Pages

Subscribe

Tuesday 8 June 2010

နျူကလီးယား သတင်းပေါက်ကြားမှု စစ်အစိုးရ စုံစမ်းစစ်ဆေး

မြန်မာနိုင်ငံဟာ မြောက်ကိုရီးယားနဲ့ ပူးပေါင်းပြီး နျူကလီးယားလက်နက် ထုတ်လုပ်နိုင်ဖို့အထိ ကြံစည် ကြိုးပမ်းနေတယ် ဆိုတဲ့ သက်သေ အထောက်အထား အချို့နဲ့အတူ သတင်းတွေ ပေါက်ကြားခဲ့ပြီးနောက် စစ်အစိုးရက သက်ဆိုင်ရာ နျူကလီးယား တပ်ရင်းတွေ၊ စီမံကိန်းတွေနဲ့ မြေအောက်ဥမင် စီမံကိန်းက တာဝန်ရှိ အရာရှိတွေ၊ တပ်မှူးတွေကို နေပြည်တော်မှာ ခေါ်ယူစစ်ဆေး မေးမြန်းတာတွေ လုပ်နေတယ်လို့ သိရပါတယ်။ နျူကလီးယားကိစ္စ သတင်းတွေ ထွက်ပေါ်လာတာကြောင့် လူထုအကြားမှာ ဘယ်လိုဂယက်တွေ ထွက်ပေါ်နေသလဲ၊ စစ်တပ်အတွင်းမှာရော ဘယ်လို ဂယက်ရိုက်ခတ်မှု အတိုင်းအတာ ဘယ်လောက်ရှိမလဲဆိုတာ ကိုသားညွန့်ဦးက စုံစမ်းမေးမြန်းပြီး တင်ပြပေးထားပါတယ်။
မြန်မာအစိုးရနဲ့ မြောက်ကိုရီးယား နျူကလီးယားလုပ်ငန်း ပတ်သက် ဆက်စပ်နေတယ်ဆိုတဲ့ အထောက်အထားအချို့ နိုင်ငံတကာကို ဖောက်ချခဲ့တဲ့ ဗိုလ်မှူးစိုင်းသိန်းဝင်းရဲ့ ညီအကို မောင်နှမအချို့ကို အာဏာပိုင်တွေက မေးမြန်းစစ်ဆေးမှု ရှိခဲ့တယ်လို့ သိရသလို နေပြည်တော်မှာတော့ နျူကလီးယား စီမံကိန်း၊ မြေအောက်ဥမင် စီမံကိန်းနဲ့ ပတ်သက်တဲ့ အရာရှိတွေ၊ တပ်မှူးတွေကို ခေါ်ယူမေးမြန်း စစ်ဆေးနေတယ်လို့ သိရပါတယ်။ စစ်တပ်အတွင်း အစိုးရ အာဏာပိုင်တွေ အတွင်းမှာတော့ ဒီကိစ္စနဲ့ ပတ်သက်လို့ အထူးအလေးပေး စိုးရိမ်နေပုံ ရပါတယ်။

မြန်မာ့အရေး လေ့လာသူ ကိုအောင်နိုင်ဦးကတော့ ဒီပြဿနာနဲ့ ပတ်သက်လို့ ပြည်တွင်းပြည်ပ ရိုက်ခတ်မှုတွေ အတော်လေး ရင်ဆိုင်ရလိမ့်မယ်လို့ ပြောပါတယ်။

“ဒီလိုကိစ္စမျိုးတွေ ရှိတိုင်းမှာတော့ စစ်အစိုးရထဲမှာ ဖမ်းတာ၊ ဆီးတာ၊ ပိုပြီးတော့ တင်းကျပ်တာ၊ စည်းမျဉ်း စည်းကမ်းတွေ ထုတ်တာ၊ စုံစမ်း စစ်ဆေးမှုတွေ လုပ်တာတော့ ရှိတာပဲလေ။ နျူကလီးယားကိစ္စက ကြီးကြီးကျယ်ကျယ် ဖြစ်လာတယ်၊ နိုင်ငံတကာ သတင်းတွေမှာလည်း ပါလာတယ်၊ ပြီးတော့ အမေရိကန်က ဆီနိတ်တာ ဂျင်မ်ဝက်ဘ် (Jim Webb) ကိုယ်တိုင်က ဒီနျူကလီးယား ကိစ္စကြောင့် မြန်မာပြည်ကို သွားလည်မယ့် ကိစ္စမှာလည်း လေယာဉ်ပေါ် တက်ခါနီးမှ ခရီးစဉ်ကို ဖျက်လိုက်တယ်တို့၊ ပြီးတော့ တခြား ဒေသတွင်း အာဆီယံမှာ ဆိုရင်လည်း Nuclear Free Zone ဆိုတဲ့ ကိစ္စမျိုးတွေလည်း ရှိတယ်ဆိုတော့ ပြည်တွင်း ပြည်ပမှာ ဖြစ်လာနိုင်တဲ့ ဂယက်တွေက များတော့ စစ်အစိုးရကလည်း သူ့အထဲမှာရှိတဲ့ ပြဿနာတွေကို ထိန်းသိမ်းနိုင်ဖို့ သူ့က သေသေချာချာတော့ လုပ်မှာပဲ။ ဘယ်အပေါက်က ထွက်လဲဆိုတာ ရှာတာတွေကတော့ ဖြစ်မှာပဲ။”

အခု ပေါက်ကြားခဲ့တဲ့ သတင်းလို နျူကလီးယားဗုံး ထုတ်လုပ်နိုင်ဖို့ဆိုတဲ့ မြန်မာအစိုးရရဲ့ ရည်မှန်း စိတ်ကူးယဉ်မှုဟာ အထူးအဆန်းတော့ မဟုတ်ဘူးလို့ ကိုအောင်နိုင်ဦးက ပြောပါတယ်။ ဘာကြောင့်လဲဆိုတော့ မြန်မာနိုင်ငံလို ဆင်းရဲတဲ့နိုင်ငံ၊ နိုင်ငံတကာရဲ့ ပယ်ကျဉ်ထား ခံရတဲ့ နိုင်ငံအဖို့ နိုင်ငံတကာရဲ့ လောက်လောက်လားလား ဂရုပြုတာ ခံလိုတယ်လို့ ပြောပါတယ်။

“ဖွဲ့စည်းပုံမှာလည်း နျူကလီးယားနဲ့ ပတ်သက်တဲ့ စွမ်းအင်တို့၊ နိုင်ငံတော် ကာကွယ်ရေး ဆိုတဲ့အောက်မှာ ထည့်ထားတာ ရှိတယ်ဆိုတော့ ဒီလိုကိစ္စမျိုးအတွက် အံ့သြစရာလည်း မရှိဘူးပေါ့။ မြောက်ကိုရီးယားနိုင်ငံတို့ ဘာတို့ဆိုရင်လည်း ဘာမှတော့ မဟုတ်ပေမဲ့ နျူကလီးယားလက်နက် ပိုင်ဆိုင်တဲ့အတွက် ကမ္ဘာပေါ်မှာ အထူးသဖြင့် အမေရိကန်လို နိုင်ငံမျိုးကလည်း လေးလေးစားစား ဆက်ဆံရတာတွေ ရှိနေတယ်။

“နောက် အရေးကြီးတဲ့ တချက်ကတော့ မြန်မာနိုင်ငံဟာ ဒေသတွင်းမှာ ပထ၀ီ နိုင်ငံရေးအရ အချက်အချာကျတဲ့ နိုင်ငံဖြစ်တယ်။ စစ်အစိုးရ အမြဲတမ်း ပြောနေတာ ရှိတယ်၊ အဲဒါက အင်အားကြီး နိုင်ငံနှစ်ခုရဲ့ ကြားထဲမှာ ရှိတဲ့အတွက် စစ်ရေးအရ အင်အားကောင်းဖို့ လိုတယ်ဆိုပြီး ပြောနေတာ ရှိတယ်။ လက်တွေ့မှာတော့ တရုတ်နိုင်ငံကိုရော၊ အိန္ဒိယနိုင်ငံကိုရော စစ်ရေးအရ ဘယ်လိုမှ နိုင်နိုင်တဲ့ အနေအထားလည်း မရှိဘူး။ သို့သော်လည်း နျူကလီးယားလက်နက် ရှိတယ်ဆိုရင်တော့ ဒီနိုင်ငံတွေက ကျူးကျော်လာခဲ့မယ် ဆိုရင် တားနိုင် ဆီးနိုင်တဲ့ လက်နက်တခု ဖြစ်တယ်ပေါ့ဗျာ။”

မြန်မာနိုင်ငံတွင်း အများပြည်သူ အကြားမှာတော့ ဒီပြဿနာရဲ့ ဂယက် စိုးရိမ်မှုတွေက နောက်ခံဝန်းကျင်တွေအပေါ် မူတည်ပြီး အမျိုးမျိုး ဖြစ်နေတယ်လို့ ပြည်တွင်း သတင်းစာဆရာတဦးက ပြောပါတယ်။

“မြန်မာပြည်က နျူကလီးယား ရည်မှန်းချက် ရှိတယ်ဆိုတော့ သူတို့တွေက ထပ်ပြီးတော့ ပိတ်ဆို့မှုတွေ လုပ်ရင် နိုင်ငံခြားထွက်ဖို့ ပြုဖို့မှာ အခက်အခဲတွေများ ဖြစ်မလားပေါ့ဗျာ။ အဲဒါမျိုး သူတို့ စိုးရိမ်တာပေါ့လေ။ တချို့က ဒီလို နျူကလီးယား အစီအစဉ် ရှိတယ်ဆိုရင် အမေရိကန်က အရေးယူလိမ့်မယ်။ အဲဒါဆိုရင် စစ်အစိုးရ အားနည်းအောင် လုပ်မယ်ဆိုရင် အားရတာရှိတယ်။ တချို့အမြင်ကျတော့ ဒီဟာကြီးက ပြည်တွင်း ဒီမိုကရေစီ အရေုးကိုများ လွှမ်းမိုးသွားမလား ဆိုပြီးတော့။”

အခုလို ပြဿနာရပ်ကနေ အစိုးရက အမြတ်ထုတ်နိုင်တာလည်း ရှိတယ်လို့ အဲဒီ သတင်းစာဆရာက ယူဆပါတယ်။ နျူကလီးယား လုပ်နေပါတယ်ဆိုတဲ့ သတင်းပေါက်ကြားမှု အတိုင်းအတာ တစုံတရာအထိ မြန်မာအစိုးရက ဖြစ်စေချင်ပုံ ရတယ်လို့ သူက ခန့်မှန်းတာပါ။

“သူက တဘက်မှာလည်း အဲဒါမျိုး မခံချင်တော့ ဒါမျိုး Nuclear Energy ရှိတယ်လို့ ထင်ကောင်းထင်မယ်။ တကယ်လက်တွေ့မှာ Effective ဖြစ်ဖို့ကတော့ ကျနော် သိပ်မထင်ဘူး။”

ဒါပေမဲ့ ကိုအောင်နိုင်ဦးကတော့ ဒီလိုမမြင်ပါဘူး။ နျူကလီးယားလုပ်ငန်း သဘာဝအရ နိုင်ငံတွေဟာ လျှို့ဝှက်လုပ်လေ့ရှိပြီး အောင်မြင်တော့မှသာ ထုတ်ပြောလေ့ ရှိတယ်လို့ ဆိုပါတယ်။

တကယ်တော့ မြန်မာနိုင်ငံဟာ IAEA အပြည်ပြည်ဆိုင်ရာ အဏုမြူစွမ်းအင် အေဂျင်စီရဲ့ နျူကလီးယားလက်နက် မပြန့်ပွားရေးစာချုပ် အဖွဲ့ဝင်နိုင်ငံ တနိုင်ငံ ဖြစ်ပါတယ်။ ဒါ့အပြင် မြန်မာပါဝင်တဲ့ အာဆီယံအသင်းဟာ ဆိုလည်း အာဆီယံကို နျူကလီးယား ကင်းမဲ့ဇုန် သတ်မှတ်နိုင်ရေး ကြိုးပမ်းနေတဲ့ အဖွဲ့အစည်းပါ။ အခုထွက်ပေါ်လာတဲ့ သတင်းတွေနဲ့ ပတ်သက်လို့တော့ IAEA အပြည်ပြည်ဆိုင်ရာ အဏုမြူစွမ်းအင် အေဂျင်စီ အနေနဲ့ စုံစမ်းစစ်ဆေးသွားဖို့ရှိပြီး လိုအပ်ရင်တော့ မြန်မာအစိုးရထံကနေ ဖြေရှင်းချက် တောင်းခံသွားမယ်လို့ IAEA အကြီးအကဲ ပြောဆိုချက်ကို ကိုးကားပြီး ရိုက်တာသတင်းမှာ ဖော်ပြထားပါတယ်။

စီးပွားရေးလုပ်ပိုင်ခွင့် စည်းမျဉ်းသစ် စစ်အစိုးရ ထုတ်ပြန်

မြန်မာနိုင်ငံမှာ ဘဏ်လုပ်ငန်း အပါအ၀င် တခြားစီးပွားရေးနဲ့ ဘဏ္ဍာရေးဆိုင်ရာ လုပ်ထုံးလုပ်နည်း အသစ်တွေကို မြန်မာစစ်အစိုးရက ဒီကနေ့ ထုတ်ပြန်လိုက်ပါတယ်။ ဒီလုပ်ထုံးလုပ်နည်း အသစ်တွေကို တကယ် လက်တွေ့ ကျင့်သုံးမယ် ဆိုရင်တော့ စီးပွားရေး လုပ်ငန်းရှင်တွေ၊ နိုင်ငံခြားဝင်ငွေ ရရှိသူတွေအတွက် ရေရှည်မှာ ကောင်းတဲ့လက္ခဏာ ဖြစ်တယ်လို့ စီးပွားရေး လုပ်ငန်းရှင်တွေက သုံးသပ်ကြပါတယ်။ အပြည့်အစုံကို ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။
မြန်မာစစ်အစိုးရက ဒီနှစ်ထဲမှာ အစိုးရပိုင် လုပ်ငန်းတွေကို ပုဂ္ဂလိကလက် လွှဲပြောင်းမှုတွေ အရှိန်မြှင့် လုပ်ဆောင်လာနေတဲ့ အထဲမှာ ဘဏ္ဍာရေးနဲ့ဆိုင်တဲ့ လုပ်ထုံးလုပ်နည်း အသစ်တွေကိုလည်း ထုတ်ပြန်လာပါတယ်။ ဒီကနေ့ပဲ မြန်မာ့ ရင်းနှီးမြှုပ်နှံမှုနှင့် ကုန်သွယ်ရေးဘဏ်၊ မြန်မာ့နိုင်ငံခြား ကုန်သွယ်မှုဘဏ်တို့မှာ ဘဏ္ဍာရေးဆိုင်ရာ လုပ်ထုံးလုပ်နည်း အသစ်တွေနဲ့ ဆိုင်တဲ့ အမိန့်ကြေညာချက်တွေ ကပ်ထားတာကို တွေ့ခဲ့ရတယ်လို့ ရန်ကုန်မြို့က စီးပွားရေး လုပ်ငန်းရှင် တဦးဖြစ်တဲ့ ဆရာစိန်က ပြောပြပါတယ်။

“ဘဏ်က ဒီနေ့ ကြေညာချက်တွေ ထွက်တယ်။ အဲဒါက ကျနော်တို့ အရင်တုန်းက Export Earning လုပ်နေတဲ့ ငွေတွေတင် မကဘဲ အခု နိုင်ငံခြားမှာ သွားလုပ်တဲ့ လူတွေရဲ့ တရားဝင် ငွေတွေကို သံရုံးအခွန်ဆောင်တာတို့၊ ဘဏ်အခွန်ဆောင်တာတို့ ပါပြီးရင် အဲဒီငွေတွေလည်း Earning အဖြစ် သုံးခွင့်ပြုမယ်။ နောက်တခုက ပြည်တွင်းမှာ ရတနာရောင်းလို့ရတဲ့ ပိုက်ဆံ၊ နောက်တခုက FEC နဲ့ ဒေါ်လာနဲ့ ရောင်းလို့ရတဲ့ ပိုက်ဆံ၊ ပြီးတော့ မြန်မာမှု အရုပ်ကလေးတွေ ရောင်းလို့ရတဲ့ ပိုက်ဆံ၊ အဲဒါမျိုးတွေလည်း ပေးမယ်ဆိုတဲ့ ကြေညာချက်တခု ထွက်တယ်။

