မောင်အေး (နိရဉ္စရာ) ရခိုင်ပြည်နယ် တောင်ကုတ်မြို့နယ် အန်အယ်ဒီ တွဲဘက်အတွင်းရေးမှုး ကိုမင်းအောင်ကို လာမည့် ဒီဇင်ဘာလ ၃၀ ရက်တွင် မိသားစုနှင့် တွေ့ခွင့် ပေးမည် ဖြစ်ကြောင်း သက်ဆိုင်ရာက အကြောင်း ကြားထားကြောင်း သတင်းရရှိသည်။
ကိုမင်းအောင်ကို မြို့နယ်အာဏာပိုင်များမှ လွန်ခဲ့သည် အောင်တိုဘာ ၁၃ ရက်နေ့က ရဟန်း သံဃာတော်များအား ဆူပူအောင် လှုံဆော်သည့်ဆိုသည့် အကြောင်းပြချက်ဖြင့် ဖမ်းဆီးခဲ့ပြီးနောက်ပိုင်း ပထမဆုံး အကြိမ်အဖြစ် မိသားများစုများနှင့် တွေ့ဆုံခွင့်ရခြင်း ဖြစ်သည်။
ကိုမင်းအောင်ကို ဖမ်းဆီးပြီးချက်ချင်း သံတွဲအကျဉ်းထောင်သို့ ပို့ဆောင်လိုက်ပြီး အောက်တို ဘာ ၁၇ ရက်နေ့က ပုဒ်မ ၂၉၄ (က)၊ သင်းခွဲပုဒ်မ(၆)တို့ဖြင့် အကျဉ်းချုပ် တရားစွဲဆိုပြီး ထောင်ဒဏ် ၉-နှစ် နှင့်ခြောက်လ ချမှတ် လိုက်သည်။
နောက်ပိုင်းတွင် အယူခံဝင်ခြင်းကြောင်း ထောင်ဒဏ် ၂-နှစ်ခန့် လျော့ပေးလိုက်ကြောင်း သိရှိရသည်။
ကိုမင်းအောင်ကို ဖမ်းဆီးသွားပြီးနောက် ယခုကဲ့သို့မိသားစုနှင့်တွေ့ဆုံခွင့်ပေးမည်ဆိုသည်မှာ နှစ်လအတွင်း ခြောက်ကြိမ်မြှောက် ဖြစ်ကြောင်း သိရှိရသည်။
ကိုမင်းအောင်ကို ဖမ်းဆီးသွားကတည်းက မိသားစုနှင့် တွေ့ခွင့်ပေးမည်ဟု အာဏာပိုင်များမှ ငါးကြိမ်တိုင်တိုင်ပြောခဲ့သော်လည်း တကြိမ်တခါမှ တွေ့ဆုံခွင့် မရရှိခဲ့သဖြင့် ယခု တကြိမ်တွင်လည်း ကိုမင်းအောင်နှင့်တွေ့ခွင့်ရ မရကို တတ်အပ်သေချာ မပြောနိုင် သေးကြောင်း ကိုမင်းအောင် မိသားစုဝင် တဦးမှ ပြောသည်။
တောင်ကုတ် အဖွဲ့ချုပ် အဖွဲ့ဝင်များကို တောင်ကုတ်မြို့တွင် ပေါ်ပေါက်ခဲ့သော လူထုဆန့်ကျင် ကန့်ကွက် ဆန္ဒပြပွဲများအား နောက်ကွယ်က ကြိုးကိုင်ခဲ့သည်ဟု စစ်အာဏာပိုင်များက ယူဆထားပြီး ထိုယူဆချက်ဖြင့် အဖွဲ့ချုပ် အဖွဲ့ဝင်များအား အငြိုးထားပြီး ထောင်ထဲတွင် ပြင်းပြင်းထန်ထန် နှိပ်စက်မှုများပြုလုပ်နေကြောင်း ပြည်တွင်းမှ ပေးပို့သော သတင်းများအရ သိရှိရသည်။
Tuesday 25 December 2007
Subscribe to:
Post Comments (Atom)
No comments:
Post a Comment