တမျိုးသားလုံး လွတ်မြောက်ရေး တိုက်ပွဲ
ဒီနေ့မြန်မာနိူင်ငံရဲ့ အခြေအနေကို လေ့လာကြည့်လျှင် လက်ရှိအစိုးရမှာ လွန်စွာ ဘေးကျပ်နံကျပ် အနေအထားမျိုးရောက်နေသည်ကို တွေ့ရှိနိူင်သည်။
ကျွန်ူပ်တို့တိုင်းသူပြည်သားများ ညီညွတ်ကြမည်ဆို လျှင် လူသားအားလုံးတောင့်တနေသော လွတ်လပ်၍ တရားမျှတသော
ဒီမိုကရေစီနိူင်ငံအဖြစ်သို့ အလွယ်တကူ ရောက်ရှိနိူင် သလို ခေါင်းငုံ့ကာ သီးခံလိုက်မည်ဆိုလျှင်လည်း
မြန်မာနိူင်ငံပြည်သူလူထု သည် အကြီးမှားဆုံးသော ကျွန်အဖြစ်သွတ်သွင်းပွဲကြီးကို အလိုအလျှောက်လက်ခံလိုက်သည်နှင့်တူတူပင်ဖြစ်သည်။
ပြည်သူလူထု အနေနဲ့ ဘာလုပ်သင့်တယ်ဆိုတာ ကို အမြန်ဆုံး ဆုံးဖြတ်ပေးသင့်တယ်။
ဘယ်သူတွေ ဘယ်လောက်ဘဲ ဦးဆောင်တာ ကောင်းပါစေ ပြည်သူလူထု မပါတဲ့တိုက်ပွဲဆိုရင် ရှုံးဖို့ကသေချာတယ်၊
ရှုံးရင် ဘာဖြစ်မလဲ ပြည်သူတွေ သိပြီးသားပါ ။ အထူးအထွေ မရှင်းပြချင်တော့ဘူး။
မိမိတို့ ကျရာအခန်း ဂဏ္ဍကနေ တာဝန်ယူပေးကြဖို့ဘဲ လိုအပ်တယ်။ အာဏာရှင်စနစ်ဆိုး အောက် က ဘယ်အချိန်လွတ်မြောက်မှာလဲလို့
မေးရင် ပြည်သူလူထုအပေါ်မှာဘဲ မူတည်တယ်လို့ ပြန်ဖြေရမှာဘဲ၊
ပြည်သူတွေ ဆန္ဒပြင်းပြစွာ နဲ့ အာဏာရှင်စနစ်ဆိုးကို ဆန့်ကျင်ကြရင် ဘယ်အာဏာရှင်မှ ရေရှည်အာဏာကို ထိန်းသိမ်းထားလို့ မရဘူးဆိုတာ
ရာဇ၀င် သမိုင်းတွေကို ပြန်ကြည့်ရင် အထင်အရှား တွေ့ရှိရလိမ့်မယ်။
ကျွန်ူပ်တို့နိူင်ငံ၏ သမိုင်းကြောင်းကို ပြန်ကြည့်လျှင်လည်း အာဏာရှင်စနစ်ဆိုး၏ ကောက်ကျစ်ယုတ်မာ သော လုပ်ရပ်များကြောင့်
ပြည်သူလူထု ကား ပညာညဏ်အလင်းပွင့်လင်းခွင့်မရရှိကြတော့ပေ။
တက္ကသိုလ်ကျောင်းတွေ တော်တော်များများမှာ ဆိုရင်လည်း ကျောင်းသားတွေ အသိညဏ် ဖွံ့ဖြိုးစေမယ့် သင်ခန်းစာတွေကို ဖြုတ်ပြီး သူတို့စိတ်တိုင်းကျ ချယ်လှယ်နိူင်အောင်
စစ်တပ်က လူတွေကို အုပ်ချုပ်ပိုင်းမှာ တာဝန်တွေ ပေးထားကြတယ်။
စာပေစီစစ်ရေးဆိုသည့် အဖွဲ့အစည်း၏ အဓိကတာဝန်မှာလည်း ပြည်သူ့အကျိုးပြု နိူင်ငံရေးစာပေများကို မှန်ဘီလူးဖြင့်ရှာဖွေ၍ တားဆီးကာ ပြည်သူလူထုအား
အကျိုးယုတ်စေမည့် ညစ်ညမ်းစာပေများကိုမူ တရားဝင် ရေးသားခွင့်ပြုနေသည်မှာလည်း အဓိကအချက်တရပ်ဖြစ်သည်။
