တရုတ်ဝန်ကြီးချုပ် ဝမ်ကျားပေါင် (ဓာတ်ပုံ - Getty Images)
၂၀၁၀ မြန်မာ့ ရွေးကောက်ပွဲနှင့် ပတ်သက်၍ အဆောတလျင် ထောက်ခံခြင်း မပြုဘဲ အစစ်အမှန် လွတ်လပ်ခွင့်ပေးရန်၊ အားလုံး ပါဝင်နိုင်စေရန်နှင့် တရားမျှတမှု ရှိစေရန် စစ်အစိုးရကို နားချသင့်သည်ဟု ဖော်ပြထားသည်။
“တရုတ်ဟာ မြန်မာပြည်သူတွေရဲ့ ခံစားနေရတဲ့ အပေါ်မှာ စာနာထောက်ထားပြီး ပြောတာ တခါမှ မကြားဖူးဘူး။ အစိုးရချင်း သာ ဆက်ဆံပြီး ပြောတာပဲ ရှိတယ်။ တရုတ်ဝန်ကြီးချုပ် လာရောက်တဲ့ အတွက် ဘာမှသက်ရောက်မှု ရှိမယ်မထင်ဘူး။ နအဖ လုပ်ရပ်တွေကို အကောင်အထည်ပေါ်အောင် တဖက်တလမ်းက အားပေးအားမြှောက် ပြုနေတဲ့သူတွေသာ ဖြစ်တယ်”ဟု ရခိုင် တိုင်းရင်းသား ခေါင်းဆောင် တဦးဖြစ်သူ ဦးအေးသာအောင်က ပြောသည်။
တရုတ်-မြန်မာနယ်စပ် စစ်ရေးလေ့လာသူ ဦးအောင်ကျော်ဇောကမူ တရုတ်ဝန်ကြီးချုပ်က ရွေးကောက်ပွဲကိစ္စတွင် တိုက်တွန်း မည်ဟု ထင်ကြောင်း ပြောသည်။
“တရုတ် ဝန်ကြီးချုပ် လာရောက်တာ ဟာ ရွေးကောက်ပွဲမှာ အားလုံး ပါဝင်နိုင်ဖို့အတွက် နိုင်ငံတကာ အနေနဲ့ နောက်ဆုံး အကြိမ် ကြိုးပမ်းချက်တခု ဖြစ်လိမ့်မယ် ထင်တယ်”ဟု ဦးအောင်ကျော်ဇော က ပြောသည်။
တရုတ်အနေဖြင့် အချုပ်အခြာအာဏာပိုင် အိမ်နီးချင်းနိုင်ငံများ၏ ပြည်တွင်းရေးကို မစွက်ဖက်ဟု ဆိုသော်လည်း မြန်မာပြည် တွင်း လူ့အခွင့်အရေး ချိုးဖောက်မှုကြောင့် ဒုက္ခသည်များ၊ ပြည်သူ့ ကျန်းမာရေး ကိစ္စများ၊ ဥပဒေချိုးဖောက်မှုများ ပေါ်ပေါက် လာပြီး နယ်စပ်ဒေသများ မတည်မငြိမ်ဖြစ်ကာ တရုတ်၏ လုံခြုံရေးကိုထိခိုက်စေသည်ဟု ပေးစာထဲတွင် ထောက်ပြထားသည်။
မြန်မာအပေါ် သြဇာရှိသည့် နိုင်ငံကြီးတခုအနေဖြင့် မြန်မာနိုင်ငံ ပြုပြင်ပြောင်းလဲရေးတွင် ပိုမိုအရေးကြီးသည့် ကဏ္ဍမှ ပါဝင် သင့်ကြောင်း၊ တရုတ်၏ အိမ်နီးချင်းကောင်း မူဝါဒသည် မြန်မာအစိုးရနှင့် လူ့အခွင့်အရေးချိုးဖောက်မှုများကို ပွင့်ပွင့်လင်းလင်း ပြောမှု ဖြစ်သင့်ကြောင်းလည်း အကြံပြုထားသည်။
