“ပို့ကုန်ရငွေ မှုဝါဒဖြေလျှော့လိုက်တာ အခွင့်အရေးတွေ အများကြီးရှိလာနိုင်တယ်။ ဒါပေမယ့် ပို့ကုန်ရငွေ ဈေးကွက်မှာ ဈေးတွေကျလာတယ်။ အထိုင် မကျသေးခင်အထိ ပို့ကုန်လုပ်ငန်းရှင်တွေ ထိခိုက်နိုင်တယ်” ဟု ပို့ကုန်သွင်းကုန် လုပ်ငန်းရှင်တဦးက ဆိုသည်။ပြည်တွင်းစီးပွားရေးနှင့် ဝန်ဆောင်မှုလုပ်ငန်းမှ ရသည့် နိုင်ငံခြားဝင်ငွေများကို ပို့ကုန်ရငွေအဖြစ် သတ်မှတ်ပေးပြီး
နိုင်ငံခြားငွေဖြင့် လစာရရှိသူများလည်း နိုင်ငံခြားငွေစာရင်းဖွင့်၍ တခြားနိုင်ငံခြားငွေစာရင်းသို့ လွတ်လပ်စွာ လွှဲပြောင်းနိုင်ကြောင်း မြန်မာနိုင်ငံတော် ဗဟိုဘဏ်၊ နိုင်ငံခြား သုံးငွေ စီမံခန့်ခွဲမှုဌာနက မေလကုန်တွင် ထုတ်ပြန်ခဲ့သည်။
တရားဝင်ရရှိသော နိုင်ငံခြားငွေနှင့် အစားထိုး နိုင်ငံခြားငွေ (အက်ဖ်အီးစီ) တွင် ၁၀ ရာခိုင်နှုန်း အခွန်ဆောင်ပြီး ၉၀ ရာခိုင်နှုန်း မှာ ပို့ကုန်ရငွေ (Export Earning) ဖြစ်၍ ယခုကဲ့သို့ ဘဏ်စာရင်းလွတ်လပ်စွာ လွှဲပြောင်းခွင့် ပြုခြင်းကြောင့် ငွေကြေး ဈေးကွက် ၌ ရှိခဲ့သော စာရင်းလွှဲပြောင်းပြီးငွေ (D-Transfer) မလိုတော့သဖြင့် လုပ်ငန်းရှင်အချို့အတွက် အဆင်ပြေနိုင် ကြောင်း စီးပွားရေးလုပ်ငန်းရှင် တဦးက ပြောသည်။
နိုင်ငံခြားငွေ သုံးစွဲမှုတွင် အမေရိကန် ဒေါ်လာ၊ ပို့ကုန်ရငွေ၊ အက်ဖ်အီးစီနှင့် D-Transfer ဟူ၍ ၄ မျိုးရှိသည်။
“ကျွန်တော်တို့ Export ပို့နေတဲ့ ပစ္စည်းတွေ ဈေးတဖြည်းဖြည်း ထိုးကျလာတယ်။ ပဲဈေးတွေလည်း တအိအိကျလာတယ်၊ တမျိုးကောင်းလာတယ် ဆိုရပေမယ့် ပို့ကုန်သမားတွေတော့ လတ်တလောမှာ ထိခိုက်နေတယ်” ဟု ဗိုလ်တထောင် မြို့နယ်ရှိ ပို့ကုန်သွင်းကုန် ကုမ္ပဏီတခုမှ မန်နေဂျာက ဆိုသည်။
အကောက်ခွန် ၀န်ကြီးဌာနနှင့် ဆက်သွယ်၍ ပို့ကုန်သွင်းကုန်လုပ်ငန်း လုပ်ကိုင်နေသူတဦးက “Export Earning ကို အရင်က ခက်ခက်ခဲခဲနဲ့ လိုက်ဝယ်ရတယ်။ Account လွှဲဖို့ကလည်း တယောက်ပဲရတော့ တော်တော်ခက်ခဲတယ်ဗျာ။ အခုလိုလုပ်တာ ကောင်းပါတယ်။ လက်ရှိမှာ ပို့ကုန်ပစ္စည်းတွေ ဈေးကျလာတော့ ကျနော်တို့ လုပ်ငန်းတွေ အရင်လောက် မပို့နိုင်ဖြစ်နေတယ်” ဟု ပြောသည်။