“နောက်တခုက Earning တွေ ဟိုတုန်းက Transfer လုပ်လို့ရှိရင် Transfer က မူရင်း တဆင့်ပဲပေါ့၊ Export ကုမ္ပဏီက Earning တခုရောင်းရင် One ကနေ Two, Three, Four လက်ထဲပေါ့ဗျာ၊ ကြိုက်သလို အပြောင်းအလဲ လုပ်နိုင်တယ်ဆိုတာ တခုလည်း ဒီနေ့ ထွက်တယ်။ အဲဒီကြေညာချက်လည်း ဘဏ်မှာ ကပ်ထားတယ်။ ပြီးတော့ FEC နဲ့လည်း ပြည်တွင်းမှာရှိတဲ့ဟာကို ဒေါ်လာကဲ့သို့ သုံးနိုင်တယ်ဆိုတဲ့ ကြေညာချက်တခုလည်း ကပ်ထားတယ်။ အဲလိုဖြစ်တယ်၊ ဒီနေ့။ ထူးထူးခြားခြားပေါ့ဗျာ။”

အဲဒီ အမိန့်ကြေညာချက်တွေကို နိုင်ငံခြားငွေ ကြီးကြပ်ရေး ကော်မရှင် အကြီးအကဲကိုယ်တိုင် လက်မှတ်ထိုးတာ ဖြစ်တယ်လို့ ဆိုပါတယ်။

အခုလို လုပ်ထုံးလုပ်နည်း အသစ်တွေ ထုတ်ပြန်လိုက်တာက ပြည်ပမှာ အလုပ်ထွက်လုပ်နေသူတွေ အပါအ၀င် စီးပွားရေးလုပ်ငန်း လုပ်ကိုင်နေသူ တော်တော်များများ သွင်းကုန် တင်သွင်းခွင့် ရရှိမယ်ဆိုတဲ့ လက္ခဏာ ဆောင်နေတာကြောင့် ဒေါ်လာဈေးလည်း ဒီကနေ့ အနည်းငယ် ကျသွားတယ်လို့ ဆိုပါတယ်။

“အခုကျတော့ Earning တွေ များလာတော့မှာပဲ ဆိုပြီး Earning ဈေးက ၁၀၉၈ လောက်ကနေ တဖြည်းဖြည်း ကျလာတာ ဒီနေ့ ၁၀၂၀ မှာ ရပ်သွားတယ်။ ၁၀၂၀ ကျတော့ ၀ယ်ချင်သူက နည်းနည်းများလာတာပေါ့။ သုံးထားတဲ့ ဝေါဟာရကို ကြည့်ရတာကတော့ သွင်းကုန်ပေါ့၊ Import Right ရရှိမယ်လို့ သေသေချာချာ ရေးထားတယ်။ Import Right ရရှိမယ်လို့ ရေးထားတော့ အရင်တုန်းက Export Earning ဆိုတာ အကန့်အသတ် တခုလို ဖြစ်နေတာ။ ဘာဖြစ်လို့လဲဆိုတော့ ပို့ရတဲ့ ပစ္စည်းတွေကသာလျှင် Export Earning မဟုတ်တော့ဘဲနဲ့ နိုင်ငံခြား သွားလုပ်တဲ့သူရဲ့ ဟာကလည်း Export Earning အဖြစ် ဖြစ်လာတယ်။

“အဲဒါတင်မကဘူး၊ တော်တော် ကျယ်ကျယ်ပြန့်ပြန့် ဖြစ်လာတာပေါ့ဗျာ။ အဲတော့ ရေးထားတဲ့ စကားလုံးလေးတွေက ကြေညာချက်မှာကျတော့ သွင်းကုန် Right၊ Import Right ရရှိထားသော Earning လို့ ရေးထားတာကို ကြည့်ရင် ရှေ့လျှောက်ကြတော့ နိုင်ငံခြားသွားလုပ်တဲ့ လူတွေဟာ သူတို့ကြိုက်တဲ့ ပစ္စည်းတွေကို သွင်းခွင့် ရကောင်းရမယ်ဆိုတဲ့ အဓိပ္ပာယ်မျိုး မှန်းကြည့်လို့ရပါတယ်။”

အခုလို ပိုမိုပွင့်လင်းတဲ့ လုပ်ထုံးလုပ်နည်း အသစ်တွေ ထုတ်ပြန်လိုက်တာဟာ တကယ် လက်တွေ့ ကျင့်သုံးရင် ကောင်းတဲ့လက္ခဏာ ဖြစ်တယ်လို့ ဆရာစိန်က သုံးသပ်ပါတယ်။

“အခုဟာတော့ ကောင်းတဲ့လက္ခဏာ၊ ပြောင်းလဲလာတဲ့ လက္ခဏာပါ၊ နိုင်ငံတကာ နယ်ပယ်ထဲမှာရှိတဲ့ စီးပွားရေးသဘောကို ပြောတာ၊ နိုင်ငံတကာ နယ်ပယ်ထဲမှာတော့ ၀င်ဆန့်အောင် လုပ်ရမယ့် လက္ခဏာလို့ ကျနော် ဒီလိုပဲ မြင်ပါတယ်။”

မြန်မာနိုင်ငံမှာ ပုဂ္ဂလိကဘဏ်အသစ် ၄ ခု ထပ်ဖွင့်ဖို့ စစ်အစိုးရက ခွင့်ပြုမိန့် ချပေးပြီး မကြာခင် လအနည်းငယ်အတွင်း ဒီဘဏ်တွေ ဖွင့်နိုင်ဖို့ ပြင်ဆင်နေတဲ့ အချိန်နဲ့ ဓာတ်ဆီနဲ့ ဒီဇယ်ဆီဆိုင်တွေ ပုဂ္ဂလိက ကုမ္ပဏီတွေ လက်ထဲ လွှဲပြောင်းပေးတဲ့ အချိန်နဲ့ အခုလို အမိန့်ကြေညာချက် ထုတ်ပြန်လိုက်တဲ့ အချိန်ဟာ တိုက်ဆိုင်နေတာမို့ ရေရှည်မှာ သွင်းကုန်ထုတ်ကုန် လုပ်ငန်းတွေ အားလုံးကို လွတ်လပ်ခွင့်ပေးမယ့် လက္ခဏာလား ဆိုတာတော့ မသေချာသေးပါဘူး။

“ဒါပေမဲ့ တော်တော်ကြာကြာကြတော့ ဒီဥစ္စာက Import/Export Policy ကို ပြောင်းမှာဖြစ်တဲ့အတွက်၊ ဆိုလိုချင်တာက ပစ္စည်း တော်တော်များများကို လွတ်လွတ်လပ်လပ်ပို့၊ လွတ်လွတ်လပ်လပ်သွင်း ဆိုတဲ့ အနေအထားကို ပြောင်းမှာ ဖြစ်တဲ့အတွက် Earning ခွန်တွေ မလိုအပ်ဘဲ ဈေးတက်မှာစိုးလို့ အခုကတည်းက ဒီဟာတွေကို Liberalize လုပ်ထားသလား ဆိုတာလည်း ကျနော်တို့ သေချာ မသိသေးဘူး။ ဘာဖြစ်လို့လဲဆိုတော့ ပစ္စည်းတွေကို သွင်းခွင့်ပေးတော့မယ်ဆိုတဲ့ အနေအထားမျိုးမို့လို့ Liberalize လုပ်သလား။ နောက်တခုက ဒီဇယ်၊ ဓာတ်ဆီတို့ တိုးရမယ့် ပမာဏရှိလို့ Liberalize လုပ်သလား ဆိုတာ သေသေချာချာ ကုန်သွယ်ရေး ပေါ်လစီတော့ အသေအချာ မထွက်သေးဘူးလေ။”

ပုဂ္ဂလိကဘဏ်အဖြစ် ဖွင့်ခွင့်ရထားတဲ့ ကုမ္ပဏီ ၄ ခုကတော့ ထူးကုမ္ပဏီ လီမိတက်၊ Max မြန်မာ၊ IGE ကုမ္ပဏီ လီမိတက်နဲ့ Eden ကုမ္ပဏီ လီမိတက်တို့ ဖြစ်ပါတယ်။ ဒီကုမ္ပဏီတွေ အနေနဲ့ ကနဦး မတည်ငွေအဖြစ် အနည်းဆုံး အမေရိကန်ဒေါ်လာ ၁၀ သန်းစီ ထည့်ဝင်ကြရမှာ ဖြစ်ပြီး ပြည်တွင်း စီးပွားရေးဘဏ် အဖြစ်နဲ့ ရန်ကုန်၊ မန္တလေး စတဲ့ မြို့ကြီးတွေမှာ စတင် ဖွင့်လှစ်မယ်လို့ သိရပါတယ်။ အခုလို ဘဏ်အသစ် ၄ ခု ဖွင့်ခွင့်ပေးလိုက်တဲ့အတွက် မြန်မာနိုင်ငံမှာ ပုဂ္ဂလိကဘဏ် စုစုပေါင်း ၂၀ ရှိလာတော့မှာ ဖြစ်ပါတယ်။

မြန်မာနိုင်ငံ၌ နျူကလီးယားလက်နက် မလိုအပ်ဟု NLD ပြော

ချင်းမိုင် (မဇ္ဈိမ)။ ။ စစ်အစိုးရအနေဖြင့် နျူကလီးယားလက်နက် စီမံကိန်းအစား ပြည်သူများ လက်တွေ့ ခံစားနေရသည့် ဒုက္ခများကို ဖြည့်ဆည်းပေးသင့်ကြောင်း အမျိုးသားဒီမိုကရေစီအဖွဲ့ချုပ် (NLD) ဒုဥက္ကဌ ဦးတင်ဦးက ပြောသည်။

“အမှန်ကတော့ လူတွေ ငတ်ပျက်နေတာ။ မီးရေမလာတာတွေ ဖြည့်ဆည်းပေးစမ်းပါဗျာ။ အဲဒါတွေ လုပ်ပေးရင် သူတို့ကို လေးစားဂုဏ်ယူမှာပါ” ဟု ကာကွယ်ရေး ဝန်ကြီးဟောင်း ဦးတင်ဦး က မဇ္ဈိမကို ပြောသည်။
ထို့ပြင် မြန်မာနိုင်ငံသည့် ဖွံ့ဖြိုးတိုးတက်သည့် နိုင်ငံမဟုတ်ခြင်း၊ ကျွမ်းကျင်သည့် သိပ္ပံပညာရှင်များ မရှိ သေးခြင်းတို့ကြောင့် အန္တရာယ်ရှိလာနိုင်သည်ဟု ဆိုသည်။

“အိမ်နီးချင်းနိုင်ငံတွေ ဆိုရင်လည်း ချစ်ခင်ရင်းနှီးနေတာဘဲဗျာ။ မလိုဘူး ထင်ပါတယ်။ သိပ္ပံနည်းတွေ ကျွမ်းကျွမ်းကျင်ကျင် လုပ်နိုင်မှ စဉ်းစားရမဲ့ ကိစ္စပါ။ ကျနော်တို့ နိုင်ငံက ပေါတီးပေါ့စလုပ်တတ်တာ တွေရှိတော့ မတော်တဆ ဖြစ်ရင်လည်း သိပ်အန္တရာယ် ကြီးမားပါတယ်” ” ဟု သူက ပြောသည်။

စစ်အစိုးရသည် နျူကလီးယား နည်းပညာဆိုင်ရာ သင်တန်းများ တက်ရောက်ရန် စစ်တပ်မှ ရွေးချယ်၍ ရုရှနိုင်ငံသို့ စေလွှတ်သည်မှာ ၁ဝ နှစ်ခန့်ရှိပြီဖြစ်သောကြောင့် “အထိုက်အလျောက်” တတ်မြောက် လာပြီး လက်နက် ထုတ်လုပ်နိုင်ရေး စတင်လုပ်ဆောင်နေပုံရသည်ဟု သူက သုံးသပ်သည်။

ယခု နှစ် ဖေဖော်ဝါရီလ၌ ပြည်ပသို့ထွက်လာသူ မကွေးတိုင်း မြိုင်မြို့နယ်အတွင်းရှိ လျို့ဝှက်လက်နက် ထုတ်စက်ရုံမှ အကြီးအကဲတဦးဟု ဆိုသူ ဗိုလ်မှူးစိုင်းသိန်းဝင်းက စာရွက်စာတမ်းနှင့် ဓာတ်ပုံ အထောက်အထားများကို နော်ဝေအခြေစိုက် ဒီမိုကရက်တစ်မြန်မာ့အသံ DVB သို့ လွှဲပြောင်းခဲ့ခြင်းဖြစ် သည်။ ယင်းကို အယ်လ်ဂျာဇီးယား ရုပ်မြင်သံကြားမှ ယခုလ ၄ ရက်နေ့က ထုတ်လွှင့်သွားသည်။

ကမ္ဘာ့နျူကလီးယားဆိုင်ရာ ဖြစ်ပေါ်တိုးတက်မှုများကို စောင့်ကြည့် ကြပ်မတ်နေသော နိုင်ငံတကာ အနုမြူစွမ်းအင်အေဂျင်စီ IAEA အဖွဲ့ကြီး၏ ဒါရိုက်တာဟောင်း ရောဘတ် ကယ်လီကလည်း ယင်း အထောက်အထားများအရ စစ်အစိုးရသည် နျူကလီးယားလက်နက်အတွက် လိုအပ်သော ယူရေနီ ယမ်သတ္တု ပြုလုပ်ရန် ကြိုးစားနေကြောင်း ထင်ရှားသည်ဟု ဆိုသည်။

မြန်မာနိုင်ငံသည် အရှေ့တောင်အာရှ နျူကလီးယား လက်နက်ကင်းရှင်းရေးဇုံ Treaty on South East Asia Nuclear Weapon Free Zone (SEANWFZ) ကို ၁၉၉၅ ခု ဘန်ကောက်တွင် ကျင်းပသည့် ASEAN အစည်းအဝေး၌ လက်မှတ်ထိုးထားသည်။

နောက်ဆုံးထွက်လာသည့် အစီရင်ခံစာနှင့် ပတ်သက်၍ IAEA က လေ့လာမှုများ ပြုလုပ်သွားမည်ဖြစ်ပြီး လိုအပ်ပါက စစ်အစိုးရအား မေးမြန်းစုံစမ်းသွားမည်ဖြစ်ကြောင်း သိရသည်။

တောင်ဥက္ကလာပ နေအိမ်တလုံး မီးလောင်၊ တဦး သေဆုံး

နယူးဒေလီ (မဇ္ဈိမ)။ ။ ရန်ကုန်တိုင်း တောင်ဥက္ကလာပမြို့နယ်အတွင်းရှိ နေအိမ်တလုံး ယမန်နေ့ နံနက် ၉ နာရီခန့်တွင် မီးလောင်ခဲ့ရာ လူတဦး သေဆုံးခဲ့သည်။

တောင်ဥက္ကလာပ အမှတ် ၁၁ ရပ်ကွက် ရာဇသင်္ကြန်လမ်းရှိ အသက် ၈ဝ ခန့်အရွယ် ဒေါ်ကလေးမ၏ အိမ်အမှတ် ၁၄၄ (ပေ ၂ဝ ၊ ပေ ၃ဝ အကျယ်) သွပ်မိုးပျဉ်ကာ ၂ ထပ်အိမ် မီးလောင်မှုအတွင်း လူပျိုလူလွတ်တဦးဖြစ်သူ အသက် ၄ဝ နှစ်အရွယ် ကိုသက်ထွန်းအောင် သေဆုံးသွားခြင်း ဖြစ်သည်။ သေဆုံးသူသည် ဒေါ်ကလေးမ၏ မြေးတော်စပ်သူဖြစ်ပြီး ကဗျာဆရာမောင်စိမ်းနီ၏ သား ဖြစ်သည်။
သူသည် လွန်ခဲ့သော လပိုင်းအတွင်း အရက်ဖြတ်ခဲ့သူဖြစ်ပြီး လေဖြတ်ဝေဒနာကို ခံစားနေရသူဖြစ်ကြောင်း အကို တော်စပ်သူ တဦးက မဇ္ဈိမကို ပြောသည်။

