ကမ္ဘာ့ဖလားဘော်လုံးပွဲအတွက် နယ်စပ်ကျွဲများဓါးစာခံဖြစ်ရ

ယနေ့စတင်သည့် ကမ္ဘာ့ဖလားဘော်လုံးပွဲ တိုက်ရိုက်ထုတ်လွှင့်မည့် အစီအစဉ်ကြည့်ရှုရန် ထိုင်းဘက် ခြမ်းမှ နယ်ကျွံလာသည့် ကျွဲများဖမ်းထားပြီး တီဗွီ၊ စလောင်းဖြင့် ပြန်ရွေးယူဖို့ နအဖနယ်ခြားစောင့်တပ်စခန်းက တောင်းဆိုကြောင်းစုံစမ်းသိရှိရ ပါသည်။

“ပိုက်ဆံပေးလည်း မယူချင်ဘူးတဲ့။ တီဗွီနဲ့ စလောင်းဘဲယူမယ်လို့ပြောတော့- ကမ္ဘာ့ဖလားဘောပွဲကြည့်ဖို့ဘဲ” -ဟု ၀မ့်မိုင်-မိုင်းကျွတ်ရွာသားတစ်ဦးက ပြောသည်။

ဇွန်လ ၉ ရက်နေ့တွင် ချင်းမိုင်ခရိုင်၊ ၀ိန်းဟဲင်မြို့နယ်မျက်နှာချင်းဆိုင်၊ သျှမ်းပြည်တောင်ပိုင်း၊ မိုင်းတုံမြို့နယ်၊ ပန်ကမ့် ကော်တပ်စခန်းအနီး ကင်းစောင့်အမှတ် ၂ မှ နအဖစစ်သားများက ထိုင်းနယ်ဘက်ခြမ်း ၀မ့်မိုင်-မိုင်းကျွတ်ရွာသားများ ၏ကျွဲ ၂၃ ကောင်ကို ဖမ်းထားပြီး ယခုကဲ့သို့ပြန်လည်ရွေးယူရန် ဗမာစကားပြောတတ်သည့် ပိန်းလုံရွာသားထံ အကြောင်း ကြားလာခြင်းဖြစ်သည်။

နအဖ စစ်သားများက ကျွဲပိုင်ရှင်များအား - “ခင်ဗျားတို့ရဲ့ကျွဲတွေ ကျနော်တို့နယ်ထဲကို ကျော်ဝင်လာတယ်။ဒါကြောင့်ကျွဲရွေးခ အဖြစ် တီဗွီတစ်လုံး၊ လက်ကိုင်ဖုန်းတစ်လုံး၊ စလောင်းတစ်ခုနဲ့လာရွေးရမယ်” - ဟုပြောကြား ကြောင်း ကျွဲပိုင်ရှင်တစ်ဦးက ပြောပါသည်။

ကျွဲပိုင်ရှင်များက နအဖစစ်သားအလိုရှိသည့်အတိုင်း အဘောတူရွေးယူမည်ဟုဆိုသောကြောင့် ကျွဲအကောင် ၂၀ ကိုသာ ပြန်ပေးပြီး သုံးကောင်အား ပစ္စည်းနှင့်လဲရန်ဆက်လက်ဖမ်းဆီးထား၏။ ယမန်နေ့က ကျွဲပိုင်ရှင်များ ၂၁ လက်မတီဗွီတစ်လုံး၊ တီဗွီစလောင်းတစ်ခုနှင့် လက်ကိုင်ဖုန်းတစ်လုံး (ပိုက်ဆံကဒ်ထည့်ပြီး)သွားပေးမှသာ ကျန်ကျွဲသုံးကောင်အားပြန်လည် ရယူနိုင်ခဲ့သည်ဟု သိရှိရသည်။

“ပစ္စည်းဝယ်ဖို့ ပိုက်ဆံအားလုံးပေါင်း ဘတ်တစ်သောင်းနီးပါးကုန်သွားတယ်” - ဟု ကျွဲပိုင်ရှင်ကပြော၏။

“ ကျနော်တို့ ကျွဲခြံက နယ်စပ်မှာဆောက် ထားတာကြာပြီ။ အခုလိုကျွဲတွေတစ်ခါမှနယ်မကျော်ဖူးဘူး။ ကျနော်တို့သွားစစ် ကြည့်တော့ ကျွဲခြံဖျက်ထားပြီး စစ်ဖိနပ်ရာတွေတွေ့ရတာကြောင့် ကျွဲတွေကို သူတို့နယ်ဘက်ရောက် သွားအောင်အကွက် ဆင်လုပ်တာဘဲဖြစ်နိုင်တယ်” ဟု အဆိုပါကျွဲပိုင်ရှင်က ပြောပါသည်။

ဓါးစာခံ ကျွဲ ၂၃ ကောင်မှာ လုံးဆိ-ပါ့ပိန်းတို့၏ ကျွဲ ၁၀ ကောင်နှင့် လုံးမောင်၊ ရပ်ကွက်စာရေးစိုင်းဆိုင်၊ လုံးပါး-ပ့ါနု၊ လုံးစော-ပါ့လိုင်တို့၏ ကျွဲများဖြစ်ကြောင်းသိရှိရသည်။

ရောင်းအားမကောင်းသည့်ကြား ပုံပါကျင်စည်ပင် ဆိုင်ခန်းအခွန်တိုးကောက်

သျှမ်းပြည်အရှေ့ပိုင်း၊ မိုင်းတုံမြို့နယ်၊ ပုံပါကျင်မြို့နယ်ခွဲ စည်ပင်သာယာရေးအဖွဲ့က အိမ်ခွန် ဆိုင်ခွန်များကို ယခင်က ထက် နှစ်ဆတိုးမြှင့်ကောက်ခံလျက်ရှိကြောင်း စုံစမ်းသိရှိရသည်။
ဇွန်လပထမပတ်မှစ၍ လမ်းမကြီးဘေးရှိ အိမ်ဆိုင်များနှင့် မြို့ပေါ် ၅ ရပ်ကွက်ရှိဆိုင်ခန်းများကို ကျိုင်းတုံမှ လာရောက် ရုံးထိုင်သည့် စည်ပင်အရာရှိနှင့် လက်အောက်ငယ်သားနှစ်ယောက်က အခွန်လိုက်လံကောက်ခံလျက်ရှိကြောင်းသိရှိရ သည်။

“ဆိုင်ကြီးတွေဆိုရင် ကျပ်ငွေ ၁၅၀၀၀၊ ဆိုင်ငယ်တွေဆိုရင် ကျပ်ငွေ ၆၀၀၀-၇၀၀၀ ပေးဆောင်ရတယ်” ဟု ဆိုင်ရှင် တစ်ဦးက ပြောကြားပါသည်။

ပုံပါကျင်မြို့နယ်ခွဲတွင် ဆိုင်ကြီး ၈ ဆိုင်သာရှိပြီး ဆိုင်ငယ် အများအပြားရှိသည်ဟုဆို၏။

“အရင်ကအိမ်ဆိုင်အသေးစားလေးတွေဆိုရင် ၂၀၀၀-၅၀၀၀ ပေးရတယ်။ ဆိုင်ခန်းကြီးဆို ၅၀၀၀-၈၀၀၀ ပဲပေးရတယ်။ ဆိုင်ခန်းအကြီးအသေးအပေါ်၊ တင်ရောင်းတဲ့ ပစ္စည်းအပေါ်ကြည့်ပြီးကောက်တယ်။ ဆိုင်ခန်းသားနားရင် ပိုပေးရတာ ပေါ့။ အရင်က လေးငါးထောင်ပေးရတဲ့ဆိုင်ခန်း အခုတစ်သောင်းခွဲတက်သွားတယ်။ ၀မ်းစာအတွက် ခက်ခဲပြီးရောင်းအား မကောင်းတဲ့ကြား အခွန်းတိုးကောက်လိုက်တော့ အခက်တွေ့တာပေါ့” အဆိုပါ ဆိုင်ရှင်က ပြောပါသည်။

ငွေကြေးပြေလည်သည့်ဆိုင်ရှင်များက ဆိုင်ခန်းခွန်ချက်ချင်းပေးဆောင်နိုင်သော်လည်း ချက်ချင်းမပေးနိုင်သည့် ဆိုင် ရှင်များမှာမူ ရက်အနည်းငယ်ထပ်ပေးရန် တောင်းပန်ထားကြ၏။သို့သော် ဆိုင်ခန်းခွန် မပေးဆောင်ပါက ဆိုင်ခန်း ဆက်ဖွင့်ခွင့်ပေးမည်မဟုတ်ဟု စည်ပင်အာဏာပိုင်များက သတိပေးထားကြောင်း ဒေသခံများ ပြောကြားချက် အရ သိရှိရသည်။

၂၀၁၀ ကမ္ဘာ့ဖလားတွင် အင်္ဂလန်အသင်းကို မြန်မာပရိတ်သတ် စွဲလမ်း

၂၀၁၀ ကမ္ဘာ့ဖလားဘော်လုံးပွဲတွင် ပါဝင်ခြေစွမ်းပြမည့် အသင်းများအနက် မြန်မာပရိတ်သတ် စိတ်ဝင်စားသည့် အသင်းမှာ အင်္ဂလန်ဘော်လုံးအသင်းဖြစ်ကြောင်း ပြည်တွင်းရှိ မြန်မာဘော်လုံးဝါသနာရှင်များက သျှမ်းသံတော်ဆင့်သို့ ပြောသည်။

အင်္ဂလန်ပရီးမီးယားလိဒ် ဘော်လုံးပွဲများက မြန်မာပရိတ်သတ်အပေါ် လွမ်းမိုးမှုကြောင့် အင်္ဂလန်အသင်းအပေါ် စွဲလမ်းခြင်း ဖြစ်ကြောင်း အထက်မြန်မာပြည် မြို့ကြီးတစ်မြို့မှ ၀ါရင့်ဘော်လုံးသမားတစ်ဦးက ပြောသည်။

“အင်္ဂလန် ပရီးမီးယားလိဒ်ပွဲတွေက မြန်မာပရိတ်သတ်ကို တော်တော်လွမ်းမိုးထားတယ်လို့ ပြောလို့ရတယ် ပရီးမီးယား လိဒ်နဲ့အတူ အင်္ဂလန်အသင်းကို စွဲလမ်းကြတာပေါ့ဗျာ အင်္ဂလန်နဲ့ တခြားအသင်းဆိုရင် အင်္ဂလန်ကို အားပေးကြတာပဲ မြန် မာ ပရိတ်သတ်က တခြားအသင်းတွေ ထက်စာရင် အင်္ဂလန်အသင်းကို ပိုစိတ်ဝင်စား အားပေးကြတာတွေ့ရတယ် အာရှ ပရိတ်သတ် ခပ်များများက အင်္ဂလန်ကို အားပေးကြတာပါ ” ဟု သူက ဆိုသည်။

မြန်မာပြည်တွင်း၌ အင်္ဂလန်ကလပ်အသင်းများမပါသည့် ချန်ပီယံလိဒ်ဘော်လုံးပွဲစဉ်များတွင် ပွဲကြည့်ပရိတ်သတ် အားပေးမှု နည်းပါးသည်ကို တွေ့ရကြောင်း သူက ဆက်ပြောသည်။

“သာဓကတစ်ခုအနေနဲ့ ပြောမယ်ဆိုရင် ဒီနှစ်ချန်ပီယံလိဒ်ဗိုလ်လုပွဲစဉ်မှာ ဂျာမဏီက ဘိုင်ယံမြူးနစ်နဲ့ အီတလီက အင် တာမီလန်ပွဲ ဆိုရင် ဗိုလ်လုပွဲသာဆိုတယ် ရုံတွေမှာ လူတောင်မရှိဘူးဗျာ တကယ်လို့ အင်္ဂလန်အသင်းတစ်ခုခုကသာ တက် မယ်ဆိုရင် ရုံက ၀က်ဝက်ကွဲပဲ ” ဟု သူက ဆိုသည်။

