စစ်အစိုးရ အလုပ်သမား ကိုယ်စားလှယ် ILO လက်မခံ

ဆွစ်ဇာလန်နိုင်ငံ ဂျနီဗာမြို့မှာ ကျင်းပနေတဲ့ ၉၉ ကြိမ်မြောက် ILO အပြည်ပြည်ဆိုင်ရာ အလုပ်သမား အဖွဲ့ချုပ် ညီလာခံမှာ ဒီနှစ် မြန်မာနိုင်ငံဘက်က အလုပ်သမား ကိုယ်စားပြု အစုအဖွဲ့ တက်ရောက်ခွင့် မရခဲ့ပါဘူး။ ဒါကြောင့် အလုပ်သမားအစု ကိုယ်စားပြုမှု မရှိတာကြောင့် ILO ညီလာခံအတွင်း အစည်းအဝေး အတော်များများမှာ မြန်မာဘက်က မဲပေးခွင့် မရခဲ့ပါဘူး။ အပြည့်အစုံကို စုံစမ်းမေးမြန်းပြီး ကိုသားညွန့်ဦးက တင်ပြပေးထားပါတယ်။
ILO ညီလာခံဟာ နှစ်စဉ် အစိုးရ၊ အလုပ်ရှင်၊ အလုပ်သမား သုံးဦးသုံးဖလှယ် ဆွေးနွေးညှိနှိုင်းကြတဲ့နေရာ ဖြစ်ပါတယ်။ ဒါပေမဲ့ မြန်မာနိုင်ငံဘက်က အလုပ်သမား ကိုယ်စားလှယ်အဖွဲ့ဟာ အလုပ်သမားထုကို ကိုယ်စားမပြုဘူးဆိုပြီး ILO ဘက်က ညီလာခံ မတိုင်ခင်မှာ တက်ရောက်ခွင့် မပေးတာကြောင့် မြန်မာနိုင်ငံဘက်က အစိုးရနဲ့ အလုပ်ရှင် ကိုယ်စားလှယ်တွေပဲ တက်ရောက်နိုင်ခဲ့ပါတယ်။

မြန်မာအစိုးရ အနေနဲ့ အလုပ်သမား ကိုယ်စားလှယ်ကို နှစ်ပေါင်းများစွာ ကတည်းက ဒီ ILO ညီလာခံအတွက် ရွေးချယ် စေလွှတ်ခဲ့တာပါ။ ဒါပေမဲ့ မနှစ်ကစပြီး FTUB ပါဝင်တဲ့ ITUC နိုင်ငံတကာ အလုပ်သမား သမဂ္ဂများ အဖွဲ့ချုပ်က မြန်မာနိုင်ငံဘက်က အလုပ်သမား ကိုယ်စားလှယ်တွေဟာ အလုပ်သမား ကိုယ်စားလှယ် မစစ်ဘူးဆိုပြီး ကန့်ကွက်မှု ရှိတာကြောင့် ဒီနှစ်မှာ အဲဒီကိုယ်စားလှယ်တွေ တက်ရောက်ခွင့် မရတော့တာပါ။ ဒါကြောင့်လည်း သုံးဦးသုံးဖလှယ်ရှိတဲ့ ညီလာခံကာလ အစည်းအဝေး အတော်များများမှာ မြန်မာဘက်က မဲပေးခွင့် မရခဲ့ဘူးလို့ ILO ညီလာခံကို တက်ရောက်နေတဲ့ FTUB မြန်မာနိုင်ငံ အလုပ်သမား သမဂ္ဂများ အဖွဲ့ချုပ် အထွေထွေ အတွင်းရေးမှူး ဦးမောင်မောင်က ပြောပါတယ်။

“ကုလသမဂ္ဂ အဖွဲ့အစည်းကိုလာရင် အားလုံးလာတဲ့အတိုင်း နှစ်စဉ်နှစ်တိုင်း မှတ်ပုံတင်ရတယ်။ မှတ်ပုံတင်တဲ့အခါမှာ Credential ဆိုတာရှိတယ်။ သူ့ရဲ့ အရည်အချင်း ပြည့်မီလား၊ မပြည့်မီလားဆိုတာ ဆန်းစစ်တာ ရှိတာပေါ့။ ဒီနှစ်က Report of Credential Committee ရဲ့ Report ထဲမှာ ဘာရေးထားလဲဆိုတော့ နိုင်ငံပေါင်း ၁၈၂ နိုင်ငံ ရှိတဲ့အထဲမှာ ၂ နိုင်ငံက အစည်းအဝေးတွေမှာ ၀င်ထိုင်လို့ရတယ်၊ မဲထည့်ခွင့်မရဘူး။ အဲဒီထဲမှာ ဗမာနဲ့ အီရတ်ပဲ ဖြစ်တယ်။

“ဗမာပြည်ကလာတဲ့ Delegation က အလုပ်ရှင်၊ အလုပ်သမား၊ အစိုးရဆိုတဲ့ ၃ ခု အင်္ဂါမပြည့်ဘူး။ ILO ရဲ့ Constitution အပိုဒ် ၄၊ Article ၄၊ Paragraph ၂ အရကိုက မဲထည့်ခွင့်မရဘူး။”

ဒါ ဒီနှစ်မှ စဖြစ်တာလား။

“ဒီနှစ်မှာ စဖြစ်တာ။ ဘာဖြစ်လို့လဲဆိုတော့ ခါတိုင်းနှစ်တွေက အလုပ်သမား ကိုယ်စားလှယ်ဆိုပြီး သူတို့ အတုတွေ ခေါ်ခေါ်လာတယ်။ ခေါ်လာတော့ ဒီမှာ Credential မှာ Challenge လုပ်တော့ ခင်ဗျား ဘယ်ကလဲလို့ သေချာမေးလိုက်တော့ ဒီလူတွေက အုပ်ချုပ်ရေးပိုင်းဆိုင်ရာ ပုဂ္ဂိုလ်တွေ ဖြစ်နေတာများတယ်။”

အခုလို မဲပေးခွင့် မရလိုက်တဲ့ အခါကြတော့ မြန်မာနိုင်ငံ အနေနဲ့ ဘယ်အပိုင်းတွေမှာ နစ်နာမှုရှိလဲ။

“နစ်နာတာပေါ့။ ဗမာကိစ္စ တခုတည်း မဟုတ်ဘူး။ တကမ္ဘာလုံး ကိစ္စ။ ဥပမာ ကမ္ဘောဒီးယားကိစ္စ ဆွေးနွေးတယ်ဆိုရင် ဘယ်လိုဖြစ်သင့်လဲဆိုတဲ့ ကိုယ့်ရဲ့ Voice ကို Opinion ပေးရုံပဲ ပေးလို့ရတယ်။ ကိုယ့် Opinion ကို ဘယ်သူမှ အလေးမထားတော့ဘူးပေါ့။ ဥပမာ ကျနော်တို့က သဘာဝ ထိန်းသိမ်းရေးနဲ့ ပတ်သက်လို့ ဆွေးနွေးတာတွေ ရှိတယ်။ ဒီမှာ ရွှေ့ပြောင်းအလုပ်သမားနဲ့ ပတ်သက်လို့ ဆွေးနွေးတာ ရှိတယ်။ အဲဒီမှာဆိုရင် မဲပေးလို့ မရတော့ဘူး။”

ဦးမောင်မောင်တို့ FTUB အနေနဲ့ကရော ILO ညီလာခံမှာ ဘယ်လိုပုံစံနဲ့ တက်နေတာလဲခင်ဗျ။

“ကျနော်တို့ကတော့ ITUC International Trade Union Confederation အပြည်ပြည်ဆိုင်ရာ လွတ်လပ်တဲ့ အလုပ်သမား သမဂ္ဂ အဖွဲ့ချုပ်ရဲ့ အဖွဲ့ဝင်တခု အနေနဲ့ တက်နေတာပါ။”

မြန်မာစစ်အစိုးရဘက်က ကန့်ကွက်တာတွေရော ရှိလားခင်ဗျ။

“ရှိပါတယ်ခင်ဗျ။ ဟိုတနေ့ကဆိုရင် ကျနော်တို့ အဓမ္မ လုပ်အားပေးကိစ္စကို ဆွေးနွေးတဲ့အခါမှာ ကျနော်တို့ဘက်က အလုပ်သမား သမဂ္ဂက နေပြီးတော့ နိုင်ငံပေါင်း ၇ နိုင်ငံလောက်က ဆွေးနွေးတယ်။ နောက်တခါ အလုပ်ရှင်ဘက်က ဆွေးနွေးတယ်၊ နောက်တခါ တခြား အစိုးရတွေက ဆွေးနွေးတယ်။ ထောက်ခံတာရှိတယ်၊ ကန့်ကွက်တာ ရှိတယ်။

“ဒီကြားထဲမှာ နအဖက နောက်ဆုံး သုံးချက်ပြောသွားတယ်။ တစ်အချက်က သူတို့ကို မြန်မာလို့ခေါ်ပါ၊ ဗမာလို့ မခေါ်ပါနဲ့တဲ့၊ အရေးကြီးပါတယ်တဲ့။ နောက်တခုက သူတို့ မကြာခင် ရွေးကောက်ပွဲ လုပ်တော့မယ်ဆိုတာ ပြောတယ်။ နောက်ဆုံးတခုက ကျနော်တို့ အဖွဲ့အစည်းကို သူတို့က အကြမ်းဖက်သမားလို့ သတ်မှတ်ထားပြီး ဖြစ်တယ်။ ဒါကြောင့် အပြည်ပြည်ဆိုင်ရာကို တိုင်ကြားထားတယ်ဆိုတာ။ အကြောင်းအရာအားဖြင့်တော့ တိုက်ခိုက်သွားတာပဲ ရှိပါတယ်။”

အခု FTUB ကို မြန်မာစစ်အစိုးရကတော့ အကြမ်းဖက် အဖွဲ့အစည်း ဆိုပြီးတော့ မတရားအသင်း ကြေညာထားတာ ရှိပါတယ်။ မနေ့က ITUC Report မှာတော့ ITUC ရော ILO အနေနဲ့ရော FTUB ကို မြန်မာနိုင်ငံရဲ့ တရားဝင် အလုပ်သမား သမဂ္ဂ အနေနဲ့ သတ်မှတ်တယ်ဆိုပြီး ဖော်ပြတယ်။ အဲတော့ ဒီအခြေအနေနဲ့ ပတ်သက်ပြီးတော့ရော ညီလာခံအတွင်းမှာ ဆွေးနွေး ငြင်းခုံမှုမျိုးတွေ ရှိသေးလားခင်ဗျ။

“ပြင်းပြင်းထန်ထန် ဆွေးနွေးပါတယ်။ ITUC ကတော့ ကျနော်တို့ကို ဒီလို နအဖက မတရား စွပ်စွဲတာကို လက်မခံဘူး။ သူတို့အနေနဲ့ ကျနော်တို့ FTUB နဲ့ တွဲပြီးတော့ ကွင်းထဲမှာ နေခဲ့တယ်။ ကျနော်တို့အလုပ်တွေကို သူတို့ ဆန်းစစ်တယ်။ ကျနော်တို့ လုပ်ငန်းတွေကို သူတို့ ကြည့်တဲ့အခါမှာ အလုပ်သမား သမဂ္ဂ တခုရဲ့ လုပ်ငန်းတွေနဲ့ ပြည့်စုံတယ်လို့ သတ်မှတ်တဲ့အတွက် ရှိသင့်ရှိထိုက်တယ်။ မြန်မာပြည်အတွင်းမှာကို ရှိသင့်တဲ့ အနေအထား ရှိတယ်ဆိုတာကို ပြောတယ်။ ILO ကလည်း အခု ဒီနေ့မှာ ထပ်ပြီး ပြောပါလိမ့်မယ်လို့ ကျနော် ယူဆတယ်။”

မြန်မာအစိုးရအနေနဲ့ အခုလို သုံးဦးသုံးဖလှယ် ကိုယ်စားပြုမှု မဲ့တာကြောင့် အစည်းအဝေး အတော်များများမှာ မဲပေးခွင့် မရှိပေမဲ့ အခြား အစိုးရကိုယ်စားပြု အစည်းအဝေးတွေ၊ အလုပ်ရှင် ကိုယ်စားပြု အစည်းအဝေးတွေမှာတော့ မဲပေးခွင့် ပေးထားတယ်လို့ ILO အမှုဆောင် ညွှန်ကြားရေးမှူး ကယ်ရီ တပ်ပီယိုလာ (Kari Tapiola) က ဗွီအိုအေ မြန်မာပိုင်းကို ပြောခဲ့ပါတယ်။

ILO မှာ ဂျနီဗာစံချိန် အခု ညနေပိုင်းမှာတော့ လွတ်လပ်စွာ အသင်းအပင်း ဖွဲ့စည်းခွင့်ကိစ္စ မြန်မာ့အရေး သီးခြားဆွေးနွေးဖို့ ရှိတယ်လို့လည်း သိရပါတယ်။

ကုလ အထူးအကြံပေး မြန်မာ့အိမ်နီးချင်းများနှင့် ဆွေးနွေး

ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးအရာရှိ ဗီဂျေး နမ်ဘီယာ (Vijay Nambiar) ဟာ မြန်မာ့နိုင်ငံရေးကိစ္စ ဆွေးနွေးအဖြေရှာဖို့ အခု အာရှဒေသတွင်းကို ရောက်ရှိနေပါတယ်။ ဒါဟာ သူ့ရဲ့ ပထမဆုံး မြန်မာ့အရေးနဲ့ ပတ်သက်တဲ့ ခရီးစဉ် ဖြစ်တာမို့ မြန်မာနိုင်ငံကိစ္စ ဒေသတွင်းနိုင်ငံတွေရဲ့ အမြင်သဘောထားကို တီးခေါက်စုံစမ်းဖို့ ဖြစ်မယ်လို့ ယူဆရပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။
မစ္စတာ ဗီဂျေး နမ်ဘီယာဟာ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ် တာဝန်နဲ့ ဒါ ပထမဆုံး ခရီးစဉ် ဖြစ်ပါတယ်။ လတ်တလောတော့ စင်ကာပူနိုင်ငံမှာ ရောက်ရှိနေပြီး စင်ကာပူ အာဏာပိုင်တွေနဲ့ မြန်မာ့အရေးကိစ္စ ဆွေးနွေးပြောဆိုဖို့ ရှိတယ်လို့ ကုလသမဂ္ဂက သတင်းထုတ်ပြန်ထားပါတယ်။ မစ္စတာ နမ်ဘီယာဟာ စင်ကာပူမတိုင်ခင်တော့ အိန္ဒိယနိုင်ငံကို ရောက်ရှိခဲ့ပြီး အိန္ဒိယ နိုင်ငံခြားရေး ၀န်ကြီးနဲ့ အခြားအရာရှိတွေနဲ့ တွေ့ဆုံပြီး မြန်မာ့အရေး ဆွေးနွေးခဲ့တယ်လို့ အိန္ဒိယ နိုင်ငံခြားရေးဌာန ပြောခွင့်ရသူက ဗွီအိုအေ မြန်မာပိုင်းကို ပြောပါတယ်။ အသေးစိတ်ကိုတော့ ပြောဆိုတာ မရှိပါဘူး။ လာမယ့် သောကြာနေ့မှာတော့ တရုတ်နိုင်ငံကို သွားရောက်ဖို့ ရှိတယ်လို့ သိရပါတယ်။

မြန်မာနိုင်ငံကို ဒီတခေါက် လာရောက်မယ်ဆိုတဲ့ အစီအစဉ် ခုချိန်ထိတော့ မကြာသေးဘူးလို့ ရန်ကုန်က ကုလသမဂ္ဂ ပြန်ကြားရေးရုံး တာဝန်ရှိသူတဦးက ပြောပါတယ်။ ဒါကြောင့် ဒီခရီးစဉ်ဟာ မြန်မာ့အိမ်နီးချင်း အာရှနိုင်ငံတွေရဲ့ မြန်မာနိုင်ငံနဲ့ ပတ်သက်တဲ့ သဘောထားကို လာရောက် တီးခေါက်တာ ဖြစ်နိုင်တယ်လို့ လေ့လာသူတွေက ယူဆပါတယ်။ အထူးသဖြင့်တော့ အမျိုးသား ပြန်လည်သင့်မြတ်ရေးနဲ့ လာမယ့် ရွေးကောက်ပွဲကိစ္စလို့ ယူဆကြပါတယ်။

အင်ဒိုနီးရှား နိုင်ငံခြားရေး ၀န်ကြီးဌာန ပြောခွင့်ရသူ တီကူး ဖိုင်ဆာရှားကတော့ ရွေးကောက်ပွဲနဲ့ ပတ်သက်လို့ နိုင်ငံတကာရဲ့ ဖြစ်စေချင်တဲ့ ဆန္ဒကို ပြောခွင့်ဆိုခွင့်၊ စောင့်ကြည့်ခွင့် မြန်မာစစ်အစိုးရဘက်က လမ်းဖွင့်ပေးဖို့ လိုမယ်လို့ ပြောပါတယ်။

“အခု ရွေးကောက်ပွဲဟာ ပြောစရာမရှိ ပြည့်စုံတဲ့ ရွေးကောက်ပွဲလို့တော့ အင်ဒိုနီးရှားနိုင်ငံက မမြင်ပါဘူး။ ဒါကြောင့် ဒီရွေးကောက်ပွဲ လုပ်ငန်းစဉ်ကို ပြန်လည်ပြင်ဆင်မယ်လို့ မျှော်လင့်ထားပါတယ်။ ဒီလုပ်ငန်းစဉ်နဲ့ ပတ်သက်လို့ စောင့်ကြည့်နေပါတယ်။ ဒီရွေးကောက်ပွဲမှာ အားလုံး ပါဝင်ပတ်သက်နိုင်ရေးနဲ့ နိုင်ငံတကာကလည်း ဒီရွေးကောက်ပွဲမှာ ပါဝင်ပတ်သက်နိုင်မယ့်လမ်း စစ်အစိုးရက ဖွင့်ပေးလိမ့်မယ်လို့ ယူဆပါတယ်။”

အနည်းဆုံးတော့ အာဆီယံ တိုင်းပြည်တွေ အနေနဲ့ ဒီရွေးကောက်ပွဲ လုပ်ငန်းစဉ်နဲ့ ရွေးကောက်ပွဲ အဖြစ်အပျက်ကို လေ့လာစောင့်ကြည့်ခွင့်ရဖို့ လိုမယ်လို့ မစ္စတာ တီကူး ဖိုင်ဆာရှားက ပြောပါတယ်။

အမျိုးသား ဒီမိုကရေစီအဖွဲ့ချုပ် ပြောခွင့်ရသူ ဦးဉာဏ်ဝင်းကတော့ အခုလို ကုလသမဂ္ဂ အထူးကိုယ်စားလှယ် ဒေသတွင်းနိုင်ငံကို လာရောက် ဆွေးနွေးတာကြောင့် ဒီနိုင်ငံတွေ အနေနဲ့ ရွေးကောက်ပွဲဖြစ်စဉ်ကို ပိုပြီးတော့ ထဲထဲဝင်ဝင် လေ့လာနိုင်မယ်လို့ ယူဆတဲ့အကြောင်း ပြောပါတယ်။

“အာရှနိုင်ငံတွေက ပြည်တွင်းရေး ၀င်မစွက်ရေး၊ ရွေးကောက်ပွဲ Process ဘာညာဆိုတာ သူတို့က အသံကုန်ပြောနေတာ။ တကယ့် မြန်မာနိုင်ငံရဲ့ အခြေအနေကို တကယ်သိအောင် ကြိုးစားပြီး ပြောတာမျိုး မဟုတ်ဘူးလို့ ကျနော် အဲဒီလို နားလည်တယ်။ အခုလို အဲဒီသံတမန်ကြီးက သွားရောက် တွေ့ဆုံ ပြောကြားရင်တော့ သူတို့ အလေးအနက် ရှိလာမယ်လို့ အဲဒီလို မျှော်လင့်ပါတယ်။”

ကုလသမဂ္ဂ အတွင်းရေးမှူးချုပ်တွေ အနေနဲ့ မြန်မာနိုင်ငံ အမျိုးသား ပြန်လည်သင့်မြတ်ရေးအတွက် ဆိုပြီး အထူးအကြံပေး အရာရှိတွေ ခန့်အပ် ကိုင်တွယ်ဖြေရှင်းခဲ့ပါတယ်။ ကုလသမဂ္ဂရဲ့ ကြိုးပမ်းချက်နဲ့ ပတ်သက်လို့ ယနေ့အချိန်အထိ ရလဒ်မထွက်တာကြောင့် ဝေဖန်မှုတွေလည်း ခံရပါတယ်။

အမျိုးသား ဒီမိုကရေစီ အဖွဲ့ချုပ် အနေနဲ့ကတော့ ဒီပြဿနာတွေမှာ အောင်မြင်မှု၊ မအောင်မြင်မှုဟာ မြန်မာအစိုးရဘက်က ပူးပေါင်းဆောင်ရွက်မှုအပေါ် တည်တယ်လို့ မြင်ပါတယ်။

“ကုလသမဂ္ဂလို အဖွဲ့အစည်းက မြန်မာ့နိုင်ငံရေး ၀င်ရောက် ဆောင်ရွက်တာကို အမြဲတမ်း ကြိုဆိုတယ်ဗျ။ အောင်မြင်တယ်၊ မအောင်မြင်ဘူး ဆိုတာလည်း ကြိုးစားတဲ့လူ တဘက်တည်းနဲ့လည်း မပြီးဘူးလေ။ အားလုံးပါဝင်ရမှာ။ ကျနော်တို့က အဲဒါကြောင့် အဲဒီအဖွဲ့အစည်းမျိုးက ဆောင်ရွက်တာတွေကိုတော့ အမြဲတမ်း ကြိုဆိုပါတယ်။”

ကုလသမဂ္ဂ အတွင်းမှူးချုပ် ဘန်ကီမွန်း (Ban Ki-moon) အနေနဲ့ကတော့ လာမယ့် ရွေးကောက်ပွဲဟာ ပွင့်လင်းမြင်သာဖို့၊ အများလက်ခံ ယုံကြည်ဖို့ဆိုရင် အတိုက်အခံ ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံသားတိုင်းဟာ ဒီရွေးကောက်ပွဲ လုပ်ငန်းစဉ်မှာ ပါဝင်နိုင်ဖို့ လိုတယ်လို့ ပြောထားတာပါ။ ဒါပေမဲ့ မြန်မာအစိုးရရဲ့ ရွေးကောက်ပွဲ ဥပဒေအရဆိုရင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံး ရွေးကောက်ပွဲမှာ ပါဝင်ယှဉ်ပြိုင်ခွင့် ပေးမထားပါဘူး။ ဒီအတွက်ကြောင့် အားလုံးပါဝင်နိုင်မှုကို ကန့်သတ်ထားတဲ့ ဒီရွေးကောက်ပွဲ ဥပဒေအပေါ်မှာ စိုးရိမ်မိတယ်လို့ မစ္စတာ ဘန်ကီမွန်းက ဒီနှစ်ဆန်းပိုင်းက ပြောခဲ့ပါတယ်။

