Pages

Subscribe

Thursday 17 June 2010

ဒေါ်အောင်ဆန်းစုကြည်သာ အမျိုးသားပြဿနာကို ဖြေရှင်းနိုင်သူဖြစ်

ဒေါ်အောင်ဆန်းစုကြည်သာလျှင် တိုင်းပြည်၏ အမျိုးသားရေး၊ နိုင်ငံရေးပြဿနာများကို ဖြေရှင်းနိုင်မည့် ယနေ့ကာလ၏ တဦးတည်းသော အမျိုးသားခေါင်းဆောင်ဖြစ်ကြောင်း ဖယ်ခုံမြို့နယ် အမတ် ခွန်မားကိုဘန်းက ယနေ့ကျင်းပသော ဒေါ်အောင်ဆန်းစုကြည်၏ (၆၅) နှစ်မြောက် မွေးနေ့အကြိုအခမ်းအနားတွင် ထုတ်ဖော်ပြောကြားလိုက်သည်။

ကယားပြည်နယ်ဖယ်ခုံမြို့နယ် ပြည်သူ့လွှတ်တော်အမတ်နှင့် ပြည်ထောင်စုမြန်မာနိုင်ငံအမျိုးသားညွန့်ပေါင်းအစိုးရ ဖက်ဒရယ်ရေးရာဝန်ကြီး ကယားအမျိုးသား ခွန်မားကိုဘန်းက “မြန်မာပြည်မှာ အဓိကလူမျိုးကြီးတိုင်းရင်းသား (၈) မျိုးရှိတယ်။ ဒီလူတွေ အကုန်လုံးက ဒေါ်အောင်ဆန်းစုကြည်ကို လေးစားတယ်။ ဗိုလ်ချုပ်အောင်ဆန်းက လွတ်လပ်ရေးခေါင်းဆောင်ဖြစ်ပြီး ဒေါ်အောင်ဆန်းစုကြည်ဟာ ဒီမိုကရေစီရေးခေါင်းဆောင်ဖြစ်တယ်။ သူတို့ရဲ့ပွင့်လင်းရိုးသားမှုကြောင့် အမျိုးသားခေါင်းဆောင်အဖြစ် အသိအမှတ်ပြုတာဖြစ်တယ်” ဟု ပြောဆိုသည်။

ဇွန် (၁၉) ရက်တွင် ကျရောက်မည့် ဒေါ်အောင်ဆန်းစုကြည်၏ (၆၅) နှစ်မြောက် မွေးနေ့အထိမ်းအမှတ် အခမ်းအနားကို ထိုင်းနိုင်ငံ ဘန်ကောက်မြို့ရှိ နိုင်ငံခြားသတင်းထောက်များအသင်း ခန်းမ၌ကျင်းပရာ ထိုင်းနိုင်ငံဆိုင်ရာ ကနေဒါသံအမတ်ကြီး ရွန်ဟက် (ဖ်) မန်း အပါအဝင်၊ အမေရိကန်နှင့် ချက်(ဗ်) သံရုံးတို့မှ သံအရာရှိများ၊ ဒီမိုကရေစီနှင့်အမျိုးသားရေး တပ်ပေါင်းစု (၁၀) ဖွဲ့မှ ခေါင်းဆောင်များ၊ ထိုင်းနိုင်ငံ အထက်လွှတ်တော်နှင့် မြန်မာ့ရေးရာ အရှေ့တောင်အာရှ လွှတ်တော်အမတ်များ ဥက္ကဋ္ဌ ခရိုင်ဆတ်ချွန်ဟာဗန်တို့ တက်ရောက်ကြသည်။

အခမ်းအနားတက်ရောက်သည့် ကရင်အမျိုးသားအစည်းအရုံး အထွေထွေအတွင်းရေးမှူး နော်စီဖိုးရာစိန်ကလည်း “သူမဟာ အိမ်အကျယ်ချုပ်ကျနေပေမယ့် လူတွေကတော့ သူမမွေးနေ့ကို ကျင်းပနေကြတယ်။ သူမရဲ့သဘောထား အမြင်အားလုံးဟာ မြန်မာပြည်သူတွေကို ကိုယ်စားပြုနေတာပဲဖြစ်တယ်။ ကျမတို့အားလုံး လိုလားတာကတော့ မြန်မာပြည်သူတွေဟာ သူတို့နှစ်သက်တဲ့သူကို ရွေးချယ်ပိုင်ခွင့်ရှိတဲ့ ရွေးကောက်ပွဲပဲ လိုလားပါတယ်” ဟု မွေးနေ့ဆုတောင်းတွင် ထည့်သွင်း ပြောကြားသွားသည်။

ကနေဒါသံအမတ်ကြီးနှင့် အမေရိကန်၊ ချက်(ဗ်) သံရုံးတို့မှ ဆုတောင်းစကားများ ပြောကြားပြီးနောက် ခရိုင်ဆတ်ချွန်ဟာဗန်က အရှေ့တောင်အာရှ အမတ်များ၏ ဒေါ်အောင်ဆန်းစုကြည်မွေးနေ့ ဆုတောင်းသဝဏ်လွှာများကို စုစည်းတင်ပြသည်။

၎င်းက “ကျနော်တို့ဟာ ဒီလိုမွေးနေ့ပေါင်းများစွာကို သူမ မပါဘဲ၊ သူမကို လက်ဆွဲနှုတ်ဆက်ခွင့်မရဘဲ ကြိမ်ဖန်များစွာ ကျင်းပခဲ့ရပါတယ်။ ဒါဟာ အလွန့်အလွန်ကို ဝမ်းနည်းကြေကွဲစရာ ကောင်းပါတယ်။ ဒီကနေ့ဆိုရင် ကျနော်တို့ ထိုင်းနိုင်ငံထဲမှာ မြန်မာပြည်သားတွေ အများကြီးရှိပါတယ်။ သူတို့ဟာ ဒီလိုနေခွင့်ရရုံမက အလုပ်လုပ်ကိုင်ခွင့်၊ လူ့အခွင့်အရေးနဲ့ ပညာသင်ကြားခွင့်တွေလည်း ပိုမိုရရှိသင့်ပါတယ်” ဟုလည်း ထည့်သွင်းပြောကြားသွားသည်။

ထို့နောက် အခမ်းအနားတွင် မေလ (၂၇) ရက်နေ့မှစတင်၍ ကမ္ဘာ့နိုင်ငံအသီးသီးတွင် ပြုလုပ်ခဲ့သည့် “လူထုရွေးကောက်ပွဲနှင့် စစ်တပ်မှရွေးချယ်ပွဲ” ဟုဆိုသော ရွေးကောက်ပွဲအပေါ် သဘောထားရလဒ်အား တပ်ပေါင်းစုကိုယ်စားလှယ်နှစ်ဦးက ရှင်းလင်းတင်ပြရာ နိုင်ငံပေါင်း (၁၃) နိုင်ငံ၌ လူပေါင်း (၃၉,၀၀၀) ကျော်က ပါဝင်ဆန္ဒပြု ထုတ်ဖော်ကြောင်း သိရသည်။

ညနေပိုင်းတွင် “မြန်မာနိုင်ငံငြိမ်းချမ်းရေးအတွက် အမျိုးသမီးများ၏ အသံများ” ဆိုသည့် မြန်မာအမျိုးသမီးများ၏ ရင်တွင်းခံစားချက်များကို တင်ပြထားသည့် စာညွှန်းနှင့် ဝတ္ထုတိုပေါင်း (၁၁၁) ပုဒ်ပါဝင်သည့် စာအုပ်ကို မွေးနေ့အထိမ်းအမှတ်အဖြစ် အာဆီယံစင်ပြိုင် (Altsean) အဖွဲ့ကြီးက ထုတ်ဝေလိုက်သည်။

အဆိုပါစာအုပ်သည် ရေခြားမြေခြားအပါအဝင် ယနေ့မြန်မာအမျိုးသမီးထု တရပ်လုံးခံစားနေရသည့် အရေးအရာများကို ထင်ဟပ်ဖော်ပြထားပြီး “သမီးရဲ့မိဘနှစ်ပါးက သမီးကို ထိုင်းနိုင်ငံမှာ မွေးဖွားခဲ့ကြပါတယ်။ သမီးမှာ အစ်ကိုနှစ်ယောက်လည်းရှိပါတယ်။ သူတို့ကိုလည်း ထိုင်းနိုင်ငံမှာပဲ မွေးဖွားခဲ့ကြတာပါ။ ဒါပေမယ့် သမီးတို့က ထိုင်းလူမျိုးတော့ မဟုတ်ကြပါဘူး။ မြန်မာနိုင်ငံကလာတဲ့ ရွှေ့ပြောင်းအလုပ်သမားတွေ ဖြစ်ပါတယ်” စသော သန့်ရှင်းပွင့်လင်းမှုများဖြင့် ရေးဖွဲ့ထားသော အမျိုးသမီးများ၏အသံကို ကိုယ်စားပြုကြောင်း တွေ့ရှိရသည်။

အထက်ဗမာပြည် ကျောင်းသား သမဂ္ဂ မှ ဒေါ်အောင်းစုကြည် မွေးနေ့ အထိမ်း အမှတ် လှုပ်ရှားမှု ပြုလုပ်

ဒေါ်အောင်ဆန်းစုကြည် ၏ ၆၅ နှစ်ပြည့် မွေးနေ့ အထိမ်း အမှတ် အဖြစ် အထက် ဗမာပြည် ကျောင်းသား သမဂ္ဂ မှ ဦးဆောင်ပြီး မန္တလေးမြို့ နှင့် အနီး တဝိုက်တွင်း အလိုတော်ပြည့် ဘုရား ပုံတော် တွေကို ဖြန့်ဝေ ခဲ့ကြောင်း သိရသည်။ ထို လှုပ်ရှား မှုတွင် ပါဝင်သော အထက် ဗမာပြည် ကျောင်းသား သမဂ္ဂ အထွေထွေ အတွင်းရေးမှူး ကိုဝင်းသန်း က - “ကျွန်တော်တို့ ဒီနေ့ ဒေါ်အောင်ဆန်း စုကြည် ရဲ့ ၆၅ နှစ်မြောက် မွေးနေ့ ကို ဂုဏ်ပြုတဲ့ အနေနဲ့ လှုပ်ရှားမှု တခု လုပ်ပါတယ်။ ပြည်သူတွေ လိုအင်ဆန္ဒ ပြည်ဝအောင် အလိုတော်ပြည့် ဘုရား ပုံတွေ ကုသိုလ် အဖြစ် ဝေတာပါ ပုံ (၃၀၀) ကျော် ဝေဖြစ် ပါတယ်။ မန္တလေးတောင် ၊ ရန်ကင်းတောင် ၊ စစ်ကိုင်းတောင်၊ မန်းတက္ကသိုလ်၊ ရတနာပုံ တက္ကသိုလ်၊ စတဲ့ နေရာတွေ မှာ ဝေဖြစ် ပါတယ်” ဟု ပြောသည်။

အမေစုနဲ့ တကွ နိုင်ငံရေး အကျဉ်းသားများ အမြန်ဆုံး လွတ်မြောက် ပါစေ ပြည်သူတွေ ဆန္ဒ ပြည့်ဝကြပါစေ စတဲ့ စာတွေကို ဘုရားပုံတော် နောက်ကျောဘက် မှာ ရေးထားတဲ့ ပုံ (၁၀၀) လောက် နဲ့  စာသား မပါတဲ့ ပုံ (၂၀၀) ကျော် တို့ကို အဖွဲ့ဝင် လူငယ် (၂၀) လောက်ဟာ မန္တလေးမြို့ရှိ တက္ကသိုလ်များ နှင့် မန္တလေးတောင်၊ စစ်ကိုင်းတောင်၊ ရန်ကင်းတောင် စသည် လူစည် ကားရာ နေရာ များတွင် သွားရောက် ဖြန့်ဝေ ခဲ့သည်။

“အကျဉ်းထောင် အသီးသီး မှာ အကျဉ်းကျ နေတဲ့ ကျွန်တော်တို့ ကျောင်းသား ခေါင်းဆောင်တွေ ၊ ရဲဘော် ရဲဘက်တွေ စတဲ့ နိုင်ငံရေး အကျဉ်းသားတွေ လွတ်မြောက် ဖို့ရယ် ပြည်သူတွေ လိုအင် ဆန္ဒ ပြည်ဝ ဖို့ရယ် စတဲ့ ရည်ရွယ်ချက် နဲ့ လုပ်ခဲ့ တာပါ “ ဟု ကိုဝင်းသန်းက ဆက်လက် ပြောသည်။

၁၉၈၈ ခုနှစ် မဆလ စစ်အုပ်စု လက်ထက်တွင် နုိုင်ငံရေး၊ စီးပွားရေး အကျပ် တည်းဆုံး အခြေ အနေကို ရောက်ရှိ လာသဖြင့် ပြည်သူ လူထုမှ မခံ မရပ်နိုင် ဖြစ်ကာ အထွေထွ ဒီမိုကရေစီ လှုပ်ရှားမှုကြီး ဖြစ်ပေါ် ခဲ့သည်။ ထိုလှုပ်ရှား မှုတွင် ပြည်သူ လူထုနှင့် အတူ ပါဝင်ရန် အတွက် “အထက်ဗမာပြည်ကျောင်းသားသမဂ္ဂ” ကို သခင်ထွန်း ဦးဆောင်သော မျိုးချစ် ပုဂ္ဂိုလ် များနှင့် ကျောင်းသား၊ ကျောင်းသူများ စုပေါင်းကာ မန္တလေးမြို့ မန္တလး တက္ကသိုလ် ဓမ္မာရုံ တွင် ၁၉၈၈ ခုနှစ် သြဂုတ်လ က စတင် ဖွဲ့စည်း ခဲ့သည်။ ယခု လက်ရှိတွင် အသင်းသား ၃၀၀၀ ခန့် ရှိနေသေးသည်။

မီးလောင်ကျွမ်းပြီးသော အဆောက် အအုံ များကို အသစ် ပြန်လည် ဆောက်သင့်

မီးလောင် ကျွမ်းပြီးသော အဆောက် အအုံ များကို ပြုပြင် မွမ်းမံခြင်း ထက် အသစ် ပြန်လည် ဆောက်သင့် ကြောင်း မြန်မာနိုင်ငံ အင်ဂျင်နီယာ အသင်း၊ သဘာဝဘေး အန္တရာယ်များ လျော့နည်း ကာကွယ်ရေး ကော်မတီ နှင့် မြန်မာနိုင်ငံ မြေငလျင် ကော်မတီ ဥက္ကဋ္ဌ ဦးသန်းမြင့်က ပြောကြား သည်။ မီးလောင် ပြီးတဲ့ အဆောက် အအုံက မပြိုဘူး ဆိုရင် နေထိုင်ဖို့ သင့် မသင့်ကို ကျွမ်းကျင်တဲ့ အင်ဂျင်နီယာ တွေနဲ့ မီးသတ် ဦးစီးဘက်က ကျွမ်းကျင်သူ တွေက သေချာစွာ စစ်ဆေး သင့်တယ်။ ဥပမာ- မီးလောင်တယ် ဘယ်လောက် ကြာသလဲ၊ မီးသင့်သွားတဲ့ နေရာတွေပါ စစ်ဆေး သင့်တယ်။ မီးလောင်ပြီးတဲ့ အဆောက် အအုံ တစ်ခုမှာ စစ်ဆေး မှုက အရေးကြီး ဆုံးပဲ။ အမှတ် မထင် တာလေး တစ်ခုကြောင့်လည်း ဆုံးရှုံး ပျက်စီး မှုတွေ ဖြစ်နိုင် တယ်။ ဖြစ်နိုင်ရင် အကောင်းဆုံး ကတော့ အသစ်ပြန် ဆောက်တာ အကောင်းဆုံး ပဲဟု ၄င်းက ဆိုသည်။

ဒါ့အပြင် အထပ်မြင့် ဟိုတယ်တွေ ဆောက်ရင် အကြံပြုချင် တာက ဝင်ပေါက် ထွက်ပေါက် တွေက လူတွေနဲ့ ဘယ်လောက် ကွာရမယ် ဆိုတာ သေချာ စစ်ဆေး ဆောက်သင့် တယ်။ ရေဆင်းပိုက်၊ ရေတက်ပိုက်တွေ ရှိရမယ်။ နောက်ပြီး အဆောက် အအုံ အနီး အနားမှာ ရေပိုက်ခေါင်း တစ်ခုရှိ ရမယ်။ ဒါမှ မီးသတ်ကားလာ ရင် ရေအဆင်ပြေ နိုင်မှာ ဖြစ်တယ်။ ဟိုတယ် အတွင်း ကွန်ဒိုအတွင်း၊ ကိုယ်နေအိမ် အတွင်းမှာ တစ်နိုင် တစ်ပိုင် မီးငြိမ်း နိုင်အောင် ပစ္စည်း ကိရိယာတွေ ထားရင် လုံခြုံမှု ရှိနိုင်မယ်။ အဓိက ကတော့ သတိရှိဖို့ နှင့် ဗဟုသုတ ရှိကြဖို့ လိုတယ်ဟု ၄င်းက ဆက်လက် ပြောပြသည်။ ၄င်းအပြင် အထပ်မြင့် တိုက်များ ဆောက်သည့် အခါ အပေါ်ဆုံးမှာ သံပိုက်တန်းတွေ ပါရမည် ဖြစ်ပြီး အဆိုပါ ပိုက်တန်း ပါရှိမှ သာလျှင် မီးသတ်သမားများ အလွယ်တကူ တက်နိုင်မည် ဖြစ်ကြောင်း ယခု လက်ရှိ မီးသတ် ဦးစီးဌာနက အထပ်မြင့် တိုက်များ၊ ဟိုတယ်များထဲမှ Trader ဟိုတယ်ကို သဘောကျ ကြောင်း ၄င်းမှ ပြောပြသည်။