အင်္ဂလန်အသင်း

ဘော်လုံးပရိတ်သတ်အပေါ် မူတည်၍ အကြိုက်မျိုးမျိုးရှိနိုင်ပြီး အခြားကြိုက်နှစ်သက်သည့် အသင်းများမှာ ဘရာဇီးနှင့် နယ်သာလန်တို့ဖြစ်ကြောင်း ဂျာမဏီ အသင်းမှာလည်း ရှားရှားပါးပါး အကြိုက်တွေ့သည့် အသင်းတစ်သင်းဖြစ်ကြောင်း နောက်ထပ် ၀ါသနာရှင်တစ်ဦးက ဆိုသည်။

“မြန်မာပရိတ်သတ်ကတော့ အင်္ဂလန်အသင်းကို အားပေးတာများမယ် ကျနှော်ကတော့ ဂျာမဏီအသင်းကို အားပေးတယ် ဗျာ ဂျာမဏီအသင်းကို အားပေးကြတာတော့ ရှားရှားပါးပါးပဲလို့ ပြောလို့ရတယ် ဘရာဇီးကတော့ ခြေစွမ်းလည်းပြနိူင်တယ် ဖလားအကြိမ်ကြိမ်ရဖူးတဲ့အသင်းဆိုတော့ ကြိုက်ကြပါတယ် ” ဟု အဆိုပါ ၀ါသနာရှင်က ဆိုသည်။

မြန်မာပရိတ်သတ်အနေဖြင့် ဘော်လုံးလောကတွင် အစဉ်အလာကြီးမားသည့် တိုင်အောင် မြန်မာဘော်လုံးအားကစားမှာ ကျဆင်းလျှက်ရှိကြောင်း သိရသည် ။

“လူငယ်တွေထဲမှာ ဘော်လုံးအားကစားတကယ် ၀ါသနာပါတဲ့သူက နည်းသွားပြီ အလွန်ဆုံးရှိ ၂၀ ရာခိုင်နူန်းပဲ အရင်တုန်း ကဆို ရပ်ကွက်တွေမှာ လူငယ်ဘောအသင်းတွေ ထွက်နိုင်တယ် အခုမထွက်နိုင်တော့ဘူး စီးပွားရေးအခြေအနေကြောင့် လူငယ်ခပ်များများက ပြည်ပထွက်ကုန်တယ် ကျန်တဲ့သူတွေက စားဝတ်နေရေးမှာရုန်းကန်နေရတယ်” ဟု သူကဆိုသည်။

မြန်မာပြည်တွင် ဘော်လုံးအားကစားနှင့် လောင်းကစားရောထွေးနေပြီး ငွေကြေးလောင်းကစားပါဝင်မှုကြောင့် ဘော်လုံး ပွဲသည် အစွဲအလမ်းတစ်ခု ဖြစ်စေကြောင်းသိရသည်။

“ရိုးရိုးဝါသနာပါလို့ အားပေးတာနဲ့ ငွေကြေးလောင်းကစားကြောင့် အားပေးတာနှစ်မျိုးရှိတာပေါ့ ငွေကြေးပါလာပြီဆိုတော့ ၀ါသနာထက်ကို စွဲလမ်းမှုပိုဖြစ်သွားတာပေါ့ ” ဟု သူက ဆက်ပြောသည်။

ဧရာဝတီမြစ်အတွင်း ငါးဖမ်းခွင့် တားမြစ်ထား

မိုးဦးကျကာလ ငါးရစ်တက်ချိန်၌ ဧရာဝတီမြစ်အတွင်း ငါးဖမ်းခြင်းအပေါ် တားမြစ်မှုကို အာဏာပိုင်များက ယခုတစ်ပတ် အ တွင်း စတင်လုပ်ဆောင်နေကြောင်း သိရသည်။

ကချင်ပြည်နယ် ဗန်းမော်မြို့နယ် ဧရာဝတီမြစ်ဘေးတစ်လျှောက်ရှိ ကျေးရွာများအတွင်း ယခုကာလ ငါးဖမ်းခြင်းကို တားမြစ် သည့် အနေဖြင့် စက်လှေပေါ်မှတဆင့် အသံချဲ့စက်ဖြင့် ကြေငြာနေခြင်း ဖြစ်ကြောင်း ဗန်းမော်မြို့ အောက်ဘက်ရှိ ကောင်းတုံရွာသား တစ်ဦးက သျှမ်းသံတော်ဆင့်သို့ ပြောသည်။

“သူတို့က မြစ်ထဲမှာ စက်လှေမောင်းပြီး အသံချဲ့စက်နဲ့အော်သွားတာလေ ကြားလိုက်တာတော့ စည်းမဲ့ကမ်းမဲ့ ငါးဖမ်းတဲ့ အတွက် ငါးတွေမျိုးတုန်းရှားပါးလာပြီပေါ့ အခုအချိန်က ငါးရစ်တက်တဲ့အချိန်ဖြစ်တဲ့အတွက် ငါးမဖမ်းဖို့ပေါ့ ငါးဖမ်းတဲ့သူတွေ တွေ့ရင် ဥပဒေအရ အရေးယူသွားမယ်ဆိုပြီး ပြောသွားတာပဲ ” ဟု သူက ပြောသည်။

အလားတူ ဗန်းမော်မြို့အထက်ဘက် ဧရာဝတီမြစ်ဘေးရှိ ကျေးရွာအချို့တွင် ငါးရစ်တက်ချိန်ငါးဖမ်းခြင်းအား တားမြစ်ထား သည့် ဆိုင်းဘုတ်များ စိုက်ထူထားကြောင်း မျက်မြင် ဗန်းမော်မြို့ခံတစ်ဦးက ပြောသည်။

ဧရာဝတီမြစ်တွင်းငါးဖမ်းနေသည့် တံငါသည်

“စင့်ကင်ရွာမှာ ငါးရစ်တက်ချိန်ငါးမဖမ်းရဘူး ဖမ်းတာတွေ့ရင် တည်ဆဲ ဥပဒေအရ အရေးယူမယ်ဆိုတဲ့ ဆိုင်းဘုတ်ထောင် ထားတယ်” - ဟု မျက်မြင်တစ်ဦးက ပြောသည်။

ယခင်က ဧရာဝတီမြစ်ဘေးတစ်လျှောက်ရှိ အဆိုပါ ဒေသအတွင်း၌ ငါးရံ့ ငါးဖယ် ငါးသန် ငါးချောင်း စသည့် သဘာဝ ငါးမျိုးစိတ်များ အလုံအလောက် ထွက်ရှိသော်လည်း ယခုအခါ သဘာဝငါးရှားပါးလာမှုကြောင့် မွေးမြူရေးငါးများကို အား ကိုး နေရကြောင်း စောစောက ကောင်းတုံရွာသားက ဆိုသည်။

“အရင်တုန်းကဆိုရင် မွေးမြူရေးငါးဆိုတာ မြင်တောင်မမြင်ဖူးဘူး မြစ်ထဲမှာ ဘယ်နေရာ ကွန်ချက်ချချ ပိုက်ပဲတန်းတန်း ဟင်းစားကတော့ရတယ် အခုက ရွာတွေကစ မွေးမြူရေးငါးပဲစားနေရတာ (ပိဿာ) အချိန် ၅၀ လောက်ရှိတဲ့ ငါးထွေတို့ ငါးရွေးတို့ဆိုတာ မြင်တောင်မမြင်ဘူးတော့ဘူး ဒါအခုနှစ် ၂၀ ကျော်အတွင်း ပြောင်းလဲသွားတာပဲ ” ဟု သူက ဆိုသည်။

ဧရာဝတီမြစ်အတွင်း ကျက်စားသည့် သဘာဝ ငါးမျိုးစိတ်များရှားပါးလာရခြင်းမှာ မြစ်အတွင်း အန္တရာယ်ရှိသည့် ဓါတ်ပစ္စည်း များ စွန့်ပစ်ခြင်း ၊ သဘာဝပတ်ဝန်းကျင် ပြောင်းလဲလာမှုကြောင့် မြစ်ရေခန်းခြောက်ခြင်းနှင့် မြစ်ကြောင်း အနေအထား ပြောင်းလဲခြင်းကြောင့် ဖြစ်ကြောင်း ကျွမ်းကျင်သူတစ်ဦးက ပြောသည်။

ဧရာဝတီမြစ်ညှာပိုင်းဖြစ်သည့် မေခနှင့် မလိခ မြစ်ဆုံအထက်ပိုင်းတွင် ရွေတူးဖေါ်မှုကြောင့် ရေနောက်ကျိလာသည့် အပြင် ရွေကျင်ရာတွင် အသုံးပြုသည့် ခဲသတ္တု၊ ပြဒါးစသည့် ပစ္စည်းများကို မြစ်အတွင်း စွန့်ပစ်ခြင်းကြောင့် သဘာဝငါးများ မျိုးတုန်းပျောက်ကွယ် လာရသည်ဟု ဆိုသည်။

၎င်းအပြင် မြန်မာပြည်အထက်ပိုင်းဒေသများတွင် သစ်များအဆမတန် ခုတ်လှဲမှုများကြောင့် သဘာဝပတ်ဝန်းကျင်နှင့် ရာသီဥတု ဖေါက်ပြန်လာပြီး ရေစီးကြောင်းပြောင်းလဲမှုများ ရေခန်းခြောက်မှုများ ဖြစ်ပေါ်နေကြောင်း သိရသည်။

စစ်တပ်သာမက ရေတပ်ကလည်း ပေါ်စတာကပ် ဆိုင်းဘုတ်ထောင်ပြီး ရခိုင်တွင် လူသစ်များ စုဆောင်း

ရခိုင်ပြည်နယ်တွင် ကြည်းနှင့်ရေ နအဖ တပ်မတော်သားများက ရဲဘော်သစ်များကို ယခုအခါ အပြိုင်အဆိုင် အပြင်းအထန် စုဆောင်းနေကြောင်း သိရသည်။

ယခုအခါ နအဖ ရေတပ်မှ ပေါက်တောနှင့် မင်းပြားမြို့နယ်များတွင် ဆိုင်းဘုတ်ထောင် ကြော်ငြာကပ်ပြီး ရေတပ်သားသစ်များကို စုဆောင်းနေကြောင်း ဒေသခံ တဦးက ပြောသည်။

“သူတို့ ထောင်တဲ့ ဆိုင်းဘုတ်နဲ့ ကြော်ငြာထဲမှာ ဘယ်လို ပါသလဲ ဆိုရင် - သင့်ကို မြန်မာ့ ပင်လယ်ပြင်ကို ကာကွယ်ဖို့ မြန်မာ့ရေတပ်က အလိုရှိသည်- ဆိုပီး ပါဝင်ပါတယ်။ ၀င်တဲ့သူကို ပိုက်ဆံ တသိန်း ဆန်တအိတ် ပေးတယ်လို့လည်း သိရပါတယ်။”

အရင်က မြန်မာ့ရေတပ်ကို ၁၀ တန်းအောင် အဆင့် ရှိသူများမှသာ ၀င်ရောက်ခွင့် ရှိသော်လည်း ယခုအခါ ရှစ်တန်းအောင် အဆင့်များကိုပါ စည်းရုံးသိမ်းသွင်းနေသည်ဟု သူက ပြောသည်။

ယခုကဲ့သို့သိမ်းသွင်းနေမူအပေါ် စစ်တွေ ရေတပ် အငြိမ်းစား တဦးကို မေးကြည့်ရာ သူက “ အခုလို စုဆောင်းတာက အချက် နှစ်ချက် ရှိပါတယ်။ တချက်က ရေတပ်ကို အကြီးအကျယ် တိုးချဲ့ဖို့ နအဖ စစ်အစိုးရက စီစဉ်နေပါတယ်။ ဒုတိယ အချက်ကတော့ အရင်ကလို ရေတပ်တွေ စစ်တပ်တွေကို လူငယ်တွေက မ၀င်တော့ဘူး။ ဒါကြောင့် မြန်မာ့ ရေတပ် အနေနဲ့ ဆိုင်းဘုတ်ထောင် ကြော်ငြာကပ်ပီး စည်းရုံးလာရတာ ဖြစ်ပါတယ်” ဟု ပြောသည်။