‘’သူ့ကို ပြုစုရတယ်။ သူက နွားနို့သောက်ချင်တယ်ပြောတော့ သူ့ကို ကုတင်မှာအိပ်နေတာကနေ ထူပေးခဲ့ပြီး နွားနို့သောက်တယ်။ သူ နွားနို့သောက်နေတုန်း အိမ်ရှေ့လမ်းထောင့်က ဆိုင်မှာ အသုတ် သွားစားတာ။ တပွဲကုန်သွားတယ်။ ‘မီး’ ‘မီး’ လို့ အော်လို့ ကြည့်လိုက်တော့ အိမ်က ဖြစ်နေတယ်။ ကျနော်သွားတော့ အိမ်မှာ မီးတွေက တော်တော်လေးကို ဝါးမျိုနေပြီ။ အရင်ဆုံး အဖွားကို ပြေးယူပြီး သူငယ်ချင်းတွေ၊ အိမ်နီးချင်းတွေကို ပေးတယ်။ ပြီးတော့မှ သက်ထွန်းဆီကို သွားတာ။ သွားလို့ မရတော့ဘူး။ သွားရင် ကျနော်လည်း မီးလောင်သေမှာဆိုတော့ လူတွေကလည်း အော်ကြတယ်။ မသွားနဲ့ မသွားနဲ့ပေါ့ဗျာ။ အဲဒီလိုနဲ့ပဲ သက်ထွန်းကို ကျနော်တို့ မကယ်လိုက်နိုင်တာပါ’’ ဟု သူက ပြောသည်။

နံနက် ၉ နာရီကျော်ကျော်တွင် မီးလောင်မှု စတင်ဖြစ်ပွားခဲ့ပြီး ၉ နာရီခွဲခန့်တွင် တောင်ဥက္ကလာပ၊ သင်္ဃန်းကျွန်းနှင့် ဗဟိုမီးသတ်မှ မီးသတ်ကား စုစုပေါင်း ၁၇ စီး လာရောက်ငြှိမ်းသတ်ခဲ့ရာ ၁ဝ နာရီခန့်တွင် မီးငြိမ်းသွားသည်။ နေအိမ်တခုလုံး ပြာကျသွားကာ အနီးမှ အိမ် ၂ လုံးလည်း အနည်းငယ် ကူးစက်ခံခဲ့ရသည်။

နေအိမ်အပေါ်ထပ်တွင် ၂ ခန်း ပြုလုပ်ထားရာ အမျိုးသမီး ၂ ဦးအတွက် တခန်းငှားထားသလို၊ ၃ ဦးပါ မိသားစုတစုကို တခန်းငှားပေးထားသည်။ အောက်ထပ်တွင်မူ သေဆုံးသူ၏ ညီနှင့် ညီမအတွက် သီးသန့်တခန်း၊ အကိုဝမ်းကွဲက တခန်း၊ ဒေါ်ကလေးမနှင့် သေဆုံးသူ ကိုသက်ထွန်းအောင်တို့က တခန်းတွင် နေထိုင်ကြသည်။

သေဆုံးသူသည် ယခင်က အရက် အလွန်အကျွံသောက်ခဲ့ကာ၊ စိတ်ပိုင်းဆိုင်ရာ ချို့ယွင်းနေကြောင်း မိသားစုနှင့် နီးစပ်သည့် အသိုင်းအဝိုင်းထံမှ စုံစမ်းသိရှိရသည်။

ယခုမီးလောင်မှုသည် မီးဖိုမီး မီးကြွင်းမီးကျန်ကြောင့်ဟု ရန်ကုန်တိုင်း မီးသတ်ဦးစီးဌာနက ပြောဆိုသည်။

မိသားစုနှင့်နီးစပ်သူများကမူ အပေါ်ထပ်တွင် နေထိုင်သူများသည် ချက်ပြုတ်စားသောက်သူများ မဟုတ်ဘဲ၊ အောက်ထပ်တွင် နေသူများလည်း ထမင်းချက်စားချိန် မဟုတ်သေးကြောင်းနှင့် ကိုသက်ထွန်းအောင်သည် ဆေးလိပ်သောက်တတ်သဖြင့် မီးခြစ်ကို အိပ်ယာဘေးတွင် အမြဲထားရှိသူဖြစ်ကြောင်း ပြောသည်။ သို့သော် ၎င်းတို့အနေဖြင့် မီးလောင်မှု မည်ကဲ့သို့ စတင်ခဲ့ရသည်ကို အတည်ပြုနိုင်ခြင်း မရှိကြပါ။

လူ ၉ ဦး အိုးအိမ်မဲ့ဖြစ်သွားရာ အိမ်ရှင် ဒေါ်ကလေးမကို ဆွေမျိုးများက ခေါ်ဆောင်သွားကာ ကျန်ပုဂ္ဂိုလ်များကို ၁၁ ရက်ကွက် သာသနာ့ဟိတ ဓမ္မာရုံတွင် ဒေသခံများက ကျွေးမွေးစောင့်ရှောက်နေကြသည်။

မီးလောင်မှုကြောင့် ဆုံးရှုံးမှုတန်ဖိုးမှာ ကျပ်သိန်း ၅ဝ ကျော်မည်ဖြစ်ကြောင်း ဗဟိုမီးသတ် ကျွမ်းကျင် အရာထမ်းတဦးက ခန့်မှန်းပြောဆိုသည်။

လူမျိုးရေး မခွဲခြားရန် ဒုက္ခသည်ရုံးကို ဆန္ဒပြ

နယူးဒေလီ (မဇ္ဈိမ) ။ ။ မလေးရှားရောက် ရခိုင်လူမျိုး ဦးရေ ၅ဝ ကျော်သည် လူမျိုးရေး ခွဲခြားဆက်ဆံခြင်း မပြုဘဲ ဒုက္ခသည်အဖြစ် အသိအမှတ်ပြုရန်အတွက် မြို့တော်ကွာလာလမ်ပူရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR သို့ ယမန်နေ့ နံနက်ပိုင်းတွင် သွားရောက်ဆန္ဒပြခဲ့သည်။

မလေးရှားရောက် ရခိုင်ဒုက္ခသည်များအား UNHCR က အသိအမှတ်ပြု ကူညီစောင့်ရှောက်ရန်၊ မလေးရှား အကျဉ်းထောင်နှင့် ထိန်းသိမ်းရေး စခန်းများရှိ အထိန်းသိမ်းခံ ရခိုင်များအား UNHCR က ကူညီဖြေရှင်းပေးရန်နှင့် UNHCR ရုံးတွင် ရခိုင်ဘာသာပြန် ထားရှိရန်ဟူသည့် အချက် ၃ ချက်ကို ဆန္ဒပြသူများက တောင်းဆိုခဲ့ကြသည်။
“ကျန်တဲ့ တိုင်းရင်းသားတွေကို ဒုက္ခသည်အဖြစ် အသိအမှတ်ပြုတယ်။ UN က ခွဲခြားဆက်ဆံလို့ ဆန္ဒသွားပြကြတာ။ ပြီးတော့ ထောင်တွေနဲ့ camp တွေမှာဆိုလည်း UN က မကြည့်ပေးဘူးဗျ။ လာကြည့်ရင် ရခိုင်ဆိုရင် ချန်ထားခဲ့တယ်။ ကျန်တဲ့ လူမျိုးဆိုရင် pass ပေးလိုက်တယ်။ နောက်တချက်က ကျနော်တို့ ရခိုင်လူမျိုး ဘာသာပြန် လျှောက်တော့လည်း မခန့်ဘူးဗျာ။ အဲဒီအတွက် ကျနော်တို့ ကိုယ့်စကားနဲ့ ဘာသာမပြန်ရတဲ့အတွက် လိုရင်းမရောက်တာတွေ ရှိတယ်” ဟု ဆန္ဒပြပွဲ ဖြစ်မြောက်ရေး ဦးဆောင်လှုပ်ရှားသူ တဦးဖြစ်သည့် ကိုမင်းမင်းထွန်းက မဇ္ဈိမကို ပြောသည်။

တောင်းဆိုချက် ၃ ချက် ရေးသားထားသည့် ပေးစာကို UNHCR ရုံး တာဝန်ရှိသူတဦးက လက်ခံရယူကာ ၎င်းတို့ရုံးအနေဖြင့် စဉ်းစားပေးမည်ဟု ပြောဆိုသွားခဲ့သည်။

ပြီးခဲ့သည့် ၂ဝဝ၄ ခုနှစ်မှ ၂ဝဝ၈ ခုနှစ် ဇူလိုင်လအတွင်း UNHCR က ရခိုင်များကိုပါ ဒုက္ခသည်အဖြစ် အသိအမှတ်ပြုခဲ့ရာမှ ထိုနောက်ပိုင်းတွင် ဒုက္ခသည်လျှောက်ထားခွင့်ပင် မရတော့ကြောင်းနှင့် မလေးရှားတွင် UNHCR ၏ စောင့်ရှောက်မှုကို ခံယူလိုသူ ရခိုင်လူမျိုး ၁ သောင်းကျော်ရှိကြောင်း ဆန္ဒပြသူများထံမှ သိရှိရသည်။

မလေးရှားတွင် ရခိုင် ဦးရေ ၁၅ဝဝဝ ခန့်ရှိရာ ၁၇ဝဝ ခန့်သာ UNHCR အသိအမှတ်ပြု လက်မှတ်ရရှိထားပြီး၊ ၅ဝဝ ခန့်မှာ ယာယီလက်မှတ် ကိုင်ဆောင်ထားကြောင်းနှင့် ၂၅ဝ ခန့်မှာ တတိယနိုင်ငံသို့ အခြေချခဲ့ပြီဖြစ်ကြောင်း ရခိုင် ဒုက္ခသည် ကယ်ဆယ်ရေး ကော်မတီထံမှ သိရသည်။ ထို့အပြင် တနိုင်ငံလုံးရှိ ထိန်းသိမ်းရေးစခန်း ၁၁ ခုတွင် အထိန်းသိမ်းခံနေရသူ ရခိုင်လူမျိုး ဦးရေ ၃ဝဝ ကျော်ရှိကြောင်း သိရသည်။

မြန်မာ့အရေး လှုပ်ရှားမှုအဖွဲ့ (မလေးရှား) ပြောရေးဆိုခွင့်ရှိသူ ကိုထွန်းဝင်းညွန့်က “ကျနော်တို့ ဗမာရယ်၊ ရခိုင်တွေရယ်ကို UN က ခွဲခြားဆက်ဆံတယ်။ မြန်မာပြည်ကလာတဲ့ ကျန်တဲ့ တိုင်းရင်းသားတွေကိုတော့ အသိအမှတ်ပြုတယ်။ ကျနော်တို့ကျတော့ လျှောက်လွှာတောင် တင်ခွင့်မရဘူး။ ဘာဖြစ်လို့ ကျနော်တို့ကို အသိအမှတ်မပြုတာလဲလို့ UN ကို မေးတော့ မင်းတို့က ဗမာလူမျိုးဖြစ်လို့ passport (နိုင်ငံကူးလက်မှတ်) ရှိတယ်၊ ပြန်လို့ရတယ် ဆိုတာလောက်ပဲ ယေဘုယျဆန်ဆန် ဖြေတယ်’’ ဟု မဇ္ဈိမကို ပြောသည်။

ချင်းဒုက္ခသည်များ ကော်မတီ (မလေးရှား) မှ ပြောရေးဆိုခွင့်ရှိသူ တဦးကလည်း “မြန်မာနိုင်ငံက တိုင်းရင်းသားတွေကို အသိအမှတ်ပြုကဒ် ထုတ်ပေးတဲ့နေရာမှာ ဗမာနဲ့ ရခိုင်တွေ မပါတော့တာ သတိထားမိတယ်။ အဲဒါ ဘာကြောင့်လဲတော့ ကျနော် မသိဘူး” ဟု ပြောသည်။

မလေးရှား UNHCR ရုံးသို့ မဇ္ဈိမက ဆက်သွယ်မေးမြန်းခဲ့ရာ ပြောရေးဆိုခွင့်ရှိသူ အမျိုးသမီး Yante Ismail က ၎င်းအနေဖြင့် အသေးစိတ် အခြေအနေကို မသိရှိသဖြင့် ပြောဆိုရန် ငြင်းဆိုခဲ့သည်။

ယခုနှစ် ဧပြီလကုန်အထိ မလေးရှား UNHCR သို့ ဒုက္ခသည်အဖြစ် လျှောက်ထားသူနှင့် အသိအမှတ်ပြုခံရပြီးသူ စုစုပေါင်း ၈၇၇ဝဝ ဦးရေ ရှိသည့်အနက် မြန်မာနိုင်ငံသားမှာ ၈၁၂ဝဝ ရှိသည့်အထဲတွင် ချင်း (၃၉၁ဝဝ)၊ ရိုဟင်ဂျာ (၁၈၈ဝဝ)၊ မြန်မာမူဆလင် (၅၉ဝဝ)၊ မွန် (၃၈ဝဝ)၊ ကချင် (၃၆ဝဝ) နှင့် အခြားလူနည်းစုများဖြစ်ကြောင်း UNHCR (မလေးရှား) ဝဘ်ဆိုဒ်တွင် ဖော်ပြထားသည်။

ကျန်အရေအတွက်များမှာ သီရိလင်္ကာ၊ ဆိုမားလီး၊ အီရတ်နှင့် အာဖဂန်နစ္စတန်မှ ဖြစ်သည်။ ဒုက္ခသည်နှင့် လျှောက်ထားဆဲ အားလုံး၏ ၇ဝ ရာခိုင်နှုန်းသည် အမျိုးသားများဖြစ်ပြီး၊ ၃ဝ ရာခိုင်နှုန်းမှာ အမျိုးသမီးများဖြစ်သည်။ အသက် ၁၈ နှစ် အရေအတွက်မှာ ၁၉ဝဝဝ ပင် ရှိသည်။

မလေးရှားသည် ၁၉၅၁ ခုနှစ် ကုလသမဂ္ဂ၏ ဒုက္ခသည်များဆိုင်ရာ သဘောတူစာချက်ကို လက်မှတ်ရေးထိုးထားခြင်း မရှိသော နိုင်ငံဖြစ်သည်။

ထို့ကြောင့် UNHCR ဒုက္ခသည်လက်မှတ် ရရှိထားသူများ၊ ခိုလှုံခွင့် လျှောက်ထားသူများနှင့် နိုင်ငံမဲ့များအား တရားမဝင် ကူးပြောင်းလာသူများအဖြစ် သတ်မှတ်ကာ ဖမ်းဆီးထောင်ချလေ့ရှိသည်။ တရားမဝင် အလုပ်သမားများကိုလည်း ငွေဒဏ်နှင့် ထောင်ဒဏ်များ ချမှတ်လေ့ရှိသည်။

ကွာလာလမ်ပူတွင် တရားမဝင် အလုပ်သမားအဖြစ် နေထိုင်သူ မြန်မာနိုင်ငံသားတဦးက “ကျနော်တို့က ရဲဖမ်းမခံရအောင် သူများ passport ကို ကပ်ခွာလုပ်ပြီး နေတယ်လေ။ UN ကလည်း အသိအမှတ်မပြု၊ သက်ဆိုင်ရာ တိုင်းရင်းသား အဖွဲ့အစည်းတွေရဲ့ ကဒ်နဲ့လည်း မရဘူး။ ဖမ်းတာပဲ” ဟု ပြောသည်။

လယ်ယာမြေသိမ်းပိုက်ခြင်း၊ လုပ်အားပေးခိုင်းစေခြင်း၊ စစ်မက်ဖြစ်ပွားခြင်းနှင့် စီးပွားရေးကျပ်တည်းခြင်းတို့ကြောင့် မြန်မာနိုင်ငံသား သိန်းပေါင်းများစွာသည် အိမ်နီးချင်းနိုင်ငံများသာမက မလေးရှားသို့ပါ သွားရောက်ကာ ဒုက္ခသည်အဖြစ် လျှောက်ထားခြင်းနှင့် အလုပ်လုပ်ကိုင်နေကြခြင်း ဖြစ်သည်။