တရုတ်က မြန်မာနိုင်ငံတွင် ရင်းနှီးမြုပ်နှံထားသည့် စီးပွားရေးလုပ်ငန်းများမှာ လူ့အခွင့်အရေးချိုးဖောက်မှုများနှင့် ဆက်စပ်နေပြီး အများအားဖြင့် စစ်အစိုးရအတွက်သာ အကျိုးအမြတ် ရှိနေကြောင်း အကြံပြုစာတွင် ဝေဖန်ထားသည်။ အကြံပြုစာ၌ ရေနံနှင့် သဘာဝဓာတ်ငွေ့ ထုတ်လုပ်ရေးတွင် တရုတ်၏ ရင်းနှီးမြှုပ်နှံမှုများနှင့် ဒေသခံများအပေါ် ထိခိုက်မှုများကို ဖော်ပြထားသည်။
ပြီးခဲ့သည့် မေလ၂၉ ရက်နေ့တွင် စစ်အစိုးရ၏ အမှတ်(၁) လျှပ်စစ်စွမ်းအား ဝန်ကြီးဌာန ရေအားလျှပ်စစ် စီမံရေးဦးစီးဌာနနှင့် တရုတ် ကုမ္ပဏီကြီးတခုတို့ မော်လိုက် ရေအားလျှပ်စစ် စီမံကိန်းနှင့် ကလေးဝ ကျောက်မီးသွေးသုံး ဓာတ်အားပေးစက်ရုံ စီမံ ကိန်းများအတွက် နားလည်မှု စာချွန်လွှာများ ရေးထိုးကြသည်။
စစ်အစိုးရ၏ ဖိတ်ခေါ်မှုဖြင့် ဇွန်လ ၄ ရက်နေ့တွင် အမေရိကန် အထက်လွှတ်တော် အမတ် ဂျင်မ် ဝက်ဘ်လည်း မြန်မာပြည်သို့ လာရောက်မည်ဖြစ်သည်။ မစ္စတာ ဂျင်မ် ဝက်ဘ်က ထိုင်းနိုင်ငံ ရှပ်နီ ဆန္ဒပြ အရေးအခင်း၊ မြောက်ကိုရီးယားက တောင် ကိုရီးယား စစ်သင်္ဘောကို တော်ပီဒိုဖြင့် ပစ်ခတ်မှု စသည့် အရေးများတွင် တရုတ်နိုင်ငံသည် မည်သို့မျှ ဆောင်ရွက်နိုင်ခြင်း မရှိကြောင်း ဝေဖန်ထားသည်။
တရုတ် ဝန်ကြီးချုပ် ဝမ်ကျားပေါင်သည် မေ ၂၈ မှ ဇွန် ၃ အထိ တောင်ကိုရီးယား၊ ဂျပန်၊ မွန်ဂိုလီးယားနှင့် မြန်မာ ၄ နိုင်ငံ ခရီးစဉ်အတွင်း မြန်မာပြည်သို့ လာရောက်မည်ဖြစ်သည်။
မြန်မာနိုင်ငံသို့ နောက်ဆုံး လာရောက်လည်ပတ်ခဲ့သည့် တရုတ်အဆင့်မြင့် အရာရှိမှာ ၂၀၀၉ ဒီဇင်ဘာတွင် လာရောက်ခဲ့သည့် တရုတ် ဒုတိယသမ္မတ ရှီကျင့်ဖျင် (Xi Jinping) ဖြစ်သည်။ ရှီကျင့်ဖျင်က ဗိုလ်ချုပ်မှူးကြီး သန်းရွှေနှင့် တွေ့ဆုံစဉ် တရုတ်အနေ ဖြင့် မြန်မာနိုင်ငံကို နိုင်ငံရေး တည်ငြိမ်မှု၊ စီးပွားရေး ဖွံ့ဖြိုးမှုနှင့် အမျိုးသားရင်ကြားစေ့ရေး ဆောင်ရွက်မှုများ မြင်လိုသည်ဟု ပြောကြားခဲ့ဖူးသည်။
No comments:
Post a Comment