Pages

Subscribe

Monday 12 July 2010

ရွေးကောက်ပွဲ အနိုင်ရရေး ပါတီတွေ ပူးပေါင်းလုပ်ဆောင်မည်

စစ်အစိုးရလုပ်မယ့် ရွေးကောက်ပွဲ ၀င်ကြမယ့် နိုင်ငံရေးပါတီတွေထဲက တချို့ဟာ ရွေးကောက်ပွဲမှာ အနိုင်ရဖို့အတွက် အတူတွဲပြီး အလုပ်တွေ ခွဲလုပ်ကြဖို့ တိုင်ပင်ဆွေးနွေးနေကြပါတယ်။ လက်ရှိ ဥပဒေတွေအရ မဟာမိတ်ပါတီဖွဲ့လို့ မရနိုင်တဲ့အတွက် အခုလို ပူးပေါင်းဆောင်ရွက်ရေးကို ဆွေးနွေးနေကြတာလို့ ပြောကြပါတယ်။ အပြည့်အစုံကို စုံစမ်းထားတဲ့ ကိုကျော်အောင်လွင်က တင်ပြပေးထားပါတယ်။

မြန်မာပြည်က နိုင်ငံရေးပါတီ အများစုမှာ တပါတီချင်းအလိုက် ငွေကြေးအခက်အခဲ၊ အချိန်အခက်အခဲ စတာတွေနဲ့အတူ အာဏာပိုင်တွေရဲ့ ထိန်းချုပ် ကန့်သတ်မှုတွေကလည်း မပြတ်ရှိနေတော့ ရွေးကောက်ပွဲမှာ အောင်မြင်နိုင်ရေး တူရာတူရာ ပါတီတွေ ပူးပေါင်း လုပ်ဆောင်ကြဖို့ဆိုတဲ့ ဆွေးနွေးညှိနှိုင်းမှုတွေ အခုရက်ပိုင်းတွေအတွင်း ရှိနေပါတယ်။

“လက်ရှိ ရွေးကောက်ပွဲ ကော်မရှင်က ပါတီဝင်တယောက်က ပါတီတခုမှာပဲ ၀င်ရမယ်။ ပါတီတွေပေါင်းပြီး တပ်ပေါင်းစုတို့၊ မဟာမိတ်တို့ ဖွဲ့စည်းမှုကို ရွေးကောက်ပွဲ ကော်မရှင်က ခွင့်ပြုမထားပါဘူး။ ဒါပေမဲ့ ပါတီတွေအားလုံး Joint Action Committee ပုံစံမျိုး လုပ်မယ်ဆိုရင်တော့ ရတယ်။ အလုပ်တူ ပူးပေါင်း ဆောင်ရွက်နိုင်ရေးအတွက် ကျနော်တို့ ညှိနှိုင်းတဲ့ သဘောပါပဲ။ အခု ကျနော်တို့ ဆောင်ရွက်နေတဲ့ အခြေအနေတွေ အားလုံးဟာ ရွေးကောက်ပွဲ ကော်မရှင်က ချမှတ်ထားတဲ့ စည်းမျဉ်းစည်းကမ်းတွေ အောက်ကပါပဲ။”

ပြည်ထောင်စု ဒီမိုကရေစီပါတီရဲ့ ဥက္ကဋ္ဌ ဦးဖြိုးမင်းသိန်း ရှင်းပြခဲ့တာ ဖြစ်ပါတယ်။

မကြာခင်ရက်ပိုင်းကပဲ တရားဝင် နိုင်ငံရေးပါတီတခု ဖြစ်လာခဲ့တဲ့ NDF လို့ခေါ်တဲ့ အမျိုးသား ဒီမိုကရေစီ အင်အားစုကလည်း ဦးတည်ချက်တူတဲ့ နိုင်ငံရေးပါတီ အချင်းချင်း ပူးပေါင်းဆောင်ရွက်မှုတွေကို လိုလားနေတဲ့အကြောင်း ပါတီခေါင်းဆောင်တဦး ဖြစ်တဲ့ ဦးခင်မောင်ဆွေက ပြောပါတယ်။

“ဒီမိုကရေစီစစ်စစ် ပါတီတွေ၊ ပုဂ္ဂိုလ်တွေနဲ့တော့ ကျနော်တို့က ထိပ်တိုက်မတိုးဖို့ ဦးတည်ထားတဲ့ အခါကြတော့ ကျနော်တို့ အားနည်းတဲ့ နေရာတွေ၊ အားသာတဲ့ နေရာတွေ ရှိမှာပါ။ အဲဒီလိုပဲ ဒီမိုကရေစီ ပါတီများကလည်း သူတို့ အားသာတဲ့နေရာ၊ အားနည်းတဲ့နေရာတွေ ရှိတော့ ရွေးကောက်ပွဲ မတိုင်ခင် ကာလမှာတော့ ညှိနှိုင်းမှု တခုတော့ ဖြစ်လာလိမ့်မယ်လို့ မျှော်လင့်ပါတယ်။ ရွေးကောက်ပွဲဝင်မယ့် နယ်မြေတွေ မထပ်ဖို့နဲ့ လစ်လပ် ကျန်ဟာနေခြင်း မရှိအောင်ဆိုတဲ့ သဘောထားက ကျနော်တို့အားလုံး၊ ဒီမိုကရေစီ ပါတီတိုင်းလိုလိုမှာ ရှိနေတော့ Cooperation၊ Coordination ပေါ့၊ ဒါမှမဟုတ်ရင်လည်း Joint Action ပေါ့။ တခုခုတော့ လုပ်ရလိမ့်မယ်လို့ ထင်ပါတယ်။”

အခုလို ပါတီတွေ အတူပူးပေါင်း ဆောင်ရွက်ရေးကို ပြည်ထောင်စု ဒီမိုကရေစီပါတီက လိုက်ပြီး ဆွေးနွေးနေတာပါ။ အဓိက ဘယ်လိုအချက်တွေကို ပူးပေါင်း ဆောင်ရွက်ချင်ရတာလဲ ဆိုတာကို ဦးဖြိုးမင်းသိန်းက ရှင်းပြပါတယ်။

“အဓိက ပူးပေါင်းဆောင်ရွက်ပြီး လုပ်ချင်တဲ့ အပိုင်းတွေကတော့ ရွေးကောက်ပွဲ ကော်မရှင်နဲ့ ပတ်သက်တဲ့ ရွေးကောက်ပွဲဆိုင်ရာ လွတ်လပ် တရားမျှတမှုလို အပိုင်းမျိုးကို ကျနော်တို့အားလုံး ပူးပေါင်း ဆောင်ရွက်ကြမယ်။ နောက်တချက်က လွှတ်တော် ကိုယ်စားလှယ်လောင်းလို နေရာမျိုးကို နေရာလပ်မရှိအောင်၊ အဲဒီမှာလည်း ဒီမိုကရေစီ အင်အားစုတွေ ထိပ်တိုက်မတိုးမိအောင်၊ မကျန်အောင် ကျနော်တို့ ကြိုးစားဖို့အတွက် အဲဒီဟာတွေ အပေါ်မှာ ကျနော်တို့ ပူးပေါင်း ဆောင်ရွက်ချင်ပါတယ်။

“၂၀၁၀ ရွေးကောက်ပွဲဟာ အချိန်ကလည်း နည်းလွန်းအားကြီးတယ်၊ ရန်ပုံငွေကလည်း ပြည်တွင်း အနေအထားအရ အခက်အခဲတွေ ရှိကြတယ်၊ အဲဒီအနေအထားတွေ အပေါ်မှာ ကျနော်တို့ ပူးပေါင်း ဆောင်ရွက်ခြင်းအားဖြင့် ဒီ ၂၀၁၀ ရွေးကောက်ပွဲကို ကျနော်တို့ ပုံစံတခု ပြောင်းလဲပြီး ဖြတ်သန်းနိုင်လိမ့်မယ်လို့ ထင်တယ်။ ဘာဖြစ်လို့လဲဆိုတော့ နိုင်ငံတ၀န်းလုံးကို ပါတီတခုချင်းစီက လိုက်ပြီး ကြိုးစားဖို့ဆိုတာ အချိန်အားဖြင့်ကို တော်တော် ခက်ခဲနေပါတယ်။”

ပါတီတွေ ပူးပေါင်းဆောင်ရွက်ရေးကိစ္စ ညှိနှိုင်းမှုတွေမှာ တိုင်းရင်းသားပါတီတွေ တော်တော်များများလည်း ပါဝင်ပါတယ်။ အခုအချိန်ထိ အားလုံးရဲ့ တုံ့ပြန်မှုက အပြုသဘော ဆောင်ကြတယ်လို့ ဦးဖြိုးမင်းသိန်းက ပြောပါတယ်။ မကြာခင်မှာ သဘောတူညီတဲ့ ပါတီတွေ စုဝေးပြီး တရားဝင် ဆွေးနွေးပွဲတွေ ဖြစ်လာအောင်လည်း လုပ်ဆောင်ဖို့ ပြင်ဆင်နေကြတာပါ။

ရွေးကောက်ပွဲကိုတော့ ဘယ်နေ့မှာ ကျင်းပမလဲဆိုတာ အခုချိန်ထိ စစ်အစိုးရဘက်က မကြေညာသေးပါဘူး။ အဲဒါကလည်း နိုင်ငံရေးပါတီတွေအတွက် သတိထားနေရတဲ့ အချက်တခု ဖြစ်ပါတယ်။ တကယ်လို့ ရွေးကောက်ပွဲ ဘယ်တော့လုပ်မယ် ဆိုတာကို ကြေညာတဲ့ အချိန်နဲ့ ရွေးကောက်ပွဲနဲ့က သိပ်မကွာဘူးဆိုရင် အချိန် မလောက်မင ဖြစ်မှာနဲ့ ရွေးကောက်ပွဲဝင်ရေး စီစဉ်ရတဲ့ အခက်အခဲတွေ အခုထက်ပိုပြီး ရှိလာမှာကိုလည်း နိုင်ငံရေးပါတီ အများစုက စိုးရိမ်နေကြပါတယ်။

မလေးရှား ကမ်းလွန်ပင်လယ်မှာ မြန်မာသင်္ဘောသားတဦး ပျောက်ဆုံးနေ

တောင်တရုတ်ပင်လယ်ထဲမှာ ဓာတုဗေဒ ပစ္စည်းတွေ တင်ဆောင်လာတဲ့ သင်္ဘောတစီးပေါ်မှာ မီးလောင်မှု ဖြစ်ပွားခဲ့တဲ့အတွက် မြန်မာသင်္ဘောသား ၂ ယောက် ဒဏ်ရာရပြီး ၁ ယောက် ပျောက်ဆုံးနေတယ်လို့ မလေးရှား ရေကြောင်းဆိုင်ရာ တာဝန်ရှိသူတွေက ပြောပါတယ်။

မလေးရှားနိုင်ငံ ပါဟမ်းပြည်နယ် ကမ်းလွန်မှာ စင်ကာပူနိုင်ငံ မှတ်ပုံတင်သင်္ဘော ဒီနေ့ မတော်တဆမှု ဖြစ်ပွားခဲ့တာလို့ မလေးရှား ရေကြောင်းဌာန တာဝန်ရှိသူတဦးက ပြောပါတယ်။

သင်္ဘောသား ၂၂ ယောက် လိုက်ပါလာတဲ့ ဒီသင်္ဘောဟာ ဗီယက်နမ်နိုင်ငံကနေ မလေးရှားနိုင်ငံ ပါဟမ်းပြည်နယ်က ကွာအန်တန်ဆိပ်ကမ်းကို ဦးတည် ခုတ်မောင်းလာနေတာ ဖြစ်တယ်လို့လည်း ဆိပ်ကမ်းအာဏာပိုင် တဦးဖြစ်တဲ့ ဆာအိ မိုဟာမက် ဖူဇီဟာဆန်က ပြောဆိုခဲ့တာ ဖြစ်ပါတယ်။

မတော်တဆမှုအတွင်း မြန်မာသင်္ဘောသား ၂ ယောက်ဟာ မီးလောင်ဒဏ်ရာတွေ ရခဲ့ပြီး ၁ ယောက်ကတော့ သင်္ဘောပေါ်က ပြုတ်ကျခဲ့ပုံ ရပါတယ်။ ပျောက်ဆုံးနေတဲ့ သင်္ဘောသားကို ရှာဖွေဖို့အတွက် မလေးရှားနိုင်ငံက ကယ်ဆယ်ရေးတွေကို စေလွှတ်ထားပါတယ်။

မောင်းတောတွင် တနေ့တည်း ကျေးရွာ နှစ်ရွာ ဓါးပြတိုက်ခံရ

ရခိုင်ပြည်နယ် အနောက်ဘက် နယ်စပ်မြို့ မောင်းတောတွင် တနေ့တည်းတွင် ကျေးရွာ ၂ ရွာမှ မိသားစု သုံးစု ဓါးပြတိုက်ခံရကြောင်း သတင်း ရရှိသည်။

ဓါးပြတိုက်ခံရသော ကျေးရွာများမှာ မောင်းတောမြို့နယ် တောင်ပိုင်းတွင် တည်ရှိသော ကံပူးရွာနှင့် ၀ါးချကျေးရွာတို့ ဖြစ်ကြောင်း အမည်မဖေါ်လိုသူ ရဲတပ်ကြပ် တဦးက ပြောသည်။

ဓါးပြတိုက်ခံရသူများမှာ ကံပူးကျေးရွာမှ ရယက ဥက္ကဌဟောင်း ဦးအာမီအူလာနှင့် ၀ါးချကျေးရွာမှ ဦးဇော်ကရိယာနှင့် ဦးအဘူလူဆောင်တို့ ဖြစ်ကြသည်။

အဖွဲ့ဝင် ၁၅ ဦးခန့် ပါဝင်သော ဓါးပြများသည် ဘင်္ဂလာဒေခ်ျ့ဘက်မှ လှေဖြင့် တိတ်တဆိတ် မြန်မာဘက်သို့ နတ်မြစ်ကို ဖြတ်ကျော် ၀င်ရောက်လာပြီး ကံပူးကျေးရွာ ရယက ဥက္ကဌဟောင်းအိမ်ကို ဓါးပြ၀င်တိုက်ပြီး ကျပ်ငွေ ၇ သိန်းနှင့် လက်ဝတ်ရတနာများကို လူယူသွားခဲ့သည်။

