Pages

Subscribe

Thursday 8 July 2010

ရန်ကုန်တိုင်း အတွင်းရှိ လယ်သမားများ အတိုးနည်း ချေးငွေ လိုအပ်လျက်ရှိ

မိုးရာသီ ရောက်ရှိ လာပြီ ဖြစ်၍ ရန်ကုန်တိုင်း အတွင်းရှိ လယ်ယာ လုပ်ငန်းခွင် ဝင်လျက် ရှိကြသော လယ်သမား အချို့သည် အတိုးနှုန်း သက်သာ သော ချေးငွေများ လိုအပ်လျက် ရှိကြောင်း လှည်းကူး မြို့နယ်ရှိ လယ်သမား အသိုင်း အဝိုင်းက ဆိုသည်။ ယခု နှစ်တွင် လှည်းကူး မြို့နယ် အတွင်းရှိ လယ်ယာ လုပ်ကိုင် သူများဟာ မြန်မာ့ လယ်ယာ ဖွံ့ဖြိုးရေး ဘဏ်မှ တစ်ရာလျှင် ငါးမတ် အတိုး နှုန်းဖြင့် ချေးငွေများ ထုတ်ချေး ခဲ့ကြောင်း၊ လယ်တစ် ဧကလျှင် နှစ်သောင်း နှုန်းဖြင့် လယ်သုံး ဧက နှင့် အထက် ပိုင်ဆိုင်သူ များက ထုတ်ချေး ပေးခြင်း ဖြစ်ကြောင်း သို့သော် လယ်လုပ်ငန်း လုပ်ကိုင်ရာ တွင် ကုန်ကျ စရိတ် ကြီးမား သဖြင့် အခြား မှ အတိုးနှုန်း ပိုမို များပြား စွာဖြင့် ငွေချေး နေရသည်။ အတိုးနှုန်း သက်သာသည့် ချေးငွေများ ပိုမို လိုအပ် ကြောင်း လှည်းကူးမြို့နယ် တံခွန်တိုင် ကျေးရွာရှိ လယ်သမား တစ်ဦးက ဆိုသည်။ အခြား လယ်သမား တစ်ဦးကလည်း ကျွန်တော်တို့ ရွာမှာ ဆင်းရဲ တဲ့ လယ် သမားတွေ ရှိတယ်။ တချို့ လယ်သုံးလေး ဧကနဲ့ လုပ်နေကြ ရတာ။ စပါး တစ်ဧက စိုက်ရင် အရင်း အနှီးက တစ်သိန်းကျော် လောက်ရှိ တယ်။ ချမ်းသာတဲ့ သူတွေ အတွက်က အကြောင်း မဟုတ် ပေမယ့် မရှိတဲ့ သူကျတော့ ချေးရ ငှားရတယ်။ အခုဆို ရွာထဲမှာ ကိုယ်နဲ့ နီးစပ်တဲ့ သူတွေ ဆီက ငွေ လှည့်ပြီး လယ်လုပ် နေကြရတဲ့ သူတွေ အများကြီးပဲ။ ဘဏ်က ချေးငွေလည်း ထုတ်ရတယ်။ အခြား သူတွေဆီ ကလည်း ချေးရတယ်။ အပြင်က ချေးရင်တော့ ငါးကျပ်တိုး ၊ တစ်ဆယ်တိုး ပေးရ တယ်ဟု ပြောကြားသည်။ အဆိုပါ လှည်းကူး မြို့နယ် တံခွန်တိုင် ကျေးရွာ နှင့် ဘားလားကြီး ကျေးရွာ တို့တွင် နေထိုင်သူ အများ စုသည် လယ်သမားများ ဖြစ်ပြီး အဆိုပါ ရွာများ၏ ဝန်းကျင်တွင် လယ်ဧက ၈၀ဝ ခန့် ရှိသည်ဟု လယ်သမား တစ်ဦးက ဆိုကြောင်း True News ဂျာနယ်တွင် ဖော်ပြထားသည်။

No comments:

Post a Comment