Pages

Subscribe

Saturday 1 May 2010

အလုပ်သမားအခွင့်အရေး ချိုးဖောက်ခံနေရသည့် ကရင်နယ်မြေတွင် မေဒေးနေ့ ကျင်းပ

မေလ ၁ရက်။ ကေအိုင်စီ

ကရင်ပြည်နယ်အတွင်းရှိ ခရိုင်သုံးခုတွင် ကော်သူးလေအလုပ်သမား သမဂ္ဂများအဖွဲ့ချုပ်(အက်ဖ်တီယူကေ)မှ ကြီးမှူး၍ ကမ္ဘာ့ အလုပ်သမားနေ့(မေဒေး) အခမ်းအနားကို ဒေသခံများနှင့်အတူ ကျင်းပပြုလုပ်ခဲ့ကြသည်ဟု သိရသည်။

မေဒေးနေ့ ကျင်းပပုံနှင့် ပတ်သက်၍ အက်ဖ်တီယူကေ စည်းရုံးရေးနှင့် ပြန်ကြားရေးတာဝန်ခံ စောလေစေးက “ကျနော်တို့ မေဒေးနေ့ကို သထုံ၊ ဖာပွန်နဲ့ ဒူးပလာယာခရိုင်တွေမှာ ကျင်းပပြုလုပ်တာပါ။ အစီအစဉ်ကတော့ ပထမပိုင်းမှာ ကြွေးကြော်သံ တွေနဲ့ချီတက်ကြပြီး ဟောပြောပွဲလုပ်တယ်။ ဒုတိယပိုင်းမှာတော့ အလုပ်သမားအခွင့်အရေးတွေ ချိုးဖောက်ခံရမှု ရပ်တန့်စေဖို့ ဘာသာပေါင်းစုံ ဆုတောင်းပွဲ လုပ်ကြတာဖြစ်တယ်”ဟု ကေအိုင်စီကို ပြောသည်။

ဖာပွန်ခရိုင်၊ လူသောမြို့နယ်တွင် ကျင်းပသည့် အခမ်းအနားတွင် ဒေသခံ ၃၀၀ကျော်က အဓမ္မလုပ်အားခိုင်းစေမှု၊ တိုင်းရင်း သားပြည်သူများအား တိုက်ခိုက်သတ်ဖြတ်မှုများနှင့် အဓမ္မ မြေယာသိမ်းပိုက်မှု ရပ်တန့်ရေး၊ အလုပ်သမားသမဂ္ဂ လွတ်လပ်စွာ ဖွဲ့စည်းလှုပ်ရှားခွင့်ရှိရေးနှင့် အလုပ်သမားအခွင့်အရေး ချိုးဖောက်ခံရမှုများကို မြန်မာပြည်အခြေစိုက် အိုင်အယ်လ်အိုသို့ တိုင် ကြားခွင့်ရှိရန် ကြွေးကြော်ခဲ့ကြသည်။

ညောင်လေးပင်ခရိုင်အတွင်း လမ်းဖောက်လုပ်ရေး အဓမ္မလုပ်အားခိုင်းစေမှု (ဓါတ်ပုံ - FTUK)



အဆိုပါလူသောမြို့နယ်တွင် ၁၉၉၇ခုနှစ်ကတည်းက ဒေသခံများ၏ လယ်မြေများကို စစ်တပ်က တဖြည်းဖြည်း သိမ်းပိုက်လာခဲ့ ခြင်းကြောင့် ဒေသခံရွာသားများ၏ လယ်ယာဧက ၂၀၀၀ကျော် သိမ်းပိုက်ခံခဲ့ရပြီး ယခုအချိန်ထိ ပြန်လည်မရရှိသေးဟုလည်း လယ်ယာဆုံးရှုံးခဲ့သူ စိုက်ပျိုးရေးလုပ်သားသမဂ္ဂအဖွဲ့ဝင် ထီးဘောခီးရွာသား စောဝေထူး ၄၇နှစ်က ယခုလို ကေအိုင်စီကို ပြော သည်။

