရန် စာနယ်ဇင်းအဖွဲ့က ညှိနှိုင်းခဲ့သော်လည်း ဒေါ်ထက်ထက်မိုးဦးဘက်က ပျက်ကွက်သည်ဟု ပါရှိသည်။

” စာပေနှင့် အနုပညာသမားများ ဘဝတူအချင်းချင်း ဗုဒ္ဓဘာသာ မြန်မာလူမျိုးအချင်းချင်း အပြန်အလှန် ရိုင်းပင်းစာနာ နားလည်သည်းခံခွင့်လွှတ်ရမည့်အစား လွန်စွာရိုင်းပြခဲ့သည့်အပြင် လူမှုရေးအရ ဖြေရှင်းပေးခဲ့သည်ကို လိုက်လျောမှုမရှိသည့် ရုပ်ရှင်သရုပ်ဆောင် ထက်ထက်မိုးဦး၏ လုပ်ရပ်ကို မြန်မာနိုင်ငံ စာပေနှင့် စာနယ်ဇင်းအဖွဲ့က ဝမ်းနည်းစွာ ရှုတ်ချလိုက်သည်” ဟု အဖွဲ့ အတွင်းရေးမှူး ဦးကိုကို (ကိုကို-စက်မှုတက္ကသိုလ်) လက်မှတ်ရေးထိုး ထုတ်ပြန်သော ကြေညာချက်တွင် ပါရှိသည်။

7 Days ဂျာနယ်က ရုပ်ရှင်အစည်းအရုံးတို့သို့ မေလ ၂၁ ရက်နေ့တွင် အမှုကိစ္စကို တိုင်ကြားခဲ့သော်လည်း တစုံတရာ အကြောင်းပြန်ကြားမှုမရှိဟု ဂျာနယ်အယ်ဒီတာတဦးက မဇ္ဈိမသို့ ပြောသည်။

သတင်းထောက် မအေးသူစံက လူတွေ့မေးမြန်းမှုတခုတွင် ဒေါ်ထက်ထက်မိုးဦးအား အိမ်ထောင်ရေးနှင့် ပတ်သက်၍ မေးမြန်းရာက မင်းသမီးက ရိုက်နှက်ခဲ့သဖြင့် တရားဆိုင်နေရသည်။

ယခုကိစ္စနှင့်ပတ်သက်၍ သရုပ်ဆောင် ထက်ထက်မိုးဦးနှင့် ဆက်သွယ်၍မရသလို စာနယ်ဇင်း အတွင်းရေးမှူးကလည်း အသေးစိတ်ပြောရန် ငြင်းဆန်သည်။

စစ်တွေတွင် ကျောင်းတချို့ ကျောင်းဝင်ကြေး အဆမတန် ကောက်၍ ကျောင်းသားမိဖများ အခက်ကြုံ


Maungdaw Schoolစစ်တွေတွင် နာမည်ကြီး အထက်တန်း ကျောင်းတချို့မှ ကျောင်းဝင်ကြေး အဆမတန် ကောက်ခံနေ၍ ဆင်းရဲသော ကျောင်းသား မိဖများ အနေဖြင့် သားသမီးကို ကျောင်းသွင်းရာတွင် အခက်အခဲ ကြုံတွေ့နေကြရသည်ဟု ကျောင်းသား မိဖတဦးက ပြောသည်။

စစ်တွေတွင် နာမည်ကြီး ကျောင်းတကျောင်းမှ ကျောင်းဝင်ကြေးကို အထက်တန်း ကျောင်းသား တဦးကို ကျပ်ငွေ ၅၀၀၀၀ ကောက်ခံပြီး အလယ်တန်းကျောင်းသား တဦးကို ၃၀၀၀၀ ကျပ် ကောက်ခံသည်ဟု သူက ပြောသည်။

“ဒီနှစ်မှာ သတ်မှတ်ထားတဲ့ ကျောင်းဝင်ကြေးထက် ပိုမကောက်ဖို့ အထက်က ညွှန်ကြားထားတယ်လို့ သိရပါတယ်။ ခုလို ကောက်ခံရင် အထက်ကို တိုင်ကြားနိုင်တယ်လို့လည်း ပြောပါတယ်။ ကောက်ခံတာကို တွေ့ရှ်ိရင် အလုပ်က ဖြုတ်မယ်။ တခြား ဝေးလံတဲ့ ဒေသတွေကိုလည်း ပြောင်းရွှေ့ ပစ်မယ်ဆိုပီး အမ်ိန့်ထုတ်ထားတယ်လို့ သိရပါတယ်။ ဒါပေမယ့် တချို့ အထက်တန်းကျောင်းတွေက လိုက်နာမူ မရှိဘဲ ခုလို ကောက်ခံ နေတာ ဖြစ်ပါတယ်” ဟု သူက ဆက်ပြောသည်။

ယခုနှစ်တွင် ကျောင်းသား ကျောင်းသူများအား ကျောင်းလက်ခံရာတွင် သတ်မှတ်ထားသော ကျောင်းဝင်ကြေးထက် ပိုမကောက်ခံရန်နှင့် ကောက်ခံပါက အရေးယူခံရမည်ဟု မေလ ၃ ရက်နေ့ နေ့စွဲ ဖြင့် သက်ဆိုင်ရာ ကျောင်းများ အားလုံးသို့ ပညာရေး ၀န်ကြီးဌာနမှ ညွန်ကြားချက် ထုတ်ပြန်ထားကြောင်း သိရသည်။

ထိုသို့တောင်းခံပါက သက်ဆိုင်ရာ ကျောင်းသား မိဖများ အနေဖြင့် ပညာရေး ၀န်ကြီးဌာနသို့ စာဖြင့်သော်၎င်း၊ လူကုိယ်တိုင်သော်၎င်း၊ ဖုံးဖြင့်သော်၎င်း တိုင်ကြားနိုင်ကြောင်း ပညာရေး ၀န်ကြီးဌာနမှ ပြောသည်။

အပိုငွေကြေး တောင်းခံမူများကို တိုင်ကြားလိုလျှင် ဦးအေးကြူ၊ ညွန်ကြား ရေးမှူးချုပ်၊ အမှတ် (၃) အခြေခံ ပညာဦးစီးဌာန (ဖုံး - ၀၁ ၂၁၁၀၀ ၇) သို့ သော်၎င်း၊ ဦးကျော်ဝင်း ညွန်ကြားရေးမှူး၊ အမှတ် (၃) အခြေခံ ပညာ ဦးစီးဌာန (ဖုံး ၀၁- ၂၁၀၀၂၆) သို့ သော်၎င်း၊ ရုံးအဖွဲ့မှူး ပညာရေး ၀န်ကြီးဌာန နေပြည်တော် (ဖုံး ၀၆၇- ၄၀၇၁၁၆) သို့သော်၎င်း ဆက်သွယ် တိုင်ကြားနိုင်ပြီး တခြား မြို့နယ်၊ ခရိုင်နှင့် ပြည်နယ် ပညာရေး ဌာနများသို့လည်း တိုင်ကြားနိုင်ကြောင်း အခြေခံ ပညာ ဦးစီးဌာနမှ အသိပေးထားကြောင်း သိရသည်။