ယခုအခါ ရေတပ်မှ တပ်သားသစ် စုဆောင်းသော ပိုစတာများနှင် ဆိုင်းဘုတ်များကို ပေါက်တောနှင့် မင်းပြားမြို့ နယ် ကျေးရွာတိုင်းတွင် မြင်တွေ့နိုင်ပြီး တပ်သားသစ်များ ရရှိရေး အတွက် လူငယ်များကို မက်လုံး အမျိုးမျိုးပေးကာ စည်းရုံးနေသည်ဟု သိရသည်။

ရခိုင်ပြည်နယ်တွင် စစ်သားသစ် တဦး၏ ဈေးနုံးမှာ ကျပ် တသိန်းနှင့် နှစ်သိန်းကြားရှိပြီး တပ်ထဲကို ၀င်ရောက်သည်နှင့် တပြိုင်နက် အဆိုပါငွေနှင့် ဆန်ကို ချက်ချင်း ထုတ်ပေးသည်ဟု သိရသည်။

ရဲစခန်းတွင် တပ်ဆင်မည့် ၅ သိန်းတန် ဖုံးအတွက် ရွာသားများထံမှ ငွေကောက်

ရခိုင်ပြည်နယ် ပုဏ္ဍားကျွန်းမြို့နယ် သဲတက်ရဲစခန်းတွင် တပ်ဆင်မည့် ၅ သိန်းတန် ဖုံးအတွက် ရဲအရာရှိများမှ အိမ်ထောင်စု တခုထံမှ ကျပ်ငွေ ၂၀၀၀ စီကောက်ခံနေကြောင်း သတင်း ရရှိသည်။

အဆိုပါ ကောက်ခံမူကို ယခု လဆန်းပိုင်းက စတင်ခဲ့ပြီး ကျေးရွာသားများ အနေဖြင့် ကောက်ခံသော ငွေကို မပေးနိုင်သဖြင့် အခက်ကြုံနေရကြောင်း ဒေသခံ တဦးက ပြောသည်။

“ အိမ်တိုင်းကို ၂၀၀၀ နုန်းနဲ့ ကောက်ခံနေတာ ဖြစ်ပါတယ်။ ရဲစခန်းမှာ ဖုံးရှိရင် ဘယ်နေရာက မဆို တခုခု ပြဿနာဖြစ်ရင် အကြောင်းကြားလို့ ရတယ်။ ဒါကြောင့် ကျေးရွာသားတွေအနေနဲ့ တအိမ်ကို ကျပ် ၂၀၀၀ စီ မဖြစ်မနေရ ထည့်ဝင် ရမယ်ဆိုပီး ကောက်ခံနေတာ ဖြစ်ပါတယ်။ ရွာသားတွေ အများစု ဆင်းရဲတော့ မပေးနိုင်ကြပါဘူး။ အခက်အခဲ ပါဘဲ။”

အများစု ကျေးရွာသားများမှာ ဆင်းရဲသည့် အပြင် စိုက်ပျိုးရာသီ ရောက်လာသဖြင့် ရဲစခန်းမှ ကောက်ခံသော ငွေကို မပေးလိုသော်လည်း အတင်း လာကောက်နေ သဖြင့် အရစ်ကျ ပေးဆောင်နေရကြောင်း သိရသည်။

ယခု သဲတက် ရဲစခန်းမှ ဖုံးအတွက် ကောက်ခံနေသော ကျေးရွာများမှာ သဲတက်၊ ရောင်စုံ၊ လက်ဝဲမာန်၊ ကြိမ်ချောင်း၊ ကင်းစွန်းချောင်း၊ လက်မဆိတ်၊ လက်ဖေါက်၊ မြတ်လေး၊ မကျည်းချောင်းနှင့် ဒင်ဘာရီ ကုလားရွာ တို့ ဖြစ်ကြသည်။ အဆိုပါ ရဲစခန်း ပတ်ဝန်းကျင်တွင် ကျေးရွာများ အားလုံး စုစုပေါင်း အိမ်ခြေမှာ ထောင်ဂဏန်းခန့် ရှိကြောင်း သိရသည်။

စစ်တွေမြို့သို့ ဈေးဝယ်ရန်လာသူ သဲတက်က အမျိုးသမီး တဦးကလည်း “ ရဲစခန်းမှာ ၅ သိန်းတန် ဖုံးတပ်ဆင်မယ် ဆိုပီး ငွေကောက်နေတာ မှန်ပါတယ်။ သဲတက်က ဖုံးဆိုင်ဖွင့်ပီး စီးပွားရေး လုပ်နေတဲ့ သူတွေဆီက ဆိုရင် ၅၀၀၀ ထိကောက်ပါတယ်။ သာမန်လူတွေဆီကသာ ၂၀၀၀ ကောက်တာပါ” ဟု ပြောသည်။

ရခိုင်ပြည်နယ်တွင် အုပ်ချုပ်သူ အရာရှိများသည် ယခုကဲ့သို့ဖုံးတပ်ဆင်ရန် အတွက် ငွေကို လူထုထံမှ ကောက်ယူသည့် အပြင် တခြား စာသင်ကျောင်းများ၊ ဆေးခန်းများနှင့် ကျေးရွာဆက် လမ်းများ ဖေါက်လုပ်ရာတွင်လည်း ငွေများ ကောက်ခံကြောင်း သိရသည်။

ဆင်းရဲ ကျပ်တည်းသည့် ကြားထဲ ဧည့်ခံစရိတ်၊ ကျောင်းစရိတ်၊ လမ်းစရိတ်နှင့် တခြား စရိတ်စခများ ကောက်ခံမူကြောင့် ရခိုင် ကျေးလက်ဒေသမှ ကျေးရွာသားများမှာ အထူး အခက်ကြုံတွေ့နေကြရကြောင်း သတင်းများ ရရှိသည်။

မြစ်ဆုံမှ အစိုးရရွာသစ်သို့ အပြောင်းခံရသူများ၏ကျန်းမာရေး စိုးရိမ်နေရ

မြစ်ဆုံရေအားလျှပ်စစ် စီမံကိန်းကြောင့် လုံဂါဇွပ်တွင် အိမ်အသစ်ပြောင်းရွှေ့လိုက်ရသည့် ဒေသခံကလေးများ ကျန်းမာရေးအခြေအနေဆိုးနေသည်။

စစ်အစိုးရမှ တည်ဆောက်ပေးတဲ့ လုံဂါဇွပ် ရွာသစ်။ ယခုချိန် ထိုရွာတွင် မြစ်ဆုံရေကာတာစီမံကိန်းအထဲရှိ အနည်းဆုံး ရွာ ၄ ရွာကို အဓ္ဓမပြောင်းရွှေ့ခဲ့ပြီးဖြစ်သည်။ ဓါတ်ပုံ - ကချင်သတင်းဌာန

၎င်းနယ်မြေတွင် မိုးရွာ၍ ရေဝပ်နေသော်ကြောင့် ခြင်များပေါက်ပွားကာ ကလေးများသည် နှာစေး၊ ချောင်းဆိုး ငှက်ဖျား အပြင်း ဖျားနာ နေ ကြသည်။ “သနားစရာကြီး၊ အားလုံးဖျားနေကြတယ်၊ သိပ်မကြာရင်ကလေးတွေ အားလုံးအသက်အန္တရာယ်နဲ့ရင်ဆိုင်နိုင်တယ်” ဟု ယင်း ရွာ သစ်သို့သွားကြည့်ပေးသည့် ကျန်းမာရေး ဆရာမတစ်ယောက်ပြောနေကြောင်းကို ခရစ်ယာန်ဘာသာရေးဆရာ တစ်ဦးမှပြောပြသည်။

အေးရှားဝေါလ်ကုမ္ပဏီမှတာဝန်ယူတည်ဆောက်ပေးနေသည့် ၎င်းတန်ဖိုးနည်း ဆောက်လုပ်ရေးအိမ်တန်းတွင် ဆေးပေးခန်းမရှိ၊ ဆေးဆရာမရှိ ဖြစ်နေ၍ ရွာသားများ အခက်အခဲကြုံတွေ့နေရသည်။

ဤသို့စိုးရိမ်နေရသည့် ရွာအိမ်သစ်သို့ တန်ဖရဲရွာမှ ဆေးဆရာမများ တစ်ပတ်ကို တစ်ယောက်အလေ့ကျ သွားကြည့်ပေးနေသည်။

ဆေးဆရာမ သာမက ကလေးကျောင်းစာသင်ရန် အတွက်လည်း တန်ဖရဲရွာမှ ဆရာ/ဆရာမများ သွားရောက် သင်ကြားပေးနေရသည်။ “အစိုးရမှ ဆရာနှစ်ယောက်ထည့်ပေးမယ်ပြောတယ်၊ ဒါမဲ့ အခုထိ မရောက်လာသေးဘူး” ဟု ဒေသခံ အမျိုးသမီးတစ်ယောက် ပြောသည်။

ကျောက်ခဲပြည့်နက်နေသည့် အနီရောင်မြေကြီးပေါ်တည်ဆောက်ထားသော ၉ပေပတ်လည်ဧည့်ခန်းကျဉ်းမှာ နေထိုင်နေရသည့် သူတို့ဘဝသည် အကျဉ်းတန်လှကြောင်း ဒေသခံရွာသားများ ငြီးသွားနေကြသည်။

“ဘယ်လိုမှ မတတ်နိုင်တော့ ခံစားနေရတယ်” ဟုပြောင်းရွှေ့ခံရသည့် ဒေသခံရွာသားများပြောနေသည်။
စိုက်ပျိုးရေးဖြင့် အသက်မွေးဝမ်းကြောင်းပြုလုပ်ခဲ့သည့် ၎င်းဒေသခံများသည် ယခုတွင် ဘာပင်မှ စိုက်ပျိုး၍ မရဖြစ်နေသည်။

လုံဂါဇွပ်တွင် ဆောက်လုပ်ရေးအိမ်တန်း တည်ဆောက်ပေးနေသည့် အေးရှားဝေါလ်ကုမ္ပဏီမှ အိမ်များကို တစ်ပုံစံတည်းတည်ဆောက်ထားသောကြောင့် “ အိမ်တွေလည်း ဆင်တူဆင်တူပြန်ဖြစ်နေ၊ ဘယ်သူ့အိမ်က ဘယ်လူ့အိမ်မှန်းမသိ၊ တစ်ချို့ဆို အိမ်မှားပြီးဝင်ကြတယ်” ဟု ခုတလော ယင်းအိမ်သစ်သွားရောက်ခဲ့သည် ဒေသခံလူကြီးတစ်ဦး ပြောသည်။

ဤကဲ့သို့ဖြစ် မြစ်ဆုံရေကာတာတည်ဆောက်ရေးကြောင့် ပြီးခဲ့သည့် မေ ၂၈ရက်နေ့ ပထမဦးဆုံးပြောင်းရွှေ့လိုက်ရသည့် မဇွပ်ဒေသခံရွာသားများသည် အခက်အခဲအမျိုးမျိုး ရင်ဆိုင် နေရ သည်။

မြန်မာရွှေ့ပြောင်းလုပ်သားများအတွက် နိုင်ငံသား စီစစ်ရေးဌာန ဖွင့်လှစ်

ချင်းမိုင် (မဇ္ဈိမ)။ ။ ထိုင်းနိုင်ငံရောက် မြန်မာရွှေ့ပြောင်း လုပ်သားများနှင့် အလုပ်သမား အခွင့်အရေး လှုပ်ရှားသူများသည် မြန်မာရွှေ့ပြောင်း လုပ်သားများအတွက် ထိုင်းနိုင်ငံတောင်ပိုင်း ရနောင်းမြို့တွင် နိုင်ငံသား စီစစ်ရေးဌာနတခု ထားရှိပေးမည့် ထိုင်းအစိုးရ၏ ဆုံးဖြတ်ချက်ကို ကြိုဆိုလိုက်ကြသည်။

