Pages

Subscribe

Sunday 11 July 2010

နာရေးကူညီမှုအသင်း (ရန်ကုန်) ၏ လှုပ်ရှားမှုသတင်းမှတ်စု

မိုးမခ (နာရေးကူညီမှုအသင်း (ရန်ကုန်)၊ ကိုကျော်သူ မှတဆင့်)
ဇူလိုင် ၁၁၊ ၂၀၁၀
ပေးဆပ်သူတို့၏ အောင်ပွဲ
နာရေးကူညီမှုအသင်း(ရန်ကုန်)သည် နာရေး ကိစ္စ၊ ဆေးဝါးကုသမှု ကိစ္စ၊ မျိုးဆက်သစ် ကလေးငယ် တို့၏ ပညာရေ မြင့်မားတိုးတက်ရေး ကိစ္စနှင့် သဘာဝဘေးဒဏ် ခံစားရသော ပြည်သူလူထုတို့အတွက် ပံ့ပိုး ကူညီ ဖေးမမှုများကို တတ်စွမ်းသရွေ့ ဖေးမကူညီမှုများ ပြုလုပ်ပေးလျှက် ရှိသော်လည်း နာရေးကူညီမှုအသင်း (ရန်ကုန်) တည်ရှိရာ ၁၃/က၊ ဗိုလ်မှူးဗထူးလမ်း၊ မြောက်ဒဂုံမြို့နယ် အသင်းရုံးဝင်း အတွင်းတွင် တည်ရှိသော သုခကုသိုလ်ဖြစ်ဆေးခန်းနှင့် စတင် တည်ဆောက်နေပြီဖြစ်သော “သုခ အဟာရ” သက်သာချောင်ချိရေး စားသောက်ဆိုင်၊ မော်တော်ယာဉ် ရေဆေး၊ ဆီထိုး၊ စက်ပြင် အဆောက်အဦးနှင့် နာရေးကူညီမှုအသင်း ရုံးခန်း အဆောက်အဦးတို့တွင် အသုံးပြုရန် ရေအခက်အခဲ ကြုံတွေ့နေရသည်မှာ ကြာပြီဖြစ်သည်။ အများပြည်သူတို့ အတွက် ရေဒုက္ခများကို တဖက်တလမ်း လိုက်လံဖြေရှင်း ပံ့ပိုးမှုများကို လုပ်ဆောင်ပေးဆပ်လျှက် ရှိသော်လည်း မိမိတို့တွင် ကြုံတွေ့နေရသော ရေဒုက္ခကို ဖြေရှင်းရန် အခက်အခဲများစွာ ကြုံတွေ့ခဲ့ရသည်။
ခြံဝင်း၏ ပြင်ပ မော်တော်ကားလမ်းမကြီး တစ်ဖက်တွင်ရှိသော ဂျိုးဖြူ ပိုက်လိုင်းကြီးမှ ရေသွယ်တန်းခွင့် လျှောက်ထားသော်လည်း အဆင်မပြေမှုများ ဖြစ်ပေါ်ခဲ့၍ ယခု ၇.၇.၂၀၁၀ (ဗုဒ္ဓဟူး) နေ့တွင် စတင်၍ ကိုယ့်အားကိုယ်ကိုးကာ အ၀ီစိတွင်း တူးဖော်ခြင်းကို လုပ်ဆောင်ခဲ့ရာ ယနေ့ ၁၀.၇.၂၀၁၀ (စနေ) နေ့တွင် ပေ ၆၅၀ အနက်တွင် သုံးစွဲရန် ရေများ အောင်မြင်စွာ ထွက်ရှိပြီ ဖြစ်ပါသည်။
အများပြည်သူ အလှူငွေဖြင့် အများပြည်သူအတွက် ပေးဆပ်နေသော နာရေးကူညီမှုအသင်း(ရန်ကုန်) သည် “ကိုယ်ပြုသောကံ ပဲ့တင်သံ … ကိုယ့်ထံ ပြန်လာမည်” ဟူသော ယောဆရာတော်ဘုရားကြီး၏ သြ၀ါဒ စကားကို သက်သေပြလိုက်ခြင်းပင် ဖြစ်တော့သည်။
မျိုးဆက်သစ်တို့၏ အမှန်တရား
