Pages

Subscribe

Tuesday 20 April 2010

ကေအိုင်အိုက အရေးပေါ် စစ်သင်တန်းပေး

ချင်းမိုင် (မဇ္ဈိမ) ။      ။ နယ်ခြားစောင့်တပ် အသွင်ပြောင်းရေးကို ငြင်းဆိုနေသည့် ကချင်လွတ်မြောက်ရေး အဖွဲ့ KIO သည် ကချင်လူထုအား စစ်သင်တန်းများ ပေးနေကြောင်း ဒေသခံများနှင့် KIO အရာရှိများထံမှ သိရသည်။

ယနေ့မှ စ၍ ၁၈ ရက် ကြာမည့် အရေးပေါ် စစ်သင်တန်း၌ KIO တပ်မဟာ ၃ ဌာနချုပ်ရှိရာ တရုတ် နယ်စပ် မိုင်ဂျာယန်မြို့နှင့် အနီးအနားရှိ ကျေးရွာများမှ KIA စစ်မှုထမ်းဟောင်းများ၊ စစ်သင်တန်း တက်ဖူးသူများအား တအိမ်တယောက်နှုန်း မတက်မနေရ သင်ပေးနေခြင်းဖြစ်သည်။

ကချင်ဒေသခံများအနေဖြင့် မိမိကိုယ်မိမိ ကာကွယ်နိုင်ရန် သေနတ်ပစ်ခြင်းနှင့် ကျည်ကွယ် မျက်ကွယ် နည်းများကို ပို့ချပေးကြောင်း KIO အရာရှိတဦးက ပြောသည်။

“မိမိကိုယ်ကို ကာကွယ်နိုင်ဖို့၊ အရေးပေါ် ပြည်သူ့စစ်သင်တန်းလိုမျိုး ဖြစ်တယ်။ သေနတ်ပစ်တာ၊ ကာကွယ်တာ၊ ရှောင်တာ ဘယ်လိုလုပ်ရတယ် ဆိုတာတွေ သင်ပေးတယ်” ဟု သူက ပြောသည်။

ယနေ့တက်ရောက်လာသည့် သင်တန်းသားများထဲတွင် လူငယ်လူလတ်အရွယ်မှ စ၍ အသက် ၅ဝ အောက် အမျိုးသားများဖြစ်ပြီး စုစုပေါင်း ၁ဝဝ ဦးကျော်ရှိကြောင်း မိုင်ဂျာယန်မြို့ခံတဦးက ပြောသည်။

“ဒီနေ့ကစပြီး သင်တန်းပေးနေပြီ။ မိုင်ဂျာယန်မှာ ရှိတဲ့ စာသင်ကျောင်းဝင်းထဲမှာ ပေးနေပြီ” ဟု သူက ပြောသည်။

မိုင်ဂျာယန်မြို့၏ အရှေ့ဘက် မိုင် ၂ဝ ခန့်အကွာရှိ တပ်မဟာ ၃ လက်အောက်ခံ တပ်ရင်း ၁ တည်ရှိရာ အင်ဘာပါ ကျေးရွာတွင်လည်း စစ်သင်တန်းပေးရန် ဒေသခံများကို တအိမ်တယောက် လူစုဆောင်း နေပြီဖြစ်ကြောင်း သိရသည်။

မြစ်ကြီးနားမြို့ အရှေ့ဘက်အရပ် ဝိုင်းမော်မြို့နယ်၊ ဆဒုံးကျေးရွာအုပ်စုဝင် ရွာများတွင်လည်း အလား တူ ရက်တိုစစ်သင်တန်းများ ပို့ချပြီးဖြစ်ကြောင်း သိရသည်။

ယမန်နှစ် သြဂုတ်လတွင်လည်း လိုင်ဇာမြို့၌ KIO ဌာနဆိုင်ရာဝန်ထမ်းများကို ရက်တိုစစ်သင်တန်း ပေးခဲ့သည်။

KIO အဖွဲ့အား စရဖ အကြီးအကဲ ဒုဗိုလ်ချုပ်ကြီး ရဲမြင့်က နယ်ခြားစောင့်တပ် အသွင်ပြောင်းလဲရေး အတွက် လာမည့် ကြာသာပတေးနေ့ နောက်ဆုံးထား ဆုံးဖြတ်ရန် ရာဇသံ ပေးထားသည်။

KIO ဥက္ကဌ ဦးဇောင်းဟရား အပါအဝင် အဖွဲ့ဝင် ၉ ဦးတို့သည် မြစ်ကြီးနားမြို့ရှိ မြောက်ပိုင်းတိုင်း စစ်ဌာနချုပ်တွင် တိုင်းမှူးစိုးဝင်းနှင့် ၂၂ ရက်နေ့၌ တွေ့ဆုံဆွေးနွေးရန် လိုင်ဇာမြို့မှ ယနေ့ ညနေပိုင်း တွင် ထွက်ခွာမည်ဖြစ်ကြောင်း KIO ဗဟိုကော်မတီဝင်တဦးထံမှ သိရသည်။

အပစ်ရပ်ကာလအတွင်း KIO ၏ နိုင်ငံရေးရပ်တည်မှုများ၊ နယ်ခြားစောင့်တပ် အသွင်ပြောင်းရေးကိစ္စ များနှင့် ပတ်သက်၍ ကချင်လူထုနှင့် အောက်ခြေဝန်ထမ်း စုစုပေါင်း ၂၅ဝဝ ဦးခန့်ကို လိုင်ဇာမြို့ မနောကွင်းခန်းမတွင် KIO ဒုစစ်ဦးစီးချုပ် ဗိုလ်မှုးချူပ် ဂွမ်မော်နှင့် အထွေထွေအတွင်းရေးမှူး ဒေါက်တာလဂျာတို့က ယခုလ ၁၆ ရက်နေ့က ရှင်းလင်းခဲ့သည်။

အဆိုပါ လူထုရှင်းလင်းပွဲတွင် KIO အနေဖြင့် နယ်ခြားစောင့်တပ် လက်မခံဘဲ နောင်ဖြစ်လာမည့် ပြည်ထောင်စု တပ်မတော်တွင် ကချင်တပ်ရင်းများအနေဖြင့်သာ ပါဝင်လိုကြောင်း ရှင်းလင်းခဲ့သည်ဟု အမည်မဖော်လိုသူ KIO ဗဟိုကော်မတီဝင် အခြားတဦးက ပြောသည်။

ယခုလ ၄ ရက်နေ့တွင် မြစ်ကြီးနား မြောက်ပိုင်းစစ်ဌာနချုပ်၌ KIO နှင့် ဒုဗိုလ်ချုပ်ကြီးရဲမြင့်တို့ တွေ့ဆုံခဲ့ စဉ် နယ်ခြားစောင့်တပ်ဖွဲ့စည်းရေးကို လက်ခံမည်မဟုတ်ဘဲ ပြည်ထောင်စု တပ်မတော်တွင် ကချင်တပ် ရင်းများအနေဖြင့်သာ နေလိုကြောင်းကို တင်ပြခဲ့သည်။ သို့သော် ဒုဗိုလ်ချုပ်ကြီးရဲမြင့်ကမူ လက်ခံခြင်း မရှိခဲ့ပေ။

လူထုအစည်းအဝေး ခေါ်ယူပြီးနောက် တရက်အကြာ ယခုလ ၁၇ ရက်နေ့တွင် မြစ်ဆုံရေအားလျှပ်စစ် စီမံကိန်း၌ ဗုံးပေါက်ကွဲမှုနှင့်ပတ်သက်၍ ပတ်သက်ခြင်း မရှိကြောင်း KIO က ငြင်းဆိုထားသည်။

(ကိုဝိုင်းတည်းဖြတ်သည်)