သို့သော် ထိုအစီအစဉ်သည် ပြဿနာ ဇစ်မြစ်ကို ဖြေရှင်းပေးနိုင်ခြင်းမျိုး မဟုတ်သေးကြောင်း သတိပေးပြောကြားခဲ့သည်။

မြို့တော်ဘန်ကောက်တောင်ဘက် ပင်လယ်ကမ်းခြေတခုဖြစ်သော စမတ်ဆခွန်ဒေသတွင် အလုပ်လုပ်သည့် မွန်လူမျိုး ဝမ်ချိုင်းက ထိုင်းနှင့် မြန်မာ အစိုးရတို့ ပူးပေါင်း၍ မြန်မာရွှေ့ပြောင်း အလုပ်သမားများအတွက် ပထမဆုံးသော နိုင်ငံသားစီစစ်ရေးဌာနအား ရနောင်းတွင် ထားရှိမည့် အစီအစဉ်ကြောင့် ဝမ်းသာကျေနပ်မိကြောင်း မဇ္ဈိမကို ပြောခဲ့သည်။

သူသည် နိုင်ငံသား စီစစ်ရေး လုပ်ငန်းစဉ်အတွက် ရနောင်းမြို့သို့ လာမည့်လတွင် သွားရောက်ရန် စီစဉ်ထားသော်လည်း ခရီးစဉ်အတွက် ကုန်ကျစရိတ်နှင့် ခရီးစဉ်တလျှောက် ကြုံတွေ့နိုင်သည့် အခက်အခဲများအတွက် စိုးရိမ်ပူပန်မှု ရှိကြောင်း ပြောသည်။

“မြစ်ကိုဖြတ်ပြီး ကော့သောင်းအထိ သွားစရာတော့ မလိုတော့ဘူး” ဟု ဝမ်ချိုင်းက လှေဖြင့် ကျန်းမြစ် (Kyan River) ကို ဖြတ်၍ ရနောင်းမြို့မှ မြန်မာနိုင်ငံဘက် ကော့သောင်းမြို့ကို သွားရမည့် ခရီးစဉ်ကို ရည်ညွှန်း၍ ပြောကြားခဲ့သည်။

သူက “ဒါပေမဲ့ ရနောင်းကို သွားဖို့အတွက်က ကုန်ကျစရိတ်တွေ ရှိမယ်။ နောက်ပြီး လမ်းမှာ ထိုင်းအရာရှိတွေရဲ့ ဖမ်းဆီးမှု ခံရနိုင်တာတွေ ရှိတယ်။ အဲလို အဖမ်းခံရရင်လည်း ပိုက်ဆံကုန်ဦးမှာဆိုတော့ ပိုက်ဆံကုန်မှာချင်းအတူတူ လမ်းမှာ အဖမ်းမခံရအောင် လုပ်ပေးမယ့် ပွဲစားတွေကို ပိုက်ဆံပေးပြီးတော့ပဲ သွားတော့မယ်” ဟု ပြောသည်။

စမတ်ဆခွန်တွင် အခြေစိုက်သည့် အလုပ်သမား အခွင့်အရေး မြှင့်တင်ရေး ကွန်ယက်မှ ဒါရိုက်တာ Sampong Sakaew ကမူ ထိုပြဿနာများ ဖြေရှင်းရန် အကောင်းဆုံးနည်းလမ်းမှာ ရွှေ့ပြောင်းလုပ်သား အများအပြားနေထိုင်သော ဘန်ကောက်၊ စမတ်ဆခွန်၊ ချင်းမိုင်နှင့် မဲဆောက်မြို့များ၌ပါ နိုင်ငံသားစီစစ်ရေးဌာနများ ထားရှိခြင်းသည် အကောင်းဆုံး ဖြစ်ကြောင်း ပြောသည်။

“ရနောင်းမှာ စီစစ်ရေးဌာန ထားပေးမယ့် အစီအစဉ်ကတော့ ကောင်းပါတယ်။ ဒါပေမဲ့ အလုပ်သမားတွေဟာ ရနောင်းကို ပို့ဆောင်ပေးမယ့် ပွဲစားတွေရဲ့ လိမ်လည်လှည့်ဖျားမှုကို ခံရနိုင်တာမျိုးတွေ ရှိနေသေးတယ်။ တကယ်လို့ စီစစ်ရေးဌာနတွေကို သူတို့နေတဲ့ နေရာနဲ့ အနီးတဝိုက်မှာ ထားပေးနိုင်မယ် ဆိုရင်တော့ ပွဲစားမပါဘဲ သူတို့ကိုယ်တိုင် သွားရောက်လုပ်ဆောင်နိုင်မှာပါ။ ပြီးတော့ လုပ်ရကိုင်ရတာ ပိုအဆင်ပြေပါလိမ့်မယ်” ဟု သူက ပြောသည်။

ထိုင်းနှင့် မြန်မာက မြန်မာရွှေ့ပြောင်းလုပ်သားများအတွက် ထိုင်းတွင် ပထမဆုံးသော နိုင်ငံသားစီစစ်ရေးဌာနကို ရနောင်းဆိပ်ကမ်းမြို့ရှိ စပန်ပလာရွာတွင် ထားရှိရန် ဆုံးဖြတ်ခဲ့ပြီးနောက် ရွှေ့ပြောင်းလုပ်သားများနှင့် အလုပ်သမား အခွင့်အရေး လှုပ်ရှားသူများက ထိုကဲ့သို့ ထင်မြင်ချက်များ ပေးခဲ့ကြခြင်း ဖြစ်သည်။

ထိုင်းနိုင်ငံ အလုပ်သမားရေးရာဌာနမှ လက်ထောက် ဒါရိုက်တာ စူဖတ်ကူခွန်က ထိုင်းအစိုးရသည် လက်ရှိ မုတ်သုန်ရာသီအတွင်း နိုင်ငံသားစီစစ်ရေးအတွက် မြစ်ကိုဖြတ်၍ မြန်မာနိုင်ငံသို့ သွားရောက်ကာ ပြုလုပ်ကြရမည့် အလုပ်သမားများ၏ လုံခြုံမှုကို စိုးရိမ်သဖြင့် ရနောင်းမြို့တွင် ယခုကဲ့သို့ စီစစ်ရေးဌာန ဖွင့်လှစ်ပေးရန် မြန်မာအစိုးရနှင့် ပူးပေါင်း၍ စီစဉ်ခဲ့ကြောင်း ပြောခဲ့သည်။

“မြန်မာအစိုးရဘက်ကလည်း ထိုင်းနိုင်ငံရဲ့ အဆိုပြုချက်ကို တရားဝင် သဘောတူလိုက်တဲ့အတွက် ဒီနှစ် ဇူလိုင်လကနေ အောက်တိုဘာလအတွင်း စီစစ်ရေးအရာရှိ အယောက် ၂ဝ ကို ထိုင်းနိုင်ငံကို စေလွှတ်ပေးပါလိမ့်မယ်။ အဲဒီအရာရှိတွေဟာ တနေ့ကို အလုပ်သမား ၈ဝဝ အတွက် နိုင်ငံသားစီစစ်ရေး ကိစ္စတွေ ဆောင်ရွက်ပေးနိုင်လိမ့်မယ်လို့ မျှော်လင့်ပါတယ်” ဟု စူဖတ်ကူခွန်က ပြောကြားခဲ့ပြီး နိုင်ငံသားစီစစ်ရေးကိစ္စ ဆောက်ရွက်ရမည့်သက်တမ်း တိုးပေးရန်လည်း ဆွေးနွေးကြဖွယ်ရာ ရှိသည်ဟု ပြောကြားခဲ့သည်။

ရနောင်းတွင် ထားရှိပေးမည့် စီစစ်ရေးဌာနသည် အနာဂတ်ကာလတွင် အခြား နယ်စပ်ဒေသများအတွက် စံနမူနာ ဖြစ်လာဖွယ်ရှိသည်ဟု စူဖတ်ကူခွန်က ပြောခဲ့ကြောင်း ထိုင်းနိုင်ငံ ပြည်သူ့ဆက်ဆံရေးဌာန၏ ဝဘ်ဆိုဒ်ရှိ သတင်းတပုဒ်တွင် ဖော်ပြထားသည်။

ရနောင်းပြည်နယ် ဒုတိယ အုပ်ချုပ်ရေးမှူး နီရီဝပ် ဖွန်နဂန် က ထိုစီစစ်ရေးဌာနသည် ထိုင်းနှင့် မြန်မာ နှစ်နိုင်ငံလုံးအတွက် အကျိုးရှိစေမည်ဖြစ်ပြီး ထိုစီစဉ်ဆောင်ရွက်မှုသည် နှစ်နိုင်ငံ ဆက်ဆံရေး ချောမွေ့အဆင်ပြေမှု၏ ရောင်ပြန်ထင်ဟပ်မှုပင်ဖြစ်ကြောင်း ပြောသည်။

ထိုင်းနိုင်ငံ အလုပ်သမားရေးရာ ဝန်ကြီးဌာန၏ မကြာခင်က စာရင်းဇယားအရ ထိုင်းနိုင်ငံတွင် မြန်မာရွှေ့ပြောင်းလုပ်သား ခန့်မှန်းခြေ ၂ သန်းခန့် ရှိသည့်အနက် ယခုနှစ် အစောပိုင်း နိုင်ငံသားစီစစ်ရေး အစီအစဉ်များ စတင်သည့်အချိန်မှစ၍ ၈၂၇၆၇ ဦးသည် စီစစ်ရေးလုပ်ငန်း ကိစ္စများအတွက် ခရီးသွားခဲ့ကြပြီး ယာယီ ပတ်စ်ပို့ လက်မှတ်များ ထုတ်ယူခဲ့ကြသည်။

အလုပ်သမားဝန်ကြီးဌာန လက်အောက်ရှိ အလုပ်သမား ခန့်ထားရေးဌာနက ထုတ်ပြန်ရာတွင် နိုင်ငံသား စီစစ်ရေး လုပ်ငန်းစဉ်အတွက် ပြင်ဆင်မှုများသည် အတော်အသင့် ခရီးရောက်နေပြီး တရားမဝင် အလုပ်လုပ်ကိုင်မှုများ အဆုံးသတ်စေရန်အတွက် ကော်မတီတရပ် ဖွဲ့စည်းကာ ယခုနှစ်ကုန်တွင် ပြဋ္ဌာန်းဖွယ်ရှိသည့် ဥပဒေနှင့် အရေးယူ ဆောင်ရွက်သွားမည်ဖြစ်ကြောင်းနှင့် တရားမဝင် အလုပ်သမားများအား အသစ်ရောက်ရှိလာမည့် တရားဝင် အလုပ်သမားများနှင့် အစားထိုးတော့မည်ဖြစ်ကြောင်း သတင်းထုတ်ပြန်ခဲ့သည်။

ပြီးခဲ့သည့်နှစ်က တရားမဝင် အလုပ်သမား ၁၁၄၃၆ ဦး အကျဉ်းကျခံခဲ့ရပြီး တရားမဝင် အလုပ်ခန့်ထားသူ အလုပ်ရှင်ပေါင်း ၁၅၁၈ ဦး ဖမ်းဆီးခံခဲ့ရသည်။

သို့ရာတွင် လေ့လာသုံးသပ်သူများက ထိုကိန်းဂဏန်းသည် အမှန်တကယ် အဖမ်းခံခဲ့ရသည့် တရားမဝင် အလုပ်သမား အရေအတွက်ထက် များစွာ လျော့နည်းနေသည်ဟု သုံးသပ်ပြောဆိုခဲ့ကြသည်။