ဇွန်၂၆ ရက် ညနေ ၆ နာရီမှာ လစန္ဒာ တစ်စိတ် တစ်ပိုင်း ကြတ်မည်

လာမည့် ၂၀၁၀ ခုနှစ် ဇွန်၂၁ ရက်နေ့ မြန်မာ စံတော်ချိန် နံနက် ၅ နာရီ၂၇ မိနစ် အချိန် ၌ နေနှင့် ကမ္ဘာ၏ အကွာအဝေး မိုင် ၉၅ သန်းခန့်တွင် နှစ်စဉ် ပုံမှန် တစ်ကြိမ် (သို့) နှစ်ကြိမ် ဖြစ်ပေါ် တတ်သည့် နဂါးငွေ့တန်း ဗဟိုချက် ဂလက်စီ နှင့် တစ်တန်းတည်း ကျရောက်မည်။ ထို ကာလတွင် ကမ္ဘာ၌ နေ့တာ ရှည်သော ကာလ အပိုင်း အခြားများ ရောက်ရှိ နိုင်ကြောင်း မြန်မာနိုင်ငံ နက္ခတ် ပညာရှင်များ အဖွဲ့ ဒုတိယ ဥက္ကဋ္ဌ ဦးဇေယျာကို က နက္ခတ္တဗေဒအရ တွက်ချက် ရရှိမှုကို ဇွန် ၄ ရက်၌ ထုတ်ဖော် ပြောကြားလိုက် သည်။ ပထမ ဖြစ်စဉ် အနေဖြင့် ဇွန်လတွင် ဖြစ်ပေါ်ပြီး အင်္ဂလိပ် အခေါ် အဝေါ် အရ (Summer Solstice) နှင့် ဒုတိယ အကြိမ် အနေဖြင့် ၂၀၁၀ ခုနှစ် ဒီဇင်ဘာ ၂ ရက်နေ့တွင် ဖြစ်ပေါ်မည် ဖြစ်ပြီး အင်္ဂလိပ် အခေါ် အဝေါ်အရ (Winter Solstice) ဟု ခေါ်ဆိုကြောင်း သိရသည်။

ထို့ပြင်၂၀၁၀ ခုနှစ် ဇွန် ၂၆ ရက် မြန်မာ စံတော်ချိန် ၄ နာရီ ၁၇ မိနစ် အချိန်တွင် လတစ်စိတ် တစ်ပိုင်း ကြတ်မည် ဖြစ်ကြောင်း သိရသည်။ လကြတ်မှု ၏ ဖမ်းလယ် ဖြစ်စဉ် ကို အကောင်းဆုံး တွေ့မြင်ရမည့် အနေ အထားမှာ မြန်မာ လထွက်ချိန် ညနေ ၆ နာရီ ၁၁ မိနစ်တွင် စတင်၍ ညနေ ၆ နာရီ ၅၈ မိနစ် တွင် ပြီးဆုံးမည်။ မြန်မာနိုင်ငံ အနေဖြင့် ရာသီဥတု ကောင်းမွန် ပါက ၄၅ မိနစ်ခန့် တွေ့မြင်နိုင်မည် ဆိုသည်။ အရှေ့ အာရှ၊ ဩစတြေးလျ၊ အနောက် အမေရိကန်၊ ပိစိဖိတ်ဒေသ များတွင် တွေ့မြင် နိုင်မည်။ မြန်မာနိုင်ငံ နက္ခတ် ပညာရှင်များ အဖွဲ့ အနေဖြင့် နေကြတ်၊ လကြတ်မှု ဖြစ်စဉ်များ အပေါ် လကြတ်မှုအား ဟောကိန်း ထုတ်ပြန်လေ့ မရှိကြောင်း နှင့် ၄င်း လကြတ် မှုကို နေမှ တွေ့မြင်နိုင် သောကြောင့် နေကြတ်မှု ဖြစ်စဉ်များ အပေါ်၌သာ နက္ခတ်ပိုင်း ဆိုင်ရာ ဟောကိန်းများ ထုတ်ပြန် ကြသည်ဟု သိရကြောင်း Favourite News Journal တွင် ဖော်ပြထားသည်။

ဒေါ်အောင်ဆန်းစုကြည် ၏ မွေးနေ့တွင် သောက်ရေလှူဒါန်းရန် ပြည်သူလူထံ ပြည်ပရောက် အမျိုးသမီးများပန်ကြား

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ဇွန်လ ၁၉ ရက်နေ့တွင် ကျရောက်မည့် ၆၅ နှစ်ပြည့် မွေးနေ့ကို ရည်စူး၍ ပြည်သူတရပ်လုံးအား သောက်ရေအလှူ ဒါနပြုရန် အမျိုးသမီး များအဖွဲ့ချုပ် (မြန်မာနိုင်ငံ) က ပန်ကြားလိုက်သည်။

လတ်တလောအခြေအနေတွင် သောက်သုံးရေ အခက်အခဲများနှင့် ကြုံတွေ့နေရသောကြောင့် သောက်ရေ လှူ ဒါန်းရန် တိုက်တွန်းနှိုးဆော်ရခြင်းဖြစ်ကြောင်း အမျိုးသမီးများ အဖွဲ့ချုပ် (မြန်မာနိုင်ငံ)မှ တွဲဖက်အထွေထွေ အ တွင်းရေးမှူး-၂ စောစံငြိမ်းသူ က ယခုလို ပြောသည်။

“အခုလောလောဆယ် အခြေအနေမှာဆိုလို့ရှိရင် ပိုပြီးဆိုးဝါးတာက ရေအငတ်ဘေးနဲ့ ရင်ဆိုင်နေရတဲ့ ဟာရှိတယ်၊ဆိုတော့လူထုတွေက လက်ရှိမှာ ရေငတ်ဘေးနဲ့ပိုပြီးတော့မှ ရင်ဆိုင်နေရတော့ ဒီ ဒေါ် အောင်ဆန်းစုကြည် မွေးနေ့ကာလအတွင်းမှာပဲ ကျရောက်မယ့် ၆၅ နှစ်ပြည့်မှာပဲ ဒီလိုမျိုးရေအငတ် ဘေးနဲ့ လက်ရှိမှာရင်ဆိုင်နေရတဲ့ဟာကို အဓိကထားပြီး တော့မှ ကျမတို့ ရေပေးလှူဖို့ဆိုတဲ့ဟာကို တိုက်တွန်းနှိုးဆော်ရတာဖြစ်တယ်။”

ယနေ့မြန်မာနိုင်ငံတွင် စီးပွားရေး၊ လူမှုရေး၊ နိုင်ငံရေး စသဖြင့် အဖက်ဖက်မှ ကျဆင်းပြီး ချွတ်ချုံကျလျှက်ရှိရာ ပြည်သူတရပ်လုံးအနေနှင့်လည်း စားဝတ်နေရေးအတွက် ရုန်းကန်နေရပြီး လက်ရှိတွင် တနိုင်ငံလုံး အတိုင်းတာ ဖြင့် သောက်သုံးရေ အခက်အခဲနှင့် ရင်ဆိုင်နေရသည်ဟု ပန်ကြားလွှာတွင် ပါရှိသည်။

လက်ရှိစစ်အစိုးရအနေနှင့် ပြည်သူလူထု၏ အခက်အခဲများ၊ သောက်သုံးရေပြဿနာများ၊ စားဝတ်နေရေး ပြဿ နာများကို လစ်လျူရှုထားပြီး မိမိတို့အာဏာတည်မြဲရန် စစ်အင်အား တိုးချဲ့ရေးကိုသာအဓိက ဦးတည်ထားပြီး လက်ရှိတွင်လည်း အဏုမြူထုတ်လုပ်မှုပိုင်း ဆိုင်ရေးကိုသာ ဆောင်ရွက်နေကြသည်ဟု ပန်ကြားလွှာတွင် ဖော် ပြထားသည်။

ထိုင်းနိုင်ငံ၊ ချင်းမိုင်မြို့တွင် ဒေါ်အောင်ဆန်းစုမွေးနေ့ပွဲကို အမျိုးသမီးများအဖွဲ့ချုပ် (မြန်မာနိုင်ငံ)နှင့်အတူ အခြား မဟာမိတ်အဖွဲ့များနှင့် ပူးပေါင်းဆောင်ရွက်ပြီး အခမ်းအနား ကျင်းပမည်ဟု စောစံငြိမ်းသူက ယခုလို ဆက်ပြော သည်။

“ဒီဒေါ်အောင်ဆန်းစုကြည် မွေးနေ့ကိုအကြောင်းပြုပြီးတော့မှ ကျမတို့က မွေးနေ့ ကျရောက်မယ့် ဇွန် လ ၁၉ ရက်နေ့မှာ ထုတ်ပြန်ချက်တွေထုတ်ဖို့ရှိပါတယ်။ ဒေါ်အောင်ဆန်း စုကြည်အကြောင်းတွေကို ဟောပြောတဲ့ဟာမျိုးတွေ နောက်ပြီးလို့ရှိရင် စကားပြောပွဲတွေ၊ ဆွေးနွေးပွဲတွေ၊ ပြီးရင် ဓါတ်ပုံပြပွဲတွေ၊ ဗွီဒီယိုမှတ်တမ်းခွေတွေပြတဲ့ဟာမျိုးတွေ စသဖြင့်ပေါ့ ပဟေဠိ မေးခွန်းတွေမေးတဲ့ဟာမျိုးတွေ အစီစဉ် တွေ အနေနဲ့လုပ်ဖို့ရှိပါတယ်။”

နိုဗယ်ဆုရှင် ဒေါ်အောင်ဆန်းစုကြည်၏ မွေးနေ့ကို ဂုဏ်ပြုသည့်အနေဖြင့် နယ်စပ်ဒေသ အသီးသီးနှင့် အ မျိုးသမီးများအဖွဲ့ချုပ်(မြန်မာနိုင်ငံ) အခြေစိုက်သော ဘင်္ဂလားဒေ့ခ်ျ၊ အိန္ဒိယ၊ တရုတ်နှင့် ထိုင်းနိုင်ငံတို့တွင် အထိန်းအမှတ်လှုပ်ရှားမှုများကို ပုံစံအမျိုးမျိုးနှင့် လုပ်ဆောင်သွားရန် စီစဉ်နေသည်ဟု သိရသည်။

မလေးရှားနိုင်ငံရှိ အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့ကြီး (Amnesty Inter -national) ကလည်း ၁၈ ရက်နေ့တွင် ဒေါ်အောင်ဆန်းစုကြည်၏ မွေးနေ့အကြိုပွဲ ကျင်းပ ပြုလုပ်မည်ဟု သိရသည်။

ယင်းပွဲသို့ မလေးရှားရောက် ခွပ်ဒေါင်းမျိုးဆက်သစ် ညီအစ်ကို အဖွဲ့က ထုတ်သည့် နေ့သစ်ကိုကြိုဆိုကြပါစို့ စီးရီးတွင် ပါဝင်သည့် ဒေါ်အောင်ဆန်း စုကြည်၏ မွေးနေ့ ဂုဏ်ပြု သီချင်း ၂ ပုဒ်နှင့် အခြားသီချင်းများကို မျိုး ဆက်သစ်အဆိုတော် ထက်ရှိုင်းအောင်က ရောက်ဖျော်ဖြေဂုဏ်ပြုပေးမည်ဟုလည်း သတင်းရရှိသည်။

နအဖ ဝန်ကြီး(၂)ဦး ကေအိုင်အိုနှင့် တွေ့ဆုံ

ဆက်သွယ်ရေး၊ စာတိုက်နှင့် ကြေးနန်းဝန်ကြီး ဦးသိန်းဇော်၊ အမှတ်(၁)စက်မှု ဝန်ကြီး ဦးအောင်သောင်း၊ မြောက် ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် စိုးဝင်း တို့ ပါဝင်သည့် နအဖ ကိုယ်စားလှယ်အဖွဲ့ ဒီကနေ့တွင် တရုတ်-မြန်မာနယ်စပ် လိုင်ဇာမြို့သို့ ရောက်ရှိလာပြီး ကချင်ပြည်လွတ်လပ်ရေးအဖွဲ့ ခေါင်းဆောင်များနှင့်တွေ့ဆုံခဲ့သည်။

နအဖကိုယ်စားလှယ်အဖွဲ့ လိုင်ဇာသို့ မရောက်လာခင် နံနက်ပိုင်းကတည်းက လုံခြုံရေးအဖြစ် နအဖစစ်သားများ ကား(၃)စီးဖြင့် ကြိုတင်ရောက်ရှိပြီးနောက် နေ့လည်(၁၁)နာရီကျော်တွင် နအဖဝန်ကြီးနှင့် မခပတိုင်းမှူးတို့ လိုက် ပါလာသည့် ကား(၁၂)စီးပါ ယာဉ်တန်းတခု လိုင်ဇာဟော်တည်သို့ ရောက်ရှိလာကာ ကေအိုင်အို ခေါင်းဆောင် များနှင့် တွေ့ဆုံနေသည်ဟု လိုင်ဇာဒေသခံတဦးက ယခုလိုပြောသည်။

“လုံခြုံရေးအနေနဲ့ ကား(၃)စီး၊ စစ်သားတွေချည်း မနက် (၈)နာရီကျော်လောက်ကို ရောက်လာတယ်၊ ခလရ(၁၄ ၂) ကတဲ့။ အယောက်(၁ဝဝ)ဝန်းကျင်လောက်ရှိမယ်။ (၁၁)နာရီ ကျော်ကျော်လောက်မှာ ကားငယ်တွေ ဝင်လာ တယ်၊ အဲဒီမှာ ဦးအောင်သောင်း၊ ဦးသိန်းဇော်တို့၊ မပခတိုင်းမှူးတို့ ပါလာတယ်၊ လိုင်ဇာ ဟော်တည်မှာ ကေအိုင် အို ခေါင်းဆောင်တွေနဲ့ တွေ့နေကြတယ်။ နေ့လည် (၂)နာရီလောက်ကအထိ ရှိသေးတယ်၊ ဆွေးနွေးနေကြ တုန်းဘဲ။ အဲဒီကနေ ထွက်မလာသေးဘူး။”

ကေအိုင်အိုအဖွဲ့သည် နယ်ခြားစောင့်တပ်အစား ကချင် လက်နက်ကိုင်တပ်ရင်းများအဖြစ် အသွင်ပြောင်းလို ကြောင်း ကေအိုင်အိုဘက်က တုန့်ပြန်ပြောဆိုပြီးနောက်ပိုင်း ကေအိုင်အိုနှင့် နအဖ အကြား မြစ်ကြီးနားမြို့တွင် တွေ့ ဆုံ ဆွေးနွေးမှုများရှိလာခဲ့ရာမှ ကေအိုင်အို ဌာနချုပ်တွင် လိုင်ဇာတွင် လာရောက် တွေ့ဆုံခဲ့ခြင်း ဖြစ်သည်၊

ကေအိုင်အိုအဖွဲ့နှင့် နအဖအကြား ယနေ့တွေ့ဆုံမှုအပေါ် သိရှိရန် ကေအိုင်အိုအဖွဲ့မှ တာဝန်ရှိသူများထံ ဖုန်း ဆက်သွယ်မှု ပြုလုပ်သော်လည်း မရခဲ့ပါ။

မြန်မာ့ရုပ်သံမှ ကမ္ဘာ့ဖလားဘော့လုံးပွဲ ပြသမှု ခေတ္တရပ်ဆိုင်း

ကမ္ဘာ့ဖလားပြိုင်ပွဲ ပွဲစဉ်များကို မြန်မာနိုင်ငံရှိ မြ၀တီနှင့်မြန်မာ့ရုပ်မြင်သံကြား ဌာနတို့မှ တိုက်ရိုက်ထုတ်လွှင့်ပြသမှု များ ခေတ္တရပ်ဆိုင်းသွားသည်။

တောင်အာဖရိကနိုင်ငံ၌ ယခုနှစ်ကျင်းပနေသည့် ကမ္ဘာ့ဖလား ဘော့လုံးပွဲများအား မြန်မာ့အသံနှင့် ရုပ်မြင်သံကြား ဌာနနှင့် မြ၀တီအသံလွှင့်ဌာနတို့မှ နေ့စဉ်ပြသနေရာမှ ယမန်နေ့က ဘော့လုံးပွဲပြသမှု ရပ်ဆိုင်းသွားပြီး သီချင်းများ သာ အစားထိုးထုတ်လွှင့်ခဲ့ သည်ဟု ရန်ကုန်မြို့ခံတစ်ဦးက ယခုလိုပြောသည်။