ဓါးပြများတိုက်ခိုက်မူကြောင့် ဦးအာမီအူလာတွင် ခေါင်းကွဲသွားပြီး ဒဏ်ရာ အနည်းငယ် ရရှိသွားကြောင်း သိရသည်။

အဆိုပါ ကျေးရွာမှ အပြန်တွင် ၀ါးချကျေးရွာကို ဓါးပြ၀င်တိုက်ရာ ဦးဇော်ကရီယာနှင့် ဦးအဘူလူဆောင်အိမ်မှ ရွှေကျပ်ချိန် ၅ ကျပ်နှင့် ငွေများကို လုယက် ယူဆောင်သွားခဲ့သည်။

မောင်းတောနှင့် ဘူးသီးတောင်မြို့နယ်များတွင် ဓါးပြများ အထူးသောင်းကျန်းနေသဖြင့် ပြည်သူ လူထုများ အထူး ဒုက္ခရောက်နေကြရသော်လည်း ယခုအချိန်ထိ သက်ဆိုင်ရာ အာဏာပိုင် အဖွဲ့အစည်းများမှ တစုံတရာ ဖမ်းဆီးနှိမ်နှင်းနိုင်ခြင်း မရှိကြောင်း သိရှိရသည်။

ရွှေလီရေအားလျှပ်စစ်မီးအစားထိုးသော်လည်း မီတာခမသက်သာသေး

တရုတ်နိုင်ငံမှ လျှပ်စစ်မီး ၀ယ်ယူသုံးစွဲခဲ့သော သျှမ်းပြည် (မြောက်ပိုင်း) မူစယ်မြို့တွင် ယခုနှစ် ဧပြီလဆန်းပိုင်းမှ စ၍ ရွှေလီ ရေအားလျှပ်စစ်ဓါတ်အားဖြင့် အစားထိုးလိုက်သည့် တိုင်အောင် လျှပ်စစ်မီတာခမှာ ယခင်တရုတ်လျှပ်စစ်မီးအတိုင်း ပေး ဆောင် နေရဆဲဖြစ်ကြောင်းသိရသည်။



ယခင်က တရုတ်လျှပ်စစ်မီး တစ်ယူနစ်အတွက် မြန်မာကျပ်ငွေ ၃၀၀ ခန့်နှင့် ညီမျှသော ယွမ်ငွေ ၁.၄ ယွမ်မှ ၁.၆ ယွမ် ကောက်ခံပြီး ယခု ဒေသထွက် ရွှေလီရေအား လျှပ်စစ်မီးပြောင်းလဲသုံးစွဲချိန်တွင်လည်း အဆိုပါနှုန်းအတိုင်း ကောက်ခံနေ ကြောင်း ဒေသခံများက သျှမ်းသံတော်ဆင့်သို့ ပြောသည်။

“ပြီးခဲ့တဲ့လကအထိ တရုတ်ငွေနဲ့ပဲယူတယ် ဂျွန်လအထိကောက်ပြီးပြီ အရင်တရုတ်မီးယူတဲ့နှုန်းအတိုင်း ကောက်တာပဲ လွန်ခဲ့တဲ့ ၃လ လောက်က ဗမာမီးလည်းလာပြီဆိုတော့ မီတာအရှေ့မှာ စာရွက်အတိုလေးတစ်ရွက် ကပ်လာတယ် မဖတ် ဘူးပေါ့ကြွေးကျန်ဆိုပြီးမှ ဗမာနှုန်းနဲ့ဖတ်မလားလို့ ပြီးခဲ့တဲ့လက အကုန်လုံးပေါင်းပြီးမှ တရုတ်ငွေတွက်လိုက်တာ အိမ် တိုင်းက တော်တော်ထိသွားတယ် ” ဟု ဒေသခံတစ်ဦးက ပြောသည်။

မေလပိုင်းက ယခင်အသုံးပြုခဲ့သော တရုတ်လျှပ်စစ်မီတာပုံးများအစား မြန်မာမီတာပုံးများဖြင့် ပြောင်းလဲတပ်ဆင်ခဲ့ရာ မြန်မာ မီတာပုံးများသည် သုံးစွဲသည့်လျှပ်စစ်မီးယူနစ်အား ဖတ်ရှုနိုင်ခြင်းမရှိသဖြင့် ကုန်ကျငွေတွက်ရန် အခက်အခဲရှိ ကြောင်း နောက်ထပ်ဒေသခံ တစ်ဦးက ပြောသည်။

“အခုပြောင်းတပ်လိုက်တဲ့ မြန်မာမီတာပုံးတွေက မီတာဖတ်တဲ့ဟာမပါဘူး မီတာခဆောင်တဲ့အခါကျတော့ သူတို့ဖြတ်သ လောက် ပေးရတာပေါ့ ဘာမှမထူးဘူးဗျ မီးပုံမှန်မရတာပဲ အဖတ်တင်တယ် လွန်ခဲ့တဲ့ ၄ လ ၅ လပိုင်းတုန်းက ဆိုရင် မီးကတော်တော်ကိုပျက်တာ” ဟု သူက ပြောသည်။

စောစောက ဒေသခံက ဆက်ပြောရာတွင် “ ကြွေးကျန်တွေဆိုပြီး ပေါင်းထည့်လိုက်တော့ တော်တော်နင့်သွားတယ် အရင် ထက် ပိုတောင်များလာသေးတယ် ဗမာငွေနဲ့ပြန်ကောက်မလားဆိုတာ ဂျူလိုင်လကုန်ကျရင်ထပ် သိရမယ်ဘယ်လိုလာ မလဲတော့ မသိသေးဘူး အခုမီးအခြေအနေက တစ်ခါတစ်လေ နေ့ခင်းဆို တစ်နေကုန်ပျက်သွားတယ်” ဟု ဆိုသည်။

သျှမ်းပြည် (မြောက်ပိုင်း) မူစယ် နမ့်ခမ်းဒေသများတွင် ၁၉ဂ၉ခုနှစ်မှစ၍ တရုတ်နိုင်ငံမှ လျှပ်စစ်မီးဝယ်ယူသုံးစွဲခဲ့ရာ ယခု နှစ် ဧပြီလဆန်းပိုင်းတွင် နမ့်ခမ်းမြို့နယ် မန်တပ်ကျေးရွာအနီးရှိ ရွှေလီရေအားလျှပ်စစ် စီမံကိန်းမှဓါတ်အားဖြင့် အစားထိုးခဲ့ခြင်း ဖြစ်သည်။

မြန်မာနိုင်ငံတစ်ဝှန်းတွင် ရေအားလျှပ်စစ်စီမံကိန်း အမြောက်အများတည်ဆောက်နေပြီး စစ်အစိုးရအာဘော် သတင်းစာများ က တခမ်းတနား ဖေါ်ပြနေသော်လည်း ၂၄ နာရီလျှပ်စစ်မီးရသည့်မြို့ဟူ၍ လက်ညိုးထိုးပြစရာမရှိပေ။

ဒီကေဘီအေ တပ်စုတစု ကေအဲန်ယူထံ လာရောက်ပူးပေါင်း

ကရင်ပြည်နယ် ဖားအံခရိုင်၊ လှိုင်းဘွဲမြို့နယ် မဲ့စရီဂွင်အတွင်း လှုပ်ရှားနေသည့် တိုးတက်သောဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ) တပ်မဟာ(၉၉၉) အထူးတပ်ရင်းမှ တပ်စုတစုသည် လက်နက်အပြည့်အစုံနှင့်အတူ ကေအဲန်ယူ တပ်မဟာ(၇)ထံ ယမန်နေ့က လာရောက်ပူးပေါင်းခဲ့သည်။

ကေအဲန်ယူထံ လာရောက်ပူးပေါင်းသော ဒီကေဘီအေတပ်ဖွဲ့ဝင်များ (ဓါတ်ပုံ - ကေအိုင်စီ)

အဆိုပါ ဒီကေဘီအေ တပ်ရင်း၊ တပ်ခွဲ(၁)မှ တပ်စုမှူး ဒုဗိုလ်စောမျိုးမျိုး ဦးဆောင်သော တပ်ဖွဲ့ဝင် ၇ဦးသည် ထိုင်းနိုင်ငံ မဲဆောက်မြို့မြောက်ဘက် (၁၁၃)ကီလိုမီတာအကွာရှိ မဲ့စရီကျေးရွာတစ်ဘက်ကမ်း ကလေ့ထာ့တွင် အခြေစိုက်လှုပ်ရှားလျှက် ရှိပြီး ရှေ့တန်း၌ တပ်ရိက္ခာထောက်ပံ့မှု မပြည့်စုံခြင်းနှင့် နယ်ခြားစောင့်တပ် လက်မခံနိုင်ခြင်းတို့ကြောင့် ယခုလို ကေအဲန်အယ် လ်အေ တပ်မဟာ(၇) တပ်ရင်း(၁၀၁)ထံ လာရောက်ပူးပေါင်းရခြင်းဖြစ်သည်ဟု တပ်စုမှူး ဒုဗိုလ်စောမျိုးမျိုးက ပြောသည်။



သူက “ရှေ့တန်းမှာနေတာ လကတော့ကုန်ပြီ။ ရိက္ခာသွားထုတ်ခွင့်မရသေးဘူး။ သွားထုတ်တော့လည်း အပြည့်အ၀ မရဘူး။ သားငါးတကီလိုလောက် ၀ယ်စားဖို့အတွက် ရဲဘော်တွေ မီးသွေးဖုတ် ရောင်းရတဲ့အဖြစ်ဆိုတော့ တပ်စုမှူးတစ်ယောက်အနေနဲ့ မခံစားနိုင်ဘူး။ နောက်တစ်ခုက ဗမာ့တပ်မတော်တံဆိပ်တပ်ပြီး ဗမာစစ်သားသွားလုပ်ရမဲ့ဥစ္စာကို ကျနော်တို့ လုံးဝ သဘောမတူဘူး။ အဲဒါကြောင့် ဒီက ဆရာသမား၊ ညီအစ်ကိုတွေဆီ ပြန်လာတာ အကောင်းဆုံးနည်းလမ်းပဲလေ”ဟု ပြောသည်။

အဆိုပါ လာရောက်ပူးပေါင်းကြသူများမှာ ဒုဗိုလ်စောမျိုးမျိုး ၂၉နှစ်၊ တပ်ကြပ်ကြီး စောကလော်ဟီး ၅၄နှစ်၊ တပ်ကြပ် မောင်ဝင်း နေ ၂၆နှစ်၊ တပ်သားအောင်စိန် ၂၇နှစ်၊ တပ်သားမိုးကြိုး ၂၅နှစ်၊ တပ်သားစိုးလင်း ၂၀နှစ်နှင့် တပ်သားစောလားဖိုး ၁၈နှစ်တို့ ဖြစ်ပြီး ၎င်းတို့နှင့်အတူ 9-MM တစ်လက်၊ M-79 တစ်လက်၊ Carbine တစ်လက်၊ AK သုံးလက်၊ M-16 နှစ်လက်နှင့် ကျည်ဆံ တချို့ ပါဝင်သည်ဟု သိရသည်။

ကေအဲန်ယူထံလာရောက်ပူးပေါင်းမှုကြောင့် ဒီကေဘီအေ တပ်စုမှူးဒုဗိုလ်စောမျိုးမျိုးနှင့် တပ်ကြပ်ကြီး စောကလော်ဟီးတို့၏ မိသားစုများကို ဒီကေဘီအေ တပ်မဟာ(၉၉၉)အထူးတပ်ရင်းမှ ဖမ်းဆီးချုပ်နှောင်ထားကာ ညှင်းပမ်းနှိပ်စက်မှုများ ပြုလုပ်နေ ကြောင်း သိရသည်။

တပ်ကြပ်ကြီး စောကလော်ဟီးက “ကျနော်တို့ ဒီဘက်ကို ရောက်ရောက်ချင်းမှာပဲ သူတို့တွေ ကျနော့်မိန်းမနဲ့ ကလေး ၂ ယောက်ကို အချုပ်ခန်းထဲကို ဖမ်းထည့်ပြီး ခြိမ်းခြောက်အကြပ်ကိုင်တာတွေ လုပ်နေတယ်လို့ သိရတယ်။ ကလေးက ၂နှစ်နဲ့ ၅နှစ်ပဲ ရှိသေးတယ်၊ ဘာမှသိတာမဟုတ်ဘူး။ ဒီလုပ်ရပ်တွေဟာ တိရိစ္ဆာန်ထက်တောင် ပိုဆိုးတယ်”ဟု ပြောသည်။

ဒီကေဘီအေတွင် (၂)လသာ တာဝန်ထမ်းဆောင်ရသေးသူ တပ်သားအောင်စိန်ကလည်း “မိန်းမနဲ့ ကလေးတွေကို စိုးရိမ်လွန်း လို့ ကျနော် ငိုခဲ့ရတာ အကြိမ်ပေါင်း မနည်းတော့ဘူး။ အခု ကျနော့် မိန်းမနဲ့ကလေးတွေကလည်း အချုပ်ခန်းထဲမှာပဲလား မသိဘူး။ တယောက်က နို့စို့အရွယ်ပဲရှိသေးတော့ အရမ်း စိုးရိမ်တာပေါ့။”ဟု ပြောသည်။

ထိုကိစ္စနှင့်ပတ်သက်၍ ဒီကေဘီအေ တပ်မဟာ(၉၉၉)မှ အထူးတပ်ရင်းမှူး ဒုဗိုလ်မှူးကြီးစောမောင်ဝင်းကို ကေအိုင်စီက ယနေ့ ဆက်သွယ်မေးမြန်းရာ ဖုန်းလိုင်းမရရှိခဲ့ပေ။

ယခုပြန်လည်ရောက်ရှိလာကြသူများထဲတွင် ယခင်က ကေအဲန် ယူတွင် တာဝန်ထမ်းဆောင်ခဲ့ဖူးကြသူများ ပါဝင်သလို အတင်း အဓမ္မ စစ်သားစုဆောင်းခံရသူများလည်း ပါဝင်ပြီး အချို့မှာ ကေအဲန်ယူနှင့်လက်တွဲကာ တိုက်ပွဲဝင်မည့်သူများရှိသလို သာမန် အရပ်သားအဖြစ် နေထိုင်သွားမည့်သူများလည်းရှိသည့်အတွက် ၎င်းတို့၏ဆန္ဒအတိုင်း စီစဉ်လိုက်လျောသွားမည်ဟု ကေအဲန် အယ်လ်အေ တပ်ရင်း (၁၀၁)တပ်ရင်းမှူး ဒုဗိုလ်မှူးကြီး စောဖောဒိုက ပြောသည်။

