မြစ်ဆုံရေကာတာစီမံကိန်းအထဲရှိ ကချင်ရွာများကို အဓမ္မရွှေ့ပြောင်းထားတဲ့နေရာ လုံဂါဇွပ် အစိုးရရွာသစ်။ ဓါတ်ပုံ - ကချင်သတင်းဌာန
“ချောင်းကနေ ပိုက်နဲ့စုတ်ယူလာတဲ့ ရေတိုင်ကီ ကားပုံးနဲ့ လိုက်ပေးနေတယ်၊ ရေလည်းမသန့်ဘူး၊ ရေကလည်းဝါဝါနီနီကြီး၊ အဲဒါကြောင့် အားလုံးဖျားကြတာ၊ ဗိုက်နာနေကြတယ်” ၄င်းရွာရောက်ခဲ့သည့် တန်ဖရဲဒေသခံမှပြောပြသည်။
ရွာသစ်သို့ စတင်ပြောင်းရွှေ့လာသည့် မေလတစ်လအတွင်းသာ သောက်ရေသန့် နှစ်ရက် တစ်ဗူး စနစ်ဖြင့် ပေးနေသော်လည်း ယခုအချိန်တွေ ရွှေကျင်ထားသည့် ချောင်းရေမှ သောက်သုံးရေပေးနေသည်။
ဆေးဝါးကုသမှု လုံလောက်ခြင်းမရှိသောကြောင့် ၎င်းရွာမှ ဒေသခံတစ်ချို့သည် မြစ်ကြီးနားဆေးရုံသို့သွားကာ ဆေးကုသမှုခံယူနေကြသည်။ ယင်းသို့သွားနိုင်သူများသည် ငွေကြေးအဆင်ပြေသူများသာဖြစ်ပြီး မိသားစုကြပ်တည်းသူများသည် သွားရောက်ဆေးကုသခွင့်မရှိကြကြောင်း ၎င်းဒေသခံများမှ ပြောသည်။
ဝမ်းရောဂါကြောင့် ဖျားနာနေသည့် ကလေးငယ်များသည် ကျောင်းမသွားနိုင်ကာ လူကြီးလူငယ်များသည်လည်း အလုပ်မသွားနိုင်ပဲ အခက်အခဲကြုံနေရသည်။
အစိုးရမှ ဆေးခန်း၊ ဆေးဝါးထားရှိမှု မရှိသေးသည့်အပြင် အစိုးရ ဆရာဝန်များလည်း ခန့်အပ်ထားခြင်း မရှိသည့်အတွက် ဖျားနာနေသူများကို တန်ဖရဲ၊ အူဗျစ် ရွာများရှိ ကျန်းမာရေးဝန်ထန်းများမှ သွားရောက်ကြည့်ရှုပေးနေရကြောင်း ဒေသခံများပြောပါသည်။
ယခုချိန် ယင်းရောဂါဖြစ်ပွါးမှုနှုန်း တိုးလာသော်လည်း ယခုထိ သေဆုံးမှုမရှိသေးချေ။
ရွာသစ်ပြောင်းလာသည့် အစောပိုင်းက သောက်ရေသန့်ပေးပြီး ထမင်းလည်းချက်ကျွေးပေးခဲ့သည်။
အစပိုင်းသာ လိုလေသေးမရှိ အိမ်တစ်အိမ်တွေ ၂၁ လက္မတီဗွီ၊ ဗွီစီဒီအောက်စက်များနှင့် ကျပ်ငွေ ၁ သိန်း ပေးကာ လူတစ်ယောက်ကို နှစ်လ စာအတွက် ဆန် ၇ ပြည်လည်း ပေးထားသည်။
No comments:
Post a Comment