ကျောင်းအပ်နှံရေး နေ့များဖြစ်သော မေလ ၂၅၊ ၂၆၊ ၂၇၊ ၂၈ နှင့် ၂၉-ရက်နေ. များတွင် ထိုကဲ့သို့ စစ်တွေမှ အထက်တန်း ကျောင်းတချို့မှ ကျောင်းဝင်ကြေးများကို ကောက်ခံခဲ့ခြင်း ဖြစ်သည်။ “အများစု ကျောင်းသားမိဖတွေကတော့ ခုလို စီးပွားရေး ကျပ်တည်းတဲ့ ကာလမှာ အထက်တန်းကျောင်းတွေက တောင်းတဲ့ ကျောင်းဝင်ကြေးကို မပေးချင်ကြပါဘူး။ ဒါပေမယ့်လည်း သားသမီး ပညာရေး ကိစ္စ ဖြစ်နေတော့ မတတ်သာဘဲ ပေးနေကြရပါတယ်။ ပီးရင် နာမည်ကြီး ကျောင်းတွေမှာ ၀င်ခွင့်ရဖို့ အရေးကလည်း လွယ်တာ မဟုတ်တော့ ပြဿနာ မလုပ်တော့ဘဲ ပေးနေကြရတာ ဖြစ်ပါတယ်” ဟု သူက ဆက်ပြောသည်။

ကျောင်းဝင်ကြေးကို သက်ဆိုင်ရာ ပညာရေး ၀န်ကြီးဌာမှ တိတိကျကျ သတ်ထားချက် မရှိသဖြင့် တိုင်ကြားပါကလည်း အကျိုးထူးမည် မဟုတ်သည့် အပြင် အဆိုပါ နာမည်ကြီး ကျောင်းများတွင် ကျောင်းဝင်ခွင့် ရရှိရေးမှာလည်း မလွယ်ကူသဖြင့် ကျောင်းသား မိဖ အများစုမှာ အထက်သို့ တိုင်ကြား လိုစိတ် မရှိဘဲ ကျောင်းများမှ တောင်းသော ၀င်ကြေးကို ပေးနေကြရကြောင်း အဆိုပါ ကျောင်းသား မိဖက ပြောသည်။

ရွှေ့ပြောင်းအလုပ်သမားများလည်း လျော်ကြေးခံစားခွင့်ရှိ

ထိုင်းနိုင်ငံတွင် ဆန္ဒပြပွဲများကြောင့် နစ်နာခဲ့သူများအား ထိုင်းအစိုးရက အကူအညီပေးရာတွင် မြန်မာရွှေ့ပြောင်း အလုပ်သမားများလည်း ပါဝင်ကြောင်း သိရှိရသည်။

ပြီးခဲ့သည့် မတ်လမှ မေလအတွင်း ထိုင်းနိုင်ငံ ဘန်ကောက်မြို့တော်တွင် ဖြစ်ပွားခဲ့သော ရာထူးမှအဖယ်ရှားခံခဲ့ရသည့် ထိုင်းဝန်ကြီးချုပ်ဟောင်း သက်ဆင်ရှင်နာဝပ်တရာကို ထောက်ခံသည့် အင်္ကျီအနီဝတ် ဆန္ဒပြသမားများကြောင့် ဝင်ငွေနှင့်စီးပွားရေး ထိခိုက်နစ်နာခဲ့ရသော အသေးစားလုပ်ငန်းရှင်များနှင့် အလုပ်သမားများအား ထိုင်းအစိုးရက လျော်ကြေးပေးရာတွင် မြန်မာရွှေ့ပြောင်း အလုပ်သမားများလည်း ပါဝင်လျှောက်ထားခွင့် ရရှိခဲ့ကြောင်း ခေတ်ပြိုင်မှ စုံစမ်းသိရှိရသည်။လျော်ကြေးတောင်းလျှောက်လွှာ သွားရောက်တင်ခဲ့သူ ကိုဘိုဘိုဇော်က “ကျနော့်ကို သူဌေးကပြောတယ်။ သူများတွေ (၂) လစာ လျော်ကြေးဖောင် သွားတင်နေကြတယ်။ မနေ့က နောက်ဆုံးဆိုတာနဲ့ လိုအပ်တဲ့ ပတ်စပို့ကော်ပီ၊ သူဌေးဆိုင်လိပ်စာ၊ မှတ်ပုံတင်ကော်ပီတွေနဲ့ မနေ့က သွားတင်လိုက်တယ်။ လခကတော့ တလ (၁၂,၅၀၀) ဆိုတော့ နှစ်လစာ (၂၅,၀၀၀) တင်ထားတယ်။ သူတို့ပြောတာက (၂) ရက် (၃) ရက်နေရင် တီဗွီကနေ ဘယ်သူလျော်ကြေးရတယ်ဆိုတာ ကြေညာပေးမယ်တဲ့။ အလုပ်ရှင်တွေကတော့ (၄) ရက်နေ့လား၊ (၅) ရက်နေ့လားမသိဘူး နောက်ဆုံးတင်ရမယ်တဲ့” ဟု ပြောသည်။

အဆိုပါအစီအစဉ်သည် ဧပြီ (၂၇) ရက်၌ ကျင်းပသော ဝန်ကြီးများအစည်းအဝေး ဆုံးဖြတ်ချက်အရ အင်္ကျီနီဝတ်များ၏ ဆန္ဒပြပွဲများကြောင့် ရာချပရာဆောင်လမ်းဆုံနှင့် အနီးပတ်ဝန်းကျင်တွင် ရောင်းဝယ်ဖောက်ကားနေကြသည့် ထိခိုက်နစ်နာခဲ့သူ အလုပ်ရှင်နှင့် အလုပ်သမားများကို အကူအညီပေးခြင်းဖြစ်သည်။

ထိုအစီအစဉ်အရ ထိုင်းနိုင်ငံရှိ အသေးစားနှင့်အလတ်စား စီးပွားရေးလုပ်ငန်း ဖွံ့ဖြိုးတိုးတက်ရေးဘဏ်မှ ဘတ်ငွေ (၅) ဘီလီယံကို အသေးစားနှင့်အလတ်စား စီးပွားရေးလုပ်ငန်းရှင် (၂,၀၀၀) ခန့်အား ဘတ်ငွေ (၃) သန်းအထိ ငွေချေးပေးသွားမည်ဖြစ်သည်။

ငွေချေး အတိုးနှုန်းထားမှာလည်း အလွန်သက်သာမည်ဖြစ်ပြီး တနှစ်အတွင်း ငွေပြန်ဆပ်ရန် မလိုဘဲ ချေးငွေကာလမှာ သက်တမ်း (၅) နှစ်ရှိမည်ဖြစ်သည်။ အခွန်ကင်းလွတ်ခွင့်ကို ၂၀၁၀ စက်တင်ဘာလအထိ (၆) လတိတိ ခွင့်ပြုမည်ဖြစ်သည်။

အလယ်အလတ်နှင့် ဝင်ငွေနည်းပါးသူများအတွက် အစိုးရအိမ်ရာဆိုင်ရာဘဏ်မှ ကိုယ်ပိုင်အိမ်ရာ ပိုင်ဆိုင်မှုအတွက် ကူညီမည်ဖြစ်ကာ ဆန္ဒပြပွဲကြောင့် အကြွေးတင်နေသည့် တသီးပုဂ္ဂလများအား အချက် (၃) ချက်အပေါ် မူတည်၍ ကူညီသွားမည်ဟု ဆိုသည်။

အဆိုပါအချက်များမှာ လစဉ်အတိုးကို အရစ်ကျပေးသွင်းစေပြီး (၁၀၀) ဘတ်ထက်မနည်း ပေးသွင်းရမည်။ ပထမနှစ်နှင့် ဒုတိယနှစ်များတွင် အတိုးနှုန်းထားသည် (၂) ရာခိုင်နှုန်းရှိမည်ဖြစ်ပြီး တတိယနှစ်မှ ကန်ထရိုက်သက်တမ်း ကုန်ဆုံးသည်အထိ (၁) ရာခိုင်နှုန်း ပေးသွင်းရမည်ဖြစ်သည်။

