မင်းဆက်ခိုင်(နိရဉ္စရာ)
ရခိုင်တိုင်းရင်းသား ခေါင်းဆောင်တဦးဖြစ်သူ ဦးအေးသာအောင်က အမေရိကန် နိုင်ငံခြားရေး ဌာန၊ အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေး ဝန်ကြီး မစ္စတာ ကော့ကမ်းဘဲလ်နှင့် တွေ့ဆုံစဉ် ရွေးကောက်ပွဲသည် တိုင်းပြည် ပြဿနာ အ၀၀ကို ဖြေရှင်း နိုင်မည့် အဖြေတခု မဟုတ်ကြောင်း ပြောဆိုခဲ့သည်။
နိရဉ္စရာမှ ဦးအေးသာအောင်အား မစ္စတာကမ်းဘဲလ်နှင့် တွေ့ဆုံစဉ် ဘာတွေကို ဆွေးနွေးခဲ့ပါသလဲ ဟု မေးမြန်းရာ သူက ထိုကဲ့သို့ ပြောကြားခဲ့သည်ဟု ပြောသည်။
၎င်းပြင် ဦးအေးသာအောင်က "အဓိက ရခိုင်ဒီမိုကရေစီ အဖွဲ့ချုပ်က ရွေးကောက်ပွဲ မ၀င်ဖို့ ဆုံးဖြတ်ရတဲ့ အကြောင်းကို ပြောပါတယ်။ ပီးရင် ရွေးကောက်ပွဲဟာ တိုင်းပြည် ပြဿနာ အ၀၀ကို ဖြေရှင်းနိုင်ဖို့ အဖြေ မဟုတ်တာက တကြောင်း၊ အဓိက အဖြေက နအဖ က လက်ခံသည်ဖြစ်စေ၊ မခံသည် ဖြစ်စေ လက်ရှိ နိုင်ငံရေးပြဿနာတွေကို ပြေလည်အောင် ဖြေရှင်းနိုင်ဖို့ အတွက် ဆိုရင် တွေ့ဆုံ ဆွေးနွေးရေး ၊ အမျိုးသား ပြန်လည် သင့်မြတ်ရေးကို တည်ဆောက်ဖို့လိုတဲ့ အကြောင်း၊ အဓိက တိုင်းပြည်ရဲ့ လက်ရှိ နိုင်ငံရေး အခြေအနေနဲ့ နအဖ ခေါင်းဆောင်တွေရဲ့ နိုင်ငံရေး ရပ်တည်ချက် သဘောထားကိုလည်း ပြောင်းလဲအောင် လုပ်ဖို့လိုတယ်လို့ ပြောဆိုခဲ့တယ်။ အဲသလို နိုင်ငံရေး ပြောင်းလဲအောင် လုပ်မယ်ဆိုရင် လက်ရှိ NLD အပါ အဝင် ၁၉၉၀ ရွေးကောက်ပွဲမှာ အနိုင်ရတဲ့ တိုင်းရင်းသား ပါတီ တွေက ပူးပေါင်းပြီးရင် ရွေးကောက်ပွဲ မဝင်ပဲနဲ့ ကြိုးပမ်း ဆောင်ရွက် သွားဖို့ လိုတဲ့အကြောင်း၊ အဲသလို ဆက်လက်ပြီး ကြိုးပမ်း သွားတဲ့ နေရာမှာ အမေရိကန် အစိုးရ အနေနဲ့ NLD အပါအဝင် တိုင်းရင်းသား ပါတီတွေ ရဲ့ ရပ်တည်ချက်နဲ့ လုပ်ဆောင်သွားမယ့် ကိစ္စရပ် အ၀၀အပေါ်မှာ နားလည် ပေးဖို့ ထောက်ခံပေးဖို့ လိုတဲ့အကြောင်းကို ပြောဆို ခဲ့ပါတယ်။" ဟု ပြောသည်။
