Pages

Subscribe

Sunday 20 June 2010

အမျိုးသားပြန်လည်သင့်မြတ်မှ မြန်မာ့ဒုက္ခသည်အရေး ပြေလည်မည်

အိမ်နီးချင်းနိုင်ငံတွေအတွက် ၀န်ထုတ်ဝန်ပိုးဖြစ်နေတဲ့ မြန်မာဒုက္ခသည်တွေရဲ့ ပြဿနာကို ဖြေရှင်းဖို့ မြန်မာနိုင်ငံမှာ အမျိုးသားပြန်လည် သင့်မြတ်ပြီး စစ်မှန်တဲ့ ဒီမိုကရေစီရရှိဖို့ လိုအပ်ကြောင်း အမေရိကန် နိုင်ငံခြားရေးဝန်ကြီးဌာနက ဇွန်လ ၂၀ ရက်နေ့မှာ ကျရောက်တဲ့ ကမ္ဘာ့ ဒုက္ခသည်များနေ့မှာ ပြောကြားလိုက်ပါတယ်။ ဒီအကြောင်း အပြည့်စုံကို ဒေါ်ခင်မျိုးသက်က တင်ပြထားပါတယ်။

ကမ္ဘာ့ဒုက္ခသည်များနေ့ကို ဇွန်လ ၂၀ ရက်နေ့အဖြစ် သက္ကရာဇ် ၂၀၀၀ မှာ ကုလသမဂ္ဂ အထွေထွေညီလာခံကြီးကနေ ပြဌာန်းခဲ့တာပါ။ မြန်မာနိုင်ငံဟာ နိုင်ငံသားတွေရဲ့ အခွင့်အရေးကို ကာကွယ်စောင့်ရှောက်ရမယ့် ကုလသမဂ္ဂ ပဋိညာဉ်စာတမ်းကို လက်မှတ်ရေးထိုးထားတဲ့ နိုင်ငံတနိုင်ငံ ဖြစ်နေပေမဲ့ မြန်မာနိုင်ငံကနေ လူ့အခွင့်အရေး ချိုးဖောက်ခံရပြီး ပြည်ပကို ထွက်ပြေးခိုလုံနေကြတဲ့ ဒုက္ခသည်က သန်းနဲ့ချီ ရှိနေတဲ့နိုင်ငံတနိုင်ငံ ဖြစ်နေပါတယ်။

လူဦးရေ ၅၇.၆ သန်း ၀န်းကျင်ရှိတဲ့ မြန်မာနိုင်ငံက နိုင်ငံသား အများအပြားဟာ ထိုင်း၊ တရုတ်၊ အိန္ဒိယ၊ ဘင်္ဂလားဒေ့ရှ့်၊ စင်ကာပူနဲ့ မလေးရှား အိမ်နီးချင်းနိုင်ငံတွေအပြင် တခြားနိုင်ငံတွေကို အကြောင်းအမျိုးမျိုးကြောင့် ထွက်ပြေးခိုလုံနေကြတာ တွေ့ရပါတယ်။ မကြာခင်ကမှ ထိုင်း-မြန်မာနယ်စပ်ဒေသကို သွားရောက်ခဲ့တဲ့ အမေရိကန်နိုင်ငံ လူဦးရေး၊ ဒုက္ခသည်နဲ့ ရွှေ့ပြောင်းနေထိုင်သူများ ဆိုင်ရာ လက်ထောက် နိုင်ငံခြားရေး ၀န်ကြီး အဲရစ် ရှဝက်ဒ် ကတော့ ဒီမြန်မာဒုက္ခသည်တွေရဲ့ ပြဿနာဟာ မြန်မာပြည်တွင်းမှာသာ အဖြေရှာလို့ရနိုင်တယ်လို့ ပြောပါတယ်။