ရေရှည်အကြွေးပေးစနစ်ကို တည်ဆောက်သွားမည် ဖြစ်သည့်အတွက် ဈေးနှုန်းသက်သာစွာ အရစ်ကျ ပြန်လည်ပေးဆပ်ရမည်ဖြစ်ပြီး လိုအပ်သည့် စာရွက်စာတမ်းများကို ဇွန် (၃၀) ရက် နောက်ဆုံးထား၍ တင်သွင်းရမည်ဖြစ်သည်။

လိုအပ်သော အသေးစိတ် သတင်းအချက်အလက်များကို သိလိုပါက ဖောက်သည်ဆက်ဆံရေးဌာန၊ အစိုးရအိမ်ရာဆိုင်ရာဘဏ်၊ ဖုန်းနံပါတ် (၀၂-၆၄၅၉၀၀၀) သို့ ဆက်သွယ်စုံစမ်းနိုင်ကြောင်း သိရသည်။

အလုပ်သမားများသည် လူမှုဖူလုံရေးရန်ပုံငွေ လုပ်သား (၃.၅) ရာခိုင်နှုန်းနှင့် အလုပ်ရှင် (၅) ရာခိုင်နှုန်း ထည့်ဝင်ထားပါက ဘတ်ငွေ (၁၅,၀၀၀) ရရှိမည်ဖြစ်ပြီး ထည့်ဝင်ထားခြင်းမရှိသော သာမန်အလုပ်သမားများသည် ဘတ်ငွေ (၇,၅၀၀) ကို (၂) လစာ ရရှိခံစားရမည်ဖြစ်သည်။

အချို့သော လုပ်ငန်းများ (အထူးသဖြင့် အနှိပ်ခန်း အလုပ်သမများ) တွင် အလုပ်လုပ်ကိုင်နေကြသော အလုပ်သမားများ၏ ခံစားခွင့်အတွက်လည်း အလုပ်သမားအရေး လုပ်ဆောင်နေသော အဖွဲ့အစည်းအချို့က ဆောင်ရွက်မှုများ ရှိနေကြသည်။

ကျောက်စိမ်းအလုံးလိုက် ပြသရောင်းချခွင့် မပြု

ဇွန် (၂၅) ရက်မှစ၍ သတ္တုတွင်းဝန်ကြီးဌာနလက်အောက်ခံ မြန်မာ့ကျောက်မျက်လုပ်ငန်းက ရန်ကုန်တွင် ကျင်းပမည့် ကျောက်မျက်ပြပွဲတွင် ကျောက်စိမ်းများအား အလုံးလိုက်ပြသရောင်းချခြင်း ခွင့်မပြုဘဲ ပိတ်ပင်လိုက်သည်။

ဖြတ်ထားသည့် ကျောက်စိမ်းတုံးနှင့် ပန်းပု လက်ဝတ်ရတနာ အချောထည်အဖြစ် လုပ်ထားသည့် ကျောက်များကိုသာ လက်ခံပြီး ကျောက်တတုံးလုံးအား အရောင်တင် (ပွတ်ချော) ထားသည့် ကျောက်များ၊ အပေါ်ယံ ပွတ်တိုက်ထားသည့် ကျောက်များအား ပြပွဲတွင် ပြသရန် လက်မခံတော့ကြောင်း မန္တလေးမှ ကျောက်လုပ်ငန်းရှင်တဦးက ပြောသည်။
၎င်းက “အင်ပိုရီယမ်တင်မယ့်ကျောက်တွေကို ပြီးခဲ့တဲ့အပတ်မှ အရောင်းထွက်ခဲ့တဲ့ ခုံ့တို့၊ ပန်းပု လုပ်မယ့်ဂွင်မျိုး အသားဆန်းတွေပဲ သယ်သွားတာ။ ဟိုရောက်တော့ လက်မခံဘူး။ ကျောက်မျက်ဌာနက ပြောတာက အထက်က လက်မခံခိုင်းလို့တဲ့။ ဘာကြောင့် အခုလို မပြရတော့သလဲဆိုတာ နားမလည်နိုင်ဘူး။ အဲလိုကျောက်တွေက ပြည်တွင်းကော ပြည်ပကော အဆွဲများတဲ့ဟာတွေပဲ” ဟု ပြောသည်။

အပေါ်အခွံများကို ပွတ်စားအရောင်တင်ထားသည့် နီညိုရောင်၊ ပျားရည်ရောင်ကဲ့သို့ အရောင်အဆင်းပါသည့် ကျောက်များအား ကျောက်လောကတွင် ခုံ့ဟု ခေါ်ကြပြီး ဖန်သားနီးပါးကဲ့သို့ အသားကြည်လင်သည့် ကျောက်များ၊ အရောင် (၃ ၊ ၄) မျိုးထက်မနည်း ပါသည့် အသားဆန်းသည့် ကျောက်တို့သည် ကျောက်ပန်းပုထည် ပြုလုပ်ရန်အတွက် ကြီးမားသည့် ဈေးကွက်တခုလည်း ဖြစ်သည်ဟု ကျောက်လုပ်ငန်းရှင်တဦးက ပြောသည်။

၎င်းက “ကျောက်တိုင်းကို သွားဖြတ်လို့ မရဘူး။ လက်ကောက်၊ လက်စွပ်၊ နားကပ်၊ လည်ဆွဲ အဲလို အထည်တွေ လုပ်နေကြတာချည်း မဟုတ်ဘူး။ ကျောက်ပန်းပုဈေးကွက်က အဲဒီထက်သာနိုင်သေးတယ်။ ကျောက်စိမ်းတုံးကို အလယ်က ဖြတ်လိုက်တော့ ပန်းပုထုဖို့ မကောင်းတော့ဘူး။ ဈေးလည်း ကျပြီ။ ပြီးတော့ ကျောက်တုံးကို အလယ်ကဖြတ်တဲ့ကိစ္စက သိန်းဆယ်ချီ၊ ရာချီပေးပြီး ကံစမ်းရသလိုပဲ။ ဖြတ်လိုက်လို့ အထဲမှာ စိမ်းနေရင်တော့ အောင်ပြီပေါ့၊ ပွပေါက် တိုးပြီပေါ့။ မဟုတ်ရင်တော့ ရှုံးပြီ၊ မွဲပေါ့။ အဲလိုကျတော့ ဒေါ်ကြိုင်ကြိုင်တို့၊ နိုင်ဂရုတို့လောက်ပဲ လုပ်နိုင်တာ” ဟု ပြောသည်။

ပြီးခဲ့သည့် ကျောက်မျက်ပြပွဲတွင် ဗိုလ်ချုပ်မှူးကြီး သန်းရွှေ၏ဇနီး ဒေါ်ကြိုင်ကြိုင်၏ ကြိုင်အကျိုးတူကုမ္ပဏီ၊ သားပိုင် နိုင်ဂရု ကုမ္ပဏီတို့က ဖားကန့်မြို့နယ်၊ မှော်ဆီဇာဒေသမှ ထွက်သည့် ကျောက်များကို အများအပြား ပြသခဲ့သည်ဟု မန္တလေး ကျောက်လုပ်ငန်းရှင်တဦးက ပြောသည်။