“မနေ့ကစပြီးမပြတော့ဘူး ဘာကြောင့်လဲ မသိဘူး။ သူတို့က စာတန်းထိုးတော့ Fifa ကတဲ့ Signal မရရှိတဲ့ အတွက်ကြောင့် ဘော့လုံးပွဲ မပြသခြင်းကို သီးခံခွင့်လွတ်ပါရန် ပန်ကြားပါသည်ဆိုပြီး စာတန်း ထိုးတယ်။ အဲတာ မပြပဲနဲ့ သီချင်းတွေပဲပြပြီး အဲတာကို စာတန်းထိုးတယ်။”

အဆိုပါ အစီစဉ်များကို မိုးဆန်းပန်းမီဒီယာမှ တာဝန်ယူတင်ဆက့်ခဲ့ခြင်းဖြစ်ပြီး နေ့စဉ် မြ၀တီရုပ်သံနှင့် မြန်မာ့ရုပ် မြင်သံကြားဌာနတို့မှ ထုတ်လွှင့်ပြသခြင်းဖြစ်သည်။

ယမန်နေ့ကပွဲစဉ်များကို မကြည့်လိုက်ရသည့် ရန်ကုန်အင်းစိန်မှ ပရိတ်သတ်တစ်ဦးက “အိပ်ရေးပျက်တာ တောင်မတန်ဘူးထရတာအလကားပဲ” ဟု ပြောသည်။

မိုးဆန်းပန်းမီဒီယာမှ တာဝန်ရှိသူတစ်ဦးက စက်ပိုင်းဆိုင်ရာချို့ယွင်းမှုကြောင့် မပြသ နိုင်ခြင်းဖြစ်သည်ဟု ယခုလို ပြောသည်။

“ဒီဖက်မှာ စက်ပိုင်းဆိုင်ရာချို့ယွင်းမှုလေးတွေရှိလို့ပါ။ စက်တွေပြင်ပြီးတာနဲ့ ပြန်လွှင့်ပေး မှာပါရှင်။ ဒီ နေ့ညတော့ သိပ်မသေခြာဘူး။ မနက်ဖြန်ညတော့ ပြန်ပြဖြစ်မယ်နဲ့ တူတယ်။ လောလောဆယ်တော့ စက်ပိုင်းဆိုင်ရာချို့ယွင်းမှုဖြစ်နေလို့ပါ။”

မိုးဆန်းပန်းမီဒီယာအနေနှင့် တောင်အာဖရိကတွင်ကျင်းပသည့် ကမ္ဘာ့ဖလားဘော့လုံးပြိုင်ပွဲများ အားလုံးကို ထုတ် လွှင့်ပြသရန် (Broadcasting Right) ကိုရရှိထားပြီး အခမဲ့တိုက်ရိုက်ထုတ်လွှင့်ခွင့်ရရန် အစီအစဉ်အတွက် Yangon Entertainment ကုမ္ပဏီ မှ တဆင့် ၀ယ်ယူခဲ့ခြင်းဖြစ်သည်။

သုံးဆူ-သံဖြူဇရပ် လမ်းတလျှောက် ၅ နာရီ နောက်ပိုင်း သွားလာခွင့် မရှိ

ကေအဲန်ယူနယ်မြေအတွင်း စစ်အစိုးရတပ်များ တိုက်ခိုက်ခံနေရသောကြောင့် ထိုဒေသအတွင်းရှိ ရွာသားများနှင့် ခရီးသည်များအား ညနေ ၅ နာရီနောက်ပိုင်း သွားလာခွင့်ကို စစ်အစိုးမှ ပိတ်ပင်လိုက်သည်။

“ညနေ ၅ နာရီကျော်သွားရင် သွားလာခွင့် မပေးတော့ဘူး၊ အဲဒီအချိန် လွန်သွားရင် ဘာပဲတွေ့တွေ့ ပစ်ဖို့ အမိန့်ပေးထားတယ်” ဟု ယခုရက်ပိုင်းအတွင်း ဘုရားသုံးဆူ-သံဖြူဇရပ်သို့ သွားခဲ့သူတစ်ဦးက ပြောသည်။

ယခုလပိုင်းအတွင်း ဘုရားသုံးဆူ-သံဖြူဇရပ်လမ်းတလျှောက်ရှိ ကေအင်ယူ တပ်မဟာ ၆ နယ်မြေအတွင်း စစ်အစိုးရတပ်များ အကြိမ်ကြိမ်တိုက်ခိုက်ခံနေရပြီး ကျဆုံးခြင်းများ ရှိသည်။

“အခုလိုလုပ်လိုက်တော့ ခရီးသွားသူတွေ ကားသမားတွေ အခက်အခဲဖြစ်တာပေါ၊ တရက်သွားရမယ့်ခရီးကို နှစ်ရက်သွားတယ်၊ လမ်းမှာ တညအိမ်ရတာပေါ့ ခါတိုင်းတော့ မိုးနည်းနည်းချုပ်လည်း သွားတာပဲလေ၊ အခုက လမ်းမှာ အိမ်တော့ တိုက်ပွဲဖြစ်မှာကိုလည်း ကြောက်ရတယ်၊ လိုရာခရီးလည်း မရောက်၊ ကားသမားတွေအထွက်လည်း အဆင်မပြေဘူးပေါ့” ကားသမားတစ်ဦးက ပြောသည်။

ဇွန်လ ၁၄ ရက်နေ့မှာ ကေအဲန်ယူတို့မှ စစ်အစိုးရတပ်ကို တောင်စွန်းနှင့် ခုံခန်းအကြား ခမရ ၂၈၄ စစ်ကြောင်းကို ရှေ့ထွက်မိုင်းနှင့် ပြောက်ကြားစစ်ဆင်ခဲ့ကာ စစ်အစိုးရတပ်များ ဒဏ်ရာရရှိမှုရှိခဲ့သည်။

ခမရ ၂၈၄ တပ်ရင်းသည် ပြီးခဲ့သည့် ဇွန်လ ၇ ရက်နေ့တွင် ခလရ ၃၂ တပ်ရင်းနှင့် ဘုရားသုံးဆူမြို့၌ တပ်အပြောင်းအလဲပြုလုပ်ပြီး မိခင်တပ်ရင်းရှိရာသို့ ပြန်လာစဉ် ဘုရားသုံးဆူ-သံဖြူဇရပ်အကြား ဒုတိယအကြိမ် ထပ်မံခြုံခိုတိုက်ခိုက်ခံလိုက်ရခြင်းဖြစ်သည်။

အလားတူ ယမန်နေ့တွင်လည်း ထိုင်း-မြန်မာနယ်စပ် ကနဲလေးစခန်းအခြေချ ခမရ (၄၀၅) တပ်ချိန်းပြီးအပြန် မြ၀တီခရိုင်အတွင်းရှိ ဘလယ်ဒို့အရပ်သို့ ရောက်ရှိလာစဉ် ကေအန်အယ်လ်အေ တပ်ရင်း (၁၀၃) လက်အောက်ခံတပ်ခွဲတခုက ခြုံခိုတိုက်ခိုက်ခဲ့ရာ (၁) ဦးကျဆုံးပြီး (၃) ဦး ဒဏ်ရာရရှိသည်။

ပြီးခဲ့သည့် ဇွန်လ ၁၀ ရက်နေ့တွင်လည်း ဘုရားသုံးဆူမှအထွက် မြိုင်သာယာရွာအနီး၌ ကေအဲန်ယူမှ ရှေ့ထွက်မိုင်းဖြင့်တိုက်ခိုက်ခဲ့ရာ အဆိုပါ ခမရ ၂၈၄ စစ်ကြောင်းမှ တစ်ဦးသေ၊ နှစ်ဦးဒဏ်ရာရရှိခဲ့ကြောင်း သတင်းဌာနအသီးသီးတွင်လည်း ဖေါ်ပြခဲ့သည်။ အဆိုပါနေ့တွင်ပင် မွန်ပြည်နယ် သံဖြူရပ်မြို့ နယ်-ဘုရားသုံးဆူရှိ ဂျပန်တောင်အနီး၌ နအဖ စစ်တပ် ယဉ်တန်းတခုကို KNU တပ်ဖွဲ့ဝင်များက ခြုံခို တိုက်ခိုက်လိုက်သောကြောင့် နအဖ တပ်ဖွဲ့ဝင် ၁၁ ဦးသေဆုံးပြီး၊ ၂၀ ခန့် ဒဏ်ရာရရှိကြောင်း သတင်းများတွင်ဖေါ်ပြခဲ့ပြီး ဖြစ်သည်။

ပြီးခဲ့သည့်မေလ ၁၃ ရက်နေ့တွင်လည်း အင်အား (၄၀) ကျော်ရှိ ခမရ (၄၀၁) တပ်ရင်း စစ်ကြောင်း (၂) ကို ကြာအင်းဆိပ်ကြီးမြို့နယ်၊ ကျုံခွန်နှင့် တောင်ဒီးကျေးရွာစပ်ကြားတွင် ကေအဲန်အယ်လ်အေ တပ်ရင်း (၁၆) က ခြုံခိုတိုက်ခိုက်ခဲ့ရာ နအဖစစ်သား ၇ ဦး အလောင်းကျန်ခဲ့ပြီး ကေအဲန်အယ်လ်အေမှ ၁ ဦး ကျဆုံးခဲ့သည်။

၎င်းပြင်ဇွန်လ ၁၀ ရက်နေ့တွင် မြဝတီမြို့နယ် (ကေအင်ယူ ကော့ကရိတ်မြို့နယ်) အူဟူထာဒေသဘက်တွင်လည်း ကေအင်ယူ ကေအင်အယ်အေ ၂၀၁ တပ်ရင်းက စစ်အစိုးရတပ် တင်ဆောင်လာသော ထော်လာဂျီ ကားနှစ်စီးစာ ဆေးဝါးရိက္ခာများကို သိမ်းယူခဲ့သည်ဟု ကေအင်ယူ တပ်မဟာ ၆ ပြောခွင့်ရှိသူ ဗဒိုစောထဲနေက ပြောသည်။

မြဝတီမြို့တွင်လည်း ယခုသီတင်းပတ်အတွင်း စစ်တပ်က ကင်းလှည့်နေသည်ကို တွေ့မြင်နေရသည်ဟု မြဝတီမြို့ခံတစ်ဦးက ပြောသည်။

“ခါတိုင်း သူတို့ ဒီလိုမျိုးလှည့်တာ မတွေ့ရဘူး၊ အခု ကားနဲ့ စစ်ယူနီဖောင်းနှင့် သေနတ်အပြည့်နဲ့ ညတိုင်းလိုလို လှည့်နေတယ်၊ ဒီလိုလှည့်တာ တစ်ပတ်လောက် ရှိပြီ” ဟု မြဝတီမြို့မှ လူငယ်တစ်ဦးက ပြောသည်။

ယခုကဲ့သို့ လုံခြုံရေး များနေသောကြောင့် မြဝတီမြို့ခံများက ညဥ့်နက်ချိန် အပြင်ထွက်နည်းလာသည်ဟု မြို့ခံများက ပြောသည်။

ထိုင်း-မြန်မာချစ်ကြည်ရေးတံတားကို မြန်မာအာဏာပိုင်တို့မှ ပိတ်ပင်

ထိုင်း-မြန်မာနယ်စပ်ဖြစ်သည့် မြဝတီ-မဲဆောက် ချစ်ကြည်ရေးတံထားကို ယနေ့နံနက် ၉ နာရီမှစပြီး မြဝတီအာဏာပိုင်တို့မှ သွားလာခွင့်ပိတ်ပင်လိုက်သည်ဟု ဒေသခံတို့က ပြောသည်။

မြဝတီမြို့မှ အစိုးရဝန်ထမ်းတစ်ဦးက “အခုလို ပိတ်ထားရတဲ့ရဲ့ ကြောင်းကတော့ နှစ်နိုင်ငံ နယ်နမိတ်အဖြစ်ခြားထားတဲ့ မြစ်မှာ ရေတိုက်စားလို့ ထိုင်းဘက်ကမ်းမှာ သွားပုံနေတဲ့အတွက် တနှစ်နဲ့တနှစ် ဗမာဘက်ကမ်းက မြေတွေလျော့ပြီး ထိုင်းဘက်မှာ တိုးတိုးလာနေတယ်၊ အဲဒါကြောင့် အဲဒီပြဿနာကို ဖြေရှင်းဖို့ တံထားကို ခဏတဖြုတ်ပိတ်လိုက်တာ” ဟု ပြောသည်။

ယခုကဲ့သို့ နယ်စပ်ဖြတ်ကျော်မှု ပိတ်ထားရခြင်းသည် ထိုင်း-မြန်မာနှစ်နိုင်ငံချစ်ကြည်ရေး တစ်နိုင်ငံနှင့် တစ်နိုင်ငံ ပြဿနာဖြစ်ပွားမှုတစ်ရပ်ဖြစ်လာသောကြောင့် ဖြစ်သည်ဟု မြို့ခံအာဏာပိုင်နှင့် နီစပ်သော သူတစ်ဦးက ပြောသည်။

“ဒီနေ့ မနက်ကပဲ တံတားပိတ်လိုက်တယ်၊ အာဏာတော်တော်များ ပြောတော့ တစ်နိုင်ငံနဲ့ တစ်နိုင်ငံ ပြေလည်မှုမရှိလို့ အခုလို ပိတ်ထားရတယ်၊ ဗမာဘက်ကမ်းမှာတော့ ကားအတက်အဆင်းတွေရှိနေဆဲပဲ ဒါပေမဲ့ ပစ္စည်းတွေ သွားလာမရတော့ ဗမာဘက်ကမ်းမှာ တောင်တင်နေရတာပေါ့” ဟု ၄င်းက ပြောသည်။

ထို့အတူ အခြားတရားဝင်မဟုတ်သော ဂိတ်များမှာလည်း မြန်မာအာဏာပိုင်များက ပိတ်လိုက်သဖြင့် ကုန်သည်များ၏ ကုန်သွယ်မှုကို ရပ်တန့်စေခဲ့သည်ဟု ထိုင်းဘက်ကမ်းမှ ဗမာဘက်ကမ်းသို့ ကုန်သွယ်နေသော ကုန်သည်တစ်ဦးက ပြောသည်။

“ထိုင်းဘက်က ဗမာဘက်ကို ပို့ဆောင်မယ့် ကုန်ပစ္စည်းတင်ထားတဲ့ကားတွေ တော်တော်များများက ထိုင်းဘက်ကမ်းက လှေဆိပ်တွေမှာ စုနေတယ်၊ ပြီးတော့ ချစ်ကြည်ရေးတံတားအနီးမှာလည်း မော်တော်ကားတွေ တန်းပြီး ရပ်ထားရတယ်” ဟု အဆိုပါကုန်သည်က ဆက်လက်ပြောပြသည်။

မြန်မာအာဏာပိုင်တို့ဘက်မှ မည်သည့်အကြောင်းကြောင့် ပိတ်လိုက်ရသည်ကိုလည်း တစုံတရာထုတ်ဖေါ်ပြောကြားခြင်းမပြုသလို မည်သည့်ရက်နေ့တွင် ပြန်လည်ဖွင့်လှစ်ပေးမည့်ရက်များကိုလည်း မည်သူမှ မသိရှိရသေးပေ။

အတည်မပြုနိုင်သော သတင်းတစ်ရပ်အရ မြဝတီမြို့သို့ရောက်ရှိနေသော နေပြည်တော်မှ အထူးစစ်ဆေးရေးအဖွဲ့က ထိုင်းဘက်မှ တရားမဝင်တင်သွင်းလာသည့် ကုန်ပစ္စည်းများကို ရှာဖွေစစ်ဆေးနေသဖြင့် (၃) ရက်ခန့် ဂိတ်ပိတ်ထားမည်ဟု အမည်မဖော်လိုသူ မြန်မာကုန်သည်တစ်ဦးက ပြောသည်။

မဲဆောက်-မြ၀တီချစ်ကြည်ရေးတံတားသည် ထိုင်းနိုင်ငံမှ အကုန်ကျခံကာ ၁၉၉၅ ခုနှစ်တွင် စတင်တည်ဆောက်ခဲ့ပြီး ၁၉၉၇ တွင် စတင်ဖွင့်လှစ်ခဲ့သည်။ အကယ်၍ ချစ်ကြည်ရေးတံတား တစ်ရက်ပိတ်လျှင် ထိုင်းဘက်မှ ဘတ်သန်း (၄၀) ခန့် နစ်နာမူရှိသည်ဟု တာ့ခ်ခရိုင် ကုန်သည်ကြီးများအသင်း၏ မှတ်တမ်းတွင် ဖော်ပြခဲ့သည်။

မွန်ပြည်နယ် မြို့နယ်အချို့တွင် လုံခြုံရေး တင်းကျပ်

ယခုရက်ပိုင်းအတွင်း မွန်ပြည်နယ်ရှိ မြို့နယ်အချို့တွင် လုံခြုံရေး ပိုမိုချထားကြောင်း ဒေသခံတို့က ပြောသည်။

အထူးသဖြင့် မော်လမြိုင်မြို့၊ သံဖြူဇရပ်မြို့နှင့် မုဒုံမြို့ပေါ်တွင် လုံခြုံရေး တင်းကျပ်ထားသည့်အပြင် ကားလမ်းတလျှောက်တွင်လည်း စစ်တပ်မှ လုံခြုံရေး ချထားကြောင်း သိရသည်။