အဆိုပါ တွေ့ဆုံမူကို တနင်္လာနေ့ နေ့လည် ၁၂ နာရီနှင့် ၁နာရီ အကြားတွင် အမေရိကန် သံမှူး၏ နေအိမ်တွင် ပြုလုပ်ခဲ့ခြင်း ဖြစ်သည်။
၎င်းပြင် အသစ် ပါတီများ အဖြစ် မှတ်ပုံတင်ထားသော နိုင်ငံရေး ပါတီ ၅ ပါတီမှ ခေါင်းဆောင်များလည်း မစ္စကမ်းဘဲလ်နှင့် တွေ့ဆုံခဲ့သည်ဟု သူက ပြောသည်။
"အရင်ကဆိုရင် တိုင်းရင်းသား ခေါင်းဆောင်တွေနဲ့ ပေါင်းပြီးတော့ တွေ့ဆုံ ပါတယ်။ ဒီနေ့လည်း အဲလို ထင်ခဲ့တာ အဲဒီကို ရောက်မှပဲ အခု လောလောဆယ် ပါတီထောင်ထားတဲ့ အဖွဲ့အစည်းတွေက ခေါင်းဆောင် တွေကို တွေ့ရပါတယ်။ အထူးသဖြင့် ပြည်ခိုင်ဖြိုး ပါတီ၊ ၈၈ မျိုးဆက် ကျောင်းသားများအဖွဲ့ အမည်ခံ ပါတီ၊ ချိုချိုကျော်ငြိ်မ်း စသည် အားဖြင့် နိုင်ငံရေး ပါတီထောင်ထားတဲ့ ငါးပါတီလောက်က ခေါင်းဆောင်တွေကို တွေ့ရတယ်။ အဲဒီ ပါတီက ခေါင်းဆောင်တွေနဲ့ ကျနော်က သံမှူး အပါအ၀င် မစ္စတာ ကော့ကမ်းဘဲလ် အဖွဲ့နဲ့ တွေ့ဆုံ ခဲ့ရပါတယ်။"
မစ္စတာကမ်းဘဲလ်သည် တက်ရောက်လာသော လက်ရှိ ပါတီ ခေါင်းဆောင်းများ၏ ရွှေးကောက်ပွဲနှင့် ပတ်သက်ပြီး သဘောထားများကို အဓိကထား မေးမြန်းခဲ့ကြောင်း သိရသည်။
အလားတူ မစ္စတာကမ်းဘဲလ်သည် အဆိုပါ သံမှူးအိမ်တွင် NLD ဗဟိုကော်မတီ အဖွဲ့ဝင် ၁၀ဦးနှင့် တွေ့ဆုံခဲ့ပြီး နေ့လည် ၁ နာရီခွဲ အချိန်တွင် စိမ်းလဲ့ကန်သာ ဧည့်ဂေဟာ၌ ဒေါ်အောင်ဆန်းစုကြည်နှင့်လည်း တွေ့ဆုံခဲ့သည်။
မစ္စတာ ကမ်းဘဲလ်သည် တနင်္ဂနွေနေ့က ပြည်ခိုင်ဖြိုး ပါတီမှ ပြန်ကြားရေး ၀န်ကြီး ဦးကျာ်ဆန်း၊ နိုင်ငံခြားရေး ၀န်ကြီး ဦးဉာဏ်ဝင်း၊ သိပ္ပံနှင့် နည်းပညာဝန်ကြီး ဦးသောင်းတို့ နှင့်လည်း တွေ့ဆုံခဲ့ပြီး ဖြစ်ကြောင်း သိရသည်။
ခရီးစဉ် မတိုင်မီကပင် မစ္စတာ ကမ်းဘဲလ်သည် ဒေါ်အောင်ဆန်းစုကြည်နှင့် တွေ့ခွင့်ရမှသာ မြန်မာနိုင်ငံသို့ သွားရောက်မည်ဟု ပြောဆိုခဲ့သည်။
မစ္စတာ ကမ်းဘဲလ်သည် ၂၀၀၉ ခုနှစ် နိုဝင်္ဘာလက မြန်မာနိုင်ငံသို့ ပထမဆုံး အကြိမ် လာရောက်ခဲ့သည်။
Subscribe to:
Post Comments (Atom)
No comments:
Post a Comment