ဥရောပတိုက်ရှိ နိုင်ငံတစ်နိုင်ငံဖြစ်တဲ့ ရိုမေးနီးယား တွင် ရောက်ရှိနေတဲ့ ကချင်ဒုက္ခသည်တစ်ဦး သန့်ရှင်းရေးလုပ်နေပုံ။
၎င်းဒုက္ခသည်များကို ရိုမေးနီးယား အစိုးရမှ ငွေကြေးဖြင့် တစ်နှစ်ထောက်ပံ့ပေးမည်ဖြစ်ပြီး ရိုမေးနီးယား နိုင်ငံသားအဖြစ် ယင်းနိုင်ငံတွင် သုံးနှစ်ကြာနေထိုင်ပြီးနောက် အသိအမှတ်ပြုသွားမည်ဖြစ်သည်။
သို့သော် “အခုသူတို့ နိုင်ငံရောက်မှ ထောက်ပံ့ကြေးကို နှစ်လဘဲထောက်ပံ့ပြီး နိုင်ငံသားကဒ်ကိုလည်း ၅ နှစ် နေထိုင်ပြီးမှ အသိမှတ်ပြုသွားမယ်လို့ပြောတယ်” ဟု ကချင်ဒုက္ခသည်စခန်းမှ ပြောရေးဆိုခွင့်ရှိသူက ပြောသည်။
ယင်းဒုက္ခသည်များက နေရာပတ်ဝန်းကျင်အသစ် နှင့် ယဉ်ကျေးမှုအသစ်ကိုရောက်ပြီး တစ်လလျှင် အိမ်လခ၊ အသက်အာမခံကြေးများပေးရတာကြောင့် အစားအသောက်အတွက် မိသားစုများက စိုးရိမ်နေကြပါတယ်လို့  သိရပါသည်။
ကချင်ဒုက္ခသည်တစ်ဦး က “ကျွန်တ်ာတို့ အတွက် အလုပ်ရှိရင်လည်း သူတို့နိုင်ငံသားတွေတောင် အရမ်းခက်နေကြတယ်” လို့ စိုးရိမ်စိတ်ဖြင့်ပြောသည်။
ယခု ရိုမေးနီးယားနိုင်ငံသို့သွားသော ကချင်ဒုက္ခသည်များသည် ပထမအဖွဲ့ဖြစ်ပြီး သူတို့ရဲ့ ဘ၀ရှေ့ရေးအတွက် စိုးရိမ်နေကြသည်။
No comments:
Post a Comment