အခု မစ္စတာ နမ်ဘီယာ မတိုင်ခင်ကတော့ မစ္စတာ အီဘရာဟင်မ် ဂန်ဘာရီ (Mr. Ibrahim Gambari) ဟာ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ်အဖြစ် ၂၀၀၉ ဒီဇင်ဘာလအထိ တာဝန်ယူခဲ့ပါတယ်။ မစ္စတာ နမ်ဘီယာဟာ အိန္ဒိယနိုင်ငံသား ဖြစ်ပြီးတော့ ၂၀၀၇ ခုနှစ် ဇန်န၀ါရီလကတည်းက မစ္စတာ ဘန်ကီမွန်း အတွင်းရေးမှူးချုပ်ရုံးရဲ့ အကြီးအကဲတာဝန် ပေးအပ်ခံခဲ့ရပါတယ်။ ယခင် အတွင်းရေးမှူးချုပ်ဟောင်း ကိုဖီ အာနန် (Kofi Annan) လက်ထက်မှာလည်း ကုလသမဂ္ဂရဲ့ လက်ထောက် အတွင်းရေးမှူးချုပ် တာဝန် ယူခဲ့ဖူးပါတယ်။ ဒီမတိုင်ခင်ကတော့ အိန္ဒိယနိုင်ငံ အစိုးရရဲ့ အမျိုးသား လုံခြုံရေးကောင်စီမှာ အကြီးအကဲတာဝန် ယူခဲ့ပါတယ်။ အိန္ဒိယ နိုင်ငံခြားရေးဌာနမှာ သံအမတ်ကြီး တာဝန်တွေ ထမ်းဆောင်ခဲ့သူ ဖြစ်ပါတယ်။

ကမာရွတ်စက်ရုံ ပေါက်ကွဲ၊ ၄ ဦးသေ

အင်းစိန်လမ်းမကြီးပေါ်မှာ ရှိတဲ့ ငါး ပုစွန်နဲ့ ရေခဲစက် လုပ်ငန်းမှာ ဒီကနေ့ ညနေ ၆ နာရီလောက်က အမိုးနီးယားဓာတ်ငွေ့ ပေါက်ကွဲမှု ဖြစ်ပွားခဲ့ပါတယ်။

ပေါက်ကွဲမှုကြောင့် စက်ရုံအလုပ်သမားတွေ အပါအ၀င် လူ ၄ ဦး သေဆုံးပြီး ၄၀ လောက် ဒဏ်ရာ အပြင်းအထန် ရသွားတယ်လို့ မျက်မြင်တွေ့သူတွေက ပြောပါတယ်။ ထိခိုက်သေဆုံးသူ အရေအတွက်နဲ့ ပတ်သက်လို့ သီးခြားတော့ အတည်မပြုနိုင်သေးပါဘူး။
ဒဏ်ရာရသူတွေနဲ့ အဆိပ်သင့်ပြီး မေ့မျောနေသူတွေလည်း ရှိနေသလို ပတ်ဝန်းကျင်မှာလည်း ဓာတ်ငွေ့တွေ ဖုံးလွှမ်းနေတယ်လို့ အဲဒီနေရာမှာ ရောက်နေသူ တယောက်က ဗွီအိုအေကို အခုလို ပြောပြပါတယ်။

“ဒီနားမှာ ကမ္ဘာပျက်သလို၊ တိုင်းပြည်ပျက်သလို ဖြစ်သွားတာ။ အငွေ့က ဒီဘက်တွေထိ ရောက်တယ်။ လေက တောင်ပိုင်းက တိုက်တယ်ဆိုတော့ အနောက်ဘက်တွေကြတော့ လွတ်သွားတယ်။ ဒီလမ်းတလျှောက် အကုန်လုံး၊ တိုက်ပေါ်တွေရော အကုန်လုံး၊ ဟိုဘက်တိုက်ပေါ်က အဘွားကြီးတယောက်ဆိုရင် ကယ်ပါဦး၊ ကယ်ပါဦးနဲ့၊ အဲဒီမှာ ကျနော်က ဘေးက ဆံပင်ညှပ်ဆိုင်ထဲက မျက်နှာသုတ်ပုဝါလေးယူ၊ ရေဆွတ်ပြီး အဲဒီအဘွားကြီးကို မျက်စိတွေ ဘာတွေ အုပ်ပြီးတော့ တွဲခေါ်သွားတယ်။”

ပေါက်ကွဲမှုဖြစ်ပွားတဲ့ နေရာမှာ ရောက်နေတဲ့ ရန်ကုန်မြို့ခံတယောက် ပြောသွားတာ ဖြစ်ပါတယ်။

ဒဏ်ရာရသူတွေထဲက တချို့ကိုတော့ အနီးအနားမှာရှိတဲ့ ဘုန်းတော်ကြီးကျောင်း တခုကို ယာယီပို့ထားတယ်လို့လည်း ဆိုပါတယ်။

လတ်တလော ပေါက်ကွဲမှု ဖြစ်ရတဲ့ အကြောင်းရင်းနဲ့ ပတ်သက်လို့တော့ မသိရသေးဘဲ အအေးခန်း စက်ရုံတွေမှာ ဘေးကင်းလုံခြုံမှု အစီအမံတွေ အားနည်းတာမို့ မတော်တဆ ဖြစ်ပွားတာ ဖြစ်နိုင်တယ်လို့လည်း ယူဆနေကြပါတယ်။

ပေါက်ကွဲမှု ဖြစ်ပြီးတဲ့ နောက်မှာတော့ လုံခြုံရေးတွေ တင်းကျပ်ထားပြီး သတင်းမီဒီယာတွေကအစ သတင်းယူခွင့်၊ ဓာတ်ပုံမှတ်တမ်း ရိုက်ခွင့် မပေးဘူးလို့ ဆိုပါတယ်။

နအဖစစ်တပ် ရိက္ခာနှင့် ဆေးဝါးပစ္စည်းများ ကေအဲန်အယ်လ်အေ သိမ်းဆည်းခဲ့

စောသိန်းမြင့် (ကေအိုင်စီ)

ကရင်ပြည်နယ် ကော့ကရိတ်မြို့နယ် ဝေါ်လေဂွင်၌ လှုပ်ရှားနေသော ကရင်အမျိုးသား လွတ်မြောက်ရေး တပ် မတော် (ကေအဲန်အယ်လ်အေ) တပ်ဖွဲ့ဝင်များသည် ယမန်နေ့က အဆိုပါဒေသအတွင်း သယ်ဆောင်လာ သည့် နအဖ စစ်တပ်၏ ရိက္ခာနှင့် ဆေးဝါးပစ္စည်းများကို ကြားဖြတ်ဝင်ရောက်သိမ်းဆည်းခဲ့သည်ဟု သတင်း ရရှိသည်။

ယမန်နေ့ မွန်းလွဲ (၂)နာရီတွင် ကနဲလေးရှိ နအဖ စစ်ကွပ်ကဲရေးဌာနချုပ်-စကခ (၈) လက်အောက်ခံ ခမရ ၄၀၅နှင့် ထိုဒေသအတွင်း အသစ်ဝင်ရောက်လှုပ်ရှားမည့် ခမရ (၄၀၈) တပ်ရင်း၏ ရိက္ခာနှင့် ဆေးဝါးပစ္စည်း များ တင်ဆောင်လာသော ထော်လဂျီကားနှစ်စီးကို ကနဲလေးနှင့် မော်ဖိုးကလိုးကြား အူးဖူးထာ့ကားလမ်း တွင် ရောက်ရှိစဉ် ကြားဖြတ်ဝင်ရောက်သိမ်းဆည်းရမိခြင်းဖြစ်ကြောင်း ကေအဲန်အယ်လ် တပ်ရင်း (၂၀၁) တပ်ကြပ်ကြီး စောထီးခုက ပြောသည်။

သူက“ နအဖ တက်လာမယ့်သတင်းကို ကျနော်တို့ အတိအကျရတဲ့အတွက် အူးဖူးထာ့ကားလမ်းမှာ သွား ပြီးကြိုစောင့်တယ်။ စစ်ကြောင်းမလာခင်မှာ ရိက္ခာကို အရင်ပို့နေတော့ သေနတ်သံတချက်မှ မကြားရဘဲ ထော်လဂျီအပေါ်ပါလာတဲ့ ပစ္စည်းတွေ အကုန်လုံး သိမ်းလိုက်တယ်။ စစ်ကြောင်းက အနောက်မှ အဝေး ကြီးကျန်သေးတယ်လေ”ဟု ပြောသည်။

အဆိုပါ ထော်လဂျီနှစ်စီးအတွင်းမှ ပါလာသည့် ပစ္စည်းမှာ လမ်းလျှောက်စကားပြောဆက် ၃လုံး၊ စစ်ယူနီ ဖေါင်း ၂၅စုံ၊ စစ်ဖိနပ် ၁၅၀ရံ၊ ကီလို ၃၀ရှိ ငါးခြောက် ၁၀အိတ်၊ ကီလို ၃၀ရှိ ငရုပ်သီး ၂အိတ်၊ ဓါတ်ဆားရည် ၂ဖာ၊ ဆေးဝါးမျိုးစုံ၂၀၀ဗူး (ဆေးပြား ၁၀၀ခန့်ဆံ့သည့် ဆေးဗူးမျိုး)၊ ကျောပိုးအိတ် ၅လုံး၊ ဆန် ၂အိတ်၊ 12 Volt Battery ၂လုံးနှင့် ၆၀-မမ အသီး ၂လုံးတို့ ဖြစ်သည်။

(KNLA တပ်ရင်း (၂၀၁) တပ်ဖွဲ့ဝင်များ)

ဝေါ်လေဂွင်အတွင်း အသစ်ဝင်ရောက်လှုပ်ရှားမည့် နအဖစစ်တပ် ခမရ (၄၀၈)တပ်ရင်းသည် ကနဲလေးကျေး ရွာသို့ ယမန်နေ့ည(၆)နာရီခန့်တွင် ချောမောစွာ ရောက်ရှိလာသော်လည်း ၎င်းတို့တပ်ရိက္ခာနှင့် ဆေးဝါး ပစ္စည်းများကို သိမ်းဆည်းခံခဲ့ရသောကြောင့် ယခုအချိန်တွင် ကနဲလေးရွာသားများကို အပြင်လုံးဝမထွက်ရန် အမိန့်ထုတ် ထားသည်ဟု သိရသည်။

အခင်းဖြစ်ပွားရာနေရာနှင့် အနီးကပ်ရှိ ဒီကေဘီအေ (၉၀၇)မှ တပ်မှူးတစ်ဦးက “အရင်က ဖြစ်လေ့ဖြစ်ထ မရှိဘူးဆိုတော့ နအဖကလည်း ကော်သူးလေ(ကေအဲန်အယ်လ်) ဒီလိုကြားဖြတ်ပြီး ၀င်သိမ်းလိမ့်မယ်လို့ ကြိုတွက် မထားဘူးထင်တယ်။ ဒီလမ်းက နအဖတွေ ရိက္ခာပို့နေကျလမ်းပဲလေ” ဟု သုံးသပ်ပြောဆိုသည်။

ကေအဲန်ယူ တပ်မဟာ (၆)နယ်မြေ ဝေါ်လေဂွင်၌ နအဖစစ်တပ် စကခ (၈) ခမရ ၄၀၂၊ ၂၀၃၊ ၄၀၅၊ ၄၀၆၊ ၄၀၇၊ ၄၀၈တပ်ရင်းများ၊ ဒီကေဘီအေ (၉၀၇)တပ်ရင်းနှင့် ကေအဲန်အဲလ်အေ (၂၀၁)တပ်ရင်းတို့ လှုပ်ရှား လျှက်ရှိသည်။

နျူကလီးယားကိစ္စ ရှင်းရှင်းလင်းလင်းသိမှ မြန်မာ့အရေး အမေရိကန် ရှေ့တိုးဆောင်ရွက်သင့်

မြန်မာနိုင်ငံမှာ စစ်မှန်တဲ့ နိုင်ငံရေး ပြောင်းလဲမှုတွေ မရှိသေးတဲ့အကြောင်းနဲ့ နျူကလီးယား အရေးကိစ္စနဲ့ ပတ်သက်ပြီး ရှင်းရှင်းလင်းလင်း သိမှသာ မြန်မာ့အရေးကို ဆောင်ရွက်နိုင်မှာ ဖြစ်တဲ့အကြောင်းတွေကို အမေရိကန် အထက်လွှတ်တော် နိုင်ငံခြားဆက်ဆံရေး ကော်မတီ အရှေ့အာရှနဲ့ ပစိဖိတ်ရေးရာ ဆပ်ကော်မတီ ဥက္ကဋ္ဌ ဂျင်မ်ဝက်ဘ် (Jim Webb) က ပြောဆိုလိုက်ပါတယ်။
ဒါ့အပြင် မြန်မာနိုင်ငံမှာ နျူကလီးယားလက်နက် ထုတ်လုပ်ဖို့ မြောက်ကိုရီးယားနဲ့ ပူးပေါင်းဆောင်ရွက်နေတယ်ဆိုတဲ့ ပြောကြားချက်တွေကို အမေရိကန် အစိုးရအနေနဲ့ သေသေချာချာ စုံစမ်း ဖော်ထုတ် လုပ်ဆောင်သွားဖို့ တင်ပြထားတဲ့ အကြောင်းကိုလည်း သူက ပြောဆိုခဲ့ပါတယ်။ ဇွန်လ ၉ ရက်နေ့ အထက်လွှတ်တော်မှာ ကျင်းပခဲ့တဲ့ ကမ္ဘာလုံးဆိုင်ရာ အာရှအဖွဲ့ရဲ့ ဆွေးနွေးပွဲကို ကိုယ်တိုင်သွားရောက် သတင်းယူခဲ့တဲ့ မညိုညိုလွင်က တင်ပြပေးထားပါတယ်။

မြန်မာနိုင်ငံမှာ အပြောင်းအလဲတွေ မြင်လာရပေမဲ့ အပြည့်အ၀ ပြောင်းလဲတာမျိုး မဟုတ်တဲ့အကြောင်း အမေရိကန် အထက်လွှတ်တော်အမတ် ဂျင်မ်ဝက်ဘ်က ပြောဆိုလိုက်တာပါ။ ဒါပေမဲ့ တိုင်းပြည်ကို ဖိနှိပ်အုပ်ချုပ်နေတဲ့ အစိုးရ အနေနဲ့ အတိုက်အခံတွေကို ရွေးကောက်ပွဲမှာ ပါဝင်ခွင့်ပြုပြီး အမတ်နေရာတွေအတွက် လမ်းဖွင့်ပေးတာကတော့ ကောင်းတဲ့သင်္ကေတ တခုပဲလို့ သူက ဆိုပါတယ်။

“တရုတ်တို့၊ ဗီယက်နမ်တို့မှာ ရွေးကောက်ပွဲဆိုတာ မရှိခဲ့ပါဘူး။ မြန်မာနိုင်ငံမှာ အခုမြင်တွေ့နေရတဲ့ ပြောင်းလဲမှုမျိုးကို အခွင့်အလမ်းကောင်း တခုအဖြစ် အသုံးချနိုင်ပါတယ်။”

၂ ရက်ကြာ ကျင်းပခဲ့တဲ့ အမေရိကန် ဆီးနိတ် အထက်လွှတ်တော်ရဲ့ ကမ္ဘာလုံးဆိုင်ရာ အာရှအဖွဲ့ အစည်းအဝေး ညီလာခံမှာ အထက်လွှတ်တော်အမတ် ဂျင်မ်ဝက်ဘ်က ရှင်းပြသွားတာ ဖြစ်ပါတယ်။

စစ်အစိုးရရဲ့ ရွေးကောက်ပွဲမှာ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ် မပါဝင်နိုင်တဲ့အတွက် လွတ်လပ်ပြီး တရားမျှတတယ်လို့ ယူဆနိုင်ပါ့မလားလို့ မေးမြန်းတဲ့ အပေါ်မှာတော့…

“အမျိုးသား ဒီမိုကရေစီ အဖွဲ့ချုပ်က နှစ်ခြမ်းဖြစ်နေပါပြီ။ ခွဲထွက်သွားသူတွေက ရွေးကောက်ပွဲမှာ ပါဝင်နိုင်အောင် မှတ်ပုံတင်ပြီးပါပြီ။ တချို့ကလည်း ရွေးကောက်ပွဲကို မ၀င်ပါဘူး။ ဒီအနေအထားမျိုးမှာ ဒေါ်အောင်ဆန်းစုကြည် အနေနဲ့ မပါဝင်နိုင်ဘဲ ဖြစ်နေရတဲ့ အခြေအနေတွေကို ကျနော် နားလည် စာနာမိပါတယ်။ ဒါကြောင့် သူမ ပါဝင်လာနိုင်အောင် အကျယ်ချုပ်က လွတ်ဖို့လည်း လိုနေပါတယ်။” လို့ ပြောသွားပါတယ်။

အထက်လွှတ်တော်အမတ် ဂျင်မ်ဝက်ဘ်က သူ့အနေနဲ့ မြန်မာနိုင်ငံ ခရီးစဉ်ကို ရုတ်တရက် ရွှေ့ဆိုင်းလိုက်ရတာဟာ မြောက်ကိုရီးယားနဲ့ နျူကလီးယား အရေးကိစ္စကြောင့် ဖြစ်ပြီး အမေရိကန် နိုင်ငံခြားရေး ဌာနကနေ ဒီကိစ္စကို ရှင်းရှင်းလင်းလင်း သိထားမှသာ မြန်မာ့အရေးကို ဆောင်ရွက်နိုင်မယ်လို့လည်း ဆိုပါတယ်။ ဒီအတွက် အမေရိကန် အထူးသံတမန်အဖြစ် ထိုင်းနိုင်ငံဆိုင်ရာ သံအမတ်ကြီး အဲရစ် ဂျွန် (Eric John) ကို ခန့်အပ်နိုင်ဖို့ အဆိုပြုခဲ့တဲ့ အပေါ်မှာ ရှင်းပြတာကတော့…

“အဲရစ် ဂျွန် အနေနဲ့ အစွမ်းကုန် ဆောင်ရွက်နိုင်မယ်လို့ ကျနော် ယူဆပါတယ်။ သူက ဒီဒေသတွေနဲ့ ပတ်သက်ပြီး အတွေ့အကြုံတွေ အများကြီး ရှိထားပါတယ်။ မြောက်ကိုရီးယားလို အစိုးရမျိုးနဲ့တောင် ညှိနှိုင်း ဆွေးနွေးနိုင်သူဖြစ်လို့ မြန်မာပြည်အတွက် အကောင်းဆုံး ဆောင်ရွက်သွားမယ့် လူလို့ မြင်ပါတယ်။”

မြန်မာ့အရေးမှာ အမေရိကန် အစိုးရ အနေနဲ့ အတတ်နိုင်ဆုံး အပြုသဘောထားပြီး ပြုပြင်ပြောင်းလဲရေးတွေ လုပ်ဆောင်သွားမှသာ တရုတ်ရဲ့ သြဇာလွှမ်းမိုးမှုကနေ ကာကွယ်နိုင်ပြီး အရှေ့တောင်အာရှနဲ့ ကျွန်းဆွယ်ဒေသတွေမှာ အမေရိကန်ရဲ့ အခန်းကဏ္ဍက နေရာရနိုင်မှာ ဖြစ်တယ်လို့လည်း အထက်လွှတ်တော်အမတ် ဂျင်မ်ဝက်ဘ်က ပြောဆိုခဲ့ပါသေးတယ်။

အထက်လွှတ်တော်အမတ် ဂျင်မ်ဝက်ဘ်က ထိုင်းနိုင်ငံဆိုင်ရာ အမေရိကန် သံအမတ်ကြီး အဲရစ် ဂျွန်ကို မြန်မာနိုင်ငံဆိုင်ရာ အထူးကိုယ်စားလှယ်အဖြစ် ခန့်အပ်ဖို့ တိုက်တွန်းလိုက်တဲ့ အပေါ်မှာ အမေရိကန် နိုင်ငံခြားရေး ၀န်ကြီးဌာနကတော့ မြန်မာနိုင်ငံဆိုင်ရာ အထူးကိုယ်စားလှယ် ခန့်အပ်ဖို့ ရှိပေမဲ့လည်း ဘယ်သူ့ကို ခန့်အပ်မယ် ဆိုတာကိုတော့ မဆုံးဖြတ်ရသေးဘူးလို့ ဒီနေ့ သတင်းစာ ရှင်းလင်းပွဲမှာ ပြောကြားသွားခဲ့ပါတယ်။

နျူကလီးယား စီမံကိန်း ပေါက်ကြားပြီးနောက် လုံခြုံရေး တိုးမြှင့်

စစ်အစိုးရ၏ နျူကလီးယားနှင့် ဒုံးကျည်စီမံကိန်းများ သတင်း ပေါက်ကြား ပြီးနောက် စစ်တပ်တွင်းမှ သံသယ ရှိသူများကို စောင့်ကြည့်ခြင်း၊ လုံခြုံရေး တိုးမြှင့်ခြင်းများ ပြုလုပ်လိုက်ကြောင်း စစ်တပ် အသိုင်းအဝိုင်းမှ သိရှိရသည်။

စစ်ရေးပြသင်တန်း တခုတွင် တခြားသော တပ်ဖွဲ့ဝင်များနှင့်အတူ တွေ့ရသည့် ဗိုလ်မှူး စိုင်းသိန်းဝင်း (ရှေ့ဆုံး တန်းစီနေသူ နှစ်ဦးထဲမှ ဒုတိယ) (ဓာတ်ပုံ - DVB)

နျူကလီးယား၊ ဒုံးကျည် နှင့် ဥမင်လိုဏ်ခေါင်း စသည့် လျှို့ဝှက် စီမံကိန်း သုံးခုတွင် ပါဝင်ပတ်သက် နေသူများ၊ နျူကလီးယား စီမံကိန်းကို ထုတ်ဖော် ခဲ့သော ဗိုလ်မှူး စိုင်းသိန်းဝင်းနှင့် အဆက် အသွယ် ရှိသည်ဟု ယူဆရ သူများမှာ မေးမြန်း စစ်ဆေးခံ နေရကြောင်းလည်း ကြားသိရသည်။

ပေါက်ကြား သွားသည့် နျူကလီးယား၊ လိုဏ်ခေါင်း၊ ဒုံးကျည် စီမံကိန်းတို့နှင့် သက်ဆိုင်သည့် ဓာတ်ပုံ၊ အချက်အလက် များကို စုဆောင်းရန် နိုင်ငံခြား သံရုံးများသို့ ညွှန်ကြား ထားကြောင်း ရန်ကုန် စစ်ဖက် ရေးရာ လုံခြုံရေး (စရဖ) အသိုင်း အဝိုင်းနှင့် နီးစပ်သူ တဦးက ပြောသည်။

“စစ်တပ်ရဲ့ လျှို့ဝှက်သတင်းတွေ အံ့သြလောက်အောင် ပေါက်ကြားပြီးရင်း ပေါက်ကြားနေတဲ့ ကိစ္စမှာ နောက်ထပ် ဖော်ထုတ်နေတဲ့သူတွေများ ရှိနေဦးမလားဆိုတာကို ကျနော်တို့ စိုးရိမ်မိနေပါတယ်”ဟု နေပြည်တော်မှ စစ်တပ်အရာရှိတဦး က ဧရာဝတီသို့ ပြောသည်။

ဗိုလ်မှူး စိုင်းသိန်းဝင်းသည် စက်လက်နက် ပစ္စည်းထုတ်လုပ်ရေး လက်ထောက် အကြီးအကဲ ဗိုလ်ချုပ် သိန်းဌေး နှင့် ပုဂ္ဂိုလ်ရေးဆိုင်ရာ ရင်းနှီးမှုများရှိခဲ့ဖူးသည်ဟု စစ်တပ်အတွင်း ပြောဆိုမှုများ ရှိနေသည်။ ဗိုလ်ချုပ် သိန်းဌေးသည် စစ်လက်နက်ပစ္စည်းများ ထုတ်လုပ်မှုတွင် အဓိက ကျသော ပုဂ္ဂိုလ် ဖြစ်ပြီး စစ်အစိုးရ၏ ဒုံးကျည်စီမံကိန်းကို ထောက်ခံ အားပေးသူ တဦးလည်း ဖြစ်သည်။

