မိုးအဆက် မပြတ်ရွာသွန်းပြီး မြေပြိုကျမူကြောင့် ဘူးသီးတောင်မြို့တွင် တည်ရှိသော အလိုတော်ပြည့် ဘုန်းတော်ကြီးကျောင်းရှိ အဆောက်အဦး အများအပြားမှာ ပျက်စီးသွားကြောင်း သတင်း ရရှိသည်။
ကိုယ်တိုင်သွားရောက်ကြည့်ရှု့ခဲ့သူ တဦးက “ ကျောင်းတိုက်အတွင်းမှာရှိတဲ့ စေတီရင်ပြင်တော်မှာ ခင်းထားတဲ့ ကြွေပြားတွေ အကုန်လုံး မြေပြိုပြီး တောင်အောက်ကို ရောက်သွားတာကို တွေ့ရပါတယ်။ တခြား ဆွမ်းချက်ဆောင်၊ ယောဂီတွေ ဆွမ်းစားဆောင်၊ မီးစက်ထားတဲ့ရုံ အကုန်လုံး ပျက်စီး သွားခဲ့ပါတယ်” ဟု ပြောသည်။
ကျောင်းတိုက်အတွင်း မြေပြိုမူကြောင့် အနောက်ဘက် အဆောင်များမှ သံဃာတော်များနှင့် ယောဂီများကို ဘေးလွှတ်ရာသို့ ပြောင်းရွှေ့ထားရကြောင်း သူက ပြောသည်။
“ ထိခိုက် ဒဏ်ရာ ရရှိမူတော့ မရှိပါဘူး။ အဆောက်အဦးတွေ တော်တော်များ ပျက်စီးတာကလွဲပြီးပေ့ါနော်။ အခု ရဟန်းတော်တွေ ယောဂီတွေကို အရှေ့ဘက် ကျောင်းဆောင်ကို ပြောင်းထားတာကို တွေ့ရပါတယ်။ တောင်က သဲတောင်ဆိုတော့ အချိန်မရွှေး မိုးကြီးရင် ပြိုကျနိုင်ပါတယ်” ဟု သူက ဆက်ပြောသည်။
တခြား ကျောင်းဂေါပက တဦးကလည်း “ အပျက်အစီးကတော်တော်များပါတယ်။ ကျပ်သိန်း ရာကျော်ချီပြီး ပျက်စီး ဆုံးရှုံးမူ ရှိပါတယ်။ အဆောက်အဦး တော်တော်များက မြေအောက်ကို ရောက်နေပါတယ်။ ပြန်လည် ပြုပြင်ဖို့ အချိန် အများကြီး လိုမယ် ထင်ပါတယ်” ဟု ပြောသည်။
အလိုတော်ပြည့်ကျောင်း အပျက်အစီး သတင်းကြောင့် ဘူးသီးတောင်မြို့ခံများမှ လာရောက်ပြီး အပျက်အစီးများကို ရွှေ့ပြောင်း မူစသည့် အကူအညီများကို ပေးနေကြောင်း သိရသည်။
တခြား ဘုန်းတော်ကြီးကျောင်းများတွင်လည်း မြေပြိုမူများ ဖြစ်ခဲ့သော်လည်း အလိုတော်ပြည့် ကျောင်းကဲ့သို့ အပျက်အစီး မများကြောင်း သိရသည်။
Saturday 19 June 2010
Subscribe to:
Post Comments (Atom)
No comments:
Post a Comment