ဗိုလ်ချုပ်မှူးကြီးသန်းရွှေသား စက်သုံးဆီအရောင်းဆိုင်ဖွင့်

ချင်းမုိုင် (မဇ္ဈိမ) ။ ။ ဗိုလ်ချုပ်မှူးကြီးသန်းရွှေ၏သားနှင့် ဗိုလ်ချုပ်ကြီးသူရရွှေမန်း၏သားနှစ်ဦးတို့သည် စစ်အစိုးရ၏ အခြားသော လက်ရင်းလူယုံများနှင့် အသင်းအဖွဲ့များကဲ့သို့ပင် စက်သုံးဆီဖြန့်ဖြူးရောင်းချခွင့်ရသွားသည်။

စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေ၏သားဖြစ်သူ ဦးထွန်းနိုင်ရွှေပိုင်ဆို်င်သော မြန်မာနိုင်ဂရု(ပ်) Myanmar Naing Group ကုမ္ဗဏီသည် ရန်ကုန်တုိုင်း၊ ရှမ်းပြည်နယ်နှင့် မန္တလေးတိုင်းများအတွင်း အရောင်းဆိုင် ၆ ဆိုင်အတွက် စက်သုံးဆီတင်သွင်း ဖြန့်ဖြူးရောင်းချခွင့်ရထားကြောင်း မဇ္ဈိမက လက်ခံရရှိထားသော စွမ်းအင်ဝန်ကြီးဌာနမှတ်တမ်းအရ သိရသည်။

ရန်ကုန်ရှိ ဂျေဒိုးနတ်ဆုိုင် အစုရှယ်ယာပိုင် ဦးထွန်းနိုင်ရွှေ၏ မြန်မာနိုင်ဂရု(ပ်)သည် ကချင်ပြည်နယ် ဖားကန့်ဒေသတွင် ကျောက်စိမ်းတူးဖော်ရေးကိုလည်း အကြီးအကျယ်လုပ်လျှက်ရှိသည်။

မေ ၁၅ ရက်နေ့ကစတင်၍ ဒီဇယ်ဆီနှင့် ဓာတ်ဆီရောင်းချသော ပုဂ္ဂလိကစက်သုံးဆီအရောင်းဆိုင်များဖွင့်လှစ်ခွင့်ပြုလုိုက်ရာ တပ်မတော်ကြည်း၊ ရေ၊ လေ ညှိနှိုင်းကွပ်ကဲရေးမှူး ဗိုလ်ချုပ်ကြီးရွှေမန်း၏သားများဖြစ်သော ဦးအောင်သက်မန်းနှင့် ဦးတိုးနိုင်မန်းတို့၏ ကုမ္ဗဏီများဖြစ်ကြသည့် ဧရာရွှေဝါ/ရွှေယမုံကုမ္ဗဏီနှင့် ဇေကမ္ဘာတို့သည် ဆိုင် ၁၂ ဆိုင်နှင့် ၂ ဆုိုင် အသီးသီးဖွင့်လှစ်ခွင့်ရရှိသည်။ ဇေကမ္ဘာကုို ဦးခင်ရွှေက ပိုင်ဆိုင်သော်လည်း စက်သုံးဆီဆိုင်ပါမစ်တွင် ဦးခင်ရွှေ၏သားမက် ဦးတိုနိုင်မန်းအမည်ဖြင့် ဇေကမ္ဘာကိုတွဲကာ လုပ်ပုိုင်ခွင့်ပြုခြင်းဖြစ်သည်။

ထို့အပြင် စစ်အစိုးရ၏ လူမှုရေးအသင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းနှင့် စစ်တပ်အတွက် ရန်ပုံငွေရှာနေသော ပြည်ထောင်စု မြန်မာနိုင်ငံစီးပွားရေးဦးပိုင်လိမိတတ်တို့လည်း စက်သုံးဆီအရောင်းဆိုင် ၁၅ ဆုိုင်နှင့် ၁၄ ဆုိုင် ခွင့်ပြုချက်ရရှိသည်။

အခြားသော ကုမ္ကဏီကြီးများတွင် ဦးတေဇပိုင် ထူးထရေးဒင်း၊ အဏ္ဏ၀ါကုမ္ဗဏီလိမိတတ်၊ ရွှေတောင်ဖွံ့ဖြိုးတိုးတက်မှု လိမိတက်၊ ရွှေသံလွင်ကုမဏီ၊ နီလာရိုးမထရေးဒင်း၊ အေးရှားလ်ဝေါ်ကုမဏီ၏အခွဲတခုဖြစ်သော ဂရင်းအေးရှား Green Asia၊ ကမ္ဘောဇနှင့် ဧရာရွှေဝါ တို့ပါဝင်သည်။

ဆီဆိုင်တခုလျှင်ဂါလံ ၃၂၀၀ မှ ဂါလံ ၁၅၀၀၀ အထိ သိုလှောင်မှာဖြစ်ကြောင်း ရန်ကုန်အခြေစိုက် အပတ်စဉ်ထုတ်ဂျာနယ် မြန်မာတိုင်းမ်က ရေးသားထားသည်။

ဘူးသီးတောင်-မောင်တောလမ်း လမ်းမြေပြို

နယူးဒေလီ (မဇ္ဈိမ) ။ ။ မိုးသည်းထန်စွာရွာသွန်းမှုကြောင့် မြန်မာနှင့် ဘင်္ဂလားဒေ့ရ်ှနိုင်ငံတို့ ကုန်စည်ဖလှယ်ရာ ကားလမ်းဖြစ်သည့် ရခိုင်ပြည်နယ် ဘူးသီးတောင်-မောင်တောလမ်းတွင် မြေပြိုမှုဖြစ်ပွားရာ ယမန်နေ့ညမှ စတင်ကာ ၁၇ နာရီထက်မနည်း လမ်းပိတ်ဆို့မှု ဖြစ်ပွားခဲ့သည်။

ဘူးသီးတောင်မြို့ အနောက်ဘက် ၈ မိုင်အကွာရှိ တောင်ခေါင်းကြီး လှိုဏ်ဂူ၏ အပေါ်တွင် ဖောက်လုပ်ထားသည့် လှိုဏ်ဂူပတ်လမ်းမှ မြေသားများ ပြိုကျသဖြင့် တနင်္ဂနွေနေ့ည ၁၁ နာရီခန့်မှ တနင်္လာနေ့ညနေ ၄ နာရီအထိ လမ်းပိတ်ဆို့ခဲ့သည်။

တောင်ခေါင်းကြီးလိုဏ်ဂူကို ကိုလိုနီခေတ်က တည်ဆောက်ခဲ့ခြင်းဖြစ်ပြီး ၁ ဖာလုံခန့် ရှည်လျားကာ ဘူးသီးတောင်မှ မောင်တောမြို့သို့သွားရာ လမ်းခရီး၏ အလယ်တွင် တည်ရှိသည်။

“မိုးက တအားရွာတယ်။ မနေ့က ညဦးပိုင်းကတည်းက ရွာနေတာ။ လှိုဏ်ခေါင်းပေါ်က လမ်းကလည်း မြေသားလမ်းဆိုတော့ အိပြီးပြိုကျကုန်တာ။ ဒီနေ့လည်း တနေ့လုံး ရွာနေတုန်းပဲ။” ဟု ဘူးသီးတောင်မြို့မှ ဒေသခံတဦးက မဇ္ဈိမကို ပြောသည်။

ခရီးသည်တင် လိုင်းကားများနှင့် ကုန်တင်ကား အစီးရေ ၃ဝ ခန့်မှာ ညနေ ၄ နာရီအထိ လမ်းပိတ်ဆို့နေသည့် လှိုဏ်ခေါင်း၏ တဖက်တချက်စီတွင် ရပ်တန့် စောင့်ဆိုင်းနေခဲ့ရသည်။

ခရိုင်အုပ်ချုပ်ရေးအဖွဲ့က ဆောက်လုပ်ရေးဌာနမှ ဘူဒိုဇာနှစ်စီးဖြင့် လာရောက်ရှင်းလင်းမှု ပြုခဲ့သည်။

ဘူးသီးတောင်မြို့နှင့် မြန်မာ-ဘင်္ဂလားဒေ့ခ်ျ နယ်စပ်မြို့ မောင်တောသည် ၁၆ မိုင် ကွာဝေးသည်။

ယခုလမ်းကို အသုံးပြု၍ ရခိုင်ပြည်နယ်မှ ငါး၊ ပုစွန်နှင့် ရေထွက်ပစ္စည်းများ၊ ရာသီပေါ် အသီးအနှံများ၊ ဆန်စပါး၊ ဝါး၊ ကျွန်းသစ် စသည့် ကုန်ပစ္စည်းများကို ဘင်္ဂလားဒေ့်ခ်ျသို့ တင်ပို့ကြောင်း သိရသည်။

အမေစု၏ အထ္တုပ္ပတ္တိအကျဉ်း (၂၀၀၉)

Brief Bio Dassk

ယခုနှစ် ၂၀၁၀ အမေစု အထ္တုပ္ပတ္တိအကျဉ်းကိုNLD(LA)JB ကမွေးနေ့မတိုင်ခင် ဖြန့်ချီပါမယ်။
ဗမာ့သွေးမေးလ်မှပေးပို့ပါသည်။

နိုင်ငံရေးနဲ့ ပတ်သက်ဖို့ လူထုအကြား စိုးရိမ်မှုရှိဆဲ

မြန်မာစစ်အစိုးရက ကျင်းပပေးဖို့ ရှိနေတဲ့ ဒီနှစ် ရွေးကောက်ပွဲတွေမှာ ပါဝင်ယှဉ်ပြိုင်ဖို့ မှတ်ပုံတင်ထားတဲ့ နိုင်ငံရေးပါတီတွေ စည်းရုံးရေး လုပ်ငန်းတွေကို စတင်နေပြီ ဖြစ်ပေမဲ့ ထင်သလောက်တော့ ခရီးမပေါက်တဲ့ အခြေအနေတွေနဲ့ ကြုံနေရပါတယ်။

ဒီလဆန်းပိုင်းကစလို့ နိုင်ငံရေးပါတီတွေရဲ့ မဲဆွယ်စည်းရုံးရေး လုပ်ငန်းတွေ စတင်နေပြီ ဖြစ်ပေမဲ့ ဆယ်စုနှစ် ၂ ခုကြာ နိုင်ငံရေး လှုပ်ရှားမှုတွေနဲ့ ကင်းကွာနေတဲ့ လူထုအနေနဲ့ ပါဝင်ပတ်သက်ဖို့ စိုးရိမ်မှုတွေ ရှိနေတယ်လို့ နိုင်ငံရေးပါတီတွေက ပြောကြတာပါ။

အထူးသဖြင့်ကတော့ နိုင်ငံရေးပါတီအဖြစ် မှတ်ပုံတင်ပြီး နိုင်ငံရေး လှုပ်ရှားမှုတွေ တရားဝင် လုပ်ဆောင်ခွင့် ရလာကြပေမဲ့ အာဏာပိုင်တွေက စောင့်ကြည့်မှုတွေ ရှိနေဆဲ ဖြစ်တာမို့ အနှောင့်အယှက် ပေးတာတွေ ခံရလေမလား အရပ်သားတွေက စိုးရိမ်နေကြတာလို့ ဆိုပါတယ်။

စစ်အစိုးရက ဒီနှစ်ဆန်းပိုင်းမှာ ရွေးကောက်ပွဲ ဥပဒေတွေ ထုတ်ပြန်လာပြီးတဲ့ နောက်မှာမှ တရားဝင် မှတ်ပုံတင်ပြီး နိုင်ငံရေးပါတီတွေ အဖြစ် ထူထောင်လာကြသူတွေဟာ ငွေကြေး မပြည့်စုံမှုတွေဟာလည်း စည်းရုံးရေး လုပ်ငန်းတွေအတွက် အဟန့်အတားတွေ ဖြစ်နေရကြောင်း ပြောပါတယ်။

မြန်မာစစ်အစိုးရ ရွေးကောက်ပွဲ ဥပဒေမှာတော့ တိုင်းနဲ့ပြည်နယ်တွေ အတိုင်းအတာနဲ့ ရွေးကောက်ပွဲဝင်မယ့် ပါတီတွေ အနေနဲ့ အနည်းဆုံး ပါတီဝင် ၁,၀၀၀ ရှိရမှာ ဖြစ်သလို တိုင်း ဒါမှမဟုတ် ပြည်နယ်တခုမှာ ၀င်ရောက်ယှဉ်ပြိုင်မယ့် ပါတီအနေနဲ့ အဖွဲ့ဝင် အနည်းဆုံး ၅၀၀ ရှိရမယ်လို့ ပြဋ္ဌာန်းထားတာလည်း ဖြစ်ပါတယ်။

ရွေးကောက်ပွဲ ကော်မရှင်ရဲ့ ထုတ်ပြန်ချက်အရ အရင်တပတ်ထဲအထိ နိုင်ငံရေးပါတီဟောင်း ၅ ခုနဲ့ အသစ် ၃၇ ခုတို့ ပါတီမှတ်ပုံတင်ခွင့်နဲ့ နိုင်ငံရေးပါတီ ထူထောင်ခွင့် လျှောက်ထားရာမှာ ၄ ပါတီသာ ထူထောင်ခွင့် ချပေးဖို့ ကျန်တော့တယ်လို့ ဆိုပါတယ်။

အခြေခံဥပဒေကို အလွယ်တကူ ပြင်၍ မရဟု ဗိုလ်မှူးချုပ်ဟောင်း အောင်ကြီး ပြော

မိုးမခအထောက်တော် အမှတ် ၀၀၂

ဇွန် ၁၄၊ ၂ဝ၁ဝအသက် ၉၀ ရှိပြီ ဖြစ်သော ဗိုလ်မှူးချုပ်ဟောင်း ဦးအောင်ကြီး (photo: True News)

အခြေခံဥပဒေတခုကို အလွယ်တကူ ပြင်ဆင်၍ ရမည်မဟုတ်ဟု နှစ် အတန်ကြာ ငြိမ်သက်နေသည့် နိုင်ငံရေးသမားကြီး ဗိုလ်မှူးချုပ်ဟောင်း ဦးအောင်ကြီးက ပြောလိုက်သည်။

အင်္ဂါနေ့ထုတ် True News ဂျာနယ်နှင့် တွေ့ဆုံမေးမြန်းခန်းတွင် ထိုသို့ ပြောလိုက်ခြင်း ဖြစ်သည်။

“လွှတ်တော်ထဲတွင် ဖွဲ့စည်းပုံ အခြေခံ ဥပဒေကို ပြင်ဆင်မယ် လို့ ပြောဆိုနေကြတဲ့ အပေါ် ကိုယ့်အမြင်ကို ပြောရရင် ကိုယ်ကိုယ်တိုင် ၁၉၇၄ ဖွဲ့စည်းပုံ အခြေခံ ဥပဒေ ဆွဲတုန်းက ပါဝင်ခဲ့တဲ့ အတွေ့အကြုံ ရှိတယ်။ ဖွဲ့စည်းပုံ အခြေခံ ဥပဒေ တစ်ခုကို လွယ်လွယ်ကူကူနဲ့ ရေးဆွဲပြီး အတည်ပြုလို့ မရသလို အတည်ပြုပြီးဖြစ်တဲ့ ဖွဲ့စည်းပုံ အခြေခံ ဥပဒေ တစ်ခုကိုလည်း လွယ်လွယ်ကူကူ ပြင်ဆင်တာတို့ ဖြည့်စွက်တာတို့ လုပ်လို့ မရပါဘူး” ဟု ဦးအောင်ကြီးက ပြောသည်။