ဗိုလ်ချုပ် သိန်းဌေးသည် ဒုံးကျည်စီမံကိန်းအတွက် ဥမင်လိုဏ်ခေါင်းများ ဖောက်လုပ်ခြင်း၊ တိုက်လေယာဉ်များနှင့် စစ်သင်္ဘောများအတွက် အသုံးအဆောင်ပစ္စည်းများ ကိုထုတ်လုပ်ရာတွင် ပါဝင်ဖူးခြင်းရှိသဖြင့် ဗိုလ်ချုပ်မှူးကြီး သန်းရွှေ၏ ယုံကြည်မှုကို ရရှိထားသူဖြစ်သည် ဟု စစ်တပ်အသိုင်းအဝိုင်းက ပြောသည်။

ကာကွယ်ရေး ဝန်ကြီးဌာန (စစ်လက်နက်ပစ္စည်း ထုတ်လုပ်ရေး) လက်အောက်တွင် အဓိက စက်ရုံ ၁၃ ခုရှိကြောင်း၊ ၎င်းတို့မှာ ခေတ်မီ လက်နက်များ၊ လက်နက်ငယ်များ၊ ကျည်ဆန်၊ ခဲယမ်း၊ မိုင်း နှင့် အပိုပစ္စည်းများထုတ်လုပ်ကြောင်း၊ ဒုံးကျည်များ၊ နျူကလီးယား လက်နက်များ ကိုထပ်မံ ပြုလုပ်သွားရန် သို့မဟုတ် ဝယ်ယူရန် ကာကွယ်ရေး ဝန်ကြီးဌာနမှ စိတ်ဝင်စားနေကြောင်း ကက-နက် အသိုင်းအဝိုင်းမှ သိရှိရသည်။

“ထိပ်ပိုင်း ခေါင်းဆောင်တွေ အဓိက ကြုံနေရတဲ့ ပြဿနာကတော့ သူတို့ရဲ့လက်အောက်ငယ်သားတွေ ပြန် မလှန် နိုင် အောင် ဘယ်လိုလုပ်မလဲဆိုတဲ့ အချက်ပါပဲ၊ အခုဆိုရင် ထိပ်ပိုင်းက ခေါင်းဆောင်တွေက စစ်တပ်ထဲမှာ ဖြစ်နေတဲ့ ကိစ္စတွေကြောင့် ပိုလို့တောင် စိုးရိမ်လာကြပြီ”ဟု နေပြည်တော် စစ်တပ်အသိုင်းအဝိုင်းနှင့် နီးစပ်သူ တဦးကပြောသည်။

ယခုနှစ် ဇန်နဝါရီလ က ဗိုလ်မှူးဟောင်း ဝင်းနိုင်ကျော်နှင့် တခြားသူ နှစ်ဦးတို့သည် ဗိုလ်ချုပ်ကြီး သူရရွှေမန်း ၏ မြောက်ကိုရီးယား ခရီးစဉ်၊ ဥမင်လိုဏ်ခေါင်း စီမံကိန်း စသည့် လျှို့ဝှက်ချက်များ ပေါက်ကြားမှု ဖြင့် သေဒဏ်နှင့် တသက်တကျွန်း ထောင်ဒဏ်များကို အင်းစိန်ထောင်တွင်း အထူးတရားရုံးက ချမှတ်ခဲ့သည်။

ဗိုလ်မှူးဟောင်း ဝင်းနိုင်ကျော်သည် ယခင်က အတွင်းရေးမှူး (၂) ဒုတိယ ဗိုလ်ချုပ်ကြီး တင်ဦး၏ ကိုယ်ရေးအရာရှိ ဖြစ်ခဲ့ဖူးသည်။

လွန်ခဲ့သော နှစ်အနည်းငယ်အတွင်း စစ်တပ်အရာရှိ ၂၀၀ ခန့်သည် စစ်တပ်ကို စွန့်ခွာခဲ့ကြကြောင်း၊ စွန့်ခွာရသည့် အကြောင်း အရင်းများမှာ လစာ နည်းပါးခြင်း၊ တင်းမာလွန်းသည့် ဗျူရိုကရေစီ စနစ် ဆန်လွန်းခြင်း၊ ထိပ်ပိုင်း ခေါင်းဆောင် များနှင့် နီးစပ်မှု နည်းပါးခြင်းတို့ ဖြစ်ကြသည်ဟု စစ်တပ်အသိုင်းအဝိုင်းက ပြောသည်။

နိုင်ငံတကာ မီဒီယာအသိုင်းအဝိုင်းမှ စစ်အစိုးရ၏ နျူကလီးယား၊ ဥမင်လိုဏ်ခေါင်း၊ ဒုံးကျည်စီမံကိန်းများကို အကျယ်တဝင့် ထုတ်ဖော်ပြောကြားနေချိန် စစ်အစိုးရ ချုပ်ကိုင်ထားသော ရုပ်သံလိုင်းများတွင် ယင်းကိစ္စများနှင့် ပတ်သက်သည့် မည်သည့် အကြောင်းကိုမျှ ပြောဆိုခြင်း မပြုပေ။

ဒီမိုကရက်တစ် မြန်မာ့အသံ (ဒီဗွီဘီ) နှင့် အယ်လ်ဂျာဇီးယား သတင်းဌာနများက အသုံးပြုခဲ့သည့် ဗီဒီယို မှတ်တမ်းများ ကြောင့် ဒုံးပျံ အင်ဂျင် အထူးပြု ဘာသာရပ်နှင့် ရုရှားမှ ဘွဲ့ရခဲ့သူ ဗိုလ်မှူး စိုင်းသိန်းဝင်း၏ အမည်သည် မြန်မာ စစ်တပ် အရာရှိများအကြား ပျံ့နှံ့သွားခဲ့ကြောင်း စစ်တပ်နှင့် နီးစပ်သူများက ပြောသည်။

အမေရိကန် ၀န်ကြီးနှင့် မြန်မာ့အရေးလှုပ်ရှားသူများ တွေ့မည်

အမေရိကန် လူဝင်မှု ကြီးကြပ်ရေးနှင့် ဒုက္ခသည်များ ဆိုင်ရာ ဒုတိယ လက်ထောက် နိုင်ငံခြားရေး ၀န်ကြီး အဲရစ် ရှဝပ်(ဇ်)သည် ထိုင်းနိုင်ငံ မဲဆောက်မြို့ အခြေစိုက် မြန်မာ့အရေး လှုပ်ရှားသူများနှင့် လာမည့် စနေနေ့တွင် တွေ့ဆုံရန်ရှိ ကြောင်း သိရသည်။

အမေရိကန် လူဝင်မှု ကြီးကြပ်ရေးနှင့် ဒုက္ခသည်များ ဆိုင်ရာ ဒုတိယ လက်ထောက် နိုင်ငံခြားရေး ၀န်ကြီး အဲရစ် ရှဝပ်(ဇ်)

နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (AAPP)နှင့် မြန်မာ ဒီမိုကရေစီ အင်အားစု (Forum for Democracy in Burma) အပါအ၀င် မြန်မာ့အရေး လှုပ်ရှားသည့် အဖွဲ့ ၁၅ဖွဲ့မှ တာဝန်ရှိသူများကိုလည်း တွေ့ဆုံရန်ရှိကြောင်း AAPP တွဲဖက် အတွင်းရေးမှူး ဦးဘိုကြည်က ပြောသည်။

ဝန်ကြီး အဲရစ် ရှဝပ်(ဇ်)သည် ထိုင်း အာဏာပိုင်များနှင့် မြန်မာဒုက္ခသည်များ အရေးကို ဆွေးနွေးမည် ဖြစ်ကြောင်း ဘန်ကောက်မြို့ရှိ အမေရိကန် သံရုံးမှ တာဝန်ရှိသူတဦးက ဧရာဝတီသို့ ပြောသည်။
ယနေ့ညတွင် ဘန်ကောက်မြို့၌ သတင်းစာ ရှင်းလင်းပွဲ ပြုလုပ်ရန်ရှိသည်ဟုလည်း ၎င်းက ဆိုသည်။

ထိုင်း-မြန်မာနယ်စပ်တွင် ဒုက္ခသည် စခန်း ၉ ခုရှိပြီး ဒုက္ခသည်ပေါင်း တသိန်း ခြောက် သောင်း ခန့် ရှိကြောင်း သိရသည်။

ယင်း ဒုက္ခသည်များသည် ၁၉၈၃ မှ စတင်၍ မြန်မာ စစ်အစိုးရတပ်များ၏ ထိုးစစ်ဆင်မှုကြောင့် ထိုင်းနိုင်ငံသို့ ယနေ့အထိ ထွက်ပြေး လာကြသူများရှိနေကြောင်း သိရသည်။ မကြာသေးမီ နှစ်များအတွင်း မြန်မာ ဒုက္ခသည် အများအပြားသည် အမေရိကန်နိုင်ငံ၌ အခြေချ နေထိုင်ခွင့် ရရှိခဲ့သည်။

ရွှေဈေး ထိုးတက်

မြန်မာ့ရွှေဈေး အတက် ဘက်သို့သာ ဦးတည်လျက် ရှိသောကြောင့် ၀ယ်ယူ သိမ်းဆည်းသူများ ရှိနေပြီး ရွှေဈေး မြင့်တက်လျက် ရှိကြောင်း သိရှိရသည်။

“ရွှေဈေးက တက်ဦးမှာပဲ၊ အခုတောင်မှ ရွှေကို အတုံးလိုက် ၀ယ်သိမ်းသူတွေ ရှိနေတယ်။ ငွေလိုတဲ့သူတွေက ပြန်ရောင်းကြပေမယ့် ရွှေကို အတုံး စုပြီးသိမ်းတဲ့သူတွေ ပိုများလာတယ်” ဟု ရန်ကုန်မြို့ ရွှေဘုံသာလမ်းရှိ ရွှေဆိုင်ရှင် တဦးက ပြောသည်။
မြန်မာရွှေဈေးနှုန်းသည် မေလဆန်းပိုင်းက အခေါက်ရွှေ တကျပ်သားလျှင် ၆၄၃၀၀၀ ကျပ်ထိမြင့်တက်ခဲ့ပြီး မေလကုန်ပိုင်းတွင် ကျပ် ၆၄၀၀၀၀ ဈေး ၀န်းကျင် ပြန်ဖြစ်သွားခဲ့သည်။ ဇွန်လ ၂ ရက်နေ့တွင် အခေါက်ရွှေ တကျပ်သားလျှင် ကျပ် ၆၄၂၀၀၀ မှ စတင် တက်လာခဲ့ရာ ၉ ရက်နေ့ပေါက်ဈေးမှာ အခေါက်ရွှေ တကျပ်သားလျှင် ၆၅၁၀၀၀ ဈေး အထိ မြင့်တက်လျက် ရှိကြောင်း သိရသည်။

“ကမ္ဘာ့ ရွှေဈေးနဲ့ ချိတ်ဆက်နေတယ် ဆိုပေမယ့်လည်း အရင်က ဒီလောက်အထိ မတက်ဖူးဘူး။ မေလကုန်လောက်ကပဲ နည်းနည်းပြန်ကျတယ်။ ပြန်ကျတယ် ဆိုတာလည်း ၆ သိန်း ၄ သောင်းမှာ တန့်နေတာပါ၊ ဒီရက်ပိုင်း ပြန်တက်လာတယ်” ဟု ရွှေဆိုင်ပိုင်ရှင် တဦးကဆိုသည်။

ကမ္ဘာ့ရွှေဈေး၊ ပြည်တွင်းရွှေဈေးများ မြင့်တက်လာမည်ဟု ခန့်မှန်းကာ ရင်းနှီးမြှုပ်နှံမှုများ ပြုလုပ်လာကြသောကြောင့်
ရွှေဈေး ဆက်တိုက်မြင့်တက် လာခြင်းဖြစ်ကြောင်း ရွှေလုပ်ငန်းရှင်များက ပြောဆိုကြသည်။

ငွေကြေး သိမ်းဆည်းခြင်းထက် ရွှေဝယ်သိမ်းထားခြင်းက အကျိုးအမြတ်ရရှိကြောင်း တွက်ဆလာကြပြီး ၂၀၀၉ ခုနှစ်ကတည်းကပင် ရွှေ ၅ ကျပ်သား၊ ၁၀ ကျပ်သား စသဖြင့် အတုံးလိုက် ၀ယ်ယူသူများရှိလာကြောင်း၊ ကမ္ဘာ့ရွှေဈေး တက်လာသည့်အတွက် ရွှေကို
ပြင်ပသို့ ထုတ်ရောင်းလာသည့် ဈေးကွက်လည်း ရှိနေသောကြောင့် ရွှေဝယ်သူ များလာခြင်းဖြစ်ကြောင်း ရွှေလုပ်ငန်းရှင် တဦးက ပြောသည်။

လက်ရှိမြန်မာနိုင်ငံတွင် စီးပွားရေးလုပ်ငန်း လုပ်ကိုင်သူများအနေဖြင့် ရေတိုစီးပွားရေးသာ လုပ်ကိုင် နိုင်သောကြောင့် ရွှေ နှင့် အိမ်၊ ခြံမြေ ရင်းနှီးမြှုပ်နှံသူ များလာကြောင်း၊ ရွှေမှာ ငွေဖြစ်လွယ်သောကြောင့် အဓိကထား ၀ယ်ယူ စုဆောင်း လာကြခြင်းဖြစ်ကြောင်း သိရသည်။

“အခုအချိန်ကတော့ ပြည်တွင်း ၀ယ်လိုအား ကောင်းနေတယ်လို့ ပြောရမှာပါ။ ရွှေဆိုင်တွေမှာ အရောင်း အ၀ယ်ဖြစ်နေတာက ၅ ကျပ်သား၊ ၁၀ သားအပိုင်းတွေက ပိုသွက်နေတယ်။ အထည်ကို သိပ်မသုံးကြဘူး၊ အပိုင်းလိုက်က ပြန်ရောင်း ရင်လည်း အလျော့တွက် မရှိတော့ ၀ယ်သ်ိမ်းလို့ ကောင်းတယ်” ဟု ရွှေဆိုင် ပိုင်ရှင် တဦးက ဆိုသည်။

မြန်မာ့ရွှေဈေးသည် ကမ္ဘာ့ရွှေဈေး၊ အမေရိကန်ဒေါ်လာ ဈေးနှင့် ကျပ်ငွေ လဲလှယ်မှု နှုန်းပေါ်တွင် မူတည်ပြီး ဈေးအတက်အကျ ဖြစ်ပေါ်လေ့ရှိကြောင်း၊ ယခု ရက်ပိုင်းတွင် ပြည်တွင်းရွှေ ၀ယ်လက် အားကောင်းလာခြင်းပေါ် မူတည်ကာ ဈေးမာနေခြင်း ဖြစ်ကြောင်း ရွှေလုပ်ငန်းရှင်များက သုံးသပ်ပြောဆို နေကြသည်။

ပြည်တွင်းရွှေဈေးနှုန်းမှာ ကမ္ဘာ့ရွှေဈေးထက် ကျပ် ၄၀၀၀ ကျော် ဈေးမြင့်လျက်ရှိနေပြီး ကမ္ဘာ့ရွှေဈေးနှုန်းမှာ တအောင်စလျှင်
၁၂၂၀ ဒေါ်လာ (ကျပ် ၁၂ သိန်းခန့်) ပေါက်ဈေးရှိနေသည်။ အမေရိကန်ဒေါ်လာနှင့် မြန်မာ ကျပ်ငွေ လဲလှယ်နှုန်းမှာ ဇွန်လ ၈ ရက်နေ့က တ ဒေါ်လာလျှင် မြန်မာကျပ်ငွေ ၉၈၅ ကျပ်ရှိကြောင်း မဟာဗန္ဓုလ ပန်းခြံလမ်းရှိ ငွေလဲဒိုင်များက ဆိုသည်။

ဂျင်မ်ဝက်ဘ်၏ ပြောဆိုမှုများသည် တကောင်ကြွက်အသံဖြစ်ဟု ဦးဝင်းတင် ပြောကြား

အမေရိကန် အထက်လွှတ်တော်အမတ် ဂျင်မ်ဝက်ဘ်၏ မြန်မာနိုင်ငံ ရွေးကောက်ပွဲနှင့်ပတ်သက်၍ ပြောကြားမှုများသည် အမေရိကန်ရှိ နိုင်ငံရေး ပင်မရေစီးကြောင်းနှင့် တလွဲစီဖြစ်နေသည်ဟု အန်အယ်လ်ဒီ ဗဟိုအလုပ်အမှုဆောင်တဦးဖြစ်သူ ဦးဝင်းတင်က ပြောဆိုလိုက်သည်။

၎င်းက “သူ့ရဲ အထွေထွေ နိုင်ငံရေးအယူအဆက အမေရိကန်မှာရှိတဲ့ နိုင်ငံရေးပင်မရေစီးကြောင်းနဲ့ တလွဲစီဖြစ်နေတယ်လို့ ကျနော်တော့ထင်တယ်။ ယေဘုယျအားဖြင့် ဒေါ်အောင်ဆန်းစုကြည်၊ အန်အယ်လ်ဒီ ဒါတွေကို ထောက်ခံမယ်။ တိုင်းရင်းသားလူမျိုးစုများရဲ့ ဒီမိုကရေစီရေး တောင်းဆိုချက်တွေကို ထောက်ခံမယ်၊ နောက်ပြည်ပမှာရှိတဲ့ အတိုက်အခံဒီမိုကရေစီအင်အားစုတွေရဲ့ လုပ်ငန်းလှုပ်ရှားမှုများကို အားပေးမယ်၊ ထောက်ခံမယ်ဆိုတဲ့ အမေရိကန်ရဲ့ နိုင်ငံရေး ပင်မရေစီးကြောင်းမှာ သူရဲ့နိုင်ငံရေးအယူအဆ အများစုက အမြဲတမ်းကွဲလွဲတဲ့ဟာတွေပဲ ထွက်လာနေတယ်။ ဒါကြောင့် သူ့အသံတွေက အမေရိကန်ရဲ့ နိုင်ငံရေးပင်မရေစီးကြောင်း တခုလုံးရဲ့အသံတွေ မဟုတ်ဘူး။ သီးခြားကွဲလွဲတဲ့ တကောင်ကြွက်အသံတွေ ဖြစ်တယ်” ဟု ခေတ်ပြိုင်သို့ ပြောကြားသည်။

ဇွန်လ (၉) ရက်နေ့ ၀ါရှင်တန်ဒီစီရှိ အထက်လွှတ်တော်တွင် ကျင်းပခဲ့သည့် ကမ္ဘာလုံးဆိုင်ရာ အာရှအဖွဲ့ ဆွေးနွေးပွဲတွင် ဂျင်မ်ဝက်ဘ်က မြန်မာစစ်အစိုးရသည် လာမည့်အောက်တိုဘာ (၁၀) ရက်တွင် ရွေးကောက်ပွဲ ကျင်းပပေးလိမ့်မည်ဟု မျှော်လင့်ရကြောင်း ပြောဆိုခဲ့ပြီး ရွေးကောက်ပွဲကို ထောက်ပံ့ကူညီရန် တိုက်တွန်းပြောကြားခဲ့မှုအပေါ် ဦးဝင်းတင်က တုံ့ပြန်ပြောဆိုခြင်းဖြစ်သည်။

မြန်မာနိုင်ငံ၌ ယခုပြုလုပ်မည့် ရွေးကောက်ပွဲသည် စစ်အစိုးရ ဆက်လက်တည်မြဲစေမည့် ဖွဲ့စည်းပုံအခြေခံဥပဒေအရ လုပ်ဆောင်မည့် ရွေးကောက်ပွဲဖြစ်သော်လည်း အတိုက်အခံပါတီအချို့ကို ရွေးကောက်ပွဲတွင် ပါဝင်ခွင့် ပြုလာပြီး လွှတ်တော်တွင် အမတ်နေရာအချို့ပေးရန် ခွင့်ပြုလာခြင်းသည် ရှေ့ကို ခြေတလှမ်းတိုးလိုက်ခြင်းဖြစ်သည်ဟုလည်း မစ္စတာဝက်ဘ်က ပြောဆိုသွားကြောင်း သိရသည်။

ယင်းသို့ မစ္စတာဂျင်မ်ဝက်ဘ်က မြန်မာနိုင်ငံအရေးကို အများနှင့်ကွဲပြားစွာ ပြောဆိုနေခြင်းသည် အလွန်ဆိုးဝါးသည်ဟု ဦးဝင်းတင်က ပြောသည်။

“ရွေးကောက်ပွဲကို လက်မခံဘူးဆိုတာဟာ နိုင်ငံရေးပါတီထောင်တဲ့ ပါတီတွေကအပ သာမန်အားဖြင့်ကြည့်မယ်ဆိုရင် မြန်မာနိုင်ငံရေးတခုလုံးက ရွေးကောက်ပွဲကို ငြင်းပယ်ကြတယ်။ ၂၀၀၈ အခြေခံဥပဒေကို ငြင်းပယ်တယ်။ မြန်မာနိုင်ငံရဲ့အာဏာရှင်စနစ်ကို ငြင်းပယ်တယ်ဆိုတဲ့ ဖြစ်ရပ်သဘောမှန်ကြီးက ပေါ်လွင်နေပါတယ်။ ဒီလိုအချိန်မှာ ရွေးကောက်ပွဲဝင်ဖို့ တိုက်တွန်းတာတို့ ပြောတာမျိုးကို ကျနော်တို့ လက်မခံနိုင်ဘူး။ ဖြစ်ရပ်မှန် အခြေအနေမှန်တွေနဲ့ လုံးဝဆန့်ကျင်နေပါတယ်။ မြန်မာပြည်သူတွေ မြင်တွေ့နေတဲ့အနေအထားက ရွေးကောက်ပွဲဆိုတာကို မယုံကြည်ဘူး။ လက်မခံဘူး။ မဲမပေးချင်ကြဘူးဆိုတဲ့ အနေအထားတွေက မြင်သာနေပါတယ်” ဟု ၎င်းက ပြောသည်။

မစ္စတာဂျင်မ်ဝက်ဘ်က တရုတ်တို့၊ ဗီယက်နမ်တို့တွင် ရွေးကောက်ပွဲ မရှိခဲ့ကြောင်း၊ မြန်မာနိုင်ငံတွင်မူ ယခု အလားအလာကောင်းများကို အထောက်အကူပြုသည့် ရွေးကောက်ပွဲတခု ဖြစ်လာနိုင်ကြောင်းလည်း ပြောဆိုခဲ့သည်ဟု သိရသည်။

မြန်မာစစ်အစိုးရက ယခုနှစ်အတွင် ရွေးကောက်ပွဲ ပြုလုပ်ပေးမည်ဟု တရားဝင်ထုတ်ပြန်ပြောဆိုထားသော်လည်း ယခုအချိန်အထိ အတိအကျ ရက်သတ်မှတ် ပြောဆိုခြင်း မရှိသေးပေ။

မစ္စတာ ဂျင်မ်ဝက်ဘ်သည် မကြာသေးခင်က ကိုရီးယားနှင့် ထိုင်းနိုင်ငံတို့သို့ အလည်အပတ်ရောက်ရှိပြီးနောက် ဇွန် (၄) ရက်တွင် သွားရောက်မည့် မြန်မာနိုင်ငံခရီးစဉ်ကို အနီးကပ်မှ ရုတ်တရက်ရွှေ့ဆိုင်းခဲ့သည်။

ယင်းသို့ရွှေ့ဆိုင်းရခြင်းမှာ မြန်မာစစ်အစိုးရသည် မြောက်ကိုရီးယားအကူအညီဖြင့် နျူကလီးယား လက်နက်များ ထုတ်လုပ်ရန် စီစဉ်နေသည့်ဆိုသည့် သတင်းများ ထွက်ပေါ်ခဲ့သည့်အတွက်ဖြစ်သည်ဟု ၎င်းက ပြောဆိုသည်။