“ဒီအပတ်အတွင်းမှာ လုံခြုံရေး တော်တော်တင်းကျပ် ချထားတယ်၊ မြို့ပေါ်မှာဆိုရင် လမ်းတိုင်း အကွေ့တိုင်းမှာ စောင့်နေကြတယ်၊ ခါတိုင်းဆို လမ်းဆုံတွေမှာပဲ စောင့်တတ်တယ်” ဟု မော်လမြိုင်မြို့ခံတစ်ဦးက ပြောသည်။

မြို့အနှံ့မှာ လုံခြုံရေး တိုးမြှင့်ထားပြီး၊ စစ်တပ်၊ မီးသတ်နှင့် ရဲများ စုပေါင်းပြီး တနေရာလျှင် လေးငါးယောက်ခန့် စောင့်နေကြပြီး အဝေးပြေးကားဂိတ်တွင်လည်း စစ်ဆေးမှုများ ပြုလုပ်နေကြောင်း ၄င်းက ဆက်ပြောသည်။

မြို့ပေါ်သာမက ကျေးရွာများတွင်လည်း သက်ဆိုင်ရာ ဒေသအခြေစိုက် စစ်တပ်တို့မှ လုံခြုံရေးချထားသည်။

“ကျနော်တို့ရွာမှာတော့ ၄-၅ ယောက် ရှိနေတယ်၊ ရွာအဝင်မှာ သူတို့ စောင့်နေကြတယ်၊ သုံးလေးရက်လောက် ရှိပြီ၊ ကျနော်မော်လမြိုင် တက်သွားတော့ ရွာတိုင်းလိုလို စစ်သားတွေ ရွာအဝင်ဝမှာ စစ်သားတွေစောင့်နေတာကို တွေ့ရတယ်၊ မြို့ပေါ်မှာဆိုလည်း နေရာတိုင်းမှာ စစ်သားတွေကို တွေ့နေရတယ်၊ ဘာကြောင့်လဲတော့ မသိပါဘူး” ဟု မုဒုံမြို့နယ်အတွင်းရှိ ရွာသားတစ်ဦးက ပြောသည်။

မွန်ပြည်သစ်ပါတီနှင့် စစ်အစိုးရအကြား ဆက်ဆံရေးအခြေအနေ တင်းမာမှု၊ စစ်အစိုးရ ခေါင်းဆောင်ပိုင်းမှ အရာရှိများ မော်လမြိုင်မြို့သို့ လာရောက်ရန် အစီအစဉ် ရှိမှုတို့ကြောင့် ယခုကဲ့သို့လုံခြုံရေး တိုးမြှင့်ချထားခြင်း ဖြစ်ကြောင်း ဒေသခံများက ထင်ကြေးပေးကြသည်။

“အမျိုးမျိုး ပြောနေကြတာပဲ၊ တချို့က လမ်းပြင်နေတာကို စောင့်နေတာလို့လဲ ပြောကြတယ်၊ တစ်ခုမှလည်း သေချာတာ မရှိဘူး၊ အကြောင်းထူး ရှိတာတော့ သေချာတယ်” ဟု အထက်ပါ ရွာသားက ပြောသည်။

မွန်ဒေသလုံးဆိုင်ရာဒီမိုကရေစီပါတီ မဲဆွယ်စည်းရုံးရေးခရီးဆင်းပြီး

မွန်ဒေသလုံးဆိုင်ရာဒီမိုကရေစီပါတီသည် ဇွန်လဒုတိယအပါတ်မှစပြီး မွန်ပြည်နယ် အတွင်းမှာရှိသော မုဒုံမြို့နယ်၊ သံဖြူဇရပ်မြို့နယ်နှင့် ရေးမြို့နယ် လမိုင်းမြို့နယ်ခွဲဘက်တွင် မဲဆွယ်စည်းရုံးရေးခရီး စတင်ဆင်း နေပြီးဟု ပါတီ ခေါင်းဆောင်တစ်ဦးဖြစ်သည့် နိုင်ငွေသိမ်းခေါ် နိုင်ဂျနူမွန်မှပြောပါသည်။ အဆိုပါခရီးစဉ်များတွင် ဒေသခံမွန်ပြည်သူများမှ ဝိုင်းဝန်းကူညီမှုထောက်ခံမှုရရှိပြီး ရဟန်းသံဃာတော်များထံမှ အကြံဉာဏ်တောင်းခံ ဆွေးနွေးခြင်း ပါတီ၏ မူဝါဒလမ်းစဉ်များကို ခင်းကျင်းရှင်းပြခဲ့သည်ဟုပြောပါသည်။

ဤကဲ့သို့စည်းရုံးရေးခရီးဆင်းသည့်နေရာတွင် ဒေသခံပြည်သူများအနေနှင့် မဲဆန္ဒအစစ်အမှန်ထဲ့ရန် အတွက် စိုးရိမ်ကြောက်လန့်မှုတွေရှိနေဆဲဟု ပါတီခေါင်းဆောင်နိုင်ငွေသိမ်းမှ အခုလိုပြောဆိုခဲ့ပါသည်။

“အခက်အခဲရှိတယ်။ မဲထဲ့တယ်ဆိုတာကြောက်တာတို့ ဘာတို့ညာတို့ရှိရင်လဲရှိကြမှာပေါ့ဗျာ။ ကျွန်တော် တို့ကတော့ ကြောက်စရာမလိုဘူးလို့ပြောတယ်။ ဒါ တရားဝင်လုပ်တာဘဲ။ တရားမဝင်ကတော့ တစ်ခုမှမပါဘူး။”

မွန်ဒေသလုံးဆိုင်ရာဒီမိုကရေစီပါတီ၏ စည်းရုံးရေးဆင်းသည့်ဒေသတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီတို့ကလည်း မဲဆွယ်စည်းရုံးနေပါသည်။ လာမည့်ရွေးကောက်ပွဲတွင် မွန်ဒေသလုံးဆိုင်ရာဒီမိုကရေစီ ပါတီအနေနှင့် အောင်မြင်မှုရနိုင်မည်ဟု နိုင်ငွေသိမ်းမှ အခုလိုဖြေကြားသွားပါသည်။

“ကျွန်တော်တို့ကတော့ ခန့်မှန်းတာ မွန်နယ်မှာဆိုလို့ရှိရင် အောင်မြင်နိုင်တာပေါ့ဗျာ။ မွန်နယ်ဆိုတာက ကရင်ပြည်နယ်မှာလဲ ကျွန်တော်တို့ မွန်တွေရှိတဲ့နေရာပေါ့။”

မွန်ဒေသလုံးဆိုင်ရာဒီမိုကရေစီပါတီထဲတွင် ယခင်ကမွန်ပြည်သစ်ပါတီမှ အနားယူထားသည့်သူများ ပါဝင်နေသည်ဟု နိုင်ငွေသိမ်းမှပြောခဲ့ပါသည်။ လက်ရှိပါတီ၏ဌာနချုပ်ကို မော်လမြိုင်မြို့တွင်ဖွင့်လှစ်ထား သည်ဟုဆိုသည်။ နောက်မကြာမီပါတီ၏ အလုပ်အမှုဆောင်သစ်များကို ပြန်လည်ရွေးချယ်သွားမည်ဖြစ်ပြီး ယခုလောလောဆယ်ဆယ်တွင် နိုင်ငွေသိမ်းမှ အဖွဲ့ခေါင်းဆောင်အဖြစ်တာဝန်ယူထားပါသည်။

မွန်ဒေသလုံးဆိုင်ရာဒီမိုကရေစီပါတီသည် နိုင်ငံရေးပါတီမှတ်ပုံတင်ထားသည့် မွန်နိုင်ငံရေးပါတီဖြစ် သည်။ စစ်အစိုးရမှကျင်းပပေးမည့် ရွေးကောက်ပွဲတွင်ဝင်ရောက်ယှဉ်ပြိုင်ရန် မွန်ဒေသလုံးဆိုင်ရာ ဒီမိုကရေစီ ပါတီကို ယခုနှစ်ဧပြီ(၇)ရက်နေ့တွင် မွန်တတ်၊သိပညာရှင်များ၊နိုင်ငံရေးသမားများအပါအဝင် ကော်မီတီ ဝင်(၁၅)ဦး နှင့်စတင်ဖွဲ့စည်းခဲ့ပါသည်။ မေလ(၂၄)ရက်နေ့တွင် ပြည်ထောင်စုရွေးကောက်ပွဲကော်မရှင်မှ ပါတီမှတ်ပုံတင် ခွင့်အမှတ်(၅၁) နှင့် ခွင့်ပြုချက်ရထားသည့် နိုင်ငံရေးပါတီဖြစ်ပါသည်။

လေဆင်နှာမောင်း တိုက်ခတ်မူကြောင့် ရွာလုံးကျွတ် ပြိုပျက်

စစ်တွေမြို့နယ်မှ ကျေးရွာ တရွာကို လေဆင်နှာမောင်း တိုက်ခတ်သွားသဖြင့် အိမ်ခြေ အများအပြား ပျက်စီးသွားပြီး ကျေးရွာသား တဦး ပျောက်ဆုံးနေကာ နောက်တဦးမှာ ဒဏ်ရာ ရရှိသွားကြောင်း သတင်း ရရှိသည်။

ဇွန်လ ၁၄ ရက်နေ့ ညဥ့် ၁၁ နာရီခန့်တွင် စစ်တွေနှင့် မန်စီ ကားလမ်း အကြားတွင် တည်ရှိသော သဲချောင်းကျေးရွာကို လျှပ်တပြက် လေဆင်နှာမောင်း ၀င်ရောက် မွှေနှောက်သွားခဲ့သည်။
ကျေးရွာသား တဦးက " လေဆင်နှာမောင်းတိုက်တာက ၃ မိနစ်ဘဲ ကြာပါတယ်။ လေလာတာက တော်တော်ပြင်းပါတယ်။ တခါမှ မတွေ့မမြင်ဖူးပါဘူး။ အိမ်ခြေ ၃၆ လုံး ပျက်စီးသွားပြီး မူလတန်း ကျောင်းနဲ့ ဘုန်းကြီးကျောင်းလည်း ပျက်စီးတဲ့ အထဲမှာ ပါဝင်သွားပါတယ်။ ခုချိန်ထိတော့ ကိုကျော်နိုင်က ပျောက်ဆုံးနေပါတယ်။" ဟု ပြောသည်။

လေဆင်နှာမောင်းတိုက်ခတ်မူကြောင့် မိသားစု ၁၇ စု အိုးမဲ့ အိမ်မဲ့ ဖြစ်သွားပြီး ယခုအခါ မောင်လူပျိုကြီး ဆိုသူကို အတွင်းလူနာအဖြစ် ဆေးရုံတင်ထားရသည်။

" သက်ဆိုင်ရာ လာကြည့်ရုံကလွဲပီး အကူအညီတွေတော့ မပေးသေးပါဘူး။ ရွာသားတွေက ကိုယ့်အား ကိုယ်ကိုးပီး အိမ်တွေ၊ ကျောင်းတွေကို ပြန်ပြင်နေရပါတယ်။ မိသားစု အတော်များများကတော့ ဆင်းရဲအတွက် အိမ်တွေကို ပြန်မပြင်နိုင်သေးပါဘူး။" ဟု သူက ပြောသည်။

သို့သော်လည်း ယခုအချိန်ထိ သက်ဆိုင်ရာမှ အကူအညီပေးခြင်း မရှိသေးသဖြင့် ကျေးရွာသားများက အကူအညီ ရရေးကို မျှော်လင့်နေကြသည်ဟု သိရသည်။

ယူအန်မှ မောင်တောတွင် လေဘေး အကူအညီပေး

ယူအန် လက်အောက်ခံ ကုလသမဂ္ဂ မဟာမင်းကြီးရုံးမှ မနေ့က ရေဘေးဒဏ်ခံခဲ့ရသူ မောင်တောမြို့ပေါ်မှ မိသားစုများကို ကယ်ဆယ်ရေး အကူအညီများ ထောက်ပံ့ပေးခဲ့ကြောင်း သတင်း ရရှိသည်။

အဆိုပါ အကူအညီများကို မောင်တောတွင် အထက်တန်းကျောင်းနှင့် အလယ်တန်း ကျောင်းတွင် ဖွင့်လှစ်ထားသော ကယ်ဆယ်ရေး စခန်း ၂ ခုတွင် အဆိုပါ ရေဘေး အကူအညီများကို ပေးအပ်ခဲ့ခြင်း ဖြစ်သည်။

ရေဘေး အကူအညီ ရရှိခဲ့သူ အမျိုးသမီး တဦးက “ ကျွန်မတို့ရတာက ဆန်၊ ဆီ၊ စောင်၊ ခြင်ထောင်နဲ့ အိုးခွက် ပုဂံတွေ ရပါတယ်။ မိသားစု ဦးရေ အလိုက် ကူညီ ထောက်ပံ့ပေးပါတယ်” ဟု ပြောသည်။

ရေဘေးဒဏ်ခံခဲ့ရသူ မိသား ၂၅၀ ခန့်မှ အဆိုပါ ရေဘေး ကယ်ဆယ်ရေး ပစ္စည်းများကို သွားရောက် လက်ခံ ယူခဲ့သည်ဟု သိရသည်။

“မြင်တိုင်း လူကိုတော့ ပေးတာ မဟုတ်ပါဘူး။ အိမ်တွေ ပြိုသွားတဲ့ မိသားစုတွေ၊ အိမ်တွေ ရေနစ်နေတဲ့ မိသားစုတွေကို ပေးတာပါ။ ရယက ဥက္ကဌတွေဆီက ဟုတ်မှန်ကြောင်း ထောက်ခံတဲ့ စာရွက် ဖြတ်ပိုင်းလေးနဲ့ သွားထုတ်ရပါတယ်” ဟု သူမက ဆက်ပြောသည်။

မောင်တောမြို့ပေါ်တွင် သာမက ရေဘေးဒဏ်ကို အကြီးအကျယ် ခံစားခဲ့ရသည့် နယ်ကျေးရွာများတွင်လည်း ယူအန်မှ ဆက်လက် ထောက်ပံ့မူများ ပြုလုပ်သွားမည် ဟု သိရသည်။ ယခုအခါ ယူအန် တာဝန်ရှိသူများက အပျက်အစီးနှင့် အသေအပျောက်ကို ကွင်းဆင်း စစ်ဆေးနေကြောင်း မြို့ခံ တဦးက ပြောသည်။

ရေဘေးဒဏ်ကို အဆိုးရွားဆုံး ခံခဲ့ရသည့် ဘူးသီးတောင်တွင်လည်း ရေဘေး အကူအညီများ ပေးနေကြောင်း သိရသည်။

၂၀၀၉-၂၀၁၀ ပညာသင်နှစ်တွင် ရခိုင်မှ ၆ ဘာသာ ဂုဏ်ထူးရှင် ၁၈ဦး ထွက်ပေါ်

မြန်မာနိုင်ငံ၏ ၂၀၀၉-၂၀၁၀ ပညာသင်နှစ် တက္ကသိုလ်ဝင် စာမေးပွဲအတွက် အောင်စာရင်းများ ထုတ်ပြန်ခဲ့ရာ တွင် ရခိုင်ပြည်နယ်မှ ဘာသာစုံ ဂုဏ်ထူးရှင် ၁၈ ဦး ထွက်ပေါ်ခဲ့ကြောင်း သတင်း ရရှိသည်။

အဆိုပါ ၁၈ဦးမှာ စစ်တွေမြို့မှ ၁၂ ဦး၊ သံတွဲမြို့မှ ၅ ဦးနှင့် ပုဏ္ဏားကျွန်းမြို့မှ ၁ဦး တို့ဖြစ်ကြသည်။

စစ်တွေမြို့ခံတဦးက" ဒီနှစ် စစ်တွေက ဘာသာစုံ ဂုဏ်ထူးရှင် ၁၂ဦး ပါတယ်ဆိုလို့ ဝမ်းသာမိပါတယ်။ ၁ ဘာသာ၊ ၂ဘာသာ ဂုဏ်ထူးရှင်တွေလည်း အများကြီး ပါဘဲ။ ဒါပေမယ့် အောင်ချက် ရာနှုန်းက တော်တော့ကို နည်းပါတယ်။ ကျတဲ့ကျောင်းသား ကျောင်းသူတွေ များတယ်လို့ သိရပါတယ်။" ဟု ပြောသည်။

Type the rest of your post here.အလားတူ ရခိုင်တပြည်နယ်လုံးတွင် ၅ဘာသာ ဂုဏ်ထူးရှင် ၂၅ ဦး ထွက်ပေါ် ခဲ့ကြောင်း သိရသည်။

၎င်းတို့မှာ စစ်တွေမြို့မှ ၉ဦး၊ သံတွဲမြို့မှ ၆ဦး၊ ကျောက်ဖြူမြို့မှ ၅ဦး၊ ကျောက်တော်မြို့မှ ၁ဦး၊ ပေါက်တောမြို့မှ ၁ဦး၊ တောင်ကုတ်မြို့မှ ၁ ဦး၊ မင်းပြားမြို့မှ ၁ဦးနှင့် ရသေ့တောင်မြို့မှ ၁ဦး တို့ဖြစ်ကြသည်။