စစ်အစိုးရ စိတ်ကြိုက် ရေးဆွဲထားသည့် အခြေခံ ဥပဒေသည် မြန်မာပြည် ဒီမိုကရေစီရရှိရေးကို အဟန့်အတား ဖြစ်နေသည့်အတွက် နိုင်ငံရေးသမား အများအပြားက ကန့်ကွက်လျက်ရှိသည်။

နိုင်ငံရေးသမား တချို့ကလည်း ထိုအခြေခံဥပဒေကို လွှတ်တော်တွင် ပြင်ဆင်ရန် ရည်ရွယ်ချက်ဖြင့် ရွေးကောက်ပွဲဝင်ရေးအတွက် စီစဉ်နေကြသည်။

ဤအချိန်တွင် ဦးအောင်ကြီးက ပြင်ဆင်ရန် ခက်ခဲကြောင်း ပြောလိုက်ခြင်း ဖြစ်သည်။ သူကိုယ်တိုင်လည်း ၂၀၁၀ ရွေးကောက်ပွဲအတွက် ပါတီထောင်ရန် အစီအစဉ် လုံးဝ မရှိ ဟုလည်း ဆိုသည်။

သို့သော်လည်း ၂၀၁၀ ရွေးကောက်ပွဲသည် တရားမျှတပါက “မြန်မာနိုင်ငံရဲ့ လက်ရှိအခြေအနေတွေကို ပိုမို တိုးတက် ကောင်းမွန်လာစေမယ်” ဟုလည်း ပြောလိုက်သည်။

နိုင်ငံရေး အကဲခတ် အများစုက ထိုရွေးကောက်ပွဲသည် မျှတမည်မဟုတ်ဟု ယုံကြည်နေကြသည်။

ဦးအောင်ကြီးသည် ၁၉၆၂ စစ်အာဏာသိမ်း ခေါင်းဆောင် တဦး ဖြစ်သည်။ အာဏာရှင် ဦးနေ၀င်းက သူ့ကို ရာထူးမှ ဖြုတ်ပြီး အကြိမ်ကြိမ် ထိန်းသိမ်းခဲ့သော်လည်း သူက ဦးနေ၀င်းအပေါ် သစ္စာမပျက်ခဲ့ဟု သိရသည်။

၁၉၈၈ ခုနှစ် လူထုလှုပ်ရှားမှုတွင် ဦးအောင်ကြီး၏ အမည်သည် ပိုမို ထင်ရှားလာသည်။ ထိုကာလ မတိုင်ခင်က စစ်အစိုးရထံသို့ သူပေးပို့သည့် မြန်မာပြည်အခြေအနေဆိုင်ရာ အိတ်ဖွင့်ပေးစာများမှာ အလွန် ထင်ရှားခဲ့သည်။

ထိုလှုပ်ရှားမှုကို စစ်တပ်က ချေမှုန်းအပြီးတွင် ဦးအောင်ကြီး၊ ဒေါ်အောင်ဆန်းစုကြည်၊ ဦးတင်ဦးတို့ အုပ်စု သုံးခုဖြင့် NLD ကို စတင် ဖွဲ့စည်းခဲ့ရာ ထိုနိုင်ငံရေးအတွဲကို “အောင်၊ စု၊ တင်” ဟု ထိုစဉ်က ခေါ်ကြသည်။ အုပ်စု တခုမှ ၁၄ ဦးစီ စုပေါင်းပြီး ဖွဲ့ကြခြင်း ဖြစ်သည်။

မကြာမီမှာပင် ဦးအောင်ကြီးက NLD ခေါင်းဆောင်ပိုင်းတွင် ကွန်မြူနစ်များ ရှိနေသည်ဟု စွပ်စွဲသဖြင့် အဖွဲ့အတွင်း ပဋိပက္ခ ဖြစ်ခဲ့သည်။ ၂ လကျော်အကြာတွင် အစည်းအဝေးလုပ် မဲခွဲ ဆုံးဖြတ်ရာ ရှုံးနိမ့်သွားသည့် ဦးအောင်ကြီးတို့အုပ်စု NLD မှ ထွက်သွားသည်။

ထို့နောက် ပြည်ထောင်စုအမျိုးသားများဒီမိုကရေစီပါတီ (UNDP) ကို တည်ထောင်ပြီး ၁၉၉၀ ရွေးကောက်ပွဲတွင် ၀င်ပြိုင်သည်။ မဲဆန္ဒနယ် ၂၅၀ တွင် ၀င်ပြိုင်ရာ တနယ်တွင် အနိုင်ရခဲ့သည်ဟု ဆိုသည်။

၁၉၁၉ ခုနှစ်ဖွား ဦးအောင်ကြီးသည် ပဲခူးတိုင်း ပေါင်းတည်မြို့ ဇာတိ ဖြစ်သောကြောင့် စာရေးသည့်အခါ သခင်အောင်ကြီး (ပေါင်းတည်) ကလောင်အမည်ဖြင့် ရေးလေ့ရှိသည်။

သူ၏ အမည်ဖြင့် ထုတ်လုပ်သည့် “အောင်ကြီးကိတ်” သည် တချိန်က ရန်ကုန်တွင် အောင်မြင် ထင်ရှားသော အစားအစာလုပ်ငန်းကြီး ဖြစ်ခဲ့သည်။

အခြေခံကျောင်းသားများ ပညာရေး စရိတ် မတတ်နိုင်သဖြင့် စာသင်ခန်း ကို ကျောခိုင်းကြ

ဟိန်းခိုင်ထွန်း။ ။ရန်ကုန်တိုင်း အပါအ၀င် နယ်မြို့ များ ရှိ အခြေခံပညာအဆင့် ကျောင်းသားများ သည် ပညာသင်
၂၀၁၀-၁၁ ပညာသင်နှစ်တွင် ချမှတ်လိုက်သော မူများအရ ဆင်းရဲနွမ်းပါးသည့် ကျောင်းသား
များ အနေဖြင့် ပညာသင်ကြားမှု စရိတ်မတတ် နိုင်သောကြောင့် ကျောင်းပညာသင်ကြားရေး
မှ စောစီးစွာ ထွက်ခွာရသူများ ရှိသည် ဟု စုံစမ်း သိရှိရသည်။

ယမန်နေ့ က အခြေခံပညာ အထက်တန်း ဆယ်တန်း အောင်စာရင်း ထွက်ချိန်တွင် ကျရှုံးခဲ့သူများ
က ‘ကျွန်တော်တော့ နောက် နှစ် ပြန်တက် ဖို့ အစီအစဉ် မရှိ တော့ ဘူး ၊ကျူရှင် လည်း မယူနိုင်
ဘူး၊မီးစက် ဖိုးလည်း မတတ် နိုင်ဘူး ဟု အထက (၁) မြောက်ဥက္ကလာ မှ ကျောင်းသား တစ်ဦး
က Freedom News Group သို့ ပြောသည်။

ဇွန်လဆန်း က စတင်ဖွင့် လှစ်သည် ပညာသင်နှစ် ၏ အစဖြစ်သည့် တစ်လ မပြည့်ခင်မှာ ပင်
အထက်တန်း ကျောင်းသား တစ်ဦး ၏ ကျောင်းစရိတ် သည် ငါးသောင်း ကျော်သွားပြီ ဖြစ်
ကြောင်း ကျောင်းသား မိဘ တစ်ဦး ကပြောသည်။’နောက်နှစ် ပရိုက်ဗိတ် ကျောင်း တွေ စမယ်
ဆိုရင် ကျင့်သား ရအောင် လို့ ပေါ်လစီ တွေ ချိန်း တာ ‘ဟု အထက (၃)တာမွေ မှ ကျောင်းသား
မိဘ တစ်ဦးက ဆိုသည်။

အထက (၂) ရန်ကင်း မှ ဆယ်တန်းကျောင်းသား တစ်ဦးက ဆရာမ ကသူ့ ဆီမှာ ကျူရှင်
မယူရင် မကြိုက် ဘူး ၊မတတ်နိုင် လို့ သင်ရိုး ညွှန်း တမ်း အဟောင်း ၀ယ်တာ သူ့ ဆီမှာ
ကျူရှင် မယူ လို့ အဟောင်း မကိုင်ရဘူး လို့ ပြောတယ် ဟု အဆိုပါ ကျောင်းသား က
ကျောင်းတွင်း အခြေအနေ များ ကိုပြောပြသည်။

ရန်ကုန် နှင့် ပဲခူးတိုင်း ရှိ အခြေခံ ကျောင်း အများစု မှာ အလှုငွေများ ထည့်ဝင်ခိုင်းခြင်း
ကျောင်းသာယာလှပရေး၊အားကစားကွင်း အဆင့်မြှင့်ရေး၊ ရေသန့် စက်တပ်ရေး၊အ၀ီ
စိတွင်း တူးရေး ခေါင်းစဉ် မျိုးစုံဖြင့် အလှုငွေ ခံကြသည် ။

ကျောင်းဆရာ၊ဆရာမ များက ယခုကဲ့ သို့ ကျူရှင် ယူခိုင်းခြင်း၊အလှုငွေများ ထည့်ဝင်ခိုင်း
ခြင်း တို့ သည် ပုဂ္ဂ လိက ပညာသင် ကြားရေးစနစ် သို့ ပြောင်းမည် ဟု သတင်းထွက်ပေါ်
နေ သည့် ကျောင်းများ တွင် ပို၍ ဆိုးသည် ဟု သိရသည်။

ကျောင်းသားများ၏ ပညာ သင်ကြားစရိတ်မြင့်မား မှု ကြောင့် အထက်တန်း အဆင့်
ကျောင်းသား များက ကျောင်း အချို့ တွင် အလှုငွေ မပေးရေး-ကျူရှင် မတက်ရေး
ဆော်သြမှု များ လုပ်နေသည် ။

ယခင် သီတင်တစ်ပတ် က အခြေခံပညာ ကျောင်းသား သမဂ္ဂ နှင့် ရန်ကုန်ခရိုင် ကျောင်း
သားသမဂ္ဂ တို့ က ဦးဆောင်ကာ အပို ပညာသင် ကြေး လျှော့ ချရေး စာများ ဝေငှခဲ့သည်။

အမေရိကန် တွင် K-12 ဟု ခေါ်သည့် အခြေခံပညာ (High School)ပညာ သင်စရိတ်မှာ
အခမဲ ဖြစ်သည့် ပြင် နံနက်စာ နှင့် နေ့ လည်စား စရိတ် နှင့် ကျောင်းကြိုပို့ စရိတ် ပါအခမဲ့
ဖြစ်သည်။ အသက် ၁၈ နှစ် အောင် မည်သူ မဆို ပညာရေး အခမဲ့ သင်ယူ ခွင့်ရှိ ပြီး မြန်မာ
နိုင်ငံမှ ရွှေ့ပြောင်း လာကြသည့် ဒုက္ခသည် များ ၏ သားသမီးများ ပါ လွတ် လပ်စွာ ပညာ
သင်ယူ နိုင်သည်။

အခြား နိုင်ငံများတွင် လည်း အထက်တန်းထိပညာ ရေးမှ အခမဲ့ ဖြစ်ပြီး အမေရိကန်
နှင့် ဥရောပ နိုင်ငံ အချို့ တွင် ဆင်းရဲ သော ကျောင်းသား ၏ မိဘ (သို့ မဟုတ်) အုပ်
ထိန်းသူ ကို အစားအသောက် အ၀တ်အထည်ထောက်ပံ့ခြင်း ၊အလုပ်အကိုင် ရှာဖွေ
ပေးခြင်း၊အိမ်တိုင်ယာရောက် လိုအပ် သည်များ ကိုကူညီခြင်း တို့ အား လုပ်ပေး
သည် ။

နိုင်ငံရေး ပါတီ လေးခုသာ တည်ထောင်ခွင့် ချပေးရန် ကျန်

ပြည်ထောင်စုရွေးကောက်ပွဲကော်မရှင် သို့ တည်ထောင်ခွင့် လျှောက်ထား သော နိုင်ငံရေး ပါတီသစ် ၃၇ ပါတီတွင် တည်ထောင်ခွင့် ချပေးရန် နိုင်ငံရေး ပါတီ လေးခုသာ ကျန်ရှိ တော့ကြောင်း ပြည်ထောင်စု ရွေးကောက်ပွဲ ကော်မရှင်က ဇွန်လ ၈ ရက်နေ့ အထိ ထုတ်ပြန် ထားသော စာရင်းများ အရ သိရသည်။ ပြည်ထောင်စု ရွေးကောက်ပွဲ ကော်မရှင် သို့ ၁၉၉ဝ ရွေးကောက်ပွဲဝင် တည်ဆဲ နိုင်ငံရေး ပါတီ ငါးခု က မှတ်ပုံ တင်ခွင့် ပြန်လည် လျှောက်ထား ခဲ့ပြီး၊ နိုင်ငံရေး ပါတီသစ် ၃၇ ပါတီ ကလည်း တည်ထောင်ခွင့် လျှောက်ထား ခဲ့ရာ ဇွန်လ ၈ ရက်နေ့ အထိ စုစုပေါင်း နိုင်ငံရေး ပါတီ ၄၂ ပါတီက တည်ထောင်ခွင့်နှင့် မှတ်ပုံတင်ခွင့်များ လျှောက်ထား ခဲ့ပြီး ဖြစ်သည်။ ပြည်ထောင်စု ရွေးကောက်ပွဲ ကော်မရှင် ၏ ဇွန်လ ၈ ရက်နေ့ အထိ စာရင်းများ အရ အဆိုပါ ပါတီ များမှ မှတ်ပုံ တင်ခွင့် လျှောက်ထားသည့် ၃၃ ပါတီတွင် ၃၂ ပါတီကို မှတ်ပုံ တင်ခွင့်ပြုခဲ့ပြီး ဖြစ်ရာ မှတ်ပုံ တင်ခွင့် ချထားပေးရန် တစ်ပါတီသာ ကျန်ရှိပြီး တည်ထောင်ခွင့် လျောက်ထား သော ပါတီသစ် ၃၇ ပါတီ တွင် တည်ထောင်ခွင့် ချထား ပေးရန် လေး ပါတီသာ ကျန်ရှိကြောင်း တွေ့ရသည်။ ပါတီသစ် ၃၇ ပါတီတွင် ၃၂ ပါတီကို တည်ထောင်ခွင့် ချထား ပေးပြီး ဖြစ်သော်လည်း နိုင်ငံရေး ပါတီ ငါးခုမှာ ပါတီ မှတ်ပုံ တင်ခွင့် လျှောက်ထားခြင်း မရှိသေးကြောင်း တွေ့ရသည်။

မန္တလေးမြို့ တွင် စိမ်းရောင်စို Activity ဖွဲ့စည်း

မန္တလေးမြို့ အပူဒဏ် ကာကွယ်ရေး ရေရှည် အထောက် အကူပြု နိုင်ရန် အတွက် ' စိမ်းရောင်စို Activity ' အမည်ဖြင့် အရိပ်ရ သစ်ပင် စိုက်ပျိုးရေး အစီအစဉ် တစ်ရပ်ကို ဇွန်လဆန်း တွင် စတင် အကောင် အထည်ဖော် ဖွဲ့စည်း လိုက်ကြောင်း အဆိုပါ အဖွဲ့ထံမှ သိရှိ ရသည်။ ယင်း အစီအစဉ် ကို ဇွန်လ ၅ ရက်နေ့ ကမ္ဘာ့ သဘာဝ ပတ်ဝန်းကျင် ထိန်းသိမ်း ကာကွယ်ရေး နေ့တွင် ၆၂ လမ်းပေါ်ရှိ အနီဃာ သီလရှင် ကျောင်းတိုက် ၌ စိုက်ပျိုး၍ စတင် လိုက်သည်ဟု အဆိုပါ အဖွဲ့တွင် ပါဝင်သည့် မန္တလေးမြို့ခံ စာရေးဆရာ တစ်ဦးက ပြောကြား သည်။