၎င်းက “ဒေါ်ကြိုင်ကြိုင်တို့ သားအမိတွေလုပ်နေတဲ့ မှော်ဆီဇာ- ဆိုင်းဂျာဘွမ်မှော်က ကျောက်ကောင်းတွေ ထွက်တယ်။ သူတို့ကျတော့ ဖြတ်အားလည်း ရှိတယ်။ ယူရိုငွေ တသောင်းရလည်း အမြတ်ပဲ၊ နှစ်သောင်းရလည်း အမြတ်ပဲ။ ဘာအခွန်ဆောင်စရာမှ မလိုဘူး။ ကျောက်ကောင်းတွေ ထွက်တဲ့နေရာမှာ စိတ်ကြိုက်လုပ်နေကြတဲ့ ဟာတွေနဲ့ ကျနော်တို့ ပြိုင်ရောင်းလို့မှ မရတာ။ သူတို့က ဖြတ်ထားတဲ့ ကျောက်တွေပဲ ရောင်းနေတာ။ သူတို့လို မဖြတ်နိုင်ရင် လာမရောင်းနဲ့ဆိုပြီး အမိန့်ထုတ်တဲ့သဘောပဲ။ ကျနော်တို့လို ကျောက်တွေကလည်း တပတ်တပတ် ရောင်းကြေး ယူရို (၁ဝ) သန်းလောက် အနည်းဆုံးရှိတယ်။ ပြပွဲမှာ မရောင်းရတော့ နယ်စပ်ကို မှောင်ခိုထုတ်ဖို့ပဲ ရှိတော့တာပေါ့။ အခုလို ပိတ်တော့ အစိုးရလည်း အခွန်မရဘူး” ဟု ပြောသည်။

ရန်ကုန်ရှိ ကျောက်မျက်ပြပွဲများကို သတ္တုတွင်းဝန်ကြီးဌာနလက်အောက်ခံ မြန်မာ့ကျောက်မျက်လုပ်ငန်းက ကြီးမှူး၍ တနှစ်လျှင် (၃) ကြိမ်၊ မြန်မာ့စီးပွားရေးဦးပိုင်က (၂) ကြိမ်နှုန်းဖြင့် ကျောက်မျက်ပြပွဲများ ကျင်းပနေရာ မြန်မာ့ကျောက်မျက်လုပ်ငန်းက ပြသသည့် ကျောက်မျက်ပြပွဲများကို ပြည်တွင်းပြည်ပ ကျောက်လုပ်ငန်းရှင်များက ပိုပြီး စိတ်ဝင်စားကြကာ လာရောက်သူလည်း များပြားသည်။

ကျောက်မျက်ပြပွဲတွင် ကျောက် ပြသရောင်းချပါက ရောင်းရငွေ၏ (၁ဝ.၃) ရာခိုင်နှုန်းအား ကျောက်မျက်ဌာနထံ အခွန်ပေး ဆောင်ရသည်။

သီရိမင်္ဂလာဈေး နေရာပြောင်းမှု ဈေးသည်များ မကျေနပ်

ဈေးသူဈေးသားများ၏ ထည့်ဝင်ငွေဖြင့် တည်ဆောက်ထားသည့် သီရိမင်္ဂလာဈေးကို ပြောင်းရွှေ့ခိုင်းသည့်အတွက် စည်ပင်သာယာက ပေးထားသည့်ကတိကို ဖောက်ဖျက်သည်ဟု ဈေးသူဈေးသားများက ဝေဖန်ပြောဆိုနေကြသည်။

သီရီမင်္ဂလာဈေးကို လှိုင်မြို့နယ် ပိတောက်ချောင်းအနီး ဘုရင့်နောင်လမ်းပေါ်ရှိ ယခင် ရတနာဖွဲနုဆီစက်ဝင်းအတွင်း ပြောင်းလဲ ဖွင့်လှစ်ပေးမည်ဟု စည်ပင်သာယာဈေးများဌာနမှ ဌာနမှူး ဦးတင်ကိုကိုက မေ (၂၈) ရက်တွင် ဈေးသူဈေးသားများအား တရားဝင် ပြောကြားခဲ့သည်။
ယင်းသို့ ပြောဆိုခဲ့သည့်အတွက် ဈေးသူဈေးသားများက မကျေမနပ်ဖြစ်နေကြကာ ၎င်းတို့ အကျိုးစည်းပွားဆုတ်ယုတ်အောင် လုပ်သည်ဟု စည်ပင်ကို ပြောဆိုဝေဖန်နေကြသည်။

သီရီမင်္ဂလာဈေးတွင် ဈေးရောင်းနေသော ကုန်စိမ်းဒိုင်တခုက “ကျနော်တို့က ဒီဈေးပြောင်းရမယ်လို့ ကြားပေမယ့် မယုံကြည်ခဲ့ပါဘူး။ ဒါပေမယ့် အခု တရားဝင် လာပြောတဲ့အတွက် ကျနော်တို့အပေါ် စည်ပင်သာယာက လုံးဝ စေတနာမရှိဘဲ စီးပွားပျက်အောင် လုပ်တယ်လို့ပဲ သတ်မှတ်လိုက်ပါတယ်” ဟု ပြောသည်။

အလုံမြို့နယ် ကမ်းနားလမ်းမကြီးပေါ်တွင် တည်ရှိသော (၅) ထပ် အဆောက်အအုံ သီရိမင်္ဂလာဈေးသည် မြန်မာတနိုင်ငံလုံးကို လက်ကားဖြန့်ရောင်းချနေသော ကုန်စိမ်းဈေးကြီးဖြစ်ပြီး ရန်ကုန်စည်ပင်က (က) အဆင့် သတ်မှတ်ထားသည့် ဈေးဖြစ်သည်။

ထိုသို့ အဆင့်မြင့်ဈေးဖြစ်လာရန်အတွက်လည်း ဈေးသူဈေးသားများ၏ ထည့်ဝင်ငွေ လေးပုံသုံးပုံနှင့် အထပ်မြင့်ဈေးအဖြစ် တည်ဆောက်ထားခြင်းဖြစ်ကြောင်း သိရသည်။

ဈေးကော်မတီမှ တာဝန်ရှိသူတဦးက “ကျနော်တို့ အခုရောင်းနေတဲ့ သီရိမင်္ဂလာအဆင့်မြင့်ဈေးဆိုတာ မဖြစ်ခင်က ဂိုဒေါင်ကြီးတွေထဲမှာ ရောင်းခိုင်းတယ်။ အဲဒီတုန်းက ရန်ကုန်မှာ တဲပေါ်ကနေ တိုက်ပေါ်တင်တဲ့စနစ် ဆိုပြီးတော့လုပ်တယ်။ ဈေးသူဈေးသားတွေကိုလည်း ခင်ဗျားတို့ကို အတည်တကျဖြစ်အောင် အဆင့်မြင့်တဲ့ ဈေးဆောက်ပေးမယ်ဆိုပြီးတော့ ပြောတယ်။ ဈေးအတွက် လိုတဲ့ငွေကြေးကိုလည်း ဈေးသူဈေးသားတွေက ကုန်ကျခံရမှာလို့ပြောတယ်။ အတည်တကျလို့ ပြောတဲ့အတွက် ကျနော်တို့က စည်ပင်ကိုယုံပြီး ငွေအကုန်အကျခံပြီးတော့ ဒီဈေးကို ပါဝင်တည်ဆောက်ခဲ့တာဖြစ်တယ်။ အဆင့်မြင့်ဈေး တည်ဆောက်ပြီး အတည်တကျထားမယ်ဆိုတာဟာ စည်ပင်က လိမ်ခဲ့တာလို့ပဲ ယူဆပါတယ်” ဟု ပြောသည်။

ယခု ပြောင်းရွှေ့ရမည့် ပိတောက်ချောင်းတွင် ဆောက်နေသော ဈေးသည် အမိုးတခုသာ ပါသည့်ဈေးဖြစ်သည့်အတွက် သီရိမင်္ဂလာဈေး တည်ဆောက်ရာတွင် ကုန်ကျခဲ့သည့်ငွေများကို ပြန်အမ်းပေးရန် ဈေးသူဈေးသားများက လိုလားနေကြကြောင်းလည်း သိရသည်။

