12/24/2007
ရခိုင်ပြည်နယ် စစ်တွေတွင်လွန်ခဲ့သော ဗုဒ္ဓဟူးနေ့က ဆန္ဒပြပွဲ ပေါ်ပေါက်မည်ဆိုသော သတင်းကြောင့် စစ်တွေမြို့၏ အရေးကြီးသော နေရာများတွင် ရဲနှင့် လုံထိန်းများအား တင်းတင်းကျပ်ကျပ် ချထားလိုက်ကြောင်း သတင်းရရှိသည်။
အမည်မဖေါ်လိုသူ တဦးက “နေရာတိုင်းမှာ ရဲနဲ့ လုံထိန်းက ပြည့်သွားတော့တာပါဘဲ။ ဆန္ဒပြပွဲတွေပေါ်ပေါက်မယ်ဆိုတော့ အာဏာပိုင်တွေလည်း အထူးစိုးရိမ်သွားပုံရပါတယ်။ ချက်ချင်းဘဲ အရေကြီးတဲ့နေရာတွေမှာ လုံခြုံရေးတွေကို တင်းကျပ်လိုက်ပါတယ်။ ” ဟု ပြောသည်။
စစ်တွေမြို့မှ အတုလမာရဇိန်ဘုရားကြီး၊ ဧစေတီကျောင်း၊ သံကျောင်း စသော ဘုန်းတော်ကြီး ကျောင်းများ အနီးတ၀ိုက်တွင် လုံခြုံရေးအား အဆိုပါနေ့က ပိုမို ထူထပ်စွာ ချလိုက်ပြီး တချို့နေရာများတွင် လုံခြုံရေးကို ခုချိန်ထိ မရုတ်သိမ်းသေးဘဲ အများအပြားဆက်လက်ချထားဆဲ ဖြစ်သည်။
ဒီဇင်္ဘာလ ၁၉ ရက် ဗုဒ္ဓဟူးနေ့က ဆန္ဒပြရန်အတွက် လူထုကို ဆော်သြသော စာများ စစ်တွေတွင် ပြန့်နှံ့နေပြီးနောက်ပိုင်း အာဏာပိုင်များက အဆိုပါနေ့တွင် လုံခြုံရေးကို အထူးတင်းကျပ်လိုက်ခြင်း ဖြစ်ကြောင်း သူက ယခုကဲ့သို့ ပြောဆိုသည်။
“အဓိကတော့ ဗိုလ်ချုပ်မှူးကြီး သန်းရွှေမိန်းခွန်းပြောနေတဲ့ပုံတွေကို ကာတွန်းရုပ်တွေ ဆွဲပြီး သရော်ထားတဲ့ ပုံတွေနဲ့ နိုင်ငံရေးအန်တုမှုစာတွေကို ရေးပြီး ဒီဇင်္ဘာ ၁၉ ရက်နေ့မှာ ဆန္ဒပြမယ်ဆိုတာကို စစ်တွေမြို့ ကုန်တန်းရပ်ကွက်နှင့် ရွှေစေတီကျောင်းရှေ့ ညောင်ပင်ကြီးနဲ့ အနီးအနား ပတ်ဝန်းကျင် လမ်းတဖက် တချက်မှာ ကပ်ထားတာကို တွေ့သွားတော့ အဟုတ်ထင်ပြီး လုံခြုံရေး တင်းကျပ်လိုက်တာပါ၊ ”
၎င်းပြင် သူက စာပါအကြောင်းအရာတွေကတော့ “ကမ္ဘာမှာ ဆာဒန်ဟူစိန်နဲ့ ဟစ်တလာ တွေထက် ရက်စက်ယုတ်မာတဲ့ နအဖ စစ်အစိုးရကို တော်လှန်ကြ၊ သာသနာကို စော်ကားပြီး ဘုန်းတော်ကြီး တွေကို သတ်ဖြတ်နေတဲ့ စစ်အစိုးရကို တော်လှန်ကြ၊ မြန်မာပြည်သူများက လက်ပိုက်ကြည့်မနေကြဘဲ ၀ိုင်းဝန်း ပြီးဆန့်ကျင် ဆန္ဒပြရန် စီစဉ်ထားတဲ့ ဒီဇင်္ဘာ ၁၉ နေ့မှာ ပူးပေါင်းပါဝင်ကြဆိုပြီး တိုက်တွန်းနှိုးဆော်ထားပါတယ်။ ” ဟု ပြောသည်။
ယခုကဲ့သို့ ရဲနှင့် လုံထိန်းများကို အဆိုပါနေ့က အရေးကြီးသောနေရာများတွင် အဖွဲ့လိုက် အဖွဲ့လိုက် တပ်ဖြန့်ချထားလိုက်ခြင်းကြောင့် အဆိုပါနေ့တွင် စစ်တွေတွင် ရုတ်ရုတ်သဲသဲ ဖြစ်သွားခဲ့ကြောင်း အမည်မဖေါ်လိုသူ ဆရာတော်တပါးကလည်းနိရဉ္စရာသို့ အတည်ပြု ပြောကြားသွားသည်။
No comments:
Post a Comment