''ပျိုးခြံ တစ်ခု ထူထောင်ဖို့၊ အများနဲ့ သက်ဆိုင်တဲ့ နေရာတွေမှာ တစ်ပတ် တစ်ကြိမ် သစ်ပင် စိုက်ပျိုးဖို့၊ အရိပ်ရ ပျိုးပင် လိုအပ်သူတွေကို ပျိုးပင် လှူဒါန်း သွားဖို့ ရည်ရွယ် ပါတယ်'' ဟု ဦးဆောင် စီစဉ်သူ တစ်ဦး ဖြစ်သူ ပန်သစ္စာ ဂျာနယ် အယ်ဒီတာချုပ် မောင်တင်သစ် က ပြောကြားသည်။ စိမ်းရောင်စို Activity အဖွဲ့တွင် မန္တလေးမြို့ မှ စာပေ အနုပညာရှင်များ၊ စာနယ်ဇင်း ဆရာများ၊ သစ်ပင် ချစ်သူများ ကမကထပြု ပူးပေါင်း ပါဝင်ကြောင်း ယင်း အဖွဲ့ထံမှ သိရှိ ရသည်။

စိမ်းရောင်စို Activity မန္တလေး ၏ အရိပ်ရ သစ်ပင် စိုက်ပျိုးရေး အစီအစဉ်တွင် မတည် ရန်ပုံငွေ လှူဒါန်း ထားသူများ၊ ပျိုးပင် လှူဒါန်းသူ၊ စိုက်ပျိုးရေး နည်းပညာ ပူးပေါင်း ဆောင်ရွက် သူများ ပါဝင်ကြောင်း ယင်းအဖွဲ့ ထံမှ သိရကြောင်း The Voice ဂျာနယ်တွင် ဖော်ပြ ထားသည်။

ညီညွတ်သော ဒီမိုကရက်တစ် ပါတီ (UDP) မန္တလေး နှင့် ရန်ကုန်တိုင်း တို့တွင် ရုံးခွဲများ ဖွင့်မည်

၂ဝ၁ဝ ရွေးကောက် ပွဲတွင် ဝင်ရောက် ယှဉ်ပြိုင်မည့် ပါတီသစ် တစ်ခု ဖြစ်သော ညီညွတ်သော ဒီမိုကရက်တစ် ပါတီ (UDP) သည် စစ်ကိုင်းတိုင်း၊ ဒီပဲယင်းမြို့နယ် တောင်ပြင် ရပ်ကွက်တွင် အခြေပြုကာ မန္တလေးတိုင်း ရုံးခွဲ နှင့် ရန်ကုန်တိုင်း ရုံးခွဲ များကို ဇွန်လ အတွင်း ဖွင့်လှစ် သွားမည် ဖြစ်ကြောင်း ယင်းပါတီ ဥက္ကဋ္ဌ ဦးဘိုမောင်က ပြောကြားသည်။
''ရုံးချုပ်ကို ဒီပဲယင်း မှာပဲ ထားမယ်။ ဒီလ ၈ ရက်နေ့က ပါတီ ဆိုင်းဘုတ် တင်ပြီးပြီ။ အဲဒီနေ့မှာပဲ ပါတီဝင်ကြေး မယူဘဲ အဖွဲ့ဝင် လျှောက်လွှာကို လက်ခံ ရရှိပါတယ်။ တစ်ပြည်လုံး အတိုင်း အတာနဲ့ လုပ်ဖို့ ရှိပါတယ်'' ဟု ၄င်းက ဆိုသည်။ ယင်းသို့ ရုံးခွဲများ ဖွင့်ရာတွင် ယခုလ ၁၅ ရက်နေ့တွင် မန္တလေးတိုင်း ရုံးခွဲကို ဖွင့်လှစ်ကာ ဆိုင်းဘုတ် တင်ခြင်း ပြုလုပ်မည် ဖြစ်ကြောင်း၊ ထို့နောက် ချင်းပြည်နယ်သို့ သွားကာ ပါတီဝင် သစ်များ ရရှိရန် ဆောင်ရွက် သွားမည် ဖြစ်ကြောင်း၊ ထို့နောက်မှ ရန်ကုန်တိုင်း ရုံးခွဲကို ဇွန်လကုန် ပိုင်းတွင် ဆက်လက် ဖွင့်လှစ်ရန် ရှိကြောင်း ၄င်းက ဆက်လက် ပြောကြားသည်။

အဆိုပါ ပါတီသည် ပါတီတည် ထောင်ခွင့် ကို ယခုနှစ် မေလ ၃ ရက်နေ့တွင် လျှောက်ထား ခဲ့ပြီး ပြည်ထောင်စု ရွေးကောက်ပွဲ ကော်မရှင်က မေလ ၆ ရက်နေ့ တွင် ခွင့်ပြု ခဲ့ကြောင်း၊ မှတ်ပုံ တင်ခွင့် လျှောက်ထား ခြင်းကို ၁၇ ရက်နေ့ တွင် ဆောင်ရွက် ခဲ့ပြီး မှတ်ပုံတင် ခွင့်ပြုချက်ကို ၂၆ ရက်နေ့တွင် မှတ်ပုံတင်အမှတ် (၁၆) ဖြင့် ရရှိခဲ့ကြောင်း ယင်း ပါတီထံမှ သိရကြောင်း The Voice ဂျာနယ်တွင် ဖော်ပြထားသည်။

နိုင်ငံခြားသူ လူမည်း အမျိုးသမီး ၂ ဦး မှ မြန်မာ အမျိုးသမီး များ အပေါ် ကိုယ်ထိ လက်ရောက် ကျူးလွန် စော်ကား သည့် အပေါ် ကမာရွက် ရဲစခန်း ၏ တာဝန်မဲ့ လုပ်ရပ်

ရန်ကုန်မြို့ ၊ ကမာရွတ်မြို့နယ် ၊ လှည်းတန်း လမ်းဆုံအနီး ပတ်ဝန်းကျင်တွင် နိုင်ငံခြားသူ လူမည်း အမျိုးသမီး နှစ်ဦးသည် မြန်မာ အမျိုးသမီး အချို့ အပေါ် အကြောင်း ပြချက် ခိုင်လုံခြင်း မရှိဘဲ ကိုယ်ထိ လက်ရောက် ရိုက်နှက်ကြောင်း သတင်း ရရှိသည် ။ ဖြစ်စဉ်မှာ လူမည်း အမျိုးသမီး နှစ်ဦးသည် ဇွန်လ (၇) ရက်နေ့ လှည်းတန်းဈေး နှင့် ကွမ်းခြံဈေး အနီးတ၀ိုက်တွင် ဈေးရောင်း ချလျက် ရှိသော အမျိုးသမီး အချို့အား အကြောင်းမဲ့ ရိုက်နှက် သောကြောင့် အနီးပတ်ဝန်းကျင်ရှိ လူအများက ဖမ်းဆီးကာ ကမာရွတ်မြို့နယ် ရဲစခန်းသို့ ပို့ဆောင် ခဲ့ရကြောင်း မျက်မြင်သက်သေ အချို့က ဆိုသည်။

၁၂ နာရီ ၀န်ကျင်က လှည်းတန်း ဈေးရုံ အနောက် ဘက်ခြမ်း ပေ ၅၀ လမ်းပေါ်က ပျံကျဈေးမှာ ဆပ်ပြာ ရောင်းတဲ့ အမျိုးသမီး တစ်ဦး အိပ်နေတာကို လူမည်း အမျိုးသမီး ၂ ဦး ရောက်လာပြီး အကြောင်းမဲ့ ၀င်ရိုက် ပါတယ်။ အရိုက်ခံ ရတဲ့ အမျိုးသမီးက တုတ်စွဲပြီး ပြန်ရိုက်မယ် လုပ်တော့ ပြန်ထွက်သွားတယ် ၊ လှည်းတန်းဈေး ဘေးလမ်း ကနေ ထွက်ပြီး လမ်းမှာ တွေ့တဲ့ အမျိုးသမီး တစ်ဦးကို ထပ်ရိုက် ပါတယ် ၊ မကျေနပ်တဲ့ သူတွေ လိုက်တော့ လှည်းတန်း ဂုံးကျော် တံတား ကို ဖြတ်ပြီး ကွမ်းခြံဈေး လက်ကို သွားတယ်။

ကွမ်းခြံဈေး ရောက်တော့ ဈေးရောင်း နေတဲ့ အသား မည်းမည်း အမျိုးသမီး ၂ ဦးကို "Black to Black" လို့ပြောပြီး ထပ်မံ ရိုက်နှက် ပါတယ် ၊ မကျေနပ်လို့ ကျွန်တော်တို့က ကမာရွက် ရဲစခန်းကို သွားတိုင် ပါတယ် ။ ရဲစခန်းက ခရိုင်မှူး ရောက်နေ တယ် ပြောတယ် ၊ သုံးခါလောက် ပြန်ခေါ်မှ တပ်ကြပ် တစ်ဦး နဲ့ ဒုတပ်ကြပ် တစ်ဦး လိုက်လာတယ် ။ ကွမ်းခြံ ဈေးထဲ လိုက်ရှာတော့ မတွေ့တော့ဘူး ၊ ဒါနဲ့ ရဲနှစ်ဦး ပြန်သွားတယ် ၊ ကျွန်တော် တို့လည်း ပြန်လာတော့ ABC ဆေးခန်းမှာ သူတို့ နှစ်ဦး ထိုင်နေတာ တွေ့တယ် ၊ သူတိုရှိတဲ့ နေရာ လှည်းတန်း ဈေးက လူတွေ သိသွားတော့ လိုက်လာပြီး ဆေးခန်းကို ၀ိုင်းထား လိုက်တယ် ။ အဲဒီ အချိန်မှာ ရဲကား တစ်စီး ရောက်လာပြီး သူတို့ကို ခေါ်သွားတယ်၊ အရိုက်ခံ ရတဲ့ အမျိုးသမီး ၄ ဦး အပါအ၀င် ကျွန်တော်တို့ လိုက်သွားတယ် ၊ စခန်း ရောက်တော့ သူတို့က သော့ ထောင်ပြပြီး မြို့နယ်မှူးကို ဘယ်လောက် ပေးရမလဲ ပြောတယ် ၊ မြို့နယ်မှူးက မစော်ကားနဲ့ တာဝန်အရ လုပ်တာ လို့ပြောတယ် ၊ အပြင်က ကြည့်နေတဲ့ ကျွန်တော်တို့ကို မဖွယ် မရာ အပြုအမူ လုပ်ပြတယ် ၊ ည ၈ နာရီလောက် ကျတော့ စခန်းက ပြန်လွှတ် ပေးတယ်၊ အခုလည်း ပြန်ထွက်လာပြီး လှည်းတန်းဈေးကို ပြန်ရောက် လာတယ်။ သံပရာသီးေ ရာင်းတဲ့ အမျိုးသမီး တစ်ဦးကို လူမည်း အမျိုးသမီး က ရိုက်မယ် လုပ်လို့ ဈေးသည်လေးရဲ့ အစ်မက မြင်ပြီး ကပ်ကျေးနဲ့ ထိုးမယ်လို့ ပြတော့မှ ပြန်ထွက် သွားတယ်တဲ့ ဟု လှည်းတန်းဈေး အနီးနေထိုင်သူ မျက်မြင် သက်သေ တစ်ဦးက အခိုင်အမာ ပြောကြားသည်။

အဆိုပါ လူမည်း အမျိုးသမီး ၂ ဦးသည် လှည်းတန်း ခုံးတံတား နှင့် အရိုးကု ဆေးရုံကြားရှိ ယာယီ ဆင်မလိုက်ဈေး တွင်လည်း အလားတူ မြန်မာအမျိုးသမီး တစ်ဦးကို ရိုက်နှက်ရန် ကြိုးစား ခဲ့သဖြင့် အနီး ပတ်ဝန်းကျင်ရှိ အများ ပြည်သူများ ကိုလည်း မြန်မာ့ လူမှု နယ်ပယ် နှင့် မအပ်စပ်သည့် ရိုင်းပြ လှသော မဖွယ်မရာ အပြု အမူ များကို လုပ်ပြခဲ့ကြောင်း ၊ အဆိုပါ လူမည်း အမျိုးသမီး ၂ ဦးသည် နိုင်ဂျီးရီးယား လူမျိုးများ ဖြစ်ကြောင်း ၄င်းတို့ ၂ ဦးသည် ရန်ကုန် - အင်းစိန် လမ်းမ စံရိပ်ငြိမ် မှတ်တိုင် အနီး လူမှုဖူလုံရေး ဆေးခန်း နှင့် မျက်နှာချင်း ဆိုင်ရှိ ဘီယာဆိုင်၏ အပေါ်ထပ် ၅ လွှာတွင် ယခုအခါ လွတ်လပ်စွာ နေထိုင်သွား လာလျက်ရှိနေကြောင်း သိရသည်။ ယင်းလူမည်း အမျိုးသမီး ၂ ဦးကို ခေါ်ဆောင် သွားသည် ဟုဆိုသည့် ကမာရွတ်ရဲစခန်းသို့ မေးမြန်းရာ လူဝန်မှုကြီးကြပ်ရေး နှင့် သာသက်ဆိုင်ကြောင်း ဖြေကြား ခဲ့သည်။

မြန်မာ လူမျိုးတို့သည် မိမိနေထိုင်ရာ ပတ်ဝန်းကျင်သို့ တိုင်းတစ်ပါးက ရောက်လာလျှင် ဖော်ရွေပျူငှာစွာ ကြိုဆို ဧည့်ခံ ရိုင်းပင်း ကူညီ တတ်ကြပြီး ရန်မူလေ့ မရှိသဖြင့် ယခုကဲ့သို့ လူမည်း အမျိုးသမီး ၂ ဦး၏ လုပ်ရပ် အပေါ် လှည်းတန်းဈေး အနီးတ၀ိုက်နေ ပြည်သူများ နှင့် ကြားသိရသော ပြည်သူများ အံ့သြ ၀မ်းနည်းရကြောင်း လျှပ်တပြက် ဂျာနယ် တွင် ဖော်ပြထား ပါသည်။

နိုင်ငံရေး ပါတီရုံးများ ဆိုင်းဘုတ် တင်ခြင်းနှင့် စည်းရုံးခြင်း လုပ်ငန်းများ စတင်

ရွေးကောက်ပွဲ ၀င်မည့် နိုင်ငံရေး ပါတီအများစု ပါတီဆိုင်းဘုတ် တင်ခြင်းနှင့် ရုံးချုပ် ဖွင့်လှစ်ကာ စည်းရုံးခြင်း လုပ်ငန်းများ စတင် လုပ်ဆောင်နေပြီ ဖြစ်ကြောင်း တာဝန်ရှိသူများ ထံမှ သိရသည်။