ထို့အပြင် နေရာသစ်ဈေးသို့ ပြောင်းရွှေ့ရသည့်အတွက် စရိတ်စကများ ပိုမို ကုန်ကျလာမည်ဟုလည်း သိရီမင်္ဂလာဈေးမှ ဈေးသည်တဦးက ပြောသည်။

၎င်းက “ကျနော်တို့ကို နေရာပြောင်းတဲ့အတွက် ကုန်တင်ကုန်ချ စရိတ်တွေပိုလာမယ်။ ဘာလို့လဲဆိုတော့ ဥပမာပြောရရင် ဧရာဝတီတိုင်းကို ကုန်တွေသွားမယ်ဆိုရင် သင်္ဘောနဲ့သွားရတာ။ အခု နေရာက သင်္ဘောဆိပ်နဲ့ နီးတယ်။ အဲဒီတော့ အဆင်ပြေတယ်။ အသစ်ဆောက်နေတဲ့ ပိတောက် ချောင်းနားကဆိုတော့ စရိတ်တွေ တက်လာမယ်” ဟု ပြောသည်။

စည်ပင်အနေဖြင့် ဈေးပြောင်းရွှေ့ရခြင်းမှာ ဈေးသို့လာသောယာဉ်များနှင့် ကုန်တင်ယာဉ်များကြောင့် ယာဉ်ကြောကျပ်ကာ ယာဉ်တိုက်မှုများဖြစ်ပေါ်သည့်အတွက် ပြောင်းရွှေ့ရန် စီစဉ်ရခြင်းဖြစ်ကြောင်း ဦးတင်ကိုကိုက ပြောသည်။

ယင်းပြောကြားချက်နှင့်ပတ်သက်၍ မြေညီထပ်မှ ဟင်းသီးဟင်းရွက်ရောင်းချနေသည့် ဆိုင်ခန်းပိုင်ရှင်တဦးက “ဒါကို ဘယ်ဈေးသည်ကမှ မယုံကြဘူး။ ယာဉ်ကြောပိတ်ဆို့ရင် ဒါကို ကောင်းအောင်လုပ်လို့ရနိုင်သားနဲ့ ဈေးကို ရွှေ့ပစ်တာ ဈေးသူဈေးသားတွေ အားလုံးက မကျေနပ်ကြဘူး။ အားလုံးသိနေကြတာကတော့ အေးရှားဝေါလ် ကုမ္ပဏီပိုင် ဆီလှောင်ကန်တွေရှိရာကို သွားဖို့လမ်းအတွက် ဒီဈေးကြီးက ဈေးသည်တွေကို ဖယ်ခိုင်းတာပဲ” ဟု ပြောသည်။

သီရိမင်္ဂလာဈေးတွင် ကုန်စိမ်း၊ ပန်း၊ သစ်သီးတန်းနှင့် ငါးပိ ငါးခြောက်များရောင်းသော ဆိုင်ခန်းပေါင်း (၂,၂၀၀) ကျော်ရှိပြီး ၎င်းတို့အနက် ဈေးပြောင်းရွှေ့ရန် မလိုလားသည့် ဆိုင်ခန်းပေါင်း (၉၈) ရာခိုင်နှုန်းရှိကြောင်း သီရိမင်္ဂလာဈေး သာယာရေးကော်မတီမှ ကောက်ယူထားသော စစ်တမ်းများအရ သိရကြောင်း ဈေးသာယာရေးအဖွဲ့၏ တာဝန်ရှိသူက ပြောသည်။

အဆိုပါဈေးသည် ယခင် မော်တင် ကလီဈေးဟောင်းကို ပြောင်းရွှေ့ပြီး ၁၉၉၈ ခုနှစ် နှစ်လယ်ပိုင်းတွင် ဖွင့်လှစ်ခဲ့သော (၅) ထပ် အဆောက်အအုံဈေးဖြစ်ကာ သိန်း (၁,၄၀၀) ကုန်ကျခဲ့ကြောင်း ဈေးသာယာရေးကော်မတီ စာရင်းများအရ သိရသည်။

စာပေလောကမှ လူငယ်စာရေးဆရာတဦး နိုင်ငံရေးလောကသို့ ၀င်ရောက်

မော်ဒန်အရေးအသားများဖြင့် မြန်မာနိုင်ငံ စာပေလောကတွင် နာမည်ကြီးသော လူငယ်စာရေးဆရာ ဝေမှူးသွင်က နိုင်ငံရေးလောကသို့ ၀င်ရောက်တော့မည်ဟု ပြောဆိုလိုက်သည်။

ပြီးခဲ့သည့် မေ (၂၉) ရက်တွင် ရန်ကုန်မြို့ မဟာဗန္ဓုလလမ်းရှိ မစ္စတာ ဘရောင်း ကော်ဖီဆိုင်တွင် အသက် (၃၂) အရွယ်ရှိ စာရေးဆရာ ဝေမှူးသွင်က မြန်မာဒီမိုကရေစီကွန်ဂရက်ပါတီတွင် ၀င်ရောက်မည်ဟု ပြောဆိုခဲ့သည်။
အဆိုပါ ပါတီတွင် အထွေထွေအတွင်းရေးမှူးနေရာ တာဝန်ယူကာ ၂၀၁၀ ရွေးကောက်ပွဲတွင် ပါဝင်၍ တိုင်းပြည်နှင့် လူမျိုးအတွက် တခုခုကို ပြုလုပ်ပေးနိုင်ရန် ရည်ရွယ်၍ နိုင်ငံရေးလုပ်ရန် ဆုံးဖြတ်ခြင်းဖြစ်ကြောင်း၊ နိုင်ငံရေးလုပ်မည်ဆိုပါက ပါတီတခုခုတွင် ပါဝင်ရန်လိုသောကြောင့် အဆိုပါပါတီတွင် ပါဝင်ခြင်းဖြစ်ကြောင်း ၎င်းက ပြောသည်။

“အခြေခံဥပဒေကို ကြိုက်တာ မကြိုက်တာထက် ဒီအခြေခံဥပဒေအရ ကျင်းပမယ့် ရွေးကောက်ပွဲကို ပါဝင်နိုင်မှ မြန်မာ့ နိုင်ငံရေးအခင်းအကျင်းကို ၀င်နိုင်မှာဖြစ်တယ်။ အဲဒီလို ပါဝင်ပြီးမှ ဆက်လက်ဆောင်ရွက်စရာတွေကို ဆောင်ရွက်ရမှာ ဖြစ်တယ်” ဟု ဝေမှူးသွင်က ပြောသည်။

စာပေလောကမှ ရွေးကောက်ပွဲကို ပါဝင်လာသူများ မရှိသေးကြောင်း၊ ယခုအခါ လူငယ် စာရေးဆရာများအနက် ဝေမှူးသွင် တယောက်သာ ပါဝင်လာသည်ကို တွေ့ရသည့်အတွက် အားပေးကြောင်း ပြည်တွင်းမှ စာရေးဆရာတဦးက ၎င်း၏အမြင်ကို ပြောကြားသည်။

“အစိုးရကို ကြိုက်တာ မကြိုက်တာထက် ရွေးကောက်ပွဲကို ၀င်ပြီးတော့ လွှတ်တော်တရပ်ရပ်မှာ ပါဝင်ပြီးတော့ ပြည်သူတွေအတွက် ပါဝင်ဆွေးနွေးနိုင်မယ်လို့ ကျနော်ထင်ပါတယ်” ဟု ၎င်းက ပြောသည်။

ယင်းသို့ လွှတ်တော်အတွင်း ၀င်ရောက်ကာ ပြည်သူများအတွက် တခုခုလုပ်ပေးနိုင်မည်ဟု ယုံကြည်ကာ ရွေးကောက်ပွဲဝင်မည့်သူများ ရှိနေသော်လည်း စစ်အစိုးရစိတ်ကြိုက် ရေးဆွဲထားသည့် စစ်အာဏာရှင်စနစ် ဆက်လက် ရှင်သန်မည့် ၂၀၀၈ ဖွဲ့စည်းပုံဥပဒေအရ ပြုလုပ်မည့် ရွေးကောက်ပွဲကို ဆန့်ကျင်သူများလည်း ရှိနေသည်။