ရွှေတူးဖော်ရေးကြောင့် အိမ်ယာမြေများပြောင်းရွှေ့နေ

နေပူကျဲကျဲ မေခမြစ်ကမ်းတွင် အင်ဝိုင်းကိုင်ကာ တစ်ကိုယ်လုံးရေများ ရွှဲစိုနေသော်လည်း ကရုမစိုက်နိုင်သော ဇနီးမောင်နှံ (Bambing) သည် မျော်လင့်ချက်ကြီးကြီးဖြင့် ရွှေကျင်နေသည်။ သူတို့မကြာခင် တစ်ခါမှ မရောက်ဖူးသည့် ရွာသစ်(လွယ်ငူးဘွမ်တောင်ခြေ)သို့ ပြောင်းရွှေ့ရတော့မည်။

mandawng-mare-makau-nmaihka

ဒီနှစ် နှစ်ဆန်းပိုင်းက မန်ဒေါင် လိမ္မော်ခြံတခြံကို အခုလို မြေတူးစက်များဖြင့် ရွှေတူးရန်ပြင်ဆင်နေပုံ။ ဓါတ်ပုံ - KDNG

ကချင်ပြည်နယ် ဝိုင်းမော်မြို့နယ်ရှိ မေခမြစ်ကမ်းနား ဗန်ဗိန်ကျေးရွာသည် ရွှေတူးဖော်လုပ်ငန်းအတွက် ပြီးခဲ့သည့်လမှ လွယ်ငူးဘွမ်တောင်ခြေသို့ ပြောင်းရွှေ့နေသည်။

နယ်ခြားစောင့်တပ် အသွင်ကူးပြောင်းသွားသည့် NDA-K ဥက္ကဋ္ဌဟောင်း ဇခုန်တိန့်ယိန်း မိသားစု ပိုင် ပန်ဝါအထွဋ်အထိပ်ကုမ္ပဏီ မှ ရွှေတူးဖော်ရေးအတွက် ၎င်းကျေးရွာပြောင်းရွှေ့ရခြင်းဖြစ်သည်။

ချီဖွေမြို့နယ်ရှိ မေခမြစ်တွင်ရေကာတာတည်ဆောက်ခြင်းကြောင့် မေခမြစ်တလျှေက် ကျေးရွာများ၊ စိုက်ပျိုးရေးခြံများ ရေလွမ်းမိုးမှုတွင်ပျက်ဆီးဆုံးရှုံးသွားနိုင်သဖြင့် အိမ်ယာမြေများ အလဟသမဖြစ်စေရန် ၎င်းနေရာ၌ ရွှေတူးဖော်နေခြင်းဖြစ်သည်ဟု ဦးဇခုံတိန့်ယိန်းမှ ပြောသည်။
ဤသို့ မေခမြစ်ကို ပိတ်လိုက်ခြင်းဖြစ် ကချင်ပြည်နယ်မှ လိမ္မော်သီးအထွက်ကောင်းဆုံး မန်ဒေါင်ကျေးရွာ (Mandawng mare)၊ ဒုံဗန်ကျေးရွာ၊ ဗန်ဗိန်ရွာတို့သည်လည်း ရေလွှမ်းမိုးမှုတွင်ပါသွားနိုင်သည်။

မြစ်ကြီးနားမြို့နှင့် မိုင်၂၀ကျော်ဝေး ဗန်ဗိန်ကျေးရွာကို ဦးရှဇော်လွမ်းဇောင်းသည် စားအုန်းဆီ၊ လိမ္မော်၊ ဒညှင်းစသည့် စိုက်ပျိုးရေုးခြံအနေဖြင့် တည်ထောင်ခဲ့သည်။ ယင်းကျေးရွာတွင် အိမ်ခြေ ၃၀ကျော်ရှိသည်။

မြန်မာစစ်အစိုးရနှင့် ကချင်လွတ်မြောက်ရေးအဖွဲ့ (ကေအိုင်အို) အပစ်အခတ်ရပ်ဆဲ နောက်ပိုင်း တောခိုနေသည့် ကချင်တိုင်းရင်းသားများ ဗန်ဗိုင်ကျေးရွာသို့ လာရောက်နေထိုင်လာခြင်းဖြစ်သည်။ “နိုင်ငံရေး အခြေအနေ အေးချမ်းသွားချိန်မှ အိမ်ခြံမြေမရှိလို့ စုဝေးပြီး နေထိုင်လာကြတယ်” ဟု ဝိုင်းမော် ဒေသခံခရစ်ယာန် ဆရာတစ်ဦးမှ ပြောပြသည်။

၎င်းက ဆက်ပြီး “ အရင်ဗန်ဗိန်ရွာက ပျက်ဆီးသွားပြီ၊ အခုနောက်ပိုင်းမှစတည်လာတာ၊ မြေဆီလွာအရမ်းကောင်းလို့ လာနေတာ” ဟု ပြောပြသည်။

အရင်းအနှီးမရှိသည့် မိသားစုများသည် မုံညှင်းဆီထုတ်သည့် မုံညှင်း၊ ရိုးရိုးမုံညှင်း၊ အာလူး၊ ငရုတ်၊ ခရမ်းသီး အစရှိသည့် ဟင်းသီးဟင်းရွက်များစိုက်ကာ သက်မွေးဝမ်းကျောင်းပြုလုပ်ကြသည်။

အရင်က သူတို့ဇနီးမောင်နှံသည် စိုက်ပျိုးရေးလုပ်ငန်းဖြင့် အသက်မွေးဝမ်းကြောင်းပြုကာပျော်ရွှင်သည့် ဘဝကိုဖြတ်သန်းလာခဲ့သည်။ “ရေကြီးသွားရင်ပါသွားမဲ့ မြေစာ၊ သူတို့လောင်းပြီးသွားတဲ့ မြေစာတောင်မယူခိုင်းဘူး” ဟု သူတို့ရွှေကျင်ရာတွင် မြေကွက်မရှိကြောင်း ဇနီးသည်မှ ပြောသည်။

၎င်းသို့အိမ်ခြံမြေများ ရွှေတူးဖော်ရေး လုပ်ကွက်တွင် ပါနေသော်ကြောင့် ဦးဇခုံတိန့်ယိန်းမှ ဝယ်ယူလိုက်သည်။
ကလေးတွေ ကျောင်းတက်ဖို့ ငွေစုရမည့်ဇောဖြင့် နေ့မအားညမအား ရွှေကျင်နေရသည်။

“ကလေးကျောင်းစရိတ်လည်းမရှိဘူး၊ အိမ်ပြန်ချင်တယ် လမ်းစရိတ်မရှိလို့ မပြန်နိုင်သေးတာ၊ အိမ်က ၁၀တန်း တက်မဲ့ကလေးတစ်ယေက်ရှိတယ်လေ” ဟု သူမ၏ ခံစားချက်ကို ဆက်ပြောသည်။

အရှုံးတွေထဲမှ တစ်နေ့တွင် ရွှေသုံးရွေး ရ၍ သူတို့ဇနီးမောင်နှံပျော်နေကြရသည်။ ၎င်းမှ “တစ်နေကုန် ရွှေကျင်ရင်လည်း တစ်ခါမှ မရသည့်အချိန်ကများနေတယ်”ဟု သူမဆိုသည်။

ယခုတွင် မြစ်ကမ်းပါး အိမ်ခြံများကို အရင်ရောင်းကာ ယင်းဒေသခံများကို တစ်အိမ်လျှင် ကျပ်၁သိန်းတန် လက်စွပ်တစ်ကွင်းဆီပေးနေသည်။ နောက်ထပ် မြေကွက်များရောင်းရလျှင် ဦးရှဇော်လွမ်းခေါင်မှ လွယ်ငူဘွမ်တောင်ခြေတွင် ကျပ်၁၀သိန်းတန် အိမ်ဆောက်လုပ်ပေးသွားမည်ဖြစ်ကြောင်း ဒေသခံများမှ ပြောသည်။

လွယ်ငူဘွမ်တောင်ခြေသည် လဝါယန်ဌာနေပြည်သူ့စစ်(လဆန်အောင်ဝါ) လက်အောက်ခံ နယ်မြေဖြစ်သည်။

၎င်းပြည်သူ့စစ်သည် KIO (ကချင်လွတ်မြောက်ရေးအဖွဲ့) မှ ခွဲထွက်ကာ ပြီးခဲ့သည့် နှစ်ကုန်ပိုင်းတွင် မြန်မာ တပ်မတော် လက်အောက်ခံ ပြည်သူ့စစ်အဖြင့် ပြောင်းလဲဖွဲ့စည်းခဲ့သည်။

မေခ၊ မလိခမြစ်နှင့် မြစ်ဆုံရေအောက်ရှိ သယံဇာတ ရွှေသတ္တုများကို ဦးဇခုံတိန့်ယိန်း၊ ဦးလဆန်အောင်ဝါတို့အား နိုင်ငံတော်မှ ခွင့်ပြုနိုင်သော အချိန်ကာလအထိ သတ္တုတွင်းဝန်ကြီးဌာနနှင့် တူးဖော်၊ ထုတ်လုပ်၊ ရောင်းချလုပ်ကိုင်ရန် နှစ်ဦးနှစ်ဘက် သဘောတူစာချုပ်ချုပ်ကို ၂၀၁၀ ဖေဖော်ဝါရီလ (၈)ရက်က ချုပ်ဆိုထားသည်။

ယခင်တွေ ဒေသခံ များသည် ခြံစိုက်ပျိုး၍ အသက်မွေးဝမ်းကျောင်းပြုကာ ယခုတွင်မူ အလုပ်လက်မဲ့ဖြစ်နေကြရ သည်။ ပြောင်းရွှေ့ရမည့် အိမ်ခြံမြေမရှိ၍ ခုထိမပြောင်းရသေးသော ထိုဇနီးမောင်နှံနှင့် အိမ်ခြေ ၆အိမ်ကျန်နေ သေးသည်။

ကရင်အချင်းချင်း အထင်မြင်လွဲမှားစေသည့် လုပ်ကြံဝါဒဖြန့်မှုများ ထွက်ပေါ်

စောအဲခေါင် (ကေအိုင်စီ)

တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)နှင့် ကရင်အမျိုးသားအစည်းအရုံး (ကေအဲန်ယူ)တို့ကြား အချင်းချင်း အထင်အမြင်လွဲမှားစေရန် ရည်ရွယ် လုပ်ကြံရိုက်ကူးထားသည့် ဗီဒီယိုဇာတ်ကားများ၊ စာများကို ယခုရက်သတ္တပတ်အ တွင်း ရန်ကုန်မြို့နှင့် အခြားနေရာများတွင် ထွက်ပေါ်လာနေကြောင်း ရန်ကုန်မှလာသည့် သတင်းအရ သိရှိရသည်။

အပစ်ရပ် တိုင်းရင်းသားလက်နက်ကိုင်အဖွဲ့များအား နယ်ခြားစောင့်တပ် အသွင်ပြောင်းရန် နောက်ဆုံးသတ်မှတ်ချိန် ဧပြီလ ၂၈ရက်နေ့ နောက်ပိုင်း ဒီကေဘီအေတပ်ဖွဲ့အတွင်း သဘောထားတိုက်ဆိုင်မှုမရှိကြောင်း သတင်းများ ထွက်ပေါ်လာချိန်တွင် ကရင်အချင်းချင်း ကြား ပဋိပက္ခအသွင်ဆောင်သည့် ဇာတ်ကားများ ရည်ရွယ်ဖြန့်ဝေခြင်းဖြစ်ကြောင်း ပြည်တွင်းပြည်ပရှိ ကရင်အသိုင်းအ၀ိုင်းများက ဝေဖန်ပြောဆိုကြသည်။
ဒါရိုက်တာ စိုးကျော်ကျော် ရိုက်ကူးထားသည့် ဖာပွန်နယ်မှ ဖြစ်ရပ်မှန်ဆိုသည့် ဒီကေဘီအေနှင့် ကေအဲန်ယူအကြောင်းကို အခြေခံထား သည့် ဗီဒီယိုဇာတ်ကားကို ပြီးခဲ့သော မေလကုန်ပိုင်းနှင့် ဇွန်လဆန်းပိုင်းအတွင်း ရန်ကုန်နေရာအနှံအပြားတွင် ထုတ်လွှင့်ပြသခဲ့သည် ဟု အဆိုပါဇာတ်ကားကို ကြည့်ရှုခဲ့ရသူ ရန်ကုန်မြို့ခံ ကရင်လူငယ်တဦးက ဆိုသည်။

သူက “ဇာတ်လမ်းကတော့ လူငယ်တယောက် ရဟန်းခံခါနီး ကေအဲန်ယူက ဖမ်းသွားတယ်။ နောက်သူတို့ရွာက အလှူပွဲကို ပြန်ဖျက်ဖို့ ကေအဲန်ယူက ပြန်လွှတ်တဲ့အချိန်မှာ ဒီကေဘီအေက တွေ့ပြီး မိဘတွေဆီ ပြန်ပို့ပေးတယ်။ နောက် ကေအဲန်ယူနဲ့ ဒီကေဘီအေအ ကြား ပဋိပက္ခ အသွင်ဆောင်တဲ့ ဇာတ်ကွက်တွေလည်း ထည့်ထားပါတယ်“ဟု ပြောသည်။

နာမည်ကြီး သရုပ်ဆောင်များ မပါဝင်ဘဲ နာမည်အနည်းငယ်ရနေသော လူကြမ်းမင်းသားတချို့ ပါဝင်သရုပ်ဆောင်ထားသည့် အဆိုပါ ဗွီဒီယိုကားသည် စစ်အစိုးရမှ လုပ်ကြံရိုက်ကူးထားမှုတခုသာဖြစ်သည်ဟု ယူဆကြောင်း ၎င်းက ဝေဖန်သုံးသပ်ပြောဆိုသည်။

ထို့အပြင် ဒီကေဘီအေနှင့် ကေအဲန်ယူတို့အကြား ကွဲပြားမှုအချို့ကို ထုတ်နှုတ်ထားပြီး မဟုတ်မမှန် လုပ်ကြံရေးသားထားသည့် စာ များကိုလည်း အီးမေးလ်မှတဆင့် ကရင်မီဒီယာသမားများထံသို့ လိုက်လံဖြန့်ဝေမှုများရှိသည်ဟု ကရင်အွန်လိုင်း မီဒီယာအသိုင်းအ ၀ိုင်းက ပြောဆိုနေကြသည်။

“ကျနော် မသိဖူးတဲ့ အီးမေးလိပ်စာနဲ့ ဥပမာ မိန်းကလေးနာမည်လေးနဲ့၊ ကရင်ခေါင်းဆောင် နာမည်(ပဒို)တွေ တပ်ပြီး ကျနော့် အီး မေးလ်ထဲကို ပို့လာကြတာတွေရှိတယ်။ လူထုအနေနဲ့ကော၊ Bolger တယောက်အနေနဲ့ကော ဒါဟာ နအဖရဲ့ လုပ်ကြံ သတင်းပဲဆို တာ ဖတ်လိုက်တာနဲ့ကို သိပါတယ်။ ဒါကြောင့် နအဖတွေရဲ့ ဝါဒဖြန့်ရာနောက် မတွေဝေသွားဖို့ အရေးကြီးတယ်”ဟု ကရင်ဘလော့ ဂါတစ်ဦးဖြစ်သူ စောကျော်ခွိက ပြောဆိုသည်။

ဒီကေဘီအေအဖွဲ့သည် ၁၉၉၄ခုနှစ်က ကေအဲန်ယူမှ ခွဲထွက်ကာ နအဖစစ်တပ်နှင့် ပူးပေါင်းသည့် ကရင်ခွဲထွက်အဖွဲ့တခုဖြစ်ပြီး နအဖ ၏ နယ်ခြားစောင့်တပ် အသွင်ပြောင်းရေး အစီအစဉ်ကြောင့် သဘောထားကွဲပြားမှုများရှိကာ လက်မခံသူများက ကေအဲန်ယူထံ လာ ရောက်ပူးပေါင်းမှုများလည်း ရှိသည်။

နယ်စပ်ဒုက္ခသည်စခန်းတွင် ကျောင်းသားဦးရေ ယခင်နှစ်ထက် ပိုများလာ

စောခါးစူးညား (ကေအိုင်စီ)

သံလွင်မြစ်ကမ်းနံဘေးရှိ အီတိုးထာ့ပြည်တွင်းဒုက္ခသည်စခန်း၌ ယခုနှစ် ကျောင်းဖွင့်ချိန်တွင် ပြည်တွင်းမှ လာရောက်ကျောင်း တက်သူ ကျောင်းသူကျောင်းသားဦးရေ ၃၀၀ကျော်ရှိသည့်အတွက် ယခင်နှစ်ထက် ပိုများလာသည်ဟု သိရှိရသည်။