မောင်တောမြို့ခံ တဦးကလည်း" ရခိုင်ပြည်နယ်က ဂုဏ်ထူးပါတဲ့ ကျောင်းသား ကျောင်းသူတွေ ဒီနှစ်မှာ တော်တော် များပါတယ်။ ဒါပေမယ့် အောင်တဲ့သူတွေက နည်းပါတယ်။ မောင်တောမှာ ဆိုရင် ၄ ဘာသာ ဂုဏ်ထူးရှင် ၃ဦး ပါ ပါတယ်။ နောက် ၁ဘာသာ၊ ၂ဘာသာ ပါတဲ့သူတွေလည်း ရှိပါတယ်။" ဟု ပြောသည်။

ယခုနှစ် ရခိုင်တပြည်နယ်လုံးတွင် ၆ဘာသာ ဂုဏ်ထူးရှင် ၁၈ဦး၊ ၅ ဘာသာ ဂုဏ်ထူးရှင် ၂၅ ဦး၊ ၄ ဘာသာ ဂုဏ်ထူးရှင် ၃၇ဦး၊ ၃ဘာသာ ဂုဏ်ထူးရှင် ၅၅ ဦး၊ ၂ ဘာသာ ဂုဏ်ထူးရှင် ၁၁၆ ဦးနှင့် ၁ဘာသာ ဂုဏ်ထူးရှင် ၇၃၇ ဦးတို့ ဖြစ်သည်။

စစ်တွေမှ အထက်တန်းပြ ဆရာတဦးကလည်း" အောင်တဲ့သူတွေထဲမှာ ဘော်ဒါဆောင်မှာ နေပြီး သင်တဲ့သူတွေ၊ စာသင်ဝိုင်းတွေနဲ့ သင်တဲ့ ကျောင်းသူ ကျောင်းသားတွေ များတယ်။ သာမာန် ရိုးရိုး အစိုးရကျောင်းမှာ တက်ပြီး ဖြေဆိုသူတွေ သိပ်အောင်တာ မတွေ့ရဘူး။" ဟု နိရဉ္စရာသို့ ပြောသည်။

မြန်မာနိုင်ငံ ပညာရေးဌာနမှ ဆယ်တန်း အောင်စာရင်းကို ယခုလ ၁၃ရက် တနင်္ဂနွေနေ့ နံနက်က ထုတ်ပြန် ကြေငြာခဲ့သည်။

စစ်တွေတွင်လည်း မိုးအဆက်မပြတ်ရွာသွန်းပြီး လမ်းများကို ရေဖုံးလွှမ်း

Sittwe downfallစစ်တွေတွင်လည်း မိုးအဆက် မပြတ်ရွာသွန်းသဖြင့် ဇွန်လ ၁၅ ရက်နေ့က လမ်းမကြီး အပါအ၀င် စစ်တွေမြို့ ရပ်ကွက် အတော်များများကို ရေများ ဖုံးလွှမ်းသွားခဲ့သည်ဟု သတင်း ရရှိသည်။

စစ်တွေ မြို့ခံ တဦးက “ မိုးက ရက်ဆက်ဆိုသလို ရွာနေတော့ ဇွန်လ ၁၅ ရက်နေ့မှာ စစ်တွေ လမ်းမကြီး အပါအ၀င် နေရာ အများအပြားကို ရေနစ်မြုပ်သွားခဲ့ပါတယ်။ မိုးနဲ့ အတူ လေကလည်း ပါလာတော့ လမ်းသွား လမ်းလာတဲ့ နေရာမှာ တော်တော့ကို ဒုက္ခရောက်ကြရပါတယ်” ဟု ပြောသည်။


စစ်တွေတွင် မိုးအဆက် မပြတ်ရွာသွန်းမူကြောင့် ကျောင်းတချို့ကိုလည်း ပိတ်ထားခဲ့ရသည်ဟု ဒေသခံများက ပြောသည်။

ရခိုင်ပြည်နယ် အနှင့်္အပြားတွင် မိုးသည်းထန်စွာ ရွာသွန်းနေသဖြင့် မေယူမြစ်ရေမှာ လျှံတက်ခဲ့ပြီး ဘူးသီးတောင်မြို့တွင် ဧစေတီ ကျောင်းရှိရာ နေရာမှ တခုမှ အပ တမြို့ကို ရေဖုံးလွှမ်းခဲ့သည်။ ဘူးသီးတောင်ဈေး တခုလုံးမှာ ရေအောက် ရောက်သွားပြီး မြို့ပေါ်တွင် ရေ ၁၀ ပေထိ တက်ခဲ့ကြောင်း သိရသည်။

“စစ်တွေမှာ ရွာသလို တခြားနေရာ အနှံ့အပြားတွင်လည်း မိုးရွာနေတဲ့ အတွက် တောင်းကျ ချောင်းရေတွေ ထွက်နေတာကြောင့် မေယု မြစ်ရေ မြင့်တက်နေပါတယ်။ ဘူးသီးတောင်နဲ့ စစ်တွေ အကြား သင်္ဘော ပြေးဆွဲလို့ မရဘူး။ တချို့ သင်္ဘော ခရီးစဉ် ရပ်တန့်ထားရပါတယ်” ဟု စစ်တွေ မြို့ခံ က ပြောသည်။

ယခုအခါ မိုးအဆက် မပြတ်ရွာသွန်းနေမူ ရခိုင်ပြည်နယ် အတွင်း ဒေသ အတော်များများကို ရေဖုံးလွှမ်းနေပြီး သယ်ယူပို့ဆောင်ရေး လုပ်ငန်းများကို ရပ်တန့်ထားရကြောင်း သတင်း ရရှိသည်။

ရွေးကောက်ပွဲ အောင်နိုင်ရေးဘက် နအဖ ဦးတည်လာ

မြန်မာစစ်တပ် အနေဖြင့် နယ်ခြားစောင့်တပ် အာခံနေသည့် တိုင်းရင်းသား လက်နက်ကိုင်အဖွဲ့များ အပေါ် ထိုးစစ်ဆင်ခြင်း ထက် ရွေးကောက်ပွဲတွင် ကြံ့ဖွံ့ပါတီ အောင်နိုင်ရေးကို ဦးတည်လုပ်ဆောင်လာကြောင်း အကဲခတ်များက သုံးသပ်သည်။

ရွေးကောက်ပွဲတွင် ၀န်ကြီးချုပ်သိန်းစိန် ခေါင်းဆောင်သည့် ကြံ့ဖွံ့ပါတီ အနိုင်ရရေးအတွက် ဒေသဆိုင်ရာစစ်ခေါင်း ဆောင် များကကူညီလုပ်ဆောင်ရန် လေးလပတ်အစည်းအဝေးတွင် မြန်မာစစ်တပ်အကြီးအကဲ ဗိုလ်ချုပ်မှူးကြီးသန်းရွှေက ညွှန်ကြား ထားသောကြောင့် မြန်မာစစ်တပ်၏ ဦးတည်ချက် ပြောင်းလဲလာသည်ဟု ဆိုသည်။

မြန်မာစစ်တပ် ထိပ်သီးခေါင်းဆောင်များ ပါဝင်တက်ရောက်သည့် အဆိုပါ လေးလပတ်အစည်းအဝေးကို မေလ ၂၆ ရက်မှ ၂၈ ရက်နေ့အထိ မြို့တော်သစ် နေပြည်တော်ရှိ ကာကွယ်ရေးဋ္ဌာန စစ်ရုံးချုပ်တွင် ကျင်းပခဲ့ကြောင်း သိရသည်။



တရုတ်နယ်စပ်မှ စစ်ရေးနိုင်ငံရေး လေ့လာသူ ဦးအောင်ကျော်ဇောက “ နအဖက နိုင်ငံတကာရဲ့ဖိအားပေးမှုအောက်မှာ ဒီလိုဆုံးဖြတ်ချက်မျိုးကို ချလိုက်တယ်လို့ထင်ပါတယ် အထူးသဖြင့်တော့ အရင် မဆလ ခေတ်ကာလကလိုမျိုး သန့်ရှင်း နဲ့တည်မြဲပါတီ လိုမျိုး စစ်တပ်က ရွေုးကောက်ပွဲမှာ သူ့ပါတီအနိုင်ရရေး ဦးစားပေးလုပ်လာတာပေါ့” ဟု သူက ဆိုသည်။

ပုံမှန်အားဖြင့် လေးလပတ်အစည်းအဝေးတွင် စစ်ဘက်ရာထူးအပြောင်းအလဲများ ပြုလုပ်လေ့ရှိသော်လည်း ယခု ရာထူး အပြောင်းအလဲ မတွေ့ရခြင်းမှာ နအဖက ဒေသထိန်းချုပ်ရေးအပေါ် အာရုံစိုက်လုပ်ဆောင်ခြင်းဖြစ်ကြောင်း သူက ဆက်ပြောသည်။


“ခါတိုင်းမေလပိုင်းမှာ ရာထူးအပြောင်းအလဲတွေရှိတယ် အခုမတွေ့ရဘူး အဓိကကတော့ အပြောင်းအလဲလုပ်တာ ထက်စာ ရင် လက်ရှိစစ်တိုင်းမှူးတွေ တပ်မမှူးတွေက ဒေသတွင်းမှာ ပိုတည်ငြိမ်အောင် ထိန်းနိုင်တာကြောင့် အပြောင်းအလဲ မလုပ် တာ” ဟု ဆိုသည်။

ယခုအခါ နအဖစစ်တပ်က စစ်ရေးတွင် ခြေတစ်လှမ်းဆုတ်၍ ရွေးကောက်ပွဲအောင်နိုင်ရေး ဦးတည်လာခြင်းမှာ လွန်ခဲ့သည့် နှစ်အတွင်း ဖြစ်ပွားခဲ့သည့် ကိုးကန့်တိုက်ပွဲက နအဖကို ရှောာင်ကြဉ်စေခဲ့ကြောင်း လေ့လာသူ တစ်ဦးက ဆိုသည်။

ထိုစဉ်ကဖြစ်ပွားခဲ့သည့် နအဖနှင့်ကိုးကန့်အထူးဒေသ(၁) တပ်ဖွဲ့တို့၏ စစ်ပွဲသည် အချိန်အားဖြင့် ၉ လကျော်ကြာလာသည့် တိုင်အောင် ထိုးစစ်တွင် ပါဝင်ခဲ့သည့် နအဖစစ်တပ်၏ တပ်မ ၃၃မှာ ယနေ့အချိန်အထိ ထိုဒေသမှ ထွက်ခွာနိုင်ခြင်း မရှိ တော့ဟု ဆိုသည်။

အကယ်၍ နအဖက နယ်ခြားစောင့်တပ် အာခံနေသည့် လက်နက်ကိုင်များအပေါ် ထိုးစစ်ဆင်မည့် လမ်းရွေးမည် ဆိုပါက ၄င်းတို့၏ တပ်မ ၁၀ ခုထက်မနည်းကို စစ်ပွဲများ၌ ထုတ်သုံးရဖွယ်ရှိပြီး အဆုံးမရှိသော စစ်ပွဲနှင့် ရင်ဆိုင်ရတော့မည်ဟု လည်း ဆိုသည်။

သို့သော် ရွေးကောက်ပွဲအပြီး လာမည့်နှစ် အမျိုးသားလွတ်တော်ပေါ်ပေါက်ချိန်တွင် ပြည်တွင်းအတိုက်အခံများရော လက် နက်ကိုင်များကိုပါ ချေမှုန်းဖွယ်ရှိကြောင်း လေ့လာသူများက ဆိုကြသည်။

သျှမ်းပြည်တောင်ပိုင်းသို့ စည်းရုံးရေးဆင်းရန် လုံခြုံရေးအတွက် နိုင်ငံရေးပါတီများစိုးရိမ်

စ၀်ယွက်စစ်ဦးဆောင်သော SSA တပ်ဖွဲ့ ထိန်းချုပ်လှုပ်ရှားနယ်မြေများ(သျှမ်းပြည်တောင်ပိုင်းအတွင်း) ၌ မဲဆွယ် စည်း ရုံးရေးဆင်းမည့် ကျားဖြူပါတီအပါအ၀င် အခြားနိုင်ငံရေးပါတီများ မိမိလုံခြုံရေးအတွက်စိုးရိမ်နေကြကြောင်း စုံစမ်း သိရှိရပါသည်။
“ကျနော်တို့ သျှမ်းပါတီအပါအ၀င် သျှမ်းပြည်တောင်ပိုင်းဘက်စည်းရုံးရေးဆင်းမယ့်ပါတီတိုင်းက စ၀်ယွက်စစ်ရဲ့ SSA တပ်ဖွဲ့ ထုတ်ပြန်ကြေငြာချက်နဲ့ သဘောထားကို ကြားသိပြီးနောက်ပိုင်း SSA ထိန်းချုပ်နယ်မြေမှာ မဲဆွယ်စည်းရုံးဖို့ မြို့ပြင်မပြောနဲ့ မြို့တွင်းမှာတောင် မိမိလုံခြုံရေးအတွက်စိုးရိမ်နေရတယ်” ဟု အမည်မဖော်လို သျှမ်းပြည်တောင်ပိုင်းမှ SNDP ၀င်တဦးက ပြောပါသည်။

မေ ၂၆ ရက်နေ့ သျှမ်းပြည်ပြန်လည်ထူထောင်ရေးကောင်စီ RCSS ထူထောင်ခြင်း ၁၀ နှစ်ပြည့် အထိမ်းအမှတ် ထုတ် ပြန်ကြေငြာချက်တွင် “၂၀၁၀ ရွေးကောက်ပွဲ နှင့် ပါဝင်ယှဉ်ပြိုင်မည့် နိုင်ငံရေးပါတီသစ်များကို အသိအမှတ်မပြု/ထောက် ခံမည်မဟုတ်ကြောင်း” ဖေါ်ပြထားသည်။

အလားတူ နအဖ စစ်အုပ်စု ကျောထောက်နောက်ခံပြုသည့် တိုင်းရင်းသားစည်းလုံးညီညွတ်ရေးပါတီ တစည (NUP) နှင့် ပြည်ထောင်စု ကြံ့ခိုင်ဖွံ့ဖြိုးရေးအသင်း USDA တွင် ပါဝင်ကြမည့် သျှမ်းပြည်လူထု/ သြဇာရှိရပ်မိရပ်ဖများကိုလည်း အတည်ပြုထောက်ခံခြင်းမရှိဟု ဖေါ်ပြထား၏။

“အဲဒီကြေငြာချက်တွေကြောင့် ဒီနေ့ထိ သျှမ်းပြည်တောင်ပိုင်းမှာ ကျားဖြူပါတီကို ထောက်ခံအားပေးဖို့၊ ပါတီဝင်ဖို့ အရမ်း အားနည်းနေတယ်၊ ပါတီဝင်လိုက်ရင် မိမိအသက်အိုးအိမ်လုံခြုံရေးအတွက် စိုးရိမ်တဲ့သဘော” ဟု အဆိုပါ ပုဂ္ဂိုလ်က သျှမ်းသံတော်ဆင့်သို့ ဆက်လက်ပြောပြသည်။

သျှမ်းပြည်တောင်ပိုင်းသို့ ၀င်ရောက်မဲဆွယ်စည်းရုံးမည့်ပါတီများမှာ ကျားဖြူပါတီ ခေါ် သျှမ်းတိုင်းရင်းသားများဒီမို ကရက်တစ်ပါတီ SNDP ၊ လားဟူအမျိုးသားဖွံ့ဖြိုးတိုးတက်ရေးပါတီ၊ ပအိုဝ်းအမျိုးသားအဖွဲ့ချုပ်၊ အင်းအမျိုးသား ဖွံ့ဖြိုးတိုးတက် ရေးပါတီ၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၊ တိုင်းရင်းသားစည်းလုံးညီညွှတ်ရေးပါတီတို့ ဖြစ်ကြသည်။

‘၀’ဒီမိုကရက်တစ်ပါတီ လူထုအတွက်မဟုတ်ဟု သြဇာရှိ‘၀’ခေါင်းဆောင်တဦးဝေဖန်

၂၀၁၀ ရွေးကောက်ပွဲ ၀င်ရောက်ယှဉ်ပြိုင်မည့် ၀ နိုင်ငံရေးပါတီ ၂ ခု အနက် ‘၀’ ဒီမိုကရက်တစ်ပါတီ WDP သည် ၀ လူထုအတွက်ရပ်တည်မည့် ပါတီမဟုတ်ကြောင်း ၀ အသိုင်းအ၀ိုင်းမှ သြဇာရှိသူတဦးက ပြောကြားလိုက် ပါသည်။
“ကျနော်တို့ ၀ အမျိုးသားတွေရဲ့နာမည်ကို ပါတီနာမည်သုံးထားတဲ့ ပါတီ ၃ ခု ရှိတယ်။ ၀ ပြည်သွေးစည်းရေး ပါတီကတော့ ပါဝင်ယှဉ်ပြိုင်မှာမဟုတ်ဘူး၊ ကျန် ၂ ပါတီထဲက တစ်ပါတီကတော့ ကြံ့ခိုင်ရေးအသင်းကနေ ဆင်း သက်လာလို့ ၀ လူထုအတွက်ရပ်တည်တဲ့ပါတီမဟုတ်ဘူး”- ဟု အမည်မဖေါ်လိုသည့် အထင်ကရ ၀ လူထု ခေါင်းဆောင်တဦးက ပြောပါသည်။