အဆိုပါ မြန်မာဒီမိုကရေစီကွန်ဂရက်ပါတီကို မေလ (၁၂) ရက်တွင် မှတ်ပုံတင် လျှောက်ထားခဲ့ပြီး ယခင် ၁၉၈၈ ခုနှစ်က နိုင်ငံရေးသမားများလည်း ပါဝင်ကြောင်း သိရသည်။

ယင်းပါတီအနေဖြင့် ၂၀၁၀ ပြည့်နှစ် ရွေးကောက်ပွဲတွင် မြန်မာနိုင်ငံတ၀န်းလုံး၌ ပါဝင်အရွေးချယ်ခံမည်ဖြစ်ကြောင်း သိရသည်။

မြန်မာနိုင်ငံတွင် ဘူမိ အပူဓာတ် နဲ့ လျှပ်စစ် ထုတ်ယူနိုင်တဲ့ နေရာ ၉၂ ခု တွေ့ရှိ

မြန်မာ နိုင်ငံတွင် ဘူမိ အပူဓာတ် (Geothermal) နည်းမှ လျှပ်စစ် စွမ်းအင် ထုတ်ယူ နိုင်သည့် နေရာ များကို ပြည်နယ် ငါးခုတွင် တွေ့ရှိ ထားကြောင်း မြန်မာနိုင်ငံ အင်ဂျင်နီယာ အသင်းမှ ကျွမ်းကျင် သူများက ပြောသည်။ ဘူမိ အပူဓာတ်မှ လျှပ်စစ် စွမ်းအင် ထုတ်ယူ နိုင်သည့် နေရာ ၉၂ နေရာ ခန့်ကို ရှမ်းပြည်နယ်၊ ကချင်ပြည်နယ်၊ မွန်ပြည်နယ်၊ ကယား ပြည်နယ်၊ ရခိုင်ပြည်နယ် တို့တွင် တွေ့ရှိထားခြင်း ဖြစ်သည်ဟု ဆိုသည်။

ဘူမိ အပူဓာတ်ဖြင့် လျှပ်စစ် စွမ်းအင် ထုတ်ယူသော နည်းမှာ အပူရှိန် ပြင်းသော မြေအောက် အလွှာ အထိ မြေပြင်မှ အပေါက် ဖောက်ကာ ရေအေး ထိုးသွင်း ခြင်းဖြင့် ရေအေးကို ရေငွေ့ အဖြစ် ပြောင်းလဲစေပြီး အခြား တစ်ပေါက်မှ ရေငွေ့ ပြန်ထွက်၍ ယင်း ရေငွေ့များဖြင့် တာဘိုင် များကို လည်ပတ်စေကာ လျှပ်စစ် စွမ်းအင် ထုတ်ယူစေခြင်း ဖြစ်သည်။ ဘူမိ တေဇော အရင်းအမြစ် (Geothermal Resources) များကို မီးတောင် ဒေသတွင် အများ အပြား တွေ့ရှိ ရပြီး ကမ္ဘာပေါ်တွင် ဘူမိ အပူဓာတ် ထုတ်ယူ နိုင်သော နိုင်ငံပေါင်း ၂၁ နိုင်ငံသာ ရှိကာ နှစ်စဉ် လျှပ်စစ် စွမ်းအင မဂ္ဂါဝပ် ၆၂၀ဝ ခန့် ထုတ်ယူ အသုံးပြုလျက် ရှိသည်ဟု ဆိုသည်။ အရှေ့တောင် အာရှ နိုင်ငံများ ထဲတွင် အင်ဒိုနီးရှား နိုင်ငံ နှင့် ဖိလစ်ပိုင် နိုင်ငံတို့သည် ယင်း စွမ်းအင်ကို ရယူ အသုံး ပြုလျက် ရှိသည်။

မင်္ဂလာဈေး အနီးရှိ ဆိုင်ခန်း အဌား ဈေးနှုန်းများ ထက်ဝက်ကျော် မြင့်တက်

မင်္ဂလာဈေး မီးလောင်မှု ဖြစ်ပွား ပြီးနောက် အနီးရှိ ဆိုင်ခန်း အဌား ဈေးနှုန်းများ ထက်ဝက် ကျော် မြင့်တက် သွားကြောင်း သိရသည်။ ယခင်က မင်္ဂလာဈေး အနီးရှိ ဆိုင်ခန်းများ ဈေးနှုန်း များမှာ တစ်လလျှင် တစ်သိန်း နှစ်သောင်း ခန့်သာ ရှိပြီး ယခု အချိန်တွင် တစ်လလျှင် ကျပ် နှစ်သိန်း ခွဲခန့် အထိ မြင့်တက် သွားကြောင်း သိရသည်။ “ ကျွန်မက မင်္ဂလာဈေး တတိယ ထပ်မှာ စားသောက်ကုန် ပစ္စည်း ဆိုင်ဖွင့် တာပါ။ မီးလောင်တဲ့ အထဲမှာ တော့ ပါမသွားဘူး။ ဈေးက ပြုပြင်မယ် ဆိုတော့ အပြင်မှာ ဆိုင်ခန်း ဌားဖို့ စုံစမ်းတော့ တစ်လကို သုံးသိန်းလောက် ရှိတယ် ပြောတယ်။ ဒါက ဈေးကွက် အနေ အထား ပြောင်းလဲသွား တာပါ။ အခု ကြားတာက ပလာဇာ အပေါ်ထပ်၊ လေးထပ် နဲ့ ငါးထပ်မှာ တစ်ခန်းကို သုံးသိန်းလောက်နဲ့ ဌားပေးတယ် ကြားလို့ သွားစုံစမ်းတော့ ဆိုင်ခန်း မရှိတော့ဘူး။” ဟု မင်္ဂလာဈေး တတိယထပ် စားသောက်ကုန် ဆိုင်ရှင် တစ်ဦးက ပြောသည်။

ယင်းသို့ မင်္ဂလာဈေး ပတ်ဝန်း ကျင်တွင် ဆိုင်ခန်း အဌား ဈေးနှုန်းများ အဆ မတန် မြင့်တက်ခဲ့ သော်လည်း ဆိုင်ခန်း ဌားမည့် သူများ ရှားပါး နေကြောင်း သိရသည်။ “တချို့ ဆိုင်ရှင်တွေ ကတော့ အနီး အနားက အိမ်တွေမှာ ဌားပြီး ဆိုင်ပြန် ဖွင့်ဖို့ လုပ်နေ ကြတယ်။ ဈေးကတော့ သိတဲ့ အတိုင်းပဲ တောင်းဈေး ပေါ့။ မဌားလို့ကလဲ တခြားေ နရာဆိုတာ မသေချာဘူး။ ဒါကြောင့် ရှိတဲ့ နေရာကိုပဲ တောင်းတဲ့ ဈေးပေးပြီး ဌားရတယ် ” ဟု မင်္ဂလာဈေးရှိ ဆေးဆိုင် ပိုင်ရှင်တစ်ဦးက ပြောသည်။ အဆိုပါ ဆိုင်ခန်းရှင်များ အနေဖြင့် ဆိုင်ခန်း ဌားသူများအား အနည်းဆုံး ခြောက်လ စာချုပ် ဖြင့်သာ ဌားရမ်းကြောင်း ၂၀၁၀ ခုနှစ် ဇွန်လ ၁ ရက်နေ့ထုတ် Flower News ဂျာနယ်တွင် ဖော်ပြထား ပါသည်။