ရန်ကုန်သင်္ကြန်ပေါက်ကွဲမှု လက်ပစ်ဗုံးများဖြစ်သည်ဟုဆို

ရန်ကုန် (မဇ္ဈိမ)။      ။ ကန်တော်ကြီး X2O မဏ္ဍပ်ရှေ့တွင် ဖြစ်ပွားခဲ့သော ဗုံးပေါက်ကွဲမှုများတွင် လက်ပစ်ဗုံးအမျိုးအစားဖြစ်သည်ဟု စုံစမ်းစစ်ဆေးရာတွင် ပါဝင်ခဲ့သူ စစ်အင်ဂျင်နီယာတပ်အရာရှိတဦးက ပြောသည်။

စစ်မြေပြင်အင်ဂျင်နီယာတပ်၊ မှုခင်းရဲတို့ပါဝင်သော အဖွဲ့က ဧပြီလ ၁၅ ရက်နေ့က ပေါက်ကွဲမှုဖြစ်ခဲ့သော နေရာများကို စစ်ဆေးခဲ့ခြင်းဖြစ်ပြီး စစ်ဒေသမှူးနှင့် ရဲတိုင်းမှူးတို့က ကွပ်ကဲမှုပေးခဲ့သည်။  မဏ္ဍပ်ရှေ့ ရှုပ်ထွေးနေသော လူအုပ်အကြားသို့  လက်ပစ်ဗုံးသုံးလုံးကို ကိုက်အနည်းငယ်အကွာမှ ပစ်သွင်းခဲ့ခြင်း ဖြစ်ကြောင်းနှင့် လက်ပစ်ဗုံးစနက်တံ နှစ်ခုကို ရှာဖွေတွေ့ရှိခဲ့သည်ဟု အမည်မဖော်လိုသူ အရာရှိက ပြောသည်။

"လူအုပ်ကြားထဲ ပစ်ထည့်လိုက်တာပါ။ Safety Pin နှစ်ခုကို ရှာတွေ့တယ်။ တွေ့တဲ့နေရာနှစ်ခုက ကိုက် ၂ဝ လောက်ခြားတယ်။" ဟု သူကပြောသည်။

ပေါက်ကွဲမှုတွင် ဝမ်းဗိုက်ဒဏ်ရာရရှိခဲ့သည့် ရန်ကုန်တိုင်း အမှတ် ၄ စစ်ဒေသမှူး ဗိုလ်မှူးကြီး အုံးချို မှာ ပေါက်ကွဲမှုဖြစ်ပွားခါနီးအချိန်မှ X2O မဏ္ဍပ်အနီးရှိ လုံခြုံရေးတပ်ဖွဲ့များ စုဝေးရာသို့ ရောက်ရှိလာခဲ့ခြင်းဖြစ်ကြောင်း သိရသည်။

ပေါက်ကွဲမှုများကြောင့် ၉ ယောက်သေဆုံးခဲ့ပြီး ၁၇ဝ ယောက်အထိ ဒဏ်ရာရခဲ့ရသည်။ သို့သော် ဧပြီ (၁၈) တွင် ရန်ကုန်ဆေးဆေးရုံကြီးတွင် တက်ရောက်ကုသနေသော ဗုံးလူနာ ၅ဝ ကျော်ပဲ ကျန်တော့ကာ အများစုမှာ ဦးနှောက်နှင့်အာရုံကြောကုသရေးဆောင်တွင်ဖြစ်သည်။

စစ်မြေပြင် အင်ဂျင်နီယာတပ်မှ အရာရှိက- " ဖြစ်တဲ့အချိန် မဏ္ဍပ်ရှေ့မှာ လူ ၃ဝဝ နဲ့ ၄ဝဝ ကြားလောက် ရှိနေခဲ့တယ်လို့ သိရတယ်။ ကားလမ်းပေါ်မှာ လူတွေကနေတဲ့အချိန်မို့လို့ ချိန်ကိုက်ဗုံး မဖြစ်နိုင်ဘူးလို့ အစကတည်းက တွက်မိပါတယ်။ နောက်မဏ္ဍပ် စပွန်ဆာပေးထားတဲ့ စီးကရက်ဘူးတွေကို မဏ္ဍပ်ပေါ်က ကြဲချနေတယ်၊ အဲ့ဒီစီးကရက်ဘူးတွေကို အောက်ကလူတွေလဲ ပြန်ပစ်တာမျိုးတွေ ရှိနေခဲ့တယ်လို့ သိရတယ်။ စီးကရက်ဘူးတွေနဲ့ တခြားပစ္စည်းတွေနဲ့အတူတူ Grenade ကို ရောပြီး ပစ်ထည့်တာလို့ ခန့်မှန်းရပါတယ်။"ဟု ဆိုသည်။

အစိုးရအရာရှိများ ရောက်ရှိချိန် အချိန်ကိုက်ဖြစ်ပွားခြင်းဖြစ်၍ ယင်းတို့အား ဦးတည်တိုက်ခိုက်ခဲ့ခြင်း ဖြစ်နိုင်မဖြစ်နိုင် မေးမြန်းခဲ့ရာတွင် အတိအကျပြောဆိုနိုင်ခြင်းမရှိကြောင်း စစ်ဆေးမှုတွင် ပါဝင်ခဲ့သူ အဆိုပါအရာရှိကဆိုသည်။

