ကျောင်းသားတွေနဲ့ ကျောင်းသားခေါင်းဆောင်တွေကို နှိပ်စက်၊ ညှင်းပမ်း သတ်ဖြတ်ပြီး ထောင်ထဲထည့်ရှင်းလင်း နည်းတွေကို သုံးခဲ့ကြပါတယ်။ နောက်တခါ ဘုရားသားတော်တွေကို သတ်ဖြတ်၊ ဖမ်းဆီး ထောင်ထဲထည့်ပြီးတဲ့ အပြင် ကျောင်းကို အဓမ္မ သိမ်းယူတဲ့ အထိပေါ်ပေါ်ထင်ထင်ထင် ရဲရဲတင်းတင်း သာသနာတော်ကို စော်ကား ရှင်းလင်းနေပါတယ်။
အခုနောက်ဆုံး အနေနဲ့ကတော့ ကျန်နေတဲ့ စစ်သား(သံဃာတော်တွေကို သတ်ဖြတ်တဲ့ အထဲမှာ ရှေ့တန်းက ပါဝင် ခဲ့တဲ့ စစ်သား)တွေကို ရှင်းဖို့သာ ကျန်ပါတော့တယ်။ ဒီတော့ .... ဘယ်လို ရှင်းမလဲ ....
ကျွန်တော်ကတော့ နအဖနေရာမှာ ခဏ ၀င်ပြီး Braistorming လုပ်ကြည့်ပါတယ်။ အောက်ပါ နည်းလမ်းတွေကို စဉ်းစားမိပါတယ်။
အကြီးအကဲ ရာထူးရှိတဲ့ လူတွေကို မတန်မရာ အခွင့်အရေးပေးပြီး ပါးစပ်တွေကို ပိတ်ပါမယ်။ အကျင့်ဖျက်ပါမယ်။ ဒီတော့ အဆိုပါ ရာထူးရတဲ့လူက ရထားတဲ့ အခွင့်အရေးတွေ လက်လွတ်မခံရလေအောင် နအဖကို သစ္စာစောင့်သိပါတော့တယ်။ သစ္စာ မစောင့်သိခဲ့ရင်လည်း သူတို့ပေးထားတဲ့ အခွင့်အရေးတွေကို သုံးထားပြီးတာကြောင့် အကျင့်ပျက်နေပါပြီ။ အဲဒီလို အကျင့်ဖျက်ခံထားရပြီး အကျင့်ပျက်တဲ့ အတွက် အဲဒီ အမှုတွေနဲ့ ဖမ်းဆီး ထောင်ချ၊ အလုပ်ဖြုတ် အရေးယူပါတယ်။ မိသားစု အထိပါ လိုက်လံ ဒုက္ခပေးပါတော့တယ်။ ဒါကတော့ ရာထူး အကြီးပိုင်းကိုပါ။
နောက်တစ်ခုက ရာထူး မရှိတဲ့ အခြေခံ စစ်သားတွေ၊ သေနတ်ကိုင်ပြီး သံဃာတော်တွေကို ဖြိုခွင်းခဲ့တဲ့ စစ်သားတွေကို ရှင်းလင်းဖို့ကတော့ အခြားနည်းကို ကြံစည်ရပါတော့တယ်။ ဒါကတော့ အသက် အန္တရာယ်ပေးတဲ့ နည်းသာ ရှိပါတော့တယ်။ ဘာကြောင့်လဲဆိုတော့ သာမန် စစ်သားတစ်ယောက်ကို အခွင့်အရေး မပေးနိုင်လို့ပါပဲ။ ပေးခဲ့ရင် တပ်ထဲမှာ ပြဿနာတွေ ရှိလာနိုင်ပါတယ်။