ယာယီနိုင်ငံကူးလက်မှတ်ရုံး ဖွင့်လှစ်ရေး ထိုင်းနှင့် မြန်မာဆွေးနွေး

မြန်မာရွှေ့ပြောင်း အလုပ်သမားများအား ထိုင်းဘက်ခြမ်းတွင် ရုံးခန်းဖွင့်၍ ယာယီနိုင်ငံကူးလက်မှတ် ထုတ်ပေးရေးအတွက် ထိုင်း-မြန်မာအာဏာပိုင်များ ယနေ့တွေ့ဆုံဆွေးနွေးသည်။

ထိုင်းအစိုးရဘက်မှ တောင်းဆိုထားသော မြန်မာရွှေ့ပြောင်းအလုပ်သမားများအား ယာယီနိုင်ငံကူးလက်မှတ် ထုတ်ပေးရေး အစီအစဉ်ကို ထိုင်းဘက်ခြမ်းတွင် ရုံးခန်းဖွင့်လှစ်ဆောင်ရွက်ရေးအတွက် ထိုင်းနှင့်မြန်မာ အာဏာပိုင်တို့ ယနေ့နေ့လယ် (၁၁) နာရီက ရနောင်းခရိုင်၊ ရနောင်းမြို့၊ ရနောင်းဌာနီရပ်ကွက်ရှိ ထိနိဒီးဟိုတယ်တွင် ပြုလုပ်သည်။
အစည်းအဝေးသို့ ထိုင်းအလုပ်အကိုင် ခန့်ထားရေးဌာနညွှန်ချုပ် ဂျီယာဆတ်ဆူကွန်သာချတ်၊ ဒုညွှန်ချုပ် ဆူပတ်ဂူအမ်၊ ရနောင်းခရိုင်ဒုခရိုင်မှူး ခွန်နီရီဝတ်ဖွန်နာခန်၊ ရနောင်းမြို့တော်ဝန်တို့မှ ထိုင်းကိုယ်စားလှယ်အဖွဲ့ကို ဦးဆောင်ပြီး မြန်မာကိုယ်စားလှယ်အဖွဲ့အား ထိုင်းနိုင်ငံဆိုင်ရာ မြန်မာသံအမတ်ကြီး ဦးအောင်သိန်း၊ အထူးရဲတပ်ဖွဲ့လက်ထောက်ဒါရိုက်တာ ဦးမြင့်သိန်းနှင့် ကော့သောင်းခရိုင်မှူး ဦးအံ့မောင်တို့မှ ဦးဆောင်သည်။

ဆွေးနွေးပွဲတွင် ယာယီပတ်စပို့စ် ထုတ်ပေးရေးရုံးနေရာကိစ္စ၊ ဝန်ထမ်းများ၏လုံခြုံရေး တာဝန်ယူပေးနိုင်မှု အနေအထားများကို အဓိကထားဆွေးနွေးသွားကြပြီး ယာယီရွေးချယ်ထားသော နေရာ (၃) နေရာကို ဆက်လက် ကြည့်ရှုသုံးသပ်ကြသည်ဟု သိရသည်။ မနက်ဖြန်တွင် ဖန်ငမြို့၌ အစည်းအဝေးပွဲကို ဆက်လက်ကျင်းပမည်ဖြစ်သည်။

ယာယီရွေးချယ်ထားသော နေရာများမှာ နိပွန်မော်တာ ကုမ္ပဏီလီမိတက်၊ ကိုမော့ အဆောက်အဦ၊ ရနောင်း ငါးဖမ်းဆိပ်ကမ်းအနီး ဖယ်ပလာတို့ဖြစ်ကြသည်။

ယာယီနိုင်ငံကူးလက်မှတ် ထုတ်ပေးရေး အစီအစဉ်ကို ထိုင်းဘက်ခြမ်းတွင် ရုံးခန်းဖွင့်လှစ်ဆောင်ရွက်ရန် ပြီးခဲ့သည့်လ (၂၇) ရက်က မြန်မာနိုင်ငံ နေပြည်တော်တွင် အာဏာပိုင်များက အစည်းအဝေးပြုလုပ်ကာ တရားဝင်ထုတ်ဖော် ပြောကြားပြီးဖြစ်သည်။

ထိုင်းအစိုးရ ရနောင်းခရိုင်ဝန်ကလည်း သတင်းမီဒီယာများနှင့်တွေ့ဆုံရာတွင် မိမိတို့၏ တိုက်တွန်းချက်အရ ထိုင်းဘက်အခြမ်းတွင် ရုံးခန်းများဖွင့်လှစ်ရန် အခွင့်အလန်းများ လမ်းပွင့်လာပြီဟု ဆိုသည်။

မြန်မာအာဏာပိုင်များက ပြောင်းရွှေ့ဖွင့်လှစ်မည့် အကြောင်းရင်းကို ဖော်ထုတ်ပြောကြားရာ၌ မြန်မာနိုင်ငံသားများ မိုးတွင်းကာလ ရေကြောင်းမှဖြတ်သန်းသွားလာရေး အခက်အခဲကို ဖြေရှင်းရန်ဟု ဆိုသည်။

သို့သော် မြန်မာရွှေ့ပြောင်း အလုပ်သမားများက ဤသို့ ရုံးပြောင်းရွှေ့ဖွင့်လှစ်ခြင်းအားဖြင့် ကြားခံပွဲစား ကုမ္ပဏီများ၏ မတန်တဆတောင်းခံနေမှုများ လျှော့ပါးကာ မိမိတို့အတွက် အချိန်ကုန်သက်သာပြီး အလုပ်ပျက်ရက် သက်သာမည်ဟု မျှော်လင့်ကြသည်။

အလုပ်ဗန်းပြပြီး ပြည့်တန်ဆာအဖြစ် သွတ်သွင်းမှုများရှိ

သီရိမင်္ဂလာဈေး၊ သိမ်ကြီးဈေး၊ ယုဇန ပလာဇာ စသည့် ဈေးတို့တွင် ဆိုင်အကူ အလုပ်ပေးမည်ဟု လိမ်လည်ခေါ်ယူကာ ပြည့်တန်ဆာလုပ်ငန်း၌ သွတ်သွင်းမှုများ ရှိနေကြောင်း ကာယကံရှင်များထံမှ စုံစမ်းသိရသည်။

မကြာသေးခင်ကမှ ရန်ကုန် သိမ်ကြီးဈေး ဒီရုံ အပေါ်ထပ် အင်ပါယာ နိုက်ကလပ်တွင် ပြည့်တန်ဆာအဖြစ် သွတ်သွင်း လုပ်ကိုင်ခံရသူ အသက် (၂ဝ) ကျော်အရွယ် မိန်းကလေးတဦးက “ကျမက အိမ်ထောင်ပျက်ထားတဲ့ ကလေးတယောက် အမေပါ။ မြောက်ဥက္ကလာမှာ နေပါတယ်။ အရင်က အထည်ချုပ်စက်ရုံတခုမှာ လုပ်ဖူးပေမယ့် နောက်ပိုင်း အလုပ်က အဖြုတ်ခံရတယ်။ပြီးခဲ့တဲ့ ရက်ပိုင်းက ပွဲစားတယောက်ကတဆင့် အိမ်ကို အမျိုးသမီးကြီးတယောက်လာတယ်။ သီရိမင်္ဂလာဈေးမှာ အလုပ်ရမယ်၊ ဆိုင်အကူ၊ ညအိပ်ညနေ သူ့အိမ်မှာ လိုက်နေရမယ်၊ အိမ်ကို ကြိုတင်ငွေလည်း ပေးခဲ့မယ် ဆိုတာနဲ့ လုပ်ဖို့ လက်ခံလိုက်တာ။ အိမ်ကို သူက ကြိုတင်ငွေ (၂) သောင်းပေးခဲ့တယ်။ နောက် စမ်းချောင်းက သူငှားထားတဲ့ တိုက်ခန်းရောက်မှ ကျမလို မိန်းကလေးတွေ ပြည့်တန်ဆာ လုပ်နေကြတာ တွေ့ရတယ်။ သူတို့ အဓိက အလုပ်ဆင်းတာ သိမ်ကြီးဈေး ဒီရုံ အပေါ်ထပ်က အင်ပါယာ နိုက်ကလပ်မှာ၊ ပြည့်တန်ဆာထိန်း အဲဒီ အမျိုးသမီးကတော့ ပြောပါတယ်။ မလုပ်ချင်ရင် ပြန်သွားလို့ရတယ်တဲ့။ ဒါပေမယ့် သူပေးခဲ့တဲ့ ငွေ (၂) သောင်း၊ လူရှာပေးတဲ့ ပွဲစား (၂) ယောက်ကို ပေးခဲ့တဲ့ ငွေ (၃) သောင်း စုစုပေါင်း (၅) သောင်းတော့ ပြန်ဆပ်ပေးရမယ်လို့ ပြောတယ်။ ဒါနဲ့ ကျမလည်း ငွေပြန်ဆပ်ရ ခက်ခဲတာနဲ့ သူပြောသလိုပဲ လုပ်လိုက်တော့တယ်” ဟု ပြောသည်။

အဆိုပါ နိုက်ကလပ်တွင် အလုပ်လုပ်နေသူ ပြည့်တန်ဆာ အများစုသည် ဈေးရောင်း၊ ဆိုင်အကူ အလုပ်ရမည်ဆိုပြီး သိမ်းသွင်းခံခဲ့ရသူများဖြစ်ပြီး ဆင်းရဲလွန်းသဖြင့် မငြင်းသာတော့ဘဲ ပြည့်တန်ဆာများ ဖြစ်သွားကြကြောင်း၊ မလုပ်နိုင်သဖြင့် ပြန်သွားသူမှာ အလွန်နည်းကြောင်း အဆိုပါ မိန်းကလေးက ပြောသည်။

အဆိုပါ နိုက်ကလပ်မှ ပြည့်တန်ဆာ မိန်းကလေး အများစုသည် အသက် (၂ဝ) အောက်နှင့် (၂ဝ) အထက် ဆင်းရဲသည့် မိန်းကလေးများ ဖြစ်ကြပြီး ၎င်းတို့အနေဖြင့် အဖော်များနှင့် လိုက်ပါရန် အုပ်ထိန်းသူ အမျိုးသမီးကြီးနှင့် နိုက်ကလပ် ဝန်ထမ်းများက ဆောင်ရွက်ပေးကြသည်။

မိန်းကလေးတဦးလျှင် တည ခေါ်သွားခ ကျပ် (၁ဝ,ဝဝဝ) မှ (၃ဝ,ဝဝဝ) အထိ ဈေးအမျိုးမျိုးရှိပြီး ငွေကို အဆိုပါ အမျိုးသမီးကြီးက တခါတည်း လက်ခံရယူကြောင်း၊ ပြည့်တန်ဆာ မိန်းကလေးတဦးသည် ဖောက်သည်တဦးထံမှ ငွေကျပ် (၁ဝ,ဝဝဝ) ရရှိပါက (၅,ဝဝဝ) ကို အထိန်းအမျိုးသမီးကြီးကယူပြီး နိုက်ကလပ်ဝန်ထမ်းကို ကျပ် (၁,ဝဝဝ) ခန့် ပေးရကြောင်း သိရသည်။

အဆိုပါ နိုက်ကလပ်နည်းတူ သိမ်ကြီးဈေး စီရုံအပေါ်ထပ်မှ နိုက်ကလပ်၊ မင်္ဂလာဈေးဝင်း မင်္ဂလာမွန်ဈေး အပေါ်ထပ်မှ ဂျေဂျေနှင့် နိုက်ကလပ်များ၊ ကာရာအိုကေ ခန်းများ၊ တာမွေ မှ ဒီဂျေ ကလပ်များသည်လည်း ပြည့်တန်ဆာများဖြင့် စည်ကားရာ ဈေးတန်းသဖွယ် ဖြစ်နေသည့်အပြင် အနော်ရထာလမ်းနှင့် ရွှေတိဂုံဘုရားလမ်းထောင့်၊ အနော်ရထာလမ်းပေါ်မှ လသာ ကုန်ဈေးတန်းလမ်းထိပ် ညလုံးပေါက်ဖွင့် လက်ဖက်ရည်ဆိုင်တို့သည်လည်း ပြည့်တန်ဆာ ဈေးကွက်များ ဖြစ်ကြကြောင်း သိရသည်။

မြန်မာနိုင်ငံတွင် အောက်ခြေ လူတန်းစား ပြည်သူများ ဆင်းရဲတွင်း ပိုနက်လာခြင်း၊ ရဲနှင့် အာဏာပိုင် အဖွဲ့အစည်းများ အကျင့်ပျက် လာဘ်စားခြင်း၊ စစ်အစိုးရနှင့် နီးစပ်သည့် စီးပွားရေးသမားများ အာဏာပိုင်တို့၏ အကာအကွယ်ယူပြီး နိုက်ကလပ်နှင့် ကာရာအိုကေ ဘားများကို စီးပွားဖြစ် ပိုမို ဖွင့်လှစ်လာကြခြင်းတို့သည် ပြည့်တန်ဆာ ပေါများလာစေခြင်း၏ အကြောင်းရင်း ဖြစ်ကြောင်း ရန်ကုန်မြို့ခံများက ပြောသည်။

တက္ကစီမောင်းသူတဦး ဓားဒဏ်ရာများဖြင့် သေဆုံး

ရန်ကုန်မြို့ ဒဂုံမြို့သစ် (တောင်ပိုင်း) မြို့နယ် ဒဂုံမြို့သစ် တောင်မြောက်လမ်းဆုံအနီးတွင် ပြီးခဲ့သည့် ဇွန် (၆) ရက်ည၌ တက္ကစီမောင်းသူတဦးကို ကြေးစားလူသတ်သမားများက သတ်ဖြတ်မှုတခု ဖြစ်ပွားခဲ့သည်။

သေဆုံးသူသည် အသက် (၃၇) နှစ်အရွယ် ကိုလှဝင်းဆိုသူဖြစ်ပြီး ဒဂုံမြို့သစ် တောင်ပိုင်းမြို့နယ် (၇၁) ရပ်ကွက်တွင် နေထိုင်သူဖြစ်ပြီး မွတ်စလင်လူမျိုးဖြစ်ကာ ဇနီးနှင့်အတူ သားသမီး (၅) ဦး ကျန်ရစ်ခဲ့ကြောင်း သိရသည်။
သေမှုသေခင်းဖြစ်စဉ်ကို သွားရောက် စစ်ဆေးခဲ့သည့် နယ်မြေရဲတဦးက “လှဝင်းကားကို ကားတစီးက လာပြီးတော့ ပွတ်ဆွဲတယ်။ သူက စက်ရပ်ပြီးတော့ ကားပေါ်က ဆင်းလိုက်တယ်၊ ကားပေါ်မှာ ခရီးသည် (၂) ယောက်ပါတယ်၊ အဲဒီ ခရီးသည်တွေလည်း ကြောက်လန့်ပြီးတော့ နောက်ကား ငှားပြီးတော့ ပြေးရော၊ ဖိနပ်တောင် ကျန်ခဲ့သေးတယ်။ လူသတ်သမားတွေက သူ့ကို ဓားနဲ့ထိုးတော့ သူကားပေါ်ကို အော်ဟစ်ပြီး ပြန်ပြေးတယ်။ လူသတ်သမားတွေက သေသူရဲ့ခြေထောက်ကို ဓားနဲ့လိုက်ပြီးတော့ ခုတ်တယ်။ သူက ကားပေါ်ကို ပြေးတက်ပြီးတော့ ကားမှန်တွေကို ပိတ်ပြီးတော့ ပြေးမလို့ လုပ်ပေမယ့် အောက်မှာ ရုန်းရင်းဆန်ခတ် ဖြစ်တုန်းမှာ ခါးမှာ ချိတ်ထားတဲ့ ကားသော့က ကျကျန်ခဲ့တယ်။ သူ့ကို လူသတ်သမားတွေက ကားမှန်ကို ခွဲပြီးတော့ မသေမချင်း သတ်တာလို့ ယူဆရတယ်။ ဘာလို့လဲဆိုတော့ သူ့မှာ ရထားတဲ့ ဒဏ်ရာတွေကိုရော အခြေအနေကိုရော တွက်ဆကြည့်မိလို့ပါ။ ကားသော့က ကားနဲ့ မလှမ်းမကမ်းမှာ တွေ့ရတယ်။ ညာဘက်လက်မှာလည်း ဓားနဲ့အချက်ပေါင်းများစွာ ခုတ်ထားတာ တွေ့ရတယ်” ဟု ပြောသည်။

သေဆုံးသူနှင့်တက္ကစီမောင်းဘက်တဦးက “အဲဒီနေ့က လှဝင်း မောင်းတဲ့ကားက တောင်မြောက်လမ်းဆုံ မရောက်ခင် တံတားဖြူ အနီးမှာ ဖြစ်တာ။ သူ့အလောင်းကို ကျနော်တို့သွားကြည့်တော့ လက်တွေမှာ ဓားနဲ့ခုတ်ထားတာတွေက အများကြီး၊ ကြေမွနေတယ်။ ပြီးတော့ လက်မလည်း ပြတ်နေတယ်။ ဗိုက်ကိုလည်း ဓားနှင့်ခွဲသွားတော့ အူတွေပါထွက်နေတယ်” ဟု ပြောသည်။

ယင်းဖြစ်ရပ်နှင့်ပတ်သက်ပြီး ဒဂုံမြို့သစ်တောင်ပိုင်းမြို့နယ် ရဲစခန်းက စုံစမ်းကာ လူသတ်တရားခံများကို ဇွန်လ (၈) ရက်နေ့၌ ဖမ်းဆီးမိပြီဖြစ်ကြောင်း တာဝန်ကျ ရဲအရာရှိတဦးက ပြောသည်။

“တရားခံတွေကို မိထားပါပြီ၊ အမှုကိုတော့ စစ်ဆေးနေတုန်းပါပဲ” ဟု ၎င်းက ပြောသည်။

လူသတ်သမားများသည် တောင်းအေ့ (စ်) ကားဖြင့် လိုက်သတ်ခြင်းဖြစ်ကြောင်း၊ သေဆုံးသူ ကိုလှဝင်းထံမှ ငွေကြေး တစ်စုံတရာ ယူဆောင်သွားခြင်းမရှိကြောင်း၊ ယင်းအတွက် သေစေလိုသော စိတ်သက်သက်ဖြင့် သတ်ဖြတ်သည်မှာ ထင်ရှားကြောင်း ဒေသခံ ရပ်ကွက်အာဏာပိုင်တဦးက ပြောသည်။

၎င်းက “အခု သတ်တဲ့သူတွေကို ဖမ်းထားတာ၊ ယာဉ်မောင်း အပါအ၀င် လူ (၄) ဦး ဖြစ်တယ်။ အဲဒီလူတွေက ကြည့်မြင်တိုင်မြို့နယ်အတွင်းက ကြေးစားလူသတ်သမားတွေပဲ” ဟု ပြောသည်။

အဆိုပါ လူသတ်မှုဖြစ်ပွားမှုသည့်အချိန်မှာ ဇွန် (၆) ရက် ည (၇) နာရီခွဲကျော်ခန့်က ဖြစ်ပွားခဲ့သော်လည်း သက်ဆိုင်ရာတို့မှ လာရောက်စစ်ဆေးမှု ပြုလုပ်ကြသည်မှာ ည (၉) နာရီခန့်တွင် ဖြစ်ကြောင်း အခင်းဖြစ်ပွားရာအနီးမှ မျက်မြင်များက ပြောသည်။

မျက်မြင်များ၏ ပြောပြချက်အရ ထိုသို့အခင်ဖြစ်ပွားစဉ်တွင် ကိုလှဝင်းက အော်ဟစ်အကူ အညီတောင်းသော်လည်း မိမိတို့ကိုပါ သတ်သွားမည် စိုးရိမ်သည့်အတွက် သွားရောက် မကူညီနိုင်ခဲ့ခြင်းဖြစ်ကြောင်း သိရသည်။

သေသူကို မွတ်စလင်ဘာသာအရ ချက်ချင်းသင်္ဂြိုဟ်လိုက်ကြောင်း သိရသည်။

တစညနှင့် ကြံ့ဖွံ့ ကချင်ပြည်နယ်တွင် အမတ်လောင်းရှာ

ကချင်နိုင်ငံရေးပါတီများ စည်းရုံးခွင့် မရှိနိုင်သေးသည့် ကချင်ပြည်နယ်တွင် တစညပါတီနှင့် ကြံ့ဖွံ့ပါတီတို့က ရွေးကောက်ပွဲဝင်မည့် အမတ်လောင်း ရှာဖွေစည်းရုံးမှုများ လုပ်နေကြောင်း မြစ်ကြီးနားမြို့နေ ကချင်တိုင်းရင်းသား ခေါင်းဆောင်တဦးက ပြောသည်။
၎င်းက “လက်ရှိ ကချင်ပြည်နယ်ထဲမှာ တစညရော ကြံ့ဖွံ့တို့ကပါ လူထု စည်းရုံးရေးထက် အမတ်လောင်း ရှာဖွေ စည်းရုံးရေးကို ပိုပြီး လုပ်နေကြတယ်။ ဒေသခံတွေက မဲပေး ရွေးချယ်နိုင်လောက်တဲ့ ကချင်လူမျိုး၊ ရှမ်းလူမျိုး သြဇာရှိသူတွေထံ ချဉ်းကပ်ပြီး သူတို့ပါတီတွေရဲ့ အမတ်လောင်းလုပ်ဖို့ စည်းရုံးကြတယ်။ နဂိုကတော့ ဒေသခံ ခေါင်းဆောင်တွေဟာ ကချင်ပါတီတွေမှာ ပါဝင်ဖို့၊ ကချင်ပါတီတခုခုရဲ့ အမတ်လောင်းအဖြစ် ဝင်ပြိုင်ဖို့ အားခဲထားကြတာ။ ဒါပေမယ့် စစ်အစိုးရက ကချင်ပါတီတွေကို ပါတီထူထောင်ခွင့်တောင် မပေးသေးတဲ့အောက်မှာ စိတ်ပျက်လာကြတယ်။ တချို့ ဒေသခေါင်းဆောင်တွေကတော့ ဘာပဲဖြစ်ဖြစ် ကိုယ့်လူထုကိုကိုယ် ဖြစ်တဲ့နည်းနဲ့ အကာအကွယ်ပေးရမယ်လို့ စဉ်းစားပြီး တစညနဲ့ ကြံ့ဖွံ့ပါတီက အမတ်လောင်းလုပ်ဖို့ ကမ်းလှမ်းတာကို လက်ခံလိုက်ကြတာတွေ ရှိလာတယ်” ဟု ပြောသည်။

ကချင်ပြည်နယ်တွင် စစ်အစိုးရ၏ လက်ကိုင်တုတ် ကြံ့ဖွံ့ပါတီမှာ နာမည်ပျက်နေပြီး အမတ်လောင်းစည်းရုံးရာတွင် တစည ပါတီက အသာစီးရနေကြောင်း၊ ကချင်ပြည်နယ် ဒေသခံများကလည်း ပါတီထက် လူပုဂ္ဂိုလ်ကိုကြည့်ပြီး ကိုယ်စားလှယ်လောင်း ရွေးချယ်မည့် အနေအထား ရှိနေခြင်းကြောင့် အဆိုပါ ပါတီ (၂) ခု ယခုကဲ့သို့ အမတ်လောင်းရှာနေရခြင်းဖြစ်ကြောင်း ကချင်တိုင်းရင်းသားခေါင်းဆောင်က ပြောသည်။

ယခင် အန်ဒီအေ အဖွဲ့တွင် ခေါင်းဆောင်တာဝန်ယူခဲ့ပြီး ယခုအခါ ညီညွတ်သောဒီမိုကရေစီပါတီ (ကချင်ပြည်နယ်) ထူထောင်ရာတွင် ပါဝင်သူတဦးက “ကျနော်တို့ပါတီ နေပြည်တော်မှာ ဧပြီ (၃ဝ) ကတည်းက ပါတီတည်ထောင်ခွင့် သွားလျှောက်ထားတယ်။ အခု ဇွန် (၈) ရက်အထိ ဘာမှ အကြောင်းပြန်တာ မရှိသေးဘူး။ ပါတီ တည်ထောင်ခွင့်တောင် မရတော့ ဘာစည်းရုံးရေးမှလည်း မလုပ်နိုင်သေးဘူး” ဟု ပြောသည်။

