Pages

Subscribe

Monday 3 May 2010

တိုင်းမှူးကတော်မှာယူသော သဇင်ဥ ရရှိရေး ဒေသခံရွာသားများ အတင်း အဓမ္မ စေခိုင်း ခံနေရ



(ထွန်းထွန်း) အနောက်ပိုင်း တိုင်းမှူးကတော် မှာယူသော ရှားပါး သဇင်ဥများကို ဒေသခံ စစ်တပ်များမှ ကျေးရွာသားများကို အတင်း အဓမ္မ ရှာဖွေပြီး စစ်တပ်သို့ ပို့ဆောင်ခိုင်းနေသည်ဟု ကျေးရွာသားများက ပြောသည်။

“အနောက်ပိုင်းတိုင်း တိုင်းမှူးကတော် ဒေါ်မြမြစံက ရှားပါး သဇင်ဥ ပိသာ ၂၀ ကို ပို့ပေးရမယ်ဆိုပြီး ပလက်ဝမြို့နယ် အခြေစိုက် တပ်ရင်း တပ်ဖွဲ့တွေကို အမိန့်ပေးထားတဲ့အတွက် စစ်တပ်တွေက ကျေးရွာသားတွေကို ရွာအလိုက် သဇင်ဥတွေ ပေးသွင်းရမယ်ဆိုပီး အမိန့်ပေးထားပါတယ်။ အခုအခါ ကျေးရွာတွေအလိုက် ရှားပါး သဇင်ဥ တွေကို တောအနှံ့တောင်အနှံ့ လိုက်ရှာနေကြရပါတယ်။”
 အဆိုပါ ခိုင်းစေမှုကို ပလက်ဝ အခြေစိုက် စစ်ဗျူဟာ (၁) လက်အောက်ခံ တပ်ရင်း၊ တပ်ဖွဲ့များမှ ပြုလုပ်နေခြင်း ဖြစ်ကြောင်း သိရသည်။

“အခု သဇင်ဥ ရှာပုံတော် ဖွင့်နေရတဲ့ ကျေးရွာသားတွေကတော့ ပလက်ဝမြို့နယ်က တရွိုင်အိုင်၊ မီးလက်ဝ၊ သဲမ၀၊ စက်ပစ်ပြင်၊ မီးချောင်း၊ အုပ်သလင်းဝ၊ ဒလက်မေနှင့် အခြားကျေးရွာတွေက ဖြစ်ပါ တယ်။ စေခိုင်းနေတဲ့ တပ်ရင်းတွေက ခမရ ၂၈၉ တပ်ရင်း၊ များမကြာခင်ကမှ ရှေ့တန်း လှုပ်ရှား စစ်ကြောင်း အဖြစ် ရောက်ရှိလာတဲ့ ခမ ရ ၂၃၄ နဲ့ ကျောက်ဖြူ အခြေစိုက် ၃၄ တပ်ရင်းတို့ ဖြစ်ကြပါတယ်။”

တပ်ရင်း တရင်းကို ၇ ပိသာစီ ပေးရသွင်းမည်ဟု တိုင်းမှူးကတော်မှ မှာယူထားသဖြင့် တပ်ရင်းမှူးများ အနေဖြင့် သဇင်ဥ ရရှိရေးကို အထူး ဦးစားပေး လုပ်ငန်း အဖြစ် ဆောင်ရွက်နေကြသည်ဟု သိရသည်။

၎င်းပြင် အဆိုပါ ဒေသမှ ရောက်ရှိလာသူ ကိုညီညီနိုင်ကလည်း သဇင်ဥ ရှာဖွေရန် ကျေးရွာသားများကို အတင်း အဓမ္မ စေခိုင်းနေခြင်းကို အတည်ပြု ပြောကြားပြီး မပေးသွင်းနိုင်သည့် ကျေးရွာများ အနေဖြင့် ဒဏ်ငွေ ပေးဆောင်ရမည်ဟု ပြောသည်။

“ဒီနှစ် ဇန္န၀ါရီလ ပထမအပတ် ကတည်းက စစ်တပ်တွေကို သဇင်ဥ ပိသာ ၂၀ စီ ပို့ပေးရမယ်ဆိုပီး အနောက်ပိုင်းတိုင်းက ခိုင်းထားတယ်လို့ သိရပါတယ်။ သဇင်ဥက မြင်တဲ့ နေရာမှာ ပေါက်ရောက်တာ မဟုတ်တော့ စစ်သားတွေက ရှာဖွေလို့ မရနိုင်ဘူး။ သူတို့ ရှာဖွေလို့ မရတော့ ကျေးရွာ တိုင်းက ဥက္ကဌတွေကို ခေါ်ပီး တရွာကိုသဇင်ဥ အနည်းဆုံး ၅ ပိသာ ရှာပေးရမယ်။ ရှာမပေးနိုင်တဲ့ ရွာကို ကျပ်ငွေ ၅၀၀၀၀ ဒဏ်တပ်မယ်ဆိုပီး စစ်တပ်က ပြောထားတယ်လို့ သိရပါတယ်။”

ဒေသခံစစ်တပ်၏ အမိန့်ကိုမဖီဆန်နိုင်သောကြောင့် ကျေးရွာသားများမှာ သဇင်ဥရရှိရေးအတွက် တတောင်တက် တတောင်ဆင်း တတောဝင် တတောထွက်ဖြင့် နေ့ရောညပါ သဇင်ဥများကို ရှာဖွေနေကြရသည်ဟု သိရသည်။

အဆိုပါ သဇင်ဥများကို အနောက်ပိုင်းတိုင်း စစ်ဌာနချုပ်တွင် စိုက်ပျိုးရန် အတွက် တိုင်းမှူးကတော်မှ မှာယူခြင်း ဖြစ်ကြောင်း သိရှိရသည်။

မြန်မာ့စာနယ်ဇင်း လွတ်လပ်ခွင့် အလားအလာ မှေးမှိန်နေဆဲ

မြန်မာနိုင်ငံမှာ မကြာခင် ရွေးကောက်ပွဲပြုလုပ်ပြီး ဒီမိုကရေစီ အသွင်ပြောင်းမယ်လို့ စစ်အစိုးရက ကြေညာထားပေမဲ့ စာနယ်ဇင်း လွတ်လပ်ခွင့်အတွက် အလားအလာ ကောင်းကတော့ အတော်လေး နည်းနေသေးတယ်လို့ ပြည်တွင်း ပြည်ပ စာနယ်ဇင်းသမားတွေက ဝေဖန်ကြပါတယ်။ မြန်မာ့သတင်းလောက တိုးတက်ဖို့ ဘာတွေ အဓိက လိုအပ်နေသေးလဲဆိုတာ စုံစမ်းမေးမြန်းပြီး ကိုသားညွန့်ဦးက တင်ပြပေးထားပါတယ်။ ဒီမိုကရေစီ အသွင်ကူးပြောင်းရေးအတွက် ရွေးကောက်ပွဲလုပ်ဖို့ ပြင်ဆင်နေတဲ့ အခုအချိန် ကာလမှာတောင် ရွေးကောက်ပွဲနဲ့ ပတ်သက်လို့ သတင်းတွေမှာ ဆင်ဆာဖြတ်တောက်ခံရတာ၊ ဖော်ပြခွင့် ပိတ်ပင်ခံရတာတွေ ရှိနေတုန်းပဲလို့ ပြည်တွင်း သတင်းအယ်ဒီတာတွေက ပြောပါတယ်။ တကယ်တော့ မြန်မာနိုင်ငံဟာ စာနယ်ဇင်း လွတ်လပ်ခွင့်၊ သတင်းလွတ်လပ်ခွင့် ကန့်သတ်ချိုးနှိမ် ခံနေရတာ ၁၉၆၂ စစ်တပ်က အာဏာသိမ်းပြီး လွတ်လပ်တဲ့ သတင်းစာတိုက်တွေ ဖျက်သိမ်းခံရ ကတည်းကလို့ ဆိုရမှာပါ။