“ကျနော် ထိုင်း-မြန်မာနယ်စပ် ဒေသကို ရောက်ခဲ့ပါတယ်။ အဲဒီမှာ ဒေသတွင်း ပဋိပက္ခတွေကြောင့် မြန်မာနိုင်ငံထဲကနေ ထွက်ပြေးလာကြတဲ့ ဒုက္ခသည်တွေဟာ သိန်းနဲ့ချီ ရှိနေပြီးတော့ ထိုင်းအစိုးရက အိမ်ရှင်အဖြစ်နဲ့ လက်ခံထားရတာကို တွေ့ခဲ့ရပါတယ်။ ဒီမြန်မာ ဒုက္ခသည် ပြဿနာကို ဖြေရှင်းဖို့ ထိုင်းအစိုးရ အနေနဲ့ ကြိုးစားလို့မရပါဘူး။ ဒါဟာ မြန်မာနိုင်ငံတွင်း ငြိမ်းချမ်းရေး ရရှိပြီး အမျိုးသား ပြန်လည် သင့်မြတ်မှ စစ်မှန်တဲ့ ဒီမိုကရေစီရမှ ဒီပြဿနာကို ဖြေရှင်းနိုင်မှာပါ။”

အမေရိကန် နိုင်ငံခြားရေးဝန်ကြီး ဟီလာရီ ကလင်တန်ကလဲ ဒုက္ခသည်တွေရဲ့ ပြဿနာကို ဖြေရှင်းနိုင်ဖို့အတွက် လူသားချင်းစာနာမှုနဲ့ ထောက်ပံ့ကူညီပေးနေတာမျိုးထက် အစိုးရကောင်းတရပ် ရှိဖို့ လိုအပ်တယ်လို့ ဆိုပါတယ်။

“နောက်ဆုံးမှာတော့ အဲရစ် ပြောသွားသလိုပါပဲ။ ဒုက္ခသည်ပြဿနာ အတော်များများအတွက် လူလူချင်း စာနာမှုဆိုင်ရာ အကူအညီတွေ ပေးပြီး ဖြေရှင်းလို့ ပြေလည်သွားမှာမဟုတ်ပါဘူး။ စီမံကွက်ကဲမှုစနစ် ကောင်းကောင်းနဲ့ အုပ်ချုပ်တဲ့အစိုးရကောင်း ရှိဖို့က ပိုပြီး အရေးကြီးတာပါ။ နိုင်ငံရေးနဲ့ သံတမန်ရေးအရ ကြိုးပမ်းတာတွေ အမျိုးသား ပြန်လည် သင့်မြတ်ရေးနဲ့ ငြိမ်းချမ်းရေး၊ စီးပွားရေးနဲ့ ဒီမိုကရေစီ ထွန်းကားရေးအတွက် တာဝန်သိသိနဲ့ တာဝန်ပိုပြီးယူနိုင်မယ့် အစိုးရမျိုး ရှိဖို့လိုအပ်ပါတယ်။”

ဒုက္ခသည် ပြဿနာကို ဖြေရှင်းနိုင်ဖို့အတွက် ကောင်းမွန်တဲ့အစိုးရတရပ် လိုအပ်သလို ကောင်းမွန်တဲ့ အစိုးရမရခင်စပ်ကြား ဒီဒုက္ခသည်တွေရဲ့ နေ့တဓူဝ လိုအပ်ချက်တွေကို ပစ်မထားဖို့ လိုအပ်တယ်လို့လဲ ၀န်ကြီး ကလင်တန်က ပြောပါတယ်။

အမေရိကန်နိုင်ငံက ၁၉၈၀ ခုနှစ်ကစပြီး အခုချိန်ထိ ဒုက္ခသည်ပေါင်း ၂ သန်းခွဲကို လက်ခံထားခဲ့ပြီး ဒီအထဲမှာ မြန်မာဒုက္ခသည်က သောင်းနဲ့ချီ ရှိနေပါတယ်။ နယူးယောက်ပြည်နယ်ထဲမှာတော့ မြန်မာ ဒုက္ခသည် အပါအ၀င် ဒုက္ခသည်တွေ အခြေကျနေထိုင်မှုဟာ လျင်မြန်တယ်လို့ မစ္စ် ကလင်တန်က ပြောပါတယ်။

