ရခိုင်ပြည်နယ် အနောက်ဘက် နယ်စပ်မြို့ မောင်းတောတွင် တနေ့တည်းတွင် ကျေးရွာ ၂ ရွာမှ မိသားစု သုံးစု ဓါးပြတိုက်ခံရကြောင်း သတင်း ရရှိသည်။
ဓါးပြတိုက်ခံရသော ကျေးရွာများမှာ မောင်းတောမြို့နယ် တောင်ပိုင်းတွင် တည်ရှိသော ကံပူးရွာနှင့် ၀ါးချကျေးရွာတို့ ဖြစ်ကြောင်း အမည်မဖေါ်လိုသူ ရဲတပ်ကြပ် တဦးက ပြောသည်။
ဓါးပြတိုက်ခံရသူများမှာ ကံပူးကျေးရွာမှ ရယက ဥက္ကဌဟောင်း ဦးအာမီအူလာနှင့် ၀ါးချကျေးရွာမှ ဦးဇော်ကရိယာနှင့် ဦးအဘူလူဆောင်တို့ ဖြစ်ကြသည်။
အဖွဲ့ဝင် ၁၅ ဦးခန့် ပါဝင်သော ဓါးပြများသည် ဘင်္ဂလာဒေခ်ျ့ဘက်မှ လှေဖြင့် တိတ်တဆိတ် မြန်မာဘက်သို့ နတ်မြစ်ကို ဖြတ်ကျော် ၀င်ရောက်လာပြီး ကံပူးကျေးရွာ ရယက ဥက္ကဌဟောင်းအိမ်ကို ဓါးပြ၀င်တိုက်ပြီး ကျပ်ငွေ ၇ သိန်းနှင့် လက်ဝတ်ရတနာများကို လူယူသွားခဲ့သည်။
ဓါးပြများတိုက်ခိုက်မူကြောင့် ဦးအာမီအူလာတွင် ခေါင်းကွဲသွားပြီး ဒဏ်ရာ အနည်းငယ် ရရှိသွားကြောင်း သိရသည်။
အဆိုပါ ကျေးရွာမှ အပြန်တွင် ၀ါးချကျေးရွာကို ဓါးပြ၀င်တိုက်ရာ ဦးဇော်ကရီယာနှင့် ဦးအဘူလူဆောင်အိမ်မှ ရွှေကျပ်ချိန် ၅ ကျပ်နှင့် ငွေများကို လုယက် ယူဆောင်သွားခဲ့သည်။
မောင်းတောနှင့် ဘူးသီးတောင်မြို့နယ်များတွင် ဓါးပြများ အထူးသောင်းကျန်းနေသဖြင့် ပြည်သူ လူထုများ အထူး ဒုက္ခရောက်နေကြရသော်လည်း ယခုအချိန်ထိ သက်ဆိုင်ရာ အာဏာပိုင် အဖွဲ့အစည်းများမှ တစုံတရာ ဖမ်းဆီးနှိမ်နှင်းနိုင်ခြင်း မရှိကြောင်း သိရှိရသည်။
Monday 12 July 2010
Subscribe to:
Post Comments (Atom)
No comments:
Post a Comment