ပြည်ထောင်စု မြန်မာနိုင်ငံ အမျိုးသားနိုင်ငံရေး အဖွဲ့ချုပ် ဥက္ကဌ ဦးအေးလွင်က “မန္တလေး၊ စစ်ကိုင်း၊ ပုသိမ်ဘက်တွေမှာ စည်းရုံးရေးတွေ ဆင်းပြီး စလှုပ်ရှားနေပါပြီ။ ပါတီဝင်ကြေး ၅၀၀ ကျပ်၊ လစဉ်ကြေးက တလကို ၁၀၀ ကျပ် သတ်မှတ် ထားတယ်” ဟု ပြောသည်။

လက်ရှိ နိုင်ငံရေး ပါတီများအနေနှင့် ၁၉၉၀ ရွေးကောက်ပွဲ ကာလက ကဲ့သို့ မဲဆွယ် စည်းရုံးရေးဆင်း လုပ်ငန်းများ ပြုလုပ်ရန် အချိန်ဇယား မထွက်သေးသဖြင့် အချိန် ခန့်မှန်းရခက်ခဲနေခြင်း၊ စစ်အုပ်ချုပ်ရေး လက်အောက်တွင် ပြုလုပ်မည့် ရွေးကောက်ပွဲ ဖြစ်နေသောကြောင့် ပြည်သူလူထုမှာ နိုင်ငံရေးနှင့် ကင်းကွာမှုများနေသဖြင့် စည်းရုံးရ ခက်ခဲခြင်းတို့ ကြုံတွေ့နေရသည်ဟု ဦးအေးလွင်ကပြောသည်။

၈၈ မျိုးဆက် ကျောင်းသားလူငယ်များ (ပြည်ထောင်စုမြန်မာနိုင်ငံ) နှင့် ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ချုပ် ပါတီ နှစ်ခုပေါင်းပြီး အမှတ် ၁၆၉၊ ပထမ ထပ်၊ အမှတ် (၁) ရပ်ကွက်၊ အင်းစိန်လမ်းမကြီး၊ ကမာရွတ်မြို့နယ် ဆင်ရေတွင်း မှတ်တိုင်အနီးတွင် ရုံးချုပ် ဖွင့်လှစ်ထားသည်ဟု သိရသည်။

“ဇွန်လ ၂၀ ရက်နေ့ကျရင် စစ်ကိုင်းတိုင်းမှာ တိုင်းရုံး ဖွင့်ဖို့ ရှိတယ်” ဟု ဦးအေးလွင်က ဆက်ပြောသည်။

ပြည်ထောင်စု ဒီမိုကရေစီပါတီ ဥက္ကဋ္ဌ ဦးဖြိုးမင်းသိန်းကလည်း “ဇွန် ၁ ရက်နေ့ကစပြီး ရက်ပေါင်း ၁၀၀ စီမံချက်နဲ့ မန္တလေး၊ စည်းရုံးရေး ဆင်းနေတယ်။ မန္တလေး၊ မကွေး၊ စစ်ကိုင်းတိုင်းတိုင်း ၃ တိုင်းအတွက် မန္တလေးရုံးချုပ်က တာဝန်ယူပြီး စည်းရုံးရေး ဆင်းမယ်။ ဦးရွှေအုန်းက တာဝန်ယူပြီး တောင်ကြီးမှာ ရုံးခွဲတွေဖွင့်မယ်” ဟု ပြောသည်။

ရွေးကောက်ပွဲကော်မရှင်မှ ၀င်ရောက်ယှဉ်ပြိုင်မည့် ရွေးကောက်ပွဲ ကိုယ်စားလှယ်လောင်း အမည် စာရင်းကို မည်သည့် ရက်တွင် တင်သွင်းရမည်ဆိုသည်နှင့် ရွေးကောက်ပွဲကျင်းပမည့် ရက်ကို ထုတ်ပြန်ခြင်း မရှိသေးကြောင်း၊ ပါတီများ တည် ထောင်ရသည့် အချိန်ကာလ နည်းပါးသောကြောင့် နိုင်ငံရေးပါတီများအနေနှင့် ပြင်ဆင်ချိန်ကာလ မလုံလောက်ကြောင်း ဦးဖြိုးမင်းသိန်းက ပြောသည်။

ပြည်ထောင်စု ဒီမိုကရေစီ ပါတီရုံးချုပ်ကို အမှတ် ၂၃၄၊ ပထမထပ်/ ယာ ၊ ကျိုက္ကဆံလမ်းမ၊ တာမွေမြို့နယ်တွင်ဖွင့်လှစ်ထား သည်။

မတူကွဲပြားခြင်းနှင့် ငြိမ်းချမ်းရေးပါတီ၏ အတွင်းရေးမှူး ဦးနေမျိုးဝေက “စည်းရုံးရေးကို အပိုင်း ၃ ပိုင်းနဲ့ ဆင်းတယ်။ အပိုင်း ၁ က သတ်မှတ်ထားတဲ့ ပါတီဝင်ဦးရေ စုဆောင်းဖို့။ အဲဒါကတော့ ၁၀၀၀ ကျော်သွားပြီ ဖြစ်တဲ့အတွက် ပထမပိုင်းပြီးသွားပါပြီ။ ကိုယ်စားလှယ် ရှာဖွေတဲ့ အပိုင်းနဲ့ ပါတီ အယူအဆ သဘောထားတွေကို ပြန့်ပွားစေတဲ့ အပိုင်းတွေကတော့ ဆက် လုပ်နေတုန်းပါ ” ဟု ပြောသည်။

မတူကွဲပြားခြင်းနှင့် ငြိမ်းချမ်းရေးပါတီ အနေနှင့် ဘိုကလေးမြို့နယ်မှ ပါတီဝင်ဦးရေ ၁၀၀၀ ကျော် ရရှိထားပြီး ဇွန်လ ၁၉ ရက်နေ့တွင် ဘိုကလေးမြို့နယ်တွင် ပါတီရုံးခွဲဖွင့်လှစ်ရန် စီစဉ်ထားကြောင်း သိရသည်။

“ပါတီဝင်ကြေး လုံးဝမကောက်ပါဘူး။ ပြည်သူတွေက နိုင်ငံရေးပါတီဆိုတာနဲ့ ကြောက်လန့်နေကြတော့ ဒါကိုအရင် ပျောက်အောင် လုပ်နေရတယ်။ ဘိုကလေးမှာ စည်းရုံးရေး ဆင်းလို့ရတယ် ဆိုတာကလည်း ကျနော်ရေးထားတဲ့ ဆောင်းပါးတွေ၊ အင်တာဗျူးတွေ၊ မိတ္တူကူပြီးဖြန့်တဲ့နည်းနဲ့ လုပ်ထားလို့၊ မဟုတ်ရင် မလွယ်ဘူး။ ရုံးချုပ်ရှိတဲ့ မင်္ဂလာဒုံမှာတောင် ပါတီဝင် ၁၄၊ ၁၅ ယောက်ပဲရှိတယ်” ဟု ဦးနေမျိုးဝေက ပြောသည်။

မတူကွဲပြားခြင်းနှင့် ငြိမ်းချမ်းရေးပါတီ ရုံးချုပ်ကို အမှတ် ၂ /၂၃၂၊ မဟော်ဂနီလမ်း၊ ထောက်ကြံ့ တိုးချဲ့၊ မင်္ဂလာဒုံမြို့နယ်၊ ရန်ကုန်တွင် ဖွင့်လှစ်ထားကြောင်း သိရသည်။

နယ်ခြားစောင့်တပ် ပြောင်းရေး ဖိအားလျော့သွား

နယ်ခြား စောင့်တပ် အသွင် ပြောင်းရေးနှင့် ပတ်သက်ပြီး အပစ်အခတ် ရပ်စဲထားသော တိုင်းရင်းသား လက်နက်ကိုင် တပ်ဖွဲ့ တချို့ကို စစ်အစိုးရ အာဏာပိုင်များက ဖိအားပေးမှုများ လျော့နည်း သွားကြောင်း စစ်ရေး လေ့လာသူများက ပြောသည်။

တိုင်းရင်းသား လက်နက်ကိုင် တပ်ဖွဲ့ ဖြစ်သော ဝပြည် သွေးစည်း ညီညွှတ်ရေး တပ်မတော်(UWSA)နှင့် ကချင်ပြည် လွတ်မြောက် ရေးအဖွဲ့(KIO) တို့ကို ယခုလဆန်းပိုင်းမှ စတင်၍ ဖိအားပေးမှုများ လျော့နည်းသွားခြင်း ဖြစ်သည်။

KIO အဖွဲ့မှ တာဝန်ရှိသူတဦးက စစ်အစိုးရက နယ်ခြားစောင့် ကိစ္စနှင့် ပတ်သက်၍ ဖိအားပေးမှုများ မရှိတော့ကြောင်း ဧရာဝတီသို့ ပြောသည်။

ယခုကဲ့သို့ နယ်ခြားစောင့်တပ် ကိစ္စ ဖိအားပေးမှုများ လျော့နည်းသွားရခြင်းသည် တရုတ် ၀န်ကြီးချုပ် ၀မ်ကျားပေါင် မြန်မာပြည်သို့ သွားရောက်ခဲ့သော ၂ ရက်ကြာ ခရီးနှင့် ပတ်သက်နိုင်သည်ဟုလည်း စစ်ရေး လေ့လာသူများက ပြောဆိုနေကြသည်။

ထိုင်းနိုင်ငံ အခြေစိုက် ကချင် သတင်းစဉ်မှ အယ်ဒီတာ လဖိုင်နော်ဒင်းက“တရုတ်အစိုးရက နအဖကိုရော UWSAနဲ့KIO တို့ရော ၀မ်ကျားပေါင် မသွားခင် သီးသန့် တွေ့ခဲ့တာတွေ လုပ်ခဲ့ပါတယ်”ဟု ပြောသည်။

လွန်ခဲ့သည့် မတ်လက UWSA ဒေသများတွင် စစ်ဖြစ်မည်ဟု ထင်မြင်ချက်များကြောင့် နေရပ်များသို့ ပြန်သွားကြသော စစ် အစိုးရ ၀န်ထမ်းများသည် ယခုလတွင် လူဦးရေ ၃၀ ခန့် ပြန်လည် ရောက်ရှိနေပြီ ဖြစ်သည်ဟု တရုတ်-မြန်မာ နယ်စပ် အခြေစိုက် စစ်ရေး လေ့လာသူ ဦးအောင်ကျော်ဇောက ပြောသည်။

ယင်း ဒေသတွင် ကျောင်းဆရာ၊ ဆရာမ နှင့် ကျန်းမာရေး ၀န်ထမ်းများ အပါအ၀င် လူဦးရေ ၂၀၀ ခန့် ရှိပြီး အများစုမှာ UWSA ၏ ဆက်ဆံရေး ဌာနသို့ တရားဝင် ဆက်သွယ်၍ ပြန်ကြသူများသာ ပြန်လာကြသည်ဟု ၎င်းက ဆိုသည်။

တရုတ် ၀န်ကြီးချုပ် ၀မ်ကျားပေါင်သည် ၂၀၁၀ ရွေးကောက်ပွဲ အပါအ၀င် တိုင်းရင်းသား အရေး ကိစ္စရပ်များကို ဗိုလ်ချုပ်မှူးကြီး သန်းရွှေနှင့် နေပြည်တော်၌ ယခုလ ၃ ရက်နေတွင် တွေ့ဆုံဆွေးနွေးခဲ့ကြောင်း သိရသည်။

၂၀၁၀ ရွေးကောက်ပွဲတွင် အားလုံး ပါဝင်ခွင့်ရရေး အတွက် တရုတ် ၀န်ကြီးချုပ်က စစ်ခေါင်းဆောင်များကို တိုက်တွန်းခဲ့ ကြောင်း လည်း သံတမန် အသိုင်းအ၀န်းမှ သိရသည်။

အစိုးရပိုင် သတင်းစာများတွင် စီးပွားရေး ပူးပေါင်း ဆောင်ရွက်မှု တိုးမြှင့်ရေး၊ ချစ်ကြည်ရင်းနှီးမှု တိုးမြှင့်ရေး၊ ဒေသတွင်းနှင့် နိုင်ငံ တကာတွင် ပူးပေါင်းဆောင်ရွက်ရေး၊ ၂ နိုင်ငံ နယ်စပ်ဒေသ တည်ငြိမ်အေးချမ်းရေးနှင့် ဖွံ့ဖြိုးရေးအတွက် ပူးပေါင်း ဆောင်ရွက်ရေး စသည့် နှစ်နိုင်ငံအတွက် အလေးထား ဆောင်ရွက်ဖွယ်ရာ ကိစ္စရပ်များနှင့် စပ်လျဉ်း၍ ခင်မင်ရင်းနှီးစွာ ဆွေးနွေးကြောင်း ဖော်ပြခဲ့ သည်။

တရုတ် နိုင်ငံသည် မြန်မာပြည်၏ လူ့အခွင့်အရေး ချိုးဖောက်သည့် ကိစ္စရပ်များနှင့် ပတ်သက်၍ ကုလသမဂ္ဂ လုံခြုံရေး ကောင်စီတွင် အကာအကွယ် ပေးလေ့ရှိသဖြင့် မြန်မာပြည်၏ ရွေးကောက်ပွဲသည် တရုတ် အတွက် အရေးပါလျက် ရှိသည်။

ထို့အပြင် KIOကို နယ်ခြားစောင့်တပ် အသွင်ပြောင်းရန် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်းမှ ကချင် လူကြီးပိုင်းများက လာရောက် စည်းရုံးမှုများ ပြုလုပ်ခဲ့ကြောင်းလည်း KIO တာဝန်ရှိသူတဦးက ပြောသည်။

“ပစ်တာ ခတ်တာကတော့ မကောင်းဘူး၊ ၁၆ နှစ် ငြိမ်းချမ်းခဲ့ပြီးပြီ၊ အဲဒီတော့ ငြိမ်းချမ်းရေး လိုချင်ပါတယ်၊ ငြိမ်းချမ်းဖို့ အတွက် ဖြေရှင်း စေချင်ပါတယ်၊ အဲဒါ လာပြောတယ်”ဟု ၎င်းက ဆိုသည်။

ဤအတော အတွင်း ကချင်ပြည် ဒီမိုကရေစီသစ် တပ်မတော် (NDA-K) အဖွဲ့ ခေါင်းဆောင် ဦးစခုန်တိမ်ယိန်းတို့ကလည်း အစိုးရ ညွှန်ကြားထားသည့် အတိုင်း လိုက်နာရန် အကြံပေးစာများ ပေးပို့ခဲ့ကြောင်း သိရသည်။

စစ်အစိုးရက အပစ်ရပ်တပ်ဖွဲ့များကို နယ်ခြားစောင့်တပ်ပြောင်းလဲဖွဲ့စည်းရေး အတွက် ၂၀၀၉ ခုနှစ် ဧပြီလကတည်းက စတင်ခဲ့ သော်လည်း ယခုအချိန်အထိ NDA-K ၊ ကယားပြည်နယ် အထူးဒေသ၂ (ကလလတ)၊ ကိုးကန့် အထူးဒေသ ၁ တို့သာ နယ်ခြား စောင့်တပ်အဖြစ် ပြောင်းလဲခဲ့ပြီးဖြစ်သည်။