တောင်ငူနှင့် ညောင်လေးပင်ခရိုင်များရှိ အသက် ၁၁နှစ်မှ ၁၆နှစ်အရွယ် ကလေးများသည် ၎င်းတို့ဒေသအတွင်း နအဖစစ်တပ်၏ ပုံမှန် လှုပ်ရှားမှုများကြောင့် စားဝတ်နေရေးခက်ခဲကာ အချို့မှာ ပညာသင်ကြားရန် ကျောင်းမရှိတော့သည့်အတွက် နယ်စပ်ရှိ အီတိုးထာ့စခန်းသို့ ယခုလို လာရောက်၍ ကျောင်းနေကြခြင်းဖြစ်သည်ဟု စခန်းကေဒဗလျူအို လူမှုရေး တာဝန်ခံ နော်ဟဲလေ ထူးက ပြောသည်။
“မနှစ်ကဆိုရင် ကျောင်းသူကျောင်းသားအသစ်တွေ ၁၀၀ကျော်လောက်ပဲ ရောက်လာတယ်။ အခုနှစ်ကတော့ တော်တော်များ လာတာပေါ့နော်။ ဒါတောင်မှ အကုန်မရောက်လာသေးဘူး။ ကျောင်းက ဇွန်လ (၁)ရက်နေ့က ဖွင့်နေပြီဆိုပေမဲ့ ကျောင်းသူ ကျောင်းသားတွေက မစုံသေးဘူး။ နောက်ထပ် ကျောင်းလာအပ်မဲ့သူတွေလည်း ရှိဦးမှာပဲ”ဟု သူမက ပြောသည်။

အီတိုးထာ့စခန်းတွင် ဒုက္ခသည်ဦးရေ ၄,၀၀၀ကျော်ရှိရာ နေရာအကျယ်အ၀န်း မလုံလောက်သည့်အတွက် အချို့ဒုက္ခသည်များ ကို အူးဝဲထာ့နေရာသို့ ရွှေ့ပြောင်းနေထိုင်စေခဲ့ရာ လက်ရှိအချိန်တွင် အီတိုးထာ့စခန်း၌ ကျောင်းသူကျောင်းသားဦးရေမှာ ၁,၀၀၀ ကျော်ရှိသည့် အထက်တန်းနှင့် မူလတန်းကျောင်းတကျောင်းစီနှင့် အူးဝဲထာ့တွင် ကျောင်းသူကျောင်းသား ၂၀၀ကျော်ရှိသည့် အထက်တန်းကျောင်းတစ်ကျောင်း ရှိသည်ဟု သိရသည်။

အီတိုးထာ့စခန်းရှိ စာသင်ကျောင်းများကို ကူညီပေးနေသည့် Karen Teacher Working Group-KTWG မှ စောအဲ့ဒို့ဝါးက ယခု လို ကျောင်းသူကျောင်းသား အများအပြား လာရောက်ကျောင်းတက်ခြင်းသည် အထူးသဖြင့် လွန်ခဲ့သည့် ဇန်န၀ါရီနှင့် ဖေဖော်ဝါ ရီလအတွင်း ညောင်လေးပင်ခရိုင် ကျောက်ကြီးနှင့် မုံးမြို့နယ်အတွင်းရှိ စာသင်ကျောင်းများကို နအဖ လှုပ်ရှားတပ်ဖွဲ့က မီးရှို့ ဖျက်ဆီးလိုက်သည့်အတွက်ဖြစ်သည်ဟု သုံးသပ်ပြောဆိုသည်။

၎င်းက “အခု တက်လာတဲ့ ကျောင်းသားတွေထဲက ညောင်လေးပင်ခရိုင်က ကျောင်းသားတွေဟာ သူတို့ရဲ့ဒေသမှာ နအဖတပ် တွေက ကျောင်းကို မီးရှို့လိုက်တယ်။ ဒီတော့ ကျောင်းပြန်မဆောက်နိုင်သေးတာနဲ့ ကျောင်းတက်လို့ မရဘူးပေါ့”ဟု ဆိုသည်။

အီတိုးထာ့ကျောင်းမှ ကျောင်းသူကျောင်းသားအချို့သည် မယ်ရာမိုနှင့် မယ်လအူးစခန်းသို့ ကျောင်းပြောင်းသွားသူများနှင့် ဆယ် တန်းအောင်သွားသူများကြောင့် နဂိုကျောင်းသားဦးရေ လျော့နည်းသလိုရှိသော်လည်း ယခုနှစ် ကျောင်းသူ ကျောင်းသားဦးရေ များပြားလာသည့်အတွက် ယခင်နှစ်နှင့် မတိမ်းမယိမ်းပင်ဖြစ်သည်ဟု စခန်း ကေဒဗလျူအိုမှ နော်ဟဲလေထူးက ပြောသည်။

ကော့ကရိတ်မြို့နယ်အတွင်း နအဖနှင့် ဒီကေဘီအေ တပ်ဖွဲ့ ၀င်များ အင်အား ၁၅၀ကျော် တိုးချဲ့လာ

အင်အား ၁၅၀ကျော်ရှိ နအဖနှင့် ဒီကေဘီအေ ဗဟိုလုံခြုံရေး ပူးပေါင်းတပ်ဖွဲ့ဝင်များသည် နယ်ခြားစောင့်တပ်အစီအစဉ်ကို ငြင်းဆန် ထားသော ထိုင်း-မြန်မာနယ်စပ်ရှိ တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)အဖွဲ့ကို ဖိအားပေးရန် ကရင် ပြည်နယ်၊ ကော့ကရိတ်မြို့နယ်၊ ဝေါ်လေဂွင်သို့ တပ်အင်အားတိုးချဲ့လာသည်ဟု သိရသည်။

အင်အား(၁၅၀)ကျော်ရှိသော နအဖ စစ်ကွပ်ကဲရေးဌာနချုပ်-စကခ(၈)လက်အောက်ခံ ခမရ(၄၀၃)နှင့် မြိုင်ကြီးငူအခြေစိုက် ဒီကေဘီ အေ ဗဟိုလုံခြုံရေးတပ်ဖွဲ့ဝင်တို့ ပူးပေါင်းတပ်ဖွဲ့သည် ဝေါ်လေဂွင်သို့ ယနေ့မနက် (၁၀)နာရီတွင် တက်ရောက်လာပြီး နယ်ခြားစောင့် တပ်ကို ငြင်းဆန်ထားသည့် ဗိုလ်မှူးကြီးစောလားပွယ်(ဗိုလ်နှုတ်ခမ်းမွှေး) ဦးစီးသည့် ဒီကေဘီအေ တပ်မဟာ(၅)တပ်ဖွဲ့ကို ဖိအားပေး ရန်အတွက် ရောက်ရှိလာခြင်းဖြစ်ကြောင်း ထိုဒေသတွင် လှုပ်ရှားနေသော ကေအဲန်အယ်လ်အေ တပ်ရင်း(၂၀၁)မှ ဒုတပ်ရင်းမှူး ဗိုလ်မှူးစောကြည်အောင်က ပြောသည်။


၎င်းက “ကျနော်တို့ သိရသလောက်ဆိုရင် နယ်ခြားစောင့်တပ်ကို လက်မခံတဲ့ ဗိုလ်နှုတ်ခမ်းမွှေးကို လက်မှတ်ထိုးလာအောင် ဖိအားပေး ဖို့အတွက် တက်လာတာဖြစ်တယ်။ မနက်ဖြန်ကျရင် နှုတ်ခမ်းမွှေးနဲ့ တွေ့ဆုံဆွေးနွေးဖို့ ရှိတယ်။ ဒီကိစ္စကို နှုတ်ခမ်းမွှေးဘက်က လက် မှတ်ထိုးမထိုးဆိုတာက တရက်နှစ်ရက်လောက်တော့ စောင့်ကြည့်ရအုံးမယ် ထင်ပါတယ်”ဟု ပြောသည်။

ထိုကိစ္စနှင့် ပတ်သက်၍ ဒီကေဘီအေ တပ်မဟာ(၅)မှ ထိပ်ပိုင်းခေါင်းဆောင်တစ်ဦးကို ကေအိုင်စီက ဆက်သွယ်မေးမြန်းရာတွင် ယခု လို ပြောသည်။ “တပ်အပြောင်းအလဲလုပ်ဖို့အတွက် တက်လာတာပါ။ တခြားဘာကိစ္စမှ မပါပါဘူး။ ကျနော်တို့ အနီးကပ်နေတဲ့လူတွေ တောင်မှ ဘာမှမသိဘူး”ဟု ပြောသည်။

ပြီးခဲ့သည့် ဧပြီလ ၂၈ရက်နေ့က နယ်ခြားစောင့်တပ်အသွင်ကူးပြောင်းရန် နောက်ဆုံးရက်အဖြစ် သတ်မှတ်ခဲ့အချိန်တွင် ဒီကေဘီအေ တပ်ဖွဲ့ဝင်များအတွင်း သဘောထားကွဲလွဲမှုများ ထွက်ပေါ်လာခဲ့ပြီး ဝေါ်လေဂွင်တွင် နအဖတပ်က အင်အား ၉၀နီးပါး တိုးချဲ့လာခဲ့သလို ဒီကေဘီအေဘက်တွင်လည်း စစ်ရေးပြင်ဆင်မှုများ လုပ်ဆောင်ခဲ့သည်။

တပြိုင်နက်တည်းတွင် ယခင်လဆန်းပိုင်းတုန်းက ဗိုလ်မှူးကြီးစောလားပွယ်က နယ်ခြားစောင့် အသွင်ကူးပြောင်းရေးကိစ္စကို တိတ်တ ဆိတ် လက်မှတ်ရေးထိုးခဲ့သည်ဟု သတင်းထွက်ပေါ်ခဲ့သော်လည်း ဒီကေဘီအေဘက်က တရားဝင်ထုတ်ပြန်ခြင်း မရှိသေးပေ။

ကော့ကရိတ်မြို့နယ်ရှိ ကေအဲန်ယူ တပ်မဟာ(၆)နယ်မြေအတွင်း နအဖစစ်တပ်က တပ်အင်အား တိုးချဲ့မှုများ လုပ်ဆောင်နေသော် လည်း ကေအဲန်ယူ၏ အခြားတပ်မဟာများတွင် တပ်အင်အားတိုးချဲ့မှုများ မရှိကြောင်း ကေအဲန်ယူက ပြောသည်။

မဲဆောက်မြို့တောင်ဘက် (၁၂၀)ကီလိုမီတာ အကွာအဝေးရှိ ဝေါ်လေဂွင်တွင် နအဖ စကခ(၈) လက်အောက်ခံ ခမရ(၄၀၅)၊ ခမရ (၄၀၇)၊ ဒီကေဘီအေ တပ်မဟာ(၅) လက်အောက်ခံ (၉၀၇)တပ်ရင်းနှင့် ကေအဲန်အယ်လ်အေ (၂၀၁)တပ်ရင်းတို့ လှုပ်ရှားလျှက်ရှိ သည်။

မြန်မာနိုင်ငံအကြောင်း ဓာတ်ပုံဆု (၂) ဆု ချီးမြှင့်

မြန်မာနိုင်ငံနှင့်ပတ်သက်သည့် မှတ်တမ်းတင်ဓာတ်ပုံများ ရိုက်ကူးသည့် ဗြိတိန်နိုင်ငံသား ဓာတ်ပုံဆရာတဦးကို ပြင်သစ်အခြေစိုက် PX3 ဓာတ်ပုံအသင်းကြီးက ဆုများ ချီးမြှင့်လိုက်ကြောင်း ယင်းအသင်း၏ ၀က်ဘ်ဆိုဒ်တွင် ဖော်ပြထားသည်။

ဥရောပတွင် ထင်ရှားကျော်ကြားသည့် PX3 ဓာတ်ပုံအသင်းကြီးက ၂၀၁၀ ခုနှစ်အတွက် ချီးမြှင့်သည့် နိုင်ငံရေးဓာတ်ပုံ အကောင်းဆုံးဆု (၂) ဆုကို မြန်မာနိုင်ငံအကြောင်း ဓာတ်ပုံမှတ်တမ်းများ ရိုက်ကူးခဲ့သည့် ဓာတ်ပုံဆရာ James Mackay က ရရှိသွားခြင်းဖြစ်သည်။
နိုင်ငံရေးမှတ်တမ်းတင်ဓာတ်ပုံ အကောင်းဆုံးဆုအဖြစ် ချီးမြှင့်ခြင်းခံရသည့် မှတ်တမ်းဓာတ်ပုံမှာ ကလေးငယ်များ၏ ဝေဒနာ၊ လူဖန်တီးသည့် ကပ်ဘေးဒုက္ခ၏ သားကောင်များ ခေါင်းစဉ်ဖြင့် ရိုက်ကူးတင်ပြထားသည့် ထိုင်း-မြန်မာနယ်စပ် မယ်တော်ဆေးခန်းမှ ဒုက္ခဝေဒနာများ ခံစားနေရသည့် မြန်မာကလေးငယ်များ၏ဘ၀ကို တင်ပြထားသည့် ဓာတ်ပုံများဖြစ်သည်။

အဆိုပါ ဓာတ်ပုံများမှာ စစ်အစိုးရအုပ်ချုပ်သည့် မြန်မာနိုင်ငံမှ ထွက်ပြေးလွတ်မြောက်လာကြသူများအနက် မယ်တော်ဆေးခန်းတွင် ကျန်းမာရေး ဆေးကုသစောင့်ရှောက်မှု ရရှိရန် စောင့်ဆိုင်းနေသည့် ထောင်ပေါင်းများစွာသော ကလေးငယ်များအနက် အချို့ကို James Mackay က မှတ်တမ်းတင် ဓာတ်ပုံရိုက်ထားခြင်းဖြစ်သည်။



နိုင်ငံရေးမှတ်တမ်းတင်ဓာတ်ပုံ ဒုတိယ အကောင်းဆုံးဆုမှာ “လွတ်မြောက်သော်လည်း လွတ်လပ်မှု မရှိပါ” ဟူသော ခေါင်းစဉ်ဖြင့် မြန်မာနိုင်ငံမှ နိုင်ငံရေးအကျဉ်းသားများအကြောင်း ဓာတ်ပုံရိုက်ကူးထားသည့် မှတ်တမ်းဓာတ်ပုံများ ဖြစ်သည်။

ထိုဓာတ်ပုံများမှာ နှစ်ရှည်ထောင်ဒဏ် ကျခံခဲ့ရသည့် ဦးဝင်းတင် အပါအ၀င် ပြည်တွင်းပြည်ပရှိ နိုင်ငံရေးအကျဉ်းသားဟောင်းများက မိမိတို့ လက်ဖ၀ါးပေါ်တွင် ၎င်းတို့ လွတ်မြောက်စေလိုသူများ၏ အမည်များကို ရေးသားပြီး ရိုက်ကူးထားသည့် ဓာတ်ပုံများဖြစ်သည်။



PX3 ဓာတ်ပုံအသင်းကြီးက ဒုတိယဆု ချီးမြှင့်ပေးအပ်ခဲ့သည့် အဆိုပါ နိုင်ငံရေးအကျဉ်းသားများ ပါဝင်သည့်ဓာတ်ပုံများမှာ မြန်မာနိုင်ငံမှ နိုင်ငံရေးအကျဉ်းသားများ လွတ်မြောက်ရေးအတွက် ကမ္ဘာလုံးဆိုင်ရာ လှုပ်ရှားမှုဖြစ်ပြီး ၂၀၀၉ ခုနှစ်တွင် ဆု (၂) ဆု ရရှိခဲ့ကာ ယခုနှစ်၌လည်း မြန်မာ့အရေးလှုပ်ရှားမှုအဖြစ် နိုင်ငံတကာ လွတ်ငြိမ်းချမ်းသာခွင့်အဖွဲ့ကြီးက လန်ဒန်မြို့တွင် ယခုလ (၁၅) ရက်မှ (၂၄) ရက်အထိ ပြသသွားမည်ဖြစ်သည်။

