ကရင်နီပြည်တွင်းမှ IDP ၃၀ကျော် ထိုင်းနိုင်ငံသို့ထပ်မံရောက်ရှိ

ကရင်နီပြည် ရှားတောမြို့နယ်အတွင်းမှ ရွာပုန်းရွာရှောင်IDP ၃၃ ဦးတို့သည် မြန်မာစစ်အစိုးရ တပ်များ၏ ဖိနှိပ်မှုများကြောင့်ဟုဆို၍ ယခုလ ပထမပတ်အတွင်းက ထိုင်း-မြန်မာနယ်စပ် ရှိ ကရင်နီဒုက္ခသည်စခန်းသို့ ထွက်ပြေးရောက်ရှိလာခဲ့ကြသည်။

ရှားတောမြို့နယ် ဒေါတနောင်းနှင့် ဒေါမူးလဲကျေးရွာမှ ယင်းရွာသူရွာသားများသည် ၎င်းတို့ ကျေးရွာအနီးရှိ တပ်စွဲထားသော စစ်အစိုးရတပ်များ၏ တပ်စခန်းအတွက် လုပ်အားပေး စေခိုင်းမှု၊ စစ်ကြောင်း၌ လမ်းပြအဖြစ် အသုံးပြုမှုနှင့် မတရား ဖမ်းဆီးနှိပ်စက်မှုများကြောင့် ထွက်ပြေးလာရခြင်းဖြစ်ကြောင်း ဆိုကြသည်။
ထွက်ပြေးလာသူများအနက် စစ်အစိုးရတပ်များ၏ နှိပ်စက်မှုများအား ခံခဲ့ရသော ရွာသားတဦးက “စစ်တပ်တွေက ကျနော်တို့ကို လုပ်အားခ မပေးပဲ သူတို့အတွက် အလုပ်လုပ်ခိုင်း တယ်။ သူတို့ စစ်ကြောင်းမှာလည်း ကျနော်တို့ကို လမ်းပြအဖြစ် အသုံးပြုခဲ့တယ်။ ကျနော်တို့ကို အရှေ့မှာ အတင်း သွားခိုင်းပြီး အနောက်မှာ သေနတ်နဲ့ ချိန်ထားတယ်။ ဘယ် အချိန်မှာ ဘယ်နေရာမှ သေရမှာလဲဆိုတာ ကျနော်တို့က ကြောက်နေရတယ်။ အဲဒါ နယ်စပ်ကို ထွက်လာဖို့ ဆုံးဖြတ်လိုက်တာ” ဟု ပြောသည်။

စစ်အစိုးရတပ်များသည် ဒေသခံကျေးရွာများထဲသို့ မကြာခဏ ကင်းလှည့်လာလေ့ရှိပြီး ရွာသူရွာသားများအား ကရင်နီတော်လှန်ရေး တပ်ဖွဲ့နှင့် ဆက်သွယ်မှု ပြုလုပ်နေသည်ဟု စွပ်စွဲလေ့ရှိကြောင်း၊ ရွာသူရွာသားများသည် အများအားဖြင့် ဗမာစကား မပေါက်ကြ၍ စစ်အစိုးရတပ်များ၏ စုံစမ်းမေးမြန်းမှုများအား ပြန်လည်ဖြေကြားရာမှာ အခက်အခဲ ရှိနေ ကြောင်း အခြားသော ထွက်ပြေးလာသူ ရွာသားတဦးကလည်း ပြောသည်။

သူက “ကျနော်တို့ ရွာသားတွေက ဗမာစကား မပြောဆိုတတ်ဘူး ပြောမယ်ဆိုရင် နအဖစစ်တပ်တွေက ခင်ဗျားတို့ ဗမာစကား ပြောကို ပြောရမယ်လို့ ကျနော်တို့ကို အတင်းပြော ခိုင်းတယ်” ဟု ပြောပါသည်။

လက်ရှိ ရောက်ရှိလာသော လူသစ်များသည် လောလောဆယ်တွင် ကရင်နီဒုက္ခသည်ကော်မီတီ (ကေအဲန်အာစီ) ၏ ခွင့်ပြုချက်အရ စခန်းအတွင်း၌ နေထိုင်ခွင့် ပေးထားပြီး ထိုင်း-မြန်မာနယ်စပ်တလျှောက် ကူညီ စောင့်ရှောက်ရေး ညွန့်ပေါင်းအသင်း (တီဘီဘီစီ)မှ ထောက်ပံ့ထားသော စားနပ်ရိက္ခာများနှင့်တဆင့် ၎င်းတို့ စားဝတ်နေရေးအတွက် ကူညီပေးနေ သည်ဟု ကေအဲန်အာစီ အတွင်းရေးမှူး နော်ထူးလွဲက ပြောသည်။

ယခုနှစ်အတွင်း ကရင်နီပြည်တွင်းမှ ဒုက္ခသည်စခန်းသို့ ရောက်ရှိလာသော လူသစ်များ၏ လူဦးရေ စာရင်းအရ (၆၀၀) ၀န်းကျင်ခန့် ရှိကြောင်း၊ ၎င်းတို့သည် နိုင်ငံရေး အခြေအနေ ကြောင့် ရောက်ရှိလာခြင်း ဖြစ်သလို အကြောင်းရင်း မရှိဘဲ တတိယနိုင်ငံသို့ ပြန်လည်အခြေချရေး အစီအစဉ်ကို စိတ်ဝင်စား၍ ရောက်ရှိလာသူများလည်း အနည်းကျဉ်းပါဝင်နေ ကြောင်းဆိုသည်။

သို့သော် ယင်းလူသစ်များသည် တရားဝင် ဒုက္ခသည်အဖြစ် လက်ခံသွားခြင်း ရှိ၊မရှိ ဆိုသည်မှာ ကေအဲန်အာစီနှင့် သက်ဆိုင်မှု မရှိကြောင်း၊ ထိုင်းအာဏာပိုင်များနှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (ယူအဲန်အိတ်စီအာ)တို့၏ လက်ထဲတွင်သာ ရှိနေသည်ဟု နော်ထူးလွဲက ပြောသည်။

၎င်းက “တရားဝင် ဒုက္ခသည်အဖြစ်က လက်ခံဖို့ ကျမတို့ ကေအဲန်အာစီက လုပ်ပိုင်ခွင့် မရှိပါဘူး။ အဲဒီ တရားဝင် ဒုက္ခသည်လို့ လက်ခံပိုင်ခွင့် ရှိတာက ထိုင်းအာဏာပိုင်နဲ့ ယူအဲန်အိတ်စီအာ အသိအမှတ်ပြုမှ သူတို့ကို တရားဝင်အဖြစ် ပြောလို့ ရတယ်” ဟု ပြောသည်။

ထိုင်းအာဏာပိုင်များသည် ယခင်ကတည်းက ပြည်တွင်းမှ ဒုက္ခသည်စခန်းသို့ ရောက်ရှိလာသော လူသစ်များအား တရားဝင် ဒုက္ခသည်အဖြစ် လက်ခံရာမှာ အမှန်တကယ် ပြည်တွင်းစစ်၊ တိုက်ပွဲ၊ စစ်ရေး ပဋိပက္ခများကြောင့် မူလနေရပ်၌ နေထိုင်လို့ မရ၍ ထွက်ပြေးလာသူများကိုသာ လက်ခံလေ့ရှိကြောင်း သိရသည်။

ကြံ့ဖွံ့ အမတ်လောင်း သိန်းထောင်ချီ အကုန်အကျခံပြီး မဲဆွယ်

ကြံ့ဖွံ့ ပါတီမှ အမတ်လောင်းအဖြစ် ရာတားခြင်း ခံရသူ ဦးသိန်းမောင်သည် ရသေ့တောင် မြို့နယ်တွင် ငွေကြေး သိန်းပေါင်း မြောက်မြားစွာကို အကုန်အကျခံပြီး ရွှေးကောက်ပွဲ အနိုင်ရရေး အတွက် မဲဆွယ်စည်းရုံးနေကြောင်း သတင်း ရရှိသည်။

ဒေသခံ ပြည်သူများ အပြောအရ လွန်ခဲ့သော ဇန္န၀ါရီလမှ စတင်ပြီး အနည်းဆုံး ကျေးရွာတရွာကို ငွေတသိန်းမှ သိန်း ၅၀ထိ လှူဒါန်း နေကြောင်း သိရသည်။
အမည်မဖေါ်လိုသူ ပညာတတ် လူငယ် တဦးက “သူ အခုလှူဒါန်းနေတာက စာသင်ကျောင်းတွေ၊ ဆေးပေးခန်းတွေနဲ့ ဘုန်းတော်ကြီးကျောင်းတွေ ဆောက်လုပ်တဲ့ နေရာမှာ လှူဒါန်းနေသလို ရေတွင်းရေကန်တွေ တူးဖေါ်တဲ့နေရာတွေမှာလည်း ကျေးရွာတွေ အလိုက် လှူဒါန်းနေတာ ဖြစ်ပါတယ်။ အခု သူလှူဒါန်းနေတဲ့ ငွေတွေကို ပျှမ်းမျှ တွက်ကြည့်ရင် သိန်းထောင်ကျော်နေပြီ ဖြစ်ပါတယ်” ဟု ပြောသည်။

လွန်ခဲ့သော ရက်အနည်းငယ်ကလည်း ကျောက်တန်းကျေးရွာတွင် ဆေးပေးခန်း တခု ဆောက်လုပ်ရေးအတွက် သိန်း ၂၀ လှူဒါန်းခဲ့ပြီး စေတီပြင် ကျေးရွာ မြောက်ပိုင်းတွင် ဆောက်လုပ်နေသည့် မူလတန်းကျောင်းဆောင်သစ် တခုအတွက် သိန်း ၃၀ လှူဒါန်းခဲ့သည်ဟု သိရသည်။