အမေရိကန်နိုင်ငံအပြင် ကနေဒါနိုင်ငံမှာလဲ မြန်မာဒုက္ခသည်တွေ ထောင်နဲ့ချီပြီး အချေချနေထိုင်နေ ကြပါတယ်။ ဒီဒုက္ခသည်တွေ အတွက် အကူအညီတွေ ပေးနေတဲ့ မြန်မာ့မိတ်ဆွေ ကနေဒါအဖွဲ့ တာဝန်ခံ ဦးတင်မောင်ထူးကတော့ မြန်မာနိုင်ငံမှာ ဒီဒုက္ခသည်တွေကို ပြန်ပြီး လက်ခံနိုင်ဖို့အတွက် လက်ရှိအခြေအနေနဲ့ သိပ်မလွယ်လှဘဲ ဒီနှစ်ထဲမှာ ကျင်းပဖို့ပြင်နေတဲ့ ရွေးကောက်ပွဲ နောက်ပိုင်းမှာတော့ နိုင်ငံရေးလှုပ်ရှားတဲ့ ဒုက္ခသည်တွေအတွက် အခက်အခဲတွေ ဖြစ်လာနိုင်တယ်လို့ တွက်ပါတယ်။

“ကနေဒါကနေပြီးတော့ မြန်မာနိုင်ငံက ဒုက္ခသည်တွေကို စပြီးတော့ လက်ခံခဲ့တာ ၁၉၉၀ အစောပိုင်း လောက်ကတည်းကပါ။ အခုချိန်ထိ ၄,၀၀၀ ကျော်လောက် ရှိသွားပြီ။ မကြာသေးခင်ကပဲ ထိုင်း-မြန်မာနယ်စပ်ကို ကျနော် ရောက်ခဲ့တယ်။ အဲဒီမှာ ဒုက္ခသည်စခန်း အတော်များများကို ကျနော် သွားခဲ့တယ်။ နို့ဘိုး တို့၊ အုန်းဖျံ တို့ပေါ့နော်။ အဲဒီဒုက္ခသည်စခန်းတွေမှာ လူပေါင်း ထောင်နဲ့သောင်းနဲ့ ချီပြီးတော့ ဆက်ရှိနေကြတယ်။ သူတို့တွေရဲ့ အခြေအနေက ရှေ့မတိုးနောက်မဆုတ်သာ ဖြစ်နေတဲ့ အခြေအနေ ဆိုတာကို တွေ့ခဲ့ရပါတယ်။

ဒီ ဒုက္ခသည် ပြဿနာကို နိုင်ငံတကာတွေက လက်ခံနိုင်တဲ့ အတိုင်းအတာ တခုပဲရှိတယ်။ ကျနော်တို့က တခုလုံး အတိုင်းအတာနဲ့ ဖြေရှင်းနိုင်မယ့် အနေအထား မရှိပါဘူး။ မြန်မာပြည်မှာ အပြောင်းအလဲတခု၊ ဒီလူတွေ ပြန်ပြီး လက်ခံနိုင်တဲ့ နိုင်ငံရေး အခြေအနေ၊ အနေအထားတခု မဖြစ်ပေါ်ဘဲနဲ့ကတော့ ဒီဒုက္ခသည် ပြဿနာကို ဖြေရှင်းနိုင်မယ့် အနေအထားမှာ မရှိပါဘူး။ အာဆီယံနိုင်ငံတွေ အများစုရဲ့ မြင်တဲ့ပုံစံက ရွေးကောက်ပွဲက မြန်မာပြည်ရဲ့ ပြဿနာရဲ့ အဖြေတခုလို့ သူတို့က မြင်ထားတယ်။ အဲဒီနေရာမှာ သူတို့က ထိုင်းအစိုးရက ပိုပြီးတော့ ရှေ့ဆုံးက ပါတယ်လို့ ကျနော် မြင်ပါတယ်။