အခုနှစ်ပိုင်း အတွင်းမှာတော့ ပြည်တွင်းမှာ သတင်းဂျာနယ်တွေ အမျိုးမျိုး ပေါ်လာပါတယ်။ ဒါပေမဲ့လည်း သတင်းလွတ်လပ်ခွင့်ကတော့ အပြည့်ရဖို့ ဝေးနေသေးတယ်လို့ အမည်မဖော်လိုတဲ့ ပြည်တွင်းဂျာနယ် အယ်ဒီတာတဦးက ပြောပါတယ်။

“ကျနော့်အမြင်ကတော့ သိပ်မထူးသေးဘူးလို့ ထင်ပါတယ်။ စာပေစိစစ်ရေး ဆိုတာလည်း ရှိနေပြီးတော့ အကုန်လုံးက စိစစ်နေတုန်းဆိုတော့။ လွတ်လပ်ခွင့် အပြည့်အ၀ရဖို့ နည်းနည်း ဝေးနေသေးတယ်လို့ မြင်ပါတယ်။ ဘာဖြစ်လို့လဲဆိုရင် ရွေးကောက်ပွဲ ဥပဒေ စပြီး ကြေညာလိုက်တဲ့ အချိန်မှာ တချို့ဂျာနယ်တွေက ရွေးကောက်ပွဲ ဥပဒေ ထုတ်ပြန်ကြေညာချက်နဲ့ ရွေးကောက်ပွဲအပေါ် အမြင်တွေကို လိုက်မေးပြီးတော့ ထည့်ဖို့ ကြိုးစားပါတယ်။ အဲဒါ ထောက်ခံတဲ့ အဆိုပြုချက်များသာ ဖော်ပြခံရပြီး ဝေဖန် ဆန်းစစ်တဲ့ အမြင်တွေက မဖော်ပြရတဲ့ အနေအထားမှာ ရှိနေသေးတော့ ကျနော်တော့ သိပ်ပြီး မမျှော်လင့်ရဲသေးပါဘူး။”

အလင်းတန်းဂျာနယ် အယ်ဒီတာ ကိုမျိုးမြင့်ငြိမ်းကတော့ နိုင်ငံရေး အခြေအနေ တစုံတရာ အပြောင်းအလဲကြောင့် အချိန်ကာလ မကြာခင်မှာ သတင်းဂျာနယ်တွေ ပိုပြီး လွတ်လွတ်လပ်လပ် ရေးသားလာနိုင်လိမ့်မယ်လို့ မျှော်လင့်နေပါတယ်။

“လွတ်လပ်စွာ ရေးသားခွင့်ဆိုပြီး လွတ်လပ်စွာ ပုတ်ခတ်တာ၊ လွတ်လပ်စွာ တိုက်ခိုက်တာမျိုးတော့ ကျနော်တို့ လုပ်လို့မရဘူးပေါ့။ ကျနော်တို့ ကိုယ်တိုင်လည်း အဲဒါမျိုး လုပ်လေ့လုပ်ထ မရှိပါဘူး။ ဒါပေမဲ့ ရေးသားခွင့်ကတော့ ၂ နှစ် ၃ နှစ်အတွင်းမှာ အရင်ကထက် ပိုပြီး ရလာတဲ့အတွက် နောက်ထပ် ဒီ့ထက်ပိုပြီးတော့ အချိန်ကာလ ကြာလာတာနဲ့အမျှ ပိုပြီးတော့ လွတ်လပ်ခွင့် ရလာမယ်လို့ ကျနော်တော့ မျှော်လင့်တယ်၊ ယုံလည်း ယုံကြည်ပါတယ်။

“ဒီနေ့ ဂျာနယ်တွေမှာ ရွေးကောက်ပွဲနဲ့ ပတ်သက်ပြီး အများကြီး ပါနေတာတွေလည်း ရှိပါတယ်။ တချို့ဟာတွေမှာလည်း ဖြတ်တောက်ခံရတာ ရှိတယ်၊ တချို့ဟာတွေမှာလည်း မမျှော်လင့်ထားဘဲနဲ့ လွှတ်ပေးထားတာ ရှိတယ်။ အရင်ကထက်စာရင် တော်တော်ကြီး တိုးတက်လာတယ်လို့ ပြောချင်ပါတယ်။”

ရွေးကောက်ပွဲတွေ လုပ်တော့မယ်ဆိုတော့ ရွေးကောက်ပွဲ ကာလမှာဖြစ်စေ၊ ရွေးကောက်ပွဲ နောက်ပိုင်းမှာဖြစ်စေ သတင်းလွတ်လပ်ခွင့်နဲ့ ပတ်သက်လို့ ပိုပြီး လွတ်လပ်လာမယ် ထင်ပါသလား။

“အရင်ကထက်စာရင် ပိုပြီး လွတ်လပ်မယ်လို့ ကျနော်တို့ မျှော်လင့်တယ်။ ဘာဖြစ်လို့လဲဆိုတော့ ဒီရွေးကောက်ပွဲက တရားမျှတခြင်း ရှိခြင်း၊ မရှိခြင်းဆိုတာ မီဒီယာတွေကပဲ Opinion ပေးလို့ရတာဖြစ်တယ်။ မီဒီယာတွေရဲ့ အာဘော်ကို ကြည့်ပြီးတော့မှပဲ လွတ်လပ်ခွင့် ရှိခြင်း၊ မရှိခြင်းကို ကမ္ဘာက သုံးသပ်လို့ရမှာ ဖြစ်တယ်။ အဲတော့ မီဒီယာပေါ်မှာ လွတ်လပ်စွာ ရေးသားခွင့် ပေးခြင်းကသာ ဒီရွေးကောက်ပွဲက လွတ်လပ်ခြင်း၊ တရားမျှတခြင်း ဆိုတာကို ပေါ်လွင်နိုင်မှာ ဖြစ်တယ်။”

ဒါပေမဲ့လည်း မြန်မာနိုင်ငံမှာ သတင်းလုပ်ငန်းကြောင့် အာဏာပိုင်တွေရဲ့ တားဆီးနှောင့်ယှက် ဖမ်းဆီးခံရတဲ့ ကိစ္စကိုတော့ ပြည်တွင်း သတင်းဂျာနယ်တွေမှာ ဖော်ပြဖို့ မလွယ်သေးပါဘူး။ အခုအချိန်အထိကို သတင်းလုပ်ငန်းကြောင့် ဖမ်းဆီးခံရသူ အတော်များများ ရှိထားတယ်လို့ မြန်မာ့သတင်းသမဂ္ဂ ဒု-ဥက္ကဋ္ဌ ဦးဇင်လင်းက ပြောပါတယ်။

“စာနယ်ဇင်းသမားတွေ အနေအထားနဲ့ ပြောမယ်ဆိုရင်တော့ ဒီနေ့ဆိုရင် အဖမ်းခံရတဲ့ အရေအတွက်က ၃၀ ၀န်းကျင်လောက် ရှိနေပြီ။ အဲဒီထဲမှာ သတင်းသမား၊ သတင်းနဲ့ ပတ်သက်လို့ အရေးယူခံရတဲ့လူက ၁၂ ယောက်လောက် ရှိမယ်လို့ အကြမ်းဖျင်း ကျနော်တို့ ခန့်မှန်းတယ်။ သတင်းသမားတွေ၊ အခု အဖမ်းအဆီး ခံထားရတဲ့လူတွေ အကုန်လုံးက ဘာနဲ့သွားပြီး ဆက်နွယ်နေလဲဆိုတော့ အီလက်ထရောနစ်အက်ရယ်၊ ဗွီဒီယိုအက်ရယ်၊ အဲဒီ ၂ ခုနဲ့ အရေးယူခံရတဲ့လူတွေ ဒီနေ့ များလာပြီလို့ ပြောရမယ်။”