“ဒီလောက်များပြားတဲ့ ငွေတွေကို သူဘယ်ကရသလဲ။ ကြံ့ဖွံ့ ပါတီက ပေးတာလား။ သူကိုယ်ပိုင်ငွေတွေလား။ ဘယ်သူမှ တက်အပ် မပြောနိုင်ဘူး။ သူပြောတာကတော့ သူ့ကိုယ်ပိုင် ငွေတွေဆိုပြီး ပြောပါတယ်။ ဦးသိန်းမောင်ဟာ ယခင်က စက်မူ ၁မှာ ညွန်ကြားရေးမှူး ဖြစ်ခဲ့တယ်လို့ သိရပါတယ်” ဟု သူက ဆက်ပြောသည်။

ဦးသိန်းမောင်မှာ ရသေ့တောင် မြို့နယ်နှင့် နယ်စပ်ချင်းထိစပ်နေသော ဘူးသီးတောင်မြို့နယ် စေတီတောင် ကျေးရွာ ဇာတိ ဖြစ်ပြီး သူ၏ ဖခင်မှာ ဦးစောသာကျော် ဖြစ်သည်။ သူသည် အမှတ် (၁) စက်မူဝန်ကြီးဌာန ၀န်ကြီး ဦးအောင်သောင်း လက်အောက်တွင် အထည်အလိပ် လုပ်ငန်း ညွှန်ကြားရေးမှူး အဖြစ်တာဝန် ထမ်းဆောင်ခဲ့သည်ဟု သိရသည်။

ဦးသိန်းမောင်မှာ ၀န်ကြီး ဦးအောင်သောင်းနှင့် ရင်းနှီးသူ ဖြစ်ပြီး ၀န်ကြီး ဦးအောင်သောင်း၏ ညွှန်ကြားချက်ဖြင့် ရသေ့တောင်မြို့နယ် မဲဆန္ဒနယ်မြေမှ ကြံ့ဖွံ့ ကိုယ်စားလှယ် အဖြစ် ၀င်ရောက် အရွှေးခံရန် ၂၀၁၀ ခုနှစ် ဇန္န၀ါရီလဆန်းပိုင်းကတည်းက ရသေ့တောင်မြို့သို့ရောက်ရှိနေခြင်း ဖြစ်သည်။

တခြား ဒေသခံ တဦးကလည်း “ ဦးသိန်းမောင်က ကျေးရွာတွေ အလိုက် ငွေတွေကို လှူဒါန်းသလို ဆင်းရဲတွေ မိသားစုတွေကိုလည်း အ၀တ်အစားက အစ ဆန်၊ စပါးတွေလည်း ထောက်ပံ့ လှူဒါန်း ပေးပါတယ်။ ကျောင်းသားတွေ အတွက် စာအုပ်ခဲတံတွေက အစ ကူညီပေးပါတယ်။ အဓိကတော့ ရွှေးကောက်ပွဲ ရောက်လာရင် သူ့ကို မဲထည့်ဖို့ အတွက် ပြောဆို စည်းရုံးပါတယ်။ အမတ် မဖြစ်တဲ့ ခါတောင် ဒီလောက် လှူဒါန်းရင် အမတ်ဖြစ်လာရင် ဒီထက် ကူညီ လှူဒါန်းအုံးမယ်လို့လည်း ပြောပါ တယ်” ဟု ပြောသည်။

၎င်းပြင် ဦးသိန်းမောင်သည် ကြံ့ဖွံ့ ပါတီမှ တဆင့် ကျေးရွာများတွင် ပြုလုပ်သော ဘော်လုံးပွဲများနှင့် တခြား ပျော်ပွဲရွှင်ပွဲများကိုလည်း ငွေကြေးများ ထောက်ပံ့ပေးသည်ဟု သိရသည်။

တခြား အရပ်သား တဦးကလည်း “ ဦးသိန်းမောင်က အခု စက်လှေ တစီးပေါ်မှာ အကျီင်္တွေ၊ လုံချည်တွေ၊ ထီး- ဖိနပ်တွေ အပါအ၀င် စားစရာ သောက်စရာတွေကို တင်ပြီး ရွာတိုင်းကို လိုက်လံ လှူဒါန်းနေပါတယ်။ သူခုလို ပိုက်ဆံ အကုန်အကျခံပြီး လိုက်လုပ်နေတဲ့အတွက် သူလာရင် အလှူရလို့ ရွာသားတွေ ကတော့ ၀မ်းသာနေကြပါတယ်” ဟု ပြောသည်။

၎င်းပြင် တခြား ရသေ့တောင်မြို့ခံ တဦးကလည်း “ ဦးသိန်းမောင်ရဲ့ ယခင်မိန်းမက ကရင် အမျိုးသမီး ဖြစ်ပြီး သူကွယ်လွန်သွားတဲ့နောက်ပိုင်းမှာ အခု သူယူထားတာက ဗမာ အမျိုးသမီး ဆိုတော့ ရခိုင်တွေ မဲမထည့်မှာကို စိုးရိမ်ပြီး ရသေ့တောင်မြို့မှာ ကျွန်တော်က ရခိုင်အစစ်မှ ရခိုင်အစစ် ဆိုပီးတော့လည်း မဲဆွယ် စည်းရုံးနေပါတယ်” ဟု ပြောသည်။

ယခုကဲ့သို့ ငွေကြေး အမြောက်အမြား အကုန်အကျခံပြီး မဲဆွယ် စည်းရုံးနေသော်လည်း ရခိုင်ပြည်သူအများစုမှာ နအဖ စစ်အစိုးရ၏ ရခိုင်ပြည်သူများ အပေါ် မတရား ဖိနှိပ်မူကြောင့် အထူး နာကျည်းနေပြီး လွတ်လပ်ပြီး တရားမျှတသော ရွှေးကောက်ပွဲ ဖြစ်ပါက စစ်အစိုးရ ကျော့ထောက် နောက်ခံ ပြုထားသော ဦးသိန်းမောင်တို့ကဲ့သို့ ကြံ့ဖွံ့ပါတီဝင်များ ရခိုင်တွင် မဲ အနိုင်ရချင်မှ ရမည် ဖြစ်ကြောင်း ဒေသခံများက နိရဉ္စရာသို့ ပြောကြားသည်။

မြန်မာနိုင်ငံမှ လျှပ်စစ် မီဂါဝပ် ၇၀၀ ဘင်္ဂလာဒေခ်ျ့ ၀ယ်ယူမည်

ဘင်္ဂလာဒေ့ခ်ျနိုင်ငံသည် သူ့နိုင်ငံ အတွက် အထူးလိုအပ်နေသည့် လျှပ်စစ်မီးကို မြန်မာနိုင်ငံမှ မီဂါဝပ် ၇၀၀ ၀ယ်ယူကာ ဖြည့်ဆည်းသွားမည် ဖြစ်ကြောင်း နာမည်ကြီး ဘင်္ဂလီ သတင်းစာ The Daily Ittefaq ယနေ့တွင် ရေးသားဖော်ပြသည်။

လွန်ခဲ့သော တနင်္ဂနွေနေ့က မြန်မာနိုင်ငံမှ လျှပ်စစ်မီး ၀ယ်ယူရေး ကိစ္စကို ဘင်္ဂလာဒေခ်ျ့ အရာရှိကြီးများက မြန်မာနိုင်ငံမှ လာရောက်သော ကိုယ်စားလှယ်များနှင့် တွေ့ဆုံ ဆွေးနွေးစဉ် ထိုသို့ သဘောတူညီမူ ရရှိခဲ့သည်ဟု သတင်းစာက ရေးသား ဖေါ်ပြသည်။

ဘင်္ဂလာဒေ့ခ်ျနိုင်ငံ ၀န်ကြီးချုပ်အကြံပေးအရာရှိ Dr. Tawfiq-e-Elahi Chowdhury အပါအ၀င် ဘင်္ဂလာဒေခ်ျ့ ကိုယ်စားလှယ် အဖွဲ့သည် မြန်မာနိုင်ငံမှ ဒါတင် Darton Ltd ကုမ္ပဏီ ဒုတိယ အုပ်ချုပ်ရေးမှူး ဟန်ထန်းလီ ခေါင်းဆောင်သည့် အဖွဲ့ဝင် ၆ ဦးတို့ တနင်္ဂနွေ နေ့က တွေ့ဆုံခဲ့ပြီးနောက် အဆိုပါ သတင်း ထွက်ပေါ်လာခြင်း ဖြစ်သည်။

အလားတူ မြန်မာအဖွဲ့သည် တနင်္လာနေ့ကလည်း ဘင်္ဂလာဒေ့ခ်ျနိုင်ငံမှ Power Development Board (PDB)မှ အုပ်ချုပ်ရေးမှုးနှင့် Power Grid Company of Bangladesh (PGCB) ကုမ္ပဏီမှ ညွန်ကြားရေးမှူးနှင့်လည်း တွေ့ ဆုံခဲ့သည်ဟု ပြောသည်။

မြန်မာနိုင်ငံမှ လျှပ်စစ်ကို ဖလောင်းချိတ်ခရိုင် မြောက်ဘက် တက်ကနက်မြို့မှ မြန်မာဘက်သို့ ကီလိုမီတာ ၁၀၀ အတွင်း ဓါတ်အားပေးစက်ရုံတခု ထားရှိပြီး ယင်းစက်ရုံမှတဆင့် ဘင်္ဂလာသို့ရောင်းချရန် မြန်မာဘက်မှ ပြောကြားသည်ဟု သတင်းစာက ရေးသားသည်။

ရခိုင်ပြည်နယ်ရှိ လေးမြို့ချောင်း၊ မအီချောင်းနှင့် စိုင်းတင်ချောင်းမှ ရေအား လျှပ်စစ် မီကာဝပ် ၈၀၀ ထုပ်လုပ်နိုင် မည်ဖြစ်ပြီး အဆိုပါ ၈၀၀ ထဲမှ ၇၀၀ ကို ဘင်္ဂလာဒေခ်ျ့မှ ၀ယ်ယူမည်ဟု အဆိုပါ သတင်းစာမှ ဖော်ပြသည်။