ရွေးကောက်ပွဲ ပြီးသွားတဲ့နောက်မှာ ဒီဒုက္ခသည်တွေကို ပြန်ပို့ဖို့ စဉ်းစားနိုင်တဲ့ အခြေအနေ တခု ရှိတယ်လို့ ကျနော် ထင်ပါတယ်။ အကယ်၍ အဲဒီလိုမျိုး ဖြစ်လာခဲ့မယ်ဆိုရင် နိုင်ငံရေးနဲ့ ပတ်သက်ခဲ့တဲ့သူတွေ အထူးသဖြင့် ထောင်ကျခဲ့တဲ့သူတွေက ဒီအစိုးရကို တိုက်ရိုက်ပေါ့နော် စိန်ခေါ်ပြီးတော့ ဆန့်ကျင်ထားတဲ့သူတွေဖြစ်တယ်။ နောက်ပြီးတော့ ကြီးကြီးမားမား ပြစ်ဒဏ်တွေ ချထားခံခဲ့ရသူတွေ ဖြစ်တဲ့အခါမှာ အကယ်၍ သူတို့ကို ရောပြီး ပြန်ပို့တဲ့အခါမှာ နအဖ က သူတို့ကို သာမန် ဒုက္ခသည်အဖြစ် ဆက်ဆံလိမ့်မယ်လို့ ကျနော် မထင်ဘူး။ ရင်ဆိုင်ရမယ့် အခြေအနေချင်းက မတူဘူးလို့ ကျနော် ထင်ပါတယ်။”

ဦးတင်မောင်ထူးက ပြောသွားတာပါ။ UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ၂၀၀၇ ခုနှစ်မှာ ဒုက္ခသည်ပေါင်း ၁ သိန်းနီးပါးကို ပြန်လည် နေရာချထား ပေးခဲ့ပြီး ဒီအထဲမှာ မြန်မာဒုက္ခသည်က ၃ သောင်းလောက် ရှိနေပါတယ်။

NLD နိုင်ငံရေးဆက်လုပ်မည်

ဓာတ်ပုံ ASSOCIATED PRESS

ဒေါ်အောင်ဆန်းစုကြည်မွေးနေ့ပွဲ ရန်ကုန်မြို့က NLD အဖွဲ့ဝင်တဦးအိမ်တွင် ကျင်းပ (ဇွန်လ ၁၈၊ ၂၀၁၀)

NLD အမျိုးသားဒီမိုကရေစီ အဖွဲ့ချုပ်အနေနဲ့ လူမှုရေးလုပ်ငန်းတွေကို တဘက်မှာ လုပ်ကိုင်နေသလို နိုင်ငံရေးလုပ်ငန်းတွေကိုလည်း ဆက်လက် လုပ်ဆောင်သွားမယ်လို့ ပြောကြားလိုက်ပါတယ်။ ဒီကနေ့ ရန်ကုန်မြို့မှာ ဒေါ်အောင်ဆန်းစုကြည်မွေးနေ့ပွဲ ကျင်းပတဲ့ အခမ်းအနားမှာ ဗဟိုအလုပ်အမှုဆောင်အဖွဲ့ဝင် ဦးဝင်းတင်က အခုလို ပြောကြားသွားတာပါ။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။


ဒီကနေ့ ကျရောက်တဲ့ ၆၅ နှစ်မြောက် ဒေါ်အောင်ဆန်းစုကြည်ရဲ့ မွေးနေ့ပွဲအခမ်းအနားကို ရန်ကုန်မြို့ ၁၀ မိုင်ကုန်းမှာရှိတဲ့ မိုးကုတ် လွှတ်တော်ကိုယ်စားလှယ် ဒေါ်မေနှင်းကြည်ရဲ့ နေအိမ်မှာ ကျင်းပခဲ့ကြတာပါ။ အခမ်းအနားမှာ ဗဟိုအလုပ်အမှုဆောင် အဖွဲ့ဝင် ဦးဝင်းတင်က သဘာပတိအဖြစ် ဆောင်ရွက်ခဲ့ပြီး NLD အနေနဲ့ နိုင်ငံရေးကို ဆက်လက် လုပ်ဆောင်သွားမယ့်အကြောင်း ရှင်းလင်း ပြောကြားခဲ့တယ်လို့ ဒီကနေ့ အခမ်းအနားကို တက်ရောက်ခဲ့တဲ့ NLD ပြောခွင့်ရပုဂ္ဂိုလ် ဦးဉာဏ်ဝင်းက ပြောပါတယ်။

“သဘာပတိ ဦးဝင်းတင်က မိန့်ခွန်းပြောတယ်။ အပိတ်လဲ မိန့်ခွန်းပြောတယ်။ ဆရာဦးဝင်းတင် ပြောတဲ့ဟာကတော့ လက်ရှိ NLD ရဲ့ ရပ်တည်မှု နိုင်ငံရေးအရ ရပ်တည်မှုနဲ့ နိုင်ငံရေးကို ဆက်လက်လုပ်သွားမယ်ဆိုတာကို သူက ရှင်းလင်းပြောကြားတာကို လုပ်ပါတယ်။”