၂၀၁၀ ရွေးကောက်ပွဲ အကြိုကာလ ၀ နိုင်ငံရေးပါတီ ၃ ခုရှိသော်လည်း ဦးပေါက်ယူချမ်း ဦးဆောင်သည့် ၀ပြည် သွေးစည်းရေးပါတီ UWSP က ရွေးကောက်ဝင်မည်မဟုတ်သဖြင့်၊ မေလ အတွင်း နအဖ ရွေးကောက်ပွဲကော်မ ရှင်ထံ ပါတီမှတ်ပုံတင်ခွင့်ရထားသည့် ၀ နိုင်ငံရေးပါတီ နှစ်ခုရှိသည်ဟု ၀ လူထုသတင်းရပ်ကွက်ကပြော၏။

၎င်းင်းတို့မှာ ၀ အမျိုးသားညီညွတ်ရေးပါတီ Wa National Unity Party (WNUP) ) နှင့် ၀ဒီမိုကရက်တစ်ပါတီ Wa Democratic Party (WDP) တို့ဖြစ်ကြ၏။

“ Wa Democratic Party (WDP) က လူတွေဟာ မဆလ ခေတ်တုန်းက မြန်မာ့ဆိုရှယ်လစ် လမ်းစဉ်ပါတီ Burma Socialist Program Party (BSPP) ကလူတွေဖြစ်တယ်။ သူတို့ဟာ တိုင်းရင်းသားစည်းလုံးညီညွတ်ရေးပါတီ (တစည) ၁၉၉၀ ရွေးကောက်ပွဲမှာပါဝင်တယ်။ နောက်ပိုင်း ၁၉၉၃ မှာ ဖွဲ့စည်းတဲ့ ကြံ့ခိုင်ရေးအသင်းတွေမှာ လဲပါဝင်တယ်။ အဲဒါကြောင့် WDP က နအဖ စစ်အုပ်စု ကျောထောက်နောက်ခံပြုထားတဲ့ပါတီလို့ အခိုင်အမာ ပြောရဲတယ်”- ဟု အဆိုပါပုဂ္ဂိုလ်က သျှမ်းသံတော်ဆင့်သို့ပြောပြပါသည်။

၁၉၉၀ ရွေးကောက်ပွဲတွင် National Unity Party (NUP) တစညပါတီမှ တတိုင်းပြည်လုံး ၀င်ရောက်ယှဉ်ပြိုင်ရာ အမတ် ၁၀ နေရာရရှိသည့်အနက် သျှမ်းပြည်မြောက်ပိုင်း ဟိုပန်မဲဆန္ဒနယ်အမတ် ခွန်ထွန်းလူ (လက်ရှိ အသက် ၆၀ ကျော်) က အနိုင်ရရှိသည်။ ယခု ၀ ဒီမိုကရက်တစ်ပါတီ (WDP) ကိုလည်း အဆိုပါပုဂ္ဂိုလ်နှင့် မဆလ ပါတီဝင် ဟောင်းများဖြစ်သည့် ဦးဆိုင်ပေါင်းနပ် နှင့် ဦးစိန္တာတို့ ဦးဆောင်သည်ဟု အဆိုပါ ၀ ခေါင်းဆောင်ကဆက်ပြော သည်။

ဝ အမျိုးသားညီညွတ်ရေးပါတီ (WNUP) ကိုမူ ဦးတာ့စောလု က ၀ အမျိုးသားတိုးတက်ရေးပါတီ (WNUP) အဖြစ် ဦးဆောင်တည်ထောင်ခဲ့သည်။ ဦးတာ့စောလုမှာ ၁၉၉၂ က န၀တအစိုးရနှင့် မူးယစ်ဆေးဝါး ပတ်သက်ဆက်နွယ် နေမှုကို ကမ္ဘာသိအောင် သတင်းဖြန့်မှုကြောင့် အဖမ်းခံရပြီး နှိပ်စက်မှုဒဏ်အမျိုးမျိုးခံရကာ သျှမ်းပြည်မြောက် ပိုင်းလားရှိူး အကျဉ်းထောင်၌ပြစ်ဒဏ်ပေးခြင်းခံခဲ့ရသည်။ ထို့ကြောင့်ယခု Wa National Unity Party (WNUP) ကို ဦးဖိလစ်ဆမ် Philip Hsam နှင့် ဦးယီ့ပလစ်တို့က ဦးဆောင်လျှက်ရှိသည်ဟုဆိုပါသည်။

ဝ အမျိုးသားများသည် ၂၀၀၈ နားဂစ်ဖွဲ့စည်းပုံအရ ၀ ကိုယ်ပိုင်အုပ်ချုပ်ခွင့်ရတိုင်းဒေသကြီး ၆ မြို့နယ်အပြင် သံလွင်အရှေ့ခြမ်း ကျိုင်းတုံ၊ မိုင်းဆတ်၊ မိုင်းတုံမြို့နယ်၊ သံလွင်အနောက်ခြမ်း တန့်ယန်းမြို့နယ်တို့တွင် ပျံ့နှံ့ နေထိုင်ကြသည်။

(Wa Democratic Party (WDP) ၏ အမြင်သဘောထား/တုန့်ပြန်ဝေဖန်ချက်များနှင့် သျှမ်းပြည်အတွင်းရှိအခြား တိုင်းရင်းသားပါတီများ၏ လှုပ်ရှားမှုဆိုင်ရာအချက်အလက်များကိုလည်း သျှမ်းသံတော်ဆင့်မှ ကြိုးစားဆက် သွယ်၍ ဆက်လက်ဖေါ်ပြပေးသွားမည်ဖြစ်ပါသည်။)

ဒေါ်စုကို ဖမ်းဆီးထား၍ စစ်အစိုးရကို ကုလလုပ်ငန်းအဖွဲ့ ရှုတ်ချ

ချင်းမိုင် (မဇ္ဈိမ) ။ ။ မြန်မာစစ်အစိုးရက အတိုက်အခံခေါင်းဆောင် ဒေါ်အောင်ဆန်းစုကြည်အား ဖမ်းဆီးထားခြင်းသည် တရားမဝင်ကြောင်းနှင့် ကုလသမဂ္ဂ လူ့အခွင့်အရေး ကြေညာစာတမ်းကို ချိုးဖောက်ခြင်းဖြစ်သည်ဟု ကုလသမဂ္ဂ လုပ်ငန်းအဖွဲ့က ရှုတ်ချလိုက်သည်။

လာမည့် ၁၉ ရက်နေ့တွင်ကျရောက်မည့် ဒေါ်အောင်ဆန်းစုကြည်၏ ၆၅ နှစ်မြောက် မွေးနေ့မတိုင်မီတွင် ရုရှားအပါအဝင် ငါးနိုင်ငံပါဝင်သော ကုလသမဂ္ဂ လူ့အခွင့်အရေးကောင်စီ လက်အောက်ခံအဖွဲ့ဖြစ်သော ဆွစ်ဇာလန်အခြေစိုက် ကုလသမဂ္ဂ လုပ်ငန်းအဖွဲ့က ပြောဆိုလိုက်ခြင်း ဖြစ်သည်။

“ဒေါ်အောင်ဆန်းစုကြည်ရဲ့ လွတ်လပ်ခွင့်ကို ဆက်လက် ငြင်းပယ်နေတာဖြစ်ပြီး ဒါဟာ ကုသမဂ္ဂရဲ့ အပြည်ပြည်ဆိုင်ရာ လူ့အခွင့်အရေး ကြေညာစာတမ်းပါ အပုဒ် ၉၊ ၁ဝ၊ ၁၉ နဲ့ ၂ဝ တို့ကို ချိုးဖောက်နေတာပါ” ဟု ကုလလုပ်ငန်းအဖွဲ့၏ ထုတ်ပြန်ချက်က ပြောသည်။

လူ့အခွင့်အရေး ကြေညာစာတမ်းကို ၁၉၄၈ ခု ဒီဇင်ဘာ ၁ဝ ရက်နေ့တွင် ကုလညီလာခံကြီးမှ အတည်ပြုခဲ့ပြီး အစိုးရများအနေဖြင့် ဥပဒေနှင့် မညီဘဲ မည်သူ့ကိုမျှ ဖမ်းဆီးခြင်း မပြုရန်၊ လွတ်လပ်သည့် တရားရုံးများဖြင့်သာ တရားစီရင်ရမည်ဖြစ်ပြီး လွတ်လပ်စွာ ထင်မြင်ယူဆခွင့်နှင့် စုဝေးဖွဲ့စည်းခွင့်တို့ကို အာမခံရန် ပါရှိသည်။

လုပ်ငန်းအဖွဲ့က ” ဘာကြောင့် အဖမ်းခံရတယ်ဆိုတာကို သူမကို မပြောဘူး၊ ထိရောက်တဲ့ ဖြေရှင်းခွင့်မပေးဘူး၊ မှတ်တမ်းတွေလည်း မပေးအပ်သလို သူမအခွင့်အရေးကိုလည်း အသိမပေးဘူး။ ပြင်ပကမ္ဘာနဲ့ ဆက်ဆံခွင့်မပြုသလို သူမရဲ့ နိုင်ငံရေး ယုံကြည်ချက်ကြောင့် ထိန်းသိမ်းခံနေရတာလည်း ဖြစ်တယ်” ဟု ဖော်ပြထားသည်။

၂ဝ၁ဝ ခုနှစ်အတွင်း ကုလလက်အောက်ခံ အဖွဲ့အစည်းတခု၏ မြန်မာစစ်အစိုးရအပေါ် အပြင်းထန်ဆုံးသော ရှုတ်ချပြောဆိုမှုလည်း ဖြစ်ကာ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းအပေါ် ဖိအားတခု ဖြစ်စေသည်ဟု ဝေဖန်သူများက ပြောသည်။

စက်တင်ဘာလ ၂ဝ၁ဝ ခုနှစ်တွင် သက်တမ်းကုန်ဆုံးမည့် လက်ရှိ ကုလလုပ်ငန်းအဖွဲ့တွင် ရုရှား၊ ဆီနီဂေါ၊ ပါကစ္စတန်၊ ချီလီနှင့် နော်ဝေနိုင်ငံမှ ဥပဒေ ကျွမ်းကျင်သူများ ပါဝင်သည်။

နေအိမ်အတွင်း အမေရိကန်နိုင်ငံသား ဂျွန်ယက်တော ခိုးဝင်ခြင်းကို ဧည့်ခံမှုဖြင့် မြန်မာ့ငြိ်မ်းချမ်းရေး နိုဘယ်ဆုရှင်သည် ၁၈ လ နေအိမ်တွင် ချုပ်နှောင်ထားရန် အပြစ်ပေးခံထားရသည်။

မြန်မာစစ်အစိုးရသည် ပျက်ပြယ်သွားပြီးဖြစ်သော ၁၉၇၄ ခုနှစ် ဖွဲ့စည်းပုံ အခြေခံဥပဒေကို ကိုးကားကာ ဒေါ်အောင်ဆန်းစုကြည်ကို အပြစ်ပေးခဲ့ခြင်းအတွက် တရားမဝင်ကြောင်းနှင့် အမြန်ဆုံးလွှတ်ပေးရန် ကုလလုပ်ငန်းအဖွဲ့က ပြောသည်။

မွေးနေ့ရှင်မပါသော မွေးနေ့အတွက် သူမကို ထောက်ခံသူများက ပြည်တွင်းပြည်ပတွင် အထိမ်းအမှတ် သစ်ပင်စိုက် လှုပ်ရှားမှုများ၊ “ပြည်သူ့ ရွေးကောက်ပွဲ” အမည်ရှိ “ကမ္ဘာလုံးဆိုင်ရာ လှုပ်ရှားမှု” များ ပြုလုပ်နေကြသည်။

အမျိုးသား ဒီမိုကရေစီအဖွဲ့ချုပ် လူငယ်များက တိုင်းနှင့် ပြည်နယ် ၁၃ခု၌ တမြို့နယ်လျှင် သစ်ပင် ၆၆ ပင်ကျ စုစုပေါင်း ၁ သောင်းကျော်ကို စိုက်ပျိုးပြီးဖြစ်ကြောင်း အဖွဲ့ချုပ် ဗဟိုဦးစီးအဖွဲ့ဝင် ဒေါ်ဖြူဖြူသင်းက ပြောသည်။

အလားတူပင် တပ်ပေါင်းစုများ အပါအဝင် ပြည်ပရောက် အတိုက်အခံ နိုင်ငံရေးအဖွဲ့ ၁ဝ ဖွဲ့ ပူးပေါင်း၍ ထိုင်းနိုင်ငံ ဘန်ကောက်မြို့တွင် သတင်းစာ ရှင်းလင်းပွဲတခု ယနေ့ ပြုလုပ်ပြီး ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများ လွတ်မြောက်ရေး၊ တွေ့ဆုံဆွေးနွေးရန် ထပ်မံ တောင်းဆိုလိုက်ကြသည်။

၁ဝ ဖွဲ့ပေါင်းအုပ်စုက “ပြည်သူ့ရွေးကောက်ပွဲ” များ ၁၄ နိုင်ငံတွင် မဲကောက်ခံမှုများကို ပြုလုပ်ပြီး ဒေါ်အောင်ဆန်းစုကြည်မွေးနေ့ မတိုင်မီ အဆုံးသတ်လိုက်ကြသည်။

”ပြည်သူ့ရွေးကောက်ပွဲ” ဆိုသည်မှာ ဆန္ဒမဲ ပို့စ်ကဒ်ပြားတွင် ဖော်ပြထားသော ၁၉၉ဝ ရွေးကောက်ပွဲ အနိုင်ရ အမျိုးသားဒီမိုကရေစီအဖွဲ့ချုပ် NLD ခေါင်းဆောင် ဒေါ်အောင်ဆန်းစုကြည်နှင့် စစ်ခေါင်းဆောင် ဗိုလ်ချုပ်မှူးကြီး သန်းရွှေတို့အနက် နှစ်သက်ရာကို မဲထဲ့ခိုင်းခြင်းဖြစ်သည်။

ဒေါ်အောင်ဆန်းစုကြည်ကိုသာ ရွေးချယ်ထားကြသော ဆန္ဒမဲပြားပေါင်း ၃၉ဝဝဝ ကျော်ကို သီတင်းပတ် နှစ်ပတ်ကျော်အတွင်း ကောက်ခံရရှိထားပြီး ဖြစ်ကြောင်း ၁ဝ ဖွဲ့ပေါင်းအုပ်စု နိုင်ငံခြားရေး တာဝန်ခံ ဦးသွင်လင်းအောင်က ပြောသည်။

ဒေါ်အောင်ဆန်းစုကြည် မွေးနေ့ပွဲ ဘန်ကောက်တွင် ကျင်းပ

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်း စုကြည်၏ ဇွန်လ ၁၉ ရက်နေ့တွင် ကျရောက်မည့် ၆၅ နှစ်မြောက် မွေးနေ့ပွဲ ဆိုင်ရာ အခမ်းအနားကို ပြည်ပ အခြေစိုက် ဒီမိုကရေစီ တပ်ပေါင်းစု ၁၀ စုတို့မှ ဦးဆောင်ပြီး ထိုင်းနိုင်ငံ ဘန်ကောက်မြို့ တွင် ယနေ့ ကျင်းပကြောင်း သိရှိရသည်။

အခမ်းအနားကို ဘန်ကောက်မြို့ နိုင်ငံခြား သတင်းထောက်များ ကလပ် (Foreign Correspondents Club of Thailand-FCCT) တွင် ကျင်းပခဲ့ခြင်း ဖြစ်ပြီး တပ်ပေါင်း စု ၁၀ စုမှ သက်ဆိုင်ရာ ပုဂ္ဂိုလ်များ၊ ထိုင်း လွှတ်တော် အမတ်ဖြစ်သူ မစ္စတာ ခရိုင်ဆတ်၊ ထိုင်းနိုင်ငံ ဆိုင်ရာ ကနေဒါ သံအမတ် မစ္စတာ ရွန် ဟော့ဖ်မန်၊ အမေရိကန်နှင့် ချက် ရီပတ်ဘလစ် သံရုံးတို့မှ တာဝန်ရှိသူများ တက်ရောက် ကြသည်။

ကရင်အမျိုးသား အစည်းအရုံးမှ အထွေထွေ အတွင်းရေးမှူး နော်စီဖိုးရာစိန်၊ ခွန်မားကိုဘန်း၊ ဦးဝင်းလှိုင်နှင့် အခမ်းအနားသို့ တက်ရောက် လာသူ ထိုင်းလွှတ်တော် အမတ် မစ္စတာ ခရိုင်ဆတ်တို့မှ အမှာ စကားများ ပြောကြား ခဲ့သည်။

အမေရိကန်၊ ကနေဒါ နှင့် ချက် ရီပတ်ဘလစ် သံအမတ်တို့မှ ဒေါ်အောင်ဆန်းစုကြည်အတွက် မွေးနေ့ သဝဏ်လွှာများကို ပေးပို့ခဲ့ကြကြောင်း တပ်ပေါင်းစု ၁၀ စုမှ နိုင်ငံခြားရေးကော်မတီများကို စုဖွဲ့ထားသည့် နိုင်ငံခြားရေးဆိုင်ရာ ပူးပေါင်း ဆောင်ရွက်မှု အဖွဲ့ (FACT) မှ တာဝန်ခံ ကိုသွင်လင်းအောင်က ဧရာဝတီသို့ ပြောသည်။