နာရေးကူညီမှုအသင်း(ရန်ကုန်)ရှိ မျိုးဆက်သစ် ကလေးငယ်များ၏ ပန်းချီသင်တန်းကို ယနေ့ ၁၀.၇.၂၀၁၀ (စနေ) နေ့တွင် နာရေးကူညီမှုအသင်း(ရန်ကုန်) ရုံးချုပ်ရှိရာ မြောက်ဒဂုံမြို့နယ်တွင် Indoor ရေးချက်များကို ပန်းချီဆရာကြီး ဦးဝင်းကြည်မှ သင်ကြားပေး ပြီးသည့်နောက် ကလေးသူငယ် များ မွန်းကျပ်မှုမှ ထွက်မြောက်စေရန် နာရေးကူညီမှုအသင်း(ရန်ကုန်) ရုံးချုပ်အနီးရှိ ကိုးဘွဲ့ရ ဆရာတော်ကျောင်း ပတ်ဝန်းကျင်တွင် Outdoor ရေးချက်များကို သွားရောက် သင်ကြားရေးဆွဲ ခဲ့ကြသည်။
ဤကဲ့သို့ Outdoor ရေးချက်သည် သဘာဝတရား၏ အစစ်အမှန်များ၊ လက်တွေ့ အယူအဆ များ၊ အတွေးအမြင်အမှန်များကို သဘာဝကျကျ ခံစားရေးဆွဲရသော အနုပညာဖြစ်သည်။ သဘာဝ ရှုခင်းများကို အရှိကို အရှိအတိုင်း၊ အမှန်ကို အမှန်အတိုင်း မြင်တွေ့မှုများကို မိမိ၏ ဆေး၊ စုတ်တံ၊ စက္ကူ တို့နှင့် မိမိ၏ ခံစားမှု အနုပညာနှင့် ပေါင်းစပ်ကာ ရေးခြယ်ရခြင်း ဖြစ်သည့်အတွက် ကွင်းဆင်းရေးချက် (သို့) သဘာဝရေးချက် (သို့) အမှန်တရားရေးချက် ဟု ဆိုရမည် ဖြစ်သည်။
မျိုးဆက်သစ် ကလေးများနှင့် အတူ ပန်းချီဆရာကြီး ဦးဝင်းကြည်၊ အင်္ဂလိပ်စာနည်းပြ ဆရာမ ဒေါ်ဧရာမောင်မောင်၊ ဥက္ကဌ ဦးကျော်သူနှင့် အမှုဆောင်များမှ လိုက်လံအားပေး ပံ့ပိုး ကူညီပေးခဲ့သည်။ ထို့ပြင် ရပ်ကွက်တွင်းရှိ ကလေးသူငယ်များ၊ မိခင်ဖခင်များ စသဖြင့် ရပ်ရွာ ပြည်သူလူထုတို့ကလည်း စိတ်ဝင်တစား လာရောက် အားပေးခြင်း၊ မျိုးဆက်သစ်ကလေးငယ်များအား အပူဒဏ်ခံနိုင်ရန် ထီးမိုး ပေးခြင်း တို့ကို မေတ္တာရှေ့ထား၍ ကူညီပေးခဲ့သည်။
ထို့ကြောင့် ပန်းချီပညာရပ်သည် မျိုးဆက်သစ် ကလေးငယ်များအတွက် သဘာဝတရား၏ အစစ်နှင့် အတုကို ခွဲခြား ပိုင်းခြား ဆုံးဖြတ်မှုတို့ကို ပေးစွမ်းနိုင်သည်။
ပန်းချီပညာရပ်သည် ကောက်ကျစ်ခြင်း၊ ကွေ့ပါတ်ခြင်း၊ လှည့်ဖြားခြင်း မရှိသဖြင့် နာရေးကူညီမှုအသင်း(ရန်ကုန်)မှ အနာဂတ်ခေါင်းဆောင် မျိုးဆက်သစ် ကလေးငယ်များအတွက် မှန်ကန်သော အသိဥာဏ်၊ စစ်မှန်သော အသိတရား၊ ရိုးသားသော စိတ်ဓါတ်၊ တက်ကြွသော စွမ်းအားများကို ရစေတော့မည် ဖြစ်သည်။
အရေးပေါ် မီးဘေးကာကွယ်ရေး
