ယနေ့တွင်ကျရောက်သော ၂၅၃ နှစ်မြောက် ဟံသာဝတီနေပြည်တော် ပြန်လည်အောက်မေ့ဖွယ် အခမ်းအနားနှင့်ဆုတောင်းမေတ္တာပို့သခြင်းအစီအစဉ်ကို ထိုင်းနိုင်ငံ၊ ကန်ချနပူရီခရိုင်၊ စံခလပူရီမြို့(ဝင်းကမြို့) နယ်စပ်တစ်နေရာ၌ ယနေ့နံနက်(၈)နာရီတွင် ကျင်းပခဲ့ပါသည်။
အဆိုပါအခမ်းအနားသို့ ထိုင်းနိုင်ငံရှိ စံခလပူရီမြို့နေ မွန်တိုင်းရင်းသား(၂၀၀)ခန့် တက်ရောက်သည်ကို တွေ့ရှိခဲ့ပါသည်။ | |||
အခမ်းအနားတက်ရောက်လာသူ မွန်ပြည်သစ်ပါတီ အထွေထွေအတွင်းရေးမှူးနိုင်ဟံသာ မွန်ဘာသာဖြင့် မိန့်ခွန်းတစ်ရပ်ပြောကြားရာတွင် “မွန်တို့ကြမ္မာ မွန်တို့မဖန်တီးနိုင်သရွေ့ ကိုယ်ရေမြေကိုယ့်တိုင်းပြည်မှာ မနေရဘဲ အဲဒီကနေအမြဲတမ်းဘဲ အဖိနှိပ်မှုဒဏ်တွေက လွတ်မြောက်ဖို့ထွက်ပြေးနေရမှာဘဲ” ဟု ဟလော့ဟနီရောက် မွန်ဒုက္ခသည်များ၏ အဖြစ်ကိုကိုယ်းကားပြီး ထိုသို့ပြောကြားခဲ့ပါသည်။
စစ်အစိုးရစစ်တပ်များ မွန်ပြည်သစ်ပါတီထိန်းချုပ်ရာဒေသကို ဝင်ရောက်လာမည်ကိုစိုးရိမ်သဖြင့် ဒေသခံခြောက်ရာနီးပါးခန့် ပြီးခဲ့သည့်ရက်ပိုင်းများအတွင်း ထိုင်းနယ်စပ်ရှိဟလော့ဟနီမွန်ဒုက္ခသည်စခန်းသို့ ပြောင်းရွေ့ဝင်ရောက်လာကြခြင်းဖြစ်သည်။
 |
တက်ရောက်လာကြသော လူထုပရိသာဒ်များ |
ဟံသာဝတီမွန်နေပြည်တော်သည် ကောဇာသက္ကရာဇ် ၁၁၁၉ ခုနှစ်၊ ကဆုန်လဆုတ် (၈) ရက်နေ့တွင် ဗမာပဒေသရာဇ်လက်အောက်သို့ အပြီးတိုင်ကျရောက်ခဲ့သည်ဟု သမိုင်းအထောက်အထားများတွင် ဖေါ်ပြကြသည်။
အလားတူ ဟံသာဝတီနေပြည်တော်ပြန်လည်အောက်မေ့ဖွယ်အခမ်းအနားများကို ပြည်တွင်းပြည်ပနေရာအသီးသီးတွင်လည်း နှစ်စဉ်ကျင်းပခဲ့ကြသည်။
No comments:
Post a Comment