ကေအိုင်အို၊ အန်ဒီအေနှင့် ကချင်အတိုင်ပင်ခံကောင်စီမှ ခေါင်းဆောင်ဟောင်းများဖြင့် ဖွဲ့စည်းထားသည့် ကချင်ပြည်နယ်တိုးတက်ရေးပါတီ သည်လည်း ဧပြီ (၅) ရက်နေ့ကတည်းက ပါတီတည်ထောင်ခွင့် လျှောက်ထားသော်လည်း ပါတီတည်ထောင်ခွင့် မရရှိသေးပေ။

အဆိုပါ ပါတီသည် ရွေးကောက်ပွဲကော်မရှင် မဖွဲ့ခင်ကတည်းက ကချင်ပြည်နယ်အတွင်း မြို့နယ်၊ ကျေးရွာ အတော်များများကို စည်းရုံးရေးဆင်းခဲ့ပြီး ပြည်သူလူထု ထောက်ခံမှု ရရှိထားသည့် ပါတီဖြစ်သည်။

ဒေသခံ ကချင်ခေါင်းဆောင် အတော်များများကလည်း အဆိုပါ ပါတီတွင် ပါဝင်ပူးပေါင်းကြရန် အားခဲထားကြသော်လည်း ကချင်ပါတီများ တည်ထောင်ခွင့်မရသေးသည့်အတွက် တစညနှင့် ကြံ့ဖွံ့ပါတီ အခွင့်အရေး ပိုရသွားသကဲ့သို့ ဖြစ်နေသည်။

ရန်ကုန်အခြေစိုက် နိုင်ငံရေးပါတီကြီးတခုမှ ခေါင်းဆောင်တဦးက “ဒီ ပြည်မကြီးမှာလည်း ဒေါ်အောင်ဆန်းစုကြည်၊ အန်အယ်လ်ဒီ၊ မင်းကိုနိုင်တို့ အပါအဝင် နိုင်ငံရေးသမား အတော်များများ ပါဝင်ခွင့် မရကြဘူး။ ကချင်ပြည်နယ်လို နေရာမျိုးမှာလည်း ကချင်တိုင်းရင်းသားတွေ ပါဝင်ခွင့် မရဘူးဆိုရင် ဒီ ရွေးကောက်ပွဲဟာ ဘယ်လိုမှ တရားမျှတ လွတ်လပ်တယ် ဆိုပြီး မပြောနိုင်ပါဘူး” ဟု ဝေဖန်ပြောဆိုသည်။

စစ်အစိုးရက ရွေးကောက်ပွဲရက်ကို ယခုတိုင်ထုတ်ပြန်ကြေညာခြင်းမရှိသေးဘဲ ယခုအခါ ၂၀၁၀ နှစ်ဝက်ကျိုးလာပြီ ဖြစ်သည့်အတွက် ရွေးကောက်ပွဲ ပါဝင်ယှဉ်ပြိုင်မည့် ပါတီအဖွဲ့အစည်းများအတွက် စည်းရုံးရေးလုပ်ငန်းများ လုပ်ဆောင်ရန် အချိန်လုံလောက်စွာ ရရှိလိမ့်မည်ဟု မထင်ကြောင်း ပြည်တွင်းမှ နိုင်ငံရေးအကဲခတ်တဦးက ပြောကြားသည်။

ထိုင်းနှင့်မြန်မာ ကျောင်းသားများ ပူးပေါင်း သစ်ပင်စိုက်ပျိုး

ဒီရေရောက်တောများ၏ အရေးပါအရာရောက်မှုကို ကလေးသူငယ်များအပါအဝင် လူကြီးလူငယ်မရွေး သိမြင်နားလည်လာစေရန် ရည်ရွယ်၍ ထိုင်းနိုင်ငံတောင်ပိုင်းတွင် ထိုင်းနှင့်မြန်မာ ကျောင်းသားများက သစ်ပင်စိုက်ပျိုးပွဲတရပ်ကို ယနေ့ စုပေါင်းပြုလုပ်ကြသည်။

သဘာဝပတ်ဝန်းကျင် ထိန်းသိမ်းရေးနေ့ကို ဂုဏ်ပြုသောအားဖြင့် ထိုင်းနိုင်ငံတောင်ပိုင်း၊ ဖန်ငခရိုင်၊ တကွာပမြို့နယ်အတွင်းရှိ ထိုင်းကမ်းရိုးတန်း အနောက်ပင်လယ်ပြင်တွင်ရှိသော ကော့ခေါ့ခေါင်ကျွန်းတွင် မြန်မာရွှေ့ပြောင်းကျောင်းသားများနှင့် ထိုင်းကျောင်းသား၊ ကျောင်းသူတို့ ပါဝင်သော ကျောင်းသား အယောက် (၇၀) ကျော်တို့က သစ်ပင်အရေအတွက် (၃,၀၀၀) ကို စုပေါင်းစိုက်ပျိုးခဲ့ကြသည်။
ထိုအစီအစဉ်အား Thai Environmental Institute (TEI) ခေါ် ထိုင်းနိုင်ငံ သဘာဝပတ်ဝန်းကျင်ထိန်းသိမ်းရေး အင်စတီကျူနှင့် ထိုင်းတောင်ပိုင်းတွင် အခြေစိုက်သော ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း (FED) တို့မှ ပူးတွဲကျင်းပပေးခဲ့ခြင်း ဖြစ်သည်။

၁၉၇၂ ခုနှစ်မှစတင်၍ ကမ္ဘာ့ကုလသမဂ္ဂက သတ်မှတ်ပေးခဲ့သော ကမ္ဘာ့သဘာဝပတ်ဝန်းကျင် ထိန်းသိမ်းရေးနေ့အဖြစ် အမှန်ကျရောက်သော ဇွန်လ (၅) ရက်နေ့တွင် အဆိုပါအစီအစဉ်အား ယခုကဲ့သို့ ပူးတွဲကျင်းပနိုင်ရေးအတွက် အခြေအနေ မပေးသဖြင့် ယနေ့မှသာ ကျင်းပနိုင်ခဲ့ခြင်းဖြစ်သည်။

ကိုယ်တိုင်ကိုယ်ကျ စိုက်ပျိုးခဲ့သော Youth Outreach လူငယ်သိပံ္ပကျောင်းမှ ဒုတိယနှစ်ကျောင်းသူ မစုစုလှိုင်က “ခုလိုကမ်းခြေမှာသွားပြီး သူငယ်ချင်းတွေနဲ့ သစ်ပင်စိုက်တာ ဒါပထမဆုံးပဲ၊ ဗဟုသုတလည်းရ ပျော်စရာလည်းကောင်းပါတယ်” ဟု ပြောဆိုသည်။

ယင်းသို့ သစ်ပင်စိုက်ပျိုးရခြင်းနှင့်ပတ်သက်၍ TEI ၏ တောင်ပိုင်း (၅) ခရိုင်ဖြစ်သော ရနောင်း၊ ဖန်င၊ ဖူးခက်၊ ကရာဘီနှင့် တရန်တို့၏ ညှိနှိုင်းဆောင်ရွက်ရေးမှူး ခွန်ပေါင်က “အဓိကအချက် (၃) ချက်ရှိတယ်။ အဲဒါတွေက သဘာဝပတ်ဝန်းကျင် စိမ်းလန်းစိုပြေရေးကို ထိန်းသိမ်းဖို့၊ သတ္တဝါတွေ ဗီဇမျိုးစိတ်တွေကို ထိန်းသိမ်းနိုင်ဖို့နဲ့ နောက်တခု အရေးကြီးတဲ့ ရည်ရွယ်ချက်က ဝိသမလောဘသားတွေ ကိုယ်ကျိုးစီးပွားအတွက် အများပြည်သူပိုင်တဲ့ မြေနေရာတွေကို မတိုးချဲ့လာဖို့ပါ” ဟု ရှင်းပြသည်။

ထိုကျွန်းမြေနေရာ အသီးသီးတွင် သဘာဝပတ်ဝန်းကျင် ထိန်းသိမ်းရေးကို လျစ်လျူရှု၍ အများပြည်သူပိုင်သော သစ်တောမြေနေရာများအား ခွဲဝေပိုင်ဆိုင်မှုများ ပြုလုပ်လာကြသည်မှာ ဆူနာမီဖြစ်ပြီးနောက်ပိုင်း ပြုန်းတီးသွားသော ဒီရေရောက်တောများအထိ ကျယ်ပြန့်လာခဲ့သည်ဟု ၎င်းက ဆိုသည်။

ထို့အတွက် ဤလုပ်ရပ်များကို ရပ်တန့်စေခြင်းငှာ ထိုင်းသဘာဝပတ်ဝန်းကျင် ထိန်းသိမ်းရေးဌာနနှင့် ဒေသဆိုင်ရာပြည်သူများက တနိုင်တပိုင် ဝိုင်းဝန်းကြိုးပမ်းနေကြခြင်း ဖြစ်သည်ဟု သိရသည်။

အဆိုပါကျွန်းသည် ၂၀၀၄ ခုနှစ် ဆုနာမီရေလှိုင်းရိုက်ခတ်စဉ်က ကျွန်းပေါ်တွင် နေထိုင်လုပ်ကိုင်နေသူများအနက် လူ (၂၀၀) ခန့်သာ အသက်ဘေးမှ လွတ်မြောက်ခဲ့ရပြီး ကျန်ရှိသူ (၅၀၀) ခန့်မှာ ရေလှိုင်းဒဏ်ကြောင့် သေဆုံးခဲ့ရသည်။

ထိုကျွန်း၏ တဘက်ကမ်း ဘန့်နမ်းခန်ရွာကလေးသည်လည်း ဆူနာမီကြောင့် ထိုင်းနိုင်ငံတွင် လူပေါင်းထောင်ကျော် အသေပျောက်အများဆုံး ကျေးရွာအဖြစ် ဝမ်းနည်းမှတ်တမ်းတင်ခံခဲ့ရသည်။

ဤပူးပေါင်းသစ်ပင်စိုက်ပွဲကို မြန်မာရွှေ့ပြောင်း အလုပ်သမားများ၏ ရင်သွေးကျောင်းသားများနှင့် ထိုင်းကျောင်းသားငယ်များ၏ သဘာဝပတ်ဝန်းကျင် ထိန်းသိမ်းရေးဆိုင်ရာ ပြယုဒ်တခုအဖြစ် မှတ်တမ်းတင်နိုင်မည်ဖြစ်ကြောင်း ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်းမှ အခမ်းအနားကြီးကြပ်သူ ကိုသောမတ်စ်က ပြောကြားသည်။

ယခုကာလအတွင်း အဆိုပါဒေသတွင် မည်သူစတင်လိုက်သည်မသိသော ဇွန်လ (၁၂) ရက်နေ့တွင် ငလျင်လှုပ်၍ ဆူနာမီရေလှိုင်းများ လာရောက်ရိုက်ခတ်မည်ဆိုသည့် ကောလာဟလများကြောင့် ဒေသတွင်းနေထိုင်သူများမှာ ကြောက်လန့်နေကြပြီး စားသတိသွားသတိ ဖြစ်နေကြရသည်။ ငလျင်လှုပ်မည်ကို အတိအကျခန့်မှန်း၍ မရကြောင်း၊ နားလည်မှု အားနည်း၍ ဖြစ်မည်ဖြစ်ကြောင်း အချို့ကသုံးသပ်သည်။

သာသနာရေး ၀န်ထမ်းများ အလုပ်မထွက်ရန် ၀န်ခံလက်မှတ်ထိုးရ

ရန်ကုန်မြို့ ကမ္ဘာအေးဘုရားလမ်းရှိ သာသနာရေးဝန်ကြီးဌာန၊ သာသနာတော် ထွန်းကားပြန့်ပွားရေးဦးစီးဌာနမှ ၀န်ထမ်းများအား တာဝန်ထမ်းဆောင်ရာတွင် ၀န်ခံကတိလက်မှတ် ရေးထိုးခိုင်းနေကြောင်း သိရသည်။

နေပြည်တော် သာသနာရေးဝန်ကြီးဌာန၊ ရုံးအဖွဲ့မှူး ဗိုလ်မှူးမြင့်ဦး (ငြိမ်း) က အမိန့်ကြော်ငြာစာအမှတ် ၈/၂၀၁၀ ထုတ်ပြန်ပြီး လက်မှတ်ရေးထိုးခိုင်းနေခြင်းဖြစ်သည်။
အမိန့်ကြော်ငြာစာတွင် ဒုတိယညွှန်ကြားရေးမှူးနှင့် အောက် အမြဲတမ်းဝန်ထမ်းအား (၅) နှစ်၊ တဆင့်မြင့်ရာထူး တိုးမြှင့်ခြင်းခံရသည့် ၀န်ထမ်းအား (၅) နှစ်၊ ယာယီနေ့စားဝန်ထမ်းအား (၃) နှစ်၊ အသစ်ခန့်အပ် ၀န်ထမ်းအား ၅ နှစ် တဆက်တည်း တာဝန်ထမ်းဆောင်ရန် လက်မှတ်ရေးထိုးစေခြင်းဖြစ်သည်။

“ဌာနက နုတ်ထွက်တဲ့ အရာထမ်းတွေ၊ အခြား ၀န်ကြီးဌာနတွေကို ကူးပြောင်းသွားတဲ့ အရာထမ်းတွေ များလာလို့ ၀န်ကြီးဌာနအနေနဲ့ ထိန်းလိုက်တဲ့ သဘောပါ။ အနှောင်အဖွဲ့ သဘောတူစာချုပ် (Bond) ထိုးခိုင်းခြင်းဖြစ်ပါတယ်” ဟု နေပြည်တော်ရှိ သာသနာတော် ထွန်းကားပြန့်ပွားရေးဌာနမှ အရာထမ်းတဦးက ပြောသည်။

အဆိုပါအမိန့်အရ လက်မှတ်ရေးထိုးပြီး ၀န်ထမ်းများသည် အလုပ်တာဝန်မှ နုတ်ထွက်ခြင်း၊ အခြား ၀န်ကြီးဌာနများသို့ ကူးပြောင်းခွင့်မရှိတော့ဘဲ ကူးပြောင်းခဲ့ပါက ထုတ်ယူခဲ့သည့် လုပ်ခ/လစာ၏ (၂) ဆ ပေးလျော်ရမည်ဟု ကြော်ငြာစာတွင် ဖော်ပြထားသည်။

ဥပမာ လစာငွေ (၅) သောင်းကျပ်နှင့် (၁) နှစ်တာဝန်ထမ်းဆောင်ပြီးပါက လုပ်ခလစာ (၆) သိန်းရရှိပါက ယင်းငွေ နှစ်ဆ (၁၂) သိန်းကို ပေးလျော်ရမည်ဖြစ်သည်ဟု သာသနာရေးဝန်ထမ်းတဦးက ရှင်းပြသည်။

ထိုကတိစာချုပ်ကို သာသနာရေးဝန်ကြီးဌာန၊ သာသနာတော် ထွန်းကားပြန့်ပွားရေးဦးစီးဌာန တခုတည်းကိုသာ လက်မှတ်ရေးထိုးစေခြင်းဖြစ်ပြီး အခြား ဌာနကြီး (၃) ခုအား ရေးထိုးစေခြင်းမရှိကြောင်း၊ အခြား ၀န်ကြီးဌာနများသို့လည်း အဆိုပါ ညွှန်ကြားချက် ရောက်ရှိခြင်းမရှိကြောင်း သိရသည်။

လုပ်သက်ရင့် သာသနာရေး ၀န်ထမ်းတဦးကမူ “နုတ်ထွက်စာတင်ပြီးထွက်တဲ့ အမှုထမ်း မရှိပါဘူး။ နယ်ပို့တယ်။ နေပြည်တော် ပို့တယ်။ မသွားဘူး။ အပြုတ်ခံတယ်။ အဲလိုဝန်ထမ်းမျိုးပဲ တနှစ်ကို (၁) ယောက် (၂) ယောက် ရှိပါတယ်။ တပ်က ရွှေ့လာတဲ့ အရာရှိတွေသာ သာသနာရေးမှာ လာပြီး တာဝန်ထမ်းကြည့်တယ်။ ဟန်ပုံမပေါ်တော့ နီးစပ်ကျွမ်းဝင်ရာလူကြီးနဲ့ ညှိပြီး အခြားဝန်ကြီးဌာနတွေကို ကူးနေကြတာ။ (၂ ) နှစ်အတွင်းမှာ ခုလိုပုံစံနဲ့ အရာရှိ (၁၀) ယောက်လောက် နုတ်ထွက်သွားကြတယ်” ဟု ပြောသည်။

ကရင်အပစ်ရပ်အဖွဲ့များအား နအဖ ခေါ်ယူသတိပေး

ကရင်အပစ်ရပ်အဖွဲ့အချို့၏ လိုင်စင်မဲ့ကားများနှင့် တရားမ၀င် လက်နက်သယ်ဆောင်မှုများကို ထိန်းချုပ်နိုင်ရန်အတွက် ကရင်ပြည်နယ်အာဏာပိုင်များက ကရင်ငြိမ်းအဖွဲ့တာဝန်ရှိသူများကို ဆင့်ခေါ်၍ စည်းကမ်းတင်းကျပ်မှုများ ပြုလုပ်ခဲ့သည်။
ယမန်နေ့က ဘားအံတွင် ပြည်နယ်ဥက္ကဋ္ဌနှင့် ထောက်လှမ်းရေး (စရဖ) က ကရင်အပစ်ရပ်အဖွဲ့များကို အစည်းအဝေးခေါ်ယူကာ လက်နက်အရောင်းအ၀ယ်ကိစ္စနှင့် အသယ်အပို့ကိစ္စတို့ကို သတိပေးပြောကြားခဲ့ကြောင်း ကရင်အပစ်ရပ် ခေါင်းဆောင်တဦးက ပြောသည်။

၎င်းက “ကရင်ငြိမ်းအဖွဲ့အချို့ထိုင်းဘက်က လက်နက်တွေဝယ်ပြီး လက်နက်အရောင်းအ၀ယ်တွေ လုပ်နေတယ်။ လက်နက်သယ်ကြတာလည်း အဖွဲ့အစည်းအမည်ခံထားတဲ့ ကားတွေဖြစ်တယ်။ နိုင်ငံတော်က အသုံးပြုခွင့်ပေးထားတဲ့ ကားတွေဟာ တရားမ၀င် အလုပ်တွေလုပ်ဖို့ မဟုတ်ဘူးဆိုပြီး လက်ရှိအသုံးပြုနေတဲ့ ကားစာရင်းတွေကို ဒီလထဲမှာပဲ စာရင်းအပြီးအပ်ရမယ်လို့ပြောတယ်” ဟု ဆိုသည်။

ကရင်ငြိမ်းအဖွဲ့များအသုံးပြုနေသည့် ကားများကို စာရင်းကောက်ယူရခြင်းမှာ မြ၀တီမြို့မှတဆင့် လက်နက်ခဲယမ်းမီး ကျောက်ပါသည့် ငြိမ်းအဖွဲ့တခုမှ ကားတစီးကို ယခင်လက ပဲခူးတိုင်း ရွှေကျင်မြို့တွင် ဖမ်းဆီးရရှိမှုနှင့်ဆက်စပ်ကြောင်း အဆိုပါအရာရှိက ပြောသည်။

နအဖက ကရင်ငြိမ်းအဖွဲ့များ အသုံးပြုရန် ခွင့်ပြုထားသည့် ကားအရေအတွက်မှာ တဖွဲ့လျှင် (၅) စီးမှ (၁၀) စီးအများဆုံး ဖြစ်သော်လည်း အဆိုပါအခွင့်အရေးကို အသုံးချ၍ မြ၀တီမှတဆင့် တရားမ၀င်ကားများကို မြန်မာပြည်အတွင်းပိုင်းအထိ ပို့ဆောင်ပေးခြင်းအပြင် တရားမ၀င်လက်နက် သယ်ဆောင်မှုများ ပြုလုပ်နေခြင်းတို့ကြောင့် ဖြစ်သည်ဟုလည်း ၎င်းက ပြောသည်။

ကရင်ငြိမ်းအဖွဲ့များက လိုင်စင်မဲ့ကားများ သယ်ဆောင်ရောင်းဝယ်ရာတွင် ခွင့်ပြုကားများ၏ စာရွက်စာတမ်းများကို မိတ္တူကူး၍ အသုံးပြုကြသည်ဟု ငြိမ်းအဖွဲ့တခု၏ ယာဉ်မောင်းတဦးက ပြောသည်။

ငြိမ်းအဖွဲ့တခု၏ တပ်မှူးတဦးက “သူတို့ ဘယ်လိုပဲ အမိန့်ထုတ်ထုတ် သူ့နည်းသူ့ဟန်နဲ့တော့ ဆက်ပြီးလှုပ်ရှားနေရဦးမှာပဲ။ ဗိုလ်ဌေးမောင်ရဲ့ ကရင်ငြိမ်းချမ်းရေးကောင်စီအဖွဲ့ဆိုရင် အရင်လကစပြီး အစိုးရက သူတို့ကို ရိက္ခာဖြတ်လိုက်ပြီ။ ဘာအထောက်အပံ့မှ မပေးတော့ဘူး။ အခု ကားလိုင်းပါ ပိတ်ဖို့ ကန့်သတ်လာပြီဆိုတော့ အခြေအနေက မကောင်းတော့ဘူး။ မကြာဘူး သေနတ် ပေါက်တော့မယ်လို့ပဲ ပြောချင်တယ်” ဟု ဆိုသည်။

အစည်းအဝေး ဆုံးဖြတ်ချက်များအရ ကရင်ငြိမ်းအဖွဲ့များကို နားလည်မှုဖြင့် အသုံးပြုခွင့်ပေးထားသည့် လိုင်စဉ်မဲ့ ကားစာရင်းများကို မြ၀တီနှင့်ဘားအံမြို့အကြားရှိ စစ်ဆေးရေးဂိတ် အားလုံးတွင် မော်တော်ယာဉ် အထောက်အထား စာရွက်စာတမ်းများ ပေးထားရမည်ဖြစ်ပြီး လိုင်စဉ်မဲ့ကားသယ်ဆောင်ပါက ယာဉ်သိမ်းပြီး လူကို အရေးယူမည်ဟု ပါရှိသည်။

မြ၀တီမှတဆင့် မြန်မာပြည်အတွင်းပိုင်းသို့ တရားမ၀င် တင်ပို့နေသည် လိုင်စဉ်မဲ့ကားများမှာ ဂျပန်ကားဟောင်းများ အပါအ၀င် တလလျှင် အစီးရေ (၂၀၀) အထက်တွင် ရှိသည်ဟု ကားပွဲစားတဦးက ပြောသည်။

ယမန်နေ့ အစည်းအဝေးသို့ ဒီကေဘီအေ၊ ဟောင်သရောအဖွဲ့၊ ဘုရားကုန်းအဖွဲ့၊ ငြိမ်းချမ်းရေးကောင်စီအဖွဲ့နှင့် သံတောင်အထူးဒေသမှ အဖွဲ့ (၂) ဖွဲ့တို့ တက်ရောက်ခဲ့ကြသည်။

အမိုးနီးယား ဓာတ်ငွေ့အိုး ပေါက်ကွဲမှုဖြစ်

ရန်ကုန်မြို့ လှည်းတန်း ဆင်ရေတွင်းမှတ်တိုင်အနီး နှင်းတောင်ရေခဲစက်တွင် ယနေ့ ညနေ (၆) နာရီ (၁၀) မိနစ်ကစပြီး အမိုးနီးယား ဓာတ်ငွေ့အိုးပေါက်ကွဲမှု ဖြစ်ပွားနေသည်။

