ဓာတ်ဆီကို ပြန်လည်ကန့်သတ် ရောင်းချ

ဓာတ်ဆီ၊ ဒီဇယ် လွတ်လပ်စွာ ရောင်းချပေးနေသည့် ပုဂ္ဂလိက ဆီဆိုင်များက ပြီးခဲ့သည့် ဇွန် (၁ဝ) ရက်မှစ၍ ဓာတ်ဆီကို ခွဲတမ်းဖြင့် တနေ့တကြိမ်သာ ရောင်းချပေးနေကြောင်း ရန်ကုန်၊ မန္တလေး၊ မော်လမြိုင်မြို့ခံများထံမှ စုံစမ်းသိရသည်။

ရန်ကုန်မြို့ ပုဂ္ဂလိက ဆီဆိုင် တာဝန်ရှိသူတဦးက “ဒီဇယ်ကို ကျနော်တို့ (၁) ဂါလန် (၂,၉ဝဝ) နဲ့ ရောင်းတယ်။ ကားထဲဆန့်သလောက် ထည့်ပေးတယ်။ ဘယ်နှကြိမ် လာထည့်ထည့် ရတယ်။ ဓာတ်ဆီကိုတော့ (၁ဝ) ဂါလန်ကျော်ရင် ကားနံပါတ် မှတ်ထားလိုက်တယ်။ အဲဒီနေ့အတွက် တကြိမ်ပဲ ရောင်းပေးတယ်။ နောက်တခေါက် လာထည့်ရင် မထည့်ပေးတော့ဘူး။ အကြောင်းကတော့ ကျနော်တို့က ဓာတ်ဆီကို အစိုးရဆီကနေ (၁) ဂါလန် ကျပ် (၂,၃၅ဝ) နဲ့ ဝယ်ရပြီး အစိုးရ သတ်မှတ်ထားတဲ့ (၁) ဂါလန် ကျပ် (၂,၅ဝဝ) နဲ့ ပြန်ရောင်းရတယ်။ အစိုးရဆီက ဓာတ်ဆီကို အကန့်အသတ်နဲ့ပဲ ရတာမို့ ဖြစ်တယ်” ဟု ရှင်းပြသည်။

စစ်အစိုးရသည် မြန်မာတနိုင်ငံလုံးရှိ လောင်စာဆီ ရောင်းချသည့် ဆိုင်များအနက် ဌာနဆိုင်ရာကားများအတွက် ရောင်းချပေးသည့် ဆိုင်အချို့နှင့် သဘာဝဓာတ်ငွေ့ ဖြန့်ဖြူးသည့် ဆိုင်အချို့ကလွဲပြီး ဆိုင်ပေါင်း (၂၄၆) ဆိုင်ကို ၎င်းတို့နှင့် နီးစပ်သည့် ပုဂ္ဂလိက ကုမ္ပဏီများထံ လွှဲပြောင်းရောင်းချပေးခဲ့သည်။

အဆိုပါဆိုင်များတွင် ဒီဇယ်ကို ပေါက်ဈေးအတိုင်း လွတ်လွတ်လပ်လပ် ရောင်းချနေကြပြီး ဓာတ်ဆီကိုမူ အစိုးရထံမှ ရယူကာ သတ်မှတ်ဈေးဖြင့် ရောင်းချနေကြကြောင်း၊ အစိုးရအနေဖြင့်လည်း ပုဂ္ဂလိက လုပ်ငန်းရှင်များကို ဓာတ်ဆီ တင်သွင်းခွင့် ပြုထားပြီး အဆိုပါဓာတ်ဆီ ပြည်တွင်းဈေးကွက်တွင်း ရောက်မလာမီ (၂) လ ဝန်းကျင်ကာလတွင် (၁) ဂါလန် ကျပ် (၂,၃၅ဝ) ဖြင့် ဖြန့်ဖြူးပေးမည်ဖြစ်ကြောင်း သိရသည်။