“သူတို့တွေရဲ့ သဝဏ်လွှာတွေထဲမှာတော့ ဒေါ်အောင်ဆန်းစုကြည် ကျန်းမာပါစေ၊ ဒေါ်အောင်ဆန်းစုကြည် နဲ့တကွ နိုင်ငံရေး အကျဉ်းသားအားလုံး အမြန်ဆုံး လွတ်မြောက်ကြပါစေ ဆိုပြီး ပါပါတယ်”ဟု ကိုသွင်လင်းအောင်က ပြောပြသည်။

မစ္စတာ ခရိုင်ဆတ်က အမှာစကားပြောကြားရာတွင်“ဒေါ်အောင်ဆန်းစုကြည် လွတ်မြောက်လာခဲ့မယ် ဆိုရင် ထိုင်းနိုင်ငံကို အလည်လာစေချင်ပါတယ်၊ လာခဲ့ရင်လည်း ပထမဦးဆုံးလက်ဆွဲနှုတ်ဆက်သူအဖြစ် ကျနော်ဖြစ်ချင်ပါတယ်”ဟုပြောသည်။

မစ္စတာ ခရိုင်ဆတ်ကပင် ဆက်လက်၍“လက်ရှိအခြေအနေတွင် ထိုင်းနိုင်ငံသည် မြန်မာနိုင်ငံမှ ဓာတ်ငွေ့များနှင့် အခြား သယံ ဇာတများကို ဝယ်ယူနေခြင်းသည် စစ်အစိုးရကို ထောက်ပံ့နေသကဲ့သို့ ဖြစ်နေသော်လည်း နောင်တချိန်တွင် စစ်အစိုးရ ကို ဖိအားပေးသည့် နိုင်ငံတနိုင်ငံ ဖြစ်လာစေလိုကြောင်း”ပြောဆိုသည်။

ထိုင်းနိုင်ငံဆိုင်ရာ ကနေဒါ သံအမတ် မစ္စတာ ရွန် ဟော့ဖ်မန်ကလည်း“မြန်မာနိုင်ငံ၏ ဒီမိုကရေစီအရေးနှင့် ဒေါ်အောင်ဆန်း စုကြည် ကို ဆက်လက် ထောက်ခံသွားမည်”ဟု အခမ်းအနားတွင် ပြောကြားသည်။

ဘန်ကောက်မြို့ FCCT တွင် ကျင်းပခဲ့သည်မှာ ဒေါ်အောင်ဆန်းစုကြည်၏ မွေးနေ့ အခမ်းအနား အပြင် စစ်အစိုးရ၏ ၂၀၁၀ ရွေးကောက်ပွဲကို ဆန့်ကျင်သည့် အနေဖြင့် ကမ္ဘာအနှံ့ရှိ နိုင်ငံ ပေါင်း ၂၄ နိုင်ငံတို့မှ စစ်အာဏာရှင် ရွေးကောက်ပွဲနှင့် စစ်မှန် သော ရွေးကောက်ပွဲကို မဲပေးရွေးချယ်သည့် အစီအစဉ် ပိတ်ပွဲနှင့် ရရှိထားသော မဲအရေအတွက်ကို ကြေညာခြင်း စသည့် လှုပ်ရှားမှုများလည်း ယနေ့ အခမ်းအနားတွင် ပါဝင်သည်။

အစိုးရနှင့် ကြံ့ဖွံ့ ပါတီ ကင်းရှင်းရန် တရားဝင် တောင်းဆို

စစ်အစိုးရနှင့် ဝန်ကြီးများ ဦးဆောင်နေသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (USDP) အကြား ကင်းရှင်းမှု ရှိသင့်ပြီ ဖြစ်ကြောင်း နိုင်ငံရေး ပါတီတခုက တရားဝင် ကြေညာချက် ထုတ်ပြန်၍ တောင်းဆို လိုက်ကြောင်း သိရသည်။

ပြည်ထောင်စု ဒီမိုကရေစီပါတီ (UDP) က အချက် ၆ ချက်ပါ ကြေညာချက်ကို ယနေ့ ထုတ်ပြန်ရာတွင် ထည့်သွင်း တောင်းဆိုထားခြင်း ဖြစ်ပြီး မှတ်ပုံတင်ပြီး ပါတီတရပ်အနေဖြင့် ပထမဆုံးအကြိမ် တရားဝင် တောင်းဆိုခြင်း ဖြစ်ကြောင်း UDP ဥက္ကဋ္ဌ ဦးဖြိုးမင်းသိန်းက ဆိုသည်။

“တိုင်းမှူးတွေက ၀န်ကြီးတွေ ခရီးစဉ်မှာ လိုက်နေရတာ။ တိုင်းမှူးဆိုတာ နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီရဲ့ တိုင်းမှူးတွေလေ။ ဒါ အရှင်းဆုံးပြောရရင် စစ်တပ်နဲ့လိုက်ပါပြီး စည်းရုံးရေးလုပ်နေတဲ့ သဘော။ ဒီလိုရောထွေးနေ တဲ့ အခြေအနေအတွက် ခွဲခွဲခြားခြားဖြစ်ဖို့ ကြေညာချက်ထုတ်လိုက်တာ”ဟု ဦးဖြိုးမင်းသိန်းက ဧရာဝတီသို့ ပြောသည်။

တောင်းဆိုထားသည့် တခြားအချက်များမှာ ရွေးကောက်ပွဲတွင် ပါဝင်နိုင်ရန် နိုင်ငံရေးအကျဉ်းသားများကို အထွေထွေ လွတ်ငြိမ်းချမ်းသာခွင့်တရပ် ထုတ်ပေးရန်၊ သတင်းမီဒီယာကို လွတ်လပ်ခွင့်ပြုရန်၊ ရွေးကောက်ပွဲ စတင်ကျင်းပမည့် ရက်ကို အမြန်ဆုံး ထုတ်ပြန်ကြေညာပေးရန်၊ လွှတ်တော် ကိုယ်စားလှယ်လောင်းများအတွက် မှတ်ပုံတင်ကြေး ကျပ် ၅ သိန်းမှာ များပြားလွန်းသဖြင့် ထိုက်သင့်သော ထောက်ပံ့ကြေး ပေးရေး ဥပဒေတရပ် ပြဌာန်းပေးရန် စသည်တို့ပါဝင်သည်။

USDP နှင့် ပတ်သက်၍ တောင်းဆိုရာတွင် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ၊ စစ်အစိုးရ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း (ကြံ့ဖွံ့)နှင့် USDP တို့ အကြား စနစ်တကျ စည်းခြားပေးရန် ဟူ၍ ဖြစ်သည်။

“ကြံ့ဖွံ့ အသင်းမှာ နယက က ဗိုလ်ချုပ်မှူးကြီး သန်းရွှေဖြစ်သလို ကြံ့ဖွံ့ အသင်းမှာ ရှိခဲ့တာကလည်း နိုင်ငံဝန်ထမ်းတွေ။ ဒီတော့ ထုတ်ပြန်ထားတဲ့ ဥပဒေတွေအရဆို ၀န်ထမ်းတွေကို ခေါ်ယူသုံးစွဲလို့ မရဘူးဆိုတဲ့အချက်တွေ ရှိတယ်” ဟု ဦးဖြိုးမင်းသိန်းက ပြောသည်။

ဒီမိုကရက်တစ်ပါတီ (မြန်မာ) ဥက္ကဋ္ဌ ဦးသုဝေကလည်း“သံအမတ်တွေနဲ့ ပါတီတွေ တွေ့တဲ့ ပွဲတခုမှာ သူတို့ (ကြံ့ဖွံ့ပါတီ) က ကြံ့ဖွံ့ အသင်းကနေ ဆင်းသက် လာတာ။ ကြံ့ဖွံ့ အသင်းရှိသလို ကြံ့ဖွံ့ ပါတီကလည်း ရှိနေမယ်။ လုပ်ငန်းအရတော့ အသင်းနဲ့ ပါတီက မရောပါဘူးဆိုပြီး ပြောခဲ့တယ်” ဟု ပြောကြားသည်။

မတူကွဲပြားခြင်းနှင့် ငြိမ်းချမ်းရေးပါတီမှ ဦးနေမျိုးဝေက“ကြံ့ဖွံ့ အနေနဲ့ ပါတီထောင်တာကို ကြိုဆိုတယ်။ စည်းမျဉ်းစည်းကမ်းနဲ့ အညီတော့ ထောင်ပေါ့။ ကြံ့ဖွံ့အသင်းအနေနဲ့က ပြဌာန်းထားတဲ့ ဥပဒေတွေအောက်မှာရှိတဲ့ လူမှုရေးအသင်းအဖွဲ့ စည်းမျဉ်း စည်းကမ်းရဲ့ အောက်မှာနေပါ။ ခုအချိန်မှာ ဘယ်ဟာက အသင်းပါ၊ ဘယ်ဟာက ပါတီပါလို့ ပြောလို့ မရသေးဘူး ဖြစ်နေ တယ်”ဟု ဆိုသည်။

လက်ရှိ စစ်အစိုးရ လက်အောက်တွင် ပါတီများ စတင် ဖွဲ့စည်းစဉ်ကတည်းက အခက်အခဲ၊ အကျပ်အတည်းများကို ထည့်သွင်း စဉ်းစားထားပြီးဖြစ်ကြောင်း ဦးနေမျိုးဝေက ဆက်လက်ပြောကြားသည်။

ယနေ့အထိ ပါတီ ဆက်လက်တည်ထောင်ခွင့်နှင့် မှတ်ပုံတင်ခွင့် လျှောက်ထားသည့် ပါတီပေါင်း ၄၂ ပါတီ၊ မှတ်ပုံတင်ခွင့် ကျသဖြင့် လျှောက်ထားသည့် ပါတီ ၃၄ ပါတီနှင့် မှတ်ပုံတင်ခွင့် ပြုပြီးပါတီ ၃၃ ပါတီ ရှိပြီ ဖြစ်သည်။

ထက်ထက်မိုးဦး ဘာကြောင့် ရုံးချိန်းမလာတာလဲ

ရုပ်ရှင် သရုပ်ဆောင် ထက်ထက်မိုးဦးနှင့် 7day News ဂျာနယ် သတင်းထောက် အမှုကို ရန်ကင်းမြို့နယ် တရားရုံး၌ စစ်ဆေး လျက်ရှိရာ တရားလို၊ တရားခံ နှစ်ဘက် ထွက်ဆိုချက်များ ရယူရန် ယနေ့ ရုံးချိန်းသို့ ထက်ထက်မိုးဦး လာရောက်ခဲ့ခြင်း မရှိကြောင်း သိရသည်။

“ဒီနေ့ ကျမတို့ ဘက်က ရှေ့နေနဲ့ အတူ တရားရုံးကို သွားကြပါတယ်။ ထက်ထက်မိုးဦး ဘက်ကတော့ မလာပါဘူး။ တရားရုံး ကတော့ သမ္မန်စာ ဆက်ထုတ် သွားမယ်လို့ ပြောပါတယ်။ ပထမ တကြိမ် သမ္မန်စာ ပို့ခဲ့ပေမယ့် အဲဒီအိမ်မှာ ထက်ထက်မိုးဦး မနေဘူးလို့ ကြားရတယ်” ဟု 7day News ဂျာနယ် အယ်ဒီတာ မငြိမ်းငြိမ်းနိုင်က ပြောသည်။

လွန်ခဲ့သည့် မေလ ၁၉ ရက်နေ့က ဆီဒိုးနား ဟိုတယ်တွင် ပြုလုပ်သော ကုန်စည်ပြပွဲ တခု၌ ထက်ထက်မိုးဦးနှင့် 7day News ဂျာနယ် သတင်းထောက် မအေးသူစံတို့ အင်တာဗျူး တခု ပြုလုပ်ခဲ့ ပြီးနောက် ထက်ထက်မိုးဦးက သတင်းထောက်ကို ကိုယ်ထိ လက်ရောက် ပြုမူခဲ့သဖြင့် ရန်ကင်း တရားရုံးတွင် တရားရင်ဆိုင် နေရခြင်း ဖြစ်သည်။

အဆိုပါ အမှုကို ရန်ကင်းတရားရုံးက မေလ၂၄ ရက်နေ့က စတင်ကြားနာခဲ့ပြီး ဇွန် ၃ ရက်တွင် နာကျင်စေမှု ပုဒ်မ ၃၂၃၊ ခြိမ်းခြောက်မှု ပုဒ်မ ၅၀၆ တို့ ဖြင့် ထက်ထက်မိုးဦးကို တရားစွဲတင်ခဲ့သည်။

ရန်ကုန်မြို့မှ တရားရုံးချုပ်ရှေ့နေတဦးက “ဒေါ်ထက်ထက်မိုးဦးကို တရားရုံးက ပထမအကြိမ် သမ္မန်စာ ဆင့်ခေါ်တယ်လို့ ကြားတယ်။ ဒါပေမယ့် သူက တရားလိုဘက်က တရားရုံး ဦးတိုက်လျှောက်လွှာမှာ တင်ထားတဲ့ အဲဒီအိမ်မှာ မရှိတော့ သမ္မန်စာ အတည်မဖြစ်သေးဘူး။ အဲဒီတော့ တရားလိုဘက်က သူ ဘယ်မှာ နေ နေလဲ ဆိုတာကို ပြန်စုံစမ်းပြီး ပြန်တင်ပေးရမယ်။ အဲဒီလို တင်ပေးလို့ သမ္မန်စာက သူ့လက်ထဲကို ရောက်သွားပြီး သူ တရားရုံးကို မလာဘူးဆိုရင်တော့ သူ့ကို တရားရုံးက အရေးယူလို့ ရသွားမှာပါ။ အခုအချိန်ကတော့ သမ္မန်စာ လိုက်ချနေရတဲ့ အဆင့်ပဲရှိပါသေးတယ်” ဟု ရှင်းလင်း ပြောဆိုသည်။

ယနေ့ တရားရုံးသို့ မတက်ရောက်ခြင်းနှင့်စပ်လျဉ်း၍ ဧရာဝတီက ထက်ထက်မိုးဦးသို့ ဆက်သွယ်ရာတွင် အမျိုးသားတဦးက ၎င်းတို့ မန္တလေးသို့ ရောက်ရှိနေသည်ဟုသာ ထက်ထက်မိုးဦး၏ လက်ကိုင်ဖုန်းဖြင့် ပြန်လည် ဖြေဆိုခဲ့သည်။

အဆိုပါအမှုနှင့် စပ်လျဉ်း၍ မြန်မာနိုင်ငံ စာပေနှင့် စာနယ်ဇင်းအဖွဲ့သည် အမှုကျေအေး ရုပ်သိမ်းပေးရန် ညှိနှိုင်းပေးလိုသဖြင့် ထက်ထက်မိုးဦးကို ဆင့်ခေါ်ခဲ့သော်လည်း လာရောက်ခဲ့ခြင်းမရှိသဖြင့် ၎င်းအား ရှုတ်ချသည့် ကြေညာချက်တစောင်ကို မေ ၃၁ ရက်နေ့က ထုတ်ပြန်ခဲ့သည်။

ယင်းကြေညာချက် ထုတ်ပြန်ပြီး နောက်ရက်တွင် သတင်းထောက် မအေးသူစံကိုလည်း စာနယ်ဇင်းကျင့်ဝတ်နှင့် အညီ လိုက်နာ ဆောင်ရွက်ပြီး စာပေနှင့် အနုပညာ နယ်ပယ် အချင်းချင်း ချစ်ခင်ရင်းနှီးမှုကို ပျက်ပြား စေသည့် ပြောဆို ပြုမူမှုများ ရှောင်ရှားရမည် ဟူ၍ စာနယ်ဇင်းအဖွဲ့က ခေါ်ယူအသိပေးခဲ့သည်။

“ဖြစ်စကတော့ သတင်းထောက်တွေလည်း စိတ်ဝင်စားကြတယ်။ တရားရုံးချိန်းတွေကိုလည်း သွားကြတာတွေ့တယ်။ အခုတော့ သတင်းထောက်တွေ ပြောသံဆိုသံ မကြားရတော့ဘူး။ ဘောလုံးဘက်ကို လှည့်နေကြတယ်။ စာပေစိစစ်ရေးကလည်း ဒီသတင်းကို ဇွန် ၃ ရက် ရုံးချိန်းကစပြီး သတင်းဖော်ပြခွင့် မပြုတော့ဘူးလို့ ပြောထားတယ်” ဟု ရန်ကုန်အခြေစိုက် ဂျာနယ် အယ်ဒီတာ တဦးက ပြောသည်။

အီရန်နှင့် မြန်မာ နိုင်ငံခြားရေး ဝန်ကြီးများ တွေ့ဆုံ

အီရန် နိုင်ငံခြားရေး ဒုတိယဝန်ကြီး မိုဟာမက် အလီဖာသိုလာဟီနှင့် နိုင်ငံခြားရေး ဝန်ကြီး ဦးဉာဏ်ဝင်းတို့ ဇွန်လ ၁၆ ရက်နေ့ နေ့လယ်က နေပြည်တော်တွင် တွေ့ဆုံကြကြောင်း သိရသည်။

အီရန် ဒု နိုင်ငံခြားရေး ၀န်ကြီးနှင့် ဦးဉာဏ်ဝင်းတို့ နေပြည်တော်၌ တွေ့ဆုံစဉ် (ဓာတ်ပုံ - ဧရာဝတီ)