“ကျနော်တို့ဒေသမှာ လယ်ယာမြေတွေကို စစ်တပ်က အတင်းသိမ်းပိုက်ယူလိုက်တာ ဧက ၂၀၀၀ကျော်သွားပြီ။ သူတို့(စစ်တပ်) က အဲလိုသိမ်းယူထားတဲ့ လယ်မြေတွေကို ဘာမှမလုပ်ဘဲ ကျနော်တို့တွေ လယ်မလုပ်နိုင်အောင် ဗုံးတွေထောင်ထားတယ်။ အခုချိန်ထိ ကျနော်တို့ လယ်တွေကို ပြန်မရသေးဘူး။ ဒါကြောင့် ကျနော်တို့ဒေသခံတွေဟာ လယ်မြေတွေ ဆုံးရှုံးခံရတဲ့အပြင် စားဝတ်နေရေး အခက်အခဲတွေကို ကြုံတွေ့နေရတယ်”ဟု ဆိုသည်။

ဧပြီလ ၂၇ရက်နေ့က ထီးဘောခီးရွာသားတဦးသည် ၎င်း၏လယ်ယာမြေသို့ ပြန်သွားရာ နအဖတပ်များ ထောင်ထားသည့် ဗုံးကို နင်းမိကာ ပွဲချင်းပြီး သေဆုံးသွားခဲ့သည်။

ယခုနှစ်အတွင်း ကရင်ပြည်နယ်၊ တောင်ငူခရိုင်အတွင်း စစ်တပ်၏ လုပ်အားခိုင်းစေမှုမှာ အများဆုံးဖြစ်ပြီး ထိုသို့ခိုင်းစေခံရသူ များထဲတွင် အက်ဖ်တီယူကေအဖွဲ့ဝင် ရွာသားများလည်း ပါဝင်သည်ဟု စောလေစေးက ပြောသည်။
သူက “ကျနော်တို့ သိရှိသလောက်ဆို တောင်ငူခရိုင်မှာက လုပ်အားပေးဒဏ်ခံရတာ အများဆုံးပဲ။ တပ်ရိက္ခာသယ်ရတာ၊ တပ် စခန်း ဆောက်လုပ်တာ၊ ကင်းစောင့်ခိုင်းတာတွေ ရှိတယ်။ ဒါ့အပြင် စစ်တပ်က တရက်ကို ရွာသား ၂ယောက်စီ ခေါ်ထားပြီး ထင်းခုတ်၊ ၀ါးခုတ်၊ ထမင်းချက် စတာတွေ လုပ်ခိုင်းတယ်”ဟု ဆိုသည်။

ထိုသို့ အလုပ်သမားအခွင့်အရေး ချိုးဖောက်ခံနေရမှုများကို မြန်မာနိုင်ငံတွင်းရှိ အိုင်အယ်လ်အိုရုံးသို့ တိုင်ကြားရန်အတွက် သွား လာရေးခက်ခဲခြင်း၊ စစ်တပ်၏ ချုပ်ချယ်ကန့်သတ်မှုများကြောင့် လွတ်လပ်စွာ တိုင်ကြားခွင့်ပါ ဆုံးရှုံးနေရသည်ဟုလည်း အက်ဖ် တီယူကေက ပြောသည်။
ဖာပွန်ခရိုင်တွင် မေဒေးနေ့ကျင်းပလာခဲ့သည်မှာ ယခုဆိုလျှင် ၁၀ကြိမ်မြောက် ရှိသွားပြီဖြစ်ပြီး အလားတူ အခမ်းအနားကို ကေ အဲန်ယူ တပ်မဟာ(၆)နယ်မြေ ဒူးပလာယာခရိုင်နှင့် သထုံခရိုင်၊ ဘီးလင်းမြို့နယ်တို့တွင်လည်း တချိန်တည်း ပြုလုပ်ခဲ့ကြသည် ဟု သိရသည်။