လက်ရှိအချိန်တွင် အင်အား ၄၀၀၀ကျော်ရှိသည့် ဒီကေဘီအေတပ်ဖွဲ့တွင် (၉၉၉)တပ်မဟာသည် အင်အားအများဆုံး ဖြစ် သည်။

ကေအိုင်စီသတင်းထောက် စောသိန်းမြင့် ရေးသားသည်။

အမေရိကန်ရောက် မြန်မာတို့အတွက် မြန်မာရုပ်သံ လာမည်

မိုးမခအထောက်တော် အမှတ် ၈
ဇူလိုင် ၁၂၊ ၂၀၁၀ မြန်မာရုပ်သံ ရိုက်ကူးနေပုံ။ မတူခြားနားသည့် ကမ္ဘာသို့ ရောက်လာသူများကို ပညာပေးမည့် အစီအစဉ် ဟူသော စကားလုံးကို မသုံးလိုဘဲ အတွေ့အကြုံ ဖလှယ်နိုင်မည့် အစီအစဉ်ဟုသာ ပြောဆိုလိုသည်ဟု အကောင်အထည် ဖော်သူများက ဆိုသည် (ဓာတ်ပုံ- journalgazette.net)

ဒုက္ခသည် စခန်းများတွင် နှစ်ပေါင်း အတော်ကြာ နေထိုင်လာပြီး ယခု အမေရိကန်နိုင်ငံ ဖို့ဝိန်းမြို့တွင် ရောက်ရှိနေသည့် မြန်မာပြည်သားတို့အတွက် မြန်မာရုပ်သံအစီအစဉ်များ ထုတ်လွှင့်တော့မည် ဖြစ်သည်။

ပထမဆုံး အစီအစဉ်ကို လာမည့် ဗုဒ္ဓဟူးနေ့ ည ၇ နာရီတွင် ထုတ်လွှင့်မည်ဟု မြန်မာ ရုပ်သံ ဖြစ်မြောက်ရေးတွင် ပါဝင်သူတဦးဖြစ်သည့် ဦးမျိုးမြင့်က မိုးမခကို ပြောပြသည်။

ရုပ်သံလိုင်းများ ဖြစ်သော Comcast, City TV Channel 58 တို့က အပတ်စဉ် ထုတ်လွှင့်မည် ဖြစ်ပြီး Verizon အသုံး ပြုသူများသည် City TV Channel 28 တွင် ကြည့်နိုင်မည်ဟု ဒေသခံ သတင်းစာများတွင် ရေးထားသည်။

တွေ့ဆုံမေးမြန်းခြင်း၊ ဖျော်ဖြေရေး၊ ထိုဒေသရောက် မြန်မာ့ယဉ်ကျေးမှုဆိုင်ရာ လှုပ်ရှားမှုများ၊ စကားဝိုင်း စသည့် အစီအစဉ်များ ပါဝင်မည်ဟု ဆိုသည်။

၂၀၀၉ ခုနှစ်တွင် ဦးသီဟဘကြည်က မိတ်ဆွေများ ဖြစ်သော ဦးမျိုးမြင့်၊ သတင်းထောက် ဦးသင်းကိုကို တို့နှင့် ဆွေးနွေးပြောဆိုရာမှ ဤအစီအစဉ် ဖြစ်ပေါ်လာကြောင်း၊ ဒုက္ခသည်များထဲတွင် စာမတတ်သူ အများအပြား ပါဝင်သဖြင့် ရုပ်သံ ရိုက်ကူး ထုတ်လွှင့်ရန် စိတ်ကူး ပေါ်လာခြင်း ဖြစ်ကြောင်း ထိုဒေသမှ စာနယ်ဇင်းများတွင် ရေးထားသည်။

ရုပ်သံလိုင်း မရှိသူများ ကြည့်ရှုနိုင်ရန် အစီအစဉ်များကို DVD ဖြင့် ဖြန့်မည်ဟု ဆိုသည်။

အင်ဒီယားနား ပြည်နယ် ဖို့ဝိန်းမြို့သည် မြန်မာ ဒုက္ခသည် ၅၀၀၀ ခန့် အခြေစိုက်နေထိုင်လျက် ရှိသည်။

ဦးသီဟဘကြည် နှင့် ဦးမျိုးမြင့်။ ရုပ်သံအစီအစဉ် အသေးစိတ် သိလိုပါက ဦးသီဟဘကြည် (260-601-1876)၊ ဦးမျိုးမြင့် (443-995-7056) တို့ထံ ဆက်သွယ် မေးမြန်းနိုင်ကြောင်း ထိုဒေသတွင် ထုတ်ဝေသော News Sentinel နေ့စဉ်ထုတ်သတင်းစာတွင် ဖော်ပြထားသည် (ဓာတ်ပုံ - news-sentinel.com)

မယ်လစခန်းတွင် လူ ၅၀၀ ခန့် သွေးလွန်တုပ်ကွေးဖြစ်

နယူးဒေလီ (မဇ္ဈိမ) ။ ။ ထိုင်း-မြန်မာနယ်စပ်မြို့ မဲဆောက်မြောက်ရှိ မယ်လဒုက္ခသည်စခန်းတွင် ဒုက္ခသည် ၅ဝဝ ခန့် သွေးလွန်တုပ်ကွေးရောဂါ ဖြစ်ပွားနေကြောင်း စခန်းတွင်းရှိ ဆေးရုံမှ တာဝန်ရှိသူများ အပြောအရ သိရသည်။

ကရင်စစ်ပြေးဒုက္ခသည်များ အများစု နေထိုင်သော တပ်ခ်ခရိုင်တွင်းရှိ မယ်လဒုက္ခသည်စခန်းသည် မဲဆောက်မြို့မြောက်ဘက် ၅၇ ကီလိုမီတာခန့်တွင် တည်ရှိသည်။

“အရင်နှစ်တုန်းက တလတလကို ၁၅ ယောက်ကနေ ၂ဝ လောက်ကပဲ သွေးလွန်တုပ်ကွေး ခံစားတယ်။ စနစ်တကျ ကာကွယ်ရေးမလုပ်တော့ အမြစ်မပြတ်ဘူး။ ဒီနှစ်ဆန်းမှာတော့ ပိုဆိုးလာတယ်။ အခုဆို အယောက် ၅ဝဝ လောက် ရောဂါဝေဒနာ ခံစားနေရတယ်” ဟု မယ်လဒုက္ခသည်စခန်း ဆေးရုံတာဝန်ခံ ဆရာစောနေစဲန်က မဇ္ဈိမကို ပြောသည်။
mst-ml
မယ်လဒုက္ခသည်စခန်းတွင် ယခုနှစ်အတွင်း သွေးလွန်တုပ်ကွေးကြောင့် ကလေး ၂ ဦးနှင့် လူကြီး ၃ ဦး အသက်ဆုံးရှုံးခဲ့ရပြီး ဖြစ်သည်။ ယခုထက်တိုင်လည်း အဆိုပါ ရောဂါဆိုင်ရာ ကြိုတင်ကာကွယ်မှု လျော့နည်းနေသေးသည်။

“အင်အားနည်းတယ်။ ဆရာ၊ ဆရာမက အစပေါ့။ ငွေအင်အားမရှိတော့ ဆေးဝါးဆိုင်ရာ ခက်ခဲတယ်။ စခန်းတခုလုံးကို ခြင်တွေ နှိမ်နှင်းဖို့ ဆေးမသုံးနိုင်ဘူး။ ဟိုအိမ်ဒီအိမ်လောက်ပဲ ဆေးဖျန်းတော့ ဘယ်ပျောက်နိုင်မလဲ။ ကြာလာတော့ ပိုဆိုးလာတယ်။ အခုဆို မိုးရာသီရောက်လာတော့ ခြင်ဖြစ်ပွားမှု တအားမြန်တယ်။ ဒါကို မကာကွယ်နိုင်ရင် ဒီထက် ပိုဆိုးလာမယ်။ အိမ်တိုင်း ဆေးဖျန်းဖို့လိုမယ်။ ပေါင်းပင်ခြုံပင်တွေကို ရှင်းဖို့လိုတယ်။ ရေဆိုးရေညစ်တွေကို ရှင်းရမယ်။ ရေကန်၊ အိမ်သာနဲ့ အိုးခွက်ပန်းကန်တွေကိုလည်း သန့်ရှင်းရမယ်။ ဝေဒနာရှင်တွေကို စနစ်တကျ ရက်တပတ်လောက် ဆေးဝါးကုသရင်တော့ သက်သာမယ်” ဟု ဆရာစောနေစဲန်က ပြောသည်။

ထို့ပြင် ပြီးခဲ့သည့် မေလနှောင်းပိုင်းမှ စတင်ကာ စခန်းအတွင်း ကာလဝမ်းရောဂါ ဖြစ်ပွားခဲ့ရာ ယခုအခါ လူပေါင်း ၃ဝ၂ ဦး ကုသမှုခံယူနေရသည်။

မယ်လစခန်း ကျန်းမာရေးဌာနတွင် ကူညီနေသူတဦးက “ကာလဝမ်းရောဂါက ပြန်ဖြစ်လာတယ်။ ရောဂါက ပိုဆိုးလာတော့ အခုဆို လူတအားများလာတယ်။ ကျနော်တို့မှာ ဆေးကုသမှု မနိုင်ဘူး ဖြစ်နေတယ်” ဟု မဇ္ဈိမကို ပြောသည်။

ရေပေးဝေစနစ်မှာမူ နံနက်ပိုင်းနှင့် ညနေပိုင်းတွင် တကြိမ်စီဖြစ်သောကြောင့် မလောက်ငှသဖြင့် ကိုယ်ပိုင်တွင်းရေများ သောက်သုံးနေရသည်။

ကာလဝမ်းရောဂါ ဖြစ်ပွားရခြင်းသည် ယင်လုံအိမ်သာ သုံးစွဲနိုင်မှု မရှိခြင်း၊ မသန့်ရှင်းသော ရေကို သောက်သုံးနေရခြင်းနှင့် မလတ်ဆတ်သော အသီးအရွက်များ စားသုံးခြင်းကြောင့်ဟု သိရသည်။

“တနှစ်တနှစ် လူဦးရေ တအားများလာတယ်။ စခန်းမှာ ရေမလုံမလောက် ဖြစ်နေတယ်။ ကိုယ်တိုင် တွင်းတူးတယ်။ တွင်းရေကို ပြန်သောက်တယ်။ ဒုက္ခသည်စခန်းဆိုတော့ ဖြစ်သလိုနေရတယ်။ အစားအသောက်ကို သတိမထားဘူး။ ဟင်းကျန်ထမင်းကျန်ကို စားသုံးတယ်။ မသန့်ရှင်းတဲ့ အစားအစာတွေ စားတယ်။ ကြာလာတော့ ဝမ်းရောဂါတွေ ဖြစ်လာတော့တယ်” ဟု ဆေးခန်းတွင် ကူညီနေသူက ဆိုသည်။

သွေးလွန်တုပ်ကွေးနှင့် ဝမ်းရောဂါ ဝေဒနာရှင်များသည် အသက် ၁ နှစ်အရွယ်မှ ၆ဝ နှစ်အတွင်း ဖြစ်ပွားမှု များပြားကြောင်း ဆေးခန်းတာဝန်ကျ ပုဂ္ဂိုလ်များက ဆိုသည်။

မယ်လဒုက္ခသည်စခန်းတွင် မြန်မာနိုင်ငံသား ၅ သောင်းခန့် နေထိုင်ရာ စခန်းကို ဇုန် A – B - C ဟူ၍ ခွဲထားခဲ့ပြီး အဆိုပါ ဇုန်များထဲတွင် ရပ်ကွက် ၅ ခုစီ ပြန်ခွဲသည်။ စခန်းရှိ နေအိမ်အများစုသည် သက်ကယ်မိုး ကပ်ကာအိမ်များ ဖြစ်ကြသည်။

ထိုင်း-မြန်မာနယ်စပ်တွင် ဒုက္ခသည်စခန်း ၇ ခုအနက် မယ်လစခန်းသည် အကြီးဆုံးနှင့် လူဦးရေ အများဆုံး ဖြစ်သည်။ အခြား စခန်းများမှာ ထမ်းဟင်၊ ဘန့်တုံယမ်း၊ နို့ဖိုး၊ အုန်းဖျန်၊ မယ်လအူး၊ မယ်ရာမို စသည်တို့ ဖြစ်သည်။

မယ်လတွင် ပြည်တွင်းစစ်နှင့် နိုင်ငံရေး မတည်ငြိမ်မှုကြောင့် ထွက်ပြေးလာသည့် ကရင်အများစု နေထိုင်ကြသည်။

မယ်လ ဒုက္ခသည်စခန်း အနောက်ဘက်တွင် မြန်မာနိုင်ငံနှင့် နယ်စပ်မျဉ်းဖြစ်သည့် သောင်ရင်းမြစ် တည်ရှိသည်။

(ဆလိုင်းထွန်း သတင်းပေးပို့သည်။)

ကလေးငယ် ရာနှင့်ချီ၍ သွေးလွန်တုတ်ကွေးဖြစ်နေ

ဧရာဝတီတိုင်း၊ ပုသိမ်မြို့တွင် ကလေးငယ် ရာနှင့်ချီ၍ သွေးလွန်တုတ်ကွေးရောဂါ ဖြစ်ပွားနေလျှက်ရှိပြီး သေဆုံးမှုများလည်း ရှိနေကြောင်း ဆေးရုံအသိုင်းအဝိုင်းနှင့် နီးစပ်သူတဦးက ပြောသည်။

ယခုလဆန်းပိုင်းမှ စတင်ကာ ဖြစ်ပွားခြင်းဖြစ်ပြီး ယခုလ(၉) ရက်နေ့ စာရင်းအရ သွေးလွန်တုတ်ကွေးဖြစ်ပွားသူ ကလေးငယ် (၁၁၉) ယောက်ရှိကြောင်း ၎င်းက ပြောသည်။

“ပုသိမ်မှာ တော်တော်ဖြစ်နေတာ၊ ကလေးတွေအများချည်းဘဲ၊ ဆေးရုံက သူနာပြုတွေတောင် ဂျူတီညလုံးပေါက် စောင့်ရတယ်၊ ကုတင်တွေလည်း မလောက်လို့ အစားထိုးထားရတာ မနည်းဘူး၊ ကလေးလူနာဆောင်ဖက်မှာဆို ပြည့်ကြပ်နေတယ်” ဟု ပြောသည်။

သွေးလွန်တုတ်ကွေးဖြစ်ပွားသူများမှာ ပုသိမ်မြို့နယ်အတွင်း ကျေးရွာများနှင့် မြို့အစွန်ရပ်ကွက်မှ ကလေးငယ်အများစု ဖြစ်ပြီး အသက် (၁) နှစ်ကျော်မှ (၁၂) နှစ်အရွယ်ကြား အများဆုံးဖြစ်ကြောင်း ၎င်းက ဆက်ပြောသည်။

သွေးလွန်တုတ်ကွေးရောဂါကြောင့် သေဆုံးမှုများလည်း ဆက်တိုက်ဖြစ်ပေါ်နေလျှက်ရှိပြီး စိုးရိမ်ရသည့်အခြေအနေ ရှိနေကြောင်း ၎င်းက ပြောသည်။

“ ဒီနေ့ဘဲ အသိကလေး (၄) နှစ်အရွယ်တယောက် ရက်လည်တယ်၊ ဆုံးတာတွေကလည်း မနည်းဘူး၊ မေးလိုက်တိုင်း သွေးလွန်တုတ်ကွေးဆိုပြီး ပြောတယ်၊ ဆေးရုံထဲမှာ သေတဲ့သူတွေနဲ့ ဆေးရုံတက်သူနဲ့ ဖြစ်နေတယ်” ဟု ဆက်ပြောသည်။

ထို့အပြင် ကရင်ပြည်နယ်၊ ကော့ကရိတ်မြို့ပေါ်တွင်လည်း ယခုရက်ပိုင်းအတွင်း သွေးလွန်တုတ်ကွေးရောဂါများ ဖြစ်ပွားနေလျှက်ရှိပြီး သေဆုံးမှုများလည်း ရှိနေသည်။

ရိုးမ၃သတင်းထောက် ဖြိုးကြီး ရေးသားသည်။

ဘုရားသုံးဆူနယ်စပ်ပြဿနာ သဘောတူညီမှုရရှိ

ယခုရက်ပိုင်းအတွင်းဖြစ်ပေါ်ခဲ့သော ဘုရားသုံးဆူဒေသ ထိုင်းမြန်မာနယ်စပ်အငြင်းပွားမှုပြဿနာ ကိစ္စရပ်များ နှစ်ဖက်သဘောတူညီမှုများရရှိခဲ့ကြသဖြင့် ပြေလည်မှုရရှိခဲ့သည်။

ဘုရားသုံးဆူဒေသ၊ ထိုင်းမြန်မာနှစ်နိုင်ငံနယ်ခြားကော်မတီဥက္ကဌများ တွေ့ဆုံဆွေးနွေးခဲ့ကြပြီး နေ့လည်စာစားပွဲတစ်ရပ်ကို ထိုင်းဒေသစံတော်ချိန် ယမန်နေ့နံနက် (၁၁) နာရီတိတိတွင် ထိုင်းနိုင်ငံ၊ ကန်ချပူရီခရိုင်၊ စံခလပူရီမြို့အနီးရှိ BASINI ENTERPRISE Co.Ltd. ရုံးခန်းအတွင်းနှစ်ရီကြာခန့် ကျင်းပခဲ့ရာ သဘောတူညီမှုရရှိခဲ့ခြင်းဖြစ်ကြောင်း တက်ရောက်ခဲ့သူ ထိုင်းဝန်ထမ်းတစ်ဦး ပြောကြားခဲ့သည်။

“မြန်မာတို့ခင်းထားတဲ့ကွန်ကရိလမ်းကို သူတို့ဆက်ပြီးမလုပ်တော့ဘူး၊ အခုခင်းပြီးတဲ့ကွန်ကရိတွေ ပြန်ဖျက်ဖို့ကိုတော့ ထိုင်းတို့က ငွေကြေးအကုန်အကျခံရမယ်” ဟု အဆိုပါထိုင်းဝန်ထမ်းက ဆက်ပြောသည်။

သို့ရာတွင် မည်သည့်နေ့ရက်တွင် ခင်းကျင်းပြီးသော ကွန်ကရိများ စတင်ဖျက်ဆီးမည်ကို မသိရသေးဟု ဆိုပါသည်။
မြန်မာကုန်သည်တစ်ဦးက “ ကုန်သည်တွေဆီက ငွေကောက်ယူပြီး ဒီလမ်းကိုခင်းခဲ့တာ၊ တကယ်လို့ပြန်ဖျက်မယ်ဆိုရင် အလကားငွေဖြုန်းတီးပစ်တာပဲ” ဟု ပြောသည်။

လမ်းပြင်အလုပ်သမားတစ်ဦးအဆိုအရ ယခုလုပ်လက်စလမ်းကုန်ကျစရိတ်မှာ ထိုင်းဘတ်ငွေသုံးသိန်းကျော်ခန့်ကုန်ကျခဲ့ပြီး ကျပ်ငွေသိန်းတစ်ရာခန့် မြန်မာတို့အဆုံးရှုံးခံရမည် ဖြစ်သည်။
ထို့အတူ မြန်မာတို့ပိတ်ထားသော နယ်စပ်မလွယ်ပေါက်များကိုလည်း ယမန်နေ့တွင် ပုံမှန်ပြန်ဖွင့်ပေးသည့်အတွက် မြန်မာအလုပ်သမားများနှင့် ထိုင်းကုန်စည်ကားများ ယခင်ကဲ့သို့ ပြေးဆွဲနေသည်။

ထိုင်းမြန်မာနယ်စပ် ဘုံဆိုင်မြေ No Man Land ဧရိယာအတွင်း မြန်မာအာဏာပိုင်များ မီတာ ၅၀၀ ခန့်ရှိ ကွန်ကရိလမ်းတစ်ခု ပြုလုပ်ခဲ့သည်ကို ထိုင်းတို့တားမြစ်သဖြင့် မြန်မာဖက်မှ နယ်စပ်မလွယ်ပေါက်များကို ထိုသို့ပိတ်ခဲ့ရခြင်းဖြစ်သည်ဟု သတင်းများတွင် ဖေါ်ပြကြသည်။

သို့သော်လည်း ယခင်လေးနှစ်ကြာပိတ်ထားဆဲ တရားဝင်ကုန်သွယ်ရေးပင်မဂိတ်ကြီးအား ဆက်လက်ပိတ်ထားဆဲဖြစ်သည်။

ထိုင်း-မြန်မာနယ်စပ်တလျောက် တာချီလိတ်မှကော့သောင်းအထိ ကီလိုမီတာ ၂၇၀၀ ကျော်ခန့်ရှည်လျှားစွာ ထိစပ်နေပြီး နယ်ခြားမှတ်တိုင်များ အတိအကျမသတ်မှတ်နိုင်သေးပေ။

နယ်ခြားမှတ်တိုင်မျဉ်းကြောင်းများ သတ်သတ်မှတ်မှတ်မရှိသဖြင့် ထိုင်း-မြန်မာနယ်စပ်တလျှောက် နှစ်နိုင်ငံဒေသအာဏာပိုင်များအကြား နယ်မြေနှင့်ပတ်သက်၍ မကြာခဏအငြင်းပွားမှုများ ဖြစ်ပေါ်နေသည်ကို ကြားသိနေရသည်။

ကောင်းဝါသတင်းထောက် မင်းထက်အောင် ရေးသားသည်။

အန်ဒီအက်ဖ်အား မှတ်ပုံတင်ခွင့်ပြုခြင်းကို အန်အယ်လ်ဒီ ရှုတ်ချ

ခမောက်ပုံကို ပါတီတံဆိပ် အသုံးပြုခြင်းနှင့် ပတ်သက်၍ ကန့်ကွက်သည့်ကြားမှ ရွေးကောက်ပွဲကော်မရှင်က အမျိုးသားဒီမိုကရေစီအင်အားစု (အန်ဒီအက်ဖ်) ပါတီကို နိုင်ငံရေး မှတ်ပုံတင်ခွင့်ပြုလိုက်သည့်အပေါ် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က လက်မခံနိုင်ကြောင်း ရှုတ်ချလိုက်သည်။

အန်အယ်လ်ဒီမှ ပြောရေးဆိုခွင့်ရှိသူ ဦးဉာဏ်ဝင်းက “ရွေးကောက်ပွဲကော်မရှင်က အန်အယ်လ်ဒီရဲ့ ကန့်ကွက်လွှာကို အသိအမှတ်မပြုတာဘဲလို့မြင်တယ်။ ဒါဟာ ဥပဒေကြောင်းအရ လက်ခံနိုင်စရာ မရှိပါဘူး။ ရွေးကောက်ပွဲကော်မရှင်ရဲ့ ဆုံးဖြတ်ချက်ဟာ ကန့်ကွက်တာကို မျက်ကွယ်ပြုသလို ပြုနေတာကြောင့် ကျနော်တို့ အန်အယ်လ်ဒီက ရှုတ်ချပါတယ်” ဟု ခေတ်ပြိုင်သို့ ပြောကြားသည်။

အမျိုးသားဒီမိုကရေစီအဖွဲ့ချုပ်၏ ခမောက်ပုံ တံဆိပ်အမှတ်အသားကို အခြားပါတီတရပ်ရပ်အား ယင်းကဲ့သို့ အသုံးပြုခွင့် ပေးလိုက်သည့်အတွက် ပြည်သူတို့အား ထင်ယောင်ထင်မှားဖြစ်စေကြောင်း အန်အယ်လ်ဒီက ထောက်ပြသည်။

ဦးဉာဏ်ဝင်းက “ကန့်ကွက်နိုင်တဲ့အချိန်တောင် မပြည့်သေးဘဲ ပါတီဖွဲ့ခွင့် ပေးလိုက်တယ်ဆိုတာကို အန်ကယ်လ်တို့ နားမလည်နိုင်ဘူး။ ဒီကိစ္စကို အန်အယ်လ်ဒီ ခေါင်းဆောင်လူကြီးတွေ ဆက်ဆွေးနွေးပြီး ရှေ့ဆက်ဘာလုပ်သွားမလဲဆိုတာ မကြာခင် ဆုံးဖြတ်သွားမှာပါ” ဟု ပြောကြားသည်။

အမျိုးသားဒီမိုကရေစီအင်အားစုပါတီက ၎င်းတို့ပါတီ၏ အလံနှင့်တံဆိပ်များကို ကန့်ကွက်နိုင်ကြောင်း ပြီးခဲ့သည့် ဇွန်လ (၃၀) ရက်၌ ကြေညာခဲ့ပြီးနောက် အဆိုပါ ခမောက်ပုံကို အန်ဒီအက်ဖ်က ဆင်တူယိုးမှား တုပပြီး ပုံမှားရိုက်သည်ဟူ၍ ရွေးကောက်ပွဲ ကော်မရှင်ထံ အန်အယ်လ်ဒီက ပြီးခဲ့သည့် ဇူလိုင် (၅) ရက်တွင် ကန့်ကွက်စာ တင်သွင်းခဲ့သည်။

သို့သော် ကန့်ကွက်နိုင်သည့်အချိန် (၇) ရက် မပြည့်ခင် ပြီးခဲ့သည့် ဇူလိုင် (၉) ရက်နေ့၌ ရွေးကောက်ပွဲကော်မရှင်က မှတ်ပုံတင်အမှတ် (၃၈) ဖြင့် အမျိုးသားဒီမိုကရေစီအင်အားစုပါတီအား နိုင်ငံရေးပါတီ မှတ်ပုံတင်ခွင့်ပြုလိုက်ခြင်းဖြစ်သည်။

အန်ဒီအက်ဖ်မှ ပါတီခေါင်းဆောင်တဦးဖြစ်သူ ဒေါက်တာ သန်းငြိမ်းက “နိုင်ငံရေးပါတီ မှတ်ပုံတင်ခွင့်ပြုလိုက်ပြီဆိုတော့ ဒီခမောက်ပုံ တံဆိပ်ကို သုံးခွင့်ပေးလိုက်ပြီဆိုတဲ့သဘောလို့ ကျနော်တော့ နားလည်တယ်။ ရှေ့ဆက်လုပ်ငန်းစဉ်တွေအနေနဲ့ ပါတီကို အတည်တကျ ပြန်လည်ဖွဲ့စည်းသွားဖို့ ဒီအပတ်ထဲမှာ အစည်းအဝေးခေါ်ဖို့ ရှိပါတယ်” ဟု ခေတ်ပြိုင်သို့ ပြောကြားသည်။

ပါတီမှတ်ပုံတင်ခွင့်ပြုချက် ရရှိပြီဖြစ်သော အမျိုးသားဒီမိုကရေစီအင်အားစု (အန်ဒီအက်ဖ်) ပါတီသည် လာမည့် ရွေးကောက်ပွဲ၌ မြို့နယ်ပေါင်း (၅၀) ကျော်တွင် ဝင်ရောက်အရွေးခံသွားမည်ဖြစ်ကြောင်း ဒေါက်တာ သန်းငြိမ်းက ပြောသည်။

အန်ဒီအက်ဖ်ပါတီကို အမျိုးသားဒီမိုကရေစီအဖွဲ့ချုပ်မှ နုတ်ထွက်ခဲ့သည့် ဗဟိုအလုပ်မှုဆောင်ဟောင်း ဦးခင်မောင်ဆွေ၊ ဒေါက်တာ သန်းငြိမ်း၊ ဦးသိန်းညွန့်၊ ဒေါက်တာ ဝင်းနိုင် အပါအဝင် ခေါင်းဆောင် (၁၉) ဦးတို့က ၂၀၁၀ ရွေးကောက်ပွဲတွင် ဝင်ရောက်ယှဉ်ပြိုင်ရန် ပြီးခဲ့သည့် မေလ (၆) ရက်နေ့က စတင်တည်ထောင်ခဲ့သည်။

ခေတ်ပြိုင်သတင်းထောက် ၀ီရ ရေးသားသည်။

ထိုင်းကုန်စည်တင်သွင်းမှုကို မြန်မာ ပိတ်ပင်ပြန်

ကမ်းထိန်းကွန်ကရစ်နံရံ တည်ဆောက်မှု လုံးဝရပ်ဆိုင်းမှု မပြုမချင်း ထိုင်းကုန်စည်များ မြန်မာဘက်တင်သွင်းမှုကို ပိတ်ပင်သွားမည်ဟု မြ၀တီခရိုင် အာဏာပိုင်များနှင့် နီးစပ်သည့် မြန်မာအစိုးရ ၀န်ထမ်းတဦးက ပြောသည်။