ထို့ထက်ပိုဆိုးသည်ကား သမိုင်းသုသေသီဟု အမည်ခံကာ မြန်မာနိူင်ငံသမိုင်းအကြောင်းဖော်ထုတ်ရေးသားနေသော အချို့သောသူများသည်
ကျွန်ူပ်တို့တိုင်းပြည်၏ကျေးဇူးရှင် ဗိုလ်ချုပ်အောင်ဆန်း အကြောင်းကို ချန်လှပ်ထားကာ သခင်အားရ ကျွန်ပါးဝစွာ ပညာရှင်အမည်ခံလျှက်
ကလောင်ကိုင်ကာ လုပ်စားလျှက်ရှိသည်ကို တွေ့ရှိခဲ့ရသည်။
ကျွန်တော်သေချာပေါက် တခုပြောရဲတယ် ဗိုလ်ချုပ်အကြောင်းမပါတဲ့ သမိုင်းစာအုပ်တွေကို ဖတ်ရတာ ဆားမပါတဲ့ ဟင်းကို စားနေ
ရသလို ပြည်သူလူထုအားလုံး ခံစားကြရမှာဘဲ။ အဲဒီလိုဘဲ ဗိုလ်ချုပ်အောင်ဆန်းမပါတဲက သမိုင်းစာအုပ် ဟာလည်း
ဘယ်တော့မှ ပြည့်စုံမှုမရှိနိူင်ဘူးဆိုတာ တော့ ယုံကြည်တယ်။
စစ်မှန်သော သမိုင်းကြောင်းများကို ရေးသားတင်ပြချင်သော စာပေပညာရှင်များ၏ စာမူများကို စစ်အစိုးရဦးစီးသော စာပေစီစစ်ရေးမှ ပယ်ရှားလျှက်ရှိနေသည်။
ယနေ့ဗိုလ်ချုပ်အောင်ဆန်းကို ဘာကြောင့်ဖျောက်ထားဖို့ ကြိုးစားနေကြသနည်း ဟု မေးရန်ရှိလာသည်။
ဗိုလ်ချုပ်အောင်ဆန်းသည် တပ်မတော်အား ထူထောင်သွားသူဖြစ်သည်။ သူတပ်မတော်သာများအား ဆိုဆုံးမခဲ့သည်များကို ယနေ့တပ်မတော်သားများ
သိရှိလာပါက အမှန်ကို သိ မြင်လာမည်ကို လက်ရှိအစိုးရမှာ လွန်စွာ စိုးရိမ်လျှက်ရှိသည်။
ဗိုလ်ချုပ်၏ တိုင်းပြည်အပေါ်ထားရှိသော စေတနာများကို ပြည်သူလူထု သိမှာကို လည်း အစိုးရသည် လွန်စွာကြောက်ရွှံ့လျှက်ရှိသည်။
ကျွန်ူပ်တို့ဗိုလ်ချုပ်ဟောကြားခဲ့သော တမျိုးသားလုံ လွတ်မြောက်ရေး ဆိုသည့်စကားကိုလက်ရှိ အစိုးရာကားအကြောက်ဆုံးပင်ဖြစ်သည်။
ခေတ်တွေဘယ်လိုပင်ပြောင်းပြောင်း ဗိုလ်ချုပ်၏ ညဏ်အမြော်အမြင်ဖြင့် ဟောပြောသွားသော မိန့်ခွန်းများမှာ ထာဝရသစ်လွင်ဆဲပင်ဖြစ်သည်။
ကျွန်ူပ်တို့သည် ဘာကြောင့်အာဏာရှင်စနစ်ဆိုးအောက်တွင်နှစ်ပေါင်းများစွာ နေခဲ့ကြရပါသနည်း ။ အဖြေကားရှင်းရှင်းလေးပင်ဖြစ်သည်။
ကျွန်ူပ်တို့တိုင်းသူပြည်သားများသည် ကျေးဇူးရှင်ကို မေ့လျော့နေကြသောကြောင့်သာ လျှင်ဖြစ်သည်။
ကျွန်ူပ်တို့အား ချထားပေးခဲ့သော တာဝန်များကို မေ့လျော့ကာ မိမိတို့ကိုယ်ကျိုးအတ္တများကို ရှေ့တန်းတင်ခဲ့ကြသောကြောင့်
