ရွေးကောက်ပွဲတွင် ကြံ့ဖွံ့ပါတီအဖြစ်ပါဝင်ယှဉ်ပြိုင်ရာတွင် ပူတာအိုဒေသခံများအား ၎င်းပါတီအား မဲပေးရန်အတွက်စည်းရုံးရာတွင် တစ်ယောက်လျှင် ကျပ် ၅၀၀၀ ပေးဝေနေကြောင်း ဒေသခံတစ်ဦး ကချင်သတင်းဌာနသို့ ပြောသည်။
ပူတာအို ဌာနေ ရ၀ွမ်လူမျိုးများကို မြစ်ကြီးနားတွင် စစ်အစိုးရ ဆက်သွယ်ရေးဝန်ကြီး ဗိုလ်မှူးချုပ် သိန်းဇော်မှ ရွေးကောက်အတွက် စည်းရုံးနေပုံ။ ဓါတ်ပုံ - ကချင်သတင်းဌာန
စည်းရုံးမှုပြုလုပ်ခဲ့သည့်နေရာများမှာ မချမ်းဘော (ကချင်လို Machyangbaw) မြို့နယ်အတွင်းရှိ ကချင် ကျေးရွာများဖြစ်သည့် အင်ဘူဘော့၊ အင်ဝိုင်းဘော့၊ နမ်ခမ်း၊ မန့်နော် နဲ့ နမ်ဘူယန်ရွာများတွင် မေလ ၁၀ ရက်မှ စတင်၍ ၂၅ ရက်ထိ စည်းရုံးမှုပြုလုပ်ခဲ့ခြင်းဖြစ်သည်ဟု ဒေသခံများမှသိရသည်။
ဒေသခံများသည် မြန်မာစစ်အစိုးရ ကြံ့ခိုင်ရေးနှင့်ဖွံ့ရေးပါတီ၏ လှုပ်ရှားမှုများကို စိတ်ပါဝင်စားမှုမရှိသော်လည်း စည်းရုံးမှုအတိုင်း နေ့စဉ်ထိတွေ့နေရသည်ဟု ပြောသည်။
ယခုချိန် ကြံ့ဖွံ့ပါတီတစ်ခုတည်းသာလျှင် ရွေးကောက်ပွဲအတွက် လူထုစည်းရုံးရေးများ အင်တိုက်အားတိုက်ပြုလုပ်နေပြီး ကချင်ပြည်နယ်၏ အဓိက အရေးပါသည့်မြို့များတွင်လည်း CDMA လက်ကိုင်ဖုန်းနှင့် ကြိုးဖုန်းများကို လူထုအား အလွယ်တကူချပေးသည့် စနစ်ဖြင့် ရွေးကောက်ပွဲ မဲဆွယ်စည်းရုံးနေသည်။
ယခင် ပါတီစည်းရုံးရေး တွင်တွင်ကျယ်ကျယ်ပြုလုပ်ခဲ့သော ကချင်ပြည်နယ်တိုးတက်ရေးပါတီ (KSPP) သည်း တရားဝင်ပါတီမဖြစ်သေးသောကြောင့် ၂ လကျော်ကြာ စည်းရုံးရေးရပ်နားထားပြီး တရားဝင်ဖြစ်ရေးအတွက် နေပြည်တော်သို့ ဒုတိယအကြိမ်တောင်းခံခဲ့ရာ မချပေးတော့ပေ။
မြန်မာစစ်အစိုးရမှ KSPP ပါတီအား ပါတီမချပေးတဲ့ကြောင်း တရားဝင်ကြေငြာခြင်း မရှိသော်လည်း ကြံ့ဖွံ့အတွင်းရေးမှ ၎င်းသည် သေချာသည်ဟုပြောဆိုခဲ့ကြောင်း KSPP အရာရှိတစ်ဦးက ကချင်သတင်းဌာနသို့ အတည်ပြုပြောသည်။
ကြံ့ခိုင်ရေးနှင့် ဖွံ့ဖြိုးရေးပါတီတွင် ကချင်ခရစ်ယာန်ဒေသခံများ လူကြီးများနှင့် စီးပွားရေးလုပ်ကိုင်နေသူများလည်း ပါဝင်၍ ဘာသာရေးဆရာများအားဆက်လက် စည်းရုံးနေပြီး ပါတီဝင်ခေါင်းဆောင်များမှ အတင်းအဓမ္မနာမည်များထည့်ပေးနေသည်။
No comments:
Post a Comment