ပလောင်ပြည်သူ ပညာရေးအခြေအနေ အလင်းမဲ့ဘ၀ ကျရောက်နေသည်

ပလောင်ပြည်သူ ပညာရေးအခြေအနေ အလင်းမဲ့ဘ၀ ကျရောက်နေ
ဧပြီလ ၂၀ရက်။ စောသိန်းမြင့်(ကေအိုင်စီ)
စစ်အစိုးရ၏ တာဝန်မဲ့မှု၊ ပညာရေးဆိုင်ရာ အခွင့်အလမ်း ကင်းမဲ့နေမှုများကြောင့် တအာင်း(ပလောင်) ပြည်သူတို့၏ ဘ၀များ လည်း အလင်းကင်းမဲ့နေကြောင်း တအာင်း ကျောင်းသားနှင့် လူငယ်များအစည်းအရုံး (TSYO)က ယနေ့ပြုလုပ်သည့် “အလင်းမဲ့ဘ၀” အစီရင်ခံစာ သတင်းစာရှင်းလင်းပွဲတွင် ထုတ်ဖော်ပြောကြားလိုက်သည်။
ထိုအစီရင်ခံစာတွင် ပလောင်ဒေသအတွင်းရှိ လူငယ်များအတွက် ပညာရေးစနစ်ကို ဖော်ထုတ်တင်ပြရန်နှင့် စစ်အစိုးရ၏ ဆုတ် ယုတ်နေသော ပညာရေးစနစ်အကြောင်းကို နိုင်ငံတကာအသိုင်းအ၀ိုင်းအား တင်ပြနိုင်ရန်၊ ပညာရေးအတွက် ကူညီပံ့ပိုးမှုများ ရရှိနိုင်ရန်နှင့် ၎င်းပညာရေးစနစ်ကို ပြန်လည်သုံးသပ်လာစေသည်အထိ ဆက်လက်ဖိအားပေးနိုင်ရန် ရည်ရွယ်ထုတ်ပြန်ရခြင်း ဖြစ်သည်ဟု တအာင်း ကျောင်းသားနှင့် လူငယ်များအစည်းအရုံး အတွင်းရေးမှူး မိုင်းအောင်ကိုက ပြောသည်။
သူက “ကနေ့ ကျနော်တို့ပလောင်ဒေသမှာ စစ်အုပ်စုရဲ့တာဝန်မဲ့မှုကြောင့် ပညာရေးဟာ တိုးတက်မှုမရှိဘဲ ကျနော်တို့ပြည်သူ တွေလည်း အလင်းမဲ့ဘ၀ကို ကျရောက်ခဲ့ရတယ်။ ဒါကြောင့် တအာင်းနယ်မြေက ပညာရေးစနစ်ပိုပြီးတော့ တိုးတက်လာဖို့ ဆိုး ကျိုးတွေကို ဖော်ထုတ်ဖို့အတွက်ရယ်၊ နောက်တခုက စစ်အစိုးရရဲ့ မှားယွင်းတဲ့ ပညာရေးစနစ်တွေကို နိုင်ငံတကာတွေ သိ အောင်ရယ်၊ ကျနော်တို့ဒေသမှာ ဖြစ်နေတဲ့ ပညာရေးအခြေအနေတွေကို အကူအညီပံ့ပိုးမှုရအောင်နဲ့ စစ်အစိုးရကနေပြီး ပညာ ရေးအဆင့်အတန်းကို ပြန်လည်သုံးသပ်နိုင်ဖို့ ရည်ရွယ်ထုတ်ပြန်တာ ဖြစ်တယ်”ဟု ဆိုသည်။
အဆိုပါ အစီရင်ခံစာပါ အချက်အလက်များမှာ ၂၀၀၆ခုနှစ်မှ ၂၀၀၉ခုနှစ်အထိ ရှမ်းပြည်နယ်မြောက်ပိုင်း တအာင်းလူမျိုးအများ စု နေထိုင်သည့် နမ့်ခမ်း၊ မန်တုံ၊ နမ့်ဆမ်မြို့နယ်အတွင်းရှိ ကျေးရွာပေါင်း ၆၁ရွာမှ လူထု ၁၇၅ဦးထံမှ ကောက်ယူစုဆောင်းကာ ထုတ်ပြန်ခဲ့ခြင်းဖြစ်သည်ဟု သိရသည်။
၎င်းအစီရင်ခံစာအတွက် ကိုယ်တိုင်ကွင်းဆင်း စစ်တမ်းကောက်ယူခဲ့သူ TSYO အစည်းအရုံးမှ ပညာရေးတာဝန်ခံ မိုင်းမောဝ် ဒါင်းက “ကျနော်တို့ စစ်တမ်းကောက်ယူချက်အရ ၂၀၀၆မှာ ကျောင်းတက်နိုင်တဲ့ ကလေးတွေဟာ ၇၅ရာခိုင်နှုန်းလောက်ရှိ တယ်။ ဒီ ၂၀၀၉ခုနှစ်မှာဆိုရင် ၅၅ရာနှုန်းခန့်သာ ကျောင်းတက်နိုင်တော့တယ်။ ဒါတွေဟာ စစ်အစိုးရရဲ့ လွဲမှားနေတဲ့ စီမံခန့်ခွဲ မှုကြောင့် ဖြစ်တယ်”ဟု ပြောသည်။
အဆိုပါမြို့နယ်သုံးခုတွင် ကျောင်းနေအရွယ် ကလေးဦးရေ ၂သောင်းကျော်ရှိသော်လည်း ကျောင်းတက်နိုင်သည့် ကျောင်းသူ ကျောင်းသား ကလေးငယ်ဦးရေမှာ ၉,၀၀၀ခန့်သာရှိသည်ဟု မိုင်းမောဝ်ဒါင်းက ဆက်လက်ပြောဆိုသည်။
တဆက်တည်းတွင် စစ်အစိုးရအနေဖြင့် ပညာရေးကဏ္ဍနှင့်ပတ်သက်၍ အသုံးစရိတ်ကို (၁.၄)ရာခုိုင်နှုန်းအောက် လျော့နည်း နေသည့် အနေအထားမှ နိုင်ငံတကာနှင့် ဒေသဆိုင်ရာ စံနှုန်းများအရ (၆)ရာခိုင်နှုန်းအထိမြှင့်တင်ပေးရန်၊ ကျောင်းသင်ခန်းစာ များတွင် ဒေသခံတအာင်း တိုင်းရင်းသားလူမျိုးတို့၏ ဘာသာစကားနှင့် စာပေကို လေ့လာသင်ကြားနိုင်ရေး မြှင့်တင်အားပေး ရန်နှင့် ပညာရေးစနစ် ဆုတ်ယုတ်နိမ့်ကျနေမှုများကို ပြင်ဆင်နိုင်စေရန် စသည့် အချက် ၅ချက်ဖြင့် စစ်အစိုးရကို TSYO က အကြံပြု တောင်းဆိုထားသည်။

အစီရင်ခံစာကို TSYO မှ သတင်းစာရှင်းလင်းပွဲ ပြုလုပ်နေစဉ် (ဓာတ်ပုံ-ကေအိုင်စီ)

စာမျက်နှာ(၇၈)မျက်နှာပါ အလင်းမဲ့ဘ၀ အစီရင်ခံစာကို အင်္ဂလိပ်ဘာသာဖြင့် ထုတ်ဝေထားခြင်းဖြစ်ပြီး TSYO ၏ တောင်းဆို ချက်များအတိုင်း စစ်အစိုးရ လိုက်နာပါက ထိရောက်သည့် အကျိုးသက်ရောက်မှုများ ရရှိနိုင်မည်ဟု မိုင်းအောင်ကိုက ပြော သည်။ တအာင်းကျောင်းသားနှင့် လူငယ်များအစည်းအရုံးကို ၁၉၉၈ခုနှစ်၊ ဒီဇင်ဘာလ ၂၇ရက်နေ့တွင် စတင်တည်ထောင်ခဲ့ပြီး ၂၀၀၇ ခုနှစ်တွင် စစ်ဖိနပ်အောက်က ရွှေလီမြစ်၊ ၂၀၀၈ခုနှစ်၌ လူထုဆန္ဒ ဆန့်ကျင်သည့် မဲပြားများ၊ ၂၀၀၉ခုနှစ်တွင် လက်ဖက်ဖျက်ပိုး နှင့် ယခုနှစ် အလင်းမဲ့ဘ၀ အစီရင်ခံစာ (၄)အုပ်ကို ထုတ်ဝေခဲ့သည်။

