Wednesday 30 June 2010
ပုဂ္ဂလိက စက်သုံး ဆီဆိုင်များ အာမခံ ထားရှိနိုင်
စွမ်းအင် ဝန်ကြီးဌာန၊ မြန်မာ့ ရေနံ နှင့် သဘာဝ ဓာတ်ငွေ့ လုပ်ငန်း လက်အောက်ရှိ နိုင်ငံပိုင် စက်သုံးဆီ ဆိုင်များအား ဇွန် ၁၀ ရက်မှ စတင်ကာ ပုဂ္ဂလိက လုပ်ငန်း ရှင်များ သို့ လွှဲပြောင်း လုပ်ကိုင် ခွင့်ပြု ခဲ့သော ပုဂ္ဂလိက စက်သုံးဆီ ဆိုင်များသည် မီး အာမခံ နှင့် တခြား တွဲဖက် အန္တရာယ်များ အတွက် အာမခံ ထားရှိ နိုင်ကြောင်း မြန်မာ့ အာမခံ လုပ်ငန်း အထွေထွေ မန်နေဂျာ ဒေါက်တာ မောင်မောင်သိမ်းက ဆိုသည်။ အာမခံ ထားတယ် ဆိုတာ မဖြစ်ဘူး။ ဖြစ်ခဲ့သည် ရှိသော်ဆိုတဲ့ စကားလိုပါပဲ။ ဒါ့အပြင် ဓာတ်ဆီ ဆိုင်တွေ အာမခံ ထားမယ် ဆိုရင် အာမခံ ထားမယ့် ပစ္စည်း တွေကို အာမခံ လုပ်ငန်းက တာဝန် ရှိသူတွေ သွားရောက် စစ်ဆေးမယ်။ ဒီ စစ်ဆေး မှုကြောင့် ဆုံးရှုံး ပျက်စီး နိုင်မယ့် အရာတွေကို စီမံ ခန့်ခွဲဖို့ အထောက် အကူ ဖြစ်စေတယ်။ အာမခံ ထားတယ် ဆိုတာ ဆုံးရှုံး ပျက်စီးမှု ဖြစ်လာ ခဲ့ရင် ဘယ်လို ပြန် တည်ထောင် မလဲ ဆိုတာကို တစ်ဖက်က ကြိုတင် ဆောင်ရွက် ထားတာ ဖြစ်တယ်ဟု ၄င်းက ပြောကြားသည်။ ယင်းစက်သုံး ဆီဆိုင် အာမခံတွင် ဆိုင်ကို အာမခံ ထားခြင်း၊ ဆိုင် နှင့် ဆိုင်တွင်းရှိ ပစ္စည်းများ အာမခံထားခြင်း၊ ဆိုင်တွင် ရောင်းချမည့် လောင်စာဆီ များကို အာမခံထားခြင်း၊ စသည့် အာမခံ အမျိုးမျိုး ရှိရာ မိမိ ကြိုက်နှစ်သက် သည့် အာမခံကို ထားရှိ နိုင်သည်။ ဒါ့အပြင် ဆိုင်ရှိ ဝန်ထမ်းများ အတွက် အသက် အာမခံ ထားရှိနိုင်ပြီး စက်သုံးဆီဆိုင် အတွက် အာမခံ ပရီမီယံ ကြေးမှာ ဆိုင်တွင်းရှိ လောင်ကျွမ်းစေသော ပစ္စည်း ပမာဏပေါ် မူတည်၍ ထားရှိရသည် ဖြစ်ကြောင်း ၄င်းက ဆက်လက် ပြောပြကြောင်း သတင်း ရရှိပါသည်။
Subscribe to:
Post Comments (Atom)
No comments:
Post a Comment