ဦးဇင်လင်း ပြောသလိုပဲ အများစု ဖမ်းခံရသူတွေဟာ အင်တာနက်သုံးလို့၊ အီးမေးလ်အကောင့်ဖွင့်ပြီး ပြည်ပနဲ့ ဆက်ဆံလို့ဆိုပြီး အီလက်ထရောနစ် ပုဒ်မတွေနဲ့ အရေးယူခံရသူ များပါတယ်။ သတင်းသမား ဆိုတာကလည်း ကမ္ဘာကို မျက်စိဖွင့်ကြည့်ဖို့ အင်တာနက်ကို သုံးရပါတယ်။ ဒါကြောင့်လည်း စစ်အစိုးရရဲ့ အီလက်ထရောနစ် အက်ဥပဒေဟာ မီဒီယာသမားတွေအတွက် တကယ့် အတားအဆီး တရပ်ပဲလို့ သတင်းသမားတွေက ယူဆပါတယ်။ သတင်းသမားတွေနဲ့ ပတ်သက်လို့ မြန်မာနိုင်ငံမှာ နောက်ဆုံး အဖမ်းအဆီးကိစ္စ ပြောရင်တော့ သင်္ကြန် ရန်ကုန်ဗုံးကွဲမှုကို ဓာတ်ပုံရိုက်ယူခဲ့တဲ့ ကိုစည်သူဇေယျနဲ့ ဖခင်ဖြစ်သူ မဂ္ဂဇင်း ဒီဇိုင်နာ ဦးဇေယျတို့ ဖြစ်ကြပါတယ်။

အင်တာနက် အသုံးပြုမှုအပေါ် ကန့်သတ်မှုနဲ့ အခက်အခဲတွေ ပိုများလာ

အများသုံး အင်တာနက်ကဖေး ဆိုင်တွေမှာ သုံးစွဲကြသူတွေ အနေနဲ့ ၀င်ကြည့်ချင်တဲ့ ၀က်ဘ်ဆိုက်တွေကို ကျော်ခွ ကြည့်နေရတာ အဆန်းမဟုတ်ပေမဲ့ အခုတလော ရန်ကုန်တိုင်းထဲက အင်တာနက် ကဖေးဆိုင် တချို့မှာ သက်ဆိုင်ရာ ၀င်ပြီး စစ်ဆေးတာ၊ စောင့်ကြည့်တာတွေ ရှိနေတယ်လို့ ဒေသခံတွေက ပြောကြပါတယ်။ ကွန်နက်ရှင် (Connection) ကလည်း အရင်တုန်းကထက် ပိုပြီး နှေးနေလို့ အင်တာနက် သုံးနေသူတွေ ပိုပြီး အခက်တွေ့နေပါတယ်။ အပြည့်အစုံကို ဆက်သွယ်စုံစမ်းထားတဲ့ မသင်းသီရိက တင်ပြပေးထားပါတယ်။ အင်တာနက် သုံးစွဲမှုတွေကို ထိန်းချုပ်ကန့်သတ်တာ၊ စောင့်ကြည့်တာတွေနဲ့ အတူ အထူးသဖြင့် အင်တာနက်ဆိုင်တွေကို နိုင်ငံခြား သတင်းဌာနတွေနဲ့ တချို့ဝက်ဘ်ဆိုက် တော်တော်များများကို မကြည့်ရဘူးလို့ ပိတ်ပင်ထားတဲ့ စာတွေကို ဆိုင်တွေမှာ ကပ်ထားဖို့ အာဏာပိုင်တွေက ညွှန်ကြားထားသလို အစိုးရကိုယ်တိုင်ကလည်း ကြည့်မရအောင် ပိတ်ထားတာတွေလည်း ရှိပါတယ်။

ဒါပေမဲ့ ခုရက်ပိုင်းတွေအတွင်း ရန်ကုန်မြို့ထဲက ဆိုင်တချို့ကို ရှောင်တခင် ၀င်ရောက်စစ်ဆေးတာ၊ စောင့်ကြည့်တာမျိုးတွေ ရှိနေတယ်လို့လည်း ရန်ကုန် အင်တာနက်ဆိုင်ရှင် လူငယ်တဦးက သူသိထားသမျှ အခုလို ပြန်ပြောပြပါတယ်။

“ဆိုင်တော်တော်များများကတော့ တဆင့်စကား တဆင့် ကြားနေရတာ သူတို့ဘက်ကနေပြီးတော့ လူတွေဘာတွေ ထည့်ထားတာတို့၊ ရှောင်တခင် ၀င်စစ်ဆေးတာတို့ ရှိတယ်လို့တော့ ကြားတယ်။ ကျနော်တို့ဆိုင်တွေ ဆီကိုတော့ မလာသေးဘူး။ အဲလိုတော့ ကြားနေရတာပဲ။ နိုင်ငံရေးနဲ့ မလွတ်ကင်းတဲ့ ၀က်ဘ်ဆိုက်တွေ မကြည့်ရဘူးတို့ ဘာတို့ ကပ်ထားတာရှိတယ်။

“တချို့ကျတော့လည်း ကြည့်ချင်ပေမဲ့ ကြည့်လို့ အဆင်မပြေဘူးပေါ့။ လူတဦးချင်း လာသုံးတဲ့လူတွေ အနေနဲ့လည်း ဆန္ဒရှိသလောက်၊ ကိုယ်ကြည့်ချင်သလောက် ဖွင့်ကြည့်ဖို့က ကိုယ့်အတွက် လုံခြုံရေးအရ အဆင်မပြေတာတွေလည်း ရှိတယ်။ ပြီးတော့ ဖွင့်ကြည့်ပြန်တော့လည်း ကွန်နက်ရှင် စပိတွေက အရမ်းနှေးနေတော့ အင်တာနက် သုံးရတာကို အဆင်မပြေဘူး ဖြစ်နေတယ်။”

တခါ ပြီးခဲ့တဲ့ သင်္ကြန်ရက်ပိုင်းတွေကစလို့ အတော်လေး ဆက်သွယ်မှုနှုန်းတွေ နှေးလွန်းနေတာကြောင့် ဆိုင်ရှင်တွေရော အိမ်သုံးသမားတွေရော အဆင်မပြေကြဘူးလို့ ဆိုသလို အင်တာနက် ဆိုင်တွေကနေ နိုင်ငံခြား ဖုန်းခေါ်ပေးတာတွေလည်း လုံးဝကို လုပ်မရလောက်အောင် လိုင်းတွေ ကျနေတယ်လို့လည်း ဆိုင်ရှင်တွေ ညည်းကြပါတယ်။

“ကွန်နက်ရှင် စပိကလည်း အရမ်းနှေးတယ်။ တခါတလေကျရင် သုံးလို့မရလောက်အောင် ပြတ်သွားတာမျိုးတွေ ရှိတယ်။ အဲလိုမျိုး အခြေအနေတော့ ရှိတယ်။ သုံးရတာတော့ အဆင်မပြေပါဘူး၊ ရန်ကုန်မှာကတော့။ နောက် တချို့ဆိုက်တွေကလည်း Banned ထားတာက များနေတယ်။ ကျနော်တို့ဆီမှာ ကြည့်လို့မရတာက များတယ်။ ချတ်တင် (Chatting) လုပ်တဲ့ ဆိုက်လေးတွေလောက်ပဲ သုံးလို့ရသလို ဖြစ်နေတယ်။ ဘလော့ဂ်တွေ ဖတ်မယ်၊ ဘာညာဆိုရင် လေးပင်နေပြီးတော့ အဆင်မပြေတာ များတယ်။ ၀က်ဘ်ဆိုက်ရဲ့ မေးလ် ဘာညာတောင် သုံးလို့မရဘူး ဆိုမှတော့ အဆင်မပြေကြဘူးပေါ့ဗျာ။”