ငွေထုတ်စက်သဖွယ် ငွေညှစ်ခံနေရသည့် ရွှေ့ပြောင်းအလုပ်သမားများ

ထိုင်းနိုင်ငံအတွင်းရှိ ခရိုင် (၇၆) ခုမှ ဒေသအသီးသီးတွင် အာဏာပိုင်ရဲများက ရွှေ့ပြောင်းအလုပ်သမားများအား အမြဲလိုလို တနည်းမဟုတ်တနည်း ခြိမ်းခြောက်ငွေညှစ်နေသည့်အတွက် ၎င်းတို့မှာ ထိုင်းရဲများအတွက် လမ်းလျှောက်နေသော ငွေထုတ်စက် (Walking ATM) သဖွယ်ဖြစ်နေသည်ဟု အလုပ်သမားများက ပြောဆိုသည်။

အခြားဒေသများနှင့်စာလျှင် မဟာချိုင်နှင့်မဲဆောက် ဒေသများရှိ ရဲများသည် နည်းလမ်းပေါင်းစုံသုံး၍ ရွှေ့ပြောင်းအလုပ်သမားများထံမှ ခြိမ်းခြောက်ငွေညှစ် တောင်းခံမှုများ ပြုလုပ်နေကြောင်း၊ သို့သော် အဆိုပါရဲများအား မည်သည့်အစိုးရ အဖွဲ့အစည်းကမှ အရေးယူခြင်းမရှိကြောင်း ငွေညှစ်ခံရသောအလုပ်သမားများက ပြောသည်။
မဟာချိုင်တွင် အလုပ်လုပ်ကိုင်စားသောက်နေကြသော ရွှေ့ပြောင်းအလုပ်သမားများ၏ အိမ်ခန်းများသို့ ဒေသခံရဲများသည် ရှောင်တခင်ဝင်ရောက်စစ်ဆေးပြီး ဈေးဝယ်စာရင်းများ၊ အခြားဂဏန်းနံပါတ်များ ရေးမှတ်ထားလေ့ရှိသူများအား တရားမဝင်ထီ (ချဲ) ထိုးသည်ဟု အတင်းအဓမ္မ စွပ်စွဲခြိမ်းခြောက် ငွေတောင်းခံမှုများ ပြုလုပ်နေကြသည်ဟု သိရသည်။

အဆိုပါကိစ္စနှင့်ပတ်သက်၍ ရဲများ၏ မတရားငွေတောင်းခံမှုကို ရင်ဆိုင်ခဲ့ရသော ကိုထွေးက “သူတို့ နေ့ခင်းဘက် အခန်းထဲကို ဝင်လာတယ်၊ အခန်းကိုမွှေလို့ ဘာမှမတွေ့တော့ စာအုပ်မှာရေးထားတဲ့ အသင်းနံပါတ် ဂဏန်း (၅) လုံးကို ချဲလုပ်ပစ်လိုက်ရော။ ပြီးတော့ မြန်မာပြည်က ဂျာနယ်တွေကို ဒါဘောလုံးဒိုင် ကိုင်တယ်၊ လောင်းကစားလုပ်တယ် ဆိုပြီးပြောတယ်။ ကျနော် ဘတ် (၁၀,၀၀၀) ပေးလိုက်ရတယ်” ဟု ပြောသည်။

မဟာချိုင်ဒေသတွင်နေထိုင်၍ မြန်မာရွှေ့ပြောင်း အလုပ်သမားအရေး လုပ်ဆောင်နေသော ဦးမောင်မောင်က “အထူးသဖြင့် KL ဘက်နဲ့ ထိုင်းယူနီယံဘက် ဒေသတွေမှာဖြစ်နေတာ။ နေ့ခင်းပိုင်းတွေမှာ ဝင်မွှေတာ၊ ဘတ်စစ်၊ အခန်းကိုမွှေပြီးရင် အဲဒီလို အခန်းမှာ ဂဏန်းနံပါတ်တွေ့ရင် ဆွဲသွားရော၊ နောက် ပိုက်ဆံ ဘယ်လောက်နဲ့ရွေး အဲဒီလိုလုပ်တာ” ဟု ဆိုသည်။

ထိုကဲ့သို့ ထိုင်းရဲများက မတရားငွေညှစ်တောင်းခံမှုများသည် မဟာချိုင်ဒေသတွင် တလလျှင် (၂) ကြိမ်ခန့် ပုံမှန်ဖြစ်ပွားလေ့ ရှိနေသည်။

အလားတူ မဲဆောက်ဒေသတွင်လည်း မိမိတို့၏သာရေးနာရေးအတွက် ခရီးရှည်သွားလာရသော ယာယီပတ်စပို့စ် လက်ဝယ်ကိုင်ဆောင်ထားရှိသည့် မြန်မာရွှေ့ပြောင်းအလုပ်သမားများအားလည်း နည်းမျိုးစုံခြိမ်းခြောက် ငွေတောင်းခံမှုများ လုပ်နေကြောင်း သိရသည်။

ပြီးခဲ့သည့် မေလ (၂၈) ရက်နေ့ ညနေ (၆) နာရီခန့်တွင် မဲဆောက်မှဘန်ကောက်သို့ ထွက်ခွာမည့်ကားကို စောင့်ဆိုင်းနေသော ဘန်ကောက်မြို့ ချည်စက်ရုံတခုတွင် အလုပ်လုပ်ကိုင်နေသော အသက် (၄၀) အရွယ် စုံတွဲတတွဲနှင့် တူမတဦးထံမှ လည်းကောင်း၊ အသက် (၃၀) အရွယ် အမျိုးသား (၃) ဦး အမျိုးသမီး (၂) ဦးတို့ထံမှလည်းကောင်း ဒေသခံရဲ (၂) ဦးက ဘတ်ငွေ (၁,၀၀၀) စီ တောင်းယူခဲ့ကြောင်း မျက်မြင်တဦးက ပြောသည်။

မျက်မြင်ဖြစ်သည့် မြန်မာရွှေ့ပြောင်းအလုပ်သမား ကိုကျော်ကျော်က “ကျနော်လည်း ကားစောင့်ရင်း ဆေးလိပ်သောက်နေတာ ကျနော့်တော့ လာမမေးဘူး။ ဟိုလူတွေက စိုးရိမ်တတ်တဲ့ သူတွေဆိုတော့ အမျိုးမျိုးရစ်ပြီး တယောက်ငွေ (၁,၀၀၀) စီ တောင်းသွားတယ်” ဟု ဆိုသည်။

ယခုအခါတွင် ယာယီပတ်စပို့စ် ကိုင်ဆောင်ထားသော ရွှေ့ပြောင်းအလုပ်သမားများသည် ထိုင်းနိုင်ငံအတွင်း လွပ်လပ်စွာသွားလာခွင့်ရှိပြီး မတရားငွေညှစ် တောင်းခံရမှုများရှိပါက ဓာတ်ပုံမှတ်တမ်းတင်၍ရခဲ့လျှင် သော်လည်းကောင်း၊ အဆိုပါရဲများ၏ ဦးထုတ်နံပါတ်နှင့် နေရာအချိန်တို့ကို မှတ်သားကာ အလုပ်သမားအရေး၊ လူ့အခွင့်ရေး လုပ်ဆောင်နေသော အဖွဲ့များမှတဆင့် အရေးယူဆောင်ရွက်၍ရကြောင်း အလုပ်သမားအဖွဲ့များက အကြံပြုထားသည်။

အဆိုပါငွေတောင်းခံခြင်း၊ ငွေညှစ်ခြင်းများနှင့်ပတ်သက်၍ အလုပ်သမားအရေး လုပ်ဆောင်နေသော အဖွဲ့အစည်းများက ထိုင်းအစိုးရအား အစဉ်တစိုက်တင်ပြ လှုံ့ဆော်မှုများရှိသော်လည်း ထိရောက်သော အပြောင်းအလဲများ မတွေ့ရှိရသေးကြောင်း ရွှေ့ပြောင်းအလုပ်သမားအရေး လုပ်ဆောင်နေသူများက ပြောသည်။

အောင်လံမြို့အနီး ကျေးရွာများ သောက်သုံးရေ ပြတ်လပ်

ရန်ကုန်မြို့၌ မိုးရွာသွန်းစ ပြုနေပြီဖြစ်သော်လည်း မြေလတ်ပိုင်း အောင်လံမြို့ ကျေးလက်များ၌ မိုးခေါင်နေခြင်းကြောင့် လတ်တလောတွင် သောက်သုံးရေ ပြတ်လပ်မှုကို ရင်ဆိုင်နေရသည်။

“မေ ၁၉-၂၀ ရက်တွေမှာ မိုးဖွဲဖွဲရွာတယ်။ အဲဒီရက်ကနေ မရွာလိုက်တာ ခုထိပဲ။ အောင်လံမြို့ပေါ်မှတော့ ရေအခက်အခဲ သိပ်မဖြစ်ပါဘူး။ ကျေးရွာတွေဘက်တော့ သောက်သုံးရေအခြေအနေ အတော်ဆိုးနေတယ်” ဟု အောင်လံမြို့ခံတို့က ပြောသည်။
အောင်လံမြို့နှင့် မိုင် (၂၀) ခန့်အကွာ မြောင်ကြီး၊ တလင်းကုန်း၊ သာယာကုန်း၊ ကန်နှစ်ဆင့်၊ ဖိုစွပ်၊ သရက်အုပ်၊ သငှါ၊ သစ်စေးချောင်း အပါအ၀င် အောင်လံမြောက်ခြမ်း ကျေးရွာအားလုံး သောက်သုံးရေ လိုအပ်လျက်ရှိသည်ဟု သိရသည်။

ထိုရွာများသည် ဧရာဝတီမြစ်နှင့်ဝေးကွာပြီး တွင်းရေကို အားထားသုံးစွဲနေကြရကာ မိုးခေါင်မှု ရက်ရှည်လာသည့်အလျှောက် တွင်းရေများ ခန်းခြောက်လာပြီး သောက်သုံးရေ ပြတ်လပ်လာခြင်းဖြစ်သည်။

အောင်လံမြို့ပေါ်မှ ရေအလှူရှင်များက ရေပေးဝေရေးအဖွဲ့မှ သောက်သုံးရေကို အခကြေးငွေဖြင့် ၀ယ်ယူကာ တနေ့ကား (၄) စီးခန့် လှူဒါန်းနေကြသကဲ့သို့ သရက်နှင့် ဆင်ပေါင်ဝဲမြို့တို့မှလည်း အလှူရှင်အချို့က လှူဒါန်းကြသည်ဟု သိရသည်။

ကန်ကြီးရပ်ကွက်နေ ရေအလှူရှင်တဦးက“ကိုယ့်ရေသယ်ယာဉ်နဲ့ ရေယူရင် အောင်လံမြို့ ရေပေးဝေရေးအဖွဲ့ကို ကားတစီး တခေါက်စာ (၅,၀၀၀) ကျပ် ပေးသွင်းရတယ်။ စစ်မှုထမ်းဟောင်းတွေ ကောက်ခံနေကြတာ။ ခုလို ဒေသခံတွေ အခက်အခဲ ရှိနေချိန်မှာ အဖွဲ့အစည်းတွေက ရေရောင်းစားနေသလို ဖြစ်နေတယ်” ဟု ပြောသည်။

အောင်လံမြို့၌ မီးသတ်ရေသယ်ဘောက်ဆာ (၇) စီးခန့်ရှိပြီး ခရီးစဉ် အကွာအဝေးအလိုက် ရေအလှူရှင်က ငွေပေးသွင်းနေကြရသည်ဟု သိရသည်။

“မီးသတ်ဘောက်ဆာ (၁) စီး မြောင်ကြီးကျေးရွာအရောက် (၄၅,၀၀၀) ကျပ်ယူတယ်။ လွန်ခဲ့တဲ့ သုံးပတ်လောက်က မီးလောင်ခဲ့တဲ့ သငှါကျေးရွာဆို (၅၀,၀၀၀) ကျပ် သွင်းရတယ်။ သူတို့ကတော့ လောင်စာဆီဖိုးပြောတာပဲ။ မိုင် (၂၀) ၀န်းကျင် အသွားအပြန်ကို ဒီဇယ် (၆) ဂါလန်ထက် ပိုမကုန်ဘူး။ ဆီဖိုး (၂) သောင်းလောက် ကုန်တာကို (၅) သောင်း တောင်းတာတော့ များလွန်းတယ်” ဟု ဇေယျဝတီရပ်ကွက်နေ ရေအလှူရှင်တဦးက ပြောသည်။

၎င်းက သငှါရွာဆို တရွာလုံး မီးလောင်ထားတာ။ ရှေ့ပိုင်းရက်တွေက ဘယ်ရေအလှူရှင်မှ ၀င်လို့မရဘူး။ ဆင်ပေါင်ဝဲ မယက
ဥက္ကဋ္ဌက မလိုအပ်ရင် ဘယ်ကမှ အကူအညီ မတောင်းပါနဲ့လို့ ရွာကိုပြောထားတယ်။ ဒီတော့ ရွာခံတွေက ကိုယ့်ရဲ့ သောက်သုံးရေ အခက်အခဲကို မပြောရဲကြဘူး။ အလှူရှင်တွေကလည်း အာဏာပိုင်တွေနဲ့ မငြိစွန်းချင်တော့ မလှူဖြစ်ကြဘူး။
ဒါပေမယ့် ခုရက်ပိုင်းတော့ အလှူရှင်တွေ ဆင်းလှူနေပါပြီ” ဟု ပြောသည်။

အောင်လံမြို့ပေါ်ရှိ ငွေကြေးတတ်နိုင်သူများသာ သောက်ရေသန့်ဘူးများ အသုံးပြုလေ့ရှိပြီး အချို့က အ၀ီစိတွင်းရေနှင့် အများစုက ဧရာဝတီမြစ်ရေကိုသာ သောက်သုံးကြသည်။

“မြို့ပေါ် လျှပ်စစ်မီးက (၂) ညပျက်၊ (၁) ညလာပေါ့။ နေ့လယ်ဘက်ကတော့ လုံးဝနီးပါး မီးမလာဘူး။ လျှပ်စစ်မီးမရတော့ အ၀ီစိတွင်း ရေတင်ရတဲ့ အခက်အခဲရှိတာပေါ့” ဟု မြို့ခံတဦးက ပြောသည်။

အောင်လံမြို့ မြောက်ခြမ်းကျေးလက်ဒေသများ၌ သောက်သုံးရေ ပြတ်လပ်နေသည်ကို ဒေသအာဏာပိုင်တို့က ကူညီပံ့ပိုးမှု မတွေ့ရကြောင်း၊ စည်ပင်သာယာ ရေပေးဝေရေးအဖွဲ့ကလည်း သွားရောက် ကူညီလှူဒါန်းခြင်း မရှိကြောင်း မြို့ခံတို့ထံမှ သိရသည်။

မောင်တောမြို့နယ်တွင် ရယက ဥက္ကဌ တဦးမှ ယူအန်မှ ကျောင်းဆရာမ တဦးကို မုဒိမ်းကျင့်

မောင်တောမြို့နယ်တွင် ရယက ဥက္ကဌ တဦးမှ ယူအန် ပညာရေး အစီအစဉ်တွင် တာဝန် ထမ်းဆောင်နေသော ကျောင်းဆရာမ တဦးကို ဗလက်ကာရ ပြုကျင့်ခဲ့သဖြင့် ပြဿနာ ဖြစ်ပွားနေကြောင်း ဒေသခံများက နိရဉ္စရာသို့ ပြောသည်။

မောင်တောမြို့နယ် အလယ်သံကျော် ကညင်တန်း ကျေးရွာတွင် တာဝန်ထမ်းဆောင်နေသူ မူဆလင် အမျိုးသမီး ကျောင်းဆရာမ ( ၂၈ နှစ်)အား အဆိုပါ ကျေးရွာမှ ရယက ဥက္ကဌ ဇီယာဘူ ရာမန်က မုဒိမ်းကျင့်သည့် ဖြစ်စဉ် တခု ဇွန်လ ၄ ရက်နေ့ ညနေပိုင်းတွင် ဖြစ်ပွားခဲ့သည်။
ကျေးရွာသားများ အဆိုအရ အဆိုပါ ဆရာမမှာ ဘူးသီးတောင်မြို့မှ ဖြစ်ပြီး တခြား ရခိုင်အမျိုးသမီး ဆရာမ တဦးနှင့် ကညင်တန်း ကျေးရွာ ရယက ဥက္ကဌဟောင်း အိုလီအာမတ် နေအိမ်တွင် နေထိုင်နေကြကြောင်း၊ ဇွန်လ ၄ ရက်နေ့က ရခိုင်အမျိုးသမီး ဆရာမမှာ သူမ၏ ကျေးရွာ ဖြစ်သော မောရ၀တီ ကျေးရွာသို့ ပြန်သွားသဖြင့် အဆိုပါ ဆရာမမှာ တဦးတည်း ကျန်နေခဲ့ကြောင်း၊ ညနေ ၈ နာရီခွဲခန့်တွင် ရယက ဥက္ကဌ ဇီယာသည် အိမ်ထဲသို့ ၀င်လာပြီး ဆရာမကို မုဒိမ်းကျင့်ကြောင်း၊ ဆရာမမှာ အော်ဟစ် အကူအညီတောင်းခံသဖြင့် ကျေးရွာသားများ ၀ိုင်းလိုက်လာပြီး ရယက ဥက္ကဌ အား ဖမ်းဆီးပြီး အမှတ် (၇) နစက နယ်မြေ ဌာနချုပ်သို့ သွားရောက် အပ်နှံခဲ့ကြောင်း သိရသည်။