ကျိုင်းတုံမြို့နယ် ကြံ့ဖွံ့အသင်းမ၀င် မနေရစာရင်းကောက်သိမ်းသွင်း

သျှမ်းပြည်(အရှေ့ပိုင်း)၊ ကျိုင်းတုံမြို့နယ်အတွင်းရှိ ကျေးရွာအုပ်စုများတွင် အာဏာပိုင်များက ၂၀၁၀ ရွေးကောက်ပွဲ ၀င်ရောက်ယှဉ်ပြိုင်မည့် ကြံ့ဖွံ့ပါတီအားထောက်ခံမဲရရန် ဒေသခံများအား ကြံ့ဖွံ့အသင်းသားအဖြစ် အဓမ္မသိမ်းသွင်း လျက်ရှိကြောင်း စုံစမ်းသိရှိရသည်။

ဦးသိန်းစိန်

ကျိုင်းတုံမြို့ အရှေ့ဘက် ၂ မိုင်ခန့်အကွာ ကျိုင်းလိတ်လေဆိပ်အနီးရှိ မိုင်းလန်းကျေးရွာအုပ်စု၊ ဟွေပုံကျေးရွာတွင် မေ ၁၇ ရက်မှစ၍ ကျေးလက်လူထုကြံ့ဖွံ့အသင်းဝင်များဖြစ်စေရန် စာရင်းများကောက်ယူလျက်ရှိသည်။

“အသက် ၁၅ နှစ်အထက် ရွာသူရွာသားအားလုံး ကြံ့ဖွတ်အသင်းဝင်ရမယ်။ မ၀င်တဲ့သူတွေ နိုင်ငံတော်ကိုပုန်ကန်တဲ့ စာရင်းထဲပါသွားမယ်” ဟု ခြိမ်းခြောက်ကြောင်း စည်းရုံးခံရသူတစ်ဦးကပြောပါသည်။

ရွာသူရွာသားများ၏ ကိုယ်ရေးအကျဉ်းနှင့် ဓါတ်ပုံများရိုက်ယူသွားကြောင်း၊ ကျေးရွာအုပ်စု ၁၀အုပ်စု၏စာရင်းများ ကောက်ယူ ပြီး မြို့ပေါ် ၅ ရပ်ကွက်၌ လူထုစာရင်းဆက်တိုက်ကောက်ယူမည်ဖြစ်ကြောင်းလည်း သိရှိရသည်။

ကျိုင်းတုံမြို့ ကြံ့ဖွံ့အကြီးအကဲများက “တြိဂံတိုင်းမှူးဖြစ်ခဲ့ဖူးတဲ့ ၀န်ကြီးချုပ်ဗိုလ်ချုပ်ကြီးသိန်းစိန်(လက်ရှိကြံ့ဖွတ်ပါတီဥက္ကဋ္ဌ ဦးသိန်းစိန်)ရဲ့ ကျေးဇူးကိုဆပ်တဲ့အနေနဲ့ အသက် ၁၅ နှစ်အထက် လူတွေအားလုံး ကြံ့ဖွံ့ အသင်းထဲဝင်ရောက်ရမယ်လို့ လူထုကိုပြောဆိုစည်းရုံးတယ်” ဟု ဒေသခံတစ်ဦးက ပြောကြားသည်။

ရွာသူရွာသားအချို့က ကြံ့ဖွံ့အကြီးအကဲများ ၀န်ကြီးချုပ်သိန်းစိန်သည် ကျေးလက်ပြည်သူလူထုများကို မည်ကဲ့သို့ လုပ်ဆောင်ပေးခဲ့သည်ကို မပြောပြကြောင်း၊ သူတို့လည်း ဘာမှမသိရှိရကြောင်း အဆိုပါဒေသခံက သျှမ်းသံတော်ဆင့် သို့ဆက်၍ပြောပါသည်။

ဦးသိန်းစိန်ဦးဆောင်သော ကြံ့ဖွံ့ပါတီသည် တပြည်လုံးအတိုင်းအတာဖြင့် စည်းရုံးရေးဆင်းနေပြီဖြစ်သော်လည်းအခြား ယှဉ်ပြိုင်ပါတီများ စည်းရုံးရေးဆင်းခွင့်မရသေးပေ။

၂၀၀၉ - ၂၀၁၀ အတွင်း ဘိန်းပိုစိုက် - အထွက်နှုန်းကျဆင်းမှုစံချိန်တင်

၂၀၀၉-၂၀၁၀ ဘိန်းစိုက်ရာသီ၏ သျှမ်းပြည်ဘိန်းစိုက်ပျိုးမှုမှာ အခြားနှစ်များထက် ပိုများသော်လည်း အထွက်နှုန်းကျဆင်းမှု ၌ စံချိန်တင်ကြောင်း စုံစမ်းသိရှိရပါသည်။

“ ပြီးခဲ့တဲ့ရာသီက မနှစ်က ရာသီထက် ဘိန်းပိုစိုက်ကြတယ်။ ဒါပေမယ့် ဘိန်းထွက်နှုန်းက မတက်ဘူး၊ စံချိန်တင်အောင်ကျ ဆင်းတယ်” - ဟု နယ်စပ်နေ သျှမ်းပြည်မူးယစ်စောင့်ကြည့်ရေးအဖွဲ့ဝင်တဦး ကပြောပါသည်။

၂၀၀၈ - ၂၀၀၉ ဘိန်းစိုက်ပျိုးမှုတွင် အရှုံးပေါ်သောကြောင့် ၂၀၀၉ - ၂၀၁၀ ဘိန်းအထွက်နှုန်းပြန်ကောင်းလာမည့် မျှော်လင့် ချက်ဖြင့် ဘိန်းခြံပိုမိုတိုးချဲ့ စိုက်ပျိုးခဲ့ခြင်းဖြစ်ကြောင်း၊ သို့သော် မျှော်လင့်ချက်အတိုင်း ဘိန်းမထွက်ဘဲယခင် နှစ်များ ထက်ပင် ပိုမိုကျဆင်းနေကြောင်း ဘိန်းခြံစိုက်ပျိုးလုပ်ကိုင်ခဲ့သူများက ပြောပါသည်။

photo: SHAN Sai Sai

“ကျနော်တို့ ဟိုမိန်းမြို့နယ်(ခွဲ)အတွင်းမှာ အရင်နှစ်က ဘိန်းစိမ်းပိဿာချိန် ၉၀၀ လောက်ထွက်တယ်။ အခုက ၆၀၀ လောက်ဘဲထွက်တယ်။ ဒါတောင်တိုးချဲ့စိုက်ပျိုးထားတာ” - ဟု ဘိန်းခြံလုပ်ငန်းအဆင်မပြေမှုကြောင့် ထိုင်းနယ်စပ်သို့ ပြောင်းရွှေ့လာသူ တောင်သူတဦးက ပြောပါသည်။
ထို့အတူ ကွန်ဟိန်းမြို့ခံတဦးကလည်း ယမန်နှစ်က ၎င်းပိုင်ဘိန်းခြံမှ ဘိန်းပိဿာချိန် ၁၀ ပိဿာကျော်ထွက်သော် လည်း ယခုနှစ်ဘိန်းစိုက်ရာသီ၌ ၄၀ ကျပ်သားခန့်သာ ထွက်ရှိကြောင်း သျှမ်းသံတော်ဆင့်သို့ ပြောပြပါသည်။