စစ်အစိုးရက တောင်းဆိုထားသည့် နယ်ခြားစောင့်တပ် အသွင်ပြောင်းရေး ပျက်ကွက်ပါက အင်အားအကြီးဆုံး တိုင်းရင်းသား လက်နက်ကိုင် အဖွဲ့များကို မတရားအသင်း အဖြစ် ကြေညာနိုင်ကြောင်း သတင်းများလည်း ထွက်ပေါ်ခဲ့သည်။

၁၉၈၉ ခုနှစ်မှစတင်၍ စစ်အစိုးရနှင့် အပစ်အခတ်ရပ်စဲထားသော တိုင်းရင်းသား လက်နက်ကိုင် အဖွဲ့ပေါင်း ၁၇ ဖွဲ့ရှိသည်။

ပုဂ္ဂလိကဘဏ်များ စက်တင်ဘာ နောက်ဆုံးဖွင့်မည်

စစ်အစိုးရနှင့် နီးစပ်သည့် စီးပွားရေး လုပ်ငန်းရှင်ကြီး ၄ ဦး ထူထောင်ခွင့် ရထားသည့် ပုဂ္ဂလိက ဘဏ်များကို လာမည့် စက်တင်ဘာလ နောက်ဆုံးထား၍ စတင်ဖွင့်လှစ် ကြမည် ဖြစ်ကြောင်း နေပြည်တော် ဘဏ္ဍာရေးနှင့် အခွန်ဝန်ကြီးဌာနမှ အရာရှိကြီး တဦးက ပြောသည်။

ရွေးကောက်ပွဲ အပြီးကာလတွင် နိုင်ငံရေးအရ အပြောင်းအလဲတချို့ ရှိလာမည်ဖြစ်သည့်အတွက် ရွေးကောက်ပွဲ ကာလမတိုင်မီ
ပုဂ္ဂလိက ဘဏ်များဖွင့်လှစ်ခြင်းကို အပြီးဆောင်ရွက်ကြမည်ဖြစ်ကြောင်း ၎င်းကဆိုသည်။

“ဗဟိုဘဏ်ကနေ ပုဂ္ဂလိက ဘဏ်ဖွင့်ဖို့ ရထားတဲ့ စီးပွားရေးလုပ်ငန်းရှင်တွေ အနေနဲ့ လောလောဆယ် စီးပွားရေးနဲ့ ကူးသန်း ရောင်းဝယ်ရေး ၀န်ကြီးဌာနမှာ ဖွင့်မယ့်ဘဏ်အတွက် ကုမ္ပဏီ မှတ်ပုံတင်တာ လုပ်ရမယ်။ ကုမ္ပဏီမှတ်ပုံတင်တာက ၁ လခွဲကြာမယ် ဆိုတော့ ရွေးကောက်ပွဲမတိုင်ခင် လာမယ့် သြဂုတ်လ အတွင်းမှာ ဘဏ်တွေ အပြိုင်ဆိုင် ပေါ်လာမယ်” ဟု အဆိုပါ ဘဏ် အရာရှိက ရှင်းပြသည်။

စစ်အစိုးရ လက်ထက်တွင် ကြီးပွားချမ်းသာလာကြသည့် ထူး ကုမ္ပဏီပိုင်ရှင် ဦးတေဇ၊ မက်စ်မြန်မာ ကုမ္ပဏီပိုင်ရှင် ဦးဇော်ဇော်၊ စက်မှု ၁ ၀န်ကြီးဦးအောင်သောင်း၏သား IGE ကုမ္ပဏီပိုင်ရှင် ဦးနေအောင်နှင့် ဧဒင် ကုမ္ပဏီပိုင်ရှင် ဦးချစ်ခိုင်တို့ကို မေလကုန်ပိုင်း ကတည်းက ပုဂ္ဂလိကဘဏ် ထူထောင်ခွင့် လိုင်စင်များ မြန်မာနိုင်ငံတော် ဗဟိုဘဏ်က ချထား ပေးခဲ့သည်။

၁၉၉၀ ပြည့်နှစ်တွင် တရားဝင်ပြဋ္ဌာန်းထားခဲ့သော Financial Institution of Myanmar Law အရ ငွေကြေး ဆိုင်ရာ လုပ်ငန်းများ (ပုဂ္ဂလိကဘဏ်များ) ထူထောင်ရာတွင် ရင်းနှီးမြှုပ်နှံမှုဘဏ်ဆိုလျှင် အနည်းဆုံး မတည်ရင်းနှီးငွေ ကျပ်သန်း ၆၀ နှင့် ကူးသန်းရောင်းဝယ်ရေးဘဏ် ဆိုပါက ကျပ်သန်း ၃၀ တရားဝင် သတ်မှတ်ထားကြောင်း သိရသည်။

အသစ် ထူထောင်ကြမည့် ဘဏ်များအနေဖြင့် ကူးသန်းရောင်းဝယ်ရေး ဘဏ်များအဖြစ်သာ ထူထောင်ကြမည်ဟု ဘဏ္ဍာရေးနှင့် အခွန်ဝန်ကြီးဌာနမှ သိရှိရသည်။

“ပြည်တွင်း ပုဂ္ဂလိကဘဏ်တွေ အားလုံးက ကူးသန်းရောင်းဝယ်ရေး ဘဏ်တွေပဲ” ဟု အစိုးရပိုင် မြန်မာ့ စီးပွားရေး ဘဏ်ရုံးချုပ်မှ အရာရှိ တဦးက ပြောသည်။

မြန်မာနိုင်ငံတွင် ကျပ်သန်း ထောင်ချီချမ်းသာသည့် စီးပွားရေးလုပ်ငန်းရှင် အများအပြားရှိနေပြီး စစ်အစိုးရနှင့် တိုက်ရိုက် ဆက်စပ်မှု ရှိသူများကိုသာ ပုဂ္ဂလိက ဘဏ်ထူထောင်ခွင့် ပြုခြင်းက မရိုးသားသော လုပ်ဆောင်ချက်ဖြစ်သည်ဟု ပြည်တွင်း စီးပွားရေး လုပ်ငန်းရှင် တဦးက ပြောသည်။

“ဥပဒေမှာ ပြဋ္ဌာန်းထားတဲ့ ငွေပမာဏရှိတဲ့ သူတိုင်း ဘဏ်ထူထောင်ခွင့် ရတာမဟုတ်တော့ တကယ့်ကို မတရားဘူး။ စစ်အစိုးရနဲ့
တိုက်ရိုက်ထိတွေ့ ဆက်ဆံနေတဲ့သူ၊ စစ်ဗိုလ်ချုပ်တွေအကျိုး သယ်ပိုးပေးနိုင်တဲ့ သူတွေပဲ ဘဏ်ထူထောင်ခွင့် ရတာလေ။ ဒါက
တကယ့်ဈေးကွက် စီးပွားရေးစနစ် မဟုတ်ဘူး။ Monopoly လက်ဝါးကြီးအုပ် ဈေးကွက်စီးပွားရေးပါ” ဟု ပြည်တွင်း စီးပွားရေး ပညာရှင် တဦးက မှတ်ချက်ပြုသည်။

ထူထောင်ခွင့် ရရှိထားသော ပုဂ္ဂလိကဘဏ်များကို ဘဏ္ဍာရေးနှင့်အခွန်ဝန်ကြီးဌာနက ခွဲခြား ဆက်ဆံမှုများရှိပြီး
မတည် ရင်းနှီးမြှုပ်နှံမှု ပမာဏတိုးမြှင့်လိုလျှင် အလွယ်တကူ ချထားပေးခြင်း မရှိဘဲ ဘဏ်ခွဲများဖွင့်လှစ်လိုပါကလည်း
အချိန် အတော်ကြာအောင် စောင့်ဆိုင်းရကြောင်း ဘဏ်လုပ်ငန်းရှင်များက ဆိုသည်။

သို့ရာတွင် စစ်အစိုးရထိပ်တန်းခေါင်းဆောင် ဒုတိယဗိုလ်ချုပ်ကြီးမောင်အေး၏ လူယုံဟု လူသိများသော ဦးအောင်ကိုဝင်းခေါ် ဆရာကျောင်း ပိုင်ဆိုင်သော ကမ္ဘောဇဘဏ်သည် ကျပ် ဘီလီယံ ၅၀ အထိ မတည် ရင်းနှီးမြှုပ်နှံခွင့်ရရှိထားပြီး ဘဏ်ခွဲများလည်း အခက် အခဲမရှိ ဖွင့်လှစ်နိုင်ကြောင်း ပြည်တွင်းဘဏ် လုပ်ငန်းရှင်ကြီး တဦးက ပြောသည်။

“ပုဂ္ဂလိက ဘဏ်တွေထဲမှာကို ခွဲခြားဆက်ဆံ ခံရတာတွေ အများကြီးရှိတယ်။ အဓိက ကတော့ ဗိုလ်ချုပ်ကြီးတွေကို မပေါင်းနိုင်ရင်၊မပေးနိုင်ရင်တော့ ဘာစီးပွားရေးပဲ လုပ်ခွင့်ရရ၊ တွင်ကျယ် အောင်မြင်အောင် လုပ်နိုင်မှာ မဟုတ်ဘူး” ဟု ဘဏ်ခွဲများတိုးချဲ့ခွင့်ရရန်
၅ နှစ်နီးပါး ကြာ စောင့်ဆိုင်းခဲ့ရသော ဘဏ်လုပ်ငန်းရှင်တဦးက ရှင်းပြသည်။

ထို့အပြင် သမ၀ါယမဘဏ်ခေါ် CB ဘဏ်သည်လည်း ကျပ်ငွေဘီလီယံ ၂၀ အထိ မတည်ရင်းနှီးမြှုပ်နှံခွင့် ရရှိထားသည်ဟု သိရှိ ရသည်။

ပြည်တွင်း စီးပွားရေး တိုးတက်ရန်မှာ ပုဂ္ဂလိကဘဏ်များ ဖွင့်လှစ်ခွင့်ပြုရုံမျှနှင့် တိုးတက်လာမည် မဟုတ်ဘဲ ဘဏ်လုပ်ငန်းနှင့် ငွေကြေးပေါ်လစီများ အကြီးအကျယ် ပြုပြင်ပြောင်းလဲရန် လိုအပ်ကြောင်း ပြည်တွင်းစီးပွားရေး ပညာရှင်တဦးက ပြောသည်။

“ငွေလဲနှုန်း၊ ငွေကြေးပေါ်လစီ၊ ဘဏ်လုပ်ငန်းပေါ်လစီတွေကို နိုင်ငံတကာ စံချိန်စံနှုန်းမီအောင် အဆင့်မြှင့်ရမယ်။
စီးပွားရေး ပိတ်ဆို့မှုတွေ ရုပ်သိမ်းအောင်လုပ်ဖို့ အရမ်းလိုအပ်နေပါတယ်” ဟု ၎င်းက ရှင်းပြသည်။

ပြည်တွင်း စီးပွားရေးလောကတွင် အသစ်ဖွင့်လှစ်ခွင့် ရရှိသော ဘဏ်လေးခုအပါအ၀င် ပုဂ္ဂလိက ဘဏ်စုစုပေါင်း ၁၈ ခု ရှိလာမည်ဖြစ်ကြောင်း သိရသည်။

ရန်ကုန် - မန္တလေး လမ်းကြေး ပိုကောက်လျှင် တရားစွဲမည်

ရန်ကုန် - မန္တလေး ပုံမှန် အဝေးပြေး လမ်းမကြီးများ ပေါ်တွင် မောင်းနှင်နေသည့် ကုန်တင် ကားများအား တန် ၆၀ ထက် ပိုပါက ဒဏ်ကြေး ကောက်ပြီး ဖြတ်သန်းခွင့် ပေးသည့် တိုးဂိတ်များကို တရားစွဲမည် ဟု ဆောက်လုပ်ရေးဝန်ကြီးဌာနမှ ထုတ်ပြန်လိုက် ကြောင်း သိရသည်။

ရန်ကုန်မြို့အထွက် ထောက်ကြံ့ လမ်းကြေး ကောက်ဂိတ် (Toll Gate) ကို တွေ့ရစဉ် (ဓာတ်ပုံ - Eye in the sky blog)

တန်ပိုနှင့် ၀န်ပို တင်ဆောင် လာသည့် ကားများအား ဒဏ်ကြေး ပေးဆောင် မောင်းနှင်ခွင့် ပြုသည့် တိုးဂိတ်များကို အရေးယူ သွားမည် ဖြစ်သည်။

“တိုးဂိတ်တွေ အနေနဲ့ ဒဏ်ကြေးတွေ ပိုကောက်ပြီး ဖြတ်သန်း သွားလာ ခွင့်တွေ ပေးလိုက်တဲ့ တန်ပို တွေကြောင့် လမ်းပျက်စီး တာတွေ ဖြစ်လာတယ်။ ဒီအတွက် ကြောင့်လည်း တာဝန် ရှိသူတွေက ဒီစည်းကမ်းကို ထုတ်ပြန် လိုက်တာ”ဟု ဆောက်လုပ်ရေး ၀န်ကြီးဌာနမှ လမ်း၊ တံတား အင်ဂျင်နီယာ တဦးက ပြောသည်။
ထုတ်ပြန်ပြဋ္ဌာန်းထားသည့် လမ်းမကြီးများဆိုင်ရာ ဥပဒေ၊ နည်းဥပဒေ များအတိုင်း အရေးယူသွားမည်ဟု ထုတ်ပြန်ခဲ့သော် လည်း ထောင်ဒဏ် သို့မဟုတ် ငွေဒဏ် မည်သို့ အရေးယူဆောင်ရွက်သွားမည်ကို တိတိကျကျထုတ်ပြန်ခြင်းမရှိကြောင်း သူက ဆိုသည်။

“တိုးဂိတ်တွေက အစိုးရမှာ သိန်းပေါင်းထောင်ချီပြီးလေလံဆွဲပြီးမှ ရထားတာလေ။ ဒီအတွက် သတ်မှတ်ထားတဲ့ နှစ်အတွင်းမှာ ကိုယ်ကုန်ထားတဲ့ ငွေကို ပြန်ရအောင်ရှာကြတာပဲ ”ဟု မန္တလေး ပြည်ထောင်စု လမ်းမကြီးပေါ်ရှိ တိုးဂိတ်တခုမှ တာဝန်ရှိသူ တဦးကပြောသည်။

တည်ဆောက်လုပ်ကိုင်လွှဲပြောင်း စနစ်(BOT)ဖြင့် လုပ်ကိုင်ခွင့် များပေးပြီးနောက်ပိုင်းတွင် လမ်းတံတားကြေး များကောက်ခံမှု မှာ ယခင်ကထက် မြင့်တက်သွားခဲ့ကြကြောင်း ကုန်သည်များထံမှ သတင်းရရှိသည်။

“တာဝန်ရှိသူတွေအနေနဲ့ လမ်းပျက်စီးမှာဆိုးလို့ ဆိုတဲ့ အချက်တွေနဲ့ ဒဏ်ကြေးပေးပြီး ဖြတ်ခိုင်းရင် ကိုယ်သက်ဆိုင်တဲ့ လမ်း ပိုင်းအလိုက် တာဝန်ယူထားတဲ့ ကုမ္ပဏီတွေကို အရေးယူမယ်ဆိုပြီး စာပို့လာတယ်”ဟု လမ်းတံတားကြေးကောက်ခံခွင့် ရရှိ ထားသည့် ကုမ္ပဏီတခု၏ စာရင်းဌာနမှ တာဝန်ရှိသူတဦး ကပြောသည်။