ဆိုင်ရှင်တွေအတွက် ပိုပြီး တွက်ခြေမကိုက်တဲ့ နောက်တချက်ကလည်း လျှပ်စစ်မီး မရတဲ့ ပြဿနာပါ။ တဆိုင်လုံးကို မီးစက်တွေနဲ့ မောင်းထားရသလို ဆီဖိုးနဲ့ မကိုက်တာတွေရှိလို့ တချို့ဆိုင်တွေဆို ပိတ်ပစ်လိုက်ရတာမျိုးထိ ရှိတယ်လို့လည်း ပြောပါတယ်။

မြန်မာနိုင်ငံမှာ အင်တာနက် သုံးစွဲမှုဈေးက အလွန်ကြီးပါတယ်။ ပထမအဆင့် အင်တာနက် သွယ်မယ်ဆိုရင် FEC ၁,၅၀၀ ကြိုသွင်း၊ တခါ လစဉ်ကြေးက ပုံမှန်လိုင်းဆို တလ ၄၅ FEC၊ နည်းနည်း မြန်နှုန်းမြင့် လိုင်းဆိုရင် တလ ၇၅ FEC အပြင် ဆိုင်တွေဆို တလကို FEC ၁၅၂ ပေးကြရပါတယ်။ တခါ နှစ်စဉ်ကြေး ဆိုတာလည်း သွင်းကြရတာပါ။ အစိုးရလိုင်းတွေဖြစ်တဲ့ ပုဂံနက်တို့၊ ရတနာပုံတို့၊ MPT တို့ကလည်း အင်တာနက်လိုင်းတွေ မကောင်းလို့ တခုတည်းသော ပုဂ္ဂလိကလိုင်းဖြစ်တဲ့ Red Link ကုမ္ပဏီကို အားကိုးပြီး ပြောင်းသုံးပေမဲ့လည်း မထူးပါဘူး၊ လိုင်းတွေ မကောင်းပါဘူးလို့ပဲ ဆိုကြပါတယ်။

“အတူတူတော့ အတူတူပဲဗျ။ ကျနော်သိသလောက် ပြောရရင် ကွန်နက်ရှင် နှေးသွားတယ်ဆိုရင်တော့ အကုန်လုံးလိုလို ကျကျတာပဲ။ Red Link က ၀ိုင်မက်တွေ နောက်ပိုင်း ရောင်းထားတာ ရှိတယ်။ ကွန်နက်ရှင်စပိ နှေးပြီဆိုရင်တော့ အကုန်လုံးလိုလို သုံးရတာ အဆင်မပြေတာတော့ ဘယ်ဟာမဆို မပြေပါဘူး။ ကောင်းနေတဲ့ လိုင်းရယ်လို့တော့ မရှိဘူးပေါ့။”

ဒါကတော့ မြန်မာနိုင်ငံမှာ အင်တာနက်သုံးစွဲမှု ခက်ခဲလွန်းတဲ့ အခြေအနေတွေကို ရန်ကုန် အင်တာနက်ဆိုင်ရှင် တဦးက ပြောပြခဲ့တာ ဖြစ်ပါတယ်။

ကေအန်အယ်လ်အေကို နအဖတပ်များ ထပ်မံထိုးစစ်ဆင်ရန် ပြင်ဆင်


ကရင်ပြည်နယ် ကော့ကရိတ်မြို့နယ် ထိုင်းနယ်စပ်အနီးရှိ ဝေါ်လေဒေသတွင် အခြေစိုက်သည့် ကရင်အမျိုးသား လွတ်မြောက်ရေး တပ်မတော် (ကေအန်အယ်လ်အေ) တပ်ရင်း (၂၀၁) လှုပ်ရှားဒေသကို မကြာမီအချိန်အတွင်း နအဖတပ်များ ထပ်မံထိုးစစ်ဆင်ရန် စစ်ရေးပြင်ဆင်မှုများ ပြုလုပ်နေသည်ဟု ကရင်တပ်မှူးတဦးက ပြောသည်။
တပ်ရင်း (၂၀၁) မှ တပ်ရင်းအရာခံဗိုလ် ဗိုလ်ကြီးစောထိခုက “မနေ့တနေ့က ကျနော်တို့တပ်ရင်းနဲ့ နအဖတပ် ခမရ (၄၀၅) တပ်နဲ့ တိုက်ပွဲဖြစ်ခဲ့တယ်။ အဲဒါ သူတို့က ပြောက်ကျားလှုပ်ရှားတဲ့ ကျနော်တို့တပ်ရင်းကို ထပ်တိုက်ဖို့ ပြင်ဆင်မှုတွေ လုပ်နေတယ်၊ မကြာခင်မှာ တိုက်ပွဲတွေ ပြန်ဖြစ်ဖို့ရှိတယ်” ဟု ခေတ်ပြိုင်သို့ ပြောသည်
 ခမရ (၄၀၅) အပါအ၀င် နအဖတပ်များ၏ထိုးစစ်ကို ပြန်လည်ထိုးစစ်ဆင်နိုင်ရန်အတွက် မိမိတို့တပ်များကိုလည်း တပ်လှန့်ထားသည်ဟု ဗိုလ်ကြီးစောထိခုက ပြောသည်။

ပြီးခဲ့သည့် စနေနေ့က ဝေါ်လေဒေသရှိ ကနဲလေးရွာနှင့် မော်ဖိုးကလိုးရွာ အကြားတွင် ကေအန်အယ်လ်အေ တပ်ရင်း (၂၀၁) နှင့် နအဖတပ် ခမရ (၄၀၅) တို့ ထိပ်တိုက်ရင်ဆိုင် တိုက်ပွဲဖြစ်ပွားခဲ့ရာ ခမရ (၄၀၅) ဘက်မှ (၁) ဦးကျဆုံးပြီး အချို့ဒဏ်ရာရရှိကာ ကေအန်အယ်လ်အေတပ်ရင်း (၂၀၁) ဘက်မှ အရာခံဗိုလ် (၁) ဦး ကျဆုံးခဲ့သည်။

ဒီကေဘီအေ တပ်မဟာ (၅) မှ အရာရှိတဦးက “နအဖက တပ်တွေတိုးချထားတယ်။ ဒီခွင်မှာက ကေအန်အယ်လ်အေတပ်တွေ အပြင် နအဖရဲ့နယ်ခြားစောင့်တပ် အသွင်ပြောင်းတာကို လက်မခံတဲ့ ဒီကေဘီအေက တပ်တချို့ရှိတယ်။ အဲဒီတပ်တွေကလည်း နအဖကို ရင်ဆိုင်ဖို့ စစ်ရေးပြင်တာတွေရှိတယ်။ ဒီခွင်မှာက အချိန်မရွေး စစ်ဖြစ်မယ့် အနေအထားရှိတယ်” ဟု ပြောသည်။

ဒေသတွင်း စစ်ရေးတင်းမာမှုများကြောင့် ဒေသခံရွာသား (၃၀၀) ကျော်သည် မကြာသေးမီရက်ပိုင်းမှ စတင်ကာ ထိုင်းဘက်ခြမ်းသို့ တိမ်းရှောင်လာကြကြောင်း၊ စစ်ပွဲများ ပြင်းထန်လာပါက အနည်းဆုံးဒုက္ခသည် (၁) သောင်းခန့် ထိုင်းဘက်သို့ ရောက်လာနိုင်ကြောင်း ထိုင်း-မြန်မာနယ်စပ် အခြေစိုက် လူသားချင်းစာနာထောက်ထား အကူအညီပေးသည့် အဖွဲ့များက ပြောသည်။