နာရေးကူညီမှုအသင်း(ရန်ကုန်)မှ နိဗ္ဗာန်ယာဉ်များသည် နေ့တဓူဝ အများပြည်သူတို့၏ ဆင်းရဲချမ်းသာ လူမျိုးဘာသာမရွေးတို့၏ နာရေးကိစ္စများအား အခမဲ့ ကူညီပေးဆပ် မောင်းနှင်လျှက် ရှိသည်ကို ကိုယ်တိုင်မြင်တွေ့ ခံစားရပြီးသည့်နောက် နိဗ္ဗာန်ယာဉ်များမှာ ကားသစ်များ ဖြစ်သော်လည်း မတော်တဆ မီးဘေးအန္တရာယ် ကြုံတွေ့ခဲ့သည်ရှိသော် အရေးပေါ် မီးငြိမ်းသတ်နိုင်ရန်အတွက် မော်တော်ယာဉ်သုံး ဂျပန်နိုင်ငံလုပ် မီးသတ်ဆေးဘူး အလုံးရေ (၁၉) လုံးအား အလှူရှင် ဒေါ်ဥမ္မာသန်း (မိသားစု) ၉၃ လမ်း၊ မင်္ဂလာတောင်ညွှန့်မြို့နယ်မှ ၉.၇.၂၀၁၀ (သောကြာ) နေ့တွင် နာရေးကူညီမှု အသင်း(ရန်ကုန်)သို့ သဒ္ဓါတရား ထက်သန်စွာဖြင့် လာရောက်လှူဒါန်းသည့်အတွက် နာရေးကူညီမှု အသင်း(ရန်ကုန်)မှ အထူး ကျေးဇူးတင် ၀မ်းမြောက်စွာဖြင့် သာဓုခေါ်ဆို လိုက်ပါသည်။
အလှူရှင် ဒေါ်ဥမ္မာသန်း (မိသားစု)တို့အား ဂုဏ်ပြုကဒ်ပြားနှင့် နာရေးကူညီမှုအသင်း(ရန်ကုန်) ၏ လုပ်ဆောင်ချက် စာအုပ်စာတမ်းများ၊ DVD အခွေများကို ပြန်လည်ပေးအပ်ပြီး အသင်း၏ လုပ်ဆောင်ချက်များ၊ သုခကုသိုလ်ဖြစ်ဆေးခန်း၏ ပေးဆပ်မှုများတို့အား လိုက်လံရှင်းလင်း ပြသခဲ့သည်။ ယင်းနောက် အရေးပေါ် မီးဘေးကာကွယ်ရေးအတွက် အလှူရှင်မှ အရေးပေါ် လာရောက် လှူဒါန်းသော အရေးပေါ်မီးသတ်ဘူးများအား နိဗ္ဗာန်ယာဉ်များပေါ်တွင် အရေးပေါ် တပ်ဆင်မှုများကို ပြုလုပ်ခဲ့ပါသည်။
အရေးပေါ် အဘိုးအဘွားများအား ပေးဆပ်မှု
ခိုကိုးရာမဲ့ အဘိုးအဘွားများကို ကူညီဖေးမ စောင့်ရှောက်ပေးလျှက်ရှိသော “ဆည်းဆာရိပ်” ဂီလာနဘိုးဘွား စောင့်ရှောက်ရေးဂေဟာမှ အမေကြီး ဒေါ်ညွှန့်တင် အသက် (၇၂) နှစ်သည် ၉.၇.၂၀၁၀ (သောကြာ) နေ့တွင် ဆီးချို သွေးချို 36% ထိ ကျဆင်းသွားသည့်အတွက် သတိလစ်ကာ ကယောင်ကတန်း စကားများ ပြောဆိုနေခြင်းကြောင့် နာရေးကူညီမှုအသင်း(ရန်ကုန်)ရှိ သုခကုသိုလ် ဖြစ်ဆေးခန်းသို့ ခေါ်ဆောင်လာသည်။
အရေးပေါ်ကုသရမည့် လူနာဖြစ်သည့်အတွက် သယ်ဆောင်လာသော မော်တော်ယာဉ်ပေါ်မှ မချတော့ဘဲ သက်ဆိုင်ရာ ဆရာဝန်မကြီး ဒေါ်ထားထားနှင့် သူနာပြုဆရာမများမှ မော်တော်ယာဉ်ပေါ် ထိ တက်ရောက်ကာ ၀ိုင်းဝန်းဖေးမ ကုသပေးခဲ့သည်။ အချိုရည် Glucose 50% သွင်းပေးခြင်း၊ D/S အချို/အငန် ဆေးပုလင်း သွင်းပေးခြင်းဖြင့် သတိပြန်လည် ရရှိကာ နာရေးကူညီမှုအသင်း(ရန်ကုန်) ဥက္ကဌ ဦးကျော်သူကို တွေ့မြင်ရတော့မှ “သြော် … သုခဆေးခန်း ရောက်နေတာကိုး” ဟူ၍ ပြောကြား သွားသည်။
အရေးပေါ် မျိုးဆက်သစ်များအတွက် ပေးဆပ်မှု