ရန်ကုန်-မန္တလေး ပုံမှန်လမ်းသည် လမ်းပိုင်း ၉ ပိုင်းရှိပြီး ၇ ပိုင်းကို အာဏာပိုင်များနှင့်နီးစပ်သည့် မက်စ်မြန်မာ၊ ရွှေသံလွင်၊ ယုဇန၊ သော် တာဝင်း၊ အိုလံပစ်၊ အေးရှားဝေါလ်နှင့် ကမ္ဘောဇ စသည့် ဆောက်လုပ်ရေး ကုမ္ပဏီကြီး ၇ ခုမှလုပ်ကိုင်ခွင့် ရရှိထားကြောင်း သိရသည်။

ဝန်ပို၊ တန်ပို သယ်ဆောင်မှုအလိုက် တိုးဂိတ်များတခုနှင့်တခု ဒဏ်ကြေး ကောက်ယူသည့် နှုန်း ကွာခြားမှုရှိကြောင်း သိရ သည်။

“ကုန်သည်တွေ အတွက်ရော ၊ တိုးဂိတ်တွေ အတွက်ပါ စဉ်းစားပြီး အာဏာပိုင်တွေက သတ်မှတ်လမ်းကောက်ခံမှုနှုန်းတရား ၀င်ထုတ်ထားသလို ၊ ထုတ်ထားတဲ့ အတိုင်းလည်းလိုက်နာအောင်လုပ်ပေးသင့်တယ်။ ဒါမှလည်း တိုးဂိတ်က တိုးကောက်လို့ ကုန်သည်က ဈေးတက်တာ၊ ကုန်သည်ဈေးတက်လို့ ပြည်သူတွေ ဈေးမြင့်မြင့်နဲ့ ၀ယ်ယူသုံးစွဲရတာ စီးပွားရေးဈေးကွက်မှာ ဒီလိုတွေ စပ်ဆက်မှုရှိနေတော့ အားလုံးကို မျှတအောင် စနစ်ကျအောင် အကောင်အထည်ဖော်ပေးသင့်တယ်”ဟု စီးပွားရေး လုပ်ငန်းဆိုင်ရာ ကျွမ်းကျင်သူတဦးက သုံးသပ်သည်။

ယင်းသို့ စည်းကမ်းချက်များချမှတ်၍ အကောင်အထည်ဖော်ဆောင်သည့် ကာလတွင် သက်ဆိုင်ရာတာဝန်ရှိသူများပါ တိုးဂိတ် များတွင် ပူးပေါင်းဆောင်ရွက်ကာ စိစစ်မှုများပြုလုပ်ရန်လိုအပ်ကြောင်းသူက ပြောသည်။

မြန်မာနိုင်ငံတစ်ဝန်းရှိ လမ်းတံတားအများစုကို ပုဂ္ဂလိက လုပ်ငန်းရှင်များအနေဖြင့် လုပ်ကိုင်ခွင့် နှစ် ၃၀ ခန့် ရရှိကြောင်း သိရသည်။

မြန်မာ ရဟန်းသံဃာတော်များက သင်တန်းကျောင်းဖွင့်

ထိုင်းနိုင်ငံတွင် လာရောက်ပညာသင်ကြားနေသော မြန်မာရဟန်းသံဃာတော်များနှင့် ရွှေ့ပြောင်း အလုပ်သမားများ၏ အတတ်ပညာ၊ ဘာသာစကား၊ ဘာသာရေး၊ ယဉ်ကျေးမှု စသည်တို့ကို ဖြည့်ဆည်းပေးနိုင်ရန် သင်တန်းကျောင်းတခုကို ထိုင်းနိုင်ငံရောက် စာသင်သား မြန်မာရဟန်းတော်များအဖွဲ့က ဘန်ကောက်တွင် ဖွင့်လှစ်လိုက်သည်။

အဆိုပါသင်တန်းကျောင်းကို ဘန်ကောက်မြို့၊ ဖလန်ဆောင် (၆၃) လမ်းရှိ မြန်မာကျောင်းသား ရဟန်းတော်များအဖွဲ့ (ထိုင်းနိုင်ငံ) က ဦးစီးဖွင့်လှစ်ပြီး ထိုင်းမြို့နယ် သံဃာမဟာနာယက လက်ထောက်ဆရာတော်က ကြွရောက်ကာ ယမန်နေ့တွင် ကျောင်းကို တရားဝင်ဖွင့်လှစ်ပေးခဲ့သည်။

အဆိုပါ ရဟန်းတော်များအဖွဲ့ကို ထိုင်းနိုင်ငံရောက် စာသင်သား မြန်မာရဟန်းများဖြင့် ယမန်နှစ် ဇွန်လကတည်းက ဖွဲ့စည်းတည်ထောင်ထားခြင်းဖြစ်ပြီး ပညာရေးရည်ရွယ်ချက်ဖြင့် ရောက်ရှိလာသော ရဟန်းတော်များ၏ အခက်အခဲများကို ကူညီဖြေရှင်းပေးနေခြင်းဖြစ်သည်။

ထိုကော်မတီက ယခုအခါ ဒကာ၊ ဒကာမများဖြစ်သော မြန်မာရွှေ့ပြောင်း အလုပ်သမားများ၏ လိုအပ်ချက်ကို ပံ့ပိုး ဖြည့်ဆည်းပေးသောအားဖြင့် သင်တန်းကျောင်းကို တရားဝင်ဖွင့်လှစ်လိုက်ခြင်းဖြစ်သည်။

အဆိုပါကိစ္စနှင့်ပတ်သက်၍ မြန်မာကျောင်းသား ရဟန်းတော်များအဖွဲ့ ကော်မတီ အတွင်းရေးမှူး (၁) ဆရာတော်အရှင်တေဇက “ဦးဇင်းတို့ ပထမတော့ ဒီကျောင်းကို ရဟန်းသံဃာတွေရဲ့ အရေးအရာတွေအတွက် ရုံခန်းသဘော ထားဖွင့်တာပါ။ နောက်ပိုင်းကျတော့ မြန်မာရွှေ့ပြောင်း အလုပ်သမားတွေဖြစ်တဲ့ ဒကာ၊ ဒကာမတွေအတွက် သူတို့လိုအပ်တဲ့ သာရေး၊ နာရေး၊ ပညာရေးတွေကိုလည်း ဖြည့်ဆည်းပေးတဲ့ သဘောနဲ့ အခုလိုသင်ကြားပေးတာပါ။ မြို့နယ်ရဲစခန်း စခန်းမှူးကလည်း ပြောပါတယ်။ အသိပေးတာ ကျေးဇူးတင်ပါတယ်၊ သူတို့လည်း လိုအပ်သလို ကြည့်ရှုစောင့်ရှောက်ပေးသွားပါမယ်လို့ လျှောက်တယ်” ဟု မိန့်ဆိုသည်။

အဆိုပါသင်တန်းကျောင်းတွင် အင်္ဂလိပ်စာ၊ ထိုင်းစာ၊ ကွန်ပျူတာ၊ ယဉ်ကျေးမှု၊ အဘိဓမ္မာ ဘာသာရပ်များအား ရဟန်းဆရာ၊ လူဆရာများက သင်ကြားပေးလျက်ရှိပြီး ရဟန်းသံဃာတော်များအား စနေနေ့နှင့် ရွှေ့ပြောင်းအလုပ်သမားတို့အတွက် ၎င်းတို့၏ အားလပ်ရက်ဖြစ်သော တနင်္ဂနွေနေ့တွင် သင်ကြားပေးလျက်ရှိသည်။

ယခုအခါတွင် အဆိုပါကျောင်း၌ ရွှေ့ပြောင်းအလုပ်သမား (၈၀) ဦးခန့် တက်ရောက် ပညာသင်ကြားလျက်ရှိသည်။

မြန်မာရဟန်းသံဃာတော်များသည် မကြာခင်နှစ်များအတွင်းမှ စတင်၍ ဗုဒ္ဓဘာသာ ဘာသာရပ်အား အင်္ဂလိပ်စာဖြင့် သင်ကြားသည့် ထိုင်းတက္ကသိုလ်များသို့ လာရောက် သင်ယူနေကြသည်မှာ ယခုအခါဆိုလျှင် အပါး (၁၂၀) ကျော်ရှိနေပြီဖြစ်ကာ၊ ကနဦးနှစ်များက ဘာသာစကား၊ ခရီးသွားလာရေးမှအစ ဆွမ်းကွမ်းစသော အခက်အခဲများနှင့် ရင်ဆိုင်ခဲ့ရသည်။

သို့အတွက် အဆိုပါအခက်အခဲများကို ဖြည့်ဆည်းနိုင်ရန် ယခုကဲ့သို့ ရဟန်းအစုအဖွဲ့တခုကို ထည်ထောင်ခဲ့ကြခြင်းဖြစ်သည်။ မြန်မာကျောင်းသား ရဟန်းတော်များအဖွဲ့ (ထိုင်းနိုင်ငံ) Myanmar Student Monks Organization in Thailand (MSMO) အဖွဲ့၏ အင်တာနက်ဝက်ဆိုဒ်မှာ www.msmointhailand.com ဖြစ်ပြီး ရွှေ့ပြောင်းအလုပ်သမားများ၏ သာရေးနာရေးအတွက်လည်း ရဟန်းသံဃာတော်များကို (၀၂-၈၆၅၀၅၇၁)၊ (၀၈၇-၆၈၄၀၁၄၀) သို့ ပင့်လျှောက်နိုင်သည်။

ရဲဘက်စခန်းမှ အကျဉ်းသား ထွက်ပြေးမှု များပြား

မြန်မာနိုင်ငံတဝန်း ရဲဘက်စခန်းများမှ ရဲဘက်အကျဉ်းသား ထွက်ပြေးမှု များပြားနေကြောင်း၊ လတ်တလော ရာဇဝတ်မှု ကျူးလွန်သူများထဲတွင်လည်း ရဲဘက်ပြေးများ ပါဝင်နေကြောင်း တာဝန်ရှိသူအချို့က ပြောသည်။

မွန်ပြည်နယ် မုပ္ပလင် ရဲဘက်အကျဉ်းစခန်းမှ အကျဉ်းဦးစီးဌာန ဝန်ထမ်းတဦးက “ကျနော်တို့ စခန်းကနေလည်း ရဲဘက်အကျဉ်းသား ထွက်ပြေးတာ အတော်များပါတယ်။ တချို့ တကယ်ပဲ ထွက်ပြေးလို့ လိုက်ဖမ်းရတာတွေ၊ ပြန်မိတာတွေ ရှိပေမယ့် စခန်းမှူး ထောင်ပိုင်နဲ့ ညှိပြီး ငွေပေး ထွက်ပြေးတာမျိုးကျတော့ လွတ်သွားတာ များပါတယ်” ဟု ရှင်းပြသည်။

၎င်း၏ ပြောပြချက်အရ ရဲဘက်စခန်းကို ရောက်လာသည့် အကျဉ်းသားများအနက် ငွေကြေးတတ်နိုင်သည့် အကျဉ်းသားများသည် အကျဉ်းစခန်း တာဝန်ရှိသူများကို လာဘ်ငွေပေးပြီး အလုပ်သက်သာစေရန် လုပ်နိုင်သကဲ့သို့ ကောင်းမွန်စွာ နေထိုင်ရကြောင်း၊ ငွေကြေး မတတ်နိုင်သည့် အကျဉ်းသားများမှာ အလုပ်ကို ပိုမို ပြင်းထန်စွာ လုပ်ကိုင်ရပြီး နှိပ်စက်မှုဒဏ် ပိုခံရကြောင်း၊ နှိပ်စက်မှုဒဏ် မခံနိုင်သူများက ထွက်ပြေးရန် ကြိုးစားကြကြောင်း၊ နှစ်ကြီးအကျဉ်းကျပြီး ငွေကြေးတတ်နိုင်သူများက အကျဉ်းစခန်းမှူးထောင်ပိုင်ကို လာဘ်ငွေပေးပြီး ထွက်ပြေးလေ့ရှိကြောင်း သိရသည်။

ယခုကဲ့သို့ ရဲဘက်စခန်းတို့မှ ထွက်ပြေးသွားသူများအနက် အချို့မှာ ထိုင်းနိုင်ငံဘက် တရားမဝင် ရောက်သွားပြီး လုပ်ကိုင်စားသောက်နေကြသကဲ့သို့ အချို့မှာ မြန်မာနိုင်ငံအတွင်း ပြန်လည်နေထိုင်ကာ ရာဇဝတ်မှု ကျူးလွန်နေကြကြောင်း ရန်ကုန်တိုင်းရဲတပ်ဖွဲ့မှ ရဲဝန်ထမ်းတဦးက ပြောသည်။

၎င်းက “လူသတ်မှု၊ လုယက်မှု၊ ဓားပြမှု၊ အယောင်ဆောင်မှုတွေ မိလိုက်ရင် ရဲဘက်ပြေးတွေချည်းပဲ။ ပြီးခဲ့တဲ့ ကွမ်းခြံကုန်း ဒရယ်လူးကျေးရွာ ဓားပြမှုကြီးဆိုလည်း ရဲဘက်ပြေးတွေ တိုက်တာပဲ။ တနိုင်ငံလုံး ရဲဘက်ပြေး ဘယ်လောက်ရှိနေတယ် စာရင်းအတိအကျ မသိနိုင်ပေမယ့် သောင်းဂဏန်းတော့ သေချာတယ်” ဟု ပြောသည်။

ပြီးခဲ့သည့် မေ (၂၆) ရက်၊ မန္တလေး သီရိမင်္ဂလာ အဝေးပြေးဝင်းတွင် သေနတ်အတုပြ ဗိုလ်မှူးအယောင်ဆောင်ပြီး လိမ်လည်ငွေညှစ်နေသူ တဦးမှာလည်း ရဲဘက်ပြေးဖြစ်ကြောင်း အဆိုပါ ရဲဝန်ထမ်းက ပြောသည်။

စစ်အစိုးရ အကျဉ်းထောင်တို့တွင် လူ့အခွင့်အရေး ချိုးဖောက်မှု ဆိုးရွားနေပြီး ရဲဘက်စခန်းတို့၌ ပိုဆိုးရွားကြောင်း၊ နေ့စဉ် ခိုင်းထားသည့် အလုပ်မပြီးသဖြင့် ရိုက်နှက်ခြင်းမျိုးလည်း ပုံမှန် လိုလိုဖြစ်နေသည့်အတွက် သေမှသာ သေရော ထွက်ပြေးသူ များလာသည်မှာ မဆန်းကြောင်း၊ အဆိုပါ ရဲဘက်ပြေးများအား ရပ်ကွက်ထဲ၌လည်း သက်ဆိုင်ရာ အာဏာပိုင်များက အရေးယူနိုင်ခြင်း မရှိကြောင်း၊ မှုခင်း ပေါ်ပေါက်လာမှသာ ရဲဘက်ပြေး ဆိုသည့် နောက်ဆက်တွဲ ပေါ်ပေါက်လာခြင်းဖြစ်ကြောင်း ရန်ကုန်မြို့မှ နိုင်ငံရေးအကျဉ်းသားဟောင်းတဦးက ပြောသည်။

၎င်းက “အခုပြဿနာတွေ ပြေလည်နိုင်ဖို့ဆိုရင် မြန်မာပြည်မှာ စီးပွားရေး ကောင်းလာဖို့၊ တရားစီရင်ရေးစနစ် ကောင်းလာဖို့၊ အကျဉ်းထောင်တွေ လူ့အခွင့်အရေး စံချိန်စံညွှန်းနဲ့ ကိုက်ညီလာဖို့ လိုမယ်။ ဒါမှသာ ရဲဘက်ပြေး နည်းသွားပြီး လူ့အဖွဲ့အစည်းလည်း ပိုမို အန္တရာယ် ကင်းရှင်းလာနိုင်မှာ ဖြစ်တယ်” ဟု ပြောသည်။

