Lဆိုင်းဇီ၏ စင်တင်ပွဲ အမျိုးသား ကဇာတ်ရုံတွင် ကျင်းပ

ရန်ကုန် အမျိုးသား ကဇာတ်ရုံကြီးတွင် L ဆိုင်းဇီ၏ အကောင်းဆုံး တေးများကို စုစည်းပြီး “မိုးရာသီထဲ” အမည်ရှိ စင်တင် ဖျော်ဖြေပွဲ အစီအစဉ် တင်ဆက်ခဲ့ရာ နာမည်ကြီး အဆိုတော်များစွာ ပါဝင်သီဆို ခဲ့ကြောင်း သိရသည်။

L ဆိုင်းဇီနှင့် ဇမ်နူး | ခေမီကို အကအဖွဲ့ဝင် တဦး ကပြ ဖျော်ဖြေနေစဉ်

ဇွန် ၁၉ ရက်နေ့ ညနေက ကျင်းပသည့် ယင်းဖြေဖျော်ပွဲတွင် Lဆိုင်းဇီနှင့်အတူ ဇော်ပိုင်၊ Lလွန်းဝါ၊ Rဇာနည်၊ အဲလက်စ်၊ နောနော်၊ အနဂ္ဂ၊ ဟဲလေး၊ ရဲလေး၊ မျိုးမျိုး၊ဇင်မင်းခန့်၊ သားကြီး၊ Jenny၊ သံသာဝင်း၊ ချစ်သုဝေ၊ ငယ်ငယ်၊ ဇမ်နူး၊ Nကိုင်ရာ စသည့် တေးသံရင်များ သီဆို ဖျော်ဖြေခဲ့ကြပြီး K မီကို၏ အကအဖွဲ့လည်း ပူးပေါင်း တင်ဆက်ခဲ့သည်။

တေးဂီတကို The Threes အဖွဲ့က တီးခတ်ကြသည်။

ပွဲစဉ် တခုလုံးတွင် စီစဉ်တင်ဆက်သူ အဖြစ် တင်မိုးလွင်က ဆောင်ရွက်ခဲ့သည်။ L ဆိုင်းဇီ က သူ၏ အကောင်းဆုံး တေးသီချင်း များကို ပရိသတ်အကြိုက် သီဆိုပေးကာ သူနှင့်အတူ ပါဝင်ဖျော်ဖြေသော တေးသံရှင်များကလည်း ဂုဏ်ပြုလက်ဆောင် တေးသီချင်းများနှင့် တင်ဆက်ခဲ့သည်။

L ဆိုင်းဇီ၏ စင်တင်ပွဲကို ရုပ်ရှင်၊ ဂီတနယ်ပယ်မှ နာမည်ကြီး အနုပညာရှင်များ၊ ဖိတ်ကြားထားသော ဧည့်သည်များနှင့် သူ၏ ပရိသတ်များ စည်ကားစွာ တက်ရောက်ခဲ့ကြသည်။
ဧရာဝတီသတင်းထောက် သျှင်ဒီစံမှ ရေးသားသည်။