၉.၇.၂၀၁၀ (သောကြာ) နေ့တွင် နာရေးကူညီမှုအသင်း(ရန်ကုန်)ရှိ သုခကုသိုလ်ဖြစ်ဆေးခန်း သို့ မောင်ဝိုင်းချစ် အသက် (၂) နှစ်အရွယ် ကလေးငယ်အား အဖိုးဖြစ်သူမှ ခေါ်ဆောင်လာကာ ကလေးငယ်၏ တင်ပါးအောက်တွင် ဖြစ်ပေါ်နေသော အနာစိမ်းအား လာရောက် ပြသခဲ့သည်။
ကလေးအထူးကု ဆရာဝန်ကြီး ဒေါက်တာ ဦးအေးမောင်သန်း မှ ကြည့်ရှုစစ်ဆေးရာ အနာစိမ်း သည် အရေးပေါ် ခွဲစိတ် ခြစ်ထုတ်ရမည့် အနေအထား ဖြစ်နေသည့်အတွက် သက်ဆိုင်ရာ သူနာပြု ဆရာမများ အကူဖြင့် ကလေးငယ် မောင်ဝိုင်းချစ်အား အရေးပေါ် ခွဲစိတ် ခြစ်ထုတ်ကုသ ပေးခဲ့သည်။
ထို့ပြင် အနာအား ထပ်မံ၍ လာရောက် ပြသရမည့် နေ့ရက်ကို ချိန်းဆို၍ မောင်ဝိုင်းချစ် ရောဂါ ဝေဒနာ သက်သာပျောက်ကင်းရန် သောက်ရမည့် ဆေးဝါးများအား ပေးခဲ့ပြီး ရှောင်ရန် ဆောင်ရန် ကိစ္စများကို အသေးစိတ် ဂရုတစိုက် ဆရာဝန်ကြီးမှ အဖိုးဖြစ်သူအား ပြောကြားခဲ့သည်။
ဗုဒ္ဓရဲ့ သားတော် သမီးတော်တို့အတွက် ပေးဆပ်မှု
လူမှုရေးဟု ဆိုရာတွင် အလွန်ကျယ်ပြန့် နက်နဲလှပေသည်။ နာရေးကူညီမှုအသင်း(ရန်ကုန်) သည် ပြည်သူလူထုအတွက် နာရေးကုသိုလ် ယူမှုတင် မကဘဲ ပြည်သူလူထု တွေ့ကြုံခံစား နေရသော ကျန်းမာရေး၊ ပညာရေး၊ သဘာဝဘေးဒဏ် ခံစားရမှု၊ မျိုးဆက်သစ် ကလေးငယ်တို့၏ ယဉ်ကျေးလိမ္မာ မှုရှိရေးတို့အပြင် နာရေးကိစ္စ အ၀၀ကို ပေးဆပ်နေရသော လူမှုရေးအသင်းကြီး ဖြစ်လာသည်။ လမ်းခင်း၊ ရေတွင်းရေကန် တည်ဆောက်ပေးမှုတို့ကို လူမှုရေးလုပ်ဆောင်သည်ဟု မဆိုနိုင်တော့ချေ။
ပြည်သူလူထု၏ ဘ၀ရပ်တည်ဖို့အတွက် အစစ အဆင်ပြေ၍ လူ့အခွင့်အရေး ပြည့်ဝစေမှသာ ငြိမ်းချမ်းမှု ပန်းတိုင်ကို ရရှိစေမည်ဖြစ်သည်။ မိမိတို့၏ ဘာသာအယူအဆအရ … မည်သည့် ဘာသာတရားပင်မဆို ငြိမ်းချမ်းမှုကို ဦးတည်ဆဲဖြစ်သည်။
ငြိမ်းချမ်းမှုရရှိရန် ဗုဒ္ဓ၏ သားတော် (သံဃာတော်များ)၊ ဗုဒ္ဓ၏ သမီးတော် (သီလရှင်များ) မှလည်း အဓိက တာဝန်ထမ်းဆောင်နေရသည်။ ဗုဒ္ဓမြတ်စွာဘုရားရှင် ဟောကြားမိန့်မှာ ခဲ့မှုများကို လက်ဆင့်ကမ်း၍ ရာစုနှစ်များစွာ ကမ္ဘာသူ ကမ္ဘာသား အားလုံးတို့ကို မေတ္တာစေတနာ ထားရှိကာ ဗြဟ္မစိုရ်တရားလေးပါးကို လက်ကိုင်ပြုရန်၊ သီလလုံခြုံစေရန် စသည့် စစ်မှန်သော အယူဝါဒ ရေးရာတို့ကို လူသားတို့ထံသို့ လက်ဆင့်ကမ်း၍ ပြန့်ပွားကျင့်သုံး လက်ခံနိုင်ရန် သာဓကများစွာနှင့် ဟောကြားပေးနေကြသော ကျေးဇူးရှင် ဗုဒ္ဓ၏ သားတော် သမီးတော်တို့၏ ကျန်းမာရေးကိုလည်း အထူးဂရုပြု ပေးရမည် ဖြစ်သည်။ ထေရ်ကြီး ၀ါကြီး သိက္ခာတော်ကြီးမား၍ သီလတော်တို့နှင့် ပြည့်စုံ တော်မူသော ဆရာတော်ကြီးများ၊ သံဃာတော်များ၊ သီလရှင်ကြီးများကို လက်လွတ် အဆုံးရှုံး မခံနိုင်။ ဘ၀နတ်ထံ ပျံလွန်တော်မူသွားသော ဗုဒ္ဓ၏ သားတော် သမီးတော်တို့အတွက် ကျန်ရစ်သူ တပည့် ဒါယကာ ဒါယကာမ ပြည်သူအပေါင်းတို့က အပူဇော်ခံ ထားလိုပါက ရွှေစတီးဖြင့် ပြုလုပ်ထားသော ကရ၀ိတ်ဖော်တော်ဖြင့် အပူဇော်ခံ ထားရှိပေးခြင်း၊ ရွှေရောင် လင်ကွန်း နိဗ္ဗာန်ယာဉ်ကြီးဖြင့် သယ်ဆောင် ပင့်ဆောင်ပေးခြင်း၊ အန္တိမဈာပန အခမ်းအနား မီးသင်္ဂြိုလ်ပေးခြင်း၊ အရိုး ပြာ ရေမျှော ပေးခြင်း၊ အရိုးအိုး ကောက်ပေးခြင်း စသည့် ပေးဆပ် ထမ်းဆောင် ကုသိုလ်ယူမှုများ ရှိသော်ငြားလည်း … မပျံလွန်သင့်ဘဲ ပျံလွန်တော်မူသွားခြင်း၊ ဆေးဝါး မကုသလိုက်ရဘဲနှင့် ပျံလွန်တော်မူသွားခြင်း စသည်တို့ မဖြစ်သင့်ပေ။
ထို့ကြောင့် နာရေးကူညီမှုအသင်း(ရန်ကုန်) အနေနှင့် လူမျိုးဘာသာ၊ ဆင်းရဲချမ်းသာ မရွေး အခမဲ့ ကူညီပံ့ပိုးမှု၊ ဖေးမမှုတို့ကို လုပ်ဆောင်ပေးရာတွင် သံဃာတော်များ၊ သီလရှင်များကို အထူး ဦးထိပ်ထားသည့် အနေနှင့် ဆေးဝါးကုသရာတွင် တိုကင်ယူဆောင်ရန် မလိုဘဲ ဆရာဝန်ကြီးများနှင့် တိုက်ရိုက်တွေ့ဆုံ အခမဲ့ ကုသပေးလျှက်ရှိပါသည်။
ထို့ကြောင့် နာရေးကူညီမှုအသင်း(ရန်ကုန်)သည် နေ့စဉ် လူပုဂ္ဂိုလ် တို့တင်မကဘဲ ဗုဒ္ဓ၏ သားတော် သမီးတော်တို့အတွက်၊ သာသနာ ၀န်ထမ်းပုဂ္ဂိုလ်များအတွက် သာသနာ့ ၀န်ဆောင်မှု၊ သာသနာကို ထမ်းဆောင်မှု၊ သာသနာအတွက် ပေးဆပ်မှု၊ သာသနာပြု လုပ်ငန်းအဖြစ်နှင့်ပါ နွေးထွေးစွာ ပေးဆပ်လျှက် ရှိနေတော့သည်။
ကျွတ်ဖို့ လွတ်ဖို့ . . . ရဲဆေးတင်လော့
နာရေးကူညီမှုအသင်း(ရန်ကုန်)၏ မျိုးဆက်သစ် လူမှုရေးသမားများ သင်တန်းအမှတ်စဉ် ၃/၂၀၁၀ နောက်ဆုံး အပါတ်စဉ် ဆင်းပွဲတွင် နာရေးကူညီမှုလုပ်ငန်းနှင့် ပတ်သက်သော အတွေ့အကြုံများ၊ ခံယူချက်များနှင့် ဆက်ဆံရေး ကိုယ်နှုတ်အမူအရာ ယဉ်ကျေးသိပ်မွေ့မှု ရှိရေးတို့နှင့် ပတ်သက်၍ ထပ်မံ ရှင်းလင်းပြောကြားခဲ့ပြီးသည့်နောက် နာရေးကူညီမှုအသင်း(ရန်ကုန်) ဥက္ကဌ ဦးကျော်သူ၏ Idea နှင့် ၂၀၀၁ ခုနှစ်မှ ၂၀၁၀ ခုနှစ်အတွင်း ပေးဆပ်ခဲ့ရသော နာရေးအတွေ့အကြုံများ၊ နာဂစ်မုန်တိုင်း ကယ်ဆယ်ရေး အလောင်းကောက် မီးသင်္ဂြိုလ်ပေးမှုများ၊ အဆိပ်သောက် သေဆုံးမှု၊ လမ်းဘေး သေဆုံးမှု၊ ရေနစ် သေဆုံးမှု၊ ဆွဲကြိုးချ သေဆုံးမှု၊ ရထားကြိတ်ခံရ၍ သေဆုံးမှု၊ အသတ်ခံ ရ၍ သေဆုံးမှု၊ သစ်လုံးပိ၍ သေဆုံးမှု စသည်တို့ကို Slide Show နှင့် နောက်ခံ တီးလုံး projector တို့ဖြင့် ပြသကာ ရဲသွေးနီနီဖြင့် ရှေ့သို့ ရဲရဲဆက်ကာ ရဲရဲပေးဆပ် သွားနိုင်ရန်အတွက် လူမှုရေး မျိုးဆက်သစ်များအား ရဲဆေးများ ထပ်မံတိုးမြှင့် ပေးခဲ့သည်။
မိမိတို့ ကုသိုလ်ယူသည့် နေရာဝယ် သေဆုံးသွားသူတို့ကို မီးသင်္ဂြိုလ်ပေးခြင်း၊ ဂူသွင်းပေးခြင်း၊ မြေမြှုပ်ပေးခြင်း တို့ဖြင့် မလုံလောက်။ သေဆုံးမှုမျိုးစုံတို့တွင် လွတ်ရာကျွတ်ရာ မြင့်မြတ်သော ဘုံဌာန သို့ ရောက်သွားကြကုန်သော ပုဂ္ဂိုလ်အသီးသီး ရှိကြသလို၊ မလွတ်မကျွတ်ဘဲ ပြိတ္တာ၊ နာနာဘာဝ သရဲ တစ္ဆေ စသဖြင့် ဒုနဲ့ဒေး ရှိနေတော့သည်။ ယင်းတို့ကို မိမိတို့ နေ့စဉ် ပြုခဲ့သမျှ ကုသိုလ်ရေးများကို နေ့စဉ် နံနက်တိုင်း ညတိုင်း အချိန်တိုင်း ဘုရားရှိခိုး ပုတီးစိပ် မေတ္တာပို့သပြီး အမျှပေးဝေရန် အရေးကြီးလှသည်။ အဓိကကျ လှသည်။ မိမိအတွက်လည်း အကျိုးရှိ ကုသိုလ်ရ … တဖတ်သူတို့အတွက်လည်း များစွာအကျိုးရှိ ကျွတ်ကြလွတ်ကြ ကုန်၏။
ထို့ကြောင့် … မည်ကဲ့သို့ ပုံစံမျိုးနှင့် ဘ၀တစ်ပါးသို့ ကူးပြောင်းသွားကြကုန်သော အလောင်းကောင်များကို ရဲတင်းစွာ သယ်ယူပို့ဆောင် သင်္ဂြိုလ်ပေးနိုင်ဖို့ အရေးကြီးသလို … မိမိ၏ ထိုကောင်းမှုတို့ကို အမျှပေးဝေ မေတ္တာပို့သမှုကလည်း အဓိကကျတော့သည်။
ထို့ကြောင့် … ကျွတ်ဖို့လွတ်ဖို့ ရဲဆေးတင်လော့ . . . . ။
(သည်နေရာမှာ နာရေးကူညီမှုအသင်း(ရန်ကုန်) ၏ စေတနာ့ဝန်ထမ်းလူမှုလုပ်ငန်း ဓာတ်ပုံမှတ်တမ်းများကို ကြည့်နိုင်ပါပြီ - )

ဒေါက်တာနိုင်ပန်းလှ စာအုပ် နှစ်အုပ် အား အင်္ဂလိပ် ဘာသာ နှင့် ထုတ်ဝေမည်