မန္တလေးမြို့ခံတဦးက “အခု ဆီဆိုင်တွေ ပုဂ္ဂလိကကို လွှဲလိုက်တော့မှ ဓာတ်ဆီဝယ်ဖို့ တန်းစီရတာ အချိန်အများကြီး ပိုကြာလာတယ်။ ဓာတ်ဆီဟာ ပုဂ္ဂလိကဆိုင်တွေက ရောင်းပေးတာ (၁) ဂါလန် ကျပ် (၂,၅ဝဝ)၊ အပြင်ပေါက်ဈေး ကျပ် (၂,၇ဝဝ၊ ၂,၈ဝဝ) ဆိုတော့ ဆီဆိုင်မှာ ဓာတ်ဆီ တန်းစီ လာထုတ်ပြီး အပြင်မှာ ပြန်ရောင်းစားသူက များနေတယ်။ ဒါကြောင့် ဆီဝယ်ဖို့ အချိန်အများကြီး ကုန်တယ်။ တချို့ဆိုင်တွေဆို တရက်ကို ကားတစီး (၄) ဂါလန်ပဲ ထုတ်ပေးမယ်ဆိုတဲ့ ဆိုင်းဘုတ် ထောင်ထားတာတောင် တွေ့နေရတယ်” ဟု ပြောသည်။

အစိုးရ ဓာတ်ဆီဆိုင်များတွင် ယခင်က လိုင်စင်ရှိ ဆိုင်ကယ်အများစုကိုပင် ခွဲတမ်းဖြင့် ဓာတ်ဆီ ရောင်းချပေးခြင်း မရှိခဲ့ကြောင်း၊ ယခု ပုဂ္ဂလိက ဆီဆိုင်တို့က ဆီစာအုပ်မလိုဘဲ ရောင်းချပေးသည့်အတွက် ဆိုင်ကယ် အများအပြား လာရောက် ဝယ်ယူနေကြခြင်းဖြစ်ကြောင်း မော်လမြိုင်မြို့ခံတဦးက ပြောသည်။

စစ်အစိုးရ၏ ထုတ်ပြန်ချက်အရ မြန်မာနိုင်ငံတွင် လက်ရှိ ဆိုင်ကယ်အစီးရေ (၂) သန်းနီးပါး ရှိနေပြီး ပုဂ္ဂလိက ဆီဆိုင်များ ဖွင့်လာပြီးမှာသာ ဆိုင်ကယ်များကို ယင်းသို့ ဓာတ်ဆီရောင်းချပေးသည့်အတွက် ဆိုင်ကယ်အရေအတွက်၏ ဝယ်လိုအားမှာ တရက်ကို ဂါလန် (၁) သန်းခန့် ရှိနိုင်ကြောင်း ဓာတ်ဆီဆိုင်အရောင်းစာရေးတဦးက ခန့်မှန်းသည်။

အကယ်၍ စစ်အစိုးရက ပုဂ္ဂလိက ဆီဆိုင်များကို ဓာတ်ဆီမရောင်းတော့ဘဲ ဈေးကွက်ပေါက်ဈေးအတိုင်း ရောင်းချခွင့်ပြုလိုက်ပါက ဓာတ်ဆီဈေးနှုန်းများ မြင့်တက်ပြီး အခြား သယ်ယူပို့ဆောင်စရိတ်များပါ မြင့်တက်လာနိုင်သည်ဟု ၎င်းက ပြောသည်။

အစိုးရသည် နှစ်စဉ် နိုင်ငံခြားငွေ အမြောက်အမြား အရှုံးခံပြီး လောင်စာဆီ ဖြန့်ဖြူးရေးကို လုပ်နေရခြင်းကြောင့် အိမ်စီးကား တင်သွင်းခွင့်များ ပိတ်ပင်ထားရခြင်း ဖြစ်သည်ဟု အကြောင်းပြလေ့ရှိသော်လည်း ယခု ပုဂ္ဂလိကကို လောင်စာဆီ တင်သွင်းရောင်းဝယ်ခွင့် ပေးလိုက်သည့်အတွက် အရှုံးခံ ဖြန့်ဖြူးရန် မလိုအပ်တော့သကဲ့သို့ ကားတင်သွင်းခွင့် ပိတ်ပင်ထားခြင်းကိုလည်း ရုပ်သိမ်းရန်လိုကြောင်း ပြည်တွင်းမှ စီးပွားရေးလုပ်ငန်းရှင်အချို့က သုံးသပ်ပြောဆိုသည်။