NLD ဟာ အရင်ကတည်းက မှတ်ပုံတင်ထားပြီး ဖြစ်တာကြောင့် နိုင်ငံရေးပါတီအဖြစ်နဲ့ ဆက်လက် ရပ်တည်သွားမယ့်အကြောင်း ဦးဉာဏ်ဝင်းက ဆက်ပြောပါတယ်။

“ကျနော်တို့ ဒေါ်စု လူမှုရေးနဲ့ပတ်သက်ပြီးပြောတဲ့ စကားတခုရှိပါတယ်။ မကြာခင်က ကျနော့်ကို ပြောလိုက်တာ၊ လူမှုရေးကို နိုင်ငံရေးက ခွဲထုတ်ပြီး ပြောလို့မရဘူးတဲ့။ လူမှုရေးဆိုတာ နိုင်ငံရေးပဲတဲ့။ အမျိုးသားဒီမိုကရေစီအဖွဲ့ချုပ် အနေနဲ့က အခုချိန်မှာ ပြန်လည် မှတ်ပုံ မတင်တဲ့အတွက် ဥပဒေအရ မရှိတော့ဘူးလုိ့ တချို့လူတွေက ယူဆပေမဲ့ ကျနော်တို့တွေ အနေနဲ့တော့ မှတ်ပုံတင်ပြီးသား ပါတီတခု ဖြစ်တယ်။ နိုင်ငံရေးကိုလဲ ဆက်လုပ်နေဖို့၊ ကျနော်တို့ လက်ရှိကို မိမိပါတီ ရှိတယ်ဆိုတဲ့ ရပ်တည်ချက်နဲ့ပဲ ကျနော်တို့ ဆောင်ရွက်နေတာဖြစ်ပါတယ်။

ဒီအခမ်းအနားမှာပဲ လူငယ်တွေနိုင်ငံရေးမှာ ရိုးသားစွာ ပါဝင်လုပ်ဆောင်ကြဖို့ ဒေါ်အောင်ဆန်းစုကြည် ပြောကြားခဲ့ဖူးတဲ့ မိန့်ခွန်း ကောက်နှုတ်ချက်တွေကို လူငယ် အဖွဲ့ဝင်တွေက ဖတ်ကြားခဲ့ကြတယ်လို့ ဦးဉာဏ်ဝင်းက ပြောပါတယ်။

“အခမ်းအနားမှာကတော့ ဒေါ်အောင်ဆန်းစုကြည်ရဲ့ မိန့်ခွန်းကောက်နုတ်ချက်တွေကို လူငယ်များက ဖတ်ကြားပါတယ်။ နောက် ဒေါ်အောင်ဆန်းစုကြည်အတွက် ဂုဏ်ပြုကဗျာများကိုလဲ ရွတ်ဆိုကြပါတယ်။ နောက် လူငယ်များက မိန့်ခွန်းကောက်နုတ်ချက် ဆိုတာလည်း ကျနော်တို့ ဒီနေ့ဒီအချိန်ခါနဲ့ ကိုက်နေဆဲ လွန်ခဲ့တဲ့ ၁၂ နှစ်ကပြောလာခဲ့တဲ့ မိန့်ခွန်းတွေရဲ့ ကောက်နုတ်ချက်ပါ။ ဥပမာ - လူငယ်များကို နိုင်ငံရေးမှာ ပါဝင်ဖို့ တိုက်တွန်းထားတယ်၊ နိုင်ငံရေးကို ရိုးသားစွာလုပ်ဖို့ တိုက်တွန်းထားတယ်။ လူငယ်များလုပ်မှပဲ အနာဂတ် နိုင်ငံရေးဟာ ကောင်းစားမယ်။ လူကြီးများက ဘာပဲဖြစ်ဖြစ် အသက်အရွယ်အရ လူငယ်များ ဆက်ခံနိုင်ဖို့၊ လူငယ်များကို ပြုစုပျိုးထောင်ဖို့ လိုတယ်ဆိုတဲ့ မိန့်ခွန်းကောက်နုတ်ချက်တွေ ဖြစ်ပါတယ်။ တော်တော်လေးလည်း ကောင်းပါတယ် ဒီမိန့်ခွန်း ကောက်နုတ်ချက်တွေက။”