အာဏာရှင်စနစ်ဆိုးကား တည်မြဲနေခြင်းပင်ဖြစ်သည်။
ဗိုလ်ချုပ် အမြဲပြောကြားခဲ့သော တမျိုးသားလုံးလွတ်မြောက်ရေးထက် မိမိလွတ်မြောက်ရေးနောက်ကို လိုက်နေသမျှတော့ တိုင်းပြည်ကား ပျက်စီးခြင်းမလှ ပျက်စီးနေအုံးမည်ပင်ဖြစ်သည်။
ဤနေရာတွင် ခေါင်းဆောင်ဆိုသော အခန်းဂဏ္ဍမှာ လွန်စွာ အရေးပါလျှက်ရှိသည်။ တမျိုးသားလုံးကို ခေါင်းဆောင်မည့်ပုဂ္ဂိုလ်သည်
တမျိုးသားလုံးလေးစားရမည့် ပုဂ္ဂိုလ်ဖြစ်သင့်သည်။
ထို့အပြင်တိုးတက်သော ညဏ်အမြင်ဖြင့် တိုင်းပြည်သာယာဝပြောစေမည့် နည်းလမ်းကောင်းများကို ကိုယ်တိုင်လက်တွေ့ကျကျ
အကောင်အထည်ဖော်ပေးနိူင်မည့်သူဖြစ်ရမည်။
ဗိုလ်ချုပ်အောင်ဆန်းသည် တိုင်းပြည်အကျိုးကို ထိရောက်စွာ ဆောင်ရွက်နိူင်ခဲ့ခြင်းမှာ မြန်မာ တမျိုးသားလုံးသာမက ပြည်ပတိုင်းပြည်များကပါ
ဗိုလ်ချုပ်အောင်ဆန်းကို လေးစားချစ်ခင်ခြင်းကြောင့်ပင်ဖြစ်သည်။
ကျွန်ူပ်တို့လက်ထက်တွင်တွင် လည်း တမျိုးသားလုံး အာဏာရှင်စနစ်မှ လွတ်မြောက်စေရေးအတွက် အထက်ပါ အရည်အချင်းများဖြင့်ပြည့်စုံသော လူထုခေါင်းဆောင်ကို အမြန်ဆုံးရွေးချယ်တင်မြှောက်သင့်လှပေသည်။
ယနေ့မြန်မာပြည်၏ နိူင်ငံရး လုပ်ငန်းများတွင်တွက်ကြွစွာ ပါဝင်ဆောင်ရွက်နေသူများ နှင့် ပြည်သူလူထု အာလုံးလေးစားလျှက်ရှိသော
နိူင်ငံခေါင်းဆောင်ကား အထူးရွေးထုတ်စရာပင် မလိုလှချေ။
မြန်မာနိူင်ငံတွင်သာ မက ကမ္ဘာနိူင်ငံအသီးသီးက ပင် လေးစားကြည်ညိုနေကြသည့် အမျိုးသားခေါင်းဆောင်ကား
ကျွန်ူပ်တို့တိုင်းပြည်တွင် ရှိနေပြီးသားပင်ဖြစ်သည်။
ထိုသူကား ကမ္ဘာ့ငြိမ်းချမ်းရေး နိူဘယ်ဆုရှင် ဗိုလ်ချုပ်အောင်ဆန်း၏ သွေးမျိုးဆက် ဒေါ်အောင်ဆန်းစုကြည် ပင်ဖြစ်သည်ကို အားလုံးသိရှိပြီးဖြစ်သည်။
ဤအချက်သည်ကား ကျွန်ူပ်တို့တိုင်းပြည်ကံကောင်းစေမည့် အချက်လေးတချက်ပင်ဖြစ်သည်။
ကျွန်ူပ်တို့သည် ထိုအချက်လေးတချက်ကို လက်ကိုင်ထား၍ တမျိုးသားလုံး လွတ်မြောက်ရေးအတွက် ဒေါ်အောင်ဆန်းစုကြည်ကို
ပြည်သူလူထု ခေါင်းဆောင်အဖြစ် တင်မြှောက်ကာ ကျွန်ူပ်တို့တိုင်းပြည် အာဏာရှင်စနစ်ဆိုးအောက်မှ အမြန်ဆုံးလွတ်မြောက်အောင် ကြိုစားကြရမည် ။