၁၉၉၈ခုနှစ်က စတင်ဖွဲ့စည်းခဲ့သည့် အက်ဖ်တီယူကေအဖွဲ့သည် စိုက်ပျိုးရေး၊ ပညာရေးနှင့် ကျန်းမာရေးလုပ်သားများသမဂ္ဂဟူ၍ သမဂ္ဂအဖွဲ့ငယ်သုံးဖွဲ့ခွဲကာ ကရင်ပြည်နယ်အတွင်း အလုပ်သမားသမဂ္ဂများ ဖွဲ့စည်းကာ ဒီမိုကရေစီစနစ်ကို ဦးတည်သည့် အ လုပ်သမားအရေးဆိုင်ရာ စည်းရုံးရေးနှင့် ပညာပေးရေးလုပ်ငန်းများကို လုပ်ဆောင်လျှက်ရှိပြီး မြန်မာအလုပ်သမားသမဂ္ဂများ အဖွဲ့ချုပ်(အက်ဖ်တီယူဘီ)နှင့် ပူးပေါင်းလုပ်ဆောင်သည့် အဖွဲ့တခုဖြစ်သည်။

KNLA နှင့် နအဖတို့ တနာရီကြာ တိုက်ပွဲတွင် နှစ်ဖက်ထိခိုက်ကျဆုံး

မေလ ၁ရက်။ စောသိန်းမြင့် (ကေအိုင်စီ)

ကရင်ပြည်နယ် ကော့ကရိတ်မြို့နယ် ဝေါ်လေဂွင်၌ ကရင်အမျိုးသားလွတ်မြောက်ရေးတပ်မတော် KNLA နှင့် နအဖစစ်တပ်တို့ ကြား ယနေ့မနက် တစ်နာရီကြာ တိုက်ပွဲဖြစ်ပွားခဲ့ရာ နှစ်ဘက်ထိခိုက်သေဆုံးမှုရှိကြောင်း သတင်းရရှိသည်။

ယနေ့မနက် ၆နာရီတွင် ဝေါ်လေဂွင်ရှိ ကနဲလေးနှင့် မော်ဖိုးကလိုးရွာကြား၌ တပ်အင်အား (၃၀)ခန့်ရှိ နအဖ စစ်တပ်မှ ခမရ (၄၀၅)တပ်ရင်းနှင့် KNLA တပ်ရင်း(၂၀၁)တပ်ဖွဲ့တို့ ထိပ်တိုက်တိုးကာ တိုက်ပွဲဖြစ်ပွားခြင်းဖြစ် သည်ဟု KNLA တပ်ရင်း (၂၀၁) ဒုတပ်ရင်းမှူး ဗိုလ်မှူးစောကြည်အောင်က ပြောသည်။

သူက “ဒီမနက် ၆း၄၀ ကနေ ၇း၄၀အထိ ဖြစ်ခဲ့တယ်။ ကျနော်တို့ဘက်က အရာခံဗိုလ်တယောက် အသက်ပေး လိုက်ရတယ်။ နအဖဘက်က တယောက်သေတယ်။ ၅ယောက် ဒဏ်ရာပြင်းထန်တယ်”ဟု ပြောသည်။
လက်နက်ကြီးငယ်များဖြင့် အပြန်အလှန်ပစ်ခတ်သောကြောင့် အဆိုပါတိုက်ပွဲမှာ ယနေ့မနက်တွင် ဆူညံသွား ကြောင်း ဝေါ်လေ ဂွင်ရှိ ဒီကေဘီအေ တပ်ရင်း(၉၀၇)မှ တပ်မှူးတဦးက ပြောသည်။

အဆိုပါတပ်ရင်းနှစ်ဖက်သည် ယမန်နေ့ မွန်းလွဲ ၂နာရီခန့်တွင် (၅)မိနစ်ခန့် တိုက်ပွဲ ထပ်မံဖြစ်ပွားရာ နအဖဘက်မှ (၃)ဦး ထိ ခိုက်ဒဏ်ရာရပြီး ကေအဲန်အယ်လ်အေဘက်က ထိခိုက်မှုမရှိကြောင်း သိရသည်။

(ကေအဲန်ယူ တပ်ရင်း-၂၀၁ တပ်ဖွဲ့ဝင်များ)