သင်္ကြန်ဗုံးကွဲမှု လူ ၃ ဦး ဖမ်းဆီးခံရ

သင်္ကြန်အကြတ်နေ့က ရန်ကုန်မြို့ ကန်တော်ကြီးက X2O ရေကစားမဏ္ဍပ်အနီး ဗုံးပေါက်ကွဲမှုဖြစ်ပြီး အဖမ်းအဆီးအချို့ ရှိခဲ့ပါတယ်။ အရင် မြို့ပေါ်တွေ ဗုံးကွဲမှုတွေ ဖြစ်လေ့ရှိတိုင်း နောက်ပိုင်းမှာ နိုင်ငံရေး အကျဉ်းသားဟောင်းတွေ၊ နိုင်ငံရေး လှုပ်ရှားသူတွေကို ခေါ်ယူစစ်ဆေး မေးမြန်းတာတွေ ရှိတာကြောင့် အခုအခြေအနေမှာလည်း အလားတူ အပြစ်မဲ့ ပြည်သူတွေကို ညှဉ်းပန်းနှိပ်စက် မေးမြန်းတာတွေလုပ်မှာ စိုးရိမ်တယ်လို့ အေအေပီပီ နိုင်ငံရေး အကျဉ်းသားများ ကူညီစောင့်ရှောက်ရေး အဖွဲ့က ပြောပါတယ်။ အဖမ်းအဆီးတွေနဲ့ ပတ်သက်လို့ စုံစမ်းမေးမြန်းထားတာကို ကိုသားညွန့်ဦးက တင်ပြပေးထားပါတယ်။
ရန်ကုန် ကန်တော်ကြီး ဗုံးကွဲပြီးပြီးချင်းမှာတော့ အနီးအနားမှာ ကင်မရာသမားတဦး အဖမ်းခံခဲ့ရပါတယ်။ နောက်တနေ့မှာတော့ အာဏာပိုင်တွေက သူ့အိမ်ကို ၀င်ရှာပြီး ဖခင်ဖြစ်သူကိုလည်း ဖမ်းဆီးသွားပါတယ်။ စာရေးဆရာ လင်းယုန်မောင်မောင်ရဲ့ သားဖြစ်တဲ့ ဦးဇေယျနဲ့ မြေးဖြစ်သူ စည်သူဇေယျတို့ ဖြစ်တယ်လို့ သိရပါတယ်။ ဘယ်လိုကြောင့် သားအဖ နှစ်ယောက်စလုံး အဖမ်းခံရသလဲ၊ ဘာပြစ်မှုနဲ့ အရေးယူထားလဲ၊ သူတို့ကို လက်ရှိ ဘယ်မှာထားသလဲ၊ ကျန်မိသားစုဝင်တွေ ဘာမှ မသိရသေးပါဘူး။ အိမ်ကို လာရောက် ဖမ်းဆီးတော့လည်း အာဏာပိုင်တွေဘက်က ဘာမှ တိတိကျကျ ပြောဆိုတာ မရှိဘူးလို့ ဦးဇေယျရဲ့ ဇနီးဖြစ်သူ ဒေါ်ရီရီတင်က ဗွီအိုအေကို ပြောပြပါတယ်။
“ကျမကတော့ ရိပ်သာသွားနေလို့ အမေပြောပြလို့ သိတာကတော့ အိမ်ရောက်လာတယ်၊ ပစ္စည်းတွေ နည်းနည်းပါးပါးရှာတယ်၊ အခွေတွေ ဖွင့်ကြည့်ပြီးတော့ မိုးချုပ်တော့ လိုက်ခဲ့ပါဆိုပြီး ခေါ်သွားတယ်။ ဒါပဲတဲ့၊ အဲဒီလိုပြောတာပဲ။”
ကင်မရာရိုက်မှုလို့ ပြောတယ်၊ ဟုတ်ပါသလား။
“အဲဒါက သားအငယ်ရှင့်။ ဖြစ်ပျက်နေတုန်း အဲဒီမှာ ရိုက်နေတုန်း မိတာ။”
ဦးဇေယျက အိမ်ကိုလာခေါ်တာပေါ့။
“ဟုတ်ကဲ့၊ အိမ်ကိုလာခေါ်တာပါ။”
သူတို့နှစ်ယောက် အခုခေါ်သွားတဲ့ကိစ္စ ဘယ်ကိုခေါ်သွားတယ်ဆိုတာ အမတို့ သိရပြီလား။
“အဲလိုတော့ မပြောတတ်ဘူး၊ ကျမလည်း မစုံစမ်းတတ်တာနဲ့ ဒီအတိုင်းပဲ နေလိုက်တယ်။”
ဘာမှလဲ လာမပြောဘူးလား။
“ဟုတ်ကဲ့၊ အဲဒီလိုတော့ မပြောဘူး။ နောက်နေ့ ဖုန်းလာသိမ်းတယ်၊ ဦးဇေယျရဲ့ဖုန်းကို လာယူတယ်။ ဘာမှတော့ မပြောဘူး။ ဖုန်းပဲ ပေးလိုက်ပါဆိုပြီး လာယူတယ်။”
လာယူတဲ့ အာဏာပိုင် အဖွဲ့အစည်းက ဘယ်ကလဲ မသိဘူး။
“ရောက်ရောက်ချင်း ကျနော်တို့ ရန်ကုန်က ရဲတပ်ဖွဲ့က အဲဒီလိုမျိုးလေးပဲ ပြောလိုက်တယ်။ ကျမ သေချာ မမှတ်မိလိုက်ဘူး။ အရပ်ဝတ်နဲ့ပဲ။ ဇဝေဇ၀ါ မဖြစ်အောင်တော့ သူတို့က ရ၀တတော့ ခေါ်ခဲ့တယ်။ ရ၀တရှေ့မှာပဲ ပစ္စည်းသိမ်းတယ်။ ကျမက အပ်ပေးရတဲ့သဘော။ ကျမလည်း အဲဒီတုန်းက ခေါင်းစီး မဖတ်လိုက်မိဘူး။ ကိုယ်လည်း လက်မှတ်ထိုးပေးလိုက်တယ်၊ ပစ္စည်းကို အပ်တဲ့အကြောင်း။ ပြီးတော့ သူတို့က ရ၀တကို သက်သေလုပ်ခိုင်းတယ်၊ ဒါပဲ။”
ပထမအကြိမ် ဖမ်းတုန်းကတော့ အခွေတွေ သိမ်းသွားတယ်ပေါ့။ ကင်မရာတို့ ဘာတုိ့ရော သိမ်းလား။
“ဟုတ်ကဲ့။”
ဒုတိယအကြိမ် လာသိမ်းတော့ ဘာသိမ်းသွားလဲ။
“ဖုန်းပဲသိမ်းတာ။”
သူတို့က NLD အဖွဲ့ဝင်တွေ ဘာတွေရော ဟုတ်လား။
“အဲလိုတော့ မ၀င်ဘူးရှင့်၊ ဘာဖြစ်လို့လဲဆိုတော့ ကျမကလည်း အမှုထမ်းဆိုတော့။ အရင် မိုးကုတ်မှာ နေကတည်းက မ၀င်ဘူးရှင့်။”
လတ်တလော ဦးဇေယျက ဘာအလုပ် လုပ်နေပါလဲ။
“ဦးဇေယျက ပန်းချီလည်းလုပ်တယ်။ မျက်နှာဖုံး ဂရပ်ဖစ် ဒီဇိုင်းတွေလည်း ရေးတယ်။”
သားနာမည်က ဘယ်လိုခေါ်ပါသလဲ။
“စည်သူဇေယျပါ။”
သူကရော ဘာလုပ်ပါလဲ။
“သူက အခုမှ ကျောင်းပြီးတယ်၊ ပန်းချီပေါ့၊ ပန်းချီကျောင်းပြီးတော့ ဘာလုပ်ရမလဲ စဉ်းစားနေတုန်းပဲ ရှိသေးတယ်။”
အဲဒီနေ့က ကင်မရာ သွားရိုက်တယ်ဆိုတာ ဘယ်လိုလဲ။
“အပျော်တမ်းပေါ့။ သူက အရင်ပြောဖူးတယ် သတင်းထောက် လုပ်ချင်တယ်ဆိုပြီး၊ သတင်းထောက်က မလွယ်ဘူးနော်လို့ အဲဒီလိုတော့ ကျမ သတိပေးလိုက်တယ်။ နောက်တော့လည်း စကား မဆက်စပ်မိဘူးပေါ့နော်။ အဲဒီလိုပဲ လုပ်နေတုန်း အခုမှ ကျောင်းပြီးတာ ဘာမှ မကြာသေးဘူးလေ။”
ဦးဇေယျဟာ ၁၉၇၀ ကျော်ပိုင်းတုန်းက နိုင်ငံရေးပုဒ်မနဲ့ အထိန်းသိမ်း ခံရဖူးသူ ဖြစ်ပါတယ်။ တချိန်တည်းမှာပဲ ရန်ကုန် သင်္ဃန်းကျွန်းမှာရှိတဲ့ နိုင်ငံရေး လှုပ်ရှားသူ တဦးလည်း အဖမ်းဆီးခံရတယ်လို့ သိရပါတယ်။ ဗုံးကွဲတဲ့ကိစ္စနဲ့ ပတ်သက်၊ မပတ်သက် မသိရပေမဲ့ နိုင်ငံရေး လှုပ်ရှားတဲ့ အသိုင်းအ၀ိုင်းအဖို့တော့ ဗုံးကွဲပြီးနောက်ပိုင်း သူတို့လုံခြုံရေးအတွက် စိတ်မအေး ဖြစ်နေရပါတယ်။
ဒါကြောင့်လည်း အေအေပီပီ နိုင်ငံရေး အကျဉ်းသား ကူညီစောင့်ရှောက်ရေးအဖွဲ့က ဒီဗုံးကွဲမှုနဲ့ ဆက်စပ်ပြီး နိုင်ငံရေး အကျဉ်းသားဟောင်းတွေ၊ နိုင်ငံရေး လှုပ်ရှားသူတွေကို ခိုင်ခိုင်လုံလုံ ဘာမှမရှိဘဲ အာဏာပိုင်တွေဘက်က ခေါ်ယူဖမ်းဆီး ညှဉ်းပန်းနှိပ်စက်တာမျိုးတွေ ဖြစ်လာမှာ စိုးရိမ်တယ်လို့ သတင်းထုတ်ပြန်ပါတယ်။ အရင်တုန်းကလည်း ဗုံးကွဲမှုတွေ ဖြစ်ပြီးနောက် နိုင်ငံရေး လှုပ်ရှားသူအချို့ တကယ်မပတ်သက်ဘဲ အဖမ်းခံရတာ၊ အနှိပ်စက်ခံရတာ၊ နောက်ဆုံး ထောင်ချခံရတာတွေအထိ ရှိခဲ့တယ်လို့ အေအေပီပီ တွဲဖက်အတွင်းရေးမှူး ကိုဘိုကြည်က ပြောပါတယ်။
“သူတို့တွေကို မတရားသဖြင့် ညှဉ်းပန်း နှိပ်စက်မှာကို ကျနော်တို့ အတော်လေး စိုးရိမ်တယ်။ ဘာဖြစ်လို့လဲဆိုတော့ နအဖက ဒီလို ဗုံးကွဲမှုတွေ ပြီးတိုင်းမှာ နိုင်ငံရေး အကျဉ်းသားဟောင်းတွေနဲ့ တချို့ တက်ကြွလှုပ်ရှားသူတွေကို ဖမ်းဆီးပြီး မတရား စစ်ဆေးလေ့ရှိတယ်။ ကျနော်တို့ဆီမှာ သာဓကတွေလည်း ရှိတယ်။
“ဥပမာ သန့်ဇော်နဲ့ ညီညီဦးဆိုရင် သန်လျင် ရေနံချက်စက်ရုံမှာ ၁၉၈၉ ခုနှစ်က ဗုံးကွဲမှု ဖြစ်ခဲ့တယ်။ တကယ်တော့ သူတို့က အမျိုးသား ဒီမိုကရေစီ အဖွဲ့ချုပ် အဖွဲ့ဝင်တွေဖြစ်တယ်။ ဒီဗုံးကွဲမှုနဲ့ လုံးဝ မပတ်သက်ဘူး။ ဒါပေမဲ့ သူတို့ကို ဖမ်းထားပြီး သေဒဏ်ချတယ်။ ထောင်ထဲမှာ ၂၁ နှစ်ရှိပြီ၊ အခုထိ မလွတ်သေးတာမျိုးတွေ ရှိတယ်။ ဒီလို အစဉ်အလာတွေ ရှိတဲ့အခါကြတော့ ကျနော်တို့က မဆိုင်တဲ့လူတွေ အများကြီး အဖမ်းခံရမှာ၊ နောက် အမျိုးသားဒီမိုကရေစီ အဖွဲ့ချုပ် အဖွဲ့ဝင်တွေကို အညှိုးတကြီးနဲ့ ဖမ်းဆီး နှိပ်စက်မှာတွေကို ကျနော်တို့ စိုးရိမ်ပါတယ်။”
သင်္ကြန်အကြတ်နေ့ ဗုံးကွဲမှုကြောင့် သေဆုံးသွားတဲ့ ၈ ဦးထဲမှာတော့ မင်္ဂလာတောင်ညွန့်မြို့နယ် စည်ပင်သာယာ အုပ်ချုပ်ရေးမှူး အငြိမ်းစား ဗိုလ်ကြီး သန့်စင်သိန်း ပါဝင်သလို အခြား လုံခြုံရေး တာဝန်ရှိသူ အချို့နဲ့ အရပ်သား စုစုပေါင်း ၁၇၀ ကျော် ထိခိုက်ဒဏ်ရာ ရခဲ့ကြတယ်လို့ သိရပါတယ်။