ဒီကနေ့ကျင်းပတဲ့ ၆၅ နှစ်မြောက် ဒေါ်အောင်ဆန်းစုကြည်ရဲ့ မွေးနေ့ပွဲ တိုင်းနဲ့ပြည်နယ်က ကိုယ်စားလှယ်တွေအပြင် ဒီနှစ်မှာ ဧည့်ပရိသတ်တွေ တမူထူးခြားစွာ တော်တော်များများ တက်ရောက်ခဲ့တယ်လို့ ဦးဉာဏ်ဝင်းက ပြောပါတယ်။

“ဒီလိုမွေးနေ့ အခမ်းအနားမျိုးကို ကျနော်တို့ အမြဲတမ်းကျင်းပတယ်။ တခါမှ ဒီလောက်များများစားစား တက်ရောက်လာတာကို မတွေ့ဘူး။ ဒီနေ့က အတော်ကိုများပါတယ်။ ကျနော်တို့ ဧည့်ပရိတ်သတ်ကတော့ တက်ရောက်လာတာ ၅၀၀ အထက်မှာရှိတယ်။ ခြံဝင်းတခုလုံး ပြည့်သွားပါတယ်။ အဲဒီတော့ကျနော် ပြောချင်တာက ဒီအချိန်အခါမှာကို ဒေါ်အောင်ဆန်းစုကြည် အပေါ်မှာ ယုံကြည်အားကိုးမှု၊ ထောက်ခံမှုတွေ အများကြီးရှိနေတယ်ဆိုတာ ရောင်ပြန်ဟပ်တာပဲလို့ ကျနော် အဲဒီလို ပြောချင်ပါတယ်။”

NLD ပြောခွင့်ရပုဂ္ဂိုလ် ဦးဉာဏ်ဝင်း ပြောပြသွားတာပါ။

ဒေါ်အောင်ဆန်းစုကြည်မွေးနေ့အထိမ်းအမှတ် အခမ်းအနားတွေကို ပြည်တွင်း ပြည်ပမှာရှိနေကြတဲ့ မြန်မာ့ ဒီမိုကရေစီအင်အားစုတွေက ဒေသအလိုက် ကျင်းပကြတာဖြစ်ပါတယ်။ ရန်ကုန်မှာကျင်းပတဲ့ မွေးနေ့ပွဲလိုပဲ မန္တလေးမြို့မှာကျင်းပတဲ့ အခမ်အနားကိုလည်း ဧည့်ပရိသတ် အများအပြား တက်ရောက်ခဲ့သလို နိုင်ငံရေးအကျဉ်းသားတွေရဲ့ မိသားစုဝင်တွေကို စာအုပ်စာတမ်းနဲ့တကွ ငွေသားတချို့ကိုလည်း ပညာသင်စရိတ် အဖြစ်နဲ့ ပေးအပ်ခဲ့တယ်လို့ သိရပါတယ်။

ဘုန်းတော်ကြီး ဒလိုင်လားမား၏ ဒေါ်အောင်ဆန်းစုကြည်အတွက် (၆၅)နှစ်ပြည့် မွေးနေ့ ဆုတောင်းသဝဏ်လွှာ