အဆိုပါ ဝေါ်လေဒေသတွင် ကေအန်အယ်လ်အေ၊ ဒီကေဘီအေနှင့် နအဖကွပ်ကဲရေးဌာနချုပ် စကခ (၈) လက်အောက်ခံ ခမရတပ်များ အခြေချလှုပ်ရှားကြသည်။

စစ်အစိုးရတပ်နှင့်ပြည်သူစစ်စခန်းအား မွန်အမျိုးသားကာကွယ်ရေးတပ်ဖွဲ့စီးနင်းပစ်ခတ်

မင်းချမ်း၊ ကောင်းဝါ
မေ ၃၊၂၀၁၀။
တနင်္သာရီတိုင်းမြောက်ဖက် ရေဖြူမြို့နယ်၊ အလယ်စခန်းကျေးရွာ ပြည်သူ့စစ်စခန်းနှင့် စစ်အစိုးရတပ်ဖွဲ့ဝင်အချို့အခြေစိုက်ရာ အဆိုပါကျေးရွာရယကဥက္ကဌနေအိမ်အား MNDA ခေါ် မွန်အမျိုးသားကာကွယ်ရေးတပ်ဖွဲ့က တပြိုင်တည်းဝင်ရောက်စီးနင်းပစ်ခတ်ခဲ့ကြောင်း ၄င်းတပ်ဖွဲ့မှတပ်ရင်းမှူးဖြစ်သူ ဗိုလ်မှူးဂျလွန်းထောက ကောင်းဝါသတင်းဌာနသို့ အတည်ပြုပြောကြားပါသည်။
လွန်ခဲ့သည့်ဧပြီလ (၃၀) ရက်နေ့၊ ညပိုင်း(၈) နာရီခွဲအချိန်တွင် (၁၅) မိနစ်ခန်အကြာ ယင်းသို့အပြန်အလှန်ပစ်ခတ်ခဲ့ပြီးနောက် အခင်းဖြစ်ပွားရာ အလယ်စခန်းရွာရှိ ပြည်သူ့စစ်စခန်းအဆောက်အဦးနှင့် ကျေးရွာရယက ဥက္ကဌနေအိမ်တို့ မီးစွဲလောင်ခဲ့သည်ဟု ဆိုပါသည်။
ထိုသို့ဝင်ရောက်ပစ်ခတ်မှုကြောင့် အရာရှိတစ်ဦးအပါအဝင် စစ်အစိုးရတပ်ဖွဲ့ဝင် (၃) ဦး၊ ပြည်သူ့စစ် (၂)ဦး၊ ရယကဥက္ကဌသမီး (၂) ဦး ဒဏ်ရာရရှိခဲ့သည်ဟု MNDA ကကောင်းဝါသတင်းဌာနသို့ ပြောကြားခဲ့သည်။
သို့ရာတွင် ယနေ့နံနက်ပိုင်း ဘီဘီစီမြန်မာပိုင်ထုတ်လွှင့်ချက်၌ ခမရ ၂၈၂ မှမြန်မာစစ်အရာရှိတစ်ဦးနှင့် ရဲဘော်တစ်ဦးသာ ဒဏ်ရာရရှိခဲ့သည်ဟု ဆိုပါသည်။

ယင်းကဲ့သို့ စီးနင်းပစ်ခတ်မှုဖြစ်ပွားပြီးနောက်တစ်နေ့တွင် ၄င်းတို့ကိုဝင်ရောက်ပစ်ခတ်ခဲ့သည့် MNDA အဖွဲ့အား လိုက်လံချေမှုန်းရန်အတွက် အနီးအနားရွာတစ်ဝိုက်ရှိကျေးရွာများကို တစ်ရွာလျှင်ပေါ်တာ(၁၀) ယောက် မဖြစ်မနေစီစဉ်ပေးရန် မြန်မာစစ်တပ်တောင်းဆိုခဲ့သည်။
 အခင်းဖြစ်ပွားရာ အလယ်စခန်းကျေးရွာသည် ရေး-ထားဝယ်မော်တော်ကားလမ်းမပေါ်တွင်တည်ရှိပြီး စစ်အစိုးရထိန်းချုပ်ရာဒေသဖြစ်သဖြင့် MNDA တပ်ဖွဲ့များ ပြောက်ကြားလှုပ်ရှားရာ ဒေသတစ်ခုဖြစ်နေသည်။
အဆိုပါ MNDA တပ်ဖွဲ့ကို နယ်ခြားစောင့်တပ်လက်မခံသည့် မွန်ပြည်သစ်ပါတီမှအရာရှိအချို့ လှို့ဝှက်ခွဲထွက်ကာ ယမန်နှစ်က ဖွဲ့စည်းခဲ့ခြင်းဖြစ်သည်။

မွန်အမျိုးသားကာကွယ်ရေးတပ်ဖွဲ့ MNDA သည် မွန်ပြည်သစ်ပါတီနယ်မြေအတွင်း ဝင်ရောက်လှုပ်ရှားခွင့်မရှိသဖြင့် စစ်အစိုးရထိမ်းချုပ်နယ်မြေများဖြစ်ကြသည့် တနင်္သာရီတိုင်းမြောက်ပိုင်းရှိ ရေဖြူမြို့နယ်နှင့် မွန်ပြည်နယ်တောင်ပိုင်းရှိ ရေးမြို့နယ်တောင်ပိုင်းရှိ အချို့ဒေသများတွင် စစ်အစိုးရတပ်ဖွဲ့များ ပြောက်ကျားစစ်ဆင်လျှက်ရှိသည်။
မွန်အမျိုးသားကာကွယ်ရေးတပ်ဖွဲ့ MNDAသည် မွန်ပြည်သစ်ပါတီ NMSP လက်အောက်ရှိ မွန်အမျိုးသားလွတ်မြောက်ရေးတပ်မတော် MNLA တို့နှင့် လုံးဝမပတ်သက်ကြောင်း ၂၀၁၀ ခုနှစ်၊ ဇန်နဝါရီလ(၁) ရက်နေ့ထုတ် မွန်ပြည်သစ်ပါတီကြေညာချက်တစ်ရပ်တွင် ဖေါ်ပြပါရှိသည်။
မပြောင်းရွှေ့ချင်သည့် ကျေးရွာသားများ ဖိအားပေးခံနေရ


ပေါက်ပေါက်/ ၃ မေ ၂၀၁၀

“ရွာသားတွေက မရွှေ့ချင်ကြဘူး။ အခု ဗုံးတွေပေါက်တာကို အကြောင်းပြုလို့ စစ်တပ်က ဟိုစစ် ဒီစစ်လုပ်တယ်။ ဟိုလူ့ဖမ်း ဒီလူ့ဖမ်းလုပ်တယ်။ ရွာသားတွေက သူတို့တွေကို ကြောက်နေချိန်မှာ အခုလို ဒါအမိန့်ပဲ ရွှေ့ရမယ်ဆိုပြီး လုပ်လာတော့ ဒီလို ရွှေ့ပြောင်းအောင် သူတို့ကိုယ်တိုင် ဗုံးတွေ ခွဲခဲ့တာလားဆိုပြီး သံသယ .... ” အပြည့်အစုံသို့
------------------------------------------------------------------------------------------------------------------------------
တန်းတူအခွင့်အရေးအတွက် တိုက်တွန်းသွားမည်ဟု
ထိုင်းအလုပ်သမားဝန်ကြီးပြော


မြတ်ခိုင်ဦး/ ၃ မေ ၂၀၁၀
“ဒီလို ကိုယ့်အခွင့်အရေးအတွက် ကိုယ်တိုင်ကိုယ်ကျ ပါဝင် တောင်းဆိုခွင့် ...” အပြည့်အစုံသို့
ကေအန်အယ်လ်အေကို နအဖတပ်များ
ထပ်မံထိုးစစ်ဆင်ရန် ပြင်ဆင်


