သျှမ်းပြည်အရှေ့ပိုင်း၊ မိုင်းတုန်မြို့နယ်အတွင်းရှိ ၂၀၁၀ ရွေးကောက်ပွဲမဲထည့်ပိုင်ခွင့်ရှိသူ ဌါနဆိုင်ရာဝန်ထမ်းများ စာရင်းအား မြို့နယ်မယက က ကောက်ယူလျက်ရှိကြောင်း စုံစမ်းသိရှိရသည်။
“ဌါနဆိုင်ရာ ၀န်ထမ်းတွေ၊ ကျောင်းဆရာ/ဆရာမနဲ့ ဆရာဝန်တွေ မယကရုံးကို ဂျွန်လိုင် ၁ ရက်နေ့မှာ အစည်းအဝေး ခေါ်တယ်” ဟု ဒေသခံတစ်ဦးက ပြောကြားပါသည်။
အထွေထွေအုပ်ချုပ်ရေး၊ လူဝင်မှုကြီးကြပ်ရေး၊ ပညာရေး၊ ကျန်းမာရေး၊ စည်ပင်သaာယာ၊ သစ်တော၊ အရံမီးသတ်၊ လယ်ယာစိုက်ပျိုးရေး/ ဆည်မြောင်းစသည့်ဌါနတို့မှ ၀န်ထမ်းများဖြစ်သည်ဟုဆို၏။
မယကဥက္ကဋ္ဌ ဦးသောင်းစိန်နှင့် မြို့နယ်စာရင်းစစ်ချုပ် ဒေါ်မိကိုတို့ ဦးဆောင်၍ ဇွန် ၃၀ ရက်နေ့တွင် ဌါနအသီးသီးမှ အစိုးရ၀န်ထမ်းအားလုံး အစည်းအဝေးသွားတက်ကြရန် ဆင့်ဆိုခဲ့သည်ဟုဆို၏။
အစည်းအဝေးတွင် ရွေးကောက်ပွဲအတွက်မဲထည့်ပိုင်ခွင့်ရှိသူ အစိုးရ၀န်ထမ်းစာရင်းကောက်ယူကြောင်း၊ ရွေးကောက်ပွဲ အတွက်မဲပေးနိုင်ရန်အသင့်ပြင်ထားစေချင်ကြောင်းပြောကြားသည်ဟု အမည်မဖော်လိုသူဝန်ထမ်းတစ်ဦးက ပြောကြား ပါသည်။
“နိုင်ငံတော်အစိုးရနဲ့အတူ တိုင်းပြည်ထူထောင်ရာမှာ တဖက်တလှမ်းကနေကူညီဆောင်ရွက်နေတဲ့ပါတီကို ရွေးကောက်ပွဲမှာ မဲပေးဖို့ပြောတယ်။ ဆိုလိုချင်တာကတော့ ကြံ့ဖွတ်ပါတီကို မဲပေးဖို့အတွက်ပေါ့” ဟု ၎င်းကဆက်လက်ပြောကြားပါသည်။
ဝန်ထမ်းအားလုံးစာရင်းကောက်ယူပြီးနောက် ဂျူလိုင်လလယ်အထိ မဲထည့်ပိုင်ခွင့်ရှိသူဒေသခံပြည်သူများစာရင်း ကောက်ယူသွားမည်ဖြစ်ကြောင်း ဒေသခံများပြောကြားချက်အရ သိရှိရသည်။
မိုင်းတုန်မြို့တွင် မည်သည့်တိုင်းရင်းသားပါတီမှ လာရောက်စည်းရုံးမဲဆွယ်ခြင်းမရှိသေးဘဲ ကြံ့ဖွံ့ပါတီတစ်ခုတည်း သာစတင်စည်းရုံးမဲဆွယ်လှုပ်ရှားနေသည်ဟုဆိုသည်။
သျှမ်းသံတော်ဆင့်သတင်းထောက် မွေခေါဝ် ရေးသားသည်။
Tuesday, 6 July 2010
Subscribe to:
Post Comments (Atom)
No comments:
Post a Comment