ဒီတော့ ဘယ်လို လုပ်ကြံမလဲ ...နည်းလမ်းဟောင်းကို ပြန်သွားရပါတော့မယ်။ ၈၈ အပြီး မဲသဝေါ၊ မာနယ်ပလော တိုက်ပွဲတွေကို မှတ်မိကြဦးမှာပါ။ သေလိုက်တဲ့ စစ်သားတွေ တပ်တစ်ခုလုံးပါ ပြုတ်ခဲ့တာတွေ ... ။ အဲဒီတပ်တွေက ဘယ်က တပ်တွေပါလဲ .. ။ ၈၈မှာ ရှေ့တန်းက ပြည်သူတွေကို သတ်ခဲ့တဲ့ ၂၂ လို တပ်တွေပါပဲ။ အခု အခါ ၈၈ မှာ ပြည်သူတွေကို သတ်ခဲ့တဲ့ ၂၂ တပ်က လက်ကျန် စစ်သားဆိုတာ မရှိသလောက်ကို ဖြစ်သွားတာ အားလုံး အသိပါ။ သူတို့အတွက် အန္တရာယ် ပေးနိုင်တဲ့ စစ်သားတွေကို ဒီနည်းတွေနဲ့ ရှင်းပါတော့တယ်။
အခု အခါ ... နောက်ဆုံး သတင်းအရ KNU ကို ထိုးစစ်ဆင်ဖို့ ကြိုးစားနေပြန်ပါပြီ။ သံဃာတော် တပါး KNU လက်ချက်နဲ့ ပျံလွန်တော်မူသွားတယ်ဆိုတဲ့ သတင်းကို သတင်းစားတွေထဲ အရှက်မရှိ လိမ်လည်နေပြန်ပါတယ်။ သတင်း မှန်၊ မမှန်ကို ကျွန်တော် မသုံးသပ်လိုတော့ပါ။ အနည်းဆုံး စက်တင်ဘာမှ ပျံလွန်တော်မူသွားခဲ့တဲ့ သံဃာအရေ အတွက်နဲ့ သတင်းကို ဘာလို့ မထုတ်ပြန်ပဲ၊ အခုကျမှ ဘယ်သူမှ မသိတဲ့ နယ်စပ်က သံဃာတော် တပါး ပျံလွန်တော် မူတာကို(မှန်ချင်မှ မှန်နိုင်ပါမည်။ သူတို့ သတ်တာလဲ ဖြစ်နိုင်ပါသည်။) ရေးကြီးခွင်ကျယ် သတင်းလုပ်ရေးနေရပါသလဲ .... ။ အဖြေက ရှင်းပါသည်။ တပ်မ ၆၆ ကို KNU နှင့် စစ်သွားတိုက်ခိုင်းရန် ကြံစည်နေသောကြောင့်သာ ဖြစ်ပါတော့သည်။ သားသုံးသား ရှင်းလင်းရေးနောက်ဆက်တွဲ စစ်သား ရှင်းလင်းရေး အစီအစဉ်ဖြစ်ပါတယ်။
အခုလို လုပ်ခြင်းအားဖြင့် တချက်ခုတ် နှစ်ချက်ပြတ်ပဲ ခေါ်ခေါ်၊ ငှက်တကောင်ကို ခဲတလုံးနဲ့ ပစ်တယ်ပဲ ဆိုဆို၊ နအဖက တပြိုင်တည်း အလုပ် ၂ ခုကို လုပ်လိုက်တာပါပဲ။ စစ်သားတွေကို ရှင်းလင်းရေးအပြင် ပြည်တွင်းက ပြည်သူတွေအနေနဲ့ သူတို့ အဓမ္မလုပ်ကိုင်နေသော သာသနာ ဖျက်ဆီးရေး လုပ်ငန်းတွေကို သတိမမူမိအောင် အာရုဏ်လွှဲပြောင်းရန် တပြိုင်နက် လုပ်ဆောင်နေကြောင်း သုံးသပ်တင်ပြလိုက်ပါတယ်။
လေးစားစွာဖြင့်
ကိုထိုက်
No comments:
Post a Comment