စာရေးဆရာ လင်းယုန်မောင်မောင် (ကွယ်လွန်) ၏ သားဖြစ်သူ ဦးဇေယျနှင့် သူ၏ သားဖြစ်သူ စည်သူဇေယျအား ရဲက မေးမြန်းရန် ခေါ်ဆောင်သွားကြောင်း




ရန်ကုန် ကန်တော်ကြီးကန်ပတ်လမ်း ဗုံးပေါက်ကွဲမှုကို ဓါတ်ပုံရိုက်ကူးခဲ့မှုနဲ့ စာရေးဆရာ ပန်းကြီးဆရာ တစ်ဦးဖြစ်တဲ့ ဦးဇေယျ ခေါ်ကလောင်နာမည် သကြီးမောင်ဇေယျနဲ့ သားဖြစ်သူ ကိုစည်သူတို့ကို အာဏာပိုင်တွေက ဧပြီလ ၁၇ ရက်နေ့မှာလာရောက်ဖမ်းဆီးသွားတယ်လို့ သိရပါတယ်။
စာရေးဆရာ သားကြီးမောင်ဇေယျဟာ နိုင်ငံရေးအကျဉ်းဟောင်းတစ်ဦးဖြစ်နေတဲ့ အတွက် အခုလို စစ်အာဏာပိုင်းတွေက အညိုအတေးထား ဖမ်းဆီးတယ်လို့ ယူဆကြောင်း ရန်ကုန် နိုင်ငံရေးအသိုင်းကပြောနေကြပါတယ်။
မိသားစုဝင်တွေနဲ့ နည်းစပ်တဲ့ သတင်းအရ ဆိုလိုရှင်ရင်တော့ ဦးဇေယျနဲ့သူသားကိုစည်သူပေါ့နော် သူတို့တွေက သင်္ကြန်မဏ္ဍပ်ကို သွားရင်နဲ့ ခုလို့မျိုး ဗုံးပေါက်တယ်ပေါ့ ဗုံးပေါက်တဲ့အခါကျတော့ သူတို့လက်ထဲမှာ လည်းပဲ ဒိမိုဘိုလ်ဖုန်းရှိနေတဲ့ အခါကျတော့ သူတို့ဓါတ်ပုံရိုက်ယူတယ် ဆိုပြီး သူတို့ကို အခုလို့ဖမ်းဆီးတာပါ ကျွန်တော်အမြင့်ပြောရရင် ဒီပြင်လူတွေမှာလဲ မိုဘိုလ်ဖုန်းတွေရှိနေကြတာပါပဲ ဒီသတင်းက သူတို့ကြောင်း အင်တာနက်စာမျက်နှာတွေတက်လာတာ မဟုတ်ပါဘူး ဘာကြောင်း ဒီလို့လုပ်တယ် ဆိုတာကို ပြောဖို့ခက်ပါတယ် .
သူတို့အတွက် အရမ်းစိုးရိမ့်မိပါတယ် ဦးဇေယျဟာ နိုင်ငံရေးအကျဉ်းသားဟောင်းတစ်ယောက်ဖြစ်တဲ့ အတွက် စစ်အာဏာရှင်တွေက ရည်ရွယ်ချက်ရှိရှိ ဖမ်းတယ်လို့မြင့်ပါတယ် သူတို့ကို အခုလို့ဖမ်းဆီးပြီး မိသားစုတွေကို အသိမပေးခဲ့ဘူး ဒီအတွက် အထူးစိုးရိမ့်ပါတယ် အကျဉ်းစခန်းမှာ သူတို့နှိပ်စက်တာတို့ ဘာတို့လုပ်လာနိုင်တဲ့ အတွက် မိသားစုတွေက အထူးစိုးရိမ့်နေပါတယ် ..
ကျွန်တော်အမြင့်ကတော့ စစ်အာဏာရှင်တွေဟာ အခုမှာ ဒီလို့လုပ်ရက်တွေလုပ်လာတာမဟုတ်ပါဘူး အရင်ကလဲ ဒီလို့လုပ်တွေလုပ်ပြီး အပြစ်မဲ့တဲ့သူတွေကို ဖမ်းဆီးတာတွေလုပ်တော့ ကျွန်တော်ပြည်သူတွေရဲ့ ဘ၀ကို ဘယ်သူမှာ မစာနာတော့ဘူးလားလို့မေးချင်းပါတယ် စစ်အာဏာရှင်တွေ ကြောင်း အပြစ်မဲ့တဲ့ပြည်သူတွေ သေးခဲ့ရတာများပါပြီး အခုလည်း လုပ်တဲ့လူကိုတော့ မိအောင်မဖမ်းဘူး အပြစ်တဲ့သူတွေကို ဖမ်းထားတာ ၁၀၀၀န့်ကျင့်လောက်ရှိပါတယ် ..........
ဦးဇေယျတို့သားဖကို ဘယ်မှာဖမ်းဆီးထားလည်း ဆိုတာကို အာဏာပိုင်းတွေက အကြောင်းမကြားသေးပါဘူး သူတို့နဲ့ ဖမ်းဆီးထားတဲ့ သူတွေကို အမြန်ဆုံးပြန်လွတ်ပေးပါလို့တောင်းဆိုခြင်းပါတယ်
ပေးပို့သူအားကျေးဇူးတင်ပါသည်.......စက်တင်ဘာထာဝရ