“စက်ရုံထဲက အလုပ်သမားတွေ ထွက်မလာကြသေးဘူးလို့ ဘေးအိမ်က လူတွေကပြောတယ်။ လှည်းတန်း ဆင်ရေတွင်း ရပ်ကွက်ထဲမှာ အနံ့တွေ ပျံ့နေတယ်။ လူတွေက အိမ်တွေပိတ်ပြီး အဝေးကို သွားနေကြတယ်” ဟု လှည်းတန်း ဆင်ရေတွင်း မှတ်တိုင် အောင်မြေသာစည် ရပ်ကွက်နေထိုင်သူက ပြောကြားသည်။
ရေခဲထုတ်လုပ်မှုတွင် အသုံးပြုသည့် အမိုးနီးယားဓာတ်ငွေ့ ယိုစိမ့်ပေါက်ကွဲမှုကြောင့် စက်ရုံအနီးအနားမှ နေထိုင်သူများ အသက်ရှူမ၀ ဖြစ်နေကြပြီး အချို့က အဝေးသို့ ရှောင်သွားသော်လည်း အများစုက အိမ်မှပစ္စည်းများ စိတ်မချသည့်အတွက် ထွက်မသွားသေးကြောင်း သိရသည်။

အဆိုပါပုဂ္ဂလိက နှင်းတောင်ရေခဲစက်ရုံကို လူနေရပ်ကွက်အတွင်း ဖွင့်လှစ်ခွင့် ပြုထားခြင်းဖြစ်ပြီး ယင်းအနီးတွင် စက်မှု (၁) ပိုင် မာရီယာ ဘီစကွတ်စက်ရုံ၊ သုခကမ္ဘာ အထူးကုဆေးခန်းတို့လည်း ရှိနေကြောင်း သိရသည်။

“အင်းစိန်ဘက်က လာတဲ့ လိုင်းကားတွေလည်း လှည်းတန်းဘက်ကနေ ပြန်လှည့်မောင်းနေကြတယ်။ အနံ့တွေက အတော်ဆိုးနေတယ်။ အထဲက အလုပ်သမားတွေ အပြင်မထွက်လာသေးဘူး။ မိုးရွာနေတာ မိုးရွာပြီးစ အချိန်လေးပဲ။ ညနေ (၆) နာရီ ကျော်လောက်မှာ အနံ့တွေ စထွက်လာတာ” ဟု အောင်မြေသာစည် ရပ်ကွက်နေသူက ပြောကြားသည်။

အနားယူခဲ့သော မွန်ပြည်သစ်ဗဟိုကော်မတီအချို့ ရွေးကောက်ပွဲဝင်ရန် စီစဉ်

မကြာမီလပိုင်းအတွင်းက အနားယူခဲ့ကြသည့် မွန်ပြည်သစ်ပါတီ ဗဟိုကော်မတီဝင်အချို့ ၂၀၁၀ ရွေးကောက်ပွဲဝင်ရန် စီစဉ်နေကြောင်း သိရသည်။

အနားယူခဲ့သူများဖြစ်ကြသည့် တွဲဖက်အတွင်းရေးမှူး နိုင်ချမ်းတွဲ့၊ နိုင်ထောအိန် (နိုင်ခိုစိုက်) နှင့် နိုင်တင်လှတို့သုံးဦးက မြန်မာစစ်အစိုးရနှင့် ပူးပေါင်းလိုက်ပြီဟု စစ်ရေးလေ့လာသူများက သုံးသပ်ကြသည်။
“လက်ရှိပိတ်ထားတဲ့ မြို့ပေါ်ရုံးတွေမှာ အနားယူထားတဲ့ ဗဟိုကော်မတီဝင်ဟောင်းတွေနဲ့ အရာရှိငယ်တွေ သူတို့သဘောနဲ့သူတို့ စုရုံးရောက်ရှိနေကြတယ်၊ ပါတီက တာဝန်ပေးထားတာ မရှိဘူး” ဟု မွန်ပြည်သစ်ပါတီ ဗဟိုကော်မတီဝင်တစ်ဦးက ပြောသည်။
နယ်ခြားစောင့်တပ် (သို့) ပြည်သူ့စစ် မဖွဲ့ဟု ပြီးခဲ့သည့်ဧပြီလ (၂၂) ရက်နေ့တွင် မွန်ပြည်သစ်ပါတီက စစ်အစိုးရထံ အကြောင်းပြန်ခဲ့ပြီးနောက်ပိုင်း၌ ပြည်တွင်းရှိ ရုံးများကို ပိတ်ထားခဲ့ခြင်း ဖြစ်သည်။

၁၉၉၅ ခု အပစ်အခတ်ရပ်စဲပြီးနောက်ပိုင်းတွင် ရန်ကုန်၊ မော်လမြိုင်၊ သံဖြူဇရပ်၊ ရေး၊ ဘုရားသုံးဆူနှင့် မြဝတီမြို့များတွင် မွန်ပြည်သစ်ပါတီရုံးများကို စစ်အစိုးရ သဘောတူညီချက်ဖြင့် ဖွင့်လှစ်ထားရှိခဲ့သည်။

လက်ရှိအနေအထား၌ မော်လမြိုင်မြို့ပေါ်ရှိ မွန်ပြည်သစ်ပါတီရုံးတွင် နိုင်ချမ်းတွဲ့ ရောက်ရှိနေကြောင်း ရုံးသားတစ်ဦးက အတည်ပြု ပြောကြားသော်လည်း မည်သည့်လုပ်ငန်းတာဝန်များ ဆောင်ရွက်နေသည်ကို မေးမြန်းရာ၌ ဖြေဆိုခြင်း မပြုခဲ့ပေ။

တဖန် နိုင်ထောအိန်ကလည်း နေ့တိုင်းလိုလို ရုံးသို့လာရောက်နေကြောင်း မွန်ပြည်သစ်ပါတီ သံဖြူဇရပ်မြို့၊ ဆက်ဆံရေးရုံးက အတည်ပြု ပြောကြားသည်။

“နိုင်ထောအိန်က ရွေးကောက်ပွဲဝင်ဖို့ သူတို့ကို မွန်ပြည်သစ်ပါတီဗဟိုက လွှတ်လာတယ်လို့ ပြောတယ်” ဟု မွန်သံဃာတော်များအကြား စည်းရုံးပြောဆိုနေကြောင်း သံဖြူဇရပ်မြို့မှ ဘွဲ့အမည်မဖေါ်လိုသူ မွန်သံဃာတော်တစ်ပါးက မိန့်ကြားခဲ့သည်။

အကဲခတ်သူအချို့၏ အဆိုအရ ပြည်တွင်းရှိ မွန်ပြည်သစ်ပါတီရုံးများကို ပါတီမှ အနားယူထားသူ ဗဟိုကော်မတီဝင်သုံးဦးက ပြန်လည်ဖွင့်လှစ်ပြီး လက်ကျန်စီးပွားရေးလုပ်ငန်းများကို ဆက်လက်ထိန်းချုပ်ထားကာ စစ်အစိုးရချပြသည့် လမ်းစဉ်အတိုင်း မွန်ပြည်သစ်ပါတီအမည်ခံ ပါတီတစ်ရပ်ကဲ့သို့ ရွေးကောက်ပွဲဝင်နိုင်ရန် ကြိုးပမ်းနေသည်ကို တွေ့ရှိရသည်။

ထို့အတူ ယခင်အနားယူခဲ့သည့် နိုင်အောင်နိုင်အဖွဲ့သည်လည်း နယ်ခြားစောင့် (သို့မဟုတ်) ပြည်သူစစ် ဖွဲ့စည်းနိုင်ရေးအတွက် လူအင်အား (၅၀) ပြည့်ရန် အကြိတ်အနယ် စုစည်းနေပြီး အခြေခံစစ်သင်တန်းပေးလျှက် ရှိသည်။

စစ်ရေးစောင့်ကြည့်လေ့လာသူများက မကြာမီရက်ပိုင်းအတွင်း စရဖအကြီးအကဲ ဒု-ဗိုလ်ချုပ်ကြီးရဲမြင့် မော်လမြိုင်မြို့သို့ လာရောက်ရန်ရှိပြီး လက်ရှိမွန်ပြည်သစ်ပါတီ ကိစ္စရပ်များအား ရတခတိုင်းမှူးနှင့် နည်းဗျူဟာအစီအစဉ်သစ်များ ချမှတ်နိုင်ဖွယ် ရှိသည်ဟုလည်း ပြောဆိုသုံးသပ်နေကြသည်။

လက်ရှိရတခတိုင်းမှူး ဗိုလ်ချုပ်သက်နိုင်ဝင်းနှင့် မွန်ပြည်သစ်ပါတီ တွဲဖက်အတွင်းရေးမှူးဟောင်း နိုင်ချမ်းတွဲ့တို့မှာ မော်လမြိုင်တက္ကသိုလ် တက်ရောက်ခဲ့စဉ် အလွန်ရင်းနှီးခဲ့ကြသူများ ဖြစ်သည်ဟု သိရသည်။

ရှမ်းတိုင်းရင်းသားများ ဒီမိုကရက်တစ် ပါတီ ရွေးကောက် ပွဲ၌ တိုင်း နှင့် ပြည်နယ် လေးခုတွင် ၀င်ရောက် ယှဉ်ပြိုင်ရန် စီစဉ်

ရှမ်း တိုင်းရင်းသားများ ဒီမိုကရက်တစ် ပါတီ အနေဖြင့် မြန်မာပြည် တစ်ဝန်းရှိ ရှမ်း အမျိုးသား များကို ကိုယ်စား ပြု၍ ၀င်ရောက် ယှဉ်ပြိုင် သွားမည် ဖြစ်ကြောင်း ပါတီ ဥက္ကဋ္ဌ ဦးစိုင်းအိုက်ပေါင်း က ပြောကြားသည်။ " မြန်မာပြည် တစ်ဝန်းမှာ ရှိတဲ့ ရှမ်း တွေ အားလုံးကို မမေ့ဘူး ဆိုတာကို ပြတဲ့ အနေနဲ့ ကျွန်တော်တို့ ပါတီကို ရှမ်း တိုင်းရင်းသားများ ဒီမိုကရက်တစ် ပါတီလို့ ပေးထား တာပါ။ အခြေခံ ဥပဒေအရ လူမျိုးစု တစ်ခုရဲ့ လူဦးရေ ၆၀,၀၀၀ ကျော်ရင် ၀န်ကြီး တစ်ယောက် ရနိုင်တဲ့ အတွက် ရှမ်းပြည်နယ် အရှေ့ပိုင်း၊ တောင်ပိုင်း နှင့် မြောက်ပိုင်း အပြင်၊ ကချင်ပြည်နယ်၊ မန္တလေးတိုင်း၊ စစ်ကိုင်းတိုင်း တို့ အပြင် ရှမ်း လူမျိုး အများစု ရှိရာ နေရာတွေမှာ ၀င်ရောက် ယှဉ်ပြိုင် သွားမှာပါ" ဟု ၎င်းက ပြောသည်။
"ဒီ အခြေခံ ဥပဒေမှာ ထူးခြားတာ တစ်ခုက ပြည်ထောင်စု လွှတ်တော် အပြင် ပြည်နယ်နဲ့ တိုင်း လွှတ်တော် တစ်ရပ်စီ ရှိတာ ပါပဲ။ ၁၉၇၄ ခုနှစ် ဖွဲ့စည်းပုံ အခြေခံ ဥပဒေမှာ တုန်းက လွှတ်တော် တစ်ရပ်ပဲ ရှိခဲ့ ပါတယ်။ ပြည်နယ် အစိုးရ၊ တိုင်း အစိုးရတွေ ပေါ်ပေါက် လာမယ်။ ထိုက်သင့် သလောက် အခွင့် အရေးတွေ ရလာမယ်လို့ ယူဆ ပါတယ်။ ပြည် ထောင်စု တိုင်းရင်းသားတွေ အနေနဲ့ ဒီ အခွင့် အရေးမှာ ပါဝင် သင့်တယ်လို့ ထင်တဲ့ အတွက် ဒီ ရွေးကောက် ပွဲမှာ ၀င်ရောက် ယှဉ်ပြိုင်ဖို့ ဆုံးဖြတ်လိုက် တာပါ" ဟု ၎င်းက ပြောသည်။

လွတ်လပ်ပြီး တရားမျှ တသည်ဟုဆို ရာတွင် အကြောက် တရား နှင့် အနိုင် အထက် ပြုမှု မရှိဘဲ ပါတီ အားလုံး အခွင့် အရေး ညီညီ မျှမျှ ရရှိခြင်းကို ဆိုလိုသည် ဟု ၎င်းက ပြောသည်။ ဘဏ္ဍာရေး အခြေ အနေပေါ် မူတည်ပြီး မဲဆန္ဒနယ် ၅၀ လောက်တွင် ၀င်ရောက် ယှဉ်ပြိုင်ရန် မျှော်မှန်း ထားသည် ဟု သိရသည်။ "ဒီလိုမျိုး ၀င်ရောက် ရွေးချယ် ခံဖို့ ဆိုတာလည်း ငွေကြေး အများကြီး လိုအပ်တဲ့ အတွက် ကျွန်တော်တို့ အနေနဲ့ အလှူရှင်တွေ ရှာရ ဦးမှာပါ။ အလှူရှင် မရှိရင်တော့ အမတ်လောင်း တွေက ပိုပြီး ထည့်ရ ပါမယ်"ဟု ၎င်းက ဆိုကြောင်း မြန်မာတိုင်း(မ်) ဂျာနယ်တွင် ဖော်ပြ ထားသည်။

မြန်မာ-တရုတ် သံတမန် ဆက်ဆံရေး နှစ် (၆၀) ပြည့် စာပို့ တံဆိပ် ခေါင်းသစ်

မြန်မာနိုင်ငံ နှင့် တရုတ် ပြည်သူ့ သမ္မတ နိုင်ငံ တို့၏ သံတမန် ဆက်ဆံရေး နှစ် (၆၀) ပြည့် အထိမ်း အမှတ် ငွေကျပ် ၁၀ဝ တန် စာပို့ တံဆိပ် ခေါင်းသစ် တစ်မျိုးကို ဇွန် ၈ ရက်မှ စတင်ကာ ပြည်နယ်၊ တိုင်း၊ ခရိုင်၊ မြို့နယ် ဆက်သွယ်ရေး စခန်း (စာတိုက်) များ၌ ထုတ်ဝေ ရောင်းချမည် ဖြစ်ကြောင်း ဇွန် ၁ ရက် ထုတ် နိုင်ငံပိုင် သတင်းစာ များတွင် ဖော်ပြ ထားသည်။ မြန်မာနိုင်ငံ နှင့် တရုတ် ပြည်သူ့ သမ္မတ နိုင်ငံ တို့၏ သံတမန် ဆက်ဆံရေး ကို ၁၉၅၀ ပြည့်နှစ် ဇွန်လ ၈ ရက် နေ့တွင် စတင် ထူထောင် ခဲ့ပြီး ယခုနှစ် ၂၀၁၀ - ပြည့်နှစ် ဇွန် ၈ ရက်နေ့ တွင် သံတမန် ဆက်ဆံရေး နှစ် (၆၀) ပြည့်နေ့ ဖြစ်သည်။

မြန်မာနိုင်ငံ နှင့် တရုတ် ပြည်သူ့ သမ္မတ နိုင်ငံတို့၏ သံတမန် ဆက်ဆံရေး နှစ် (၆၀) ပြည့် အထိမ်း အမှတ် မတိုင်မီ ဇွန် ၂ ရက်က တရုတ် ပြည်သူ့ သမ္မတ နိုင်ငံ နိုင်ငံတော် ကောင်စီ ဝန်ကြီးချုပ် မစ္စတာ ဝမ်းကြားပေါင် ဦးဆောင်သော ကိုယ်စားလှယ် အဖွဲ့သည် မြန်မာ နိုင်ငံသို့ ချစ်ကြည်ရေး ခရီး လာရောက် လည်ပတ် ခဲ့ပြီး ဇွန်လ ၃ ရက် နေ့ နံနက်ပိုင်းက နေပြည်တော်မှာ စစ်အစိုးရခေါင်းဆောင် ဗိုလ်ချုပ် သန်းရွှေ၊ စစ်အစိုးရ ဝန်ကြီးချုပ် ဦးသိန်းစိန် တို့နဲ့ တွေ့ဆုံခဲ့ ပါတယ်။

ထို့အပြင် မြန်မာနိုင်ငံ နှင့် တရုတ် ပြည်သူ့ သမ္မတ နိုင်ငံ တို့၏ သံတမန် ဆက်ဆံရေး နှစ် (၆၀) ပြည့် အထိမ်း အမှတ် အဖြစ်နဲ့ ဝန်ကြီးချုပ် နှစ်ဦး အပြန် အလှန် စကား ပြောဆို ခဲ့ကြပြီး သဘာဝဓာတ်ငွေ့ ပိုက်လိုင်း၊ ရေအား လျှပ်စစ်စက်ရုံ နဲ့ တခြား အကူ အညီပေးရေး ဆိုင်ရာ ကိစ္စတွေ အပါအဝင် ပူးပေါင်း ဆောင်ရွက်ရေး သဘောတူ စာချုပ် ၁၅ ခု လက်မှတ် ရေးထိုးခဲ့ ကြပါတယ်။

ဒေါ်အောင်ဆန်းစုကြည်မွေးနေ့ သစ်ပင် ၂ သောင်းကျော် စိုက်မည်

ချင်းမိုင် (မဇ္ဈိမ) ။ ။ လူထုခေါင်းဆောင် ဒေါ်အောင်ဆန်းစုကြည်၏ ၆၅ နှစ်မြောက် မွေးနေ့ အထိမ်းအမှတ်အဖြစ် ပြည်နယ်နှင့် တိုင်းများ၌ သစ်ပင်ပေါင်း ၂၀၀၀၀ ကျော်အား အမျိုးသား ဒီမိုကရေစီ အဖွဲ့ချုပ်ဝင် အန်အယ်ဒီ လူငယ်များက ယနေ့မှ စတင်၍ စိုက်ပျိုးသွားကြမည်ဟု သိရသည်။

အန်အယ်ဒီရုံးခွဲ မရှိသော ကယားပြည်နယ်မှလွဲရင် မြန်မာနိုင်ငံတဝှမ်း မြို့နယ် ၃၁၈ မြို့နယ်တွင် တမြို့လျှင် သစ်ပင် ၆၆ ပင်ကျစီ စိုက်ပျိုး၍ ဇွန်လ ၁၉ ရက်နေ့တွင် ကျရောက်မည်ဖြစ်သော ဒေါ်အောင်ဆန်းစုကြည် မွေးနေ့အတွက် လက်ဆောင်ပေးသွားရန် လူငယ်များက စီစဉ်ထားသည်။
ဗမာလူမျိုး၏ အစဉ်အလာတခုအရ ၆၅ နှစ် ပြည့်မြောက်သည့် မွေးနေ့တွင် အသက် ၆၆ နှစ်ထဲ ဝင်ရောက်သည်ဆိုသော အယူဖြင့် သစ်ပင် ၆၆ ပင် စိုက်ပျိုးခြင်းဖြစ်သည်။

ဇွန် ၁၉ ရက်နေ့အထိ ပြုလုပ်မည်ဖြစ်သော သစ်ပင် ၂၀၉၈၈ ပင် စိုက်ပျိုးမည့် အစီအစဉ်မှာ သဘာဝပတ်ဝန်းကျင် ထိန်းသိမ်းရေးအား ပြည်သူအများ ပိုမိုသိရှိစေရန်လည်း ဖြစ်သည်ဟု အန်အယ်ဒီ ဗဟိုဦးစီးအဖွဲ့ဝင် မဖြူဖြူသင်းက ပြောသည်။

ရန်ကုန်တိုင်း တောင်ဒဂုံ၊ လှိုင်သာယာ၊ တောင်ဥက္ကလာမြို့နယ်များတွင် အန်အယ်ဒီအဖွဲ့ဝင်များက မိမိနေအိမ်ဝန်းများအတွင်းနှင့် ပုဂ္ဂလိကပိုင်မြေများ၊ ဘုန်းကြီးကျောင်း၊ ဘုရားကျောင်းတွင် ပိတောက်၊ ကန့်ကော်၊ ခရေ၊ ကုက္ကိုလ်၊ ဗန်ဒါ စသည့် အရိပ်ရ အပင်များ ယနေ့ စိုက်ပျိုးကြသည်။

ဒေါ်အောင်ဆန်းစုကြည်သည် မဖိတ်ဘဲရောက်လာခဲ့သူ အမေရိကန်နိုင်ငံသား ဂျွန်ဝီလျံ ယက်တောကို ဧည့်ခံမှုဖြင့် နေအိမ်တွင် ချုပ်နှောင်သော ၁၈ လထောင်ဒဏ်မှာ နိုဝင်ဘာလတွင် ကုန်ဆုံးမည်ဖြစ်၍ ယခုကျရောက်မည့် မွေးနေ့မှာ နေအိမ်တွင်းမှာသာ ကုန်ဆုံးရမည်ဖြစ်သည်။ ‘ကောင်းမွန်စွာ နေထိုင်လျှင်’ ကျန်ရှိသော ၁၈ လ ပြစ်ဒဏ်ကို လျှော့ပေ့ါပေးမည်ဟု စစ်အစိုးရက ထုတ်ပြန်ထားသည်။

ပဲခူးမြို့တွင် လာမည့် ၁၉ ရက်နေ့ ဒေါ်အောင်ဆန်းစုကြည်မွေးနေ့တွင် စိန်ပန်းပင် ၆၆ ပင်ကို စိုက်ပျိုးမည်ဟု အန်အယ်ဒီ ပဲခူးမြို့နယ် ဥက္ကဋ္ဌ ဦးမြတ်လှက ပြောသည်။

ရန်ကုန်အခြေစိုက် သစ်တောနှင့် သဘာဝပတ်ဝန်းကျင် ထိန်းသိမ်းရေးအသင်း FREDA ဒုဥက္ကဋ္ဌ ဦးအုန်းက သစ်ပင်များကို တောတောင်နှင့် တောင်ကတုံးများတွင် “အင်နှင့် အားနှင့်” စိုက်ပျိုးသင့်သည်ဟု တိုက်တွန်းသည်။

“သစ်ပင်စိုက်တာတော့ ကောင်းတယ်။ ရှိပြီးသားသစ်ပင်တွေကို ထိန်းသိမ်းတာက ပိုကောင်းတယ်။ သစ်ပင်တပင်ကို ခုတ်ပြီး သစ်ပင်ပြန်စိုက်တယ်ဆိုတာက သဘာဝ အနေအထားတွေ ပျက်သွားတယ်။ သစ်တောက ရွာသမျှ မိုးရေကို စုတ်ထားတာ။ ရာသီဥတု မျှတတယ်။ သစ်တောမရှိတော့ မြေဆီလွာ တိုက်စားမှုတွေဖြစ်ပြီး ရာသီဥတု ဖျောက်ပြန်လာတယ်” ဟု ဦးအုန်းက ပြောသည်။

FREDA အဖွဲ့အနေဖြင့် ၁၉၉၉ ခုနှစ်မှစ၍ သစ်ပင်စိုက်ပျိုးခြင်းကို လုပ်ဆောင်လာခဲ့ပြီး နာဂစ်မုန်တိုင်းပြီးနောက် ဧရာဝတီတိုင်း ဖျာပုံခရိုင်အတွင်း၌ ဧက ၃၀၀၀ ကျော် စိုက်ပြီးဖြစ်သည်ဟုလည်း ဆိုသည်။