အမေရိကန်ပြည်ထောင်စု နယူးယောက်အခြေစိုက် လူ့အခွင့်အရေးစောင့်ကြည့်ရေးအဖွဲ့ (HRW) နှင့် ထိုင်းနိုင်ငံ လူ့အခွင့်အရေး ဖွံ့ဖြိုးရေး ဖောင်ဒေးရှင်း (HRDF) တို့ ယခုလ အစောပိုင်းက ဂျနီဗာမြို့ ကုလသမဂ္ဂ လူ့အခွင့်အရေး ကောင်စီတွင် ပူးတွဲထုတ်ပြန်ခဲ့သည့် ကြေညာချက်ထဲတွင်လည်း ထိုင်းနိုင်ငံရှိ ရွှေ့ပြောင်းအလုပ်သမားများအရေးကို ဖော်ပြထားသည်။

ထိုကြေညာချက်ကို ကုလသမဂ္ဂက ၁၄ ပိုင်းခွဲကာ ကျင်းပခဲ့သည့် လူ့အခွင့်အရေး အစည်းအဝေး၏ ရွှေ့ပြောင်းနေထိုင်သူများ၏ လူ့အခွင့်အရေးနှင့် ပတ်သက်သည့် အစီရင်ခံစာ ထွက်ပေါ်လာပြီး နောက်ပိုင်းတွင် HRW နှင့် HRDF တို့က ပူးတွဲထုတ်ပြန်ခဲ့ခြင်း ဖြစ်သည်။

ကုလသမ္မဂ္ဂမှ ရွှေ့ပြောင်းနေထိုင်သူများ၏ လူ့အခွင့်အရေးဆိုင်ရာ အထူးသတင်းထုတ်ပြန်ရေးဌာနက ထိုင်းအစိုးရထံသို့ ယမန်နှစ်နှင့် ယခုနှစ်တွင် ဖြစ်ပွားခဲ့သည့် ကိစ္စများနှင့် ပတ်သက်၍ အရေးတကြီး အသိပေးစာ ၄ စောင် ထုတ်ပြန်ခဲ့သည်။

အဆိုပါ ၄ စောင်မှာ (၁) လာအိုများကို နှင်ထုတ်ခြင်းနှင့် ပတ်သက်၍ (၂) ရွှေ့ပြောင်းအလုပ်သမားများ၏ နိုင်ငံသား စီစစ်ရေး လုပ်ငန်းစဉ်များနှင့် ပတ်သတ်၍ (၃) ရိုဟင်ဂျာများအပေါ် ဆိုးရွားစွာ ဆက်ဆံမှုနှင့် ပတ်သက်၍ (၄) ရွှေ့ပြောင်းအလုပ်သမားများ လုပ်ငန်းခွင်တွင် ဒဏ်ရာ ရရှိသည့်အခါ ရည်ရွယ်ချက်ရှိရှိဖြင့် ခွဲခြားဆက်ဆံမှုနှင့် ပတ်သက်၍ သတိပေးခဲ့ခြင်း ဖြစ်သည်။ ထိုကဲ့သို့ သတိပေးချက်များအပေါ် ဘန်ကောက်အစိုးရက ပထမကိစ္စနှင့် တတိယကိစ္စ အပေါ်တွင်သာ ပြန်ကြားခဲ့သည်။

၂ဝဝ၃ ခုနှစ်ကတည်းက ထိုင်းနှင့် မြန်မာ သဘောတူညီခဲ့ပြီး ပြီးခဲ့သည့်နှစ်မှ စတင်အကောင်အထည်ဖော်ခဲ့သည့် နိုင်ငံသား စီစစ်ရေး မူဝါဒသည် တရားမဝင်သော ရွှေ့ပြောင်းနေထိုင်မှုများကို ကိုင်တွယ်ရန်အတွက်ဆိုသည့် ရည်မှန်းချက်ဖြင့် လုပ်ဆောင်သော်လည်း လူ့အခွင့်အရေးဆိုင်ရာ ကိစ္စရပ်များကို ထည့်သွင်းစဉ်းစားထားခြင်း မရှိဟု HRW နှင့် HRDF ပူးတွဲကြေညာချက်တွင် ဖော်ပြထားသည်။

“လူ့အခွင့်အရေးဆိုင်ရာ ကိစ္စရပ်များကို ထည့်သွင်းစဉ်းစားရမည့်အစား အစုလိုက်အပြုံလိုက် နှင်ထုတ်မည့် အရိပ်အယောင်များမှာ သိသာစွာ ပေါ်လွင်နေပြီး မှတ်ပုံတင်နိုင်မည့် အလုပ်သမားများအတွက်သာ အစီအစဉ်များက အဆင်ပြေပေလိမ့်မည်။ တရားဥပဒေနှင့် မညီညွတ်သော ပွဲစားများအတွက်လည်း ပွဲခ မတန်တဆရမည့် အခွင့်အလမ်းများ ဖြစ်ပေါ်လာနိုင်သည်။ လူ့အခွင့်အရေး စောင့်ကြည့်ရေးအဖွဲ့သည် လူ့အခွင့်အရေးဆိုင်ရာ အထူးသတင်းထုတ်ပြန်ရေး ကိုယ်စားလှယ်၏ ဆောင်ရွက်ချက်များကို ထောက်ခံပြီး ထိုင်းနိုင်ငံမှ နိုင်ငံသားစီစစ်ရေးမူဝါဒ အကောင်အထည် ဖော်နေခြင်းအပေါ် ဆက်လက်စောင့်ကြည့်ရန် တောင်းဆိုပါသည်” ဟု ပူးတွဲကြေညာချက်တွင် ပါရှိသည်။

HRW က ထိုင်းနိုင်ငံတွင် ရွှေ့ပြောင်းအလုပ်သမားများ၏ လူ့အခွင့်အရေးကို မြှင့်တင်ကာ နိုင်ငံတကာ လူ့အခွင့်အရေး စံချိန်စံညွှန်းနှင့်ညီသော ကတိကဝတ်များကို လိုက်နာစောင့်ထိန်းလာစေရန် အပြုသဘောဆောင်သော အကူအညီများ ပေးနိုင်ရေးအတွက် ထိုင်းနိုင်ငံသို့ သွားရောက်လေ့လာ အကူအညီပေးမှုကို လေးနက်စွာ ထောက်ခံပြီး ကုလသမဂ္ဂ လူ့အခွင့်အရေးကောင်စီ၏ ဆောင်ရွက်မှုကိုလည်း ထောက်ခံထားသည်။

ပါတီစုစည်းမှုမပျက်သည့်အပေါ် ဒေါ်စု ဂုဏ်ယူ

နယူးဒေလီ (မဇ္ဈိမ)။ ။ ပါတီဖျက်သိမ်းခြင်းခံရပြီး အခက်အခဲကြုံနေရသော်လည်း ပါတီဝင်များအနေဖြင့် စုစည်းမှုမပျက် ဆက်လက်လုပ်ဆောင်နေသည့်အပေါ် ဝမ်းမြောက်ဂုဏ်ယူကြောင်း မြန်မာ့ဒီမိုကရေစီခေါင်းဆောင် ဒေါ်အောင်းဆန်းစုကြည်က ယနေ့ ပြောဆိုသည်။

နေအိမ်ခြံဝင်းးအတွင်းရှိ ယိုယွင်းပျက်စီးနေသော ပျဉ်ထောင်အိမ်ကို ဖျက်စီးပစ်ရန် စည်ပင်က ခွင့်မပြုသည့်ကိစ္စနှင့် ပက်သက်၍ တက္ကသိုလ်ရိပ်သာလမ်းရှိ သူမ၏နေအိမ်တွင် ရှေ့နေဖြစ်သူနှင့် တွေ့ဆုံခွင့်ရစဉ် ယခုလို ပြောဆိုလိုက်ခြင်း ဖြစ်သည်။

“အန်အယ်ဒီဟာ အခုလို ခက်ခဲတဲ့အချိန်မှာ လူငယ်တွေရော၊ အမျိုးသမီး အဖွဲ့တွေရော၊ အန်အယ်ဒီ အဖွဲ့ဝင်တွေရော ညီညီညွတ်ညွတ် လုပ်ကိုင်ဆောင်ရွက်နေတာကို တွေ့ရတဲ့အတွက် ဝမ်းသာဂုဏ်ယူတယ်လို့ ပြောပါတယ်” ဟု သူမ၏ ရှေ့နေ ဦးဥာဏ်ဝင်းက မဇ္ဈိမကို ပြောသည်။

သူက ဆက်ပြီး ‘’လူငယ်တွေကို ပြုစုပျိုးထောင်ပေးရမယ်။ အဲလိုပျိုးထောင်ပေးဖို့အတွက် အစိုးရရော၊ နိုင်ငံရေးပါတီတွေရော၊ ပြည်သူတွေမှာပါ တာဝန်ရှိတယ်။ အဲဒီလို ပျိုးထောင်တဲ့နေရာမှာ ရဲဘော်ရဲဘက်စိတ် ရှိရမယ်၊ သဘောထားကြီးရမယ်တဲ့။ နောက်တခုက ပြည်သူတွေကို ဒီမိုကရေစီသဘောတရားကို နားလည်အောင် လုပ်ရမယ်။ နားလည်အောင်လုပ်ဖို့ ပြည်သူတွေမှာလည်း တာဝန်ရှိတယ်၊ ပါတီမှာလဲ တာဝန်ရှိတယ်တဲ့။ အဲလို ပြောပါတယ်’’ ဟု ပြောသည်။

ဒေါ်အောင်ဆန်းစုကြည်နှင့် ရှေ့နေ ဦးဥာဏ်ဝင်း၊ အင်ဂျင်နီယာ ဦးခွန်သာမြင့်၊ အိမ်ပြင်ရေး ကိုယ်စားလှယ် ကိုထင်ကျော်တို့ ယနေ့ နေ့လည် ၁ နာရီမှ ၃ နာရီအထိ တွေ့ဆုံခွင့်ရခဲ့သည်။

ငြိမ်းချမ်းရေး နိုဗယ်ဆုရှင်နေထိုင်သည့် ရန်ကုန်တိုင်း ဗဟနုးမြို့နယ်၊ တက္ကသိုလ်ရိပ်သာလမ်း၊ အိမ်အမှတ် ၅၄ နှင့် ၅၆ နေအိမ်ခြံဝင်းတွင် အဆောက်အဦးအဖြစ် အိမ်မကြီး၊ ပျက်စီးနေသော ပျဉ်ထောင်အိမ်၊ ခြံပေါက်အဝင်ဝတွင် တဲတလုံးနှင့် အိမ်နောက်ဖေး ရေစပ်တွင် တဲတလုံး ရှိသည်။

ပျဉ်ထောင်အိမ်သည် အိမ်မကြီး၏ အရှေ့ဘက် ၂၅ ပေခန့် အကွာတွင် တည်ရှိပြီး အမှိုက်ပုံတခုကဲ့သို့ ချုံနွယ်ပိတ်ပေါင်းများ ဖုံးလွှမ်းနေသည်။ ထိုအဆောက်အဦကို ဖြိုဖျက်ရန် စည်ပင်သာယာကိုလျှောက်ထားခဲ့ရာ ယခုလ ၄ ရက်နေ့က ခွင့်ပြုခဲ့သော်လည်း ၅ ရက်နေ့တွင် ခွင့်မပြုပါဟု ပြန်လည် အကြောင်းကြားခဲ့ကြောင်း သိရသည်။

“ဒါက အမွေမှုဖြစ်နေတယ်။ ဖျက်လိုက်လို့ရှိရင် အိမ်ပုံသဏ္ဍာန်ပျက်သွားမယ်လို့ အကြောင်းပြချက် ပေးပါတယ်။ ပျဉ်ထောင်အိမ်က ပြင်လို့မရတော့တဲ့ အခြေအနေရှိပါတယ်။ ဒါကို ဖျက်သိမ်းဖို့ စီစဉ်တာကို ခွင့်မပြုတာပါ” ဟု ဦးဥာဏ်ဝင်းက ပြောသည်။