ယခု အစီအစဉ်မှာ ၂၀၀၇ ခုနှစ်က မြန်မာနိုင်ငံမှ လျှပ်စစ်ဓါတ်အား ၀ယ်ယူရန် ဘင်္ဂလာဒျေ့် အစိုးရမှ စီစဉ်ခဲ့ပြီး နောက်ပိုင်း ပေါ်ထွက်လာသော သဘောတူညီမူ ဖြစ်သည်။

ဘင်္ဂလာဒေခ်ျ့နိုင်ငံသည် ယခုအခါ လျှပ်စစ် ဓါတ်အား ထုတ်လုပ်ရန် ရုရှား အကူ အညီဖြင့် နျူးကလီယားသုံး ဓါတ်ပေါင်းဖိုများ နိုင်ငံအတွင်းတွင် တည်ဆောက်ရန် စီစဉ်နေပြီး လွန်ခဲ့သော အပတ်ကလည်း အိန္ဒိယ ထရိပူရပြည်နယ်မှ လျှပ်စစ်ဓါတ်အား ၀ယ်ယူရန်လည်း အိန္ဒိယနှင့် သဘောတူ လက်မှတ် ရေးထိုးခဲ့သည်။

USDP မက်လုံးပေး စည်းရုံး

လက်ရှိ တာဝန် ထမ်းဆောင် နေဆဲ ဝန်ကြီးများ ပါဝင်ဖွဲ့စည်း ထားသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) သည် ပြည်နယ်နှင့် တိုင်းတချို့၌ ဒေသခံ အာဏာပိုင်များ၏ သြဇာသုံးပြီး မက်လုံးပေး၍ ပါတီဝင် စည်းရုံးမှုများ ပြုလုပ်နေကြောင်း သိရသည်။

ဝန်ကြီးချုပ် ဦးသိန်းစိန် (ဓာတ်ပုံ - Reuters)

ရှမ်းပြည် မြောက်ပိုင်း၊ တနင်္သာရီ တိုင်းနှင့် မကွေးတိုင်းတို့ အတွင်းရှိ မြို့နယ်များ၊ ကျေးရွာများတွင် ယင်းသို့ ပါတီဝင် စည်းရုံးမှုများ ပြုလုပ်နေခြင်း ဖြစ်ကြောင်း ဒေသခံများက ပြောသည်။

USDP သည် စည်းရုံးရေးကို ကျေးရွာ လူကြီးများမှ တဆင့် လုပ်ဆောင်ခဲ့ ကြသည်ဟု သိရသည်။ ပါတီဝင် အဖြစ် အသိမှတ် ပြုခံရပြီး ပါတီဝင် သက်သေခံကတ် ရရှိပါက ခရီးသွားလာမှုများ ပိုမို လွယ်ကူမည် ဖြစ်ကြောင်း၊ ပါတီဝင် သက်သေခံ ကတ်သည် နိုင်ငံသား စိစစ်ရေး ကတ်နှင့် မကွာ ခြားကြောင်း ရွာသူ ရွာသားများကို ပြောဆို စည်းရုံးခဲ့သည်ဟု ရှမ်းပြည် မြောက်ပိုင်း ဒေသခံများက ပြောသည်။
ရှမ်းပြည်မြောက်ပိုင်း နမ့်ခမ်းမြို့နယ်မှ ကျေးရွာသူ တဦးက“သူတို့ လျှောက်လွှာတွေ လာပေးတုန်းက ကျမ အိမ်မှာ မရှိ ဘူး၊ မနေ့က အိမ်ကိုပြန်ရောက်တော့ အိမ်ကလူတွေက သူတို့အဖွဲ့ထဲ ဝင်စေချင်နေတယ်၊ ပိုပြီးမှ သွားရလာရတာ လွယ်အောင်လို့ ဆိုပြီး ပြောကြတယ်”ဟု ဆိုသည်။

နမ့်ခမ်းမြို့နယ်မှ မန်စက်ရွာသူတဦးကလည်း“ကျမတို့ ကျေးရွာအုပ်စုမှာ မန်စက်၊ မန်ကောင်း၊ မန်ကန် နှင့် အွယ်လော ရွာတွေ ပါပါတယ်။ လျှောက်လွှာတွေကိုတော့ အရင်တပတ်ကတည်းက ယူလာပြီး ဖြည့်ခိုင်း ထားပါတယ်။ မနေ့က တော့ ဖြည့်ထားတဲ့ လျှောက်လွှာတွေကို ပြန်လာယူပြီး သူတို့အဖွဲ့ထဲ ဝင်မယ့်သူတွေကို ဓာတ်ပုံရိုက် သွားပါတယ်”ဟု ဧရာဝတီသို့ ပြောသည်။

မန်စက်ရွာတွင် လူဦးရေ ၂၀၀ ခန့်ရှိပြီး ကျန်ရွာ သုံးရွာတွင် အနည်းဆုံး ၁၅၀ ခန့်စီ ရှိကြောင်း သိရသည်။

USDP သည် မကွေးတိုင်းနှင့် တနင်္သာရီတိုင်းတို့တွင်လည်း ပါတီဝင်များ စည်းရုံးခြင်းကို လုပ်ဆောင်နေကြောင်း သိရ သည်။

မကွေးတိုင်းရှိ ရေနံချောင်းမြို့နယ်အတွင်း ကျေးရွာအုပ်စုများတွင်လည်း USDP မှ အလားတူ စည်းရုံးမှုများ ရှိနေ ကြောင်း ဒေသခံများက ပြောသည်။

“အဖွဲ့ဝင်မယ့်သူတွေဆီကနေ ဝင်ကြေး ကျပ် တထောင်၊ ဓာတ်ပုံဖိုး ငါးရာ ယူပြီးမှ အဖွဲ့ဝင်အဖြစ် စုဆောင်းနေပါတယ်” ဟု ရေနံချောင်းမှ ဒေသခံ တဦးက ဆိုသည်။

USDP မှ ထိပ်ပိုင်းခေါင်းဆောင် တဦးဖြစ်သော စီးပွားရေးနှင့် ကူးသန်းရောင်းဝယ်ရေး ဝန်ကြီး ဦးတင်နိုင်သိန်းသည် လည်း တနင်္သာရီတိုင်း မြိတ်မြို့နယ်ဘက်သို့ ကိုယ်တိုင် စည်းရုံးရေးဆင်းခဲ့သည်ဟု ဒေသခံများက ပြောသည်။

USDP ပါတီဝင် ဖြစ်လာပါက ငွေထုတ်ချေးမည်။ မှတ်ပုံတင် မရှိသူများအတွက် ခရီးသွားလာရေး လွယ်ကူစေမည် စသည်ဖြင့် ပြောဆိုပြီး စည်းရုံးကြောင်း၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း(ကြံ့ဖွံ့) ကျေးရွာ စည်းရုံးရေးမှူး များသည်လည်း ပါတီ စည်းရုံးရေးမှူးများအဖြစ် ပြောင်းလိုက်ကြကြောင်း သိရသည်။

ပါတီဝင်များ စည်းရုံးရာတွင် ထိုကဲ့သို့ ကျေးရွာ အာဏာပိုင်များ၏ သြဇာကိုအသုံးပြုခြင်းသည် ရွေးကောက်ပွဲ ဥပဒေ များနှင့် ညီညွတ်မှုမရှိကြောင်း ဥပဒေ အတိုင်ပင်ခံ ဦးအောင်သိန်းက ဧရာဝတီသို့ပြောသည်။

“ဒီလိုမျိုး သူကြီးတွေ၊ ရွာ အာဏာပိုင်တွေကို ပါတီဝင် စည်းရုံးတဲ့ နေရာမှာ သုံးတယ်ဆိုတာကို မလျော်သြဇာ သုံးတယ် လို့ ခေါ်ပါတယ်။ ဒါပေမယ့် သူတို့တွေက အာဏာရပါတီ ပုံစံပေါက်နေတော့လည်း ဘယ်သူမှ မပြောသာဘူးပေါ့”ဟု ဦးအောင်သိန်းက ဆိုသည်။

ပါတီဝင် သက်သေခံကတ်များကို နိုင်ငံသား မှတ်ပုံတင်သဖွယ် အသုံးပြုနိုင်ကြောင်း ပြော၍ စည်းရုံးခြင်းသည် မြို့နယ် နှင့် ရွာများမှ မှတ်ပုံတင်မရှိသူများကို မက်လုံးပေးခြင်းသာဖြစ်ကြောင်း ဦးအောင်သိန်းက ပြောသည်။

USDP သည် နိုင်ငံတော်ဝန်ကြီးချုပ် ဗိုလ်ချုပ်ကြီးဟောင်း ဦးသိန်းစိန် ဦးဆောင်သည့် နိုင်ငံရေးပါတီတခုဖြစ်သည်။ USDP ကို ဧပြီလ ၂၉ ရက်နေ့က ရွေးကောက်ပွဲကော်မရှင်တွင် မှတ်ပုံတင်ခွင့် လျှောက်ထားခဲ့ပြီး မေလ ၄ ရက်နေ့တွင် ရွေးကောက်ပွဲ ကော်မရှင်က နိုင်ငံရေးပါတီအဖြစ် လျှောက်ထားရန် ခွင့်ပြုခဲ့သည်။

USDP သည် ကြံ့ဖွံ့အသင်းကြီး၏ အမွေခံပါတီ ဖြစ်ပြီး၊ ပါတီဝင်ဝန်ကြီးများသည် အစိုးဝန်ထမ်းမဟုတ်သော နိုင်ငံရေး တာဝန်များ ဖြစ်သည်ဟု ကြံ့ဖွံ့ အတွင်းရေမှူး ဦးဌေးဦးက မေလ ၁၂ ရက်နေ့တွင် မစ္စတာ ကာ့တ် ကမ်းဘဲလ်နှင့် တွေ့ ဆုံရာ၌ ပြောခဲ့သည်။