ရဲရင့်/ ၃ မေ ၂၀၁၀
“ကျနော်တို့တပ်ရင်းနဲ့ နအဖတပ် ခမရ (၄၀၅) တပ်နဲ့ တိုက်ပွဲဖြစ်ခဲ့ တယ်။ အဲဒါ ...” အပြည့်အစုံသို့

လောင်းကစားဒိုင်များ အင်တာနက် အထူးလိုင်း
အသုံးပြု

မျိုးဝင်းဇော်/ ၃ မေ ၂ဝ၁ဝ
“တလ ကျပ် (၂) သိန်းပေးရင် ဘယ်အချိန်မှာမှ လိုင်းမကောင်းတာ မဖြစ်စေရဘူး။ သူတို့တာဝန်ယူတယ်ဆိုလို့ ငွေပေးလိုက်တော့ ရန်ကုန်မှာ ...” အပြည့်အစုံသို့
မြန်မာရွှေ့ ပြောင်း အလုပ်သမား (၈) သိန်းကျော်
နိုင်ငံသားစိစစ်ရေးလျှောက်လွှာ တင်သွင်းပြီး

မြတ်ခိုင်ဦး/ ၃ မေ ၂၀၁၀
“အလုပ်သမားတဦးလျှင် ဧဂျင့်များက ဘတ်ငွေ (၅,၀၀၀) ထက်ပို ကောက်ခံခွင့်မပြုကြောင်း၊ အကယ်၍ ပိုမိုကောက်ခံပါက မြန်မာအစိုးရထံသို့ ...” အပြည့်အစုံသို့

ဗိုလ်ချုပ်လွယ်မောဝ်းနှင့်အဖွဲ့ သောင်မတင် ရေမကျဖြစ်နေ

ပြည်သူ့စစ်တပ်ဖွဲ့ အသွင်ပြောင်းရန် စည်းရုံးသိမ်းသွင်းခံလိုက်ရပြီဟု အများထင်မှတ်သည့် ဗိုလ်ချုပ်လွယ်မောဝ်း နှင့်အဖွဲ့ သောင်မတင်ရေမကျ အခြေအနေ၌ ရောက်နေကြောင်း စုံစမ်းသိရှိရပါသည်။


အသွင်ပြောင်းရေးလက်ခံသည့် ဗိုလ်ချုပ်လွယ်မောဝ်း
“နအဖ က အသွင်ပြောင်းဖို့ သဘောတူပြီး လူသူလက်နက်စာရင်းပေးပို့ထားတဲ့ ဗိုလ်ချုပ်လွယ်မောဝ်းနဲ့အဖွဲ့ -အသွင်ပြောင်းဖို့လက်မခံတဲ့ တပ်မဟာ ၁ ကို ဆက်လက်စည်းရုံးခိုင်းပေမယ့် ဗိုလ်ချုပ်လွယ်မောဝ်းနဲ့ အဖွဲ့ကိုယ်၌ ကမပြောင်းချင်ဘူး၊ မိမိနယ်မြေအတွင်း အရင် သေနတ်သံမထွက်ရလေအောင်ရှောင်ရှားချင်လို့သာ သဘောတူ လိုက်တဲ့သဘော” - ဟု အပစ်ရပ်အသိုင်းအ၀ိုင်းနှင့် ၀င်ဆန့်သူတဦးက ပြောပါသည်။ ဧပြီ ၂၂ ရက်နေ့ ဗိုလ်ချုပ်လွယ်မောဝ်းနှင့်အဖွဲ့ လားရှိုးတိုင်းမှူး ဗိုလ်ချုပ်အောင်သန်းထွဋ်နှင့်တွေ့ဆုံပြီး အသွင် ပြောင်းဖို့ သဘောတူလိုက်သကဲ့သို့ ဧပြီ ၂၅ ရက်နေ့က ဌာနချုပ်တပ်ဖွဲ့အပါဝင် တပ်မဟာ ၃ ၊ ဧပြီ ၂၇ ရက် နေ့က တပ်မဟာ ၇ တို့ကလဲ လူသူလက်နက်အင်အားအချို့ပေးအပ်လိုက်ပြီဟု ၎င်းင်းကပြော၏။ ထို့အပြင် တိုင်းမှူးကပေးသော စိန်ကျော့ ဌာနေပြည်သူ့စစ်တံဆိပ်ကိုလည်း လက်ခံထားလိုက်ပြီဟု ဆိုသည်။

“ဗိုလ်ချုပ်လွယ်မောဝ်းဦးဆောင်တဲ့အဖွဲ့က နအဖလက်အောက်ခံ ပြည်သူ့စစ်တပ်ဖွဲ့ လုံးလုံးဖြစ်သွားတာမဟုတ် ဘူးတဲ့၊ သောင်မတင်ရေမကျပေါ့၊ ကျန်တဲ့အဖွဲ့တွေကိုဆက်လက် စည်းရုံးဖို့လွတ်ထားတယ်။ သူတို့အနေနဲ့လဲ အဲဒီအခွင့် အရေးကို အသုံးချပြီး အချိန်ထပ်ဆွဲထားချင်တယ်။ အားလုံးလက်နက်မအပ်သေးသလို တံဆိပ်လဲမခွာ/တရားဝင် အသွင်ပြောင်းတာလဲမရှိသေးဘူး။ နယ်မြေလဲချုပ်ကိုင်ထားဆဲပဲ”- ဟု အပစ်ရပ်ခေါင်းဆောင်တဦးက ပြောပါ သည်။

သင်္ကြန်ကာလက အပစ်ရပ် UWSA ,KIA ,NDAA , SSA တို့ ၄ ဖွဲ့ ပန်ဆန်းမြောက်ဘက် တနေရာ၌တွေ့ဆုံ၍ နအဖမှ စတင်ပစ်ခတ်/ကျူးကျော်လာခဲ့လျှင် နေရာအသီးသီး၌လည်း တန်ပြန်တိုက်ခိုက်ရမည်၊ အချိန်ကိုက်တိုက်ပွဲကျင့်သုံးသွား မည်ဟု သဘောတူခဲ့ကြသော်လည်း အပစ်ရပ် SSA က အသွင်ပြောင်းရန်လက်ခံလိုက်ခြင်း အပေါ် တခြားမဟာမိတ် များက အမြင်ရှုပ်ထွေး တွေဝေစေခဲ့၏။

၁၉၆၄ ညောင်ရွှေစော်ဘွား မဟာဒေ၀ီ စ၀်မယ့်နန်းဟိန်းခမ်း တည်ထောင်ခဲ့သည့် တော်လှန်ရေးသမိုင်းဝင် တပ်မ တော် ပျောက်ကွယ်သွားတော့မည်လောဆိုသည့် သျှမ်းပြည်မျိုးချစ်ပုဂ္ဂိုလ်များ စိုးရိမ်မှုဖြစ်နေချိန်တွင် လွယ်တိုင်း လျဲန်း အခြေစိုက် SSA ကလည်း သဘောထားကြေငြာချက်ထုတ်ပြန်ကြေငြာခဲ့သေးသည်။

၇ တန်းကျောင်းသူလေးအား နအဖရဲဘော်ဟောင်းအုပ်စု မုဒိမ်းကျင့်သတ်ဖြတ်

သျှမ်းပြည်မြောက်ပိုင်းနေ အသက် ၁၃ နှစ်အရွယ် ၇ တန်းကျောင်းသူလေးတဦးအား နအဖ တပ်ထွက်အဖွဲ့ တစ်ဖွဲ့က မုဒိမ်းကျင့် သတ်ဖြတ်ခဲ့ကြောင်း စုံစမ်းသိရှိရသည်။