ထို့ကြောင့် လာမည့်အပတ်အတွင်း ရန်ကုန်မြို့တော်ဝန်ထံသို့ စာဖြင့် တင်ပြသွားမည်ဖြစ်သည်။

ထို့ပြင် ယခုလ ၁၉ ရက်နေ့တွင် ကျရောက်မည့် သူမ၏ ၆၅ နှစ်မြောက် မွေးနေ့ကို ရန်ကုန်တိုင်း၊ မင်္ဂလာဒုံမြို့နယ်၊ ၁ဝ မိုင်ကုန်းရှိ မိုးကုတ်မြို့နယ် အန်အယ်ဒီ ပြည်သူ့လွှတ်တော် ကိုယ်စားလှယ် ဒေါ်မေနှင်းကြည်၏နေအိမ်တွင်ကျင်းပရန် ညွှန်ကြားလိုက်ကြောင်း အန်အယ်ဒီပါတီ၏ ဗဟိုအလုပ်အမှုဆောင်လည်းဖြစ်သူ ရှေ့နေ ဦးဥာဏ်ဝင်းက ပြောဆိုသည်။

“ဒေါ်အောင်ဆန်းစုကြည်ရဲ့ မှာကြားချက်အရ ကျနော်တို့ လက်လှမ်းမီသလောက် ရန်ကုန်တိုင်းအတွင်းမှာရှိတဲ့ မရှိဆင်းရဲတဲ့ ကျောင်းသား၊ ကျောင်းသူတွေကို စာအုပ်၊ ခဲတံ လှူဒါန်းဝေငှမယ့် အစီအစဉ်တွေလဲ လုပ်နေပါတယ်” ဟု သူက ပြောသည်။

ဒေါ်အောင်ဆန်းစုကြည်သည် နေအိမ်းအတွင်းသို့ မဖိတ်ခေါ်ဘဲ ဝင်ရောက်လာခဲ့သူ အမေရိကန် နိုင်ငံသား ဂျွန်ယက်တောကို လက်ခံထားမှုဖြင့် အင်းလျားကန်စောင်းရှိ နေအိမ်တွင် ဆိုင်းငံ့ပြစ်ဒဏ် ၁၈ လ ကျခံနေရပြီး ၆၅ နှစ်မြောက် မွေးနေ့ကိုလည်း နေအိမ်အတွင်းမှ ဖြတ်သန်းရမည်ဖြစ်သည်။

ယမန်နှစ်ကလည်း ဂျွန်ယတ်တောကို လက်ခံထားမှုနှင့် ပက်သက်၍ တရားရင်ဆိုင်နေဆဲ ကာလဖြစ်သဖြင့် အင်းစိန်ထောင်အတွင်း သီးသန့် ဆောက်လုပ်ထားသော အထူးဆောင် အတွင်း၌ပင် သူမ၏ ၆၄ နှစ်မြောက်မွေးနေ့ကို ဖြတ်သန်းခဲ့ရသည်။

နျူကလီးယား သတင်း မမှန်ဟု စစ်အစိုးရငြင်း

ကာတာနိုင်ငံ ဒိုဟာမြို့ အခြေစိုက် အယ်လ်ဂျာဇီးရား ရုပ်မြင်သံကြားဌာနမှ ဇွန် ၄ ရက်တွင် စတင် ထုတ်လွှင့်ခဲ့သော မြန်မာ နျူကလီးယား သတင်းသည် လီဆယ် လုပ်ကြံမှု ဖြစ်သည်ဟု စစ်အစိုးရပိုင် မီဒီယာများက ဖော်ပြသည်။

မန္တလေး တိုင်း ပြင်ဦးလွင်မြို့ (မေမြို့) ရှိ စစ်လက်နက် နည်းပညာဆိုင်ရာ တက္ကသိုလ် တည်နေရာပြ မြေပုံကို ဂြိုဟ်တုမှ တဆင့် တွေ့မြင်ရပုံ

ယမန်နေ့ည ကမ္ဘာ့ဖလား ဘောလုံး ကွင်းဖွင့်ပွဲ အပြီးတွင် အစိုးရ MRTV ရုပ်/သံ သတင်းဌာနက ထုတ်လွှင့်ပြသခဲ့ပြီး ယနေ့ထုတ် စစ်အစိုးရပိုင် သတင်းစာများ တွင်လည်း ယင်းသတင်းကို ဖော်ပြထားသည်။

ဒီမိုကရက်တစ် မြန်မာ့အသံ(DVB) နှင့် အယ်လ်ဂျာဇီးရားတို့ ပူးပေါင်း ထုတ်လွှင့်ခဲ့သော မြန်မာနိုင်ငံသည် မြောက်ကိုရီးယားနိုင်ငံနှင့် ပူးပေါင်း၍ နျူကလီးယားလက်နက် ထုတ်လုပ်ရန် ကြိုးပမ်းဆောင်ရွက်နေသည့်သတင်းမှာ နိုင်ငံရေးအရ ထိုးနှက်ချက်များသာ ဖြစ်ကြောင်း မြန်မာ နိုင်ငံခြားရေး ၀န်ကြီးဌာန၏ ထုတ်ပြန်ချက်ကို ကိုးကား၍ အစိုးရပိုင် သတင်းဌာနများက ရေးသားသည်။

DVBသတင်းဌာန ချင်းမိုင်ဌာနခွဲ တာဝန်ခံ ကိုတိုးဇော်လတ်က“ကျနော်တို့ သတင်းဌာနက သတင်းဌာနတွေလိုက်နာသင့်တဲ့ စည်း မျဉ်း စည်းကမ်းနဲ့အညီ လုပ်တာပါ၊ ဘယ်သူ့ကိုမှ စွပ်စွဲတာမျိုး မရှိပါဘူး ၊ ကျနော်တို့ ဌာနရဲ့ အဓိက ရည်ရွယ်ချက်က သတင်း ၊ ပညာရေး ၊ ဖျော်ဖြေမှုဆိုတာတွေ ပေးဝေဖို့ပါ၊ ဘယ်အဖွဲ့အစည်း ၊ လူပုဂ္ဂိုလ်ကိုမှ နစ်နာပါစေဆိုတဲ့ ရည်ရွယ်ချက်မရှိပါဘူး ၊ ဒါပေ မယ့် တကယ်ဖြစ်ရင်တော့ ဖြစ်နေတာကို ဖြစ်တဲ့အတိုင်း ကျနော်တို့ သတင်းထုတ်မှာပါ"ဟု ပြောသည်။

နော်ဝေးနိုင်ငံ အခြေစိုက် DVB ရုပ်သံဌာနကို ၁၉၈၃ ခုနှစ်တွင် အမေရိကန်နိုင်ငံ၌ ဖွဲ့စည်းခဲ့သည့် The National Endowment for Democracy (NED) က အဓိက ပံ့ပိုးပေးနေပြီး NED အဖွဲ့အတွက် ရန်ပုံငွေကို အမေရိကန်ကွန်ဂရက်က နှစ်စဉ် ငွေကြေး ထောက်ပံ့ ပေးနေသည်ဟုလည်း နအဖ သတင်းစာများတွင် ရေးသားထားသည်။

မြန်မာနျူကလီးယားဆိုင်ရာ သတင်း ထုတ်လုပ်ပေးခဲ့သည့် DVB ကို The National Endowment for Democracy (NED) အဖွဲ့က ထောက်ပံ့မှုများရှိသော်လည်း အဓိကပံ့ပိုးနေသည့် အဖွဲ့အစည်းမဟုတ်ဟု ကိုတိုးဇော်လတ်က ငြင်းဆိုလိုက်ပြီး ယခု မြန်မာ နျူကလီးယားသတင်း ပျံ့နှံ့မှုတွင် အမေရိကန်က နောက်ကွယ်မှ ပါဝင်ပတ်သက်နေသည်ဟု နအဖ က စွပ်စွဲလိုခြင်းသာ ဖြစ် ကြောင်းလည်း တုံ့ပြန် ပြောဆိုသည်။

နအဖ သတင်းစာများတွင် DVB သည် လူသတ်သမား လေလှိုင်းသံ တခုဖြစ်သည်ဟုလည်း စွပ်စွဲ ရေးသားထားသည်။

“သူတို့ အစိုးရပိုင် သတင်းဌာနတွေက စာနယ်ဇင်းကျင့်ဝတ်နဲ့အညီ လုပ်နေတာမှ မဟုတ်တာ။ ကျနော်တို့မှာက စကားလုံး အသုံး အနှုန်းကအစ သတိထားရပါတယ် ၊ နအဖ သတင်းစာတွေကတော့ တပ်ပြေး ၊ ၀ရမ်းပြေး ၊ လူသတ်သမား လေလှိုင်းသံ ဆိုတာ မျိုးတွေ သုံးထားတယ် ၊ အဲဒီလို အသုံးအနှုန်းတွေ ကြည့်ခြင်းအားဖြင့် ဒီသတင်းဌာနရဲ့အဆင့်အတန်းကို လူတွေ သိနိုင်တာပေါ့ဗျာ၊ မြန်မာပြည်ကလူတွေ သိကြပါတယ်"ဟု ကိုတိုးဇော်လတ်က ဆက်လက် ပြောဆိုသည်။

ယင်း စစ်အစိုးရ၏ နျူကလီးယား စီမံကိန်းနှင့် ဥမင် လိုဏ်ခေါင်းဆိုင်ရာ ထိပ်တန်း လျှို့ဝှက် စာရွက်စာတမ်းများကို ဗိုလ်မှူး စိုင်းသိန်းဝင်း ဆိုသူက ယူဆောင်၍ ၂၀၁၀ ဖေဖော်ဝါရီလတွင် ပြည်ပသို့ ထွက်ပြေး တိမ်းရှောင်လာခဲ့ခြင်းဖြစ်ကြောင်း သိရသည်။

ထို့နောက် ယင်း လျှို့ဝှက် စီမံကိန်းများကို DVB နှင့် အယ်လ်ဂျာဇီးရား သတင်းဌာနများမှ တဆင့်ထုတ်လွှင့်ခဲ့ခြင်းဖြစ်သည်။

ယင်း စာရွက်စာတမ်းနှင့် အထောက်အထားများကို သုံးသပ်ရေးသားထားသည့် စာမျက်နှာ ၂၀ ကျော်ရှိသော“မြန်မာနိုင်ငံ နျူကလီး ယား ဆိုင်ရာ လူပ်ရှားမှုများ”စာတမ်းတွင် အထောက်အထား အချက်အလက်နှင့် ဓာတ်ပုံ၊ မြေပုံများဖြင့် ဖော်ပြထားသည် ကိုတွေ့ရ သည်။

အဆိုပါ ဗိုလ်မှူး စိုင်းသိန်းဝင်းသည် စစ်သက် ၁၅ နှစ်ရှိ ပြီး ဒုံးပျံအင်ဂျင် အထူးပြု ဘာသာရပ်နှင့် ရုရှားမှ ဘွဲ့ရခဲ့သူ ဖြစ်သကဲ့သို့ မကွေးတိုင်း ပခုက္ကူခရိုင် မြိုင်မြို့နယ် အတွင်းရှိ လျှို့ဝှက် စစ်လက်နက်ပစ္စည်း ထုတ်လုပ် ရေးစက်ရုံမှ ဒုတိယ အကြီးအကဲ တဦး လည်း ဖြစ် ကြောင်း သိရသည်။
စစ်အစိုးရ သတင်းစာတွင် ဗိုလ်မှူးစိုင်းသိန်းဝင်းကို ဗိုလ်ကြီးအဆင့်သာရှိသည်ဟု ဖော်ပြမှုမှာလည်း မှန်ကန်မှုမရှိဟု ကိုတိုးဇော်လတ်က ဆက်လက်ပြောဆိုသည်။

