သျှမ်းပြည်နယ်စပ်မြို့ဖြစ်သည့် တာချီလိတ်မြို့သို့ တစ်နှစ်ကျော်အတွင်း ပြောင်းရွှေ့နေထိုင်သူဦးရေ အလွန်များပြားလာ သောကြောင့် ယခင်ကထက်မြေကွက်ဈေး အဆမတန်ထိုးတက်သွားကြောင်း ကြားသိရသည်။
“လူစည်ကားတဲ့ တာလော့ရပ်၊ မကာဟိုခမ်းရပ်တွေမှာ အရင်ကမြေကွက်တစ်ကွက်ဆိုရင် ထိုင်းဘတ်ငွေ ၂ သန်းကနေ အခုဘတ် ၈ သန်းအထိတက်သွားတယ်” ဟု မြို့ခံတစ်ဦးကပြောပါသည်။
နအဖအာဏာပိုင်များနှင့် မြေကွက်ပိုင်ရှင်များပေါင်းကာ ၂၀၁၀နှစ်ဆန်းပိုင်းမှစ၍ မြေကွက်များပိုင်းပြီးရောင်းချနေကြောင်း ကို ဆန်ဆိုင်းတိုင်းရပ်ကွက်သားတစ်ဦးက ဤကဲ့သို့ပြောပါသည်။
“ဆန်ဆိုင်းတိုင်းရပ် အပိုင်း “င”မှ ကွက်သစ်မယ့်ဆိုင်ချောင်းဘေးအထိ ကျယ်ပြန့်တဲ့မြေလွတ် ၃၁ ဧကကို အကွက်ပေါင်း ၃၀၀ ဖြတ်ပြီး ရောင်းချနေတာ။ မြေကွက် 40x60၊ 60x80 က ဘတ် ၈ သိန်းကနေ ဘတ် ၅ သန်းအထိ ထိုးတက်သွားတယ်”
ယခုကဲ့သို့တာချီလိတ်မြို့ မြေလွတ်များအကွက်ပိုင်းရောင်းချမှုသည် ခယက/ဗျူဟာမှူး/တိုင်းမှူးအဆင့် အာဏာပိုင်များနှင့် စီးပွါးရေးသမားများနားလည်မှုဖြင့် ရောင်းချခြင်းဖြစ်ကြောင်း၊ ဂျူလိုင်လဆန်းပိုင်းမှစ၍ရောင်းချမှုခေတ္တရပ်ဆိုင်းထား ကြောင်း ၎င်းကဆက်လက်ပြောပါသည်။
အဆိုပါမြေကွက် ၃၀၀ ကျော်ပိုင်ဆိုင်မှုအစုရှယ်ယာများထဲတွင် ဟုန်ပန်းကုမ္ပဏီ၊ ယုဇနကုမ္ပဏီတို့လည်း ပါဝင်ကြောင်း ဒေသခံများပြောကြားချက်အရသိရှိရသည်။
ဝ တပ်ဖွဲ့အား နယ်ခြားစောင့်တပ်အသွင်ပြောင်းရန် နအဖက ဖိအားပေးလာသည့်နောက်ပိုင်း ဟုန်ပန်းကုမ္ပဏီမှ တရုတ်အချို့နှုတ်ထွက်ပြီး ကိုယ်ပိုင်မြေကွက်များ ၀ယ်ယူသူလည်းရှိသည်ဟုဆို၏။
တာချီလိတ်မြို့ မယ့်ခေါဝ်ရပ်ကွက်၊ ပါလျဲန်ရပ်ကွက်နှင့် ရွှေတိဂုံပုံတူစေတီအနောက်ဘက်တွင်လည်း မြေကွက်များ ဈေးကောင်းလျက်ရှိသည်ဟုဆို၏။
နအဖအာဏာပိုင်က အပစ်ရပ်အဖွဲ့များအား ပြည့်သူ့စစ်၊ နယ်ခြားစောင့်တပ်အသွင်ပြောင်းရန် ဖိအားပေးအကြပ်ကိုင် လာသည့်နောက်ပိုင်းမှစ၍ မိုင်းဖုန်း၊ ကျိုင်းတုံ၊ မိုင်းဆတ်၊ မိုင်းယန်းနှင့် မိုင်းလားအထူးဒေသတို့မှချမ်းသာချောင် လည်သည့်ဒေသခံများ တာချီလိတ်သို့ ပြောင်းရွှေ့လာကြခြင်းဖြစ်သည်။
Friday 9 July 2010
Subscribe to:
Post Comments (Atom)
No comments:
Post a Comment