ထိုအချက်ကို အမိအရယူကာ ပြည်သူလူထုအင်အားဖြင့် ရုန်းကန်ကြလျှင် မကြာမှီ အချိန်အတောအတွင်း ကျွန်ူပ်တို့တိုင်းပြည်သည်
လွတ်လပ်၍ တရားမျှသော ဒီမိုကရေစီ နိူင်ငံသို့ အရောက်လှမ်းနိူင်မည်ဖြစ်သည်။
ထိုသို့မဟုတ်ဘဲ သူတလူငါတမင်း အတ္တနှင့်မာနကို ရှေ့တန်းတင်နေကြလျှင်တော့ တိုင်းပြည်အနာဂတ်ကား ဆက်လက်၍ အမှောင်ဖုံးနေအုံးမည်ပင်ဖြစ်သည်။
ပထမဆုံး အနေနဲ့လုပ်သင့်တာက လက်ရှိအစိုးရကို ဆန့်ကျင်နိူင်မယ့် အင်အောင်းကောင်းတဲ့ အဖွဲ့အစည်းအဖြစ်
အမျိုးသားဒီမိုကရေစီ အဖွဲ့ချုပ် ကိုိ အမြန်ဆုံးအင်အား ဖြည့် ပြန်လည် လုပ်ရှားမှု ပြုသင့်တယ်။
ရည်ရွယ်ချက် ချင်းလည်းတူ ဦးတည်ချက်ခြင်းလည် တူနေကြပါလျှက်နဲ့ သူ့အုပ်စု ၊ ငါ့ပါတီ ခွဲခြားနေကြရင်တော့
ဒီတသက် အာဏာရှင်စနစ်အောက် က ဘယ်တော့မှ မလွတ်မြောက်ဘူးမှတ်ကြပါ။
တကယ်ခေါင်းဆောင်နိူင်မယ့်သူ ၊ တိုင်းပြည်အတွက် ကိုယ်ကျိုးစွှန့် အနစ်နာခံနိူင်ခံတဲ့သူတွေ ကို ရွေးပြီး ဦးဆောင်ခိုင်းရမှာဘဲ။
ဗိုလ်ချုပ်ပြောခဲ့သလိုဘဲ လွတ်မြောက်ရေး လမ်းစဉ်ကို ဦးတည်နေတဲ့ အချိန်မှာ ပညာညဏ်သိပ်ကြီးမားတဲ့ သူတွေ
သိပ်မလိုအပ်သေးဘူး။ တကယ့်လွတ်မြောက်ရေးအတွက် ကိုယ်တိုင်ပါဝင်ဆောင်နိူင်မယ့် လူတွေ များများရှိဖို့ဘဲ လိုအပ်တယ်။
ဒီစကားပြောလို့ ပညာညဏ်ကြီးမားတဲ့သူတွေကို စော်ကားတယ်လို့ မမှတ်ကြပါနဲ့ ။ သူတို့တွေရဲ့ ပညာမာနတွေကို
ခဏမေ့ထားပြီး တမျိုးသားလုံးလွတ်မြောက်ရေးကို ကိုယ်တိုင်ပါဝင်ဆောင်ရွက်ကြမယ်ဆိုရင်တော့ အင်မတန်အားရှိစရာ
ကောင်းတာပေါ့။
အဲဒီလိုမျိုးမဟုတ်ဘဲ နေရာတကာ ငါ့ညဏ်သာ အကောင်းဆုံးဆိုပြီး တကယ်လုပ်နေတဲ့သူတွေကို နှောက်ယှက်သလို
ဖြစ်နေရင်တော့ သိပ်မဟန်ချင်ဘူး။ အဲဒါတော့ကိုယ်ဟာကို ဆုံးဖြတ်တာ ပိုကောင်းတယ်လို့ ထင်မြင်မိတာဘဲ။
ပထမဆုံးအနေနဲ့ လူထုအင်းအားကို ပြနိူင်ဖို့ အရေးကြီးတယ်။ ဒါမှသာ လက်ရှိအစိုးရဆီက ပြည်သူလူထုအတွက်တောင်းဆိုရမယ့်
နေရာမှာ အမြန်ဆုံးအကျိုးသက်ရောက်နိူင်မှာ ဖြစ်တယ်။ သူတို့ကတော့ လွယ်လွယ်နဲ့အာဏာလွှဲပြောင်းပေးအပ်မှာ မဟုတ်ဘူးဆိုတာ
ကတော့သေချာတယ်။ ဒါပေမယ့်လည်း တောင်းဆိုခြင်းကို ပထမဆုံးပြုလုပ်ရမှာဘဲ။