မဲဆောက်မြို့တောင်ဘက် (၁၂၀)ကီလိုမီတာ အကွာအဝေးရှိ ကေအဲန်ယူ တပ်မဟာ (၆)နယ်မြေ ဝေါ်လေဂွင် တွင် KNLA နှင့် နအဖတပ်ဖွဲ့ဝင်တို့ကြား ယခုနှစ်အတွင်း မကြာခဏ တိုက်ပွဲဖြစ်ပွားခဲ့ရာ နအဖဘက်မှ ထိခိုက် သေဆုံးမှုများ ရှိသော်လည်း ကေအဲန်ယူဘက်မှ ယခု ထိခိုက်သေဆုံးမှုမှာ ပထမဆုံးဖြစ်သည်။
တဆက်တည်းတွင် နအဖစစ်အစိုးရ၏ နယ်ခြားစောင့်တပ် အသွင်ကူးပြောင်းရေးကိစ္စကို လက်မခံသည့် ဗိုလ်မှူးကြီး စောလား ပွယ် (ဗိုလ်နှုတ်ခမ်းမွှေး)ဦးဆောင်သော ဒီကေဘီအေ တပ်မဟာ(၅)မှ တပ်ရင်း (၉၀၇) တပ်ဖွဲ့ဝင်များသည် ထိုဒေသတွင် စစ် ရေးပြင်ဆင်မှုများလုပ်ဆောင်နေသည်ဟု နီးစပ်သူများက ပြောသည်။

ယင်းစစ်ရေးလှုပ်ရှားမှုများကြောင့် အကြီးအကျယ် ထိခိုက်မည်ကို စိုးရိမ်သဖြင့် ဒေသခံရွာသား ၃၀၀ကျော်မှာ ဧပြီလ ၂၇ရက် နေ့ညကတည်းက ထိုင်းနိုင်ငံဘက်ခြမ်းသို့ ထွက်ပြေးတိမ်းရှောင်လာခဲ့ကြောင်း ထိုင်း-မြန်မာအ ခြေစိုက် လူသားချင်းစာနာ ထောက်ထားသည့် အကူညီပေးရေးအဖွဲ့များက ပြောသည်။

ဝေါ်လေဂွင်တွင် နအဖ စစ်ကွပ်ကဲရေးဌာနချုပ်-စကခ(၈) လက်အောက်ခံ ခမရ(၄၀၅)တပ်ရင်း၊ ဒီကေဘီအေ တပ်မဟာ(၅) လက်အောက်ခံ (၉၀၇)တပ်ရင်းနှင့် ကေအဲန်အယ်လ်အေ (၂၀၁)တပ်ရင်းတို့ လှုပ်ရှားလျှက် ရှိ သည်။

နအဖ ခမရ(၄၀၅)တပ်ရင်းသည် ပြီးခဲ့သည့် ဇန်န၀ါရီလကုန်မှစ၍ ယခင်တပ်ရင်း ခမရ(၄၀၉)နှင့်တပ်အပြောင်း အလဲလုပ်ကာ ၀င်ရောက်လှုပ်ရှားလာခဲ့ခြင်း ဖြစ်သည်။

ပေါ့လျော့မှုကြောင့် ကျည်လွတ်ထွက် CF-SSA ခြုံခိုတိုက်သည်ဟု လားရှိုးဒုတိုင်းမှူးစွပ်စွဲ

E-mail Print

နအဖ စစ်ယာဉ်တန်းက မိမိဖာသာ ပေါ့လျော့မှုကြောင့် မိမိကျည်လွတ်ထွက်မှုကို အပစ်ရပ်သျှမ်းပြည် တပ်မတော်ခြုံ ခိုတိုက်ခိုက်သည်ဟု လားရှိုးဒုတိုင်းမှူးက SSA ရုံးတာဝန်ခံအားခေါ်ပြော စွပ်စွဲခဲ့ကြောင်း စုံစမ်းသိရှိရပါသည်။