မြန်မာနိုင်ငံတ၀န်းတွင် အကျဉ်းထောင်ပေါင်း (၄၃) ခုရှိပြီး ရဲဖက်စခန်းပေါင်း (၅၀) အထက် ရှိမည်ဟု နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ)၏ အတွင်းရေးမှူုး ကိုတိတ်နိုင်က ပြောသည်။

၎င်းက “အဲဒီရဲဘက်စခန်းတွေက ထွက်ပြေးတဲ့သူ နေ့တိုင်းရှိတယ်။ သေတဲ့သူ နေ့တိုင်းရှိတယ်။ အဓိကကတော့ မခံနိုင်ကြတော့လို့ပါ” ဟု ပြောဆိုသည်။

ဆယ်ကျော်သက် ကျောင်းသားများ မူးယစ်ဆေးသုံး

ကချင်ပြည်နယ်အတွင်း ဘိန်းဖြူ၊ ဘိန်းမဲ၊ ရာဘ စသည့် မူးယစ်ဆေးဝါ သုံးစွဲမှု များပြားလာနေရာ အလယ်တန်းအဆင့် ကျောင်းသားလူငယ်များပါ သုံးစွဲနေကြသည်။

မြစ်ကြီးနား၊ နမ္မတီး၊ မိုးကောင်း၊ ဟိုပင်မြို့တို့တွင် မူးယစ်ဆေးဝါး ရောင်းဝယ်ဖောက်ကားမှု ကျယ်ကျယ်ပြန့်ပြန့်လုပ်နေကြပြီး ကျောင်းများအနီးတွင် မူးယစ်ဆေးဝါး ရောင်းချနေသောကြောင့် ကျောင်းသားများပါ သုံးစွဲနေကြသည်ဟု ဟိုပင်မြို့ သားတဦးက ပြောသည်။

၎င်းက “တက္ကသိုလ်၊ ကောလိပ် ကျောင်းသားတွေကြားမှာလည်း သုံးစွဲကြတယ်။ ပိုဆိုးတာက အလယ်တန်းအဆင့် (၁၃၊ ၁၄) နှစ်အရွယ်တွေ ဘိန်းဖြူသုံးနေကြတယ်။ ဟိုပင်၊ စက်ကုန်းရပ်က အလယ်တန်းကျောင်းနဲ့ ကပ်လျက်မှာ မူးယစ်ဆေးဝါးမျိုးစုံ ရောင်းနေတာရှိတယ်၊ ဘယ်သူမှလည်း လာမဖမ်းဘူး။ ကျောင်းသားတွေဆို ဘိန်းဖြူ (၂ဝဝ) ကျပ်ဖိုး ရောင်းပေးတယ်။ အနည်းဆုံး (၅ဝဝ၊ ၁ဝဝဝ) ဖိုးမှ ရောင်းတာကို ကလေးတွေအတွက် အဲလို ရောင်းပေးနေတာ။ ကလေးတွေက စီးကရက်ထဲ ထည့်ပြီး သောက်တာလေ။ ကလေးတွေ ဆေးလိပ်သောက်တာကတော့ မဆန်းတော့သလို ဖြစ်နေပြီ” ဟု ပြောသည်။

ငွေကြေးအတန်အသင့်ရှိမိဘများ၏ ကျောင်းနေအရွယ် ကလေးများကြားတွင် မူးယစ်ဆေးဝါး သုံးစွဲမှုကြောင့် ဆယ်တန်း၊ တက္ကသိုလ်အဆင့်တွင်ပင် သေဆုံးသွားသည့် ကျောင်းသားလူငယ်များလည်း ရှိနေကြောင်း အဆိုပါ ဟိုပင်မြို့သားက ပြောသည်။

၎င်းက “လွန်ခဲ့တဲ့ (၁ဝ) နှစ်အတွင်း အသက် (၂ဝ) အောက် လူငယ်တွေ ဟိုပင်တမြို့တည်း သေခဲ့တာ သိရသလောက် အယောက် (၁ဝဝ) လောက်ရှိမယ်။ အားလုံးက ပိုက်ဆံတစုံတရာရှိကြတဲ့ အသိုင်းအဝိုင်းက ကလေးတွေ။ အချို့ဆို ဆရာဝန်ဖြစ်ပြီး၊ ဘွဲ့ရပြီးမှ ဆုံးတာ။ ငွေကြေးပုံမှန်ရှိတဲ့ခါ ဘိန်းမဲ ရှူမယ်၊ နံပါတ်ဖိုး ရှူမယ်၊ ပိုက်ဆံမရှိတဲ့ခါကျတော့ ဘိန်းဖြူအကြောထဲ ထိုးတဲ့အဆင့်ဖြစ် လာတယ်။ အဲဒီမှာ ရှော့ဖြစ်ပြီး သေကြတာ” ဟု ပြောသည်။

ကျောက်စိမ်းတွင်းဒေသနှင့် ရွှေမှော်များတွင် မူးယစ်ဆေးဝါးများကို ပေါ်ပေါ်ထင်ထင် ရောင်းဝယ် သုံးစွဲနေကြပြီး မူယစ်ဆေးဝါး စွဲကာ နေရပ်ရင်း မပြန်နိုင်ကြဘဲ ဘဝပျက်နေကြသည့် လူငယ်အတော်များများ ရှိနေကြသည်ဟု ကျောက်စိမ်းကုန်သည်တဦးက ပြောသည်။

၎င်းက “အမှန်က ငွေရှာဖို့အတွက် ရွေတွင်းကျောက်တွင်းကို ရောက်လာကြတာပဲ။ ပတ်ဝန်းကျင်မှာ အဲဒါတွေ သုံးစွဲနေတာ မြင်နေရတော့ စမ်းလုပ်ရာကနေ စွဲလာမယ်၊ ငွေက ပုံမှန်မရ ဖြစ်လာ၊ နောက်တော့ ဆေးဖိုး ရဖို့အတွက် ခိုးမယ်၊ ဝှက်မယ်၊ တောင်းမယ် ဖြစ်လာတယ်။ အဲဒီလိုနဲ့ ဘဝတွေပျက်၊ လမ်းဘေး သေရတဲ့ လူငယ်တွေလည်း အများကြီးဖြစ်နေတယ်” ဟု ပြောသည်။

နအဖက ၂ဝဝဝ ခုနှစ် ဝန်းကျင်များကစ၍ ကချင်ပြည်နယ်၌ (၁၅) နှစ်အတွင်း မူးယစ်ဆေးဝါး သုံးစွဲမှု ကင်းစင်ရမည်ဟု လမ်းဘေး ဆိုင်းဘုတ်များထောင်ကာ ကြွေးကြော်ထားသော်လည်း မူးယစ်ဆေးဝါး ရောင်းဝယ် ဖောက်ကားမှုနှင့် သုံးစွဲမှုမှာ တနှစ်ထက်တနှစ် ပိုများလာသည်ဟု ဒေသခံများက ပြောသည်။

နိုင်ငံရေးအသားပေး ဂျာနယ်တစောင် ထွက်မည်

ဆရာ မောင်ဝံသ၏ ထုတ်ဝေခွင့်လက်မှတ်နှင့် ဆရာဖေမြင့်က အယ်ဒီတာချုပ်လုပ်မည့် ပြည်သူ့ခေတ်ဂျာနယ်ကို မကြာမီ ထုတ်ဝေတော့မည်ဖြစ်ကြောင်း သိရသည်။

ဂျာနယ်တွင် ပါဝင်လုပ်ကိုင်မည့်သူတဦးက “ဂျာနယ်ထုတ်ဝေခွင့်ကို ဆရာမောင်ဝံသက သွားလျှောက်တာ၊ အချိန် သိပ်မကြာဘဲနဲ့ ထုတ်ဝေခွင့် ရတယ်လို့ သိရတယ်။ အယ်ဒီတာချုပ် ဆရာဖေမြင့်၊ ဒု-အယ်ဒီတာချုပ်အဖြစ် အရင် ဗြူးတီးဂျာနယ်၊ ရွက်နုဝေ (ဗိသုကာ ဦးစားပေး) ဂျာနယ်တွေ ထုတ်ဝေခဲ့တဲ့ ကိုမော်လင်း၊ တာဝန်ခံ အယ်ဒီတာအဖြစ် ကိုမင်းနိုင်စိုး၊ အတိုင်ပင်ခံ အယ်ဒီတာတွေအဖြစ် စာပေလောက ဦးမျိုးညွန့်၊ သရဖူ ကိုရဲတို့ ပါဝင်ကြမယ်။ ဆရာမောင်ဝံသဟာ အတိုင်ပင်ခံ အယ်ဒီတာ တာဝန်ကိုလည်း ယူထားမယ်” ဟု ပြောသည်။

အဆိုပါ ဂျာနယ်သည် နိုင်ငံရေး သတင်း၊ ဆောင်းပါးများကို အသားပေး ဖော်ပြမည်ဖြစ်ပြီး လာမည့် ဇူလိုင်လ ပထမပတ်တွင် စတင်ထုတ်ဝေရန် ရည်မှန်းထားကြောင်း သိရသည်။

သတင်းဂျာနယ် အယ်ဒီတာတဦးက ရွေးကောက်ပွဲ လုပ်တော့မည့်အချိန်၊ နိုင်ငံရေးပါတီများ ဖွဲ့စည်းနေကြသည့် အချိန်မျိုးတွင် နိုင်ငံရေးအသားပေး ဂျာနယ်တစောင် ထွက်ပေါ်လာမည့်ကိစ္စသည် ဝမ်းသာစရာဖြစ်ကြောင်း ပြောသည်။

ယခုလက်ရှိ ပြည်တွင်း ဂျာနယ်လောကတွင် နိုင်ငံရေး အသားပေး ဂျာနယ်များအဖြစ် Northern Star ဂျာနယ်၊The Voice ဂျာနယ်၊ Monitor ဂျာနယ်၊ စိမ်းလဲ့ရွှေပြည်နှင့် နွယ်သာကီ ဂျာနယ် (၅) စောင် ရှိနှင့်ပြီးဖြစ်သည်။

အဆိုပါ ဂျာနယ် (၅) စောင်အနက် စိမ်းလဲ့ရွှေပြည်နှင့် နွယ်သာကီ ဂျာနယ်တို့ကို ကြံ့ဖွံ့အဖွဲ့က ထုတ်ဝေပြီး ဈေးကွက်ထဲတွင် ဝယ်ဖတ်သူ မရှိသလောက် နည်းပါးကြောင်း သိရသည်။

Northern Star ဂျာနယ်ကို ဗိုလ်မှူးဟောင်း တင်ဝင်းက ဦးစီးထုတ်ပြီး အစိုးရအာဘော်အတိုင်းဖြစ်ခြင်းကြောင့် ဈေးကွက်တွင် ရောင်းမကောင်းကြောင်း၊ The Voice ဂျာနယ်ကို ဒေါက်တာနေဝင်းမောင် ထုတ်ဝေပြီး ၎င်း၏ အုပ်ချုပ်သူ မပြောင်း၊ မူပြောင်း ဆိုသည့် နိုင်ငံရေးအာဘော် ဆောင်းပါးများကို လက်မခံသူများ၊ ဝေဖန်သူများ ရှိနေသော်လည်း သတင်းဖော်ပြမှု စုံလင်သည့်အတွက် အထိုက်အလျောက် ရောင်းကောင်းသည့် ဂျာနယ်ဖြစ်ကြောင်း သိရသည်။

Monitor ဂျာနယ်ကို ဗိုလ်မှူးကြီးဟောင်း လှမြင့်ဆွေ ထုတ်ဝေကာ အယ်ဒီတာချုပ်မှာ မြတ်ခိုင်ဖြစ်ပြီး အခြား ပုဂ္ဂလိက ဂျာနယ်များကို ခွင့်မပြုသည့် ဗိုလ်ချုပ်အောင်ဆန်း၊ သခင်ကိုယ်တော်မှိုင်း၊ ဦးသန့် ဓာတ်ပုံ မျက်နှာဖုံးပုံများ အသုံးပြုခွင့်ရသည့်အတွက် အထူးအခွင့်အရေးရ ဂျာနယ်အဖြစ် ရန်ကုန်ဂျာနယ် အသိုင်းအဝိုင်းက ဝေဖန်သည်။

ယခု ပြည်သူ့ခေတ် ဂျာနယ်ကို မည်မျှ ရေးသားနိုင်သည်၊ စာပေစိစစ်ရေးက မည်မျှ ခွင့်ပြုမည်ကိုမူ ရန်ကုန်စာနယ်ဇင်း အသိုင်းအဝိုင်းက စောင့်ကြည့်နေကြသည်။

အကြွေ ပြန်မအမ်းနိုင်ရာမှ ဆိုက်ကား သမား နှင့် ရဲတပ်ကြပ်ကြီး ခိုက်ရန် ဖြစ်ပွား၍ ဆေးရုံရောက်

မြန်မာနိုင်ငံ အနောက်ဘက် နယ်စပ်မြို့ မောင်တောမြို့တွင် ငွေအကြွေ ပြန်မအမ်းနိုင်ရာမှ ဆိုက်ကား သမားနှင့် ရဲတပ်ကြပ်ကြီး တဦးတို့ ခိုက်ရန် ဖြစ်ပွားပြီး ဒဏ်ရာ ရရှိသွားသဖြင့် နှစ်ဦး စလုံးကို ဆေးရုံသို့ ပို့လိုက်ရသည် သတင်း ရရှိသည်။

ခိုက်ရန် ဖြစ်ပွား၍ ဆေးရုံ ပို့လိုက်ရသူ နှစ်ဦးမှာ ဆိုက်ကား သမား ဦးဘသာ ( အသက်၅၀) နှင့် ရဲတပ်ကြပ်ကြီး ဦးမောင်မောင်ချေ ( ၅၃နှစ်) တို့ ဖြစ်သည်။
မျက်မြင်တဦးက “ဇွန်လ ၁၂ ရက်နေ့ နံနက် ၁၀ နာရီခန့် ရှိမယ် ထင်ပါတယ်။ ရဲတပ်ကြပ်ကြီးက ဆိုက်ကားစီးပီး လာပါတယ်။ အမှတ် (၁) လမ်းမကြီး ရှေ့ကိုရောက်တော့ ဆိုက်ကားက ဆင်းပီး ငွေတစ်ထောင်ကို ဆိုက်ကား သမားကို ပေးတယ်။ ဆိုက်ကား သမားက ပြန်မအမ်းနိုင်တော့ ရဲတပ်ကြပ်ကြီး ငွေကို ယူပီး ထွက်သွားတယ်။ ဆိုက်ကသမားက ငွေလိုက်တောင်းတော့ အချင်းချင်း စကားများကြတယ်။ နောက်တော့ တယောက်နဲ့ တယောက်နဲ့ ထိုးကြတော့ တာပါဘဲ။ ဆိုက်ကား သမားမှာ ဦးခေါင်း ကွဲသွားပြီး ရဲတပ်ကြပ်ကြီးမှာတော့ မျက်နှာမှာ ဒဏ်ရာ ရရှိသွားခဲ့ပါတယ်။ နောက်တော့ လူတွေ ဖြန်ဖြေပီး ဆေးရုံကို ပို့လိုက်ရပါတယ်” ဟု ပြောသည်။