ဆရာကြီး ဒေါက်တာ နိုင်ပန်းလှ မကွယ် လွန်ခင် အင်္ဂလိပ် ဘာသာနဲ့ ရေးသားခဲ့ တဲ့ စာအုပ်နှစ် အုပ်ကို လောကအလင်း စာပေတိုက် ကနေ ဒီနှစ် စက်တင်ဘာ နဲ့ အောက်တိုဘာလ တို့မှာ ထုတ်ဝေသွား မယ်လို့ သိရပါတယ်။ ထုတ်ဝေ သွားမယ့် စာအုပ် နှစ်အုပ် မှာ “A Short Mon History ” နဲ့ “ Archaeological Aspects on Old Pyu Mon Myanmar” တို့ဖြစ် ပြီး ပထမ တစ်အုပ်ကို စက်တင်ဘာလ ထဲမှာ ထုတ်ဝေ သွားမှာ ဖြစ်ပြီး ဒုတိယ တစ်အုပ် ကိုတော့ နိုဝင်ဘာလ အတွင်း ထွက်ရှိ နိုင်ရန် ခန့်မှန်း ထားကြောင်း လောက အလင်း စာအုပ်တိုက် မှ စီစဉ်သူ မောင်ဇေယျက ပြောကြား ပါသည်။ "ကျွန်တော်တို့ လောက အလင်း စာအုပ် တိုက်က ဆရာကြီး ဒေါက်တာ နိုင်ပန်းလှ ရှိစဉ် တုန်းက စာအုပ် နှစ်အုပ် ထုတ်ဝေဖို့ တောင်း ထားတယ်။ စာအုပ် နှစ်အုပ် စလုံး စိစစ်ရေးက ကျပြီးပြီ။ ထုတ်ဝေဖို့ ပြင်ဆင် နေတယ်" လို့ သူက ဆိုပါတယ်။

' A Short Mon History က မွန် သမိုင်း အကျဉ်းချုပ်ပါ။ ရှေးဟောင်း သုတေသန အထောက် အထား၊ ဘာသာ ဗေဒ အထောက် အထား တွေနဲ့ ရေးထား တဲ့ သုတေသန စာတမ်းပါ။ တစ်ခါမှ တော့ ပုံနှိပ်ပြီးသား မရှိသေးဘူး။ ဆရာကြီး ဖတ်ထားတဲ့ စာတမ်းတွေပေါ့။ အဲဒီ စာတမ်းမှာ မွန်လူမျိုးတွေ ဘယ်နေရာ ကနေ စပြီး ပြောင်းရွှေ့ လာတယ် ဆိုတဲ့ အကြောင်း၊ အောက်မြန်မာပြည် ရာမည ဒေသမှာ သုဝဏ္ဏဘူမိ တည်ထောင်တဲ့ အကြောင်း၊ မွန် လူမျိုးတွေရဲ့ သမိုင်းကြောင်းကို အထောက် အထား တွေနဲ့ ရေးထား တာကို ထုတ်ဝေ မှာပါ" လို့ မောင်ဇေယျက ရှင်းပြပါတယ်။

“Archaeological Aspects on Old Pyu Mon Myanmar” စာအုပ် က တော့ ဆရာ နိုင်ပန်းလှ ၁၉၈၀ ၀န်း ကျင် ကThe Working People's Daily နဲ့ Guardian အင်္ဂလိပ် သတင်းစာ တွေမှာ ရေးခဲ့တဲ့ ရှေးဟောင်း သုတေသနနဲ့ ဆိုင်တဲ့ ဆောင်းပါး တွေကို ပြန်စုစည်းပြီး လုံးချင်း စာအုပ် အနေနဲ့ ထုတ်ဝေမှာ ဖြစ်တယ်လို့ သိရ ပါတယ်။

"ကျွန်တော် တို့ ဒီစာအုပ် တွေ ထုတ် တဲ့ ရည်ရွယ် ချက်က ဆရာကြီးက မြန်မာ လိုရော၊ အင်္ဂလိပ် လိုရော စာအုပ် တွေ ရေးခဲ့တယ်။ မြန်မာလို ရေးတာ ကတော့ ပြည်တွင်း မှာ လူသိများ ပေမယ့် အင်္ဂလိပ်လို ရေးတာ ကတော့ စာအုပ် မဖြစ်သေးဘူး။ ဒါကြောင့် ကိုယ့်ပြည်တွင်းမှာပဲ ဒေါက်တာ နိုင်ပန်းလှ အင်္ဂလိပ်လို ရေးတယ် ဆိုတာ သိစေချင်တဲ့ အတွက် အခုလို ထုတ်ဖြစ်တာပါ"လို့ မောင်ဇေယျက ပြောပြကြောင်း မြန်မာတိုင်း(မ်) ဂျာနယ်တွင် ဖော်ပြထားသည်။