သို့သော်လည်း မုဒိမ်းမူ မြောက် မမြောက်ကို မိမိတို့ မသိရှိကြောင်း ကျေးရွာသားများက ပြောသည်။

ဇွန်လ ၆ ရက်နေ့ ညနေက နစက အမှတ် (၇) နယ်မြေ နယ်မြေမှူး ဗိုလ်မှူး နေမျိုးမှ ရယက ဥက္ကဌထံမှ သိန်း ၄၀ လာဒ်ငွေ ယူဆောင်ပြီး ကျေးရွာ ရယက ဥက္ကဌ ဇီယာကို ခံဝန်ကတိဖြင့် ပြန်လည် လွတ်ပေးခဲ့သည်ဟု သိရသည်။

သို့သော်လည်း ယခုအခါ အဆိုပါ ဖြစ်စဉ်မှာ အထက်သို့ ပေါက်ကြားသွားသဖြင့် အမှတ် (၇) နယ်မြေမှ နစက အရာရှိများက အဆိုပါ ဖြစ်စဉ်နှင့် ပတ်သက်ပြီး ကျေးရွာသားများကို မှန်မမှန်ကို စုံစမ်း စစ်ဆေးမူများ ပြုလုပ်နေကြောင်း သတင်း ရရှိသည်။ ယခုအချိန်ထိ ဇီယာကို ဖမ်းဆီး အရေးယူခြင်း မရှိသေးကြောင်း သိရသည်။

ရခိုင်လူမှုရေးအသင်း(ဂျပန်)၏ အလုပ် အမှုဆောင်သစ် ရွေးချယ် တင်မြှောက်ပွဲ ကျင်းပ

ရခိုင် လူမှုရေး အသင်း(ဂျပန်) ၏ မျက် နှာစုံညီ အစည်းအဝေးနှင့် အလုပ်အမူဆောင်သစ် ရွေးချယ် တင်မြှောက်ပွဲကို ဇွန်လ ၆ ရက်နေ့က ဂျပန်နိုင်ငံ တိုကျိုမြို့တွင် ကျင်းပခဲ့သည်။

အဖွဲ့ဝင် တဦးက “ မျက်နာစုံညီ အစည်းအဝေးနဲ့ အလုပ် အမူ့ဆောင်သစ် ရွှေးချယ် တင်မြှောက်ပွဲကို အသင်းရဲ့ ၁၇ နှစ်မြောက်နေ့ အခမ်းအနားနဲ့ အတူ တိုကျိုက TEIKYO ပြုလုပ်ခဲ့ကြတာ ဖြစ်ပါတယ်။ အခမ်းအနားကို အသင်းသူအသင်းသားတွေ စုံစုံညီညီ တက်ရောက်ခဲ့ပါတယ်” ဟု ပြောသည်။
အခမ်းအနားတွင် ရခိုင်အရေးကို ဦးဆောင် လူပ်ရှားနေသူ တဦးဖြစ်သည့် ဦးလှအေးမောင် မှ သဘာပတိအဖြစ် ဆောင်ရွက်၍ အခမ်းအနားမှုး အဖြစ် ဒေါ်မသန်းခင်မှ ဆောင်ရွက် သည်။

“အခမ်းအနားမှာ ပထမပိုင်းတော့ ၂၀၀၉-၂၀၁၀ ခုနှစ် အတွင်း အသင်းမှာ တာဝန်ယူ ဆောင်ရွက်ခဲ့ကြတဲ့ အလုပ် အမှုဆောင် ကော်မီတီ အဖွဲ့ဝင်တွေက မိမိတို့နဲ့ သက်ဆိုင်ရာ လုပ်ငန်း ကော်မီတီ အလိုက် အစီရင်ခံစာတွေကို ဖတ်ကြား တင်သွင်းကြပါတယ်။ နောက်ပိုင်းမှာတော့ ၂၀၁၀-၂၀၁၁ အတွက် အလုပ်အမူဆောင်သစ် ရွှေးချယ် တင်မြှောက်ပွဲကို ပြုလုပ်ခဲ့ကြပါတယ်။” ဟု သူက ဆက်ပြောသည်။

၂၀၁၀-၂၀၁၁ ခုနှစ်အတွက် အဖွဲ့ဝင် ၁၆ ဦးပါ အလုပ်အမှုဆောင် ကော်မီတီသစ်ကို ရွေးချယ် တင်မြှောက်ခဲ့ကြပြီး ဥက္ကဌသစ် အဖြစ် ဦးသန်းထွန်းဦးကို ရွှေးချယ် တင်မြှောက် ခဲ့ကြသည်။

ရခိုင်လူမှုရေး အသင်း(ဂျပန်)ကို ၁၉၉၃ ခုနှစ် ဇွန်လအတွင်းက ဂျပန်ရောက် ရခိုင် အမျိုးသား ၁၀ ဦးဖြင့် ရခိုင်အမျိုးသားများ၏ သာရေး နာရေး ကိစ္စရပ်များကို ကူညီရန် ရည်ရွယ်ချက်ဖြင့် စတင်ဖွဲ့စည်းခဲ့သည်။

အသင်းကြီးမှာ တဖြည်းဖြည်း တိုးတက်လာခဲ့ပြီး ယခုအခါ အဖွဲ့ဝင် တစ်ရာကျော် ရှိကာ ဂျပန်ရောက် ရခိုင်လူမျိုးများ၏ အလုပ်အကိုင် ရရှိရေး၊ နေရေး ထိုင်ရေး အဆင်ပြေ စေရေးနှင့် သာရေး နာရေး လုပ်ငန်းများကို ကူညီ လုပ်ဆောင်ပေးလျက် ရှိနေပြီး မြန်မာနိုင်ငံ တွင်လည်း ပညာသင်ကြားရန် အခက်အခဲ ဖြစ်နေသော ဆေးကျောင်းသားများနှင့် တခြား ရခိုင် ကျောင်းသား ကျောင်းသားများအား ပညာသင်ဆုများ ထောက်ပံကြေးများ ပေးသော လူမှုရေး အသင်းအဖွဲ့ကြီး တခုဖြစ်သည်။

ကမ်းရိုးတန်းဒေသ ဖွံ့ဖြိုးရေးမှ ဆံတော်ရှင် စေတီတော် ဘက်စုံ ဖွံ့ဖြိုးတိုးတက်ရေး ကူညီ လုပ်ဆောင်မည်

ကမ်းရိုးတန်း ဒေသ ဖွံ့ဖြိုးရေး အဖွဲ့အစည်း Coastline Development Sociality (CDS) မှ ရခိုင်ပြည် အတွင်း ဖရုံကာကျွန်းရှိ ဆံတော်ရှင် စေတီတော်နှင့် စောမဲကျီ ကျေးရွာကို လျှပ်စစ်မီး ထွန်းလင်းရေး အတွက် ကူညီ ဆောင်ရွက်မူများ ပြုလုပ်သွားမည် ဟု သတင်း ရရှိသည်။

ရန်ကုန်မြို့ ရွှေတိဂုံ ရင်ပြင်ပေါ်ရှိ ရခိုင် တန်ဆောင်းတွင် ပြုလုပ်သော အဆိုပါ အဖွဲ့၏ အစည်းအဝေးတွင် ထိုသို့ ဆုံးဖြတ်ခဲ့ခြင်း ဖြစ်သည်ဟု အဖွဲ့ဝင် လူငယ် တဦးမှ နိရဉ္စရာသို့ ပြောသည်။
“အဖွဲ့ အနေနဲ့ ရခိုင်ပြည်နယ် အတွင်းမှာ တည်ရှိတဲ့ ဘာသာရေး သာသာနာရေး အတွက် အဓိက လိုအပ်ချက်တွေကို စတင် ဖြည့်ဆည်း ဆောင်ရွက်ကြမယ် ဆိုပီး စဉ်စားခဲ့ကြတဲ့ အခါ အားလုံးက ပထမ ဦးစားပေး အနေနဲ့ ဆံတော်ရှင် စေတီနဲ့ စောမဲကျီ ကျေးရွာကို လျှပ်စစ်မီး ထွန်းလင်းရေး အတွက် အကူအညီပေးဖို့ သဘောတူကြပါတယ်။ ဒါကြောင့် စေတီတော် ဖွံ့ဖြိုး တိုးတက်ရေးကို လုပ်ဆောင်ဖို့ ဆုံးဖြတ်ခဲ့ကြတာ ဖြစ်ပါတယ်။”

ကမ်းရိုးတန်း ဒေသဖွံ့ဖြိုးရေး အဖွဲ့အစည်းကို ရခိုင်ဒေသ အတွက် လိုအပ်နေသော လိုအပ်ချက်များကို ဖြည့်ဆည်း ဆောင်ရွက် ပေးရန် ရည်ရွယ်ချက်ဖြင့် ရခိုင်လူငယ်များက ရန်ကုန်တွင် ဖွဲ့စည်းခဲ့ကြသည်။

ယခုအခါ အဖွဲ့ဝင်အင်အား ၁၀၀ ကျော်ရှိပြီး တဦးလျှင် လစဉ်ကြေး ကျပ်ငွေ ၁၀၀၀ စီ ထည့်ဝင်ရသည်ဟု သိရသည်။ အဓိက အဖွဲ့ဝင်များမှာ ကျောင်းသားနှင့် လူငယ်များ ဖြစ်ကြသည်။

အသင်း ဖွဲ့စည်းခဲ့သည်မှာ ၅ လခန့်သာ ရှိသေးပြီး ပထမအကြိမ် အဖွဲ့၏ အစည်းအဝေးတွင် ရှေ့ဟောင်း သမိုင်းဝင် ဆံတော်ရှင် စေတီတော်အား ဘက်စုံ ဖွံ့ဖြိုးတိုးတက်အောင် လုပ်ဆောင်ရန် ဆွေးနွေး ဆုံးဖြတ် ခဲ့ကြသည်။

ဆံတော်ရှင်စေတီမှာ ပေါက်တောမြို့နယ် အတွင်းရှိ ဖရုံကာ သုံးကျွန်း အနက် အနောက် ဖရုံကာကျွန်းတွင် တည်ရှိပြီး ဘုရားရှင် လက်ထက်တော် ကတည်းက ဘုရားရှင်၏ ဆံတော်အား ဌာပနာ ထားကာ တည်ဆောက်ခဲ့သော စေတီဖြစ်ကြောင်း သမိုင်းမှတ်တမ်း မှတ်ရာအရ သိရသည်။

မောင်တောတွင် ကျေးရွာ ရပ်ကွက် ရွေးကောက်ပွဲ ကော်မရှင် သင်တန်းပေး

ရခိုင်ပြည်နယ် မောင်တောမြို့တွင် ကျေးရွာ ရပ်ကွက် ရွေးကောက်ပွဲ ကော်မရှင်သင်တန်း တခုကို ယမန်နေ့က ပြုလုပ်ခဲ့သည်သည်။

အဆိုပါ သင်တန်းသို့ မောင်တောမြို့နယ်ရှိ ရပ်ကွက်- ကျေးရွာ စုစုပေါင်း ၁၂၀ ကျော်မှ သင်တန်းသား ၃၀၀ ခန့် တက်ရောက် ခဲ့သည်။

တက်ရောက်ခဲ့သူ ကော်မရှင် အဖွဲ့ဝင် တဦးက “ သင်တန်းကို ရပ်ကွက်နဲ့ ကျေးရွာ ကော်မရှင် ဥက္ကဌတွေ၊ ရယက စာရေးတွေရယ် ပီးတော့ ရယက အဖွဲ့ဝင်တွေရယ် တက်ရောက်ခဲ့ကြတာ ဖြစ်ပါတယ်။ စုစုပေါင်း သင်တန်းသား ၃၀၀ ခန့်တက်ရောက်ခဲ့ပါတယ်” ဟု ပြောသည်။
မောင်တောမြို့နယ်တွင် ရပ်ကွက်နှင့် ကျေးရွာများတွင် ရွှေးကောက်ပွဲ ကော်မရှင်များကို ဖွဲ့စည်းထားပြီး ကျေးရွာထဲမှ သင့်တော်သူ တဦးကို ကျေးရွာ ကော်မရှင် ဥက္ကဌ အဖြစ် ရွှေးချယ် တင်မြှောက်ပြီး ရယက စာရေးမှာ အတွင်းရေမှူး ဖြစ်ပြီး ကျန်ရယက အဖွဲ့ဝင် တဦးမှာ ကော်မရှင် အဖွဲ့ဝင် ဖြစ်သည်။

ကော်မရှင် သင်တန်းကို နံနက် ၉ နာရီမှ နေ့လည် ၁၂နာရီထိ တကြိမ်နှင့် နေ့လည် ၁ နာရီမှ ညနေ ၄ နာရီ ထိ တကြိမ် ၂ ကြိမ် ပြုလုပ်ခဲ့သည်။

တခြား ကျေးရွာ ကော်မရှင်ဥက္ကဌ တဦးကို နိရဉ္စရာက ဆက်သွယ် မေးမြန်းရာ သူက သင်တန်း အခြေအနေကို ယခုကဲ့သို့ပြောသည်။

“သင်တန်းက ဘာမှ ထွေထွေထူးထူး မဟုတ်ပါဘူး။ ရွေးကောက်ပွဲ ကော်မရှင်တွေနဲ့ ပတ်သက်ပြီး ထုတ်ထားတဲ့ စာအုပ်မှာ ပါတဲ့ အကြောင်း အရာတွေကို ရှင်းပြတာပါ။ ရွေးကောက်ပွဲကျလို့ရှိရင် ဘယ်လိုလုပ်ရမယ်။ ဘက်လိုက်ခြင်း မပြုလုပ်ရဘူး။ အမှန်အကန် ဆောင်ရွက်ရမယ်။ မဲထည့်မယ့် သူတွေ အနှောက်အယှက် ဖြစ်အောင် မလုပ်ရဘူး။ စစ်မှန်တဲ့ရွေးကောက်ပွဲ ဖြစ်အောင် လုပ်ဆောင်ရမယ် စတာတို့ ရှင်းပြ ပြောဆိုခဲ့တာ ဖြစ်ပါတယ်။”

ရွေးကောက်ပွဲ ကော်မရှင် သင်တန်းကို ဦးမြင့်သန်း(ခရိုင် ဥပဒေအရာရှိ)၊ ဦးမြင့်ဝင်း (ခရိုင်လဝကမှူး)၊ ဦးစည်သူအောင် (ခရိုင်ရွေးကောက်ပွဲကော်မရှင် အတွင်းရေးမှူး) တို့မှ လာရောက် သင်ကြား ခဲ့ကြောင်း သိရသည်။

အလားတူ ရပ်ကွက်/ကျေးရွာ ရွှေးကောက်ပွဲ ကော်မရှင် သင်တန်း တခုကို လွန်ခဲ့သော စနေ့က ဘူုးသီးတောင်မြို့တွင် ပြုလုပ် ခဲ့ကြောင်း သိရသည်။

၂၀၁၀ ရွေးကောက်ပွဲ အတွက် မောင်တောမြို့နယ်တွင် မဲရုံး စုစုပေါင်း ၅၀၀ သတ်မှတ်ထားကြောင်း သတင်း ရရှိသည်။

မောင်တောမြို့မှ ပြည့်တံဆာတန်းကို ပြည်သူများက “နေပြည်တော် လမ်းဆုံ” အမည်ပေး

ရခိုင်ပြည်နယ် မောင်တောမြို့မှ မကောင်းမူ လုပ်ငန်း အကြီးအကျယ် လုပ်ကိုင်နေသည့် လမ်းဆုံ တခုကို ဒေသခံ ပြည်သူများက “ နေပြည်တော် လမ်းဆုံ” ဟု အမည်ပေးထားကြောင်း ဒေသခံ ပြည်သူ တဦးက ပြောသည်။