Dalai Lama Statement on ASSK s Birthday

မြန်မာနိုင်ငံလုံးဆိုင်ရာသံဃာ့တပ်ပေါင်းစုအဖွဲ့ ကြီး ဘလော့ဂ်မှကူးယူဖော်ပြသည်။

အသုံး မလိုသော ကွန်ပျူတာများ လှူဒါန်း နိုင်ရန် Myanmar ING မှ စီစဉ်

ပျက်စီး နေသော ကွန်ပျူတာများ၊ အသုံး မလိုသည့် ရုံးလုပ်ငန်းသုံး ကွန်ပျူတာ များ၊ အိမ်သုံး ကွန်ပျူတာ များကို ပြန်လည် ပြုပြင် တပ်ဆင်၍ ဆင်ခြေဖုန်း ရပ်ကွက်ရှိ အလယ်တန်း စာသင် ကျောင်းများသို့ သွားရောက် လှူဒါန်း နိုင်ရန် Myanmar ING Group မှ အကောင် အထည်ဖော် ဆောင်ရွက် ပေးလျက် ရှိကြောင်း သိရသည်။“အစီအစဉ် ကတော့ အခုမှ သုံးပတ်ပဲ ရှိပါ သေးတယ်။ မသုံးဘဲ ဖယ်ထားတဲ့ ကွန်ပျူတာတွေ၊ ပျက်နေတဲ့ ကွန်ပျူတာ တွေကို နှစ်လုံး တစ်လုံး ပေါင်းပြီး အကောင်း ပကတိ ဖြစ်အောင် ပြင်ဆင်ပြီးမှ လှူမှာ ဖြစ်ပါတယ်။ ပထမဦးဆုံး အနေနဲ့ ရန်ကုန် မှာပဲ လှူဖြစ် မှာပါ။ ကွန်ပျူတာ တစ်စုံ ပြည့်တိုင်း ပြည့်တိုင်း သွားလှူ မှာပါ။ အလှူခံ လိုတဲ့ စာသင်ကျောင်းတွေ အနေ နဲ့လည်း ကျွန်တော်တုိ့ အဖွဲ့ကို ဆက်သွယ် နိုင်ပါတယ်။ နယ်ဘက်က ဆက်သွယ်ရ င်လည်း ကျွန်တော်တို့ အနေနဲ့ မှတ်သားထား မှာပါ။ နယ်ဘက် တွေလည်း လှူဖို့ အစီ အစဉ် ရှိပါတယ်” ဟု Myanmar ING Group မှ ကိုရဲမင်းသွင်က ပြောသည်။ လှူဒါန်းလို သူများ အနေဖြင့် ၎င်းတို့ထံသို့ ဆက်သွယ်နိုင် သလို၊ လိုအပ်သော စာသင်ကျောင်းများ အနေ ဖြင့်လည်း ၎င်းတို့နှင့် ဆက်သွယ် နိုင်ကြောင်း သိရသည်။ Myanmar ING Group သည် ၂၀၀၈ ခုနှစ်မှ စတင် ဖွဲ့စည်း ခဲ့သော နည်းပညာနှင့် ပတ်သက်သည့် ဆွေးနွေး ပွဲများ စာတမ်း ဖတ်ပွဲများ၊ လုပ်ငန်းများကို လုပ်ကိုင်လျက် ရှိသော အဖွဲ့ဖြစ်ကြောင်း အင်တာနက်ဂျာနယ်တွင် ဖော်ပြထားသည် Myanmar ING Group အကြောင်း အသေးစိတ် အချက် အလက် များကို သိရှိလိုပါကလည်း http://www.myanmaring.asia တွင် ၀င်ရောက် ကြည့်ရှုနိုင် ပါသည်။

ဘင်္ဂလားဒေ့ရှ် - မြန်မာ - တရုတ် ကားလမ်း စီမံကိန်း အကောင် အထည် ဖော်ရန် တရုတ် သဘောတူ