နျူကလီးယားနှင့် ပတ်သက်၍ အငြင်းပွားစရာ ဖြစ်နေသည့် အီရန်မှ နိုင်ငံခြားရေး ဒုတိယဝန်ကြီးနှင့် နိုင်ငံခြားရေး ဝန်ကြီး ဦးဉာဏ်ဝင်းတို့ တွေ့ဆုံရာတွင် အသေးစိတ် ဆွေးနွေးချက်များကိုမူ ယနေ့ထုတ် သတင်းစာတွင် ဖော်ပြထားခြင်း မရှိပေ။

“အခုအချိန်မှာ အမေရိကန်က မြန်မာကို တားမြစ် ကန့်သတ်တာတွေ လုပ်တော့ လက်ရှိမြန်မာ အစိုးရက အမေရိကန်ကို ရန်သူလို သဘောထားတယ်။ အမေရိကန်ကို အာဃာတ ရှိနေတော့ မြောက်ကိုရီးယားနဲ့ မဟာမိတ် ပြန်လုပ်နေ တယ်လို့ပဲ မြင်ပါတယ်။ အီရန်တို့၊ ကျူးဘားတို့လို အမေရိကန်နဲ့ မတည့်တဲ့နိုင်ငံတွေနဲ့ လည်း ပိုရင်းနှီးဖို့ ဆောင် ရွက် နေတယ်။ ဒီလိုပဲ မြင်တယ်” ဟု ဝါရင့်နိုင်ငံရေး သမားဟောင်း သခင်ချန်ထွန်းက ဧရာဝတီနှင့် အင်တာဗျူးတခုတွင် သုံးသပ် ပြောကြားသည်။

နိုင်ငံတကာ၏ နျူကလီးယား ဆိုင်ရာ စွပ်စွဲချက်များနှင့် ပတ်သက်၍ သဘောထားတင်းမာသူ အီရန်သမ္မတ အာမက် ဒီနေဂျက် က အီရန် အစိုးရသည် နျူကလီးယားအစီအစဉ်ကို လုံးဝ ငြိမ်းချမ်းသော ရည်ရွယ်ချက်နှင့် ပြုလုပ်နေခြင်းသာ ဖြစ်သည်ဟု အစဉ်တစိုက် ပြောဆိုနေခဲ့သည်။

မြန်မာ စစ်အစိုးရကလည်း နျူကလီးယားဆိုင်ရာ ရည်မှန်းချက်နှင့် ပတ်သက်၍ ယခင်လ အတွင်းက ပေါ်ထွက်လာသော အထောက်အထားများကို ငြင်းဆိုရာတွင် “နိုင်ငံတိုင်းသည် နျူကလီးယား စွမ်းအင်ကို ငြိမ်းချမ်းသော ရည်ရွယ်ချက်ဖြင့် ငြိမ်းချမ်းစွာ အသုံးပြုနိုင်သည့် အခွင့်အရေးရှိသည့် အချက်ကို မြန်မာနိုင်ငံမှ အစဉ်တစိုက် ထောက်ခံပါသည်” ဟု စစ်အစိုးရ ထိန်းချုပ်ထားသော သတင်းစာမှ တဆင့် ဇွန်လ ၁၂ ရက်နေ့က ဖော်ပြခဲ့သည်။

ပြည်ပသို့ တိမ်းရှောင် လာသော ဗိုလ်မှူးစိုင်းသိန်းဝင်းက ရာနှင့်ချီသော ထိပ်တန်း လျှို့ဝှက်ချက် စာရွက် စာတမ်းနှင့် ဓာတ်ပုံ အထောက် အထားများကို ယခင်လက မီဒီယာများမှ တဆင့် ထုတ်ဖော် လိုက်သည့် အတွက် စစ်အစိုးရ၏ နျူကလီးယား လျှို့ဝှက် စီမံကိန်း နိုင်ငံတကာသို့ ပေါက်ကြားခဲ့ခြင်း ဖြစ်သည်။

ပြီးခဲ့သည့် မေလ ၂၇ ရက်နေ့တွင် ကုလသမဂ္ဂ ကျွမ်းကျင် သူများထံမှ ပေါက်ကြား လာသည့် ၄၇ မျက်နှာရှိ အစီရင်ခံစာ တစောင်ကို အေပီသတင်း ဌာနက ကိုးကား ဖော်ပြရာ၌ မြောက်ကိုရီးယား နိုင်ငံသည် လက်နက်များကို မြန်မာနိုင်ငံ အပါအ၀င် အီရန်နှင့် ဆီးရီးယား နိုင်ငံများသို့ တင်ပို့လျက် ရှိပြီး ကုလ သမဂ္ဂ၏ အရေး ယူမှုများကို ရှောင်ရှားရန် အတွက် ကြားခံ ကုမ္ပဏီများ၊ တခြားသော အဆက် အသွယ်များကို အသုံးပြုလျက် ရှိသည်ဟု ဆိုထားသည်။

မေလအစောပိုင်းတွင်လည်း “အီရန်ရဲ့ နျူကလီးယားလက်နက် ပိုင်ဆိုင်ချင်တဲ့ ဆန္ဒဟာ ကမ္ဘာအတွက် အန္တရာယ် သိပ်ကို ကြီးမားမယ်” ဟု အမေရိကန် နိုင်ငံခြားရေးဝန်ကြီး ဟီလာရီ ကလင်တန်က ပြောဆို ဝေဖန်ခဲ့သည်။

၂၀၀၅ ခုနှစ်တွင် သမ္မတဘုရ်ှက မြန်မာနိုင်ငံကို ကမ္ဘာပေါ်တွင် ကြွင်းကျန်တည်ရှိနေသည့် "အာဏာရှင်များ၏ ခံက တုတ် နိုင်ငံတခု" အဖြစ် ကျူးဘား၊ အီရန်၊ မြောက်ကိုရီးယား၊ ဇင်ဘာဘွေ၊ ဘယ်လာရုစ် နိုင်ငံများနှင့် အတူ တတန်းတည်း ထား၍ ဝေဖန်ခဲ့သေးသည်။

နိုင်ငံအာဏာကိုရယူထားသည့် ဗိုလ်ချုပ်မှုးကြီး သန်းရွှေမှာ အသက် ကြီးလှပြီဖြစ်၍ အရေးကြီးသည့် နိုင်ငံရေး ကိစ္စများကို စီမံခန့်ခွဲ နိုင်စွမ်း နည်းနေပြီ ဟု ၂၀၀၉ ဒီဇင်ဘာလတွင်းက ထုတ်ဝေသည့် အီရန် အစိုးရ အာဘော်ဖြစ်သည့် တီဟီရန်တိုင်းမ်စ် သတင်းစာတွင် ဖော်ပြခဲ့ဖူးသည်။

စစ်အစိုးရသည် အရှေ့တောင်အာရှ ဒေသတွင်း အဏုမြူလက်နက် ကင်းစင်သောဇုန်နယ်အဖြစ် သတ်မှတ်ရေး သဘောတူညီချက် (ဘန်ကောက်သဘောတူညီချက်) ကို ၁၉၉၅ ခုနှစ်တွင် လက်မှတ် ရေးထိုးခဲ့သည်။ နောက်တနှစ် အကြာတွင် ဘက်စုံ အဏုမြူ စမ်းသပ်မှုများ တားမြစ်ရေး သဘောတူညီချက်ကိုလည်း လက်မှတ်ရေးထိုးခဲ့သေးသည်။

အီရန်နိုင်ငံ၏ စွမ်းအင် ဒုတိယဝန်ကြီးသည် မြန်မာနိုင်ငံသို့ ၂၀၀၆ ခုနှစ်တွင် လာရောက်ခဲ့ဖူးသည်။

အဲပုဂံ လေယာဉ်မယ်များနှင့် အမျိုးသမီး သရုပ်ဆောင်များ ချစ်ကြည်ရေး ဘောလုံးကန်မည်

စစ်အစိုးရနှင့် နီးစပ်သော စီးပွားရေး လုပ်ငန်းရှင် ဦးတေဇပိုင် အဲပုဂံမှ လေယာဉ်မယ်များနှင့် အမျိုးသမီး ရုပ်ရှင်သရုပ်ဆောင် ဘောလုံး အသင်းတို့ ချစ်ကြည်ရေး ဘောလုံးပွဲ ကစားမည် ဖြစ်ကြောင်း သတင်းရရှိသည်။

အမျိုးသမီးရုပ်ရှင် သရုပ်ဆောင် ဘောလုံးအသင်း (ဓာတ်ပုံ - MYANMAR HERALD TRIBUNE)


အဲပုဂံ လေယာဉ်မယ်များနှင့် ဘောလုံးကစားရန်အတွက် အမျိုးသမီးရုပ်ရှင်သရုပ်ဆောင် ဘောလုံးအသင်းသည် ရန်ကုန်မြို့ရှိ ကျိူက္ကဆံ အားကစားကွင်း၌ လေ့ကျင့်ရေး ဆင်းနေကြောင်း မြန်မာနိုင်ငံ ရုပ်ရှင်အစည်းအရုံးမှ တာဝန်ရှိသူတဦးက ပြောသည်။

“အထက်လူကြီးတွေက အဲပုဂံနဲ့ ဘောလုံးကန်ဖို့ ဆိုပြီး အမျိုးသမီး အဆိုတော်တွေ၊ သရုပ်ဆောင်တွေ စု ထား ၊ နောက် ဘောလုံး သင်တန်းပါ ပေးဖို့လုပ် ဆိုတာနဲ့ အခု သင်တန်းတောင် စပေးနေပါပြီ”ဟု ရုပ်ရှင်အစည်းအရုံး တာဝန်ရှိသူက ဆို သည်။

အမျိုးသမီးရုပ်ရှင်သရုပ်ဆောင် ဘောလုံးအသင်းအား သင်တန်းပေးခြင်းများ စတင်ပြုလုပ်နေသော်လည်း မည့်သည့်ရက် ၊ မည်သည့်အချိန်တွင် ယှဉ်ပြိုင်ကစားမည်ကို မသိရကြောင်း ၎င်းက ဆက်လက် ပြောဆိုသည်။

ပါဝင်ကစားမည့် အမျိုးသမီးရုပ်ရှင်သရုပ်ဆောင် အနုပညာရှင်များမှာ ဆုပန်ထွာ၊ နန်းဆုရတီစိုး၊ အေသင်ချိုဆွေ၊ သက်သခင်၊ ဝါဆိုမိုးဦး၊ နဒီဝင့်နိုင်၊ ကေကေမိုးမြင့်၊ ခွန်းဆင့်နေခြည်၊ ခိုင်နှင်းဝေ၊ Jenny၊ N နိုရာ၊ ဆုရွှန်းလဲ့၊ ရှင်းရှင်း၊ နန်းရွှေအေး၊ ထက်ထက်ဆုလှိုင်၊ ရွှန်းပြည့်ပိုင်၊ အေးမွန်၊ ပိုးဖြူသဲ၊ ဟေမာမန်းဝင်း တို့ ဖြစ်ကြောင်းသိရသည်။

ဘောလုံး လေ့ကျင့်ရေး ဆင်းနေသည့် အမျိုးသမီး ရုပ်ရှင် သရုပ်ဆောင်အသင်း (ဓာတ်ပုံ - MYANMAR HERALD TRIBUNE)


“ရုပ်ရှင်အစည်းအရုံးက တယောက်ချင်းဆီကို စာပို့ပြီးခေါ်တာ၊ အခု ထရိန်နင်သာဆင်းနေရတယ်၊ ဘယ်တော့ကန်ရမလဲ မသိ၊ ဟိုဘက်အသင်းက ရှိမရှိတောင် မသိရဘူး၊ အစည်းအရုံးက တာဝန်ရှိသူတွေကို အသေးစိတ်မေးတော့ ဘာမှ မပြောနိုင်ဘူး” ဟု ရုပ်ရှင်သရုပ်ဆောင် တဦးက ပြောသည်။

အဆိုတော် တဦးကလည်း“မသွားမနေရ သဘောမျိုးခေါ်တာဆိုတော့ ငြင်းလို့မရဘူး၊ တဘက်မှာ အနုပညာအလုပ်တွေ က လည်း လုပ်နေတော့ မသွားချင်တာများတယ်၊ ပြိုင်ပွဲ ဘယ်တော့စမယ် ဆိုတာတွေတော့ ဘာမှမသိရသေးဘူး”ဟု ဆိုသည်။

အားကစားဝန်ကြီးဌာနမှ နည်းပြတဦးအပြင် ရုပ်ရှင်အစည်းအရုံးမှ ဦးအောင်ခိုင်၊ ဦးထူးသာ၊ ဦးသန်းဝင်း တို့ပါ တပတ်လျှင် ဗုဒ္ဓဟူး၊ စနေ၂ ရက် ညနေ ၄ နာရီတိုင်း ကူညီ လေ့ကျင့်ရေးဆင်းနေကြောင်း သိရသည်။

အဲပုဂံ လေယာဉ်မယ်တဦးကမူ“ရုပ်ရှင်မင်းသမီးတွေနဲ့ ဘောလုံးကန်ဖို့ရှိတယ်ဆိုပြီး ရုံးချုပ်ကနေ လေယာဉ်မယ်တွေ အကုန် လုံး ကို ဇွန် လဆန်းလောက်က ပြောထားတယ်၊ အခုချိန်အထိတော့ ဘာလေ့ကျင့်ရေးမှ လုပ်တာမရှိသေးဘူး၊ လေယာဉ်မယ် တွေ ဆိုတာကလည်း အကုန်လုံး လှလှပပလေးနေချင်တာ ကွင်းထဲမှာ ဟိုပြေးဒီပြေးလုပ်ဖို့ ဘယ်သူမှ စိတ်မ၀င်စားဘူး”ဟု ပြောသည်။

အဲပုဂံ ပိုင်ရှင် ဦးတေဇ က ရန်ကုန် ယူနိုက်တက် ဘောလုံးအသင်းကို ၂၀၀၉ ခုနှစ်က စတင် တည်ထောင်ခဲ့သော်လည်း အမျိုးသမီး ဘောလုံးအသင်း မရှိသေးကြောင်း သိရသည်။

ရဟတ်ယာဉ်ပျက်ကျ၊ ၄ ဦးသေ

မြန်မာ့ လေတပ်မှ ရဟတ်ယာဉ် တစီး ယမန်နေ့က ပျက်ကျခဲ့ရာ အနည်းဆုံး ၄ ဦး သေဆုံးပြီး ၁ ဦး အပြင်းအထန် ဒဏ်ရာရရှိခဲ့သည်ဟု သိရသည်။

ရုရှားနိုင်ငံလုပ် Mi - 1 အမျိုးအစား ရဟတ်ယာဉ်သည် ရှမ်းပြည်တောင်ပိုင်း ပင်းတယမြို့အနီးတွင် ရာသီဥတု ဆိုးရွားမှုကြောင့် ပျက်ကျ ခဲ့ရခြင်းဖြစ်ကြောင်း အမည်မဖော်လိုသူ စစ်တပ် အရာရှိတဦးက AFP သတင်းဌာနသို့ ပြောကြားခဲ့သည်။


MI-1 အမျိုးအစား ရဟတ်ယာဉ်

“၄ ယောက် သေတယ်၊ ၁ ယောက် ဒဏ်ရာရတယ်၊ ဒဏ်ရာ ရတဲ့သူကို အဲဒီနားက ဆေးရုံကိုပဲ ပို့ထားတယ်” ဟု အဆိုပါ စစ်တပ် အရာရှိက ဆိုသည်။

ယင်း ရဟတ်ယာဉ် ပျက်ကျမှုကို ပြည်တွင်း သတင်း မီဒီယာများတွင် ဖော်ပြ ထားခြင်း မရှိဘဲ သေဆုံးသွား သူများမှာ မည်သူ မည်ဝါ ဖြစ်ကြောင်း ကိုလည်း မသိရှိရချေ။

သေဆုံးသူများ ထဲတွင် အရှေ့ပိုင်းတိုင်း စစ်ဌာနချုပ်မှ ဗိုလ်မှူးကြီး အဆင့်ရှိသူ စစ်ဗျူဟာမှူး တဦး ပါဝင်ကြောင်း မြန်မာ ဘလော့ တခုဖြစ်သော http://www.baymyanmar.com/2010/06/mi-1.html တွင် ဖော်ပြထားသော်လည်း အဆိုပါ အကြောင်းအရာကို ဧရာဝတီ သတင်းဌာနမှ အတည်မပြုနိုင်သေးချေ။

၂၀၀၁ ခုနှစ်က ရဟတ်ယာဉ် ပျက်ကျမှုကြောင့် ဒုတိယ ဗိုလ်ချုပ်ကြီး တင်ဦး နှင့် တခြားသော အဆင့်မြင့် အရာရှိကြီးများ သေဆုံးခဲ့ရသော်လည်း ပျက်ကျခဲ့ရသည့် အကြောင်းအရင်းကို စစ်အစိုးရက ယနေ့ထက်ထိ ထုတ်ပြန်ခြင်း မရှိပေ။

၂၀၀၉ နှစ်ကုန်ပိုင်းတွင် ဒေါ်လာသန်း ၅၇၀ တန်ဖိုးရှိ MiG-29 တိုက်လေယာဉ် အစီး၂၀ ကို ရုရှားမှ ဝယ်ယူရန် သဘောတူ စာချုပ် ချုပ်ဆိုခဲ့သည်။