“သူက ဗိုလ်မှူးပါ ၊ ဖြစ်တာတော့ မကြာသေးဘူး ၊ လပိုင်းပဲရှိသေးတယ် ၊ ဒါပေမယ့် နအဖက ရှုတ်ချချင်တော့ ဗိုလ်ကြီးအဆင့်ပဲ ရှိတယ်လို့ လုပ်တာပါ ၊ ကျနော်တို့ တော်တော်ကြာကြာကတည်းက သူနဲ့ ချိတ်ဆက်မိထားတာပါ"ဟု ၄င်းက ဆိုသည်။

မြန်မာနျူကလီးယားသတင်း အယ်လ်ဂျာဇီးရားမှထုတ်လွှင့်ပြသမှု မတိုင်ခင်တွင် မြန်မာစစ်အစိုးရနှင့် ပုလဲပနံသင့်သော အမေရိကန် အထက်လွှတ်တော် အမတ် ဂျင်မ် ဝက်ဘ်က မြန်မာပြည်ခရီးစဉ်ကို မြောက်ကိုရီးယားနှင့် နျူကလီးယား ဆက်ဆံရေးကြောင့် ဟုဆိုကာ ဇွန်လ ၃ ရက်နေ့တွင် ရုတ်တရက် ဖျက်သိမ်းခဲ့သည်။

စင်ကာပူ နိုင်ငံ၌ ဇွန်လ ၄ ရက်မှ ၆ ရက်နေ့ အထိ ကျင်းပသော ရှန်ဂရီလာ ဒိုင်ယာလော့ဂ် (Shangri-La Dialogue) ဆွေးနွေးပွဲ ခေါ် ၉ ကြိမ်မြောက် အာရှလုံခြုံရေး ထိပ်သီး ဆွေးနွေးပွဲတွင် မြန်မာ နျူကလီးယား အရေးနှင့် ပတ်သက်၍ တံခါးပိတ် ဆွေးနွေးပွဲ တခု ပြုလုပ်ခဲ့သေးသည်။

အဆိုပါအစည်းဝေးသို့ ဒုတိယ ကာကွယ်ရေး ဝန်ကြီး ဗိုလ်ချုပ် အေးမြင့်တက်ရောက်ရန်ရှိသော်လည်း အယ်လ်ဂျာဇီးရား သတင်းဌာနက မြန်မာ့နျူကလီးယားသတင်း ထုတ်လွှင့်ခဲ့ရာ တက်ရောက်ခြင်းမရှိတော့ဘဲ သံအမတ်ကြီး ဦးဝင်းမြင့်သာ တက်ရောက်ခဲ့သည်။

ဗိုလ်မှူး စိုင်းသိန်းဝင်း ယူဆောင်လာသော အချက်အလက်များကို နိုင်ငံတကာ အဏုမြူစွမ်းအင် အေဂျင်စီ (IAEA) ၏ ညွှန်ကြား ရေးမှူးဟောင်း ရောဘတ် ကယ်လီက လနှင့်ချီ၍ လေ့လာဆန်းစစ်ပြီးနောက် စာရွက်စာတမ်းနှင့် ဓာတ်ပုံ အထောက်အထားများ တွင်ပါရှိသော စက်ယန္တရား ပစ္စည်းများသည် နျူကလီးယား ဆိုင်ရာ လက်နက်များ ထုတ်လုပ်ရန် အသုံးဝင်သည်ဟု မှတ်ချက်ချ ထားကြောင်း သိရသည်။

အရှင်ဂမ္ဘီရကို ရွေးကောက်ပွဲ သဘောထား မေးမြန်း

စစ်ကိုင်းတိုင်း ကလေးမြို့ ထောင်တွင် အကျဉ်းကျနေသော အရှင် ဂမ္ဘီရကို ရဲ အထူးသတင်း တပ်ဖွဲ့က ရွေးကောက်ပွဲ အပေါ်ထားရှိသည့် သဘောထားများ မေးမြန်း ခဲ့သည်ဟု သိရသည်။

“ပြီးခဲ့တဲ့လ ၆ ရက်နေ့တုန်းက တခါ၊ ၂၆ ရက်တုန်းက တခါ လာမေးတယ်တဲ့။ ဦးဇင်းကတော့ ရွေးကောက်ပွဲလုပ်တာ လုပ်သင့်တယ်။ ကောင်းတယ်။ ဒါပေမယ့် ပါဝင်သင့် ပါဝင်ထိုက်တဲ့သူတွေပါဖို့လိုတယ်လို့ ပြန်ပြောလိုက်တယ်လို့ ပြောတယ်”ဟု ယနေ့ ထောင်ဝင်စာ သွားတွေ့သည့် မိခင်ဖြစ်သူ ဒေါ်ရေးက ပြောသည်။

ထို့အပြင် ထောင်မှထွက်သည့်အချိန်တွင် ဘာအလုပ်ပြန်လုပ်မည်နည်းဟုလည်း မေးမြန်းသည်ဟု ဆိုသည်။

“ထောင်ကထွက်ရင်တော့ ဦးပဉ္ဇင်းက ဘုန်းကြီးပြန်ဝတ်ရုံပေါ့လို့ ပြောလိုက်တယ်တဲ့။ သူတို့က အဲ့ဒီလိုမေးတော့ လွှတ်ပေးဖို့များ စိတ်ကူးရှိလား မသိဘူး။ ဦးပဉ္ဇင်းကတော့ မသိဘူးလို့ ပြောတယ်”ဟု သူက ပြောသည်။

လာမည့် ဇွန်လ ၁၉ ရက်နေ့တွင် ကျရောက်မည့် အရှင် ဂမ္ဘီရ၏ ၃၁ နှစ်ပြည့် မွေးနေ့ကို ကလေးထောင်တွင်းတွင်ပင် အလှူပေး ကျင်းပရမည်ဖြစ်ကြောင်း မိခင်ဖြစ်သူကဆိုသည်။

အရှင်ဂမ္ဘီရ ဖမ်းဆီးခံရချိန်မှ စ၍ ယနေ့အချိန်ထိ မိဘများနေထိုင်သည့် မိထ္ထီလာ စက်မှုဇုန်ရှိ နေအိမ်သို့ အာဏာပိုင်များက မကြာခဏ လာရောက်စုံစမ်းစစ်ဆေးခြင်းများ ပြုလုပ်ဆဲဖြစ်သည်ဟု ဆိုသည်။

အရှင်ဂမ္ဘီရ၏ အကိုဖြစ်သူ ကိုအောင်ကျော်ကျော်၊ ညီဖြစ်သူ ကိုအောင်ကိုကိုလွင်နှင့် ယောက်ဖဖြစ်သူ ကိုမိုးထက်လျှမ်း တို့ မှာလည်း ၂၀၀၇ သံဃာ အရေးအခင်းတွင် ပါဝင်ပတ်သက်မှုများကြောင့် ဖမ်းဆီးခံကြရပြီး ရှမ်းပြည် တောင်ကြီးထောင်၊ ရခိုင်ပြည်နယ် ကျောက်ဖြူ ထောင် စသည့် နယ်ဝေးထောင်များတွင် နှစ်ရှည်ထောင်ဒဏ်များ ကျခံနေကြရသည်။

နာဂစ်ကယ်ဆယ်ရေး လုပ်ဆောင်ခဲ့သည့် အရှင်ဂမ္ဘီရ၏ အစ်မဖြစ်သူ မလွင်လွင်မြင့် တိမ်းရှောင်နေမှုကိုလည်း လာရောက် မေးမြန်းနေသည်ဟု ဆိုသည်။

ဒေါ်ရေးက “နာဂစ်တုန်းက အလှူလုပ်တဲ့သူတွေဖမ်းတော့ သမီးက ဒုက္ခသည်စခန်းမှာရောက်နေတာပါ။ သားအမိချင်း က တော့ အဆက်အသွယ်လုပ်မှာပဲ။ စကားပြောမှာပဲ။ ဒါတော့ အပြစ်မရှိပါဘူးနော်လို့ ပြောတော့ ကျနော်တို့ မေ့သွားလို့ မေးမိတာပါ ဘာညာနဲ့ တောင်းပန်သွားတယ်။ အဖေကြီးကတော့ ညကျတော့ သွေးတွေတိုးရော”ဟု ပြောသည်။

အရှင်ဂမ္ဘီရသည် ၂၀၀၇ ရွှေဝါရောင် သံဃာလှုပ်ရှားမှုတွင် ခေါင်းဆောင်တဦးအဖြစ် ပါဝင်ခဲ့ပြီး ၂၀၀၇ နိုဝင်ဘာလဆန်းတွင် ဖမ်းဆီးခံခဲ့ရသည်။ အမှုပေါင်း ၁၇ မှုနှင့် ထောင်ဒဏ် ၆၈ နှစ် ကျခံခဲ့ရသည်။

၂၀၀၈ ဇွန်လအတွင်းက အယူခံဝင်ခဲ့ရာ ထောင်ဒဏ် ၅ နှစ် လျှော့ချပေးခဲ့၍ ထောင်ဒဏ် ၆၃ နှစ်ဖြင့် ကလေးထောင်တွင် အကျဉ်းကျနေရခြင်းဖြစ်သည်။

ကလေးအကျဉ်းထောင်တွင် အရှင် ဂမ္ဘီရ၊ ရှမ်းတိုင်းရင်းသား ခေါင်းဆောင် ဦးစိုင်းညွန့်လွင်၊ ၈၈ ကျောင်းသားခေါင်းဆောင် ကိုအောင်နိုင်၊ တောင်ကုတ် NLD စည်းရုံးရေးမှူး ကိုမင်းအောင် အပါအ၀င် နိုင်ငံရေးအကျဉ်းသား ၂၀ နီးပါးရှိကြောင်း သိရ သည်။

ဧရာဝတီ လင်းပိုင် ၅ ကောင် တလအတွင်း သေဆုံး

မြန်မာနိုင်ငံရှိ ဧရာဝတီ လင်းပိုင်များ၏ သေဆုံးမှုသည် ဧပြီလတွင်းက အမြင့်ဆုံးဖြစ်ခဲ့ကြောင်း၊ တလအတွင်း ဧရာဝတီ လင်းပိုင် ငါးကောင် သေဆုံးကြောင်း လင်းပိုင်များအား သုတေသနပြု ထိန်းသိမ်း လေ့လာသူများ ထံမှ သိရှိရသည်။

ဧရာဝတီ လင်းပိုင် (ဓာတ်ပုံ - EPA)

“ပထမဆုံး စစ်ကိုင်း တိုင်းထဲမှာ သေသွားတဲ့ ဧရာဝတီလင်းပိုင် နှစ်ကောင် တွေ့တယ်၊ သေတာကတော့ ဗန်းမော် ပတ်ဝန်း ကျင်ထဲမှာ သေတယ်၊ နောက် ကသာရဲ့ အရှေ့ဘက်ကမ်းမှာ တစ်ကောင်၊ စစ်ကိုင်းတိုင်းထဲက ရွာနှစ်ရွာမှာ တကောင်စီ ထပ်တွေ့တယ်”ဟု ရန်ကုန်မြို့မှ လင်းပိုင်များကို ထိန်းသိမ်း လေ့လာနေသူ တဦးက ပြောသည်။
လင်းပိုင်များ သေဆုံးရခြင်း အကြောင်းအရင်းနှင့် ပတ်သက်ပြီး“နှစ်ကောင်က သူ့ဘာသာ အသက်ကြီးလို့ သေဆုံးသွားတဲ့ သဘောပါ၊ ကျန်တဲ့ သုံးကောင်ကတော့ ငါးဖမ်းပိုက်တွေနဲ့ ငြိပြီးသေရတာပါ”ဟု ၎င်းကဆက်လက် ပြောပြသည်။