ထိုင်း-မြန်မာနယ်စပ် မဲဆောက်-မြ၀တီကုန်သွယ်ရေး လမ်းကြောမှတဆင့် ထိုင်းကုန်ပစ္စည်းများ တင်ပို့မှုကို မြန်မာဘက်မှ ယမန်နေ့မှစတင်ကာ တင်သွင်းခွင့်ပိတ်ပင်လိုက်သည်။

အဆိုပါကိစ္စနှင့်ပတ်သက်၍ မြန်မာအစိုးရ ၀န်ထမ်းတဦးက “ချစ်ကြည်ရေးတံတားအနီးမြောက်ဘက် ထိုင်းဘက်ခြမ်း ထာ့အာရွာအနားမှာ သောင်ရင်းမြစ်ရေတိုက်စားမှုကို ကာကွယ်တဲ့အနေနဲ့ ထိုင်းဘက်က ကမ်းထိန်းနံရံဆောက်တာကို ဆက်မလုပ်ဖို့ မြန်မာဘက်က နယ်ခြားကော်မတီမှတဆင့် တရားဝင်အသိပေးထားတာကို ထိုင်းဘက်က ဆက်လုပ်နေလို့ ဘယ်လိုမှ ညှိလို့မရတဲ့အဆုံး ဒီလိုလုပ်တာလို့ လူကြီးတွေက ပြောတယ်” ဟု ဆိုသည်။

အဆိုပါ ကမ်းထိန်းနံရံ ဆောက်လုပ်ခြင်းဖြင့် နယ်ခြားသောင်ရင်းမြစ် ရေစူးထိုးရာတွင် မြန်မာဘက်ခြမ်း၌သာ ရေထိုးပြီး ကမ်းပြိုမှုများ၏ အကျိုးဆက်ကို ခံရမည်ဖြစ်သောကြောင့် ကန့်ကွက်ရခြင်း ဖြစ်သည်ဟုလည်း မြန်မာဘက်က ပြောသည်။

ထိုင်းကုန်စည်များကို ချစ်ကြည်ရေးတံတားမှ တင်သွင်းခွင့်ပိတ်သည့်အပြင် တံတား၏ ဘေးဝဲယာတွင်ရှိသည့် တရားမ၀င်လှေဆိပ် (၁၇) ခုမှ ကုန်စည်တင်သွင်းနေမှုကိုလည်း မြန်မာဘက်မှ ဟန့်တားထားသည်ဟု မြန်မာကုန်သည်တဦးက ပြောသည်။

၎င်းက “ကျနော်တို့ကို လူကြီးတွေက နိုင်ငံတော်နဲ့ ပူးပေါင်းလက်တွဲဖို့ပြောတယ်။ ကုန်သည်တွေအနေနဲ့ ကိုယ်ကျိုးစီးပွားတခုကိုပဲ မကြည့်ကြဖို့ပြောတယ်။ ထိုင်းကုန်တွေပိတ်တော့ ကုန်သည်တွေရော သုံးစွဲသူတွေရော အများကြီး ထိခိုက်နစ်နာမှုတွေရှိတယ်” ဟု ပြောသည်။

ထိုင်းကုန်ပစ္စည်းများ တင်သွင်းခွင့် ပိတ်ပင်ခံရသဖြင့် အချိန်နှင့်တပြေးညီ လုပ်နေရသည့် လုပ်ငန်းများ ရပ်ဆိုင်းထားရသဖြင့် နစ်နာဆုံးရှုံးမှုများမှာ နှစ်နိုင်ငံစလုံးတွင်ရှိပြီှး ယခုပြဿနာကို ထိုင်းဘက်မှ အမြန်ဆုံးဖြေရှင်းပေးသင့်သည်ဟု ထိုင်းကုန်သည်များက ပြောသည်။

မဲဆောက်မှ ထိုင်းဆောက်လုပ်ရေးပစ္စည်း လုပ်ငန်းပိုင်ရှင်တဦးက “အခုကုန်တွေမသွားတာ နှစ်ရက်ပဲ ရှိသေးတယ်။ ပစ္စည်းတွေက တောင်ပုံရာပုံဖြစ်နေပြီ။ ဘန်ကောက်ကလာတဲ့ ကုန်ကားကြီးတွေလည်း ပစ္စည်းတွေ ချလို့မရဘူး။ ချစ်ကြည်ရေး တံတားထိပ်နဲ့ ကမ်းနားတလျှောက်က ဂိုဒေါင်တွေမှာလည်း ကုန်တွေအပြည့်ပဲ။ ရက်ရှည်ဆိုရင်တော့ ဆုံးရှုံးမှုတွေ များမယ်” ဟု ပြောသည်။

ထိုင်းကုန်ပစ္စည်းများ တင်သွင်းခွင့်ကို ပိတ်ပင်ထားသော်လည်း ချစ်ကြည်ရေးတံတားမှတဆင့် နှစ်နိုင်ငံပြည်သူများ အပြန်အလှန် သွားလာဝင်ထွက်ခွင့်ကိုမူ နှစ်ဖက်အာဏာပိုင်များက ခွင့်ပြုထားသည်။

ထိုင်းနိုင်ငံသည် မဲဆောက်-မြ၀တီ ကုန်သွယ်ရေးလမ်းကြောမှတဆင့် မြန်မာဘက်သို့ လစဉ် လူ သုံးကုန်၊ စားသုံးကုန်ပစ္စည်း ဘတ်သန်း (၄) ထောင်ခန့် တရားဝင်တင်ပို့လျက်ရှိသည်ဟု ထိုင်းကုန်သည်ကြီးများအသင်း၏ မှတ်တမ်းများအရ သိရသည်။

အဆိုပါကမ်းထိန်းနံရံ တည်ဆောက်သည့်ပြဿနာကြောင့် မြန်မာဘက်က ထိုင်းဘက်သို့ ဖိအားပေးသည့်အနေဖြင့် ယမန်နေ့မှစတင်ကာ ထိုင်းကုန်ပစ္စည်းများ တင်သွင်းခွင့်ပိတ်ပင်သည့်နည်းကို အသုံးပြုသော်လည်း ပြေလည်ခြင်း မရှိသေးကြောင်း သိရှိရသည်။

ခေတ်ပြိုင်သတင်းထောက် ရဲရင့် ရေးသားသည်။

နှစ်နှစ်အတွင်း အင်းလေးကန်ကြီး ထက်ဝက်ခန့် ရေခမ်း

ရှမ်းပြည်တောင်ပိုင်း သဘာဝ အင်းလေးကန်ကြီးသည် နှစ်နှစ်အတွင်း ရေထက်ဝက်ခန့် လျော့ပါးလာခဲ့သည့်ပြီး ထိန်းသိမ်းမှုများ မပြုလုပ်ပါက လွင်ပြင်ကြီးအဖြစ် တိမ်ကော ခမ်းခြောက် သွားနိုင်သည်ဟု အင်းလေးကန်ကို စောင့်ကြည့်လေ့လာနေသည့် သုတေသီ ပညာရှင်များက ပြောသည်။

မြန်မာပြည်၏ ယဉ်ကျေးမှု အမွေအနှစ်လည်းဖြစ် နိုင်ငံတကာကပါ စိတ်ဝင်စားပြီး ထင်ရှားသည့် အင်းလေး ကန်ကြီးသည် လွန်ခဲ့သည့် ၂၀၀၈ ခုနှစ်က ရေပြင်ဧရိယာ ၄၀ စတုရန်းမိုင် ရှိခဲ့ရာ ယခု ၂၀၁၀ ခုနှစ်တွင် ရေပြင် ၂၇ စတုရန်းမိုင် သာ ရှိသည်ဟု ယင်းဒေသတွင် အခြေစိုက်သည့် သစ်တောနှင့် သဘာဝပတ်ဝန်းကျင် စောင့် ကြည့်လေ့လာရေးအဖွဲ့က သုတေသီ ပညာရှင်တဦးက ပြောသည်။

“အခုလက်ရှိကတော့ တော်တော်လေး ရေခမ်းသွားပြီပေါ့နော်။ ရေခမ်းသွားပြီဆိုတဲ့ဟာက ရေထု ညစ် ညမ်းမှုကလည်းများတယ်၊ ဒီ အငွေ့ပြန်တဲ့နှုန်းကလည်းများတယ်၊ နောက် သူ့ထဲကို စီးဝင်လာတဲ့ ရေ က မရှိဘူးပေါ့။ အဲလိုမျိုးအခြေအနေဆိုတော့ တအားကြီးကို ခမ်းသွားတယ်။ ဖောင်တော်ဦး ဘက်ဆို လို့ရှိရင် လမ်းတော်တော်လျှောက်ရတယ်။ နှစ်မိုင်လောက် လျှောက်ရတယ်။ အရင်တုန်းက ဆိုရင် ဖောင်တော်ဦးနားကို လှေနဲ့သွားလို့ရတယ်လေ။ အခု အဲဒီကို ရောက်ဖို့ကို နှစ်မိုင်လောက် လမ်း လျှောက်ရတယ်။”

အင်းလေးကန် ရေခမ်းခြောက်ရခြင်းသည် ရာသီဥတုဖောက်ပြန်မှုကြောင့် အပူရှိန်ပြင်းခြင်း၊ ရေထုညစ် ညမ်းမှု ကြောင့် နှုံးများ အနယ်ကျခြင်း၊ ညစ်ညမ်းသည့်ရေများကို ပြန်လည်သန့်စင်မှု မပြုလုပ်ခြင်း၊ သီးနှံစိုက်ပျိုးခြံများ စိုက်ပျိုးမှု၊ ချဲ့ထွင်မှု များပြားလာခြင်းနှင့် အခြား ရေကြောမှ စီးဝင်လာသည့် ရေမရှိခြင်းကြောင့် ဖြစ်သည်ဟု အင်း လေးကန်ကို စောင့်ကြည့်လေ့လာရေးအဖွဲ့များက ပြောသည်။

ရေခမ်းခြောက်မှုကြောင့် ဒေသခံများသည် သောက်သုံးရေ လုံလောက်မှုမရှိသည့်အပြင်၊ စိုက်ပျိုးရေး အတွက် ရေ လိုအပ်ပြီး၊ ဒေသခံနှင့် နိုင်ငံခြားသား၊ ခရီးသွားဧည့်သည်များ ခရီးသွားလည်ရေးအတွက် အခက်အခဲနှင့် ရင် ဆိုင်နေကြရသည်ဟု ယင်း ပညာရှင်က ပြောသည်။

“စိုက်ပျိုးရေးကတော့ ပိုထိတာပေါ့နော်။ လက်မှုကတော့ ဒုတိယဖြစ်ချင်ဖြစ်မယ်။ (တိုရစင်) ခရီးသွား ဧည့်သည် ကတော့ တတိယ ဖြစ်ချင်ဖြစ်မယ်ပေါ့။ အဓိကကတော့ လက်မှုပစ္စည်းကတော့ နည်းနည်း အ၀တ်အစားကတော့ ယက်ကန်းနဲ့ဆိုတော့နည်းနည်းထိန်းလို့ရသေးတာပေါ့။ စိုက်ပျိုးရေး ကတော့ ရေလိုနေတာလေ။ နောက် သူတို့ရဲ့ အဓိက သောက်သုံးရေပေါ့။ သောက်သုံးရေရယ်၊ စိုက်ပျိုးရေး အ တွက်ရေရယ်၊ ဒီရေကိုပဲသူတို့ပြန်ပြီးသောက်တယ်။ တခြားရေအရင်းအမြစ် မရှိဘူးဆိုရင်လည်း ကျန်း မာရေးအတွက်က နောက်ဆက်တွဲ ရှိလာနိုင်တယ်လေ။ တဖြည်းဖြည်းနဲ့ ကောသွားမယ်ဆိုရင် ဟို သိန္နီ လွင်ပြင်တို့၊ ဟဲဟိုးလွင်ပြင်တို့ အဲလိုမျိုး ပလိန်းကြီး ဖြစ်သွားနိုင်တာ ပေါ့နော်။ ဘာဖြစ်လို့လဲဆိုတော့ သူကကျတော့ ရေသေလိုဖြစ်နေတာကိုး။ ပတ်ဝန်းကျင်ရဲ့ အခြေအနေရဲ့ သဘောတရားက အဲလိုဖြစ် နေတာ။ မိုးထပ်မရွာဘူးဆိုရင်တော့ ပိုပြီးတော့ ဆိုးနိုင်တာ ပေါ့နော်။”

အင်းလေးကန်တွင်းသို့ ရေ၀င်ရေလဲရာတွင် အဓိက ပတ်ဝန်းကျင်ရှိ ဒေသစိုက်ပျိုးရေးနှင့်လည်း သက်ဆိုင်သည် ဟု ယင်းဒေသတွင် သဘာဝပတ်ဝန်းကျင် ထိန်းသိမ်းစောင့်ရှောက်ရေးကို လုပ်ကိုင် နေသည့် ဒေသခံ တဦးက ပြောသည်။

“အဲဒီအင်းလေးကန်ကို ရေ၀င်ရေလဲတဲ့ ဧရိယာ စတုရန်းမိုင်ပေါင်း ၁၄၂၂ မိုင် အဲဒီပတ်ဝန်းကျင်မှာ ပေါ့နော်။ အဲလိုမျိုးတွက်မယ်ဆိုရင် ဒီ ပင်လောင်းမြို့နယ်ရဲ့ အရှေ့ဘက်ခြမ်းရော၊ ကလောမြို့နယ်ရဲ့
အရှေ့ဘက်ခြမ်းရော၊ ဖယ်ခုံမြို့နယ်ရဲ့ အရှေ့ဘက်ခြမ်းရော၊ ပင်းတယမြို့နယ်ရဲ့တောင်ဘက်ခြမ်း၊ နောက် ရပ်စောက်မြို့နယ်ရဲ့ တောင်ဘက်ခြမ်းနဲ့ တောင်ကြီးမြို့နယ် အနောက်ဘက်ခြမ်းမှာ အကုန် လုံး အကြုံးဝင်တာပေါ့နော်။ အဲဒီဒေသမှာ တခြား ဖွံ့ဖြိုးရေးလုပ်ငန်းလုပ်တာလည်း ရှိတယ်၊ တခြား ဒီတောင်ယာစိုက်ပျိုးရေးလုပ်ငန်းတွေ လုပ်နေတာလည်း ရှိတယ်။ နောက် လူဦးရေ တိုးလာတာက တ ဘက်ပေါ့နော်။ လူတွေက စိုက်ပျိုးရေးလုပ်ငန်းကိုပဲ မှီခိုကြတော့ စိုက်ပျိုးရေး လုပ်ငန်းကို ချဲ့ လိုက်တာပေါ့။ ချဲ့လိုက်တော့ သစ်ပင်တွေလည်း တဖြည်းဖြည်း လျှော့နည်းသွားတယ်။ အဲဒီ မြေကြီး ကို ထိန်းပေးမယ့် အဲဒီအပင်တွေလည်း သိပ်မရှိတော့ အဲဒီမှာ ရေတွေက မိုးရွာတိုင်း အဲဒီမြေကြီး တွေကရေထဲပါပြီးမှ အင်းလေးကန်ထဲစီးဝင်ပြီးမှ အနည်ထိုင်ပြီးတော့မှ အဲဒါလည်းရေပေါက်ကိုပိတ်စေ တာပေါ့နော်။”