သျှမ်းပြည်အတွင်းဘိန်းပိုမိုစိုက်ပျိုးခြင်းနှင့်ပတ်သက်ပြီး သျှမ်းပြည်မူးယစ်ဆေးဝါးစောင့်ကြည့်ရေးအဖွဲ့ခေါင်းဆောင် ဦးခွန်စိုင်းက - “ဟုတ်တယ် မြောက်ပိုင်း သျှမ်းပြည်ဘက်လဲ ပိုစိုက်တယ်၊ နမ့်ခမ်းမြို့နယ်ထဲမှာဆို ဘိန်းစိုက်ပျိုးမှုက သိသိသာသာပိုများတယ်လို့ပြောရမှာဘဲ။ အဲ့မှာ ပြည်သူ့စစ်အဖွဲ့လည်း ၁၇ ဖွဲ့ရှိတယ်။ ဘိန်းခြံအခွန် ကောက်စားဖို့လဲ သူတို့ကို နအဖ စစ်တပ်က ခွင့်ြုပထားတယ်၊ ဝေစုပြန်ခွဲယူတယ်၊ သျှမ်းပြည်တောင်ပိုင်း နားယိုင်း၊ မကျိုင်းဒေသ ဘက်လဲ အဲဒီလိုဘဲ” - ဟု ပြော၏။

သျှမ်းပြည်အတွင်းဘိန်းစိုက်ပျိုးမှု ပိုများသော်လည်း ဘိန်းအထွက်နှုန်းကျဆင်းခြင်းနှင့်ပတ်သက်၍ ဦးခွန်စိုင်းက -ပစိဖိတ်သမုဒ္ဒရာမှ ဖြတ်သန်းတိုက်ခတ်လာသည့် အယ်လ်နီးညိုး လေနွေးလမ်းကြောင်း အကျိုးဆက်မှပေါ်ပေါက် လာသောရာသီဥတုဖေါက်ပြန်မှုကြောင့်ဖြစ်သည်ဟုဆို၏။ ဘိန်းအပါအ၀င် စပါးနှင့်အခြားစိုက်ပျိုးသီးနှံများလည်း ထွက်နှုန်း မကောင်းဟု ဆက်ပြောပါသည်။

၂၀၀၉- ၂၀၁၀ အတွင်း ဘိန်းစိုက်ပျိုးမှု/ထွက်ရှိမှု အခြေအနေ အသေးစိတ်ကို သျှမ်းပြည်မူးယစ်စောင့် ကြည့် လေ့လာရေး အဖွဲ့က ဂျွန် ၂၆ ရက် ကမ္ဘာ့မူးယစ်ဆေးဝါးတိုက်ဖျက်ရေးနေ့အမှီ အစီရင်ခံစာထုတ်ပြန်မည်ဟု ခေါင်းဆောင်ဖြစ်သူ ဦးခွန်စိုင်းက ဆိုပါသည်။

လူ ၄၀၀ မဲရုံတစ်ခုထားမည်ဟု နမ့်ခမ်း ကြံ့ဖွံ့ပြော

မြန်မာစစ်အစိုးရ၏ ရွေးကောက်ပွဲကော်မရှင်က မဲဆန္ဒနယ်များ ကြေငြာခြင်း မရှိသေးချိန်တွင် သျှမ်းပြည် (မြောက်ပိုင်း) နမ့်ခမ်းမြို့နယ် ကြံ့ဖွံ့အသင်းက မဲထည့်နိုင်သူ လူဦးရေ ၄၀၀ လျှင် မဲရုံတစ်ရုံထား ရှိမည်ဟု ဒေသတွင်း လှည့်လည်ပြော ကြားနေကြောင်း သိရသည်။
မေလနောက်ဆုံးအပတ်က စတင်ခဲ့သည့် ကြံ့ဖွံ့အသင်း၏ နမ့်ခမ်းမြို့နယ်အတွင်း ကျေးရွာများ စည်းရုံးရေး ခရီးစဉ်တွင် ကျေးရွာ အာဏာပိုင်များကို မဲရုံကိစ္စနှင့်ပတ်သက်၍ ထိုသို့ ပြောကြားခဲ့ကြောင်း ကြံ့ဖွံ့အသင်းဝင် တစ်ဦးက သျှမ်းသံတော် ဆင့်သို့ ပြောသည်။
“မေလ ၁၉ ရက်နေ့က စပြီးရွာတွေစည်းရုံးရေးဆင်းနေတာလေ အခုချိန်ထိပေါ့ မဲရုံတည်ဆောက်တာတွေကို ကျေးရွာ အာဏာပိုင်တွေနဲ့ပြောတယ် ရွာတစ်ရွာမှာ မဲထည့်တဲ့လူ ၄၀၀ ရှိရင် မဲရုံတစ်ရုံပေါ့ ၈၀၀ ရှိရင် ၂ ရုံထားရမယ်ပေါ့ ” ဟု သူက ဆိုသည်။

ထိုသို့ လူဦးရေ အကန့်အသတ်ဖြင့် မဲရုံများထားလျှင် အချို့ကျေးရွာများတွင် မဲရုံ ၂ ရုံမှ ၃ ရုံအထိ ထားရှိရမည်ဖြစ်ပြီး မဲရုံများလေလေ အာဏာပိုင်များဘက်မှ မဲလိမ်ရန် အခွင့်အလမ်းသာလေလေ ဖြစ်နိူင်ကြောင်း အကြားအမြင်များသည့် ဒေသခံတစ်ဦးက ဆိုသည်။

“အခုလို မဲရုံများများထားတော့ နအဖဘက်က မဲလိမ်လို့ပိုကောင်းတာပေါ့ စောင့်ကြည့်ဖို့ဟာလည်း အခက် အခဲရှိတယ်။ မဲသယ်တဲ့ ရွေ့တဲ့နေရာ ဒီကြားထဲအမျိုးမျိုးလှည့်လို့ရတယ်ဗျာ။ ကျွန်တော့်အထင်ပြောရရင် ဒီရည်ရွယ်ချက်နဲ့ လုပ်တာ ဖြစ် နိူင်တယ်။ ၂၀၀၈ ဖွဲ့စည်းပုံအတည်ပြုတုန်းကလိုပဲ သူတို့စိတ်ကြိုက် လုပ်သွား မှာပဲ” လို့ ၄င်းဒေသခံက သုံးသပ်သည်။

နအဖစစ်အာဏာပိုင်များ ထုတ်ပြန်ထားသည့် ရွေးကောက်ပွဲဥပဒေအရ ကော်မရှင်သည် မဲဆန္ဒနယ် အကျယ် အ၀န်းကို ရွေးကောက်ပွဲမကျင်းပမီ အနည်းဆုံးရက်ပေါင်း ၃၀ ကြိုတင်၍ ကော်မရှင်အဖွဲ့ခွဲက ထပ်ဆင့်ကြေငြာရမည်ဟုဖေါ်ပြ ထားသည် ။

ရွေးကောက်ပွဲ ကျင်းပမည့် နေ့ရက်ကို ယနေ့အထိ တရားဝင်ထုတ်ပြန်ခြင်းမရှိသေးချိန်တွင် လူမှုရေးအသင်းအမည်ခံ ထားသော ကြံ့ဖွံ့အသင်းက မဲရုံကိစ္စများ ဆောင်ရွက်နေခြင်းမှာ ဥပဒေအရ တရားဝင်မှုမရှိကြောင်း သူက ဆက်ပြောသည်။

နမ့်ခမ်းကြံ့ဖွံ့အသင်းအနေဖြင့် မေ ၁၉ ရက်နေ့မှ စ၍ အသင်းဝင်အင်အား စုဆောင်းရေးလုပ်ငန်းများကိုလည်း ဆောင်ရွက် နေရာ နမ့်ခမ်းမြို့ပေါ်ရပ်ကွက်တစ်ခုလျှင် အယောက် ၅၀ မ၀င်မနေရ စနစ်ဖြင့် စုဆောင်းနေ ကြောင်း သိရသည်။