အမှတ် (၄) စစ်ဒေသမှူး ဗိုလ်မှူးကြီး အုန်းချို ရရှိသော ဗုံးဒဏ်ရာ များအား စင်ကာပူတွင် သွားရောက် ကုသရန် ကြိုးပမ်းနေ




ရန်ကုန်မြို့ မင်္ဂလာတောင်ညွန့်မြို့နယ် ကန်တော်ကြီး ကန်ပတ်လမ်းရှိ X2O ရေကစား မဏ္ဍပ် ရှေ့၌ သင်္ကြန် အကြတ်နေ့ ဧပြီ (၁၅)ရက်၊ မွန်းလွဲ ၃ နာရီ ခန့်တွင် ဗုံးသုံးလုံး ဆက်တိုက် ပေါက်ကွဲမှု ဖြစ်ပွား ခဲ့မှုကြောင့် ရန်ကုန်တိုင်း စစ်ဌာနချုပ် ၊ အမှတ် (၄)စစ်ဒေသမှူး ၊ ဗိုလ်မှူးကြီး အုန်းချို သည် မျက်နှာ နှင့် ၀မ်းဗိုက် တို့တွင် ပြင်းထန်စွာ ဒဏ်ရာ ရရှိခဲ့ပြီး စိုးရိမ်ရသော အခြေ အနေတွင် ရှိကြောင်း အမှတ် (၁) တပ်မတော် ဆေးရုံကြီး ၊ ကုတင် (၁၀၀၀) မှ အမည် မဖော်လိုသူ အရာရှိကြီး တစ်ဦး ထံမှ စုံစမ်း သိရှိ ရပါသည်။ အမှတ် (၁) တမ်မတော် ဆေးရုံကြီး ၊ ကုတင် (၁၀၀၀) မှ တာဝန်ကျ အရာရှိ တစ်ဦးကတော့ ဗုံးပေါက်ကွဲမှု ဖြစ်ပွားပြီး အမှတ် (၄) စစ်ဒေသမှူး ၊ ဗိုလ်မှူးကြီး အုန်ချို ဆေးရုံကို ရောက်ရှိလာပုံကို အခုလို ပြောပြ ပါတယ် ။ မွန်းလွဲ ၃ နာရီ ၃၀ လောက်မှာ ဗိုလ်မှူးကြီး အုန်းချို ကျွန်တော်တို့ တပ်မတော် ဆေးရုံကြီး ကုတင် (၁၀၀၀) ကို ဒဏ်ရာ တွေနဲ့ ရောက်လာ ပါတယ် ၊ ဗိုလ်မှူးကြီး အုန်းချိုကို ခွဲစိတ်ပါရဂူကြီး ဗိုလ်မှူးကြီး အုန်းမောင်မောင်နဲ့ အကူ အရာရှိတွေ အချိန် (၃)နာရီကြာ ခက်ခက် ခဲခဲ ဗုံးစတွေကို ခွဲထုတ် ရပါတယ် ။ မျက်နှာမှာ ကတော့ ဒဏ်ရာ သိပ်မပြင်းပါဘူး ၊ ဒဏ်ရာပြင်းတာက ၀မ်းဗိုက်မှာပါ ၊ အသဲ နဲ့ အူမကြီးကို ဗုံးစတွေ တော်တော် ထိသွားပါတယ် ၊ အခု ဗိုလ်မှူးကြီး အုန်းချိုကို ကျွန်တော်တို့ အမှတ် (၁) တပ်မတော် ဆေးရုံကြီး ကုတင် (၁၀၀၀) အထူး ကြပ်မတ်ဆောင်မှာ ထားပါတယ်။ ကျွန်တော် သိရ သလောက်တော့ အခြေအနေက မကောင်း ဘူးလို့ သိရ ပါတယ်။

တိုင်းမှူး တို့ ကျမ်းမာရေး ၀န်ကြီးတို့တော့ ဗိုလ်မှူးကြီး အုန်းချိုကို လာကြည့်ကြတယ်။ ဗိုလ်မှူးကြီး အုန်းချို မိသားစုတွေ ကတော့ ဒီမှာ အခြေအနေ မကောင်းတဲ့ အတွက် အရင်က နိုင်ငံတော် ၀န်ကြီးချုပ် ဗိုလ်ချုပ်ကြီး စိုးဝင်း သွားကုတဲ့ စင်ကာပူက ဆေးရုံကို သွားကုဖို့ ကြိုးစားနေကြတယ် ဟု ဗိုလ်မှူးကြီး အုန်းချို မိသားစု နှင့် နီးစပ်သော အသိုင်း အ၀ိုင်း ထံမှ သိရှိ ရပါသည်။

နောက်ဆုံး ရရှိသော သတင်း အရ ဗိုလ်မှူးကြီး အုန်းချိုကတော်မှ တိုင်းမှူးကတော်ကြီး မှ တဆင့် တိုင်းမှူး အား အသနားခံပြီး ဗိုလ်မှူးကြီး အုန်းချိုအား စင်ကာပူ ဆေးရုံတွင် သွားရောက်ဆေးကုသခွင့် ရရှိရန် ကြိုးစားနေကြောင်း သတင်း ရရှိပါသည်။
ဟံသာဝတီ
ဝတပ်ဖွဲ့ စစ်ရေးပြင်ဆင်နေ

ဝတပ်ဖွဲ့ စစ်ရေးပြင်ဆင်နေ

ဝပြည် သွေးစည်း ညီညွတ်ရေး တပ်မတော် (UWSA) က စစ်ရေး ပြင်ဆင်မှုများ အပါအ၀င် မဟာမိတ်များနှင့် နီးကပ်စွာ ဆက်ဆံမှုများကို ယခု ရက်ပိုင်း အတွင်း ပိုမို ပြုလုပ် လာသည်။
သင်္ကြန် ဗုံးခွဲသူ ဖမ်းမိရေး ဆုငွေ ထုတ်ပြီ

သင်္ကြန် ဗုံးခွဲသူ ဖမ်းမိရေး ဆုငွေ ထုတ်ပြီ

ရန်ကုန်မြို့တွင် ဗုံးဖောက်ခွဲခဲ့သည့် တရားခံ ဖမ်းမိရန် သတင်းပေး နိုင်ပါက ဆုငွေ ကျပ် (၁၀) သိန်း ချီးမြှင့်မည် ဖြစ်ကြောင်း ယခုလ ၁၈ ရက်နေ့၌ အစိုးရ အာဏာပိုင်များက ထုတ်ပြန်ထားသည်။

သျှမ်းပြည်အပြင် အခြားပြည်နယ်နှင့်တိုင်းအချို့၌ပါ သျှမ်းနိုင်ငံရေးပါတီ သစ်ဝင်ပြိုင်မည်