အလကားနေရင်း ဆန္ဒပြနေတာလည်း သိပ်တော့မကောင်းလှဘူး ။ တကယ်နစ်နာတာ က ပြည်သူလူထုဘဲ ။
တောင်းဆိုမှု လုပ်လို့ မရတော့မှ လုပ်စရာရှိတာ ဆက်လုပ်ကြမယ်။ အခုလောလောဆယ် လူထုခေါင်းဆောင် ကို မတရားချုပ်နှောင်ထားတာ
ကိုတော့ အမြန်ဆုံးလွှတ်ပေးအာင် တောင်းဆိုကြရမှာဘဲ။
ပြည်သူတွေ နိူင်ငံရေးစကား မပြောရဲ အောင် အာဏာရှင်တွေက လက်နက်ကိုင်ပြီး အကြမ်းဖက်ပြခဲ့တာတွေ ရှိခဲ့တာတော့ အမှန်ဘဲ။
ဒီမိုကရေစီ တိုက်ပွဲမှာ အသက်ပေးသွားခဲ့ကြတဲ့ပြည်သူလူထုတွေ လည်း မနည်းတော့ဘူး ။ ၀မ်းသာစရာ တစ်ခုတော့ ရှိတယ်။
လက်ရှိ အာဏာရှင်ယန္တရားထဲ က ရုန်းထွက်ချင်နေကြတဲ့ မျိုးချစ်တပ်မတော်သားတွေ အများကြီး ရှိနေသေးတယ်။
သူတို့ကလည်း ပြည်သူလူထုနဲ့ လက်တွဲပြီး ဒီမိုကရေစီ နိူင်ငံကြီးကို ချီတက်ချင်နေကြတယ် ။
အဓိက ပြည်သူလူထု သိထားရမှာ က ဒီအချိန်မှာ မြှောက်တိုင်းလည်း မမြှောက်ကြနဲ့၊ ခြောက်တိုင်းလည်း
မကြောက်ကြပါနဲ့။ နိူင်ငံတိုင်းမှာ ပြည်သူလူထု ဆိုတာ အင်အားအကြီးဆုံးဆိုတာကို စိတ်ထဲ စွဲနေအောင် မှတ်ထားကြပါ။
ပြည်သူအကျိုးပြု လုပ်ငန်းကြီးကို လုပ်မှာဖြစ်တဲ့ အတွက် အတ္တတွေကို ချိုးနှိမ်ထားဖို့တော့လိုတယ်လို့ ထင်မြင်ယူဆမိတယ်။
တကယ်တိုင်းပြည်ကို ချစ်ပါတယ်ဆိုတဲ့ သူတွေဟာ ပြည်သူအရေးဘဲ ဦးစားပေးလုပ်ဆောင်ကြမှာဘဲ လို့ ကျွန်တော်တော့
ထင်မြင်ယူဆမိပါတယ်။
ပြည်သူတွေကို ပထဆုံး စည်းရုံးတဲ့နေရာမှာ အာဏာရှင်စနစ်ရဲ့ ဆိုးဝါးယုတ်မာပုံတွေ ၊ ဒီမိုကရေစီ နိူင်ငံကြီးဖြစ်လာရင်
ပြည်သူတွေ ရရှိလာနိူင်တဲ့ အကျိုးကျေးဇူးတွေ ဒါတွေကို ပထမဆုံး ပြည်သူတွေ သိအောင် အရင်လုပ်ပေးရမယ်။
ကျွန်တော်သေချာပေါက် ပြောရဲတယ် ၊ မြန်မာပြည်သူလူထုရဲ့ ၈၀ ရာခိုင်းနှုံး ဟာ နိူင်ငံရေးရဲ့ အဓိပ္ပယ်နဲ့ ဒီမိုကရေစီရဲ့ အဓိပ္ပာယ်တွေကို ကောင်းကောင်းမသိကြသေးဘူး။
ဒါတွေကို သူတို့သိမှသာ တိုင်းပြည်ဖွံ့ဖြိုးတိုးတက်ရေးကို ထိရောက်စွာ ဆောင်ရွက်နိူင်မှာ ဖြစ်တယ်။ ပြည်သူတွေ အနေနဲ့လည်း သေချာနားလည် သဘောပေါက်စေချင်တယ် ။
နိူင်ငံရေးလုပ်နေတဲ့လူတွေ ဟာ လုပ်စရာမရှိလို့ နိူင်ငံရေးလုပ်နေကြတာ မဟုတ်ပါဘူး