အပစ်ရပ် SSA တပ်မဟာ ၁ အားပြည်သူ့စစ်မလုပ်ရန် ပလောင်အမျိုးသားများ တောင်းဆို

နအဖ၏ ပြည်သူ့စစ်အသွင်ကူးပြောင်းရေးဖိအားပေးမှုကို လက်မခံရန် ဒေသခံပလောင်လူမျိုးများက အပစ်ရပ် သျှမ်းပြည်တပ်မတော် တပ်မဟာ ၁ ဗိုလ်ချုပ်ပန်ဖှထံ တောင်းဆိုသည်ဟု စုံစမ်းသိရှိရသည်။

“ပလောင်ကျေးရွာခေါင်းဆောင်တွေ ရောက်လာပြီး ဗိုလ်ချုပ်ပန်ဖှကို တွေ့ဆုံကန်တော့ကြတယ်။ ပြီးတော့သူတို့ရဲ့ တကယ့်စိတ်ရင်းဆန္ဒကိုပြောတယ်” ဟု တပ်မဟာ ၁ အရာရှိအသိုင်းအ၀ိုင်းနှင့်နီးစပ်သူ ဒေသခံတစ်ဦးကပြောသည်။

ပလောင်လူမျိုး photo: taunggyicherryland.com

အပစ်ရပ် SSA တပ်မဟာ ၁ ထိန်းချုပ်နယ်မြေအတွင်းမှီတင်းနေထိုင်ကြသည့် ပလောင်ကျေးရွာများမှ ကျေးရွာအကြီးအကဲများက တပ်မဟာ ၁ ဌါနချုပ်သို့ ခြေလျင်ဖြင့်ရောက်သွားကြပြီး ဗိုလ်ချုပ်ပန်ဖှအား မေ ၂၃ ရက်၌ တွေ့ခွင့် တောင်း၍ကန်တော့ခဲ့ကြသည်။

ဗိုလ်ချုပ်ပန်ဖှအားကန်တော့ပြီးနောက် ထမင်းလက်ဆုံစားကြရာ ပလောင် လူမျိုးရပ်ရွာအကြီးအကဲများက ဗိုလ်ချုပ်ပန်ဖှအား ဗမာစစ်တပ် လက်အောက်ခံ ပြည်သူ့စစ်မလုပ်ရန် ဤကဲ့သို့ တောင်းဆိုပန်ကြားခဲ့ သည်ဟုဆို၏။

“နအဖ နားချသိမ်းသွင်းစည်းရုံးနေတဲ့ ပြည်သူ့စစ်အသွင်ကူပြောင်းရေးကိစ္စကို လက်မခံပါနဲ့။ တကယ်လို့ လက်ခံ လိုက်မယ်ဆိုရင်ကျနော်တို့ပလောင် လူမျိုးတွေ အားကိုးရာမဲ့ဖြစ်သွားမယ်။ ဒေသခံပြည်သူလူထုလည်း ပိုပြီးဒုက္ခ ရောက်သွားနိုင်တယ်။”

ဗိုလ်ချုပ်ပန်ဖှက “ခင်ဗျားတို့ စိတ်မပူပါနဲ့။ ကျနော်တို့ ပြည်သူလူထုဖက်၊ ခင်ဗျား တို့ဖက်မှာ အမြဲတမ်းရပ်တည်နေ မှာပါ”ဟု ပြန်လည်ဖြေကြားခဲ့ကြောင်း နီးစပ်သည့် အသိုင်းအ၀ိုင်းကပြောပါသည်။

ဗိုလ်ချုပ်ပန်ဖှ photo: SHAN

မေ ၂၅ ရက် နံနက် ၉ နာရီ တပ်မဟာ ၁ ဌါနချုပ်တွင် ဗိုလ်ချုပ်ပန်ဖှက ဒုတပ်ရင်းမှူးအထက် အရာရှိများ အားခေါ်ယူ၍အခြေအနေရှင်းလင်းပွဲ တစ်ရပ်ပြုလုပ်ခဲ့သည်ဟုလည်း စုံစမ်း သိရှိရသည်။

လက်ရှိအခြေအနေကို ရှင်းလင်းတင်ပြရာ၌ နအဖတပ်နှင့် ပုံမှန်ဆက်ဆံမှု မရှိတော့သည့် ငြိမ်သက်နေသော အနေအထားအပေါ်တွေဝေမှိန်းမော သတိ ပေါ့လျော့လေ့ရှိကြောင်း၊ ပိုမိုစိုးရိမ်ရသောယခုအခြေအနေကြောင့် သတိ ၀ိရိယကြီးစွာထားသင့်ကြောင်း ပြောကြားခဲ့သည်ဟုဆို၏။

ယခုပြုလုပ်သော ရှင်းလင်းဆွေးနွေးပွဲမှာ ယခင်အစည်းအဝေးကဲ့သို့ များသော အားဖြင့်နားထောင်ခြင်းမျိုးမဟုတ်ပဲ မည်သူမဆို ကိုယ့်ထင်မြင်ယူဆချက်၊ အကြံပြုချက်များကို ရဲရဲရင့်ရင့်ဆွေးနွေးတင်ပြကြရန် တိုက်တွန်းကြောင်း သိရှိရသည်။

မေလ ၂၁ ရက်နေ့တွင် ကျရောက်သော သျှမ်းပြည်အမျိုးသားတော်လှန်ရေးနေ့၌ တပ်မဟာ ၁ ဌါနချုပ်တွင် ပြုလုပ်ကျင်းပခဲ့သော်လည်း ဌာနေပြည်သူ့စစ်အဖြစ်လက်ခံသည့် ဦးလွယ်မောဝ် ဦးဆောင်သော စိန်ကျော့ဌါနချုပ် တွင်မူ ယခင်နှစ်များကဲ့သို့ ကျင်းပခြင်းမရှိ တော့ဟုဆိုသည်။

တရုတ်နယ်စပ်တွင် သံဃာတုများ တွေ့ရ

သျှမ်းပြည် (မြောက်ပိုင်း) မူစယ်မြို့ တစ်ဘက်ကမ်းရှိ တရုတ်နယ်စပ်မြို့များတွင် ဗုဒ္ဓဘာသာသံဃာ အတုဟုယူဆရသူ မြန်မာဘုန်ကြီးအချို့ကို ယခုရက်ပိုင်း အတွေ့များလာကြောင်း တရုတ်နယ်စပ်နေ မြန်မာများထံမှ တဆင့်သိရသည်။
အဆိုပါ သံဃာအတုများသည် ၀ထ္ထုပစ္စည်းရရှိရန် တရုတ်ဘက်ခြမ်း ရွှေလီ ကျယ်ဂေါင်မြို့များအတွင်း လှည့်လည် အလှူခံ နေပြီး ဗုဒ္ဓဘာသာ ၀ိနည်းများနှင့် မလျော်ညီသည့် ညစာစားခြင်း အရက်သောက်ခြင်း ကဲ့သို့သော အပြုအမူများ ကျူးလွန် ကြောင်း ဒေသခံများက သျှမ်းသံတော်ဆင့်သို့ပြောသည်။

“ထမင်းဆိုင်မှာ ညစာစားတဲ့ ဘုန်းကြီးနှစ်ပါး အမြဲတွေ့ရတယ်၊ အရက်လည်း သောက်တယ် သူတို့ဘေးဝိုင်းမှာ ထိုင်တဲ့ သူတွေက ဘာဘုန်းကြီးတွေလဲလို့မေးတော့ ဘုန်းကြီးတစ်ဦးက သူသောက်တဲ့ အရက်ပုလင်းကိုင်ပြီး မေးလာတဲ့စားပွဲ ဆီဝိုင်းကို ခပ်တည်တည်နဲ့သွားထိုင်တယ်” - ဟု ရွှေလီမြို့နေ မြန်မာတစ်ဦးကဆိုသည်။
မူစယ်မြို့ကပ်လျက်ရှိသည့် ကျယ်ဂေါင်မြို့တွင်လည်း ဗုဒ္ဓဘာသာ ၀ိနည်းတော်ချိုးဖေါက်သည့် သံဃာအတုများတွေ့ နေရကြောင်း သိရသည်။


“သံဃာအတုတွေလေ၊ နိုင်ငံ လူမျိုးနဲ့ သာသနာအတွက် မကောင်းဘူးပေါ့၊ ငါးတကောင်နှစ်ကောင်ကြောင့် တလှေ လုံးပုပ်မှာ စိုးရိမ်တယ်ဗျာ။ သူတို့က ညစာစားတယ် ဓါးကိုင်တယ် ဒီကျယ်ဂေါင်မှာ အနည်းဆုံး ၃ ပါးလောက် တွေ့ရတယ်။ ဥပဓိရုပ်တွေက ဘယ်လိုမှ သံဃာပုံမှမပေါက်တာ။ ဓါးကိုင်ထားတော့ လူမိုက်ပုံနဲ့ကွိုင်ပြန်ရှာသေးတယ်” ဟု ကျယ်ဂေါင်ဒေသခံတစ်ဦးကလည်း ပြောသည်။

ယခင်က တရုတ်နယ်စပ်တွင် မူစယ်ဘက်မှလာသည့် မြန်မာသီလရှင်အချို့ကိုသာ မြင်တွေ့ရလေ့ရှိသော်လည်း ယခုအခါ ဘုန်ကြီးအတုများကိုပါ တွေ့လာရခြင်း ဖြစ်သည်။

တရုတ်နယ်စပ်တွင် သံဃာအယောင်ဆောင် ငွေတောင်းသူများပြားလာခြင်းသည် မြန်မာနိုင်ငံအတွင်း စီးပွားရေးကြပ် တည်းလာမှုကြောင့် ဖြစ်ကြောင်း ဒေသခံများက ယူဆကြသည်။

ရန်ပုံငွေဟု အကြောင်းပြကာ ကြံ့ဖွတ်များ ငွေတောင်းခံနေ

ကရင်ပြည်နယ်၊ မြဝတီမြို့ရှိ ကြံ့ခိုင်ရေးအသင်းက ယခုနှစ်ဆန်းပိုင်းမှစပြီး ကြံခင်းရပ်ကွက်ရှိ လှေဂိတ်တွင် ရန်ပုံငွေအတွက်ဟု အမည်ခံပြီး ငွေတောင်းခံနေသည်။