အင်းလေးကန် ရေလျော့နည်းမှုကို ပြုပြင်ထိန်းသိမ်းရန်အတွက် ဒေသခံများကို ပညာပေးရန်၊ သဘာဝ ပတ် ၀န်းကျင် ထိန်းသိမ်းရေးအဖွဲ့များကို လုပ်ပိုင်ခွင့်ပေးရန်၊ ဒေသခံအာဏာပိုင်များအနေဖြင့် ဒေသခံနှင့် အစိုးရ အဖွဲ့အစည်းမဟုတ်သည့် အဖွဲ့များနှင့် ပူးပေါင်းဆောင်ရွက်ခွင့်ပေးရန် လိုအပ်သည် ဟု သုတေသီပညာရှင်က ပြောသည်။

“အဓိကကတော့ ဒါကို များများသိသင့်တယ်လို့ ထင်တယ်။ များများသိသင့်တယ်ဆိုတာက နိုင်ငံ အ တွက်ကော၊ အဲဒီမှာ မှီခိုနေတဲ့ ဒေသခံတွေအတွက်ကော၊ နောက် ဒီလာမယ့် တိုးရစ်(နိုင်ငံခြားသား ဧည့်သည်) အတွက်ပေါ့။ ဒါကြီးပျောက်သွားတယ်ဆိုရင် ကျမတို့က ကိုယ်ပြနိုင်တဲ့ အလှတရားက မရှိ တော့ဘူးလေ။ အဓိကက ဒီအင်းလေးဆိုတဲ့ဟာက တိုးရစ်တော်တော်များများကို ဆွဲဆောင်ထားတယ် ဆိုတော့ အဲဒါကြီး မပျောက်ကွယ်အောင်ရယ်၊ နောက် ဒေသခံတွေရဲ့ စီးပွားရေး၊ နိုင်ငံ့စီးပွားရေး ပေါ့ နော် အဲဒါတွေကို ပိုပြီးတော့ မြင့်တင်နိုင်အောင်ပေါ့လေ။ များများတော့ အင်ဖော်မေးရှင်း ပေးသင့် တယ်လို့ ထင်တယ်။”

အင်းလေးကန်သည် လွန်ခဲ့သည့် နှစ် ၁၀၀ ကျော်က ရှိခဲ့သည့် ရေပြင် ဧရိယာ စတုရန်းမိုင်ပေါင်း ၁၀၀ မိုင်သည် ယခု ရေပြင် ဧရိယာ စတုရန်းမိုင်ပေါင်း ၂၇ မိုင်ကျော်အထိသာ ကျန်ရှိနေသဖြင့် များစွာ လျော့နည်းလာရာ ပြည် တွင်း ပြည်ပရှိ သဘာဝပတ်ဝန်းကျင် ထိန်းသိမ်းရေး စောင့်ကြည့်လေ့လာ သူများက စိုးရိမ်လျှက်ရှိသည်။

လွန်ခဲ့သည့်အပတ်အတွင်းက နေပြည်တော်တွင် အင်းလေးကန်ပြန်လည်ထိန်းသိမ်းရေးအတွက် ဌာန ဆိုင်ရာ တာဝန်ရှိသူများနှင့် ကျွမ်းကျင်ပညာရှင်များပူးပေါင်းကာ ဆွေးနွေးခဲ့ကြပြီး အင်းလေးကန်ကို မူလအတိုင်း ပြန် လည်ထိန်းသိမ်းရန်အတွက် အနည်းဆုံး ၁၀နှစ်ခန့်ကြာမြင့်နိုင်ကြောင်း ခန့်မှန်းထားသည်။

သတင်းနှင့်မီဒီယာကွန်ယက်သတင်းထောက် ခွန်အောင်မြတ် ရေးသားသည်။

ဗိုလ်အောင်ကျော် ဆိပ်ကမ်းကို ဦးပိုင် အပြီးလွှဲယူ

ဗိုလ်အောင်ကျော် ဆိပ်ကမ်းနှင့် ဆိပ်ကမ်း ၀န်ဆောင်မှုများကို မြန်မာ့ စီးပွားရေး ဦးပိုင် လီမိတက်က ဇူလိုင်လ ၁ ရက်မှ စတင်၍ အပြီးအပိုင် လွှဲပြောင်း ယူလိုက်ပြီ ဖြစ်ကြောင်း သိရသည်။

ဗိုလ်အောင်ကျော် ဆိပ်ကမ်းကို “တည်ဆောက် လုပ်ကိုင် လွှဲပြောင်းစနစ်” (BOT) ဖြင့် လုပ်ကိုင်ရန် ပြီးခဲ့သည့် မတ်လ ၂၆ ရက်နေ့က အခမ်းအနားကျင်းပပြီး လွှဲပြောင်းယူခဲ့သော်လည်း ဆိပ်ကမ်းလုပ်ငန်း ကျွမ်းကျင်လုပ်သားများ မရှိခြင်းကြောင့် ယခင်ရှိနှင့်ပြီး ၀န်ထမ်းများနှင့် တွဲဖက်လုပ်ကိုင်နေခဲ့သည်။

“ပုဂ္ဂလိက လွှဲလိုက်ပြီးမှ ၀န်ထမ်းတွေ ဖြုတ်ပစ်တာ၊ လျှော့ပစ်တာမျိုး ချက်ခြင်း လုပ်ရင် မကောင်းတော့ ၃ လလောက် အချိန်ယူ လိုက်ပြီးမှ အခုလို လုပ်တဲ့ သဘောပါပဲ။ အခုကတော့ အရင်ကလို တွဲလုပ်တာ မရှိတော့ဘူး” ဟု မြန်မာ့ စီးပွားရေး ဦးပိုင် လီမိတက်မှ အုပ်ချုပ်ရေး ဆိုင်ရာ မန်နေဂျာ တဦးက ပြောသည်။

ဦးပိုင် ၀န်ထမ်းများ အစားထိုး ၀င်ရောက်နိုင်ရန် လက်ရှိလုပ်ကိုင်နေသည့် ၀န်ထမ်းများအား လျှော်ကြေးပေး၍ နုတ်ထွက်စေခြင်း၊ ပင်စင်ပေးခြင်းများ ပြုလုပ်ခဲ့ကြောင်း ၎င်းက ဆက်လက်ပြောသည်။

“ကုမ္ပဏီတွေ ပေးတဲ့အတိုင်း လစာ ၃ လစာပေးပြီး ထုတ်တာရှိသလို တချို့ လုပ်သက်ရင့်ပြီး အသက်ကြီးတဲ့ လူတွေကျတော့ ပင်စင်ပေးလိုက်တယ်။ ပုဂ္ဂလိက လွှဲပြီးမှ ဆိုပေမယ့် အစိုးရလက်ထက်တုန်းက လုပ်ခဲ့တဲ့ လုပ်သက်တွေအရ ပင်စင်ပေးတယ်။ နောက်လူတွေတော့ ဘယ်လို စီစဉ်ပေးမလဲမသိဘူး” ဟု ဆိပ်ကမ်း ၀န်ဆောင်မှုပိုင်း လုပ်ကိုင်နေသူတဦးက ပြောသည်။

“ရာထူးကြီးနေရာတွေက လွဲပြီး အောက်ခြေ ၀န်ထမ်းနေရာတွေ တော်တော်များများမှာ ဦးပိုင်ဝန်ထမ်းတွေ ၀င်လာတယ်။ ဆိပ်ကမ်းလုပ်ငန်းဆိုတာ အခု ကောက်သင်၊ အခု လုပ်တတ်တာမျိုး မဟုတ်ဘူး။ အဆင့်ဆင့်အလိုက် လုပ်ရမှာတွေက အရမ်းများတဲ့အပြင် သူ့နေရာအလိုက် တယောက်ချင်းစီ လုပ်ရတာတွေက ရှိတယ်။ အာဏာပိုင်တွေက သူတို့ လူတွေထည့်ချင်တာပဲ သိတယ်” ဟု မြန်မာ့ ဆိပ်ကမ်းအာဏာပိုင်ရုံးမှ အရာရှိတဦးက ပြောသည်။

အာဏာပိုင်များအနေနှင့် ပို့ကုန်၊ သွင်းကုန်လုပ်ငန်းများ ပိုမိုသွက်လက် မြန်ဆန်လာစေရန် ယခုကဲ့သို့ ပုဂ္ဂလိကအား လွှဲပြောင်း ပေးခြင်းဖြစ်သည်ဟု ဆိုသော်လည်း ဆိပ်ကမ်းလုပ်ငန်းသည် လုပ်သား ကျွမ်းကျင်မှုအပေါ် အခြေခံသောကြောင့် မြန်ဆန်စွာလုပ်ကိုင်နိုင်မည့် အခြေအနေမျိုးရောက်ရှိရန် ခက်ခဲနိုင်သေးကြောင်း ၎င်းက ဆက်လက်ပြောသည်။

ဦးပိုင် လီမိတက်က လွှဲပြောင်း ရယူလိုက်သည့် ဗိုလ်အောင်ကျော် ဆိပ်ကမ်းတွင် တံတားအမှတ် ၁၊ ၂ နှင့် ၃ တို့ ပါဝင်ပြီး စုစုပေါင်း ၄၅၇ မီတာ ရှည်သည်။

စစ်အစိုးရသည် မြန်မာ့ဆိပ်ကမ်း အာဏာပိုင် လက်အောက်ရှိ ဗိုလ်တထောင်ဆိပ်ကမ်း၊ ဗိုလ်အောင်ကျော် ဆိပ်ကမ်း၊ ပန်းဆိုးတန်း နန်းသီတာ ဆိပ်ကမ်းနှင့် ကျန်းမာရေးဆိပ်ကမ်း၊ ဆူးလေဆိပ်ကမ်းများ၏ ဆိပ်ကမ်း ၀န်ဆောင်မှု လုပ်ငန်းများကို ပုဂ္ဂလိက ကုမ္ပဏီများသို့ လုပ်ကိုင်ခွင့်ပြုထားသည်ဟု ဆိုသည်။

ကြည့်မြင်တိုင်မြို့နယ်ရှိ ထီးတန်းဆိပ်ကမ်းကိုလည်း မြန်မာစီးပွားရေးကော်ပိုရေးရှင်းမှ လွှဲပြောင်းယူထားကြောင်း သိရသည်။

မြန်မာ့သွင်းကုန်၊ ထုတ်ကုန် လုပ်ငန်း၏ ၉၀ ရာခိုင်နှုန်းကို ဝန်ဆောင်မှု ပေးနေသည့် အလုံဆိပ်ကမ်းနှင့် သီလ၀ါ ဆိပ်ကမ်းကို လော်စစ်ဟန်၏သား ဦးထွန်းမြင့်နိုင် ပိုင်သည့် အေးရှားဝေါ ကုမ္ပဏီနှင့် ဟောင်ကောင် အခြေစိုက် Myanmar International Terminal Thilawa (MITT)ကုမ္ပဏီတို့က အသီးသီး လုပ်ကိုင် နေကြသည်။

မြန်မာ့ စီးပွားရေး ဦးပိုင် လီမိတက်သည် သယ်ယူပို့ဆောင်ရေး လုပ်ငန်း၊ သင်္ဘောလိုင်း လုပ်ငန်း၊ ဆိပ်ကမ်းလုပ်ငန်းများ အပါအ၀င် ပြည်သူပိုင်လုပ်ငန်း အများအပြားဖြင့် စစ်တပ်ရန်ပုံငွေ ရှာပေးနေသော စီးပွားရေး အစုအဖွဲ့ဖြစ်သည်။

ဧရာဝတီသတင်းထောက် နရီလင်းလက် ရေးသားသည်။

အသိမ်းခံ လယ်ယာများကို ဒေသအာဏာပိုင်များ ငှားစား

မကွေးတိုင်း၊ အောင်လံ မြို့နယ်တွင် စစ်အစိုးရက သိမ်းယူခဲ့သော လယ်ယာမြေများကို တောင်သူ လယ်သမား များအား ပြန်လည် လုပ်ကိုင်ရန် ခွင့်ပြုခဲ့ သော်လည်း ဒေသခံ အာဏာပိုင်များက လယ်ယာ မြေတချို့ကို ကြားဖြတ် သိမ်းယူထားပြီး စီးပွားရေးသမားများထံ အငှားချထားကြောင်း သတင်းရရှိသည်။

လယ်ယာမြေများ ပြန်ရရန် အလုပ်သမားဝန်ကြီးဌာနနှင့် အပြည်ပြည်ဆိုင်ရာ အလုပ်သမားအဖွဲ့ (ILO) သို့ ဦးဆောင် တိုင်ကြားခဲ့သည့် လယ်သမား ၅ ဦး၏ လယ်ယာမြေများကို ဒေသခံအာဏာပိုင်များက ပြန်မပေးဘဲ ငှားစားထားခြင်း ဖြစ်ကြောင်း သိရသည်။

“လယ်ယာမြေတွေကို ဆက်လက် သိမ်းယူထားပြီး စီးပွားရေးသမားတွေဆီ တဧကကို တလ ၂၅၀၀၀ ကျပ်နှုန်းနဲ့ ငှားရမ်းပြီး လုပ်ကိုင်ခွင့်ပေးထားတယ်” ဟု လယ်မြေ အသိမ်းခံထားရသူတဦးဖြစ်သည့် ကိုသန်းစိုးက ပြောသည်။