သျှမ်းပြည်အပြင် အခြားပြည်နယ်နှင့်တိုင်းအချို့၌ပါ သျှမ်းနိုင်ငံရေးပါတီ သစ်ဝင်ပြိုင်မည်ယခုလ ၈ ရက်နေ့က နအဖ၏ ရွေးကောက်ပွဲကော်ရှင်ထံ မှတ်ပုံတင်ထားသည့် သျှမ်းနိုင်ငံရေးပါတီသစ် တခုဖြစ် သော  သျှမ်းတိုင်းရင်းသားများဒီမိုကရက်တစ်ပါတီ SNDP သည် သျှမ်းပြည်တွင်းရှိမြို့နယ်များအပြင် အခြား ပြည်နယ်နှင့်တိုင်း အချို့ ၌လည်း ၀င်ရောက်ယှဉ်ပြိုင်မည်ဟု ဥက္ကဌရာထားတာဝန်ယူမည့်ပုဂ္ဂိုလ်ကပြောပါသည်။

အသွင်ကူးပြောင်းရေးကို ကေအိုင်အို ငြိမ်းချမ်းစွာ လျှောက်လှမ်းလို

အသွင်ကူးပြောင်းရေးကို ကေအိုင်အို ငြိမ်းချမ်းစွာ လျှောက်လှမ်းလိုကချင်ပြည်လွတ်လပ်ရေးအဖွဲ့(ကေအိုင်အို) က အသွင်ကူးပြောင်းရေးကို ငြိမ်းချမ်းစွာ ဖြေရှင်းလိုကြောင်း မြောက်ပိုင်း တိုင်းမှူး ဗိုလ်ချုပ်စိုးဝင်းထံ ဧပြီလ ၁၅ ရက်နေ့က စာတစ်စောင် ပေးပို့ထားကြောင်း သိရသည်။

ရေကာတာ ဗုံးပေါက်ကွဲမှုကြောင့် လုံခြုံရေးတင်းကျပ်ကာ စစ်ဆေးမေးမြန်းမှုထူထပ်

မြန်မာပြည်မြောက်ပိုင်း၊ ကချင်ပြည်နယ် ဧရာဝတီ မြစ်ဆုံရေကာတာ တည်ဆောက်နေသော အနီးဝန်းကျင်၌ ဗုံးပေါက်ကွဲမှုများကြောင့် အလုပ်သမား ၄ ဦးသေဆုံးကာ အနည်းဆုံး ၁၂ ဦး ထိခိုက်ဒဏ်ရာ ရရှိမှု ဖြစ်ပွားခဲ့ပြီးနောက် မြစ်ဆုံသွားလမ်း မတစ်လျှောက်  မြန်မာစစ်တပ်လုံခြုံရေး တပ်စခန်းများ တင်းကျပ်စွာ ထားရှိလာခဲ့တယ်။

မြစ်ဆုံရေကာတာတာဝန်ယူတည်ဆောက်နေသော အေရှားဝေါလ်ကုမ္ပဏီ နှင့် တရုတ်ကုမ္ပဏီတို့ကို လုံခြုံရေးအထူး တာဝန်ယူထားသည့် တပ်ရင်း (၂၉)မှ စစ်သားများသည်  မြစ်ဆုံသွားလမ်း ကျိန်ခရန်၊ မလိဇွတ် ကျေးရွာ လမ်းမတွင် သံဆူးကြိုးကာပြီး နာမည်၊ မှတ်ပုံတင်၊ မော်တော်ဆိုင်ကယ်၊ ကားစသည် တို့ကို စစ်ဆေးမှု ပြုလုပ်နေတယ်။

041710-asia-world-co
ဗုံးပေါက်ကွဲမှုကြောင့် ဖက်ဆီးနေတဲ့ မြစ်ဆုံရေအားလျှပ်စစ်စီမံကိန်း နှစ်ထပ်ရုံး၊ လုန်ဂါဇွပ်။ ဓါတ်ပုံ - ကချင်သတင်းဌာန
“ညပိုင်းဆို ဒီတန်ဖရေးရွာကနေ တခြားရွာအသီးသီး၊ ပတ်ဝန်းကျင်ကရွာတွေမှ တစ်ရွာကို လူ၅ယောက် သွားပြီး စစ်တပ်နဲ့ အတူကင်းစောင့်နေရတယ်။

ဒေသခံနေအိမ်တိုင်းလိုလို စစ်သားတွေတည်းခိုပြီး  စစ်ဆေးမှုပြုလုပ် နေကြတယ်” ဟု  ဒေသခံတစ်ဦးပြောတယ်။

ယခုကဲ့သို့စစ်ဆေးမေးမြန်းမှုများနှင့် လမ်းမပေါ်တွင် သွားလာနေသူများအားဟန့်တား စစ်ဆေးမေးမြန်းမှုများကြောင့် ဒေသခံလူထုများက စိတ်အနှောင့်အယှက်မှုများဖြစ်နေကြတယ်။

ခရစ်ယာန်အသင်းတော်မှ ကောင်မတီ EC အစည်းအဝေးပြုလုပ်မှုတွေကိုလည်း အချိန်ကြာ ထိုင်စည်းဝေးလို့ မရသည့်အပြင် စစ်သားများက ရွားသားများစုစည်းနေသည်ကိုတွေ့လျှင် စစ်ဆေးမေးမြန်းမှုများ ပြုလုပ်လာကြကြောင်း ဒေသခံနှစ်ခြင်းခရစ်ယာန်ဆရာ တစ်ဦးမှ ဆိုလာတယ်။

တစ်ဆက်တည်းမှာပင် မြစ်ကြီးနားမြို့တွင်လည်း ဧည့်စရင်းစစ်နေသလို အိမ်တိုင်း ရပ်ကွက်လူကြီးများနဲ့ ဥက္ကဌများသည်  ကားစရင်းများ၊ ကားနံပါတ်အစရှိသည့် စရင်းများလာရောက်ကောက်ယူနေသည်ကို မြို့ခံတစ်ဦးမှသိရတယ်။

မေခ လိခ မြစ်ဆုံတွင် ရေအားလျှပ်စစ်စီမံကိန်းတည်ဆောက်နေသည်မှာ ၂၀၀၆ ခုနှစ်မှဖြစ်ပြီး တရုတ်အစိုးရပိုင် China Power Investment Corporation  (CPI)၊ မြန်မာနိုင်ငံမှ အေရှားဝေါလ် ကုမ္ပဏီ၊ စစ်အစိုးရ၏ အမှတ်(၁) လျှပ်စစ်စွမ်း အားဝန်ကြီးဌာနတို့မှ မြစ်ဆုံရေကာတာ တည်ဆောက်ရေးစီမံကိန်းကို  အကောင်အထည်ဖော်ဆောင်ရွက် နေခြင်းဖြစ်တယ်။

၎င်းဗုံးပေါက်ကွဲမှုကြောင့် မြစ်ဆုံလမ်းမကြီးဖောက်လုပ်နေသော တရုတ်အလုပ်သမားများနှင့်  မြစ်ဆုံရေကာတာ ဆောက်လုပ်ရေးတွင် လုပ်ကိုင်နေသော တရုတ်အလုပ်သမားများသည် ကြောက်လန့်ပြီး အလုပ်သမားတစ်ချို့ နေရပ်ကို ပြန်သွားကြတယ်။

ဗုံးပေါက်ကွဲပြီး နောက်တစ်နေ့တွင်လည်း မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် စိုးဝင်းမှ သွားရောက်ကြည့်ရှုကာ လုံခြုံးရေးကို ထပ်ဖြည့်ကာ ရေအားလျှပ်စစ် စီမံကိန်းကို ဆက်လုပ်သွားမည် ဖြစ်ကြောင်းပြောကြားခဲ့တယ်။

ပုဏ္ဍားကျွန်း မင်းချောင်းကို ရထားလမ်းအတွက် ပိတ်ဆည်မူကြောင့် ခရီးသွားပြည်သူများ ဒုက္ခရောက်