Export Earning ဈေးနှုန်းမြင့်နေချိန်တွင် ဆန်၊ ပဲနှင့် ရေလုပ်ငန်း ထွက်ကုန် တင်ပို့သူများ အမြတ်အစွန်းများများရပြီး Earning ဈေးနှုန်းကျဆင်းလာမှုကြောင့် အဆိုပါလုပ်ငန်းဈေးနှုန်းများ ကျလာကြောင်း ၀ါရင့်ကုန်သည်တဦးက ဆိုသည်။
နိုင်ငံခြားငွေ မှုဝါဒအပြောင်းအလဲကြောင့် သွင်းကုန်လုပ်ငန်းများ ပိုမိုအဆင်ပြေလာခြင်းနှင့် မြန်မာ ငွေကြေးတန်ဖိုး မြင့်တက်လာခြင်းများ ရှိသော်လည်း ပို့ကုန်လုပ်ငန်းရှင်များ အကျိုးအမြတ်နည်းလာနိုင်ကြောင်း ဘဏ်လုပ်ငန်း ပညာရှင် ဦးဝင့်ကျော်က ပြည်တွင်းထုတ် ဂျာနယ်တစောင်တွင် ပြောထားသည်။
စီးပွားရေးသမားတဦးက မူဝါဒ အပြောင်းအလဲ ကြေညာရခြင်းမှာ နိုင်ငံအတွင်း၌ ပုံစံအမျိုးမျိုးဖြင့် လည်ပတ်နေသော နိုင်ငံခြားငွေများသည် အစိုးရဘဏ်ထဲသို့ ရောက်မလာဘဲ မှောင်ခို ဈေးကွက်တွင်သာ ရှိနေသောကြောင့် ဖြစ်သည်ဟု ပြောသည်။
အခြားလုပ်ငန်းရှင် တဦးကမူ စစ်အစိုးရထုတ်ပြန်သော ညွှန်ကြားချက်နှင့် လုပ်ထုံးလုပ်နည်းများသည် ပြည်သူလူထုထက် အာဏာရှိသူများ၊ ယင်းတို့နှင့် ဆက်နွှယ်သော စီးပွားရေးသမားများအတွက်သာ အကျိုးများလေ့ရှိသဖြင့် စောင့်ကြည့်ရန် လိုမည်ဟု ဆိုသည်။
ငွေစာရင်း လွတ်လပ်စွာ လွှဲပြောင်းနိုင်ကြောင်း ကြေညာချက် ထွက်ပေါ်ပြီးနောက် Exporting Earning လွှဲပြောင်းမှုနှုန်း ဈေးကျသွားကြောင်းသိရသည်။
ပြည်တွင်းကုမ္ပဏီတခုက စစ်အစိုးရနှင့် နီးစပ်သည့် စီးပွားရေးလုပ်ငန်းရှင်ကြီးတဦးသို့ စာရင်းပြောင်းရငွေ ဒေါ်လာ ၂၁ သန်းကျော်ကို ဇွန်လအစောပိုင်းတွင် ကုန်ပစ္စည်း တင်သွင်းခွင့်ရှိငွေ အဖြစ် ရောင်းချခဲ့ကြောင်း၊ ထို့ကြောင့် ဈေးနှုန်း ၁၀၇၀ မှ ၁၀၁၀ အထိ ထိုးကျခဲ့ခြင်းဖြစ်ကြောင်း စီးပွာရေး သတင်းရပ်ကွက်မှ သိရှိရသည်။
လုပ်ထုံးလုပ်နည်းကို နားလည်သော အဆိုပါ ထိပ်သီး စီးပွားရေးသမားက မူဝါဒ ဖြေလျှော့ခြင်းကို အကာအကွယ်ယူ၍ ကစားခြင်း ဖြစ်နိုင်ကြောင်း လေ့လာသူတဦးက ဆိုသည်။
မြန်မာနိုင်ငံတွင် နိုင်ငံခြား သုံးငွေကို တရားဝင် စီမံခန့်ခွဲသော ဘဏ် ၂ ခု ရှိပြီး မြန်မာ့ နိုင်ငံခြား ကုန်သွယ်မှုဘဏ်နှင့် မြန်မာ့ ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ်တို့ ဖြစ်ကြသည်။
မိုးယံနှင့်အတူ ဧရာဝတီ သတင်းထောက် ခက်ထန် ပူးပေါင်းရေးသားသည်။
No comments:
Post a Comment