၂၀၀၇ ခုနှစ် မေလတွင် လယ်ဧကပေါင်း ၁၅၀ ကျော်ကို သိမ်းယူခဲ့ပြီး ၂၀၀၉ ခုနှစ် အောက်တိုဘာလတွင် မူလပိုင်ရှင် တောင်သူများ ပြန်လည် လုပ်ကိုင်နိုင်စေရန် သက်ဆိုင်ရာမှ ချမှတ်ပေးခဲ့သည်။ သို့သော် ကိုသန်းစိုး အပါအဝင် တခြားလယ်သမား ၄ ဦးတို့ အသိမ်းခံထားရသည့် လယ်မြေများမှာ စုစုပေါင်း ဧက ၇၀ ကျော်ရှိကြောင်း သိရှိရသည်။

လယ်ယာမြေများကို ဆက်လက်သိမ်းယူထားသူများမှာ အမှတ် (၆) သကြားစက်မှ ဗိုလ်မှူးတင်အောင်၊ မြေစာရင်းဌာနမှ ဦးတင်မောင်ဘို နှင့် အောင်လံမြို့နယ် မယက ဥက္ကဋ္ဌ ဦးညွန့်ဝေ တို့ဖြစ်ကြောင်း သိရှိရသည်။

ယခုကိစ္စကို ဖြေရှင်းရန်အတွက် လယ်ယာမြေအသိမ်းခံရသော တောင်သူလယ်သမားများ ကိုယ်စား ကိုသန်းစိုးက ပြီးခဲ့သည့် သောကြာနေ့တွင် ILO မှ မစ္စတာ စတိဗ် မာရှယ်လ်နှင့် တွေ့ဆုံခဲ့ပြီး အခြေအနေကို ပြောဆိုတင်ပြခဲ့သည်။

မစ္စတာ စတိဗ် မာရှယ်လ်က “လယ်ယာမြေတွေကို အဓမ္မသိမ်းဆည်းတဲ့ ကိစ္စသာမကဘဲ တခြားကိစ္စတွေဖြစ်တဲ့ မတရား ခိုင်းစေမှုတွေကိုပါ ဖြေရှင်းနိုင်အောင်လို့ မြန်မာအစိုးရနဲ့ ကျနော်တို့တွေ ညှိနှိုင်းမှု လုပ်နေပါပြီ၊ မကြာခင်မှာပဲ ဖြေရှင်းချက် ဆိုတာကို ရရှိတော့မှာ ဖြစ်ပါတယ်”ဟု ပြောကြောင်း သိရသည်။

၂၀၀၈ ခုနှစ်တွင်လည်း နတ်မောက်မြို့နယ်ရှိ စစ်လက်နက် ပစ္စည်းထုတ်လုပ်ရေးတပ်မှ လယ်ယာမြေဧကပေါင်း ၄၀၀၀ ကျော် သိမ်းယူခဲ့ပြီး မတရားသိမ်းဆည်းခံရသော လယ်သမားများကိုယ်စား ဦးဆောင်တိုင်ကြားပေးသူ ကိုဇော်ဌေးကို သရက်ထောင်တွင် ထောင်ဒဏ် ၁၀ နှစ် အပြစ်ပေးခဲ့သည်။

ဧရာဝတီသတင်းထောက် စိုင်းဇွမ်ဆိုင်း ရေးသားသည်။

ဗီဒီယို ဇာတ်လမ်းခွေများ ဈေးလျှော့ရောင်းရန် အမိန့်ထုတ်

ခိုးကူးခွေ များကြောင့် ဈေးကွက် ယိမ်းယိုင်နေရာ ပြန်လည် ဦးမော့စေရေး အတွက် မြန်မာ VCD ဇာတ်လမ်း ခွေများကို ဈေးနှုန်း လျှော့ချ ရောင်းရန် မြန်မာနိုင်ငံ ရုပ်ရှင် အစည်းအရုံးက ညွှန်ကြား ထားကြောင်း သိရသည်။

VCD အချပ်ဈေးနှုန်း ပြင်ဆင် သတ်မှတ်ခြင်း အကြောင်း ကြားစာ များကို ပြီးခဲ့သည့် ဇွန်လ ၁၅ ရက်နေ့က ဗီဒီယို ထုတ်လုပ် ဖြန့်ချိရေး လုပ်ငန်း ရှင်များသို့ ပေးပို့ထားပြီး လိုက်နာခြင်း မရှိပါက ဇာတ်ကား ဖြန့်ချိခွင့် ၃ လ ပိတ်မည် ဖြစ်ကြောင်း မြန်မာ့ ရုပ်ရှင် လုပ်ငန်းမှ တာဝန်ရှိသူ တဦးက ပြောသည်။

ဗီဒီယို ထုတ်လုပ် ဖြန့်ချိရေး လုပ်ငန်းများက မြန်မာ ဗီဒီယို ဇာတ်ကားများ ရောင်းချ ရာတွင် RC စနစ်ဖြင့် တိုက်ရိုက် ရောင်းချသော အခွေအငှား ဆိုင်များအား ဇူလိုင် ၁၂ ရက် ဖြန့်သော ဇာတ်ကား များမှစ၍ လယ်သာ အိတ်ဖြင့် VCD တစုံလျှင် ကျပ် ၇၀၀ အစား ကျပ် ၆၀၀ ဖြင့် ဈေးလျှော့ ရောင်းချ ပေးရမည်ဖြစ်ပြီး ဝေဖာ ပလတ်စတစ်အိတ်ဖြင့်ဆိုလျှင် ကျပ် ၅၅၀ ဖြင့် ရောင်းချရမည်ဟု သတ်မှတ်ပေးလိုက်သည်။

“အခုလို အခွေဈေး ချရောင်းတော့လည်း ရောင်းအားက မတက်လာပါဘူး။ ရေရှည်ဆိုရင်တော့ လုပ်ငန်းရှင်တွေ ပြဿနာ ရှိလာနိုင်တယ်” ဟု ရန်ကုန်မြို့ရှိ ဗီဒီယို ထုတ်လုပ်ဖြန့်ချိရေး လုပ်ငန်းရှင်တဦးက ဆိုသည်။

မြန်မာနိုင်ငံ ရုပ်ရှင်အစည်းအရုံးက ဗီစီဒီ ဇာတ်လမ်းခွေများကို ဈေးနှုန်းပြောင်းလဲ သတ်မှတ်လိုက်သော်လည်း ရောင်းအားမှာ ယခင်ရောင်းချနေကျ အချပ်ရေအတိုင်းသာ ရောင်းချနေရ၍ တွက်ခြေမကိုက်ကြောင်း ၎င်းက ပြောသည်။

“မြန်မာ ဗီဒီယိုလောက က ပျက်သလိုဖြစ်နေပြီ။ မြန်မာကားထက် နိုင်ငံခြားဇာတ်လမ်း၊ ကိုရီးယား ဇာတ်လမ်းတွဲတွေပဲ ကြည့်ကြတယ်။ ဆိုင်မှာ ငှားကြည့်ရင် ကားသစ်ဆို ၂၅၀၊ ၃၀၀ ကျပ် လောက် ပေးရတာဆိုတော့ မြန်မာကား ကြည့်မယ့်အစား နိုင်ငံခြားကားတွေက်ိုပဲ ၀ယ်ကြည့်ကြတယ်” ဟု ဒဂုံမြို့သစ်ရှိ ဗီဒီယိုခွေ အငှားဆိုင် ဖွင့်လှစ်ထားသူ တဦးက ဆိုသည်။

ပြည်တွင်း ဗီဒီယိုဈေးကွက် ပြန်လည် တည်ငြိမ်စေရန် ဇွန်လ ၁ ရက်နေ့မှ စတင်၍ ဆင်ဆာမဲ့ ခိုးကူးခွေများကို စီမံချက်တရပ်အနေဖြင့် ဖမ်းဆီးခဲ့သည်။

ယင်းစီမံချက်ကြောင့် ရန်ကုန်မြို့တွင် မူရင်းအခွေ ဝယ်ယူမှုသည် ယခင်ထက် ၄၀ ရာခိုင်နှုန်း ပိုမို တိုးတက် လာပြီး ပြည်နယ်နှင့် တိုင်းများတွင် မူရင်းအခွေ ဝယ်မှုပိုမို လာသည်ဟု ရုပ်ရှင်အစည်းအရုံးက ထုတ်ပြန်သော်လည်း ရောင်းအား တက်လာခြင်းမရှိသည့်အတွက် လုပ်ငန်းရှင်များ စုပေါင်း၍ အစည်းအရုံးသို့ ကန့်ကွက်စာ တင်ရန် ဆောင်ရွက်နေကြောင်း ရုပ်ရှင်၊ ဗီဒီယိုထုတ်လုပ် ဖြန့်ချိရေး လုပ်ငန်းရှင်တဦးက ဆိုသည်။

“ဈေးချလို့ ရောင်းအားက အရင်ထက် ၂ ဆလောက် တက်လာရင် ဒီအစီအစဉ် အောင်မြင်တာပေါ့နော်။ အရင်အတိုင်းပဲ ရောင်းရမယ်ဆိုရင်တော့ နည်းလမ်းသစ်ရှာဖို့ လိုတယ်” ဟု ၎င်းက ပြောသည်။

ယခုကဲ့သို့ ရောင်းအား တက်မလာခြင်းမှာ ခိုးကူးခွေများဖမ်းဆီခြင်းကို ပြန်လည် ရပ်ဆိုင်းထားခြင်းနှင့်လည်း သက်ဆိုင်ကြောင်းသိရသည်။

ဗီဒီယို ဆင်ဆာလက်မှတ်နှင့် ခွင့်ပြုချက် အမှတ်စဉ် မပါရှိသည့် ဗီဒီယိုတိပ်ခွေ၊ ရုပ်ပုံနှင့် အသံကို ရိုက်ကူး ထည့်သွင်းထားသော တိပ်ခွေ၊ လေဆာပြား သို့မဟုတ် အလားတူ ပစ္စည်းကိရိယာကို စီးပွားရေးအလို့ငှာ ကူးယူခြင်း၊ ဖြန့်ချိခြင်း၊ ငှားရမ်းခြင်း၊ ပြသခြင်းများ ပြုလုပ်ကျူးလွန်ပါက ရုပ်မြင်သံကြားနှင့် ဗီဒီယို ဥပဒေ ပုဒ်မများအရ ထောင်ဒဏ် ၃ နှစ် အထိ ချမှတ်နိုင်ကြောင်း ဗီဒီယို အခြေခံအဖွဲ့က ထုတ်ပြန်ထားသည်။

ဧရာဝတီသတင်းထောက် ဟိန်းဇော် ရေးသားသည်။

လိုင်စင်မဲ့ကားများ တရားဝင် လိုင်စင်ချပေး

လိုင်စင်မဲ့ ကားများကို ကားတန်ဖိုး၏ ၈၅ ရာခိုင်နှုန်း ပေးဆောင်စေကာ နေပြည်တော်တွင် တရားဝင် လိုင်စင်များ ထုတ်ပေး သွားမည် ဖြစ်ကြောင်း နေပြည်တော် အသိုင်းအ၀န်းနှင့် နီးစပ်သူတဦးက ပြောသည်။

လိုင်စင်မဲ့ ကားကို ၀ယ်ယူထား သူများ နစ်နာမှု မရှိစေရန်နှင့် ပြည်ပမှ တရားမ၀င် ကားတင်သွင်းမှု ပပျောက်ရန် ယခုကဲ့သို့ ပြုလုပ်ခြင်း ဖြစ်ကြောင်း နေပြည်တော် ကုန်းလမ်း ပို့ဆောင်ရေး ညွှန်ကြားမှု ဦးစီးဌာနမှ အရာရှိတဦးက ပြောသည်။

“ဘယ်လို နည်းလမ်းနဲ့ မဆို လက်ဝယ် ရှိနေတဲ့ လိုင်စင်မဲ့ ကားတွေကို ရာဖြတ် အဖွဲ့ကနေ တန်ဖိုးဖြတ်၊ ထိုက်သင့်တဲ့ အခွန်ဆောင်ပြီး ကုန်းလမ်း ပို့ဆောင်ရေး ညွှန်ကြားမှု ဦးစီးဌာန (ကညန) ရဲ့ ဗဟို မော်တော်ယာဉ် လိုင်စင် ထုတ်ပေးရေးရုံး ကနေ လိုင်စင် ထုတ်ပေး သွားမှာပါ” ဟု အဆိုပါ အရာရှိက ပြောသည်။

လိုင်စင်မဲ့ကား အများစုမှာ စစ်အစိုးရ အာဏာပိုင်များ၏ သားသမီး၊ ဆွေမျိုးများ၊ ၎င်းတို့နှင့် နီးစပ်သော စီးပွားရေး လုပ်ငန်းရှင်များနှင့် နယ်စပ်ကုန်သွယ်ရေး အရာရှိများ ပူးပေါင်း၍ ပြည်တွင်းသို့ တင်သွင်းလာခြင်းဖြစ်သည်။

“လိုင်စင်မဲ့ တရားမ၀င်ကားက သူတို့နဲ့ နီးစပ်သူတွေပဲ လုပ်နိုင်တာ။ တရားမ၀င်တာကို တရားဝင်အောင် လုပ်တဲ့ နည်းလမ်းတခု ဖြစ်သလို၊ တခြား စီးပွားရေး လုပ်ငန်းရှင်တွေဆီကနေ ကားတန်ဖိုးအလိုက် ၈၅ ရာခိုင်နှုန်းပေးရတယ်ဆိုတာကလည်း အခုအချိန်မှာ စစ်အစိုးရအတွက် ၀င်ငွေတခုဖြစ်တယ်” ဟု အာဏာပိုင်များနှင့် နီးစပ်သူ စီးပွားရေး လုပ်ငန်းရှင်တဦးက ပြောသည်။

စစ်အစိုးရ ကျောထောက်နောက်ခံ ပေးထားသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီကို စီးပွားရေးလုပ်ငန်းရှင် ၂၅ ဦးမှ ရန်ပုံငွေများလှူဒါန်းသွားမည်ဟု သတင်းထွက်ပေါ်ပြီးနောက် လိုင်စင်မဲ့ ကားများ တရားဝင် လုပ်ပေးမည့် အစီအစဉ် စတင်လာခြင်းဖြစ်သည်။

“ရန်ကုန်ဈေးကွက်မှာ သိန်း ၇၀၀ လောက်တန်နေတဲ့ ကားတစီးတန်ဖိုးက တရားမဝင် စသွင်းလာချိန်မှာ သိန်း ၁၀၀ ပဲ တန်တယ်ဗျ။ အဲဒီ ကားတစီးက နံပါတ်ရသွားရင် သိန်း ၇၀၀ လောက် ဖြစ်သွားတာ။ ဒီတော့ တရားမ၀င် သွင်းလာတဲ့ ကားတစီးကို ၈၅ ရာခိုင်နှုန်းဆောင်ပြီးလည်း သိန်း ၇၀၀ နဲ့ ရနေတာဆိုတော့ ပေးနိုင်တာပေါ့” ဟု ရန်ကုန်မြို့ ကျောက်မြောင်းမြို့နယ်မှ ကားဝယ်ရောင်း လုပ်ကိုင်နေသူတဦးက ပြောသည်။