4/20/2010

ရခိုင်ပြည်နယ်၏ အဓိက အသွားအလာ အများဆုံး ရေလမ်းကြောင်း တည်ရှိရာ ပုဏ္ဍားကျွန်း မင်းချောင်းကို အာဏာပိုင်များက ရထားလမ်း အတွက် ပိတ်ဆို့ ဆည်မူကြောင့် ရခိုင်ပြည်သူများစွာ အခက်ကြုံ တွေ့နေရသည်ဟု ဒေသခံများက ပြောသည်။

အမည်မဖေါ်လိုသူ ဒေသခံ တဦးက “ သူတို့က အဲဒီချောင်းကို ရေဖြူကန် အနီးက ပိတ်ဆို့ ဆည်လိုက်ပါတယ်။ ဒေသခံ ပြည်သူတွေထဲက ဘယ်သူ့ကိုမှ တိုင်ပင်တာ ညှိနိုင်းတာ မလုပ်ဘဲ သူတို့ သဘောနဲ့ သူတို့ ဆည်လိုက် တာပါ။ အဲဒီလို ဆည်တာက ရထားလမ်းအတွက် ဖြစ်ပါတယ်။ အဲဒီ ချောင်းကို ဖြတ်ပီး တံတားထိုးရင် ရပေမယ့် တံတား မထိုးဘဲ ပိတ်ဆည် လိုက်တဲ့ အတွက် ဟိုဘက် ဒီဘက် လှေတွေ၊ မော်တော် ဘုတ်တွေနဲ့ ခရီး သွားလာလို့ မရ ဖြစ်သွားတယ်။ လူထုတွေ တော်တော်ကို ဒုက္ခ ရောက်သွား ကြရပါတယ်” ဟု ပြောသည်။

အဆိုပါ မင်းချောင်းမှာ ပုဏ္ဍားကျွန်းမြို့ အနီးမှ စီးဆင်းနေသော ချောင်းဖြစ်ပြီး ကုလားတန်မြစ်နှင့် မေယု မြစ်အကြား ဆက်သွယ်ထားသော တခုတည်းသော လမ်းပေါက် ဖြစ်ပြီး နာရီ အနည်းငယ် အတွင်း လောင်းလှေများ စက်တပ် လှေများဖြင့် တဘက်နှင့် တဘက်ကို သွားလာနိုင်သော ရေလမ်းကြောင်း တခု ဖြစ်သည်။

“ ဒီလမ်းကြောင်းက အဓိက ဆက်သွယ်ရေး လမ်းကြောင်း တခုဖြစ်ပါတယ်။ မော်တော် စက်လှေတွေနဲ့ လှေ သဗ္ဗာန်တွေ အချိန်အတိုအတွင်း ဖြတ်သန်း သွားလာလို့ ရတဲ့ချောင်း ဖြစ်ပါတယ်။ ဒီကုလားတန်မြစ်ဘက်က လာတဲ့ စက်လှေတွေ၊ သဗ္ဗာန်တွေ၊ လှေတွေ အနေနဲ့ ကုလားတန် မြစ်ဝ - စစ်တွေထိ သွားစရာမလိုဘဲ အဲဒီချောင်းက ဖြတ်သွားရန် ရသေ့တောင် မြို့နယ်ဘက်ကို အချိန်တို အတွင်း ရောက်သွားနိုင်ပါတယ်။ ပုဏ္ဍားကျွန်းက တောဖျားချောင်း ကို သွားချင်တဲ့ စက်လှေတွေ လှေသဗ္ဗာန်တွေ အနေနဲ့လည်း မင်းချောင်းက ဖြတ်ပီး သွားလာရတာပါ။ အခုဆို ရထားလမ်းအတွက်ပိတ်ဆည်ထားတဲ့ အတွက် သွားလာလို့ မရ ဖြစ်သွားပါပြီ။ နအဖ စစ်အစိုးရဆိုတာ တော်တော်ဆိုးတဲ့ အစိုးရ ဖြစ်ပါတယ်။ လူထုတွေ ဒုက္ခရောက်တာကို ဘယ်တော့မှ မစဉ်းစားပါဘူး။ သူတို့ လုပ်ချင်တာကို လုပ်နေတာပါဘဲ” ဟု သူက ပြောသည်။

အမည်မဖေါ်လိုသူ မြို့နယ် အင်ဂျင်နီယာ တဦးအား ချောင်းအား ပိတ်ဆည်ရခြင်း အကြောင်းကို မေးကြည့်ရာ သူက ယခုကဲ့သို့ ပြောသည်။
“အဓိကတော့ စစ်အစိုးရ အနေနဲ့ ရထားလမ်းအတွက် တံတားထိုးရင် ငွေပို ကုန်ကျမယ်။ ရထားလမ်းအတွက် ဘတ်ဂျက်ငွေလည်း စစ်အစိုးမှာ သတ်သတ်မှတ်မှတ် မရှိဘူး။ ခုလို ငွေကုန် မခံလိုတာကြောင့် ချောင်းကို ပိတ်ဆို့ဆည်လိုက်တာ ဖြစ်ပါတယ်။ လူထုတွေရဲ့ ဒုက္ခကို သူတို့ နားလည် သဘောပေါက်တယ်ဆိုရင် ဘယ်ဒီလို လုပ်ပါ့မလဲ။”

ယခုအခါ စက်တပ်လှေများ အပါအ၀င် တခြား လှေသဗ္ဗာန်များ အနေဖြင့် ရသေ့တောင်နှင့် ဘူးသီးတောင်မြို့နယ်ဘက်သို့ သွားလိုလျှင် ကုလားတန် မြစ်ဝထိ ဆင်းလာရပြီး ထိုမှ တဆင့် မင်းဂံချောင်းကို ဖြတ်ပြီး အမြင့်ကျွန်း ပေါက်မှ ထွက်ကာ ခြေတော်ရာမြစ်ကို ဖြတ်ပီး ရသေ့တောင်သို့ သွားလာရသည်ဟု သိရသည်။

“ခုလို မင်းဂံချောင်းက ဖြတ်ပီး သွားလာရတဲ့ အတွက် အနည်းဆုံး အချိန် ၁၀ နာရီခန့် ပိုကြာပြီး စက်သုံးဆီတွေလည်း အရမ်းကုန်ကျ သွားပါတယ်။ လှေငယ်တွေ အနေနဲ့လည်း ကုလားတန် မြစ်ဝထိ ထွက်လာရမယ်ဆိုတာကလည်း အရမ်းကို အန္တရာယ်များတယ်။ ရခိုင်လူထုက အခု အတော့်ကို ဒုက္ခရောက်သွားကြရပါပြီ”ဟု နောက်ထပ် ကုန်သည် တဦးကလည်း ပြောသည်။

ယခုကဲ့သို့ မင်းချောင်းကို ပိတ်ဆို့ ဆည်လိုက်မူကြောင့် များမကြာမှီ ချောင်းမှာ တိမ်ကော သွားနိုင်ပြီး သဘာဝ ပတ်ဝန်းကျင် ထိခိုက်မူများ အကြီး အကျယ် ပေါ်ပေါက်နိုင်ပြီး သာယာလှပသော ဦးရာဇ်တောင် စေတီ ပတ်ဝန်းကျင်ကို အဓိက ထိခိုက်စေနိုင်သည်ဟု ဒေသခံများက ပြောသည်။

အဆိုပါ လမ်းပေါက်ကို ရှေးရခိုင်ဘုရင်များ လက်ထက်ကတည်းက ရခိုင်ပြည်သူများ ခရီး သွားလာရာတွင် လွယ်ကူ ချောမွေ့စွာ သွားလာနိုင်ရန် အတွက် ဖေါက်ထားခဲ့ခြင်း ဖြစ်သဖြင့် မင်းချောင်းဟု အမည်တွင်ကြောင်း ဒေသခံက ပြောသည်။