ရဲတပ်ကြပ်ကြီး ဦးမောင်မောင်ချေမှာ ဒဏ်ရာကို ဆေးထည့်ပြီး ဆေးရုံမှ ပြန်ဆင်းနိုင်ခဲ့သော်လည်း ဆိုက်ကားသမား ဦးဘသာမှာ ညနေပိုင်းမှ ဆေးရုံမှ ပြန်ဆင်းခဲ့ရသည်ဟု သိရသည်။ ဆေးရုံမှ ဆင်းပြီးနောက် သူ့ကို ရဲစခန်းမှ ခေါ်ယူ စစ်ဆေး မေးမြန်းမူများ ပြုလုပ်ခဲ့သည်ဟု သိရသည်။

မြန်မာနိုင်ငံ အနောက်ဘက် နယ်စပ်မြို့တွင် ငွေ အကြွေ ရှားပါးမူကြောင့် ဆိုက်ကားသမားနှင့် ဆိုက်ကားစီးသူများ အကြားတွင်၎င်း၊ ဈေးဝယ်သူနှင့် ဈေးရောင်းသူများ အကြားတွင်၎င်း မကြာခဏ ခိုက်ရန် ဖြစ်ပွားနေကြောင်း သိရှိရသည်။

သို့သော်လည်း ယခင်က ငွေအကြွေအစား ဈေးဆိုင်များမှ ထုတ်ပေးသော တိုကင် အကြွေများကြောင့် တစုံတရာ ပြဿနာ မရှိခဲ့သော်လည်း တိုကင်များ ထုတ်လုပ်ခွင့်ကို ပိတ်ပင် ပြီးနောက် ပြဿနာများ ယခုကဲ့သို့ ပြန်ပေါ်ပေါက်လာခြင်း ဖြစ်သည်။

မြန်မာ စစ်အစိုးရမှ ငွေအကြွေများကို ဘဏ်များမှ လဲလှယ် ထုတ်ပေးနေကြောင်း ကျေညာသော်လည်း နယ်စပ်မြို့ မောင်တောတွင် ငွေ အကြွေများ လှဲလှယ် ထုတ်ပေးခြင်း မရှိသဖြင့် ဈေးဝယ် ဈေးရောင်းရာတွင် လူထု အနေဖြင့် အထူးအခက်အခဲ ကြုံတွေ့နေရကြောင်း သိရှိရသည်။

အိုးဖေါက်ကျေးရွာ ဓါးပြမူ ဒေသခံ စစ်တပ်များ အပေါ် သံသယဖြစ်

ရသေ့တောင်မြို့နယ် သမီးလှ အိုးဖေါက်ကျေးရွာတွင် ဇွန်လ ၆ ရက်နေ့က ဖြစ်ပွားခဲ့သော ဓါးပြ တိုက်မူတွင် ဒေသခံပြည်သူများက ဒေသအတွင်းမှ စစ်သားများနှင့် နစက တပ်ဖွဲ့ဝင်များ အပေါ် သံသယ ဖြစ်နေကြောင်း သိရှိရသည်။

ဇွန်လ ၆ ရက်နေ့က ညနေပိုင်းက သမီးလှ အိုးဖေါက်ကျေးရွာမှ ရယက ဥက္ကဌဟောင်း အောင်စိန်ထွန်း အိမ်အား ဓါးပြတိုက်ရာတွင် ဓါးပြ ၂၀ ခန့်ပါဝင်ပြီး ခေတ်မှီ လက်နက်များကို ကိုင်ဆောင်ထားသည်ဟု ကျေးရွာသား တဦးက ယခုကဲ့သို့ ပြောသည်။

“ဓါးပြတွေက စက်လှေ တစီးနဲ့ အတူ ကျွန်တော်တို့ ရွာကို မှောင်ရီ ပျိုးစမှာ ရောက်နေပြီးတော့ ဆိပ်ကမ်းမှာ ဆိပ်ကပ်ထားပါတယ်။ ညနေ ၁၀ နာရီ ခန့်မှာ ဦးအောင်စိန်ထွန်းအိမ်ကို နစကတွေ ဆိုပီး ၀င်လာပြီးတော့ တံခါး ဖွင့်ပါ။ ဖုံးဆက်ချင်လို့ ဆိုပီး တံခါး ဖွင့်ခိုင်း ပါတယ်။ ဦးအောင်စိန်ထွန်း ကလည်း နစကတွေ ထင်ပီး တံခါးဖွင့်ပေးလိုက်တော့ သူ့အပါအ၀င် အိမ်သားတွေကို ကြိုးနဲ့ချည်ပြီး ဓါးပြတိုက်တော့ တာပါဘဲ။”�

ဦးအောင်စိန်ထွန်းမှာ သူ့၏ နေအိမ်တွင် CDMA တယ်လီဖုံးအား တပ်ဆင် ထားပြီး အဌားဆိုင်အဖြစ် ဖွင့်ထားကြောင်း သိရသည်။ အဆိုပါ ဖုံးကို အကြောင်းပြပြီး အိမ်ထဲကို ၀င်ရောက်ကာ ဓါးပြ တိုက်သွားခြင်း ဖြစ်သည်။

ဓါးပြများသည် ဦးအောင်စိန်ထွန်းအိမ်မှ ကျပ်ငွေ သိန်း ၃၀ နှင့် ရွှေ ၇ ကျပ်ကို လုယက် ယူဆောင်ပြီး အသင့် ပါလာသော စက်လှေဖြင့် ရသေ့တောင် မြို့ဘက်သို့ ထွက်ခွာသွားကြောင်း သူက ဆက်ပြောသည်။

“ဓါးပြတွေက ဓါးပြတိုက်ပီးတာနဲ့ ချက်ချင်းဘဲ ပါလာတဲ့ စက်လှေနဲ့ ထွက်ခွာ သွားပါတယ်။ အိုးဖေါက်ရွာ အထက်ဖက်မှာ ရှိတဲ့ သေကံ ခွဆုံ ကျေးရွာမှာ ရေတပ် ကင်းစခန်းရှိတဲ့ အတွက် ဓါးပြတွေဟာ အောက်ဘက်ကို စုန်ပြီး ရသေ့တောင်ဘက်ကို ထွက်ခွာသွားပါတယ်။”�

ယခုကဲ့သို့ လူပေါင်း ၂၀ ခန့်ဖြင့် ခေတ်မှီလက်နက်များကို ကိုင်ဆောင်၍ ဓါးပြတိုက်မူကြောင့် ဒေသအတွင်းမှ ပြည်သူများက စစ်တပ် (သို့မဟုတ်) နစကများ ပါဝင်ပတ်သက်နိုင်ကြောင်း ပြောဆိုနေသည်ကြသည်ဟု သူက ဆက်ပြောသည်။

သမီးလှ အိုးဖေါက်ကျေးရွာမှာ မေယူမြစ် အရှေ့ဘက်ကမ်းတွင် တည်ရှိပြီး ရသေ့တောင်မြို့နယ် မြောက်ဘက်၏ အစွန်ဆုံး ကျေးရွာ ဖြစ်ကာ ဘူးသီးတောင် မြို့နယ်နှင့် ကပ်ရပ် တည်ရှိသည်။ ရသေ့တောင်မြို့တွင် ခမရ ၅၃၆၊ ၅၃၇ နှင့် ၅၃၈ တပ်ရင်း ၃ သုံးရင်းတပ်စွဲထားပြီး ဘူးသီးတောင်မြို့ နယ်တွင် ဗျူဟာ တခု၊ တပ်မ တခုနှင့် စစ်တပ် တပ်ရင်း ၁၃ ရင်းခန့် တည်ရှိသည်။ ၎င်းပြင် အိုးဖေါက်ရာ အနီးတွင် သေကံ ခွဆုံ ရေတပ် စခန်းနှင့် ၅ မိုင်ခန့်အကွာတွင် စေတီတောင် ရဲကင်းစခန်းရှိကြောင်းလည်း သိရသည်။

ယခုအခါ ရခိုင်ပြည်နယ် မြောက်ပိုင်း မောင်တော၊ ဘူးသီးတောင်နှင့် ရသေ့တောင်မြို့နယ်များတွင် ဓါးပြမူများ အထူးတိုးပွားနေရာ လက်နက်ကိုင် တပ်ဖွဲ့များ အပေါ် ဒေသခံများက သံသယ ရှိနေကြသည်။

မေလ ၁၂ ရက်နေ့ကလည်း မောင်တောမြို့နယ် သရက်အုပ် ကျေးရွာ ရယက ဥက္ကဌ အိမ်ကို ဓါးပြတိုက်ရာတွင် နစက တပ်ဖွဲ့ဝင်များကဲ့သို့ စကားပြောပြီး ဓါးပြ ၀င်တိုက်သွားခဲ့သည်။

အဆိုပါ ဓါးပြတိုက်မူတွင် သိန်း ၅၀ ခန့် ပါသွားပြီး ရယက ဥက္ကဌ ဦးထွန်းအေးမောင်မှာ ဥက္ကဌ ဖြစ်ပြီး ဓါးပြရန်ကို မကာကွယ် နိုင်ကောင်း လားဟု ဆိုကာ ခရိုင် ဥက္ကဌ ထွန်းနိူင်လင်းမှ ရယက ဥက္ကဌ တာဝန်မှ ရပ်ဆိုင်းခဲ့သည်။

အလားတူ ဇွန်လ ၁၂ ရက်နေ့ကလည်း ရေတွင်းကျွန်းကျေးရွာမှ ရယက အဖွဲက၀င် ဦးဇာဖါးအိမ်ကို ဓါးပြ တိုက်သွားခဲ့ပြီး ဇွန်လ ၈ ရက်နေ့ကလည်း မြောတောင် ကျေးရွာမှ ဒေါ်ဟာဘေရာ အိမ်ကို ဓါးပြတိုက်သွားခဲ့သည်။ ဒေါ်ဟာဘေရာ၏ ယောင်္ကျားမှာ ဆော်ဒီအာရေဗီးယားတွင် အလုပ် လုပ်ကိုင် နေပြီး သူမ အိမ်မှ ရွှေ ၁၅ ကျပ်ကို ဓါးပြတိုက်ယူသွားကြောင်း သိရသည်။

ယခုကဲ့သို့ ဓါးပြများ အထူးသောင်းကျန်းနေသော်လည်း ယခုအချိန်ထိ လက်နက်ကိုင် တပ်ဖွဲ့များမှ တစုံတရာ နှိမ်နှင်း ဖမ်းဆီးနိုင်ခြင်း မရှိ သေးကြောင်း သိရှိရသည်။

အသက်မပြည့်သူ ကလေးငယ်နှစ်ဦး စစ်တပ်ထဲ ဆွဲသွင်းခံရ

ရခိုင်ပြည်နယ် မောင်တောမြို့ အောင်ဗလ ကျေးရွာမှ စစ်မူ ထမ်းဆောင်ရန် အသက် မပြည့်သေးသည့် ကလေး နှစ်ဦးကို စစ်တပ်မှ ဆန်တအိတ်နှင့် ငွေ တသိန်း ပေးမည်ဟု ဆိုကာ စစ်တပ်ထဲသို့ အတင်း အဓမ္မ စည်းရုံး သိမ်းသွင်း သွားသည် ဟု သတင်း ရရှိသည်။

စစ်သား အဖြစ် ဆွဲသွင်းခံရသူ လူငယ် နှစ်ဦးမှာ အသက် ၁၇ နှစ်နှင့် ၁၆ နှစ်သာ ရှိသေးသော မောင်သန်းဌေးနှင့် မောင်ကိုလု ဆိုသည့် လူငယ် နှစ်ဦး ဖြစ်ကြောင်း ဆွေမျိုး တော်သူ တဦးက ယခုကဲ့သို့ ပြောသည်။

“ ဇွန်လ ၁၀ရက် နေ့ က မနက် ၈နာရီခန့်မှာ ဘူးသီးတောင် အခြေစိုက် ခမရ ၂၆၃ က ဗိုလ်တဦးနဲ့ တပ်ကြပ် တဦးတို့ ရောက်လာပြီး မောင်သန်းဌေးနဲ့ မောင်ကိုလုကို တပ်ထဲကို ၀င်ဝင်ချင်း မင်းတို့ကို ဆန်တစ်အိတ်နဲ့ ပိုက်ဆံ တစ်သိန်း ပေးမယ်။ ပီးတော့ မင်းတို့ဟိုရောက်ရင် ဘာဆို ဘာမှ လုပ်စရာ မလိုဘူး ဆိုတဲ့ မက်လုံးတွေနဲ့ စစ်တပ်ထဲကို မ၀င်ချင်ရင် ၀င်ချင်အောင် ပြောပြီး ဆွဲခေါ်သွားကြပါတယ်။ ၂၆၃ ဘူးသီးတောင် တပ်ရင်းကို ခေါ်သွားတာ ဖြစ်ပါတယ်။”

စစ်တပ်ထဲ ဆွဲသွင်းခံရသည့် အသက် ၁၆ နှစ်သာ ရှိသေးသော မောင်ကိုလု မှာ (ဖ) ဦးမြထွန်းဖြူ (မိ) ဒေါ် မစိန်တို့ သားဖြစ်ပြီး အသက် ၁၇ နှစ် မောင်သန်းဌေးမှာ (ဖ) ဦးစိန်မောင် (မိ) ဒေါ် ဦးသန်းစိန်တို့၏ သား ဖြစ်သည်။

မိသားစုများမှာ သူတို့ကို စစ်တပ်မှ စည်းရုံး သိမ်းသွင်း သွားကြောင်းကို အဆိုပါ လူငယ် နှစ်ဦးမှာ စစ်သားများနှင့် ကျေးရွာမှ ထွက်သွားပြီးမှ သိရ ကြောင်း သူက ပြောသည်။

အဆိုပါ လူငယ် နှစ်ဦးကို မက်လုံးပေး စည်းရုံး သိမ်းသွင်းသွားသူ စစ်သား နှစ်ဦးမှာ ခမရ ၂၆၃ မှ ဒုဗိုလ် မျိုးဇော်နှင့် တပ်ကြပ်ကြီး ဇော်ဝင်းတို့ ဖြစ်ကြသည်။

အလားတူ မောင်တော မြို့သူကြီးရပ်ကွက်မှ အသက်မပြည့်သူ လူငယ် နှစ်ဦးကိုလည်း အဆိုပါ စစ်သား နှစ်ဦးမှ စည်းရုံးသိမ်းသွင်းပြီး ၂၆၃ အခြေစိုက်ရာ ဘူးသီးတောင် တပ်ရင်းသို့ မောင်သန်းဌေး၊ မောင်ကိုလုတို့နှင့် အတူ ခေါ်ဆောင်သွားကြောင်း သိရ သည်။

နအ စစ်အစိုးရ အနေဖြင့် မြန်မာ့ တပ်မတော်တွင် အသက်မပြည့်သည့် ကလေးများ စစ်မူထမ်းခြင်းကို ခွင့်မပြုကြောင်း ပြောကြားနေသော်လည်း နယ်ဒေသများ၌ စစ်သား စုဆောင်းရာတွင် ယခုကဲ့သို့ အသက် မပြည့်သူ လူငယ်များ ကိုလည်း စစ်တပ်က မက်လုံးပေး စည်းရုံး သိမ်းသွင်းကာ စုဆောင်း နေကြောင်း သတင်း ရရှိသည်။