“အရင်တုန်းက ဦးပိုင်ကနေ ဂျပန်က ဇိမ်ခံကားတွေ သွင်းပေးတယ်။ ဒီကားတွေက ဈေးကြီးသလောက် အရည်အသွေးလည်း ကောင်းတယ်။ အခု ဦးပိုင်က ဒီကားတွေကို မသွင်းတော့ဘဲ ကုမ္ပဏီတွေနဲ့ ပေါင်းပြီး တရုတ်က ကားတွေကို သွင်းတယ်။ ကားဈေးကွက်က တရားမဝင် လမ်းကြောင်းရယ်၊ ပြည်တွင်းက ထုတ်တဲ့ ကားတွေရယ် ဆိုတော့ အရည်အသွေးမြင့်ကားတွေ ဈေးကွက်ထဲမှာ ရှားနေတယ်” ဟု ၎င်းက ဆက်လက်ပြောသည်။

လတ်တလော မြန်မာနိုင်ငံတွင် ဇိမ်ခံကားအနေနှင့် Land Cruiser Lexus သည် မော်ဒယ်လ် အမြင့်ဆုံးဖြစ်ပြီး ကျပ် သိန်း ၃၆၀၀ ဈေး ပေါက်ကြောင်း သိရသည်။

“အခု ဇိမ်ခံကား တင်သွင်းတာကို ခဏရပ်ထားတယ်။ အဓိကကတော့ တရားမ၀င်လမ်းကြောင်းကနေ သွင်းလာလို့ ဖမ်းထားတဲ့ ကားတွေ ရှိသလို အာဏာပိုင်နဲ့ နီးစပ်တဲ့လူတွေ သွင်းလာတဲ့ ကားတွေကလည်း ပုံနေတယ်။ ဒါတွေကို အရင်ဆုံး တရားဝင်ဖြစ်ဖို့ စီစဉ်နေတယ်” ဟု မြန်မာ့စီးပွားရေး ဦးပိုင်လီမီတက်မှ ဗိုလ်မှူးကြီးတဦးက ပြောသည်။

ထိုင်းနိုင်ငံ မဲဆောက်နှင့် တရုတ်နယ်စပ် လမ်းကြောင်း ၂ ခုမှ တဆင့် လိုင်စင်မဲ့ကားများ မြန်မာနိုင်ငံတွင်းသို့ အဓိက ၀င်ရောက်ပြီး မဲဆောက်လမ်းကြောင်းမှ ရန်ကုန်ဈေးကွက်၊ တရုတ်နယ်စပ်လမ်းကြောင်းမှ မန္တလေးဈေးကွက်များသို့ ရောက်ရှိသည်။

စစ်အစိုးရက ၂၀၁၀ ပြည့်နှစ်၊ ဇန်န၀ါရီ ၁ ရက်နေ့မှစပြီး လုပ်ငန်းသုံး၊ ခရီးသည်တင်ယာဉ်နှင့် စက်ယန္တရား ယာဉ်ကြီးများကို ကန့်သတ်ချက်များဖြင့် စီးပွားရေး လုပ်ငန်းရှင်များကို တရားဝင် တင်သွင်းခွင့် ပေးထားသော်လည်း အိမ်သုံးဇိမ်ခံကား တင်သွင်းခွင့်ကိုမူ တင်းကျပ်စွာ ချုပ်ကိုင်ထားဆဲ ဖြစ်သည်။

လိုင်စင်မဲ့ ဆိုင်ကယ်များကို ယခုနှစ် ဧပြီလမှ ဇွန်လကုန်အထိ သက်ဆိုင်ရာ ကညနရုံးများတွင် ဆိုင်ကယ် အမျိုးအစားအလိုက် မှတ်ပုံတင်ကြေးများ ကောက်ခံ၍ မှတ်ပုံတင် လုပ်ပေးခဲ့သည်။

ပြီးခဲ့သည့် နှစ်အတွင်းက ပြည်တွင်းအခွန်များ ဦးစီးဌာနနှင့် ကညန တို့ ပူးပေါင်း၍ ဆိုင်ကယ်များကို တရားဝင်လိုင်စင် ထုတ်ပေးခဲ့ရာ ကျပ် သန်း ၇၀၀၀ ရရှိခဲ့ကြောင်း သိရသည်။

ဧရာဝတီသတင်းထောက် နရီလင်းလက် ရေးသားသည်။

ရန်ကုန်ဈေးများတွင် အလှူခံပိတ်ပင်

ရန်ကုန် (မဇ္ဈိမ)။ ။ နိုင်ငံရေးပါတီများက ရန်ပုံငွေအတွက် ဈေးများတွင် အလှူခံရန် ကြိုးစားခဲ့ပြီးနောက် ဈေးများတွင် မည်သည့်အလှူခံမှ ဝင်ရောက်အလှူခံခွင့် မပြုတော့ကြောင်း ရန်ကုန်မြို့တော် စည်ပင်သာယာရေး ကော်မတီက တားမြစ်လိုက်သည်။

ဈေးများတွင် စည်ပင်သာယာက လွန်ခဲ့သော ရက်သတ္တပတ်အတွင်းမှစ၍ လိုက်လံကြေညာမှုများ ပြုလုပ်ခဲ့သလို ဆိုင်းဘုတ်များ ချိတ်ဆွဲကာ တားမြစ်လိုက်ခြင်း ဖြစ်သည်။

ရန်ကုန်မြို့တော် စည်ပင်သာယာရေးအဖွဲ့ တာဝန်ရှိသူတဦးအဆိုအရ ယခုလဆန်းက ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) နှင့် ပြည်ထောင်စု မြန်မာနိုင်ငံအမျိုးသား နိုင်ငံရေးအဖွဲ့ချုပ်မှ မြောက်ဥက္ကလာပမြို့နယ်အတွင်း ဈေးတခုတွင် အလှူခံရာ ထိုသို့အလှူခံခြင်းမှာ ရန်ကုန် စည်ပင်သာယာ နည်းဥပဒေချိုးဖောက်ခြင်း ဖြစ်သည့်အတွက် တပြေးညီ ပိတ်ပင်လိုက်ခြင်းဖြစ်သည်ဟု ပြောသည်။

”ရန်ကုန် စည်ပင်သာယာရေးကော်မတီမှာ နည်းဥပဒေ ၃၃ ဆိုတာ ရှိတယ်။ အဲဒီ နည်းဥပဒေအရ ဈေးထဲမှာ အလှူခံမယ်ဆိုရင် သက်ဆိုင်ရာ ဈေးတာဝန်ရှိသူတွေထံမှာ ခွင့်တောင်းပြီးမှ ပြုလုပ်ရတာ ဖြစ်တယ်” ဟု သူက ပြောသည်။

သို့သော် အလှူခံတားမြစ်သော စည်ပင်၏ ဥပဒေကို ဈေးသည်များက မဇ္ဈိမက တွေ့ဆုံမေးမြန်းခဲ့သူ ဈေးသည်များက မသိရှိကြောင်း တညီတညွတ် ပြောနေကြသည်။

”အခုလိုမျိုး ဈေးထဲမှာ အလှူခံတာကို ခွင့်ပြုချက်မယူဘဲ ပြုလုပ်ရင် ဥပဒေနဲ့မညီဘူးဆိုတာကို သိကိုမသိတာ” ဟု ရန်ကုန်မြို့ အထင်ကရဈေးတခုဖြစ်သော ဗိုလ်ချုပ်ဈေးတွင် လွန်ခဲ့သည့် နှစ် ၃ဝ ကျော်ကပင် ပန်းချီကားများ ရောင်းချနေသူတဦးက ပြောသည်။

ဈေးများအတွင်း အလှူခံခြင်းနှင့် တောင်းရမ်းစားသောက်ခြင်း များပြားလှသောနိုင်ငံတွင် ယခုပိတ်ပင်မှုက သာသနာရေးပုဂ္ဂိုလ်များကို ထိခိုက်မှာဖြစ်သည်။

”ကျနော်တို့ဈေးမှာ အလှုခံတာ အများဆုံးက သီလရှင်တွေ များတယ်။ အဖိတ်ဥပုသ်နေ့တွေမှာဆိုရင် အပတ်စဉ်လာကြတယ်။ အခု လို အလှူမခံရဆိုတော့ သီလရှင်တွေအတွက်တော့ အခက်အခဲ တွေ့ နိုင်တာပေါ့” ဟု ထီးတန်းဈေးတွင် အဝတ်အထည် ရောင်းသူတဦးက ပြောသည်။

ကြည့်မြင်တိုင်မြို့နယ်ရှိ ထီးတန်းဈေးတွင် အလှူခံမဝင်ရ တားမြစ်သော စာကို လွန်ခဲ့သည့် ၅ ရက်ကပင် လာရောက်ကပ်သွားခဲ့သည်ဟု ဈေးသူဈေးသားများက ပြောသည်။

အင်းစိန်မြို့နယ် ရွှေညောင်ပင် သီလရှင်စာသင်တိုက်မှ သီလရှင်ကြီးတပါးက စာသင်သား ၃ဝ ခန့်မှာ အပတ်စဉ် အဖိတ်နေ့တိုင်း ဆွမ်းဆန်စိမ်း အလှူခံထွက်စေရာတွင် ကြည့်မြင်တိုင်၊ အလုံ၊ ကမာရွတ်၊ မရမ်းကုန်းမြို့နယ်များ ပါဝင်သည်ဟု ပြောသည်။ ဈေးများအတွင်း ဝင်ရောက်အလှူခံခြင်းမှာ ထုံးစံပင်ဖြစ်သည်ဟု ဆိုသည်။

”ကျမတို့ကတော့ ဘုန်းကြီးတွေ သီလရှင်တွေကို လှူနေကျသူတွေဆိုတော့ အဲဒီလို ပိတ်ပင်တာကိုတော့ ဘာသာရေးအရ မလုပ်သင့်ဘူးလို့တော့ မြင်ပါတယ်” ဟု ထီးတန်းဈေးတွင် ကုန်ခြောက်ရောင်းနေသူတဦးက ပြောသည်။

မြောက်ဥက္ကလာ ရတနာသိင်္ဂီဈေးအတွင်း ယခုလ ၁ ရက်နေ့တွင် ပါတီရံပုံငွေ ကောက်ခံခဲ့သဖြင့် ၂ဝ၁ဝ ရွေးကောက်ပွဲဝင်မည့် ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) ဗဟိုဦးစီးအဖွဲ့ဝင် ဦးခင်မောင်ဝင်း အပါအဝင် ၅ ဦးနှင့် ပြည်ထောင်စု မြန်မာနိုင်ငံ အမျိုးသားနိုင်ငံရေးအဖွဲ့ချုပ် UMFMP ဗဟိုဦးစီးအဖွဲ့ဝင် ဦးအောင်မင်းသူ အပါအဝင် ၅ ဦးကို စည်ပင်သာယာက တရားစွဲရန် ပြင်ဆင်လျက်ရှိသည်။

ထို့နောက် ဈေးများအတွင်း အလှူခံတားမြစ်ခြင်းလည်း တပါတည်း လိုက်ပါလာတော့သည်။

”အရင်ကတော့ အဲဒီလိုသတင်းတွေ ရန်ကုန်မှာ မရှိပါဘူး။ ဒါတော့ ပထမဆုံးကြားရတဲ့ သတင်းပါ၊ ရန်ကုန်မှာက တောင်းရမ်းစားသောက်သူတွေ ပေါသလို အလှူခံတဲ့ သံဃာတွေ၊ သီလရှင်တွေလည်း များပါတယ်” ဟု ရန်ကုန်အခြေစိုက် အပတ်စဉ်ထုတ်ဂျာနယ် အယ်ဒီတာတဦးက ပြောသည်။

စစ်အစိုးရနှင့် သင့်မြတ်သောသူဟု လူသိများသော ဦးအေးလွင်နှင့် သူ၏ညီ ဦးရဲထွန်းထုထောင်ထားသော ပါတီနှစ်ခုအပေါ် စည်ပင်က တရားစွဲရန် ပြင်ဆင်နေခြင်းက အခြားသော ပါတီများ အလှူခံလုပ်လာမှာကို စစ်အစိုးရက တားမြစ်လိုသော သဘောဟု ရန်ကုန်ရှိ အတိုက်အခံလိုလားသော တရားရုံးချုပ်ရှေ့နေတဦးက ပြောသည်။

”ဒီကိစ္စက တခြားပါတီတွေကို ငွေကြေး အခက်အခဲ တွေ့အောင် လုပ်တာ ဖြစ်နိုင်တယ်။ နိုင်ငံရေးပါတီတွေကို လှူချင်သူတွေအနေနဲ့ လှူနိုင်တယ်၊ အဲဒီ အလှူငွေတွေကို ကောက်ခံခွင့်လည်း ပါတီတွေမှာ ရှိတယ်ဆိုတာ ဥပဒေမှာ ပါပြီးသားလေ” ဟု သူက ပြောသည်။

နိုင်ငံရေး ပါတီများမှတ်ပုံတင်ခြင်း ဥပေဒေ ပုဒ်မ ၁၅ အပိုဒ်ခွဲ(က)တွင် နိုင်ငံရေး ပါတီများအား
အများပြည်သူများက လှူဒါန်းသည်ကို ပါတီများက ကောက်ခံခွင့်ရှိကြောင်း ဖော်ပြထားသည်။

ရန်ကုန် မြို့တော်စည်ပင်သာယာရေး ကော်မတီ နယ်နိမိတ်အတွင်းတွင် စည်ပင်ပိုင်ဈေးပေါင်း ၁၆ဝ ကျော်ရှိပြီး လက်ရှိစည်ပင်၏ ဥက္ကဋ္ဌမှာ ကြံ့ခိုင်ဖွံ့ဖြိုးရေး ပါတီဘက်မှ တောင်ဥက္ကလာပမြို့နယ်တွင် ဝင်ပြိုင်မည်ဟု သတင်းပြေးနေသော ဗိုလ်မှူးချုပ်ဟောင်း ဦးအောင်သိန်းလင်း ဖြစ်သည်။