အဆိုပါဂိတ်တွင် စုစုပေါင်းလှေ ၂၄ စီး ပြေးဆွဲနေပြီး အလှည့်ကျစနစ်ဖြင့် တစ်ရက်လျှင် ၄ စီး ပြေးခွင့်ပြုကာ နှစ်ရက်တခါ ငွေစုပြီး ခွဲဝေယူကြသည်ဟု ဂိတ်နှင့် နီစပ်သူတစ်ဦးက ပြောသည်။

“ပြေးဆွဲတဲ့ လှေတွေကို နှစ်ရက်တခါ ငွေစုတယ်၊ ရတဲ့ငွေအပေါ်မူတည်ပြီးတော့ ၈ ပုံ ပုံတယ်၊ လှေ ၈ စီးဆိုတော့ တယောက်တပုံပေါ့၊ ဒါပေမဲ့ အခုက ကြံ့ဖွတ်ရန်ပုံငွေဆိုပြီးတော့ သက်သက်တပုံဝင်ယူလိုက်တယ်၊ အဲဒီတော့ ၉ ပုံ ပုံရတယ်၊ လှေ ၈ စီးက ဆွဲလို့ရလာတဲ့ ပိုက်ဆံကို ၉ ပုံ ပုံရတယ်၊ သက်သက် ငွေဝင်ယူလိုက်တာပဲ”ဟု ၄င်းက ပြောသည်။

၎င်းအပြင် ထိုလှေဂိတ်မှာလည်း ကြံ့ခိုင်ရေးအသင်းအမည်ခံပြီး မဲဆောက်တစ်ဘက်ကမ်းမှ ဝင်လာသည့် ပစ္စည်းအပေါ်မူတည်ပြီး ရလာသည့်ငွေပမာဏမှ ၂၀ ရာခိုင်းနှုန်း ကောက်ယူနေသည်ဟု ထိုဂိတ်ရှိ လှေသမားနှင့် နီးစပ်သူတစ်ဦးက ပြောသည်။

“အဲဒီလှေဂိတ်မှာ ကြံ့ဖွတ်က လူတွေ လွှတ်ထားတာရှိတယ်၊ သူတို့လူယုံပေါ့ ရောက်သမျှပစ္စည်းတွေ ဆွဲသမျှလှေတွေ သူတို့ အကုန်သိတော့ ပိုက်ဆံတောင်းတယ်” ဟု ၄င်းက ပြောသည်။

လှေသမားတို့သည် ခရီးသည်များကို မြဝတီတစ်ဘက်ကမ်းမှ မဲဆောက်တစ်ဘက်ကမ်းသို့ လက်မှတ်တစုံတရာမလိုဘဲ လွယ်ကူချောမွေ့စွာ သွားလာနိုင်ရန် သက်ဆိုင်ရာအာဏာပိုင်တို့မှ အခွန်ဆောင်ထားပြီးဖြစ်သည်။

နှစ်ဆန်းပိုင်းမှစပြီး၊ မြဝတီမြို့ပေါ်ရှိ ကြံ့ဖွတ်အဖွဲ့ဝင်များသည် ရန်ပုံငွေဆိုပြီး မြဝတီမှ လိုင်ပြေးဆွဲနေသည့် အငှားဆိုင်ကယ်များကိုလည်း အင်္ကျီထုတ်ထားသေးသည်ဟု မြဝတီဒေသခံတို့က ပြောသည်။

“အင်္ကျီတစ်ထည်ကို ၁၂၀၀၀ ကျပ် ပေးရတယ်၊ ဒီလိုမျိုးလုပ်တာ ဒါပထမဆုံးအကြိမ်ပဲ ဖြစ်တယ်၊ အရင်ကဆို စစ်မှုထမ်းဟောင်းအသင်းပဲရှိတယ်၊ အခုဆို ကြံ့ဖွတ်အသင်း တွေရှိလာနေပြီ” ဟု ၄င်းက ပြောသည်။

World vision မှ စာသင်ကျောင်းအသစ် တည်ဆောက်ပေးနေ

World vision မှ ပငကျေးရွာတွင် ပျက်စီးနေသော မူလတန်း စာသင်ကျောင်းကို မုန်တိုင်ခံ ကွန်ကရစ်ကျောင်းအဖြစ် တာဝန်ယူ တည်ဆောက်ပေးနေသည်။

မွန်ပြည်နယ်၊ သံဖြူဇရပ်မြို့နယ်၊ ပငကျေးရွာ အနောက်ရပ်ရှိ ပျက်စီးနေသော မူလတန်းကျောင်ဆောင်ကို ပြည်တွင်းအခြေစိုက် NGO အဖွဲ့တစ်ဖွဲ့ဖြစ်သည့် World vision မှ မေလ ၂၀ ရက်နေ့မှစပြီး၊ တစ်လအတွင်း အပြီးသတ် တည်ဆောက်ပေးမည်ဟု သိရသည်။
အစိုးရမှ ထောက်ပံ့မှု အားနည်းနေခြင်းနှင့် ကျေးရွာအဖွဲ့အစည်းမှ ပြန်လည်တည်ဆောက်ရန် ပံ့ပိုးမှု အခက်အခဲဖြစ်နေခြင်းကြောင့် ၄င်း World Vision အဖွဲ့မှ ငွေကျပ် သိန်း ၃၀၀ အကုန်ကျခံကာ တည်ဆောက်ပေးသွားမည်ဟု ၄င်းအဖွဲ့မှ ဖွံ့ဖြိုးရေးတာဝန်ခံတစ်ဦးက ပြောသည်။

“ကျောင်းကတော့ အစိုးရကျောင်းပဲ၊ ဒါပေမဲ့ အားလုံးတော့ သူတို့မပံ့ပို့ပေးဘူး၊ အခုဆို ပညာရေးဌာနကနေ ၃၀ ရာခိုင်နှုန်း ထောက်ပံ့ပေးတယ်၊ ကျောင်းသားမိဘတွေအနေနဲ့ကတော့ လုပ်အားအနေနဲ့ပဲ ပါဝင်ကူညီမှာဖြစ်တယ်” ဟု ၄င်းတာဝန်ခံက ပြောသည်။

သို့သော်လည်း ရွာခံနှင့် ဆရာ ဆရာမတို့ဦးဆောင်ပြီး ရွာအတွင်း ထိုကျောင်းဆောင်အတွက် လှည့်လည် အလှုခံထွက်နေသည်ဟု ပငရွာသားတစ်ဦးက ပြောသည်။

“အဲဒီကျောင်းက ပျက်စီးနေတာ တော်တော်ကြာနေပြီး၊ အခုမှပဲ အသစ်ပြန်ဆောက်ဖြစ်တာ၊ တအိမ်ဘယ်လောက် ထည့်ရမယ်ဆိုပြီး မတောင်းပါဘူး၊ ဒါပေမဲ့ စေတနာရှိသလောက်တော့ ထည့်လို့ရတယ်” ဟု ၄င်းရွာသားက ဆက်ပြောသည်။

ပငကျေးရွာတွင် အထက်တန်းကျောင်း ၁ ကျောင်း၊ အလယ်တန်းကျောင်း ၁ ကျောင်းနှင့် မူလတန်းကျောင်း ၅ ကျောင်းရှိပြီး၊ ၄င်းပြန်လည်တည်ဆောက်မည့် မူလတန်းကျောင်းတွင် ကျောင်းသားဦးရေ ၁၂၀ ပညာသင်ယူနေသည်။

“အခုလို တည်ဆောက်ပေးတာတော့ အရမ်းကောင်းပါတယ်၊ အဲဒီကျောင်းကလည်း ပျက်စီးနေတာတော်တော်ကြာနေပြီး” ဟု ထိုင်းနိုင်ငံရောက် ပငရွာခံ တစ်ဦးက ပြောသည်။

World vision အဖွဲ့သည် အစိုးရမဟုတ်သော (NGOs) အဖွဲ့ဖြစ်ပြီး၊ ကျန်းမာရေ၊ ပညာရေးအစရှိသည့် ထောက်ပံ့မှုများကို အစိုးရနှင့် ပူးပေါင်းပြီး၊ ပြည်တွင်း၌ ကူညီထောက်ပံ့ပေးနေသည့် အဖွဲ့အစည်းတစ်ခု ဖြစ်သည်။

ထိုမျှမက ပြီးခဲ့သည့် လအနည်းငယ်ကလည်း သံဖြူဇရပ်မြို့နယ် ကလိုင်ပဒေါကျေးရွာ မူလတန်းကျောင်းကိုလည်း ၄င်း World vision အဖွဲ့မှ ငွေကျပ် သိန်း ၂၀၀ အကုန်ကျခံပြီး ဆောက်လုပ်လှူဒါန်းပေးခဲ့သည်။

ပငကျေးရွာသည် မွန်ပြည်နယ်အတွင်း အိမ်သုံးဆား အများဆုံးထွက်ရှိရာ ကျေးရွာအဖြစ် လူသိများခဲ့သည်။

လယ်သမားများအတွက် ချေးငွေ ယခင်နှစ်ထက်တိုးချေးပေး

ယခုနှစ်အတွင်း စပါးစိုက်တောင်သူများအတွက် မြန်မာ့လယ်ယာစိုက်ပျိုးရေးဘဏ်မှ ချေးငွေကို ယခင်နှစ်ကထက် တစ်ဆတိုးချေးပေးသည်ဟု မုဒုံမြို့နယ်အတွင်းရှိ လယ်သမားတို့က ပြောသည်။