“ဘယ်သူက စပေးလိုက်သလဲဆိုတာတော့ ပြောရခက်ပါတယ်။ ဒါပေမယ့် အဲဒီလမ်းဆုံကို လူတိုင်းက နေပြည်တော် လမ်းဆုံ ဆိုပြီး ခေါ်နေကြပါတယ်။ အဲဒီလမ်းဆုံမှာ ဘီယာဆိုင်၊ အရက်ဆိုင်၊ ဗွီဒီယိုရုံတွေနဲ့ ဖါခန်းတွေပါ ရှိနေပီး ညနေပိုင်းကျရင် အထူးစည်ကားပါတယ်။ လူတွေက အဲဒီနေရာကို နေပြည်တော် လမ်းဆုံဆိုပီး ခေါ်ကြပါတယ်။” ဟု သူက ပြောသည်။
ယခုကဲ့သို့ မကောင်းမူ ဒုစရိုက် လုပ်ကိုင်နေသော ပြည့်တံဆာတန်း တခုကို မြန်မာ နိုင်ငံ၏ အစိုးရ ရုံးစိုက်ရာ မြို့တော် တခုဖြစ်သော “ နေပြည်တော်” နာမည်အား လူထုများက ပေးထားခြင်းမှာ သက်ဆိုင်ရာ ဒေသ အာဏာပိုင်များ အနေဖြင့် အဆိုပါ လုပ်ငန်းများတွင် ပါဝင်ပတ်သက်မူ ရှိနေပြီး တချို့ ရဲအရာရှိများမှာ အဆိုပါ လုပ်ငန်းမှ လာဒ်ငွေများ ယူနေကြသည့် အပေါ် မကျေနပ်ရာမှ ဒေသခံများက နေပြည်တော် လမ်းဆုံဟု အမည်ပေးထားခြင်း ဖြစ်ကြောင်း ဒေသခံများက ပြောသည်။

ယခု ပြည်သူများ အမည်ပေးထားသော နေပြည်တော် လမ်းဆုံမှာ မောင်တောမြို့ ညောင်ချောင်း ကျေးရွာ လမ်းဆုံ ဖြစ်ပြီး ရွှေရင်အေး နတလ စံပြကျေးရွာနှင့် ကပ်ရပ် ဖြစ်သည်။

“အဲဒီနေရာမှာ မကောင်းမူလုပ်ငန်းတွေက စည်းမဲ့ ကမ်းမဲ့ ဖြစ်နေပါတယ်။ အတားအဆီး မရှိ ဖြစ်နေပါတယ်။ ညဆိုရင် ကာရာအိုကေတွေနဲ့ ပိုပီး အခြေအနေ ဆိုးပါတယ်။ သက်ဆိုင်ရာ ခယကနဲ့ မယက တာဝန်ရှိသူတွေကလည်း ဘာမှ အရေးယူ ဆောင်ရွက်တာ မရှိပါဘူး။ အားတော့နာပါတယ်။ ကြိုက်တဲ့ အချိန်မှာ ပြည့်တံဆာမတွေနဲ့ ခေါ်အိပ်လို့ ရပါတယ်။ လမ်းသွားလမ်းလာတွေနဲ့ အနီးအနားက ပြည်သူတွေအတွက် အထူး ထိခိုက်နေပါတယ်” ဟု သူက ဆက်ပြောသည်။

တခြားမြို့ခံ တဦးကလည်း နေပြည်တော် လမ်းဆုံ ဆိုရင် လူတိုင်း သိကြောင်းနှင့် နေ့စဉ် စစ်တွေမှ တဆင့် မကောင်းမူလုပ်ငန်းများ လုပ်ကိုင်သူ အမျိုးသမီးများ သင်္ဘောဖြင့် ရောက်ရှိနေကြောင်း သူက ယခုကဲ့သို့ ပြောသည်။

“မိန်းခလေးတွေက အသက် ၁၄ နှစ် အရွယ်၊ ၁၅ နှစ် အရွယ်တွေလည်း ပါတယ်လို့ သိရပါတယ်။ ဆင်းရဲ ကျပ်တည်းတဲ့ အတွက် ရခိုင်ပြည်နယ် အနှံ့ကလာပြီး လာရောက် လုပ်ကိုင် ကြတာပါ။ ခေါင်းတွေက သူတို့ကို ရခိုင်ပြည်အနှံ့ နေရာတွေက လိုက်ရှာပီး သင်္ဘောနဲ့ စစ်တွေက ဘူးသီးတောင်ကို ယူလာပါတယ်။ ဘူးသီးတောင်က တဆင့် မောင်တောကို ပို့ပီး ခုလို လုပ်ကိုင် စားသောက်နေကြတာ ဖြစ်ပါတယ်။ တနေ့ကလည်း ကောင်မလေး ၄ ဦး သင်္ဘောနဲ့ အသစ် ရောက်လာတယ်ဆိုပီး ကြားရပါတယ်” ဟု ပြောသည်။

ယခုအခါ ကမ္ဘာ့ဖလားပွဲ အတွက် ဘော်လုံး လောင်းမည့် လောင်းကစားဒိုင် အများအပြားကို ရဲတပ်ဖွဲ့က မောင်တောတွင် ဖွင့်လှစ်ခွင့် ပြုထားရာ ဘော်လုံးလောင်းသူများ ပျော်ပါးရန်အတွက် ဘော်လုံး ဒိုင်များ၊ ကရာအိုကေ ဆိုင်များနှင့် ဖါခန်းများမှ ပြည့်တံဆာ အသစ်များကို အနယ်နယ် အရပ်ရပ်မှ ခေါ်ယူ စုဆောင်းထားကြောင်း သတင်း ရရှိသည်။

ခန္ဓာကိုယ်တွင်း ဟီးရိုးအင်းဝှက်၍ တရုတ်ပြည်ဝင်သည့် အမျိုးသမီးများ မိုင်းလားတပ်ဖွဲ့ဖမ်းမိ

ခန္ဓာကိုယ်အတွင်း ဟီးရိုးအင်းဝှက်ထည့်ကာ တရုတ်ပြည်ထဲသို့ ခိုးဝင်သည့် အမျိုးသမီး အယောက် ၃၀ ထက် မနည်း ဖမ်းဆီးရမိကြောင်း မိုင်းလား မူးယစ်ရဲတပ်ဖွဲ့အသိုင်းအ၀ိုင်း ကပြောပါသည်။

“ဒီနှစ်ထဲမှာ အမျိုးသမီးအများစု ဘိန်းဖြူကို စအိုထဲ မွေးလမ်းကြောင်းထဲတွတ်ထည့်ပြီးတော့ တရုတ်ပြည်ထဲ မှောင်ခိုပို့ တယ်။ ယိုးဒယားလုပ်ကွန်ဒုံးထဲကို ဟီးရိုးအင်း ကီလိုဝက်ကနေ တကီလိုအထိထည့်နိုင်တယ်တဲ့”- ဟု အမည်မဖေါ်လိုသည့် မိုင်းလားရဲတပ်ဖွဲ့ အရာရှိငယ်တဦးကပြောပါသည်။
၂၀၁၀ ဖေဖေါ်ဝါရီမှစ၍ ယခုလဆန်းပိုင်းအထိ မိုင်းလားအထူးဒေသ ၄ မှ တဆင့် နယ်စပ်ဖြတ်ကျော်ပြီး တရုတ် ပြည်ထဲသို့ မူးယစ်မှောင်ခို ကုန်ကူးသည့် အမျိုးသမီး ၃၅ ယောက်ဖမ်းဆီးရမိကြောင်း၊ အများစုမှာ စအိုလမ်းကြောင်း မွေးလမ်း ကြောင်း ထဲ ဘိန်းဖြူလျှို့ဝှက်သယ်ဆောင်ကြကြောင်း အဆိုပါပုဂ္ဂိုလ်ကပြောပါသည်။

၂၀၀၀ ပြည့်နှစ်မှစ၍ ယနေ့ထိ ဟီးရိုးအင်းခေါ် ဘိန်းဖြူမှောင်ခိုကူးသူများ နည်းလမ်းပေါင်းစုံ အသုံးပြုကာတရုတ် ပြည်သို့ သယ်ယူရောင်းချ နေသည်ဟု သျှမ်းပြည်မူးယစ် စောင့်ကြည့်ရေး အသိုင်းအ၀ိုင်းကပြောပါသည်။

“တရုတ်ပြည်ကို နိုင်ငံတကာက Black hole for Heroin လို့ခေါ်ကြတယ်။ ဟီးရိုးအင်းတွေ ဘယ်လောက်များများ တရုတ်ပြည်ပို့တာ ဘယ်တော့မှမလောက်ဘူး။”- ဟုသျှမ်းပြည် မူးယစ်စောင့်ကြည့်ရေးအဖွဲ့ခေါင်းဆောင်ဦးခွန်စိုင်း ကပြောပါသည်။

တရုတ်ပြည်ပို့မည့် ဟီးရိုးအင်းများကို ဖရဲသီးအတွင်းသို့လည်းကောင်း၊ မြစ်ချဉ်အိုးထဲလည်းကောင်း၊ သံတိုသံစများကြား နှင့်မီးသွေးအိပ်များကြား၊ ထိုမျှမက သစ်လုံးကြီးများအားထွင်းဖေါက်၍ထည့်ခြင်း၊ လက်ဖက်ခြောက်အိပ်အတွင်း ထည့်ခြင်းတို့အပြင် မွေးကင်းစကလေးငယ်များ၏ ၀မ်းပိုက်အတွင်းပါမကျန် လူ့ခန္ဓာကိုယ်အတွင်း သွတ်သွင်း၍ မှောင်ခိုကူးကြသည်ဟု ဆက်၍ပြောပြ၏။

“အထက်ဖေါ်ပြတဲ့နည်းလမ်းတွေသုံးလဲ အာဏာပိုင်တွေကသိတာဘဲ၊ ဒီနှစ်ထဲ ဟီးရိုးအင်းသယ်နည်းအသစ်ထပ်ရှိ နေပြီပြောတယ်၊ ဒါပေမယ့် ဖမ်းဆီးမှုမရှိသေးလို့ ပြောပြလို့မရဘူးလို့ အဲဒီအသိုင်းအ၀ိုင်းကပြောတယ်”

၂၀၀၈-၂၀၀၉ မူးယစ်မှောင်ခိုများသည် ချို့တဲ့သူများ၏ မွေးကင်းစကလေး တယောက် တရုတ်ငွေ ယွမ် ၅၀၀၀ - ၆၀၀၀ (ဒေါ်လာ ၁၀၀၀ ခန့်) ၀ယ်ယူကြပြီး ကလေး၏ရင်ကိုခွဲ၍ ဟီးရိုးအင်းထည့်ကာ မှောင်ခိုသယ်ကြောင်း၊ မပုတ်သိုးအောင် ဆေးထိုးထားသည့် ကလေးသူငယ်အလောင်းအား မူးယစ်မှောင်ခိုများက မိခင်သဖွယ် ယုယ ပွေ့ဖက်ပြီးခရီးထွက်ကြ ကြောင်း ဦးခွန်စိုင်းက ဆက်၍ပြောပြပါသည်။

ဝ နယ်အတွင်း ကျွံဝင်ထောက်လှမ်းသည့် နအဖ ပုလိပ် အဖမ်းခံရ

ဝ နယ်အတွင်း ၀င်ရောက်ထောက်လှမ်းသည့် သျှမ်းပြည်အရှေ့ပိုင်း မိုင်းယန်းအခြေစိုက်ပုလိပ်အား ၀ အာဏာပိုင်က ဖမ်းဆီးထိန်းသိမ်းလိုက်ကြောင်း စုံစမ်းသိရှိရပါသည်။

“အဲဒီလူတွေကိုမသင်္ကာဘူး၊ ၀ တပ်စခန်းတွေကိုလိုက်မေးတယ်၊ ဟိုစပ်စုဒီစပ်စုလုပ်တော့ ရပ်ကွက်၊ ကျေးရွာ ၀ အာဏာပိုင် တွေက ဖမ်းဆီးပြီးစစ်ဆေးတယ်၊ မိုင်းယန်းကပုလိပ်မှန်းသေချာတော့ ၀ စစ်တပ်ဆီကို ပြီးခဲ့တဲ့အပတ် က အပ်နှံလိုက်ပြီလို့သိရတယ်” - ဟု တရုတ်နယ်စပ်နေထိုင်သူ သျှမ်းအမျိုးသား တဦးကပြောပါသည်။

ဝ အာဏာပိုင်က ဖမ်းဆီးချုပ်နှောင်သည့် ရဲတပ်သား ၂ ဦးအနက် တဦးမှာ ကျိုင်းတုံဇာတိ သျှမ်းအမျိုးသားဖြစ် ပြီး ကျန်တဦးမှာ စိုင်းကျော်အမည်ရှိ ၀ အမျိုးသားတဦးဖြစ်သည်ဟု မိုင်းဖျဲန်ဒေသခံတဦးကပြောပါသည်။

ဝ တပ်ဖွဲ့ စစ်ဆေးမေးမြန်းချက်အရ အဆိုပါ ရဲသားနှစ်ဦးသည် နအဖ စစ်တပ်စေခိုင်းချက်အရ ၀ တပ်ဖွဲ့တပ် စခန်း တည်နေရာ၊ အင်အားတိုးချဲ့ ပြင်ဆင်မှုအခြေအနေ နှင့် ၂၀၀၉ နှစ်လည်ပိုင်းက ၀ နယ်အတွင်းပျောက်သွား သည့် ဗမာ့တပ်မတော်သား ၂ ဦး၏သတင်း လိုက်လံစုံစမ်းရန် ၀ နယ်အတွင်းဝင်ရောက်ခြင်းဖြစ်သည်ဟု ထွက်ဆို ခဲ့ကြောင်း အဆိုပါဒေသခံကပြောပါသည်။

“အခုသူတို့ ၂ ယောက်ကို မိုင်းပေါက် ၀ တပ်ဖွဲ့က ထိန်းချုပ်ထားတယ်။ ဌာနချုပ်ကို ပို့မလား၊ ဘာလုပ်မလဲတော့မသိဘူး” - ၀ အာဏာပိုင် နှင့် နီးစပ်သည့်အသိုင်းအ၀ိုင်းက ပြောပါသည်။

၂၀၀၉ နှစ်ကုန်ပိုင်းကလည်း မိုင်းခတ်အခြေစိုက် ခမရ ၃၂၇ မှ လက်နက်အပြည့်တပ်ဆင်ထားသည့် အင်အား ၆ယောက် ပါအဖွဲ့ တဖွဲ့ ၀ ထိန်းချုပ် နယ်မြေသို့ ကျွံဝင်ခဲ့သော်လည်း ၀ တပ်ဖွဲ့က တစုံတရာအရေးမယူဘဲ ပြန်လွှတ်ပေးလိုက် သည်။

၂၀၁၀ မေလဆန်းပိုင်း လားရှိူးတိုင်းမှူး ဗိုလ်ချုပ်အောင်သန်းထွဋ်က ၀ တပ်ဖွဲ့ဥက္ကဌပေါက်ယူချမ်းအားတွေ့ဆုံရန်ဖိတ်ခေါ် ခဲ့သော်လည်း ၀ တပ်ဖွဲ့ငြင်းဆန်ခဲ့သည့်နောက်ပိုင်း ကနေ့တိုင် ထပ်မံကမ်းလှမ်းခြင်း တစုံတရာမရှိခဲ့ပေ။

“အခုလိုမျိုး နအဖနဲ့အေးအေးကျဲကျဲမနေဖို့၊ ကချင် တပ်ဖွဲ့လို မကြာခဏ၀င်ထွက်ဆွေးဖို့လိုတယ်၊ အပေါင်းလက္ခဏာ ဆောင်တာ မဆောင်တာအပထား နှစ်ဘက်စလုံးသွားလာဝင်ထွက်ဖို့အရေးကြီးတယ်” - ဟု တရုတ်အာဏာပိုင် များက ပြောဆိုတိုက်တွန်းထားကြောင်း နယ်စပ်နေအဆိုပါသျှမ်းအမျိုးသားက ပြောပါသည်။