မြန်မာနိုင်ငံ၏ စုစုပေါင်း အကျယ်အဝန်းမှာ စတုရန်းကီလိုမီတာ ၆၅၆ ၅၇၇ အနက် ၁၉၇၅ ခုတွင် သစ်တောဖုံးလွှမ်းဧရိယာ ၆၀ ရာခိုင်နှုန်း ရှိသော်လည်း ယခုနှစ်တွင်မူ ၄၁ ရာခိုင်နှုန်းသာရှိတော့သည်ဟု ကုလ အစားအစာနှင့် စိုက်ပျိုးရေးအဖွဲ့ကြီး FAO က ယခုနှစ် ဧပြီလအတွင်းက ထုတ်ပြန်ထားသည်။

ခိုးကူးခွေ စီမံချက်ကြောင့် မူရင်းခွေ ရောင်းအားတက်

နယူးဒေလီ (မဇ္ဈိမ) ။ ။ မြန်မာတေးသီချင်းနှင့် ဗီဒီယိုဇာတ်လမ်း ခိုးကူးခွေများအား စီမံချက်ဖြင့် ဖမ်းဆီးနေသဖြင့် မူရင်းခွေများ ရောင်းအား ပြန်တက်လာကြောင်း ရန်ကုန်မြို့ရှိ ဗီဒီယို ဖြန့်ချိရေးနှင့် တေးသံသွင်းဆိုင်များ အဆိုအရ သိရသည်။

ယခုလ ၁ ရက်နေ့မှ စတင်ကာ ခိုးကူးခွေရောင်းချခြင်း၊ လက်ဝယ်ထားရှိခြင်းနှင့် ပြသခြင်းတို့ လုပ်ဆောင်ပါက ထောင်ဒဏ် ၃ နှစ် ပြစ်ဒဏ်ချမည်ဟု ရန်ကုန်တိုင်း ကောင်စီ (တယက) က ကြေညာခဲ့အပြီး ရဲနှင့် မြို့နယ် ဗီဒီယိုအခြေခံ အဖွဲ့ဝင်များက လှည့်လည် စောင့်ကြည့်နေခြင်းကြောင့် ခွေရောင်းအားများ မြင့်တက်လာခြင်း ဖြစ်သည်။
“ခိုးကူးခွေနဲ့ ပတ်သက်ရင် ထောင်ဒဏ် မဖြစ်မနေ ချမှတ်မယ်လို့ ကြေညာတဲ့နောက်ပိုင်း ရန်ကုန်ရော၊ နယ်တွေရော ခွေတွေ ပိုမှာလာကြတယ်။ ရောင်းအားတက်လာတယ်ပေါ့နော်။ အခုလိုမျိုး မမှာတာ နှစ်နဲ့ကို ချီနေပြီ။ ” ဟု ကျောက်တံတားမြို့ သရဝဏ် ဗီဒီယိုဖြန့်ချိရေးမှ တာဝန်ရှိသူတဦးက ပြောသည်။

ကျောက်တံတားမြို့ ထွန်းတောက်ကြယ် ဗီဒီယိုထုတ်လုပ်ဖြန့်ချိရေးမှ တာဝန်ရှိသူတဦးကလည်း “အရင်တုန်းကဆိုရင် နယ်တွေဘက်က ခွေမှာရင် နည်းနည်းလေးပဲ။ အခုဒီလထဲမှာကျတော့ ခွေမှာတဲ့အရေအတွက် ဆယ်ဂဏန်းလောက် ပိုများလာတယ်။ ဒါက ကောင်းတဲ့ လက္ခဏာပါပဲ” ဟု ပြောသည်။

ထို့အပြင် ဗီဒီယို ဖြန့်ချိရေးဆိုင်များနည်းတူ တေးသံသွင်းဆိုင်များ၌လည်း ရောင်းအားတက်လာသည်။

“ဒီလ ၃ ရက်နေ့က L ဆိုင်းဇီခွေထွက်တယ်။ အဲဒါ နယ်တွေက အော်ဒါ ပိုမှာလာလို့ မူရင်း ဖြန့်ချိရေးဆီက ခွေပိုယူရမယ့် အခြေအနေ ရှိတယ်။ ဒီလထဲမှာ အသစ်ထွက်တဲ့ ခွေတွေအပြင် ခွေအဟောင်းတွေပါ အရောင်းသွက်လာတယ်” ဟု လသာမြို့နယ်ရှိ လသာတေးသံသွင်းဆိုင် အရောင်းမန်နေဂျာက ပြောသည်။

သက်သေခံပစ္စည်းနှင့်တကွ ဖမ်းဆီးရမိပါက ရုပ်မြင်သံကြားနှင့် ဗီဒီယို အက်ဥပဒေ ပုဒ်မ ၃၂ အရ ထောင်ဒဏ် ၃ နှစ်နှင့် ဒဏ်ငွေ ကျပ် ၁ သိန်း ကျခံရန် သတ်မှတ်ထားကြောင်း သိရသည်။

ခိုးကူးခွေအမှုတခုကို ဖမ်းဆီးရမိပါက ရဲစခန်းက ရုပ်ရှင်အစည်းအရုံး လက်အောက်ရှိ မြို့နယ်ဗီဒီယိုအခြေခံအဖွဲ့ထံ သိမ်းဆည်းရမိသည့် ပစ္စည်းများကို အပ်နှံရပြီး ယင်းအဖွဲ့မှ တရားခံအား မည်သည့် ဥပဒေပုဒ်မဖြင့် တရားစွဲဆိုပါရန် ရဲစခန်းအား စာဖြင့်အကြောင်းပြန်လေ့ရှိသည်။

မင်္ဂလာတောင်ညွန့်၊ ၉၄ လမ်းမှ ဒေသခံတဦးက “အရင်တုန်းက ကျမတို့လမ်းထဲမှာတင် ဆိုင်တွေအများကြီးပဲ။ အခုတော့ ဖမ်းနေလို့ထင်တယ်။ ကြက်ပျောက်၊ ငှက်ပျောက်ပဲ။ မတွေ့ရတော့ဘူး” ဟု ဆိုသည်။

အင်းစိန်နှင့် လမ်းမတော်မြို့မှ ဒေသခံအချို့ကလည်း ယခုအပတ်အတွင်း ခိုးကူးခွေ ရောင်းသည့်ဆိုင်များ မတွေ့ရတော့ကြောင်း ပြောဆိုကြသည်။

ခိုးကူးခွေများသည် ၂၀၀၂ ခုနှစ်ခန့်မှ စတင်၍ ဂီတလောကဈေးကွက်အတွင်း ထိုးဖောက်ဝင်ရောက်လာပြီးနောက် ရုပ်ရှင်၊ ဗီဒီယိုခွေများကိုပါ ခိုးကူးလာကြသဖြင့် ပြည်တွင်း ဂီတနှင့် ရုပ်ရှင်၊ ဗီဒီယို ဖြန့်ချိရေး ဈေးကွက်အတွက် အဓိက ထိုးနှက်ချက်တခု ဖြစ်ခဲ့သည်။

မူရင်းခွေတခွေ၏ တန်ဖိုးမှာ ကျပ်ငွေ ၁၅၀၀ ဝန်းကျင်ရှိသော်လည်း ခိုးကူးခွေ၏ တန်ဖိုးမှာမူ ကျပ် ၃၅၀ ခန့်သာရှိသဖြင့် ဝယ်ယူရန်လွယ်ကူပြီး ဈေးနှုန်းချိုသာသည့် ခိုးကူးခွေများကို အားပေးမှု စထက်တစ များပြားလာရာမှ ဈေးကွက်ကို ထိခိုက်လာသဖြင့် ၂၀၀၈ ခုနှစ်မှ စတင်ကာ မြန်မာ့ဂီတ လောကတွင် ခွေအထွက်နှုန်း တဖြည်းဖြည်း လျော့ကျသွားခဲ့ကြောင်း သိရသည်။

ကုလ စုံစမ်းရေး ကော်မရှင် ဖွဲ့စည်းရန် နီးစပ်လာ

မဇ္ဈိမ။ ။ ပြည်တွင်းစစ်နှင့် နိုင်ငံရေးအရ ဆယ်စုနှစ်ပေါင်းများစွာ သောင်မတင်ရေမကျ ဖြစ်နေမှုများအတွင်း မြန်မာနိုင်ငံတွင် ကျူးလွန်ခဲ့သော လူသားမျိုးနွယ်အပေါ် ကျူးလွန်သည့် ရာဇဝတ်မှုများအား စုံစမ်းစစ်ဆေးရန် ကုလသမဂ္ဂ စုံစမ်းရေးကော်မရှင်တရပ် ဖွဲ့စည်းရေးအတွက် ထောက်ခံပြောဆိုပေးမှုများ ထပ်မံ ရရှိလာပြီ ဖြစ်သည်။

ယခုလ ၈ ရက်နေ့တွင် ဂျနီဗာတွင် ပြုလုပ်ခဲ့သော ကုလလူ့အခွင့်အရေး ကောင်စီ၏ အချေအတင် ဆွေးနွေးပွဲတွင် စုံစမ်းရေး ကော်မရှင် တရပ် ဖွဲ့စည်းရန် အဆိုပြုချက်ကို ဆလိုဗက်ကီးယား နိုင်ငံက သြစတြေလျ၊ ချက်သမ္မတနိုင်ငံ၊ ဗြိတိန်နှင့်အတူ စတုတ္ထမြောက် နိုင်ငံအဖြစ် လက်တွဲ ပါဝင်လာခြင်း ဖြစ်သည်။
`မြန်မာနိုင်ငံတွင် ပထမအကြိမ်ပြုလုပ်မည့် ရွေးကောက်ပွဲများသည် အမျိုးသား ပြန်လည်သင့်မြတ်ရေး၊ လူ့အခွင့်အရေးကို လေးစားရေး၊ ဒီမိုကရေစီရေးတို့အတွက် အကျိုးရှိစေကောင်း ရှိနိုင်သည်။ သို့သော် ထွက်ပေါ်လာသော ရွေးကောက်ပွဲ ဥပဒေသစ်များသည် နိုင်ငံတကာ စံချိန်စံညွှန်းနှင့် နှိုင်းယှဉ်ပါက အလွန်အမင်း နိမ့်ကျနေသည့်အပြင် လွတ်လပ်စွာ ထုတ်ဖော်ပြောဆိုခွင့်၊ လွတ်လပ်စွာ စုဝေးခွင့်၊ လွတ်လပ်စွာ သင်းပင်းဖွဲ့စည်းခွင့်တို့ကို အလွန်အမင်း ချိုးနှိမ်ထားသည့်အပြင် နိုင်ငံရေးသဘောထား ကွဲပြားသူများ အပေါ်လည်း ခွဲခြား ဆက်ဆံမှုများ ရှိနေသည်´ ဟု ဆလိုဗက်နိုင်ငံ ကိုယ်စားလှယ် Rosha Fedor က Bratislava ဆုံးဖြတ်ချက်ကို ထောက်ခံ ပြောဆိုရာတွင် ထည့်သွင်း ပြောကြားသွားခဲ့သည်။

ဤသို့ စုံစမ်းရေး ကော်မရှင်တရပ် ဖွဲ့စည်းရန် လူ့အခွင့်အရေး ကောင်စီကသော်၎င်း၊ လုံခြုံရေးကောင်စီက သော်၎င်း စတင် အဆိုပြု လုပ်ဆောင်နိုင်သည်။ သို့သော် ကုလလုံခြုံရေးကောင်စီ အဆင့်ရောက်လျှင် အဆိုပါ အဆိုကို တရုတ်နှင့် ရုရှက အလိုအလျောက် ဆန့်ကျင် ကန့်ကွက်လိမ့်မည်ဟု ယေဘုယျအားဖြင့် ယူဆရသည်။

ယခင်ဖြစ်ခဲ့ဖူးသော သမိုင်းကြောင်းအရ ပြောရလျှင် မြန်မာနိုင်ငံအပေါ် စုံစမ်းရေး ကော်မရှင်တရပ် ဖွဲ့စည်းတာဝန်ပေး စစ်ဆေးစေမည်ဆိုပါက နိုင်ငံတကာနှင့် လူ့အခွင့်အရေး ဥပဒေများအပေါ် ချိုးဖောက်မှု ရှိမရှိ၊ မျိုးဖြုတ် သတ်ဖြတ်မှုများ ပေါ်ပေါက်ခဲ့ခြင်း ရှိမရှိ၊ လူသားမျိုးနွယ်အပေါ် ကျူးလွန်သည့် ရာဇဝတ်များကို ပြုလုပ်ခဲ့သူများအား ဖော်ထုတ်ခြင်း၊ အဆိုပါ ချိုးဖောက်မှုများအတွက် တာဝန်ရှိသူများအား အပြစ်ပေးစေခြင်းတို့ကို ဆောင်ရွက်ရမည်ဟု ယူဆရသည်။

သို့သော် အဆိုပါ စုံစမ်းရေး ကော်မရှင်တွင် တရားစွဲဆိုနိုင်ခွင့်အာဏာ မရှိပါ။ ယင်းအစား ကုလသမဂ္ဂ၏ ထောက်ခံ တင်ပြချက်ဖြင့် နိုင်ငံတကာ ရာဇဝတ်မှုခုံရုံးသို့ တရားစွဲတင်နိုင်ခွင့်သာ ရှိသည်။

သို့သော် ဤသို့ စုံစမ်းရေး ကော်မရှင်တရပ် ဖွဲ့စည်းရေးအတွက် စည်းရုံး လှုံ့ဆော်ပေးနေသော လူ့အခွင့်အရေး စောင့်ကြည့်ရေးအဖွဲ့ကြီး (HRW) ကမူ ထိုသို့စုံစမ်းရေးကော်မရှင်တရပ် ဖွဲ့စည်းခြင်းဖြင့် သက်ဆိုင်သူအများ ပါဝင်သည့် ဆွေးနွေးညှိနှိုင်းမှုများ ပေါ်ပေါက်လာရေးအတွက် အပြုသဘောဆောင်သည့် အကျိုးရလဒ်ကို ထွက်ပေါ်စေနိုင်သည်၊ မြန်မာနိုင်ငံတွင်း ဘက်ပေါင်းစုံ ပါဝင်သော ငြိမ်းချမ်းရေး ဆွေးနွေးပွဲများ ဖြစ်ပေါ်လာရေး တွန်းဆော်ပေးနိုင်သည်ဟု ပြောဆိုထားသည်။

ဤအဆိုကို ထောက်ခံသူများက မြန်မာ ဗိုလ်ချုပ်ကြီးများသည် တာဝန်ယူရမည်ကို စိုးရွံ့ ထိတ်လန့်နေကြသည်၊ စုံစမ်းရေး ကော်မရှင်တရပ် ဖွဲ့စည်းလိုက်ခြင်းဖြင့် တာဝန်ရှိသူများ အနေဖြင့် တရားစွဲဆိုခြင်း ခံရမည်ကို စိုးကြောက်ကာ ချက်ချင်း အရေးယူဆောင်ရွက်မှုများ ပြုလုပ်လာနိုင်သည်ဟုလည်း ဆိုကြသည်။

သို့သော် တဖက်တွင်လည်း ထိုသို့ စုံစမ်းရေး ကော်မရှင်တရပ် ဖွဲ့စည်းလိုက်ခြင်းဖြင့် နဂိုကတည်းကပင် နိုင်ငံခြားသားကြောက် ရောဂါရှိနေသည့် အာဏာရ စစ်အုပ်စုသည် ပို၍ပင် အထီးကျန်ကာ ကမ္ဘာနှင့် အဆက်ဖြတ်လိုက်ခြင်းဖြင့် ဆွေးနွေးပွဲများ ဖြစ်ပေါ်ရေး၊ လက်ရှိ အကျပ်အတည်းကို ဖြေရှင်း ဆောင်ရွက်ရေးတို့တွင် ပိုမို ခက်ခဲသွားမည်ကိုလည်း စိုးရိမ်နေကြသည်။

၂၀၀၄ ခုနှစ်တွင် ထိုသို့သော စုံစမ်းရေးကော်မရှင်တရပ်ကို ဆူဒန်နိုင်ငံ ဒါဖောဒေသတွင် ပေါ်ပေါက်ခဲ့ဖွယ်ရှိသော လူသားမျိုးနွယ်အပေါ် ကျူးလွန်သော ရာဇဝတ်မှုများအား စုံစမ်းစစ်ဆေးရန် ဖွဲ့စည်းတာဝန်ပေးအပ်ခဲ့သည်။ မျိုးတုံးသတ်ဖြတ်မှုများ ပေါ်ပေါက်ခဲ့သည်ဟူသော စွပ်စွဲချက်များအပေါ် ကော်မရှင်က ထောက်ခံတင်ပြခြင်း မပြုခဲ့သော်လည်း နိုင်ငံတကာ ဥပဒေနှင့် လူ့အခွင့်အရေး ချိုးဖောက်မှုများကို စနစ်တကျ ကျူးလွန်ကြောင်း သက်သေအထောက်အထားများ တွေ့ရှိခဲ့သည်။

ထိုအတောအတွင်း အဆိုပါ လူ့အခွင့်အရေးကောင်စီ ဆွေးနွေးပွဲ၌ အမေရိကန်နိုင်ငံ ကိုယ်စားလှယ် Eileen Chamberlain Donahoe ကလည်း မြန်မာနိုင်ငံတွင်း လူသားမျိုးနွယ်အပေါ် ကျူးလွန်သည့် ရာဇဝတ်မှုများကို စုံစမ်းဖော်ထုတ်မည့် ကော်မရှင်တရပ် ဖွဲ့စည်းရေးတွင် အခြား နိုင်ငံများနှင့်အတူ ပူးတွဲပါဝင်ရန် ဝါရှင်တန်အနေဖြင့် စဉ်းစားလျက်ရှိကြောင်း အသိပေးပြောကြားသွားသည်။

စီးပွားရေးက ရှေ့တန်းရောက်မယ့် ရွေးကောက်ပွဲ

ယခုနှစ်တွင် ကျင်းပမည်ဟု ဆိုထားသော အထွေထွေရွေးကောက်ပွဲ အကြိုကာလတွင် နိုင်ငံရေးက စီးပွားရေးထက် ပိုမို၍ နေရာယူထားသော်လည်း မကြာသေးခင်က ဖြစ်ပေါ်ခဲ့သော စီးပွားရေး တိုးတက်ဖြစ်ပေါ်မှုများက ရွေးကောက်ပွဲလွန်ကာလ မြန်မာနိုင်ငံ မည်သည့်လမ်းကြောင်း သွားမည်ကို ပိုမိုညွှန်းဆိုပြသနိုင်ဖွယ် ရှိသည်။

စစ်အစိုးရနှင့် အတိုက်အခံ နိုင်ငံရေးပါတီတို့အကြား တညီတညွတ်တည်းသော သဘောတူညီချက် မရရှိခဲ့ပြီးနောက် စစ်အစိုးရသည် နိုင်ငံတော်၏ အနာဂတ် စီးပွားရေးအဆောက်အဦ အခြေခံများကို ပုံဖော်ပေးနိုင်မည့် လုပ်ဆောင်ချက်များကို တဖက်သတ် လုပ်ဆောင်လာခဲ့ရာ ယခုအခါ နိုင်ငံတော်က ထိန်းချုပ်ထားသော ရပိုင်ခွင့်များကို သူတို့ ခေါင်းခေါက်ရွေးထားသော လူတစုကို ပေါပေါပဲပဲ ရောင်းချပစ်နေခြင်းလည်း ပါဝင်သည်။
ရွေးကောက်ပွဲလွန်ကာလ နိုင်ငံရေးဘောဂဗေဒ နယ်ပယ်တွင် မသေချာမရေရာမှုများကြောင့် စစ်အစိုးရအဖို့ တိုင်းပြည်တွင်းရှိ သူတို့၏ စီးပွားရေးအကျိုးစီးပွားများကို ခွဲဖြန့်နေရာချထားရန် ဖြစ်လာခဲ့သည်။ ထို့အတွက် စစ်အစိုးရ၏ ဘဏ္ဍာရေးအကျိုးစီးပွားများနှင့် ပုဂ္ဂလိကပိုင်ကဏ္ဍတွင် အရေးပါသော အနာဂတ် ပေါင်းကူးခြေကုပ်အဖြစ် ဆောင်ရွက်နိုင်မည်ဟု ယူဆရသည့် ပုဂ္ဂလိက စီးပွားရေးသမားများကို ဆွဲသွင်းလာခဲ့ရသည်။

သို့သော် ဤမူဝါဒအတွက် နောက်ဆုံးပေါ်ထွက်လာသော သာဓကမှာ စစ်အစိုးရနှင့် အလွန်နီးစပ်သော ဆက်ဆံရေးရှိသည့် ပုဂ္ဂလိကစီးပွားရေး လုပ်ငန်းရှင် ၄ ဦးကို ပုဂ္ဂလိကဘဏ်သစ် ၄ ခု ဖွင့်လှစ်ခွင့် လိုင်စင်များ ထုတ်ပေးလိုက်ခြင်း ဖြစ်သည်။ ထို့ပြင် နိုင်ငံပိုင် စက်ရုံများနှင့် အဆောက်အဦ ရာပေါင်းများစွာကိုလည်း ရောင်းချခဲ့သည်။

ဝေဖန်သူများ ထောက်ပြဝေဖန်နေသကဲ့သို့ အမျိုးသားလွှတ်တော်နှင့် ပြည်နယ်လွှတ်တော်များတွင် စစ်တပ်၏ အငြိမ်းစား လက်ညှိုးထောင် ခေါင်းညိတ်များ ဝင်ရောက်လွှမ်းမိုး နေရာယူမည်သာမက စစ်တပ်အရာရှိများအတွက် စုစုပေါင်း အမတ်ဦးရေ၏ ၂၅ % ကိုပင် သီးသန့်ဖယ် သတ်မှတ်ပေးထားရသည့်အတွက် နိုင်ငံပိုင် အကျိုးစီးပွားများကို စစ်တပ်၏ စီးပွားရေးလက်တွဲဘက် အဖော်အပေါင်းများကို လက်လွှဲပေးနေခြင်းသည် ၂ဝဝ၈ ဖွဲ့စည်းပုံအခြေခံဥပဒေအရ အဆိုပါ စီးပွားရေးအခွင့်အလမ်း ချုပ်ကိုင်မှုများကို ခွဲဝေဖြန့်ထားရမည်ဟု ဆိုထားသော်လည်း သတ္တုတူးဖော်ရေးနှင့် စွမ်းအင်ကဲ့သို့သော ကဏ္ဍများကို စစ်တပ်က အခိုင်အမာ ဆက်လက်ချုပ်ကိုင်နိုင်ရေးအတွက် လုပ်ဆောင်နေပုံရသည်။

ဤသို့လုပ်ဆောင်နေမှုများသည် အံ့သြဖွယ်တော့ သိပ်မရှိလှပါ။ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (SLORC) ဟု ယခင်က သိထားကြသော မြန်မာစစ်အစိုးရသည် တစတစ ယိုယွင်းလာနေသော တိုင်းပြည်၏ တပ်တွင်းအခြေအနေကို ထိန်းသိမ်းကိုင်တွယ်သွားရန် ကနဦး ဦးစားပေး ဆောင်ရွက်နေပုံရသည်။

စစ်တပ်၏ စီးပွားရေးအကျိုးစီးပွားအတွက် ကျေနပ်လက်ခံနိုင်ဖွယ်ရှိသော နိုင်ငံရေးအရ တညီတညွတ်တည်းသော သဘောထား ကင်းမဲ့နေသော ကာလမျိုးတွင် ပြည်ထောင်စု မြန်မာနိုင်ငံ စီးပွားရေး ဦးပိုင်လီမိတက် (UMEHL) ကဲ့သို့သော အင်အားကြီးမားလှသည့် စီးပွားရေးအဖွဲ့အစည်းမျိုးများမှတဆင့် အဆိုပါ အကျိုးစီးပွားကို ပိုမိုခိုင်ခန့်အောင် အချိန်အတော်အတန်ပေး လုပ်ဆောင်နေခြင်းသည် ရွေးကောက်ပွဲလွန်ကာလတွင် နိုင်ငံတော် စီးပွားရေး အဆာက်အဦ တခုလုံးကို စစ်တပ်က ဆက်လက်လွှမ်းမိုးချုပ်ကိုင် ခြယ်လှယ်ခွင့်ရရေး လုပ်ဆောင်နေခြင်းပင် ဖြစ်သည်။