ထိုချေးငွေကို ယမန်နှစ်က တစ်ဧကလျှင်တစ်သောင်းနှုန်းဖြင့် မြန်မာ့လယ်ယာစိုက်ပျိုးရေးဘဏ်မှ အတိုး ၃ ကျပ် နှုန်းဖြင့် ချေးပေးပြီး၊ ယခုနှစ်မှာ တစ်ဧက နှစ်သောင်း အတိုး ၂ ကျပ် ပြား ၇၀ ဖြင့် ချေးပေးသည်။
“ဒီနှစ်မှာ တစ်ဧက တစ်သောင်းတိုးချေးပေးတယ်၊ ချေးငွေယူတဲ့လူတွေက ရယကရုံးမှာ စာရင်းသွားသွင်းရတယ်၊ ပြီးရင် ဥက္ကဌကနေ မုဒုံက လယ်ယာစိုက်ပျိုးရေးဘဏ်မှာ ထုတ်လာပေးမယ်၊ လယ်သမားတွေက ရယကရုံးမှာ သွားယူရတယ်” ဟု မုဒုံမြို့နယ်အတွင်းရှိ ချေးငွေယူထားသည့် လယ်သမားတစ်ဦးက ပြောသည်။

လယ်သမားများအတွက် အစိုးရချေးငွေကို မေလမှစပြီး ချေးငွေလိုသူများ မြန်မာ့လယ်ယာစိုက်ပျိုးရေးဘဏ်မှ မြို့နယ်တိုင်းမှာ စတင်ချေးပေးနေသည်။

“ဒီနှစ်မှာတော့ ချေးတဲ့လူတွေ တော်တော်များတယ်၊ ဘာဖြစ်လို့လဲဆိုတော့ ပြီးခဲ့တဲ့နှစ် စပါးအထွက်လျော့ထားတာကြောင့် ဒီနှစ်စိုက်စရိတ်အတွက် လယ်သမားတိုင်းလိုလိုက အခတ်အခဲဖြစ်ကြတယ်၊ မချေးတဲ့လယ်သမားတွေ အနည်းအကျဉ်းပဲရှိတယ်၊ ပိုက်ဆံရှိတဲ့လူတွေပဲ မယူတာလေ၊ ကျနော်ဆို ခါတိုင်းနှစ်မချေးပါဘူး၊ ဒီနှစ်မှ ကိုယ့်မှာ ရစရာမရှိလို့ ချေးရတာပါ၊ အပိုလည်းချေးပေးတယ်ဆိုတော့” ဟု ၄င်းက ပြောသည်။

မုဒုံမြို့နယ်အတွင်းရှိ ရယကဥက္ကဌတစ်ဦးက ယခုလောလောဆယ်မှာတော့ ကျနော်တို့ရွာမှာ ၁၈ သိန်းချေးယူထားပြီးဖြစ်သည်။ နောက်ထပ် ချေးချင်သည့်လယ်သမားများလည်း ရှိသေးကြောင်း သူက ပြောသည်။

“အစိုးရ ချေးပေးတဲ့ငွေက အနည်းအကျဉ်းပဲလေ တချို့ပိုက်ဆံရှိတွေကျတော့ သူတို့ အရူပ်မခံဘူး ယူလည်းမယူဘူး၊ ဒါပေမယ့် ဒီနှစ်ကျတော့ မနှစ်က စပါးအထွက်လျော့ထားတဲ့အတွက် ချေးငွေယူကြတာများတယ်၊ သူတို့ ချေးပေးတဲ့ငွေက မလောက်မငှပါပဲ၊ ဒါပေမယ့် မရှိတာနဲ့စာရင်တော့ နည်းနည်းရတာလဲ နည်းနည်းတော့ အဆင်ပြေသွားမှာဆိုပြီး ချေးကြတယ်” ဟု အထက်ပါ လယ်သမားက ပြောသည်။

ယခုလို လယ်သမားများအတွက် အစိုးရချေးငွေတိုးပေးမှုအပေါ် တချို့က စစ်အစိုးရမှ ဒေသခံများကို ရွေးကောက်ပွဲအတွက် ပြည်သူများ စစ်အစိုးရအပေါ် အမြင်ကောင်းများရှိလာစေရန် ဒေသခံပြင်သူတွေကို စည်းရုံးနည်းတမျိုးပဲဟု ပြောဆိုနေကြသည်။

မြန်မာ့လယ်ယာစိုက်ပျိုးရေးဘဏ်မှ တောင်သူလယ်သမားများအတွက် ချေးပေးထားသည့် ချေးငွေများကို စပါးရိတ်သိမ်းပြီးချိန်တွင် တောင်သူလယ်သမားတို့က အတိုးရော အရင်းပါ ပြန်ဆပ်ပေးရသည်။

ကဗျာဆရာစောဝေ လွတ်ပြီ

ဗိုလ်ချုပ်မှူးကြီး သန်းရွှေကို အာဏာရူးကြီးဟု ဝေဖန် ရေးသားမှုကြောင့် ထောင်ဒဏ် ၂ နှစ် ကျခံနေရသော ကဗျာဆရာ စောဝေ ယနေ့ ပြန်လွတ်လာပြီ ဖြစ်ကြောင်း ၎င်း၏ ဇနီးဖြစ်သူက ပြောသည်။

ကဗျာဆရာ စောဝေ

ကဗျာဆရာ စောဝေသည် “အာဏာ ရူးကြီး မှူးကြီး သန်းရွှေ” ဟူသည့် ကဗျာကို ၂၀၀၈ ခုနှစ် ဇန်န၀ါရီလ ၂၁ ရက်နေ့ထုတ် အချစ်ဂျာနယ်၌ ရေးသားခဲ့ သောကြောင့် ထောင်ဒဏ် ၂ နှစ် ကျခံခဲ့ရပြီး စုစုပေါင်း ၂၈ လခန့် နေခဲ့ရသည်။

အစိုးရ အာဏာပိုင်များက ကဗျာဆရာ စောဝေကို အများပြည်သူ၏ တည်ငြိမ် အေးချမ်းမှုကို ပျက်ပြား စေမှုဖြင့် ထောင်ဒဏ် ချမှတ်ခဲ့ခြင်း ဖြစ်သည်။
မနန်းစန်းစန်းအေးက “ပြန်ထွက်လာပြီ၊ ထွက်လာပြီ ဆိုပေမယ့် အိမ်ကိုတော့ မရောက်သေးဘူး၊ သူ ကျမကို ပြန်ထွက်လာပြီ ဆိုတဲ့အကြောင်း ရမည်းသင်းကနေ လှမ်း ဖုန်းဆက်တယ်” ဟု ဧရာဝတီသို့ ပြောသည်။

ကဗျာဆရာ စောဝေသည် မျက်စိ တိမ်စွဲ နေသဖြင့် ထောင်မှလွတ်လာသည့် အခါ ပထမဦးစွာ မျက်စိ အထူးကု ဆရာဝန်ထံတွင် ကုသမှု ခံယူရန် စီစဉ်ထားကြောင်းလည်း ၎င်းက ဆိုသည်။

ကိုစောဝေသည် ဖြူးမိတ်ဆွေများ စာကြည့်အသင်းကို ဦးဆောင်ခဲ့သူ တဦး ဖြစ်ပြီး အသင်း၏ စာပေဆုပေးပွဲများ နှစ်စဉ် ကျင်းပရေး အတွက် စီစဉ်ခဲ့သူလည်း ဖြစ်သည်။

၎င်းသည် HIV/AIDS ကူးစက်ခံရသည့် မိဘမဲ့ ကလေးများ ရန်ပုံငွေအတွက် ကဗျာ ရွတ်ဆိုပွဲများကို ရန်ကုန်၊ မန္တလေးမြို့များတွင် တားဆီး ပိတ်ပင်မှုများ ကြားမှ စီစဉ်ခဲ့သူ တဦးလည်း ဖြစ်သည်။

၂၀၀၉ ခုနှစ်တွင် အမေရိကန် အခြေစိုက် လူ့အခွင့်အရေး အဖွဲ့ကြီး ဖြစ်သည့် Human Rights Watch က ကဗျာဆရာ စောဝေကို Hellman/Hammett ဆု ချီးမြှင့်ခဲ့သည်။

ဖိနှိပ် ချုပ်ချယ်မှုများကြားမှ မိမိ၏ အမြင်ကို ရဲရင့်စွာ ဖော်ထုတ် ရေးသားသောကြောင့် ဆုပေးခြင်း ဖြစ်သည်ဟု ထိုအဖွဲ့ကဆိုသည်။

လွတ်လပ်စွာ ထုတ်ဖော်ပြောဆိုခြင်းကြောင့် အကျဉ်းချခံထားရသူများထဲတွင် လူရွှင်တော် ဇာဂနာ၊ ဘလော့ဂါ နေဘုန်းလတ်တို့ သည်လည်း နှစ်ရှည်ထောင်ဒဏ်များ ချမှတ်ခံထားရသည်။

မြန်မာနိုင်ငံသည် သတင်းသမားများကို ဖမ်းဆီးထောင်ချသည့် နေရာ၌ ဖိနှိပ်ချုပ်ချယ်မှု အဆိုးရွားဆုံး ၅ နိုင်ငံ စာရင်းထဲတွင် ပါဝင် နေကြောင်း အမေရိကန်နိုင်ငံ အခြေစိုက် စာနယ်ဇင်းသမားများ အကာအကွယ်ပေးရေး အဖွဲ့(CPJ) က လွန်ခဲ့သည့် ဒီဇင်ဘာလ ဆန်းပိုင်း၌ ထုတ်ပြန်ခဲ့သည်။

“စာနယ်ဇင်း လုပ်ငန်းဟာ မြန်မာပြည်မှာ အလွန် အန္တရာယ်ရှိတဲ့ လုပ်ငန်းဖြစ်ပါတယ်။ မြန်မာနိုင်ငံဟာ ကမ္ဘာပေါ်မှာ စာပေ စိစစ်မှု အတင်းကျပ်ဆုံး နိုင်ငံတခုဖြစ်ပါတယ်” ဟုလည်း CPJ ၏ အစီ ရင်ခံစာတွင် ထောက်ပြထားသည်။

ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီစောင့်ရှောက် ရေးအသင်း (AAPP) အဆိုအရ မြန်မာနိုင်ငံတဝန်းရှိ အကျဉ်း ထောင်များအတွင်း နိုင်ငံရေးအကျဉ်းသားပေါင်း ၂ ထောင်ကျော် ရှိသည့် အနက် ကဗျာဆရာ၊ စာရေးဆရာများနှင့် သတင်းထောက် ၃၀ ခန့် ပါဝင်ကြောင်း သိရသည်။

