ရန်ကုန်မြို့၊ ကမ်းနားလမ်း တစ်လျှောက်ရှိ ဗိုလ်တစ်ထောင် သန်လျက်စွန်း မှ ကြည့်မြင်တိုင် ဟုမ်းလမ်း မှတ်တိုင် အနီးရှိ MEC သိုလှောင်ရုံ အထိ မြစ်ကမ်းဘက် အခြမ်းကို ၄၈ ပေ အကျယ် ရှိပြီး တန် ၁၀၀ ခံ နိုင်သော ကွန်ကရစ် လမ်းမ အသစ် အား အေးရှားဝေါလ် ကုမ္ပဏီသို့ ဖောက်လုပ်ခွင့် ပေးလိုက်ပြီ ဖြစ်ကြောင်း သိရသည်။ ရန်ကုန်မြို့၊ ကမ်းနားလမ်း မရှိ ကြည့်မြင်တိုင်၊ အလုံ၊ ဗိုလ်တစ်ထောင်၊ ဆိပ်ကမ်း မြို့နယ် များသို့ ဖြတ်သန်း သွားလာမည့် ကမ်းနားလမ်း သစ် လမ်းတစ်လျှောက်ရှိ ချောင်းကူး တံတားများကို သတ်မှတ် ထားသည့် စံချိန် စံညွှန်း များနှင့် အညီ ဆောက်လုပ်မည့် ပုံစံများ ရေးဆွဲ ပြီးစီးပြီ ဖြစ်ကြောင်း၊ အဆိုပါ ကမ်းနား လမ်းသည် အကျယ် ၄၈ ပေ၊ ဘေး နှစ်ဖက်စီရှိ ပလက်ဖောင်း အကျယ် ၆ ပေ ရှိပြီး လက်ရှိ ကမ်းနား လမ်းမ နှင့် လမ်းသစ်ကြားတွင် လမ်းလယ်ကျွန်း အဖြစ်ပေ ၃၀ အကျယ် (အပိုင်း၎ သစ်တော လမ်းမှ အပိုင်း ၁၆ ကြာဖြူလမ်း အထိ) ဖောက်လုပ်မည် ဖြစ်ကြောင်း သိရသည်။ လမ်း၏ အူကြောင်း တစ်လျှောက်ရှိ သီရိမင်္ဂလာဈေး ချောင်း အကျယ် ၃၁ ပေ၊ သစ်တော လမ်းထိပ် ချောင်း အကျယ် ၁၀ ပေ၊ ဟာဘိ ချောင်း အကျယ် ၄၅ ပေနှင့် ရွာသစ် ချောင်း အကျယ် ပေ ၅၀ ရှိသည့် တံတားများကို ဆောက်လုပ်ရမည် ဖြစ်ကြောင်း ရန်ကုန်တိုင်း အေးချမ်းသာယာရေးနှင့် ဖွံ့ဖြိုးရေးကောင်စီနှင့် နီးစပ်သော အသိုင်းအဝိုင်းမှ သိရသည်။ယခုအခါ လမ်းသစ် ဖောက်လုပ်ရန် အတွက် တိုင်းတာ ရှင်းလင်း မှုများ စတင် နေပြီ ဖြစ်ပြီး အလံတိုင်များ စိုက်ထူ ထားသည်ကို တွေ့ရသည်ဟု ကြည့်မြင်တိုင်တွင် နေထိုင်သူ တစ်ဦးက ပြောသည်။ “ ပုဂ္ဂလိက လူနေအိမ် အဆောက် အအုံတွေ ပါတာ မတွေ့ရဘူး။ ဒီ လမ်းမ အသစ်က လမ်းလယ်ကျွန်း အပါ အဝင် ၈၄ ပေ ရှိတယ်။ လမ်း တစ်လျှောက်မှာ ရှိတဲ့ မလွတ်တဲ့ အဆောက် အအုံနဲ့ လူနေအိမ် တွေက ဌာနဆိုင်ရာ တွေပဲ တွေ့ရတယ်။ တန် ၁၀၀ ဝန်ခံ နိုင်မယ့် လမ်းဆိုတော့ ထုထည်ရော ကြံ့ခိုင်မှုပါ ကြီးမားမယ့် သဘောရှိပါတယ် ” ဟု ၄င်းက ဆိုသည်။
ကမ်းနားလမ်းသစ် ဖောက်လုပ် ရာတွင် လမ်းဧရိယာ ထဲတွင် ပါဝင်မည့် ဌာနဆိုင်ရာ လူနေအိမ် အဆောက် အအုံပေါင်း ၈၀၇ လုံးရှိပြီး၊ မြန်မာ့ ဆိပ်ကမ်း အာဏာပိုင်မှ ၅၅ လုံး၊ ပြည်တွင်း ရေကြောင်း ပို့ဆောင်ရေးမှ ၃၆ လုံး၊ စွမ်းအင် ဝန်ကြီး ဌာနမှ ၂၅ လုံး၊ နယ်စပ် စည်ပင်မှ ၃ လုံး၊ ရေတပ် တပ်ထိန်းရုံးမှ ၄ လုံး၊ သစ်တောမှ ၆၅၈ လုံး နှင့် လျှပ်စစ် ၂ မှ ၂၆ လုံး ဖြစ်ကြောင်း သိရသည်။ အသစ် တည်ဆောက် ဖောက်လုပ်မည့် လမ်းသည် ဖြတ်သန်း သွားလာမည့် ယာဉ်နှင့် ဝန် အလေးချိန် ခံနိုင်ရည်ကို တန် ၁၀၀ သတ်မှတ် ထားပြီး နေ့စဉ် ဖြတ်သန်း သွားလာမည့် ယာဉ် အစီးရေမှာ ၁၀၀၀ မှ ၁၂၀၀ ခန့်အထိ လျာထားကြောင်း၊ လက်ရှိ သွားလာ နေသည့် ကမ်းနားလမ်းမ၏ ယာဉ်နှင့် ကုန်ခံနိုင်မှု အလေးချိန်မှာ တန် ၆၀ သာ ရှိကြောင်း သိရှိရသည်။
No comments:
Post a Comment