အမေရိကားမှ ပစ္စည်းများ မြန်မာပြည်မှ မှာယူ နိုင်မည့် အွန်လိုင်း စတိုး

ကွန်ပျူတာ ပစ္စည်းများ အပါအ၀င် အမေရိကန် နိုင်ငံတွင် ရောင်းချလျက် ရှိသော ကုန်ပစ္စည်း မျိုးစုံကို အွန်လိုင်းမှ တစ်ဆင့် အလွယ် တကူ မှာယူ နိုင်မည့် အွန်လိုင်း စတိုး ၀က်ဘ်ဆိုက် တစ်ခုကို ပြီးခဲ့သည့် လအတွင်း စတင် လွှင့်တင် ခဲ့ကြောင်း ထို အွန်လိုင်း စတိုးကို ဖွင့်လှစ်သည့် ကိုအောင်ဇော်ထွေးက ပြောကြားသည်။ www.yangononlinestore.com လိပ်စာဖြင့် ဖွင့်လှစ် ထားသည့် အဆိုပါ အွန်လိုင်း စတိုးတွင် ဈေးဝယ်သူများ အနေဖြင့် အမေရိကန် နိုင်ငံတွင် ရောင်းချလျက် ရှိသော သယ်ဆောင်ရ လွယ်ကူသည့် မည်သည့် ပစ္စည်းကို မဆို ရွေးချယ် ၀ယ်ယူ နိုင်ပြီး ဈေးဝယ်ခြင်း ကိစ္စရပ်များ ဆက်သွယ် ဆောင်ရွက်ရန် အတွက် ရန်ကုန်မြို့ တွင်လည်း ဆိုင် ဖွင့်လှစ် ထားရှိကြောင်း ဆိုသည်။ “လက်ရှိ မှာတော့ နိုင်ငံတကာ ပစ္စည်း တွေကို ၀ယ်ယူလို့ မရနိုင်သေး ပါဘူး။ အမေရိကန်က ပစ္စည်းတွေ ကိုပဲ ၀ယ်ယူ ရရှိနိုင်ဦး မှာပါ။

ပစ္စည်းတွေ အနေနဲ့ ကတော့ Golf ပစ္စည်းတို့၊ ကွန်ပျူတာ ပစ္စည်းတို့ စတဲ့ Compact ဖြစ်တဲ့ ဘယ် ပစ္စည်း မဆို ၀ယ်ယူ နိုင်အောင် ၀န်ဆောင်မှု ပေးထား ပါတယ်။ ၀န်ဆောင်ခ အနေနဲ့ ကတော့ အတိ အကျ သတ်မှတ် ထားတာမျိုး မရှိပါဘူး။ ပစ္စည်း အမျိုးအစားပေါ် မူတည်ပြီး ကောက်ခံသွား မှာပါ ” ဟု ၎င်းက ပြောသည်။ ထို အွန်လိုင်း စတိုးတွင် မိမိ ၀ယ်ယူမည့် ပစ္စည်း တန်ဖိုးကို ကန့်သတ် ထားခြင်း မရှိသည့် အပြင် ကျသင့် တန်ဖိုး ကိုလည်း မြန်မာ ကျပ်ငွေဖြင့် လွယ်ကူစွာ ပေးချေ နိုင်ရန် စီစဉ်ထားကြောင်း၊ လက်ရှိတွင် အမေရိကန် နိုင်ငံတွင် ရောင်းချလျက် ရှိသည့် ကုန်ပစ္စည်းများ ကိုသာ ၀ယ်ယူနိုင် သော်လည်း နောက်ပိုင်းတွင် အခြား နိုင်ငံများမှ ပစ္စည်းများ ကိုလည်း ၀ယ်ယူ နိုင်ရန် စီစဉ်ပေးမည် ဖြစ်ကြောင်း ဆိုသည်။ ထိုကဲ့သို့ အွန်လိုင်းမှ ဈေးဝယ် နိုင်သည့် ၀န်ဆောင်မှုကို အခြား နည်းပညာ ကုမ္ပဏီ တစ်ခု ဖြစ်သည့် Myanmar's net ကလည်း ယခုနှစ်မှ စတင်ခါ ၀န်ဆောင်မှုပေး လုပ်ကိုင်လျက် ရှိသည်ကို သိရကြောင်း အင်တာနက်ဂျာနယ်တွင် ဖော်ပြထားသည်။