လျှပ်စစ်မီးကြောင့် လိုင်းဖုန်းများ ပိုကျပ်

လျှပ်စစ်မီး မမှန်ခြင်းကြောင့် ကြိုးလိုင်းဖုန်းများ ဆက်သွယ်မှု ပြတ်တောက် ခြင်းနှင့် လိုင်းကျပ်ခြင်းများ ဖြစ်ရကြောင်း သိရသည်။

မြို့နယ်အလိုက် တယ်လီဖုန်း ဆက်သွယ်ရေး ရုံးများတွင် ဖုန်းလိုင်းများအား Digital Exchange စနစ်သို့ ပြောင်းလဲ တပ်ဆင်ထားပြီး အဆိုပါ ဒစ်ဂျစ်တယ် အိတ်ချိန်း စက်ခလုတ်ခုံများနှင့် GSM စနစ်သုံး ထိန်းချုပ်ရေး စခန်းများသည် လျှပ်စစ်ဓာတ်အား အပြည့်အ၀ရရှိရန် လိုအပ်ကြောင်း မြို့နယ် ဆက်သွယ်ရေးရုံးတခုမှ အင်ဂျင်နီယာတဦးက ရှင်းပြသည်။

“ဒစ်ဂျစ်တယ် အိတ်ချိန်းဆိုတာ သူ့ရဲ့ စနစ်အကုန်လုံးကို ကွန်ပျူတာထဲ ထည့်ပြီး ကိုယ်က ခိုင်းရုံပဲ။ အရင်တုန်းကလို အိတ်ချိန်းခုံမှာ ထိုင်ပြီး လူက လုပ်ပေးစရာ မလိုတော့ဘူး။ မီးပျက်တာကြာရင် ပြဿနာရှိတော့ သူ့ကို ၂၄ နာရီ မီးပေးဖို့ လိုတယ် ” ဟု အဆိုပါ အင်ဂျင်နီယာက ပြောသည်။

လိုင်းဖုန်းများကို ချိတ်ဆက်ပေးသည့် အော်တိုဆားကစ် ဘုတ်ပြားများအား ဆက်သွယ်ရေး ဝန်ထမ်းတဦးက စစ်ဆေးနေစဉ်

ရန်ကုန်မြို့တွင် တနေ့လျှင် ကြိုးဖုန်း လိုင်း ၄၀၀ မှ ၇၀၀ ခန့် အထိ လိုင်းကျပ်ခြင်း၊ ပြတ်တောက်ခြင်းများ ဖြစ်ပေါ်နေသည်။

ဒီဂျစ်တယ် အိတ်ချိန်းခုံများသည် လူတရပ်ခန့် မြင့်ပြီး အိတ်ချိန်းတခုံရှိ ဆားကစ်တကတ်တွင် ဖုန်းလိုင်း ၈ လိုင်းခန့်ရှိကြောင်း သိရသည်။

ဖုန်းလိုင်း ၈ လိုင်း ပါ ၀င်သည့် ဆားကစ်ကတ်ပေါင်းများစွာ တပ်ဆင်ထားသည့် အောက်ခံခုံအား အပူချိန်မြင့်၍ လောင်ကျွမ်းမှုမဖြစ်စေရန် လေအေးပေးစက် အဆက်မပြတ်ပေးရန် လျှပ်စစ်မီးလိုအပ်မှု ရှိကြောင်း သိရသည်။

ယင်းအင်ဂျင်နီယာက “မီးမလာလို့ စက်ခန်းထဲမှာ အဲယားကွန်းမရဘဲ အပူချိန်မြင့်လာပြီဆို စက်က လုံးဝ ရပ်သွားတယ်။ ဒီလို အော်တို ပြတ်သွားတော့ ဖုန်းလိုင်းတွေပါ ရပ်ကုန်ရော” ဟု ပြောပြသည်။

မီးပျက်မှုများချိန်တွင် ဆက်သွယ်မှုစနစ် ပြတ်တောက်မှု မရှိစေရန် အင်ဗာတာ၊ မီးစက်များနှင့် အစား ထိုးလည်ပတ်နိုင်ရန် စီစဉ်ထားရကြောင်းလည်း သိရသည်။

“တလိုင်းတည်းနဲ့ အဆင်မပြေမှာစိုးလို့ ကြိုးဖုန်းကိုပဲ ဖုန်းလိုင်းတခု၊ ဖက်စ်လိုင်းတခု တပ်ထားတာ၊ နှစ်ခုလုံး သုံးလို့ မရဘူး။ ဖုန်းနဲ့ဆက်သွယ်ပြီး လုပ်နေရတာဆိုတော့ အလုပ်ပါ ထိခိုက်တယ် ” ဟု ပြည်ပနှင့် ဆက်သွယ်ရေး ၀န်ဆောင်မှု လုပ်ကိုင်သူ တဦးက ပြောသည်။

လျှပ်စစ်မီးပြတ်တောက်မှု များသော ပွင့်လင်းရာသီများတွင် ဖုန်းလိုင်း ပြတ်တောက်မှု ပိုမိုဆိုးရွာကြောင်း သိရသည်။

“မဂ္ဂဇင်းတိုက်ဆိုတာ ဆက်သွယ်နေရတဲ့ လူတွေက အများကြီး၊ ဒီတော့ ဖုန်းလိုင်းက ၃၊ ၄ လိုင်း အနည်းဆုံး တပ်ထားတယ်။ အဲဒါကို တနေ့ တလိုင်းနှုန်း ပြတ်တာ၊ အခုနောက်ပိုင်း ပိုဆိုးလာတယ်။ ဖုန်းဆက်ပြီး ကွန်ပလိန်းတက်ရင်လည်း တော်တော်ကြာမှ လာပြင်တယ်၊ ပြီးရင် ခဏပဲ၊ ပြန်ပျက်ပြန်ရော” ဟု ရန်ကုန် အခြေစိုက် မဂ္ဂဇင်းတိုက်တခုမှ အယ်ဒီတာက ပြောသည်။

မြန်မာနိုင်ငံ အနှံ့အပြားတွင် အလိုအလျောက် ဒီဂျစ်တယ် အိတ်ချိန်း စနစ် တပ်ဆင်ထားပြီး လိုင်းဖုန်းများ အားလုံးသည် ယင်းစနစ်ဖြစ်ကြောင်းလည်း သိရသည်။

ကျောက်တံတားမြို့နယ်တွင် နေထိုင်သူတဦးက “ဖုန်းက တလကို ရက် ၂၀ လောက်က ပျက်နေတာများတယ်။ တခါတလေ ဖုန်းရှိပြီး အလကားဖြစ်နေတယ်။ ပြင်တဲ့လူတွေ ခေါ်ရလွန်းလို့ တခါတလေ ပစ်ထားလိုက်တယ်။ အနည်းဆုံးတခါ လာပြင်ပေးရင် ၂၀၀၀ ကနေ ၃၀၀၀ ကျပ်အထိ ပေးရတယ်” ဟု ပြောသည်။

“အိမ်တွေကို ပေးထားတာ ၂၂၀ ဗို့၊ ဖုန်းတွေကျတော့ ၂၄၀ ဗို့အား ပေးရတယ်။ ဖုန်းတွေ အားလုံးကို မီး ၂၄ နာရီ ပေးထား ရတယ်။ မီးပျက်များတာ မီးစက်တော့ မောင်းတာပဲ၊ ဒါပေမယ့် မီးအား မကောင်းတော့ လိုင်းကျတာတွေ ရှိတယ်။ အဲဒါကို SMB ( Server Message Block ) ကျတယ်လို့ ခေါ်တယ်” ဟု မြန်မာ့ဆက်သွယ်ရေး လုပ်ငန်းမှ အရာရှိတဦးက ဆိုသည်။

မြန်မာတနိုင်ငံလုံးတွင် တယ်လီဖုန်းလိုင်း ၄ သိန်းနီးပါးရှိကြောင်း၊ ရန်ကုန်မြို့ တမြို့တည်းတွင် ၁သိန်း ၇ သောင်းရှိပြီး လူ ၂၅ ဦးတွင် ဖုန်းတလုံးနှုန်း အသုံးပြုနေကြောင်း တရားဝင် ထုတ်ပြန်ချက်များတွင် ဖော်ပြထားသည်။

လူဦးရေ သန်း ၅၀ ကျော်ရှိသော မြန်မာနိုင်ငံတွင် တခါသုံး ဖုန်းကတ်လိုင်းများ မပါဘဲ မိုဘိုင်းဖုန်း၊ အော်တို တယ်လီဖုန်း အပါအ၀င် ဖုန်းလိုင်းပေါင်း ၇ သိန်းခွဲနီးပါး ရှိပြီဖြစ်ကြောင်း မြန်မာ့ဆက်သွယ်ရေးလုပ်ငန်းက ထုတ်ပြန်ထားသည်။

မင်္ဂလာဈေးမှ ပစ္စည်းများ တထပ်ချင်း ပြောင်းရန်သတ်မှတ်

ရန်ကုန် (မဇ္ဈိမ)။ ။ မီးလောင်ခံရသော မင်္ဂလာဈေးမှ ဆိုင်ရှင်များအနေဖြင့် ပစ္စည်းပြောင်းရွှေ့ခြင်းကို ကြာသပတေးနေ့မှ စတင်၍ ခွင့်ပြုသွားမည်ဖြစ်ကြောင်း ရန်ကုန် ဒုတိယမြို့တော်ဝန် ဦးပါက ပြောကြားလိုက်သည်။