ကိုယ့်တိုင်းပြည်ကြီး ပျက်စီးနေတာကို မကြည့်ရက်ကြလို့ထလုပ်နေတဲ့သူတွေ အများကြီးပါ။
ကိုယ်ကျိုးရှာ နိူင်ငံရေး သမားဆိုတာ လည်းရှိတာဘဲ။ ဒါပေမယ့် တကယ့် တမျိုးသားလုံး လွတ်မြောက်ရေးကို ကြိုးစားပမ်းစား
လုပ်နေကြတဲ့ သူတွေကို တတ်နိူင်တဲ့ဘက်က အကူအညီ ပေးကြဖို့က အရေးကြီးဆုံးဘဲ။
ကျွန်တော် အခုပြောတာကို သဘောမကျဘူးဆိုတဲ့ လူတွေ ၊ နိူင်ငံရေးကို ဗန်းပြပြီး ကိုယ်ကြိုးရှာချင်တဲ့ လူတွေက တော့ ကန့်ကွက်ကြအုံးမှာဘဲ။
နောက်အစိုးရ လက်ဝေခံ လူတန်းစား တွေကလည်း နိူင်ငံရေး ဆိုတာ ပြည်သူတွေ မလုပ်သင့်ဘူးလို့ ၀ါဒဖြန့်နေကြအုံးမှာဘဲ။
ဒါတွေကို ပြည်သူတွေ အနေနဲ့ နားမယောင်ဖို့ အဓိကလိုအပ်ပါတယ်။ အခုလုပ်နေတာတွေဟာ တမျိုးသားလုံးကောင်းစား ရေုးကို လုပ်နေတာပါ လို့ ကျွန်တော် သေချာပေါက် ရဲရဲကြီး ကို အာမခံရဲတယ်ဗျာ။
အချို့ကလည်း လာမေးကြတယ် ။ ဒီမိုကရေစီ ရရင် ချက်ချင်းဘာတွေ ပြောင်းလဲနိူင်မလဲတဲ့။
ချက်ခြင်းပြောင်းလဲနိူင်တာ တွေကတော့ အခုပြည်သူတွေ ခံစားနေရတဲ့ မတရားအနိူင်ကျင့်မှုတွေ ၊ မင်းမဲ့စရိုက်ဆန်တဲ့အုပ်ချုပ်ရေးစနစ်တွေ
ကတော့ ချက်ချင်းရပ်တန့်သွားမှာဘဲ။
ချက်ချင်းကြီးတော့ ပြည်သူတွေ စိတ်တိုင်းကျ ဘယ်သူမှ ပြောင်းလဲပေးနိူင်မှာ မဟုတ်သေးဘူး။ သေချာတာ တခုကတော့
ဒီမိုကရေစီရရင် ပြည်သူ့တွေရဲ့ အဓိက လိုအပ်ချက်တွေကို ပထမဆုံး ဖြည့်ဆည်း လုပ်ဆောင်ပေးမယ်ဆိုတာတော့ သေချာပေါက် ဂတိပေးရဲတယ် ။ တမျိုးသားလုံးလွတ်မြောက်ရေးဆိုတာ အာဏာရှင်စနစ်အောက်က လွတ်မြောက်ယုံတင် မကဘူး ။ ယခုပြည်သူတွေ ခံစားနေရတဲ့ ဒုက္ခခက်အခဲတွေ ပါ
လွတ်မြောက်အောင် ဆောင်ရွက်ပေးမှာ ဖြစ်တယ်။ ဒါကြောင့် ပြည်သူတွေ အနေနဲ့
စည်စည်းလုံးလုံး ညီညီညွှတ်ညွှတ်နဲ့ အာဏာရှင်စနစ်ဆန့်ကျင်ရေးကို အမြန်ဆုံးပူးပေါင်း ပါဝင်ဆောင်ရွက်ကြဖို့ဘဲလိုအပ်တယ်။
ဒါကြောင့် ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီ အဖွဲ့ချုပ်ကြီးကို ပြည်သူလူထုတရပ်လုံး ပါဝင်ကူညီကြပါလို့ ဒီနေရာကနေ လေးလေးနက်နက် တိုက်တွန်းလိုက်ပ်ါတယ်။
တိုင်းပြည်ကို အရမ်းချစ်တဲ့
ဗမာ့သွေး
No comments:
Post a Comment