“တချို့လူတွေဟာ သူတို့တွေရဲ့ ငါးဖမ်းပိုက်တွေကို လင်းပိုင်တွေကို ကာကွယ်ထားတဲ့ နေရာတွေမှာ လာ ချထားတာမျိုး တွေ၊ ဘတ္ထရီအိုးတွေနဲ့ ငါးကို ရှော့ရိုက်ပြီးဖမ်းတာမျိုးတွေ ရှိပါတယ်၊ ဒါတွေဟာ လင်းပိုင်တွေအတွက် အကြီးမားဆုံး အန္တရာယ် ဖြစ်ပေါ်စေနိုင်ပါတယ်”ဟု ရုပ်ရှင်သရုပ်ဆောင် လွင်မိုး က ဧရာဝတီသို့ပြောသည်။

လွင်မိုးသည် ယမန်နှစ်က ဧရာဝတီ လင်းပိုင်များ အကြောင်းကို ဗီဒီယို မှတ်တမ်းအဖြစ် ထုပ်လုပ်ခဲ့သည်။

ယင်း ဧရာဝတီလင်းပိုင်မျိုးစိတ်ကို ကမ္ဘာက အမည်ပေး သတ်မှတ်ထားခြင်းဖြစ်ပြီး တခြားနိုင်ငံများမှလည်း ဧရာဝတီ လင်းပိုင်ဟုသာ ခေါ်ကြသည်။

လင်းပိုင်များကို ကာကွယ်ရန်အတွက် ထိန်းသိမ်း လေ့လာရေးအဖွဲ့သည် ထိန်းသိမ်းရေးလုပ်ငန်းများနှင့် ပညာပေးလုပ်ငန်း များကို လုပ်ဆောင်နေပြီး ရွာသားများသည်လည်း လင်းပိုင်များကို တမင် ရည်ရွယ်၍ သတ်ဖြတ်ခြင်းမျိုးများ မရှိကြောင်း လင်းပိုင်များ သုတေသနပြု လေ့လာသူ တဦးကလည်း ပြောသည်။

“လင်းပိုင်တွေ သေရတာကတော့ အများဆုံးက အသက်ကြီးလို့ သေတာမျိုးတွေ၊ ငါးဖမ်းပိုက်တွေနဲ့ မတော်တဆ ငြိပြီး သေတာမျိုးတွေဖြစ်ပါတယ်၊ လင်းပိုင်တွေရှိတဲ့ ဒေသတွေမှာ နေတဲ့လူတွေကတော့ လင်းပိုင်ကို သတ်တာမျိုးတွေတော့ မရှိပါဘူး၊ ဒေသခံတွေရဲ့ ယုံကြည်မှုကိုက လင်းပိုင်ကို သတ်ရင် ကံမကောင်းတတ်ဘူး ဆိုတဲ့ ယုံကြည်မှုတွေ ရှိတယ်လေ” ဟု ၎င်းကပြောသည်။

ဧရာဝတီ လင်းပိုင် အကောင်ရေသည်၂၀၀၄ ခုနှစ်အထိ ၇၂ ကောင်သာရှိပြီး ယခုအချိန်တွင် ၈၉ ကောင် အထိ တိုးပွား လာပြီ ဖြစ်သည်။

ဧရာဝတီ လင်းပိုင်များ ထိန်းသိမ်း လေ့လာရေးအဖွဲ့၏ မှတ်တမ်းများအရ ၂၀၀၁ ခုနှစ်မှ ၂၀၁၀ မေလ အထိ လင်းပိုင်များ သေဆုံးမှုမှာ အကောင်၂၀ ခန့်သာ ရှိခဲ့ပြီး ယခု ဧပြီလအတွင်း သေဆုံးမှုမှာ တလအတွင်း အများဆုံး သေဆုံးမှု ဖြစ်ကြောင်း သိရှိရသည်။

နအဖ တပ် ကို KNU ခြုံခိုတိုက်၊ ၁၂ ဦး ကျဆုံး ၂၂ ဦး ဒဏ်ရာရ

မွန်ပြည်နယ်နှင့် ကရင်ပြည်နယ် အတွင်း နအဖ စစ်တပ်နှင့် ကရင်အမျိုးသား အစည်းအရုံး (KNU) တပ်ဖွဲ့ ဝင်များ မကြာသေးခင်က တိုက်ပွဲများ ဖြစ်ပွားမှုကြောင့် နအဖ စစ်သား စုစုပေါင်း ၁၂ ဦး ကျဆုံးပြီး ၂၂ ဦး ဒဏ်ရာရရှိခဲ့ကြောင်း သိရသည်။

မွန်ပြည်နယ် သံဖြူရပ်မြို့ နယ်အတွင်း၌ နအဖ စစ်တပ် ယဉ်တန်းတခုကို ဇွန်လ ၁၀ ရက်နေ့ က KNU တပ်ဖွဲ့ ဝင်များက ခြုံခို တိုက်ခိုက်လိုက် သောကြောင့် နအဖ တပ်ဖွဲ့ ဝင် ၁၁ ဦးသေဆုံးပြီး ၂၀ ခန့် ဒဏ်ရာရရှိကြောင်း KNU ပြောသည်။

“နအဖတပ် ခမရ ၄၀၁ နဲ့ ခမရ ၄၀၉ က စစ်ကြောင်းနှစ်ခုက ဗျူဟာမှူး အပြောင်းအရွှေ့ မှာ လမ်းလုံခြုံရေးလာယူတာကို ကျနော် တို့ဘက်က အမြင့်ကနေ လက်ပစ်ဗုံးနဲ့ ခြုံခိုတိုက်ခိုက်လိုက်တာဖြစ်တယ်၊ စစ်ကားတစီးပေါ်ကို တည့်တည့်မတ်မတ် ကျသွားလို့ စစ်သား ၁၁ ယောက်သေပြီး ၂၀ ဒဏ်ရာရသွားတယ်လို့ သတင်းရတယ်”ဟု KNU/KNLA တပ်မဟာ (၆)မှ ပြောခွင့်ရပုဂ္ဂိုလ် ဖဒိုစောထဲနေက ဧရာဝတီသို့ ပြောပြသည်။

မွန်ပြည်နယ် သံဖြူဇရပ်မြို့ နယ်ရှိ ဂျပန်တောင် စခန်းရှေ့ သို့ ရောက်ရှိလာသော အဆိုပါ ယဉ်တန်းကို ကရင်အမျိုးသား လွတ်မြောက်ရေး တပ်မတော် (KNLA) တပ်ရင်း ၁၆ က တပ်စုမှူး ဖိုးထွန်းနှင့် တပ်သားတယောက်က လက်ပစ်ဗုံး၊ M-79 လက်နက်များဖြင့် တောင်ပေါ်မှနေ၍ ပစ်ချလိုက်သောကြောင့် ယဉ်တန်းကိုထိကာ ယဉ်ပေါ်တွင်ပါလာသော စစ်လက်နက်များ ထပ်မံပေါက်ကွဲသဖြင့် ယခုကဲ့သို့ အကျအဆုံးများသွားခြင်းဖြစ်သည်ဟု ဖဒိုစောထဲနေက ထပ်ဆင့်ပြောသည်။

ဒဏ်ရာရရှိသူများကို သံဖြူဇရပ်မြို့ နယ် ပြည်သူ့ ဆေးရုံနှင့် ခလရ (၆၂) တပ်ရင်းဆေးရုံတွင် ကုသလျက်ရှိသည်ဟု စစ်တပ် အသိုင်းဝိုင်းမှ သတင်းများအရသိရသည်။ အတည်မပြုနိုင်သေးသော သတင်းများအရ ဆေးရုံတွင် နောက်ထပ် စစ်သားသုံးဦး ထပ်မံသေဆုံးသွားသည်ဟုလည်း ကြားသိရသည်။

နအဖက မေလ ၁၇ ရက်နေ့ တွင် KNU ကို တိုက်ခိုက်ရန်အတွက် စီစဉ်နေသောကြောင့် နအဖစစ်ကြောင်းကို ဦးကျိုးသွားစေရန် ကြိုတင် ခြုံခိုတိုက်ခိုက်လိုက်ခြင်းဖြစ်သည်ဟု ဖဒိုစောထဲနေက ဆိုသည်။

အလားတူ ဇွန်လ ၁၀ ရက်နေ့ကပင် ထိုင်း-မြန်မာနယ်စပ် ဘုရားသုံးဆူ ဒေသ မြိုင်သာယာရွာအနီးတွင် ရှေ့ တန်းပြန် နအဖ စစ်တပ် ခမရ ၂၈၄ တပ်ရင်း စစ်ကြောင်းကို KNLA တပ်ရင်း ၁၆ မှ ခွဲ ၂ တပ်စုမှူး နားပိုးဦးစီးသော တပ်စုမှ ရှေ့ ထွက်မိုင်းဖြင့် တိုက်ခိုက်ခဲ့ သောကြောင့် နအဖ စစ်သား တဦးသေဆုံးပြီး နှစ်ဦး ဒဏ်ရာရရှိခဲ့သည်ဟုလည်း သိရသည်။

ထို့ကြောင့် ဇွန်လ ၁၀ ရက်နေ့ က KNLA မှ ခြုံခိုတိုက်ခိုက်မှုကြောင့် နအဖ စစ်သား စုစုပေါင်း ၁၂ ဦး ကျဆုံးပြီး ၂၂ ဦး ဒဏ်ရာရရှိ ခဲ့ကြောင်း တပ်မဟာ(၆)မှ သတင်းပေးချက်အရ သိရှိရသည်။

ယမန်နေ့ ညဦးပိုင်းကလည်း ကရင်ပြည်နယ် ကော့ကရိတ်မြို့ နယ် တောင်ဘက် ၃ မိုင်အကွာရှိ ရွာသစ်ကုန်းရွာအနီးတွင် KNU တပ်ဖွဲ့ ဝင်များနှင့် နအဖ စစ်တပ်များအကြား တိုက်ပွဲများဖြစ်ပွားခဲ့သေးကြောင်း ကရင် စစ်ရေးသတင်းရပ်ကွက်များက ပြောသည်။

ထို့အတူ ဇွန်လ ၁၀ရက်နေ့ကလည်း ကရင်ပြည်နယ် ကော့ကရိတ်မြို့ နယ် ကနဲလေးရွာနှင့် မော်ဖို့ ကလို့ ကျေးရွာ ကြားတွင် နအဖ စစ်တပ်က ရိက္ခာ၊ ကျည်ဆန်နှင့် လက်နက်များ သယ်ဆောင်ခိုင်းထားသော ပေါ်တာတန်းတခုကို KNU တပ်က စီးနင်းသိမ်းပိုက် နိုင်ခဲ့သည်ဟု သိရသည်။

“နအဖ တပ်တွေက စစ်ဆင်ရေးအတွက် အသုံးပြုလာတဲ့ ပေါ်တာတန်းခုကို ကျနော်တို့ ဝင်စီးလိုက်လို့ သိမ်းဆည်းရမိတာတွေ ကတော့ စကားပြောစက် ၃ ခု၊ ကျည်ဆန် ၃ သေတ္တာ၊ စစ်ယူနီဖောင်း ၃၅စုံ၊ ဆန် ၂နှစ်အိပ်နဲ့ ငါးခြောက်၂အိပ်ဖြစ်ပါတယ်”ဟု တပ်မဟာ (၆)နယ်မြေ အထူးတပ်ရင်း ၂၀၂ မှ တပ်ရင်းမှူး ဗိုလ်မှူးကြီး ဘူးဖောက ပြောသည်။

သွားရောက် သိမ်းဆည်းသူများမှာ တပ်ခွဲ (၂)မှ တပ်ခွဲမှူး ဗိုလ်ခူဝါး၏ တပ်ဖွဲ့ ဝင်များဖြစ်သည်ဟု ၎င်းက ဆိုသည်။

KNU သည် နှစ်ပေါင်း ၆၀ ကျော် စစ်အစိုးရကို ဆန့်ကျင်တိုက်ပွဲဝင် နေသော တိုင်းရင်းသား လက်နက်ကိုင် အဖွဲ့ဖြစ်ပြီး ယခု အချိန်အထိ အပစ်အခတ်ရပ်စဲရေး ပြုလုပ်ခြင်း မရှိသေးပေ။