သျှမ်းပြည်မြောက်ပိုင်း၊ မိုင်းရယ်မြို့နယ်၊ လုခိုက်ကျေးရွာအုပ်စု၊ နားယန်း ကျေးရွာနေ အဖစိုင်းတိနှင့် အမိ နန်းလိုင်(နာမည်ရင်းမဟုတ်) တို့၏သမီး နန်းရွက်(အမည်ရင်းမဟုတ်) အား ဧပြီ ၂၄ ရက် (စနေနေ့) က စစ်ထွက်မြင့်ဆွေ ဦးဆောင်သည့် နမ့်လောင်းချောင်း သဲကျုံးရောင်းသည့် ရဲဘော်ဟောင်းအဖွဲ့က မုဒိမ်းပြု သတ်ဖြတ်ခဲ့ခြင်းဖြစ်သည် ဟုဆိုသည်။ “ပြီးခဲ့တဲ့လ နောက်ဆုံးပတ်ကပေါ့ ရွာနီးချုပ်စပ် သူမ ကျွဲကျောင်းသွားတဲ့အချိန်မှာ မိုင်းရယ်-သီပေါလမ်းမကြီး ဘေး နမ့်လောင်းချောင်းတံတားအပေါ်ဘက် သဲတူးဖို့်လာကြတဲ့ တပ်ရင်း(၆၄)မှစစ်ထွက် လေးယောက်က မုဒိမ်းကျင့်ပြီး သတ်ဖြတ်ခဲ့တယ်” ဟု ရွာသားတစ်ဦးကပြောပါသည်။

ထိုစစ်သားထွက်များမှာ အသက်(၅၀) ရှိ စစ်ထွက်မြင့်ဆွေ၊ အသက်(၄၉) ရှိ စစ်ထွက်ထွန်းသိန်းနှင့် အမည် မသိသေးသော ၎င်းတို့၏တပ်ထွက်အဖော်နှစ်ယောက်ဖြစ်ကြောင်း ရွာသားများကပြောပြပါသည်။

“အလောင်းကို နားယန်းနဲ့ ဖာလုံဝက်အကွာ နမ့်လောင်းချောင်းသဲသောင်ပြင်မှာ ပစ်ထားခဲ့တယ်” ဟု လည်း အဆိုပါရွာသားက သျှမ်းသံတော်ဆင့်သို့ဆက်လက်ပြောပြပါသည်။

အဆိုပါကိစ္စနှင့် ပတ်သက်၍ သျှမ်းအမျိုးသမီးရေးရာလှုပ်ရှားမှုကွန်ယက်အဖွဲ့(SWAN) ကလည်း အသေးစိတ် အချက်အလက်များ ဆက်လက်စုံစမ်းနေကြောင်း တာဝန်ရှိသူတဦးကပြောပါသည်။

သုံးဘီးဆိုင်ကယ် လိုင်စင်ကြေး ကျပ် ၇ သိန်း တောင်းနေ

သျှမ်းပြည် (မြောက်ပိုင်း) မူစယ်ခရိုင် ကြူကုတ်(ပန်ဆိုင်း) မြို့နယ် အာဏာပိုင်များက မြို့ပေါ်ရှိ သုံးဘီးဆိုင်ကယ်များအား မေလ ၁ ရက်နေ့ ညပိုင်း၌ လိုက်လံဖမ်းဆီးပြီးနောက် ကျပ် ၇ သိန်းဖြင့် လိုင်စင်လုပ်ရန် ပိုင်ရှင်များထံ ညွန်ကြားထား ကြောင်း သိရသည်။

မြို့ခံများပိုင်ဆိုင်သည့် သုံးဘီးဆိုင်ကယ် ၃၅ စီးခန့် ထိုနေ့က ဖမ်းဆီးခံခဲ့ရပြီး လိုင်စင်မပြုလုပ်ပါက ပြန်ပေးမည် မဟုတ်ဟု အာဏာပိုင်များက ပြောကြောင်း မြို့ခံ သုံးဘီးပိုင်ရှင်တစ်ဦးက သျှမ်းသံတော်ဆင့်သို့ ပြောသည်။ “သုံးဘီးဆိုင်ကယ်တွေ အားလုံးအဖမ်းခံရမှာပေါ့။ ဖမ်းရတာတော့ အားလုံး ၃၅ စီး သူတို့ ပြောတာတော့ လိုင်စင်လုပ်ပေး မယ်ဆိုရင် ၇ သိန်း။ မလုပ်ရင် ပြန်မပေးတော့ဘူးတဲ့။ ရဲစခန်းနယ်ထိန်းက သိမ်းသွားတယ် ” ဟု ပြောသည်။

လိုင်စင်ရှိပြီး သုံးဘီးယာဉ်များပါ ထပ်မံပြုလုပ်ရမည်ဖြစ်ပြီး လွန်ခဲ့သည့် ၃ နှစ်က လိုင်စင်ခထက်ယခု ကျပ် တစ်သိန်း ပိုများလာကြောင်း သိရသည်။

“ လွန်ခဲ့တဲ့ ၃ ၊ ၄ နှစ်လောက်က လုပ်ထားတာလဲရှိတယ်။ တချို့အသစ်ဝယ်လာတာလဲ ပါတာပေါ့။ အခု ၇ သိန်းပေး ရင် နမ့်ခမ်းအထိ လှိုင်းဆွဲခွင့်ပေးမယ် လို့ပြောတယ်။ အခု ၁၀၅ မိုင် အထိ ဆွဲတယ် တချို့လဲ အိမ်မှာ ပစ္စည်းတင်တယ်” ဟု သူကဆက်ပြောသည်။

တရုတ်နိုင်ငံလုပ် သုံးဘီးယာဉ်များဖြစ်ပြီး တစ်စီးလျှင် တရုတ်ယွမ်ငွေကျပ် ၆၀၀၀ ကျော်ခန့် တန်ဖိုးရှိကြောင်း သိရသည်။
E-mail Print
၂၀၁၀ အတွင်း ဗုံးပေါက်ကွဲမှုများ


ပေါက်ကွဲသည့် နေရာ ပေါက်ကွဲသည့် အချိန် ပေါက်ကွဲ အလုံးရေ ဒဏ်ရာရ/သေဆုံးသူ
လွိုင်ကော်မြို့ ရဲစခန်း၊ ကယားပြည်နယ်
ဧပြီ ၂၈ ဗုံး ၁ လုံး ၁ ဦးသေ၊ ရဲ ၄ ဦး ဒဏ်ရာရ
သောက်ရေခပ် ရေအားလျှပ်စစ် စီမံကိန်း၊ တောင်ငူမြို့နယ်၊ ပဲခူးတိုင်း ဧပြီ ၂၇ ဗုံး ၃ လုံး ၄ ဦးဒဏ်ရာရ
ဆက်သွယ်ရေးရုံး၊ ကျိုက်မရောမြို့နယ်၊ မွန်ပြည်နယ်
ဧပြီ ၂၇ ဗုံး ၁ လုံး ၃ ဦးဒဏ်ရာရ
မြစ်ဆုံ ရေအားလျှပ်စစ် စီမံကိန်း၊ မြစ်ကြီးနားမြို့နယ်၊ ကချင်ပြည်နယ် ဧပြီ ၁၇၊ နံနက်ပိုင်း မိုင်းဗုံး ၁၀ လုံး ၁ ဦးဒဏ်ရာရ
ကန်တော်ကြီး ပတ်လမ်းရှိ X2O သင်္ကြန်မဏ္ဍပ်၊ ရန်ကုန်မြို့ ဧပြီ ၁၅၊ နံနက်ပိုင်း ဗုံး ၃ လုံး ၁၀ ဦးသေ၊ ၁၇၀ ဒဏ်ရာရ
အမှတ် (၃) စစ်ဆေးရေးဂိတ် (မြဝတီအထွက် ခင်နိမ်းမူဂိတ်)၊ ကော့ကရိတ်မြို့၊ ကရင်ပြည်နယ် ဧပြီ ၁၄ ဗုံး ၁ လုံး ၂ ဦး ဒဏ်ရာရ
အေးရှားဝေါလ် တိုးဂိတ်၊ မူဆယ်မြို့ ၁၀၅ မိုင်၊ ရှမ်းပြည်နယ် ဧပြီ ၁၄ ဗုံး ၁ လုံး -
ကော့ကရိတ်ဈေး၊ ကော့ကရိတ်မြို့နယ်၊ ကရင်ပြည်နယ် ဖေဖော်ဝါရီ ၁၉၊ နံနက်ပိုင်း
ဗုံး ၂ လုံး ၁ ဦးသေ၊ ၂ ဦး ဒဏ်ရာရ
မူးယစ်ဆေးဝါးပြတိုက် ရှေ့၊ လောက်ကိုင်မြို့၊ ရှမ်းပြည်နယ် ဖေဖော်ဝါရီ ၁၅၊ နံနက် ၇ နာရီခွဲခန့် ချိန်ကိုက်ဗုံး ၁ လုံး တဦးသေ၊ အများအပြား ဒဏ်ရာရ
Buthidaung Maungdaw Motor road

မြန်မာ အနောက်ဘက် နယ်စပ်တွင် အာဏာပိုင်များမှ ဗုံးလှန့်ထား

၅၊၃၊၂၀၁၀

တာကလူး(နိရဉ္စရာ) မြန်မာနိုင်ငံ အနောက်ဘက်နယ်စပ် ဘူးသီးတောင်နှင့် မောင်တော မြို့နယ်များတွင် ဒေသခံ အာဏာပိုင်များမှ ဗုံးလှန့်ထားပြီး အစိုးရ ဌာနဆိုင်ရာ အဆေက်အဦးများ၊ ကားလမ်းမများနှင့် လူစည်ကားရာ အရပ်များတွင် လုံခြုံရေး တိုးမြှင့်ချထားသည်ဟု သတင်းရရှိသည်။

ဘင်္ဂလာ နယ်စပ်ဘက်မှ ဖောက်ခွဲရေးသမား (၄၀) ကျော်သည် ဖောက်ခွဲ ဖျက်ဆီးမှုများ ပြုလုပ်ရန် မြန်မာဘက်သို့ ၀င်ရောက်နေသည်ဟု စစ်ဘက် ဆိုင်ရာမှ သတင်းထုတ်ပြန်ပြီးနောက် ယခုကဲ့သို့ လုံခြုံရေးကို တိုးမြှင့် လိုက်ခြင်းဖြစ်သည်ဟု မောင်တောမှ အမည်မဖေါ်လိုသူ ရဲအရာရှိတစ်ဦးက နိရဉ္စရာ သတင်းဌာနကို ပြောသည်။

"အနောက်ဘက် နယ်စပ် ဘင်္ဂလာနယ်ဘက်က တဆင့်ပေါ့နော် ဖောက်ခွဲရေးသမား ၄၀ ကျော်ဟာ ဖေါက်ခွဲရေး ပစ္စည်းတွေနဲ့ အတူ မောင်တော၊ ဘူးသီးတောင် နယ်မြေထဲကို ၀င်နေတယ်လို့ စစ်ဘက်ဆိုင်ရာ ကနေ သတင်းတွေ ထွက်ပေါ်လာပြီးနောက်ပိုင်း လွန်ခဲ့တဲ့ စနေနေ့က စပီး ခုလို လုံခြုံရေး တိုးမြင့် လိုက်တာ ဖြစ်ပါတယ်။" ဟု ပြောသည်။

၁၆ မိုင် အရှည်ရှိ မောင်တော-ဘူးသီးတောင် ကားလမ်းမ တလျှောက်ရှိ ယခင်က ရဲသားများအား လုံခြုံရေးချထားသည့် နေရာများတွင် ယခုအခါ ဘူးသီးတောင် ဗျူဟာတပ်ရင်းမှ တပ်စိပ် (၅)စိပ်ဖြင့် အစားထိုး ချထားပြီး တခြား အရေးကြီးသော အစိုးရ အဆောက်အဦးများတွင်လည်း လုံခြုံရေး တိုးမြင့် ချထားသည်ဟု သိရသည်။

မျက်မြင်ကလည်း ဘူးသီးတောင် အခြေစိုက်
(BE) ခေါ် ဗုံးရှာဖွေရေးအဖွဲ့မှ လည်း အစိုးရ ဌာနဆိုင်ရာ ရုံးအဆောက်ဦးများတွင် ဗုံးရှာဖွေရေးများ ပြုလုပ်နေကြောင်း အတည်ပြု ပြောကြားသည်။

ဒေသခံများ၏ အဆိုအရ ထောက်လှမ်းရေးများကိုလည်း နေရာအနှံ့ ဖြန့်ကျက်ချထားပြီး ရဲတပ်ဖွဲ့မှ လည်း ဒေသတွင်း ကျေးရွာများတွင် ညအချိန် ဧည့်စာရင်း စစ်မှုများကို တိုးမြှင့် ပြုလုပ်နေကြောင်း စုံစမ်း သိရှိရသည်။

နအဖခေါင်းဆောင် ဗိုလ်ချုပ်မှူးကြီး သန်းရွှေက အလုပ်သမားနေ့ မိန့်ခွန်းတွင် ပြည်တွင်းပြည်ပမှ အဖျက်သမားများသည် လာမည့် ရွှေးကောက်ပွဲ လမ်းလျှော် ပျက်ပြားသွားအောင် ဖောက်ခွဲ ဖျက်ဆီးမှုများ ပြုလုပ်ရန် ကြံရွယ်နေသည်ဟု ပြောကြားခဲ့သည်။

မြန်မာ နှစ်သစ်ကူး သင်္ကြန်ပွဲတော် အကြတ်နေ့ ဧပြီလ ၁၅ ရက်နေ့တွင် ရန်ကုန်
X2O မဏ္ဍပ်၌ ဗုံးပေါက်ကွဲခဲ့သဖြင့် လူ ၁၀ ဦးသေဆုံးခဲ့ပြီး လူပေါင်း ၁၇၀ ဒဏ်ရာ ရရှိခဲ့သည်။ ၄င်းနောက်ပိုင်းတွင် အစိုးရ ရေကာတာ စီမံကိန်းများတွင်လည်း ဗုံးများ ဆက်တိုက် ပေါက်ကွဲခဲ့သည်။

အဆိုပါ ဗုံးများ အပါအ၀င် မြန်မာနိုင်ငံ၌ ပေါက်ကွဲခဲ့သော ဗုံးများ၏ လက်သည် တရားခံ အဖြစ် မြန်မာ နအဖစစ်အစိုးရသည် တိုင်ရင်းသား လက်နက်ကိုင် တော်လှန်ရေး တပ်ဖွဲ့များ နှင့် ပြည်ပ အခြေစိုက် ဒီမိုကရေစီ အတိုက်အခံ အင်အားစုများကို စွပ်စွဲ ပြောဆိုလေ့ရှိသည်။

မြန်မာအနောက်ဘက်ရှိ ဘင်္ဂလားဒေ့ရ်ှနယ်စပ်တွင် ယခင်က ရခိုင် လက်နက်ကိုင်တပ်ဖွဲ့များ အင်အား အများအပြားဖြင့် တပ်စွဲ အခြေစိုက်လျက် ရှိနေခဲ့ကြသော်လည်း ၂၀၀၁-ခုနောက်ပိုင်းမှ စ၍ လက်နက်ကိုင်အဖွဲ့များမှာ အင်အားလျော့နည်း သွားခဲ့ကြောင်း နယ်စပ် သတင်း ရပ်ကွက်များ အရ သိရသည်။