နှစ်ရက်နီးပါးကြာ မီးလောင်မှုဖြစ်ပွားပြီးနောက် အာဏာပိုင်များကို ကိုယ်စားပြုပြီး ဒုမြို့တော်ဝန်က ဈေးသည်များကို တာမွေမြို့ အထက်တန်းကျောင်း အမှတ် ၁ တွင် ယနေ့နံနက်က ၁၅ မိနစ်ကြာ တွေ့ဆုံရာတွင် မေလ ၂၇ ရက်နေ့မှ စတင်၍ ပစ္စည်းများ ပြောင်းရွှေ့ခွင့်ပြုမည်ဖြစ်ပြီး ယာယီဈေး အမြန်ဆုံးပြုလုပ်ပေးမည်ဟု ပြောသွားသည်။
အစည်းအဝေးကို နံနက် ၉ နာရီတွင် စတင်ရန် ဖိတ်ကြားခဲ့သော်လည်း တနာရီစော၍ ကျင်းပသွားသဖြင့် ဈေးဆိုင်ပိုင်ရှင်အများ အစည်းအဝေးမမီဘဲ ဖြစ်ခဲ့ရသည်။

ပြောင်းရွှေ့ခွင့်ပြုမည့် အစီအစဉ်နှင့် ပတ်သက်၍ စည်ပင်အရာရှိတဦးက မဇ္ဈိမကို ပြောကြားရာတွင် တထပ်ချင်း ပြောင်းရမည်ဖြစ်ပြီး တတိယထပ်ရှိ ဆိုင်ခန်းပိုင်ရှင်များအတွက် မေလ ၂၇ ရက်၊ ပထမထပ်ရှိ ဆိုင်ရှင်များအတွက် မေလ ၂၈ ရက်နှင့် ဒုတိယထပ်ရှိ ဆိုင်များကို မေလ ၂၉ ရက်၊ မြေညီထပ်ရှိ ဆိုင်များကို မေလ ၃ဝ ရက်နေ့များတွင် ပြောင်းရမည်ဟု ပြောသည်။

ပြည်တွင်းဈေးကွက်တွင် အရေးပါသော လက္ကားဈေးကြီးတွင် တနင်္လာနေ့ နံနက်မှ စတင်ပြီး နောက်နေ့အထိ မီးလောင်ကျွမ်းရာ ဆိုင်ခန်း ၈ဝဝ ခန့်ရှိသော စတုတ္တထပ်တခုလုံး မီးလောင်ပျက်စီးသွားခဲ့သည်။

ယခင်က ဆိုင်ခန်း ၄ဝဝဝခန့်ရှိ ဈေးကို အကြီးစား ပြန်လည်မွမ်းမံမည်ဖြစ်ပြီး ကြားကာလတွင် ယာယီဈေးဖွင့်လှစ်ရန် ရန်ကုန် စည်ပင်သာယာရေး ကော်မတီက နေရာရှာဖွေလျက်ရှိသည်။

မင်္ဂလာတောင်ညွှန့်မြို့နယ် တော်ဝင်ပလာဇာနှင့် တာမွေမြို့နယ်ရှိ တာမွေပလာဇာတို့တွင် ယာယီနေရာ ချထားပေးဖွယ် ရှိသည်ဟု စည်ပင်သတင်းရပ်ကွက်က ပြောသည်။

ဆိုင်ရှင်အများစုမှ ပစ္စည်းများ ပြန်လည်နေရာချထားရေး အခက်အခဲဖြစ်နေသည်။

”ကျမတို့မှာ ပြောင်းမယ့်နေရာ မရှိဘူး ဖြစ်နေတယ်။… တချို့ကတော့ တိုက်ခန်းတွေ ငှားနေကြရပြီ” ဟု တတိယထပ်တွင် လူသုံးကုန်ပစ္စည်း ရောင်းချနေသော ဆိုင်ရှင်တဦးက ပြောသည်။

မင်္ဂလာဈေးတွင် အလှကုန်ဆိုင် ၂ ဆိုင်နှင့် အထည်ဆိုင် တဆ်ိုင်ပိုင်သော ဆိုင်ရှင်တဦးက ”ပစ္စည်းတွေကို ပြောင်းမည့် ပြဿနာကို အရင်ဆုံးရှင်းကြရမှာ ပါ ၊ ပြောင်းမယ့်နေရာ အခက်အခဲ ရှိနေတယ်” ဟု ပြောသည်။

မီးလောင်မှု ဖြစ်ပွားပြီးသည်နှင့် မင်္ဂလာဈေးနှင့်ကပ်လျက် ယုဇနပလာဇာရှိ ဈေးဆိုင်ခန်းများ၏ ငှားရမ်းခများ ထိုးတက်သွားတော့သည်။ ယခင်က ၁ဝ ပေပတ်လည် ဆိုင်ခန်းအတွက် တလလျှင် ငွေကျပ် ၂ သိန်း ငှားရမ်းခရှိသော ဆိုင်ခန်းသည် ယခုအခါ ၃ သိန်းနီးပါး ဈေးပေါက်နေသည်။

အလားတူပင် ဗိုလ်ချုပ်ဈေးသစ် ရှိဆိုင်ခန်းများလည်း ဈေးတက်သွားသည်။

အမေရိကန် ဆီးနိတ်အမတ် ဂျင်မ်ဝက်ဘ် မြန်မာနိုင်ငံသို့ ထပ်သွားမည်

အိုကလာဟိုးမား (မဇ္ဈိမ) ။ ။ အမေရိကန်နှင့် မြန်မာစစ်အစိုးရ စေ့စပ်ဆွေးနွေးရေးကို လိုလားသည့် ဆီးနိတ်လွှတ်တော်အမတ် မစ္စတာ ဂျင်မ်ဝက်ဘ်သည် ယခုလ ၂၉ ရက်နေ့တွင် စတင်မည့် အာရှ ၃ နိုင်ငံ ခရီးစဉ်အတွင်း မြန်မာနိုင်ငံသို့ လာရောက်မည်ဟု သိရသည်။

သူသည် မြန်မာနိုင်ငံသို့ ၂ဝဝ၉ ခုနှစ် သြဂုတ်လကလည်း လာရောက်ခဲ့သူဖြစ်ကာ၊ မြန်မာနိုင်ငံသို့ ဆယ်စုနှစ် ၂ ခုအတွင်း ပထမဆုံးအကြိမ် လာရောက်ခဲ့သည့် အမေရိကန် ဆီးနိတ်လွှတ်တော်အမတ် ဖြစ်သည်။
“အရှေ့အာရှနှင့် ပစိဖိတ်ရေးရာ ဆီးနိတ် နိုင်ငံခြားရေး ဆပ်ကော်မတီ၏ ဥက္ကဋ္ဌ ဆီးနိတ်အမတ် ဂျင်မ်ဝက်ဘ်သည် ၂ဝ၁ဝ ခုနှစ် မေလ ၂၉ ရက်နေ့မှ ဇွန်လ ၆ ရက်နေ့အထိ ကိုးရီးယား၊ ထိုင်းနှင့် မြန်မာနိုင်ငံသို့ သွားရောက်လိမ့်မည်” ဟု မစ္စတာ ဂျင်မ်ဝက်ဘ်၏ ဌာနက ယမန်နေ့ ထုတ်ပြန်ခဲ့သည့် သတင်းထုတ်ပြန်ချက်တွင် ဖော်ပြပါရှိသည်။

မစ္စတာ ဝက်ဘ်သည် အစိုးရ အရာရှိများ၊ အမေရိကန် သံတမန်များ၊ စစ်ဖက်ဆိုင်ရာ အရာရှိများ၊ စီးပွားရေး လုပ်ငန်းရှင်များနှင့် တွေ့ဆုံဆွေးနွေးရန် စီစဉ်ထားသည်ဟု ဆိုထားသည်။

ဗားဂျီးနီးယန်း ဆီးနိတ်အမတ်သည် ‘အမေရိကန်အနေဖြင့် အာရှနိုင်ငံများနှင့် ဆက်ဆံရေး ဆုတ်ယုတ်ကျဆင်းလာပါက တရုတ်နိုင်ငံ၏ သြဇာသည် ထိုအာရှနိုင်ငံများအား လျင်မြန်စွာ လွှမ်းမိုးလာလိမ့်မည်’ ဟု ယူဆထားသူဖြစ်ကာ အာရှဒေသရှိ နိုင်ငံများနှင့် ဆက်ဆံရေး တိုးမြှင့်ထူထောင်ရန် စိတ်အားထက်သန်စွာ ထောက်ခံသူတဦး ဖြစ်သည်။

မြန်မာနိုင်ငံ ခရီးစဉ်သည် စစ်အစိုးရက ယခုနှစ် ကျင်းပမည့် ရွေးကောက်ပွဲအတွက် အကြီးအကျယ် ပြင်ဆင်နေချိန်နှင့် တိုက်ဆိုင်နေသည်။ စစ်အစိုးရ၏ ရွေးကောက်ပွဲသည် တရားမျှတမှု ကင်းမဲ့ကာ အားလုံးပါဝင်နိုင်ခြင်း မရှိသည့်အတွက် အမေရိကန် အပါအဝင် နိုင်ငံများစွာက ဝေဖန်နေကြသည်။

မစ္စတာ ဝက်ဘ်သည် မြန်မာနိုင်ငံ ခရီးစဉ်အတွင်း မည်သည့်ပုဂ္ဂိုလ်များနှင့် တွေ့ဆုံဆွေးနွေးမည်ကို မသိရသေးပါ။ ပြီးခဲ့သည့် ခရီးစဉ်အတွင်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို တွေ့ဆုံခွင့် ရရှိခဲ့သည်။

ထို့အပြင် ဒေါ်အောင်ဆန်းစုကြည်၏ နေအိမ်အတွင်း အင်းလျားကန်မှတဆင့် တိတ်တဆိတ် ရေကူးဝင်ရောက်သဖြင့် ပြီးခဲ့သည့်နှစ် သြဂုတ်လ ၁၁ ရက်နေ့တွင် အလုပ်နှင့် ထောင်ဒဏ် ၇ နှစ် ကျခံနေရသည့် အမေရိကန်နိုင်ငံသား ဂျွန်ဝီလျံ ယက်တောကို ပြစ်ဒဏ်ချအပြီး ရက်ပိုင်းအကြာတွင် သူနှင့်အတူ တပါတည်း ခေါ်ဆောင်သွားနိုင်ခဲ့သူဖြစ်သည်။