တရုတ်ပြည်သူ့ သမ္မတ နိုင်ငံသည် ဘင်္ဂလားဒေ့ရှ် နိုင်ငံက အဆိုပြု ထားသည့် ဘင်္ဂလားဒေ့ရှ် - မြန်မာ - တရုတ် ကားလမ်း စီမံကိန်း အကောင် အထည် ဖော်ရေး အဆို ပြုချက်ကို သဘောတူ လိုက်ပြီ ဖြစ်ကြောင်း ဘင်္ဂလားဒေ့ရှ် ဝန်ကြီးချုပ် ရှိတ်ခ်ဟာဆီနာ က ကြေညာသည်။ ဝန်ကြီးချုပ် ဟာဆီနာ အနေဖြင့် ဘင်္ဂလားဒေ့ရှ် နိုင်ငံသို့ တရုတ် ဒုတိယ သမ္မတ Xi Jinping တရားဝင် လာရောက် လည်ပတ် သွားပြီး နောက် ဇွန်လ ၁၆ ရက် နေ့က ကျင်းပသည့် ဘင်္ဂလားဒေ့ရှ် ပါလီမန် အစည်း အဝေးတွင် အထက်ပါ အတိုင်း သတင်း ထုတ်ပြန် လိုက်ခြင်း ဖြစ်သည်။အဆိုပါ ကားလမ်း စီမံကိန်းနှင့် စပ်လျဉ်း၍ လေ့လာခြင်း နှင့် ဒီဇိုင်း ရေးဆွဲခြင်း လုပ်ငန်းများ အတွက် ဘင်္ဂလားဒေ့ရှ် နိုင်ငံက ဘဏ္ဍာငွေ ကျခံမည် ဖြစ်ကြောင်း၊ ဘင်္ဂလားဒေ့ရှ် - မြန်မာ ကားလမ်းကို အဆင့် နှစ်ဆင့်ဖြင့် အကောင် အထည်ဖော် သွားမည် ဖြစ်ကြောင်း အဆိုပါ ဝန်ကြီးချုပ်က ဆိုသည်။ ယင်း စီမံကိန်း ပထမ အဆင့်မှာ ဘင်္ဂလားဒေ့ရှ် နိုင်ငံ အတွင်းရှိ ရာမူးမြို့မှ ဂန်ဒမ်းမြို့သို့ နှစ်ကီလိုမီတာ အရှည်ရှိ လမ်း တည်ဆောက်ခြင်းနှင့် ဘင်္ဂလားဒေ့ရှ် နိုင်ငံ တောင်ဘရိုမြို့မှ မြန်မာနိုင်ငံ အတွင်းရှိ ဘိုလီဘာဇာ အရပ်သို့ ၂၃ ကီလိုမီတာ အရှည်ရှိ ကားလမ်း ဖောက်လုပ် ခြင်းတို့ ဖြစ်သည်။

ဘင်္ဂလားဒေ့ရှ် နိုင်ငံသည် အာဆီယံ အဖွဲ့ဝင် နိုင်ငံ ဖြစ်ရေး အတွက် လည်းကောင်း၊ တရုတ် နိုင်ငံနှင့် အထွေထွေ ဆက်ဆံရေး ကောင်းနေစေရန် လည်းကောင်း ကြိုး ပမ်းလျက်ရှိရာ ဘင်္ဂလားဒေ့ရှ် - မြန်မာ ကားလမ်း စီမံကိန်း အပြင် ရထားလမ်း ဆက်သွယ် ဖောက်လုပ်ရေး ကိုပါ ကြိုးပမ်း ဆောင်ရွက် သွားမည် ဖြစ်ကြောင်း ရှိတ်ခ်ဟာဆီနာက ဆိုသည်။ AP သတင်း ဖော်ပြချက် အရ ဘင်္ဂလားဒေ့ရှ် နိုင်ငံသည် နီပေါနိုင်ငံ၊ ဘူတန်နိုင်ငံ တို့နှင့်လည်း ကားလမ်း၊ ရထားလမ်းများ ဖောက်လုပ် ဆက်သွယ်ရန် ကြိုးပမ်း နေကြောင်း သိရသည်။ ဘင်္ဂလား ဒေ့ရှ်-မြန်မာ ကားလမ်း စီမံကိန်း ဒုတိယ အဆင့်မှာ ကီလိုမီတာ ၁၁၀ ရှိမည် ဖြစ်ပြီး ဘိုလီဘာဇာ အရပ် နှင့် ကျောက်တော်မြို့ကို ဆက်သွယ် ထားမည် ဖြစ်သည်။ ယင်း ဒုတိယ အဆင့်ကို မြန်မာနိုင်ငံက တာဝန်ယူ တည်ဆောက် မည်ဟု မစ္စဟာဆီနာက ထပ်လောင်း ပြောကြားသည်။ အဆိုပါ ကားလမ်း စီမံကိန်း အရ ကျောက်တော်မြို့မှ တစ်ဆင့် ကူမင်းမြို့သို့ ဆက်သွယ် သွားလာရန် ဘင်္ဂလားဒေ့ရှ် အစိုးရက မျှော်မှန်း ထားကြောင်း The Voice ဂျာနယ်တွင် ဖော်ပြထားသည်။