စစ်တပ်က ဤသို့ လုပ်ကိုင်ဆောင်ရွက်နေခြင်းသည် အာဏာရှင်နိုင်ငံများက ပိုမိုပွင့်လင်းသော အစိုးရအုပ်ချုပ်ရေး စနစ်တရပ်ဆီသို့ ရေရှည်ကူးပြောင်းကြိုးပမ်းရာတွင် တွေ့ကြုံရသော အခက်အခဲများကို မီးမောင်းထိုးပြနေသည်။ သာဓကအားဖြင့် အင်ဒိုနီးရှားတွင် ရေပေါ်ဆီလူတန်းစား၏ အကျိုးစီးပွားများကို ပြုပြင်ပြောင်းလဲရေး လုပ်ငန်းများ လုပ်ဆောင်ရာတွင် ဆူဟာတိုခေတ် စစ်အရာရှိများသည် ပြုပြင်ပြောင်းလဲရေးဝါဒီများနောက် တကောက်ကောက်လိုက်၍ နှောင့်ယှက်နေခဲ့ကြသည်။ အမျိုးသား ဥပဒေပြုလွှတ်တော်က ပြဋ္ဌာန်းလိုက်သော ဥပဒေများသည် အခွင့်ထူးခံ လူတန်းစား၏ ကျယ်ပြန့်စွာ ရရှိထားသော စီးပွားရေးအကျိုးစီးပွား အခွင့်အလမ်းများနှင့် မကိုက်ညီ၍ ဖြစ်သည်။

မြန်မာပြည်ရှေ့ရေးကို မျှော်တွေးကြည့်လျှင် လာမည့် ၅ နှစ်မှ ၁ဝ နှစ်အတွင်း တိုင်းပြည်တွင်း နိုင်ငံရေး ပြုပြင်ပြောင်းလဲမှု လုပ်ငန်းများ လုပ်ကိုင်နိုင်သည်ထားဦး၊ ထိုသို့လုပ်ကိုင်နိုင်ရန် ဖြစ်ထွန်း ပေါ်ပေါက်လာသော စီးပွားရေး ရှုခင်းရှုကွက်များကလည်း ကြိုတင်အမြစ်တွယ် အခြေအနေပေးသည်ထားဦး၊ စစ်အုပ်ချုပ်မှုအတွင်း သန္နိဋ္ဌာန် ခိုင်မာစွာ ချမှတ်ထားခဲ့သည့်အတိုင်း မြန်မာပြည် စီးပွါးရေးကို အခွင့်ထူးခံများကသာ ဆက်လက် လွှမ်းမိုး ခြယ်လှယ်နေဦးမည်သာ ဖြစ်သည်။ ထိုကဲ့သို့သော နိုင်ငံရေးဘောဂဗေဒမျိုးသည် တိုင်းပြည်တွင်း မတည်မငြိမ်ဖြစ်မှုများကို ပေါ်ပေါက်လာစေနိုင်မည့် အလားအလာမျိုး ရှိမရှိဆိုသည်မှာ အရေးပါသည့် မေးခွန်းတရပ်ပင် ဖြစ်နေသည်။

တိုင်းရင်းသားလူမျိုးများ သတိပြုရန်

‘နိုင်ငံရေးလုပ်ငန်းများ လုပ်ဆောင်ရာတွင် သတိပြုရမည့် အချက်များအပေါ် အကြံပြုချက်’

တိုင်းရင်းသားများ (လူနည်းစုများ) ၏ နိုင်ငံရေး လှုပ်ရှားမှုများနှင့် ပတ်သက်၍ အတွေ့အကြုံကို တင်ပြလိုက်ပါသည်။ သင်ခန်းစာ ယူစရာရှိလျှင် ယူပါ၊ ပစ်ပယ်စရာရှိလျှင် ပစ်ပယ်ပါ၊ ဗဟုသုတအနေဖြင့် တင်ပြခြင်း ဖြစ်ပါသည်။

တိုင်းရင်းသားလူမျိုးများသည် အမျိုးသားနိုင်ငံရေး လှုပ်ရှားမှုများ ပြုလုပ်ရာတွင် မိမိကိုယ်ကို မိမိရပ်တည်ခြင်းထက် ပြည်မရှိ အဖွဲ့အစည်းအပေါ် ပိုမို အားထားသည်ကို တွေ့ရသည်။ သို့သော် ၁၉၄၇ ခုနှစ် ပင်လုံညီလာခံအစတွင် ရှမ်း၊ ကချင်၊ ချင်း တိုင်းရင်းသားများက မိမိတို့ အမျိုးသားချင်းအပေါ် အထူး အမှီသဟဲ ပြုကြသည်ကို တွေ့ရှိရပါသည်။ ရှမ်းပြည်တွင် ဖွဲ့စည်းထားသော ရှမ်းပြည် ပြည်သူ့ လွတ်လပ်ရေးအဖွဲ့ (ရပလ) သည်သာ ပြည်မရှိ နိုင်ငံရေး အဖွဲ့အစည်းနှင့် အဆက်အသွယ် ပြုခဲ့သည်ကို တွေ့ရသည်။
၁၉၄၈ ခုနှစ် လွတ်လပ်ရေးရပြီးနောက် ရှမ်း၊ ကချင်၊ ချင်း တိုင်းရင်းသားများသည် ပြည်မနှင့် ပိုမိုရင်းနှီးလာပြီး ပြည်မနှင့် နိုင်ငံရေး အဆက်အသွယ်လုပ်ကာ မဟာမိတ်အဖွဲ့၊ လက်အောက်ခံအဖွဲ့အဖြစ် ဆက်သွယ် ခံယူလာကြသည်။ နဂို ပြည်မရှိ တိုင်းရင်းသားအဖွဲ့များလည်း ထိုနည်းတူစွာပင်၊ ဤဖြစ်ရပ်များက တိုင်းရင်းသား နိုင်ငံရေးအဖွဲ့အစည်းများနှင့် ပုဂ္ဂိုလ်များသည် မိမိကိုယ်ကိုမိမိ အားကိုးလိုစိတ် အားနည်းလျက်ရှိနေပြီး ရေရှည်တွင် ခန်းခြောက်သွားနိုင်သည်ကို ပြနေသည်။ တိုင်းရင်းသားများထဲတွင် လွတ်လပ်ပြီးနောက် ပထမအကြိမ် ရွေးကောက်ပွဲတွင် ရခိုင်နိုင်ငံရေးခေါင်းဆောင်အချို့ တသီးပုဂ္ဂလအဖြစ် ရွေးကောက်ပွဲဝင်ခဲ့သည်ကို လွတ်လပ်ရေးရရှိပြီး ပထမအကြိမ် ပြည်သူ့လွှတ်တော် ရွေးကောက်ပွဲစာရင်းတွင် တွေ့ရှိရသည်။

၁၉၅၆ ခုနှစ် အထွေထွေရွေးကောက်ပွဲတွင် ရခိုင်အမျိုးသားများက ရခိုင်တိုင်းရင်းသားများ ညီညွတ်ရေးအဖွဲ့ (ရတည) အနေဖြင့် ပြည်မရှိ နိုင်ငံရေးအဖွဲ့အစည်းများနှင့် မပေါင်းဘဲ ဖွဲ့စည်းခဲ့သည်ကို တွေ့ရှိရသည်။ ဤလုပ်ရပ်က တိုင်းရင်းသားပါတီတရပ်သည် မိမိဘာသာမိမိ ခြေထောက်ပေါ် ရပ်တည်နိုင်ကြောင်း ပြသလိုက်ခြင်း ဖြစ်ပါသည်။ ၁၉၆ဝ ခုနှစ် အထွေထွေရွေးကောက်ပွဲတွင် မွန်ပြည်သူ့တပ်ဦးကလည်း မိမိဘာသာ ရွေးကောက်ပွဲဝင်ခဲ့သည်။

တိုင်းရင်းသားပါတီ အဖွဲ့အစည်းများ၏ ရုပ်လုံးသည် ၁၉၅၈ ခုနှစ်၊ ဖဆပလ အကွဲတွင် ထင်ထင်ရှားရှား ပေါ်လာသည်။ ဆွေ-ငြိမ်း (တည်မြဲ) အုပ်စုဝင် ဒေါက်တာစောလှထွန်း (ကရင်ပြည်နယ်ဝန်ကြီး)၊ ဦးဇန်ထားဆင် (ကချင်ပြည်နယ်ဝန်ကြီး)၊ ဦးရှိန်ထန်း (ပြန်လည်ထူထောင်ရေးဝန်ကြီး)၊ စောအောင်ဒင် (ပါလီမန်အတွင်းဝန်-ပင်လယ်ရေကြောင်း)၊ ဦးထွန်းအောင် (ချင်းရေးရာ)၊ စောချစ်သန်း (ကရင်ပြည်နယ်)၊ ဒူးဝါးလဝမ် (ကချင်ပြည်နယ်) တို့ ဖဆပလအဖွဲ့မှ နုတ်ထွက်ခဲ့သည်။

၁၉၅၈ ခုနှစ် ဇွန်လ ၄ ရက်နေ့တွင် အသစ်ဖွဲ့စည်းလိုက်သော သန့်ရှင်းဖဆပလအဖွဲ့တွင် ဝန်ကြီးသစ် ၅ ဦးမှာ စောလူလူ (ဖာပွန်အရှေ့ပိုင်းလူမျိုးစု၊ ကရင်ပြည်နယ်ဝန်ကြီးဌာန)၊ ဒူးဝါးဇော်ရစ် (မြစ်ကြီးနား၊ ကချင်ပြည်နယ် ဝန်ကြီးဌာန)၊ ဦးကျော်မင်း (စစ်တွေ၊ ဘဏ္ဍာရေးဝန်ကြီးဌာန)၊ ဦးမောင်ကျော်ဇံ (စစ်တွေအလယ်ပိုင်းလူမျိုးစု၊ တရားရေးဝန်ကြီးဌာန)၊ ဦးရွှေကြိုင် (သံတွဲလူမျိုးစု၊ ပြန်လည်ထူထောင်ရေးဝန်ကြီးဌာန) နှင့် ဝန်ကြီးဟောင်းများ စဝ်ခွန်ချို (နိုင်ငံခြားရေးဌာနနှင့် ရှမ်းပြည်နယ်ဝန်ကြီး)၊ စဝ်ဝÀ (ကယားပြည်နယ်ဝန်ကြီးဌာန)၊ ဦးဇာရဲလျှံ (ချင်းရေးရာဝန်ကြီးဌာန)၊ ဦးအောင်ပ (ရေကြောင်းနှင့် မြို့ပြလေကြောင်းဌာနနှင့် ကျန်းမာရေးဝန်ကြီးဌာန)၊ စဝ်ထွန်းအေး (လူဝင်မှုကြီးကြပ်ရေးနှင့် အမျိုးသားမှတ်ပုံတင်ဝန်ကြီးဌာန) တို့ တိုင်းရင်းသားများ ပါဝင်ခဲ့ကြသည်။

၁၉၆ဝ ပြည့်နှစ်၊ ဖေဖော်ဝါရီလ ၆ ရက်နေ့တွင် အိမ်စောင့်အစိုးရက ကျင်းပပေးသော အထွေထွေ ရွေးကောက်ပွဲကြီးတွင် တည်မြဲအုပ်စုဝင် တပ်မတော်အရာရှိကြီးများက တည်မြဲအနိုင်ရရှိစေရန် တိုင်းနှင့် ပြည်နယ်များ၊ အထူးသဖြင့် ကရင်-ကချင် ပြည်နယ်များတွင် မဲထည့်ခိုင်းခြင်း၊ မဲလိမ်ခြင်း၊ မဲခိုးခြင်းများကို စစ်အာဏာသုံး၍ ပြုလုပ်ခဲ့ကြသည်။ ဗိုလ်ချုပ်နေဝင်းက ၎င်းကိစ္စနှင့်ပတ်သက်၍ တပ်မတော်တွင်းမှ ဗိုလ်မှူးချုပ်၊ ဗိုလ်မှူးကြီး၊ ဒု-ဗိုလ်မှူးကြီးများကို တပ်မတော်မှ အငြိမ်းစားပေးခြင်း၊ အရပ်ဘက်သို့ ပြောင်းရွှေ့ခြင်းများ ပြုလုပ်ခဲ့ရသည်။

ဤကဲ့သို့ ပြည်မရှိအဖွဲ့အစည်းများ၊ အထူးသဖြင့် သန့်ရှင်း (ပထစ)၊ တည်မြဲ (ဖဆပလ)တို့နှင့် ပူးပေါင်းခဲ့သည့်အတွက် တိုင်းရင်းသားလူမျိုးများသည် ၁၉၆၁ ခုနှစ် ဇွန်လ ၈ ရက်နေ့မှစ၍ ၁၆ ရက်နေ့အထိ တောင်ကြီးမြို့ စားမြိန်ရိပ်သာတွင် ကျင်းပသော တိုင်းရင်းသားလူမျိုးများ အစည်းအဝေးသို့ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ရှမ်းပြည်နယ်နှင့် ချင်းဝိသေသတိုင်းတို့မှ ကိုယ်စားလှယ်များ၊ ပြည်နယ်ပေးမည်ဟု ဝန်ကြီးချုပ်ဦးနုထံမှ ကတိရထားသော မွန်နှင့် ရခိုင်တို့မှ ကိုယ်စားလှယ်များ၊ စုစုပေါင်း ၂၂၆ ဦးနှင့် လေ့လာသူပေါင်း ၁ဝ၄ ဦး ညီလာခံတက်ရောက်ခဲ့ကြသည်။

တိုင်းရင်းသားလူမျိုးများ၏ တန်းတူသော ပြည်ထောင်စုမူကို သန့်ရှင်း (ပထစ)၊ တည်မြဲ (ဖဆပလ) အဖွဲ့တို့က လက်မခံလိုကြသဖြင့် သန့်ရှင်း (ပထစ) ဝန်ကြီး ဒူးဝါးဆင်ဝါးနောင်နှင့် ချင်းဝန်ကြီး ဇာရဲလျန်တို့က သန့်ရှင်း (ပထစ) မူအရ တန်းတူသော ပြည်ထောင်စုမူကို ဆန့်ကျင်ကြသည်။ ကရင်ပြည်နယ်ကိုယ်စားလှယ် ဦးအေစိုးမြင့်ကလည်း ညီလာခံတက်ရောက်ပြီး တည်မြဲ (ဖဆပလ) မူအရ သွယ်ဝိုက်သောနည်း၊ တိုက်ရိုက်နည်းများဖြင့် ဆန့်ကျင်တိုက်ခိုက်ပါသည်။

သို့သော် အခြေအနေမလှ၍ နောက်ဆုံးတာဝန်ယူထားသော ပြည်နယ်များ ညီညွတ်ရေးအဖွဲ့၏ ဖွဲ့စည်းပုံအခြေခံဥပဒေ ရေးဆွဲရေးအဖွဲ့မှ နုတ်ထွက်ခဲ့သည်။ ပြည်နယ်များ ညီလာခံတွင် တည်မြဲ (ဖဆပလ)နှင့် မဟာမိတ်ပြု ဆောင်ရွက်နေသော ကချင်အမျိုးသား ကွန်ဂရက်ခေါင်းဆောင်များ ဖြစ်ကြသည့် ဦးဇန်ထားဆင်၊ ဒူးဝါးဇော်လွန်းတို့က တည်မြဲ (ဖဆပလ) ဆုံးဖြတ်ချက်ကို လှိုက်လှိုက်လှဲလှဲ ဆန့်ကျင်ဆောင်ရွက်ခဲ့သည်။

ဖော်ပြလိုသည့်အနှစ်ချုပ်မှာ တိုင်းရင်းသားလူမျိုး အဖွဲ့အစည်းများသည် ပြည်မရှိ နိုင်ငံရေးပါတီများနှင့် ပူးပေါင်းဆောင်ရွက်လျှင် သတိထားရန် လိုသည်။

(၁) လက်အောက်ခံ အဖွဲ့အစည်းအနေဖြင့် ပူးပေါင်းခြင်း၊
(၂) မဟာမိတ်ပြုခြင်း၊
(၃) တပ်ပေါင်းစုတွင် ဝင်ရောက်ခြင်း။

ယင်းတို့အနက် (၁) နှင့် (၂) သည် မိမိတို့၏ တိုင်းရင်းသား အခွင့်အရေးများ ဆုံးရှုံးမည်။ အမှတ် (၃) ဖြစ်သည့် တပ်ပေါင်းစုဖြင့် ဖွဲ့စည်းခြင်းသည် တပ်ပေါင်းစုအတွင်း တူညီသော အခွင့်အရေး ရရှိခြင်းကြောင့် ပူးပေါင်းဆောင်ရွက်ရန် သင့်လျော်ပါသည်။ တပ်ပေါင်းစုနည်းဖြင့် ပူးပေါင်းဆောင်ရွက်မှသာ ပူးပေါင်းလုပ်ဆောင်ခြင်း မှန်ကန်ပေမည်။ တပ်ပေါင်းစုအတွင်း အဖွဲ့ဝင်အဖြစ် ပါဝင်သော အဖွဲ့တိုင်းသည် ကြီးသည်ငယ်သည် မခွဲခြားဘဲ တူညီသော အခွင့်အရေး ရရှိကြပါသည်။ သို့သော် သတိပြုရမည်မှာ တပ်ပေါင်းစုအတွင်း အင်အားကြီးသော အဖွဲ့က အဖွဲ့ကြီး ရောဂါတက်ပြီး တပ်ပေါင်းစုကို ချုပ်ကိုင်ချယ်လှယ်ရန် ပြုလုပ်တတ်သည်။ ဤသို့ဖြစ်လျှင် တပ်ပေါင်းစုလည်း ဇိဝိန်ချုပ် ပျက်စီးသွားရတော့သည်။

တိုင်းရင်းသားလူမျိုးများသည် ၁၉၈၈ ခုနှစ် အရေးတော်ပုံနောက်ပိုင်း ရွေးကောက်ပွဲဥပဒေအရ နိုင်ငံရေးပါတီများ မှတ်ပုံတင်ခွင့်ဥပဒေ ထွက်လာသောအခါ မိမိတို့လူမျိုးအလိုက် ပါတီပေါင်း ၂ဝ ကျော် ပေါ်လာပြီး အားလုံးနီးပါး ပြည်ထောင်စု တိုင်းရင်းသားလူမျိုးများ ဒီမိုကရေစီအဖွဲ့ချုပ် (UNLD) ကို ပူးပေါင်းဖွဲ့စည်းခဲ့သည်။ အချို့တိုင်းရင်းသား နိုင်ငံရေး ဆောင်ရွက်သူများသည် ပြည်မပါတီတွင် ဝင်ရောက်ခဲ့ကြသည်။ အနည်းစုသာ ဖြစ်ပါသည်။

နဝတ ကျင်းပပေးခဲ့သော ၁၉၉ဝ ပြည့် ရွေးကောက်ပွဲတွင် တိုင်းရင်းသားလူမျိုး နိုင်ငံရေးပါတီ ၁၈ ဖွဲ့ ဝင်ရောက်ယှဉ်ပြိုင်ရာတွင် လွှတ်တော်ကိုယ်စားလှယ်ပေါင်း ၆၇ ယောက် ရရှိခဲ့သည်။ ဤဖြစ်ရပ်သည် တိုင်းရင်းသားလူမျိုးများ ပြည်မရှိ နိုင်ငံရေးပါတီများအပေါ် မမီခိုဘဲ မိမိအမျိုးသားများနှင့် အမျိုးသားတပ်ပေါင်းစုတွင် ပူးပေါင်းဆောင်ရွက်ခြင်း၏ အနှစ်သာရကို သိရှိခဲ့ကြရသည်။ မိမိတို့၏ လူမျိုးများအပေါ်နှင့် တိုင်းရင်းသား လူမျိုးများအချင်းချင်း ပူးပေါင်းဆောင်ရွက်ရန် ဆန္ဒမျိုးစေ့ချ ဆောင်ရွက်ခြင်း အခွင့်အလမ်းနှင့် အကျိုးကျေးဇူး ရလဒ်ကောင်းကို သိရှိလာသဖြင့် ဆက်လက်၍ ဤလုပ်ငန်းစဉ်အတိုင်း ဆောင်ရွက်သွားကြမည်ဟု ယုံကြည်ပါသည်။

ပြည်မပါတီ အဖွဲ့အစည်းများနှင့် ပူးပေါင်းဆောင်ရွက်ရာတွင် တိုင်းရင်းသားလူမျိုးများ ပါတီနှင့် ပုဂ္ဂိုလ်များသည် မိမိတို့၏ တိုင်းရင်းသားလူမျိုး အကျိုးကို ဆောင်ရွက်လိုသော်လည်း မိမိတို့ပါဝင်နေသော အဖွဲ့အစည်း၏ လမ်းစဉ်အတိုင်းသာ လိုက်လုပ်ရသည်ဖြစ်၍ မိမိဆန္ဒရှိ လိုလားသော တိုင်းရင်းသားကိစ္စများကို အပြည့်အဝဆောင်ရွက်ရန် မဖြစ်နိုင်သော အခြေအနေကို တွေ့ရှိရသည်။ ဤကဲ့သို့သော ဖြစ်ရပ်များသည် ပြည်မနှင့် ပူးပေါင်းဆောင်ရွက်ခဲ့သော ပါတီများ၊ ပုဂ္ဂိုလ်များ၏ အတွေ့အကြုံအရ သိရှိခဲ့ရပါသည်။ အထူးသဖြင့် ၁၉၆၁ ခုနှစ် တောင်ကြီးတွင် ကျင်းပခဲ့သော ပြည်နယ်များ ညီလာခံတွင် ပထစတိုင်းရင်းသားဝန်ကြီးများ၊ ဖဆပလ (တည်မြဲ) ဝင် တိုင်းရင်းသားခေါင်းဆောင်များသည် မိမိတို့ ပါဝင်နေသော ပါတီအဖွဲ့အစည်းများ၏ လမ်းစဉ်အတိုင်း ပြောဆိုလုပ်ဆောင်ခဲ့သည်များက ထင်ထင်ရှားရှား သာဓကပြလျက် ရှိခဲ့သည်။

နိဂုံးချုပ်အနေဖြင့် တင်ပြလိုသည်မှာ တိုင်းရင်းသားလူမျိုးများသည် မိမိတို့ တိုင်းရင်းသား အကျိုးစီးပွားကို ဆောင်ရွက်ရာတွင် မိမိကိုယ်ကိုမိမိ အားကိုး၍ တိုင်းရင်းသားအချင်းချင်း ပူးပေါင်းခြင်းသာလျှင် အကောင်းဆုံး ဖြစ်ပေသည်။ ပြည်မရှိ ပါတီများနှင့် သာတူညီမျှသော အခွင့်အရေး၊ တိုင်းရင်းသားများ ရပိုင်ခွင့်များကို ဆောင်ရွက်နိုင်မှုအပေါ် လေ့လာသုံးသပ် တပ်ပေါင်းစု ဖွဲ့စည်းပူးပေါင်းဆောင်ရွက်သင့်ပါကြောင်း။

တင်ပြသူ
နိုင်ငွေသိမ်း
(တိုင်းရင်းသားလူမျိုးများ၏ နိုင်ငံရေးလှုပ်ရှားမှုတွင် ဆယ်စုနှစ် ၄ စု ပါဝင်ခဲ့သူ)