ကချင်ပြည်နယ်၊ ဗန်းမော်မြို့အထက် ဧရာဝတီမြစ်အတွင်း ရွှေရှာသည့်လုပ်ငန်းကို မြောက်ပိုင်းတိုင်း စစ်ဌာနချုပ် က လာရောက် ဖမ်းဆီးပိတ်ပင်လိုက်သည်။
မကြာသေးမီရက်ပိုင်းက လာရောက် ဖမ်းဆီးကာ ပိတ်လိုက်သည်ဟု ဗန်းမော် ဒေသခံတဦးက ပြောသည်။
“ရွှေဖောင်တွေ (၂ဝ)လောက်ရှိမယ်။ ကျွန်းကြီးကျေးရွာတွေတဝိုက် ဧရာဝတီမြစ်ထဲမှာ ရွှေလုပ်နေတာ တွေကို မပခက ဗျူဟာမှူးရောက်လာပြီး လူတွေကို ဖမ်း၊ ပစ္စည်းတွေ သိမ်းပြီး ဒဏ်ရိုက်တယ်။ စကခ ရန်ပုံငွေလုပ်တဲ့ဟာကို ဒီက ဗျူဟာကို မဖမ်းခိုင်းဘဲ မပခက လာဖမ်းတာ။”
ဗန်းမော်အခြေစိုက် စစ်ဆင်ရေးကွပ်ကဲမှုစစ်ဌာနချုပ်(စကခ)၏ တပ်ရန်ပုံငွေအကြောင်းပြချက်ဖြင့် ဧပြီလ ကုန်ပိုင်း မှစ၍ ဧရာဝတီမြစ်အတွင်းသို့ တာပိန်မြစ်နှင့် မုန်းလွဲချောင်း စီးဝင်ရာနေရာ တလျှောက် တွင် ရွှေလုပ်ငန်းများ ထံက ငွေကြေး ကောက်ကာ ရွှေရှာခွင့်ပေးနေသည်။
စကခရန်ပုံငွေဟု ဆိုကာ ရွှေတူးစက်ကိရိယာတပ်ဆင်သည့် ရွှေဖောင်တခုလျင် ကျပ်(၁ဝ)သိန်းအား လုပ်ငန်း စဝင်ချိန်၌ အခွန်ဆောင်ရပြီး လုပ်ငန်းသိမ်းချိန်တွင် ထွက်ရှိသည့် ရွှေ၏ သုံးပုံတပုံ ထပ်မံ ပေးဆောင်ရန် သဘော တူညီချက်ဖြင့် ရွှေလုပ်ငန်းရှင်များက ဧရာဝတီမြစ်အတွင်း ရွှေရှာနေခြင်း ဖြစ်သည်။
လွန်ခဲ့သည့် ၂ဝဝ၅ ခုနှစ် အတွင်းကလည်း အဆိုပါ နေရာတွင် ရွှေများရှာဖွှေခဲ့သဖြင့် ဧရာဝတီမြစ် ရေစီး ကြောင်းပြောင်းကာ အနီးနားရှိ ကျွန်းပေါ်မှ ကျေးရွာများ ရေကြီးမှုဖြစ်ပြီး ရေတိုက်စား ခံရသည့်အတွက် ဒေသခံ လူထုက သက်ဆိုင်ရာသို့ စာရေးတိုင်ကြားခဲ့သဖြင့် ရွှေတူးလုပ်ငန်းများ ရပ်နားထားခဲ့ရသေးသည်။
Tuesday 29 June 2010
Subscribe to:
Post Comments (Atom)
No comments:
Post a Comment