အပစ်ရပ် (၄၆ နှစ်မြောက် SSA မွေးနေ့) သျှမ်းပြည်တပ်မတော် တပ်မဟာ ၁

“မနေ့ကဖြစ်တဲ့ခြုံခိုတိုက်ခိုက်မှုဆိုတာ မဟုတ်ဘူး၊ ကျနော်တို့ အတိအကျ စုံစမ်းပြီးပြီ။ စစ်ယာဉ်တန်းက နအဖစစ်သား တွေပေါ့လျော့မှုကြောင့် သူတို့အော်တိုသေနတ် MA 79 ကျည်လွတ်ထွက်ပြီး သူတို့ အချင်းချင်းပြန် ထိမိတာ၊တယောက် သေတယ်၊ ၄ ယောက်ဒဏ်ရာရတယ်။ အဲဒါကိုလားရှိုးဒုတိုင်းမှူးက အသေအချာမစစ်ဆေး ဘဲနဲ့ ကျနော်တို့ လားရှိုး ရုံးတာဝန်ခံကို ဆင့်ခေါ်ပြီး ‘တပ်မဟာ ၁ က ခြုံ ခိုတိုက်ခိုက်တာ၊ ဒီကိစ္စတာဝန်မယူရင် စစ်ရေးနဲ့ ပြန်အရေးယူမယ်’ ပြောတယ်၊ အကြောင်းမရှိ အကြောင်းရှာပြီး စွပ်စွဲတာဘဲ” - ဟု တပ်မဟာ ၁ တပ်မှူး တဦးကပြောပါသည်။
ဧပြီ ၂၉ ရက် ခမယ ၃၂၆ တန့်ယန်း စစ်ယာဉ်တန်း ၃ စီး တန့်ယန်းဘက်မှ လားရှိုးဘက်သို့ ခရီးထွက်စဉ် မိုင်း ရယ်မြ့နယ် ဟိုယကျေးရွာအုပ်စု - ဟိုယ နှင့် လွိုင်ငင်း အကြား ၎င်းတို့ပေါ့လျော့မှုကြောင့် မတော်တဆ ဖြစ်ရသည့် ကိစ္စအပေါ် ရမခ (အရှေ့မြောက် ပိုင်းတိုင်း စစ်ဌာနချုပ်) ဒုတိုင်းမှူးက မြောက်ပိုင်း အပစ်ရပ် သျှမ်းပြည် တပ်မတော် လက်ချက်အဖြစ် စွပ်စွဲသည်ဟု ဆိုသည်။

နအဖအာဏာပိုင်များ ပြဿနာအရင်းအမြစ် အတိအကျ စုံစမ်းသင့်ကြောင်း ၊ အပစ်ရပ် SSA ကို ယခုကဲ့ သို့ လက်လွတ် စပယ် လက်ညှိုးမထိုးသင့်ကြောင်း - ဤကဲ့သို့ ဆက်ပြော၏။

“(အပစ်ရပ်)သျှမ်းပြည်တပ်မတော် အနေနဲ့ စပစ်ဖို့ အမိန့်အာဏာမရှိ၊ နအဖ စစ်တပ်ကျူးကျော်လာမှ မိမိ ကိုယ်မိမိ ခုခံကာကွယ်ဖို့ဘဲရှိတယ်။ နအဖ နဲ့ ဗိုလ်မွန်းပေါင်းပြီး အကြံအဖန်ထုတ်တာလဲ ဖြစ်နိုင်တယ်။ တကယ်မတော်တဆဖြစ် တဲ့ကိစ္စ ဖြစ်ချင်ဖြစ်မယ်၊ တမင်ကြံဖန် လံကြိုပ် ဇာတ်လမ်းဆင်တာလဲဖြစ်နိုင်တယ်” - ဟုသျှမ်းသံ တော်ဆင့်သို့ပြန်လည် ပြောပြပါသည်။

၁၉၆၄ က စတင်တည်ထောင်ခဲ့သော သျှမ်းပြည်တပ်မတော်သည် ၁၉၈၉ တွင် (ထောင် ၁၀၆ နှစ် ကျခံနေ ရသည့် ) ဗိုလ်ချုပ်ဆေထဲန် ဦးဆောင် အပစ်ရပ်ခဲ့သည်။ အထူးဒေသ ၃ အပစ်ရပ် သျှမ်းပြည်တပ်မတော်အမည် ဖြင့် ရပ်တည် ခဲ့သော်လည်း ထိုစဉ် န၀တ က အထူးရဲ တပ်ဖွဲ့အနေဖြင့်သာ သဘောထားဆက်ဆံခဲ့သည်။

ယခုအသွင်ပြောင်းမည့်ကိစ္စတွင် CF - SSA အနေဖြင့် မူအားဖြင့်သာလက္ခံထားပြီး ‘လူသူလက်နက်စာရင်း တချို့ပေး ထားခဲ့သော်လည်း ရာနှုန်းပြည့်အသွင်ပြောင်းခြင်းမဟုတ်၊ သျှမ်းပြည်တပ်မတော် အမှတ်တံဆိပ် ဖြုတ်ပြီး ဌာနေ ပြည်သူ့ စစ်တံဆိပ်အစားထိုးတပ်ရမည်ဆိုပါက’ လုံးဝလက်ခံမည်မဟုတ်၊ ယခုအသွင်ပြောင်းစာရင်းပေးထားသည်မှာ လည်း ၁၀% လောက်သာရှိပြီး ၉၀% က လုံးဝ လက်မခံသေးကြောင်း အဆိုပါတပ်မှူး ကပြောပါသည်။

ပြည်နယ်နှင့်တိုင်းတချို့ အပူချိန်လွန်ကဲမှုဒဏ် ခံနေရ

မြန်မာနိုင်ငံ ပြည်နယ်နှင့်တိုင်း တချို့တွင် အပူချိန်လွန်ကဲ ခြင်းကြောင့် သက်ကြီးရွယ်အိုများနှင့် မွေးကင်းစ ကလေးငယ် များ၏ အသက်အန္တရာယ် စိုးရိမ်နေရကြောင်း ရန်ကုန်မြို့မှ ဆရာဝန်တဦးက ပြောသည်။ Read more Add comment (0) Hits: 1006

ရွေးကောက်ပွဲ အဖျက်သမား တိုက်ဖျက်ရန် ဗိုလ်ချုပ်မှူးကြီး တိုက်တွန်း

ပြည်တွင်း ပြည်ပ အဖျက်သမားများကို မြန်မာအလုပ်သမားကြီးများက တိုက်ဖျက်ပေးကြရန်နှင့် ၎င်းတို့၏ မူဝါဒများ အောင်မြင်ရေး ဆောင်ရွက်ကြရန် စစ်အစိုးရ ခေါင်းဆောင်၏ တိုက်တွန်းချက်ကို အတိုက်အခံနှင့် သုံးသပ်သူများက ဝေဖန် လိုက်သည်။ Read more Add comment (0) Hits: 1133

မေဒေးနေ့ လှုပ်ရှားမှုများ ပြုလုပ်

မေဒေးနေ့ လှုပ်ရှားမှုများ ပြုလုပ်ယနေ့ကျရောက်သည့် အကြိမ် ၁၂၀ မြောက် ကမ္ဘာ့အလုပ်သမားနေ့(မေဒေးနေ့) အထိမ်းအမှတ်ပြုလုပ်သော အခမ်းအနားများမှ အလုပ်သမား ရပိုင်ခွင့်များနှင့်ပတ်သက်ပြီး လေ့လာခွင့်ရခဲ့ကြောင်း ထိုင်းနိုင်ငံရောက် မြန်မာအလုပ်သမားများ က ပြောသည်။ Read more Add comment (0) Hits: 431

Last Updated ( Saturday, May 01, 2010 )

ပါတီခေါင်းဆောင် ၀န်ကြီးချုပ်ဖြစ်နေမှု ဥပဒေနှင့် ကိုက်ညီခြင်းမရှိ

ပါတီခေါင်းဆောင် ၀န်ကြီးချုပ်ဖြစ်နေမှု ဥပဒေနှင့် ကိုက်ညီခြင်းမရှိပြည်ထောင်စု ကြံ့ခိုင်ရေးနှင့်ဖွံ့ဖြိုးရေး ပါတီ ခေါင်းဆောင်အနေဖြင့် ၀န်ကြီးချုပ် ရာထူး ဆက်လက်ကိုင်စွဲထားခြင်းသည် ပါတီ မှတ်ပုံတင်ခြင်း ဥပဒေများနှင့် ကိုက်ညီခြင်းမရှိကြောင်း တခြားသော ပါတီများက ဝေဖန်မှုများရှိနေသည်။ Read more Add comment (1) Hits: 2834

ပဲခူးတိုင်းကျောက်တံခါးမှာ ဗုံးတွေဆက်တိုက်ပေါက်ကွဲခဲ့

kyauktakhaမြန်မာနိုင်ငံမှာခုရိုက်ပိုင်းအတွင်း ဗုံးပေါက်ကွဲမှုများ ဆက်တိုက်ဖြစ်ပွားခဲ့ရာမှာ မနေ့ညနဲ့ ဒီကနေ့ညနေတွေမှာတော့ ပဲခူးတိုင်းမှာ ဗုံးတွေပေါက်ခဲ့ပါတယ်။

စနေနေ့ညနေ၄နာရီခွဲလောက်က ပေါက်ခဲ့တဲ့ဗုံးက ပဲခူးတိုင်းညောင်လေးပင်ခရိုင် ကျောက်တံခါးမြို့နယ်က အမှတ် ၇၀ စက်မှုလယ်ယာထွန်စက် စခန်းမှာဖြစ်ပါသည်။
အဲဒီမှာ အဲဒီဗုံးပေါက်ကွဲမှု အတွင်း စက်မှုလယ်ယာ ၀န်ထမ်းတစ်ဦး ဒဏ်ရာရသွားပါတယ်။


သောကြာနေ့ ည ၁၀နာရီ လောက်က အဲဒီစခန်းမှာဘဲ ဗုံးနှစ်လုံးရှေ့ဆင့်နောက်ဆင့်ပေါက်ကွဲခဲ့ပါတယ်။

အဲဒီတုန်းက ထိခိုက်ဒဏ်ရာ ရသူ မရှိခဲ့ပေမဲ့ ထွန်စက် တလုံးပျက်စီးသွားတယ်လို့ ဒေသခံတဦးက ဘီဘီစီကို ပြောကြားခဲ့ပါတယ်။

ကျောက်တံခါးမြို့နယ်မှာ ခါတိုင်းနှစ်မှာတုန်းကတော့ မကြာခဏဆိုသလို ဗုံးတွေ ပေါက်ကွဲလေ့ရှိခဲ့ပြီး အခုဒီပေါက်ကွဲမှုတွေဟာ ဒီနှစ်ရဲ့ပထမဆုံး ပေါက်ကွဲမှုတွေဖြစ်ပါတယ်။

အခုလိုလုံခြုံရေး အားနည်းတဲ့မြို့နယ်မှာ ဗုံးတွေ စပေါက်လာတဲ့အတွက် လူထုကြားမှာ စိုးရိမ်မှုတွေဖြစ်ပေါ်နေပါတယ်။

ပြီးခဲ့တဲ့ သင်္ကြန်အကြတ်နေ့ကစပြီး ရန်ကုန်မြို့ ၊ကချင်ပြည်နယ် မြစ်ဆုံရေကာတာ ၊ ကယားပြည်နယ် လွိုင်ကော်ရဲစခန်းနဲ့ မွန်ပြည်နယ် ကျိုက်မရောမြို့တွေမှာ ဆက်တိုက်ဆိုသလို ဗုံးတွေပေါက်ကွဲခဲ့ပါတယ်။

ဒါပေမယ့် လက်သည်တရားခံတွေကိုတော့ ယနေ့ထိတိုင